Bosqichlar

Subyektlar

Chora-tadbirlar

Bajarish muddatlari

1-bosqich

O‘zbekiston Respublikasi hududida o‘z vakolatxonasini ochishdan manfaatdor bo‘lgan xorijiy tijorat tashkiloti

Davlat xizmatlari markazi yoki Yagona interaktiv davlat xizmatlari portali orqali:

a) vakolatxonani akkreditatsiya qilish uchun zarur hujjatlarni ilova qilgan holda ariza yuboradi;

Xohishiga ko‘ra

b) akkreditatsiya guvohnomasining amal qilish muddatini uzaytirish uchun zarur bo‘lgan hujjatlarni ilova qilgan holda ariza yuboradi.

Vakolatxonaga berilgan akkreditatsiya guvohnomasining amal qilishi muddati tugashidan bir oy avval

2-bosqich

Davlat xizmatlari markazi, YIDXP

Ariza va unga ilova qilingan hujjatlarni avtomatik ravishda akkreditatsiya qiluvchi organga yuboradi.

Real vaqt rejimida

3-bosqich

Investitsiyalar, sanoat va savdo vazirligi (akkreditatsiya qiluvchi organ)

1. Tegishli hujjatlarni qabul qiladi va ularni ko‘rib chiqadi.

2. Vakolatxonani akkreditatsiya qilish yoxud rad etish to‘g‘risida qaror qabul qiladi.

3. Vakolatxonani akkreditatsiya qilishni rad etish uchun asos bo‘lgan sabablar bartaraf etilgandan keyin xorijiy tijorat tashkiloti tomonidan hujjatlar qayta taqdim etilgan taqdirda, hujjatlarni qayta ko‘rib chiqadi.

Ariza qabul qilingan kundan boshlab besh ish kuni ichida

4-bosqich

Akkreditatsiya qiluvchi organ

1. Agar vakolatxonani akkreditatsiya qilish bo‘yicha ijobiy qaror qabul qilingan bo‘lsa, ariza beruvchini bu haqda xabardor qiladi va davlat bojini to‘lash uchun o‘z hisobvarag‘ining rekvizitlarini taqdim etadi.

2. Agar vakolatxonani akkreditatsiya qilish rad etilgan bo‘lsa, ariza beruvchiga rad etishning aniq sabablari va ko‘rsatilgan kamchiliklarni bartaraf etib hujjatlarni qayta ko‘rib chiqishga taqdim etishi uchun yetarli muddat ko‘rsatilgan holda xabar qiladi.

Qaror qabul qilingan kun real vaqt rejimida

5-bosqich

Xorijiy tijorat tashkiloti

Davlat xizmatlari ko‘rsatilganligi uchun davlat boji to‘langanligini axborot-kommunikatsiya tizimlari orqali tasdiqlaydi.

Mablag‘lar tushgan kundan boshlab bir ish kuni davomida

Akkreditatsiya qiluvchi organ

1. Davlat boji to‘langanligi axborot-kommunikatsiya tizimlari orqali tasdiqlangan taqdirda, vakolatxonani QR-kod (matrik shtrixli kod) qo‘yilgan va elektron raqamli imzo bilan tasdiqlangan akkreditatsiya guvohnomasini rasmiylashtiradi.

2. Akkreditatsiya guvohnomasi rasmiylashtirilgandan so‘ng davlat xizmatlari markazi yoki YIDXP orqali topshiradi.

Vakolatxona akkreditatsiyasi uchun to‘lov akkreditatsiya qiluvchi organ hisobvarag‘iga tushgandan keyin

1.

Hujjat nomi:

Akkreditatsiya guvohnomasi

2.

Hujjatni olish talab etiladigan faoliyat (harakatlar):

O‘zbekiston Respublikasi hududida xorijiy tijorat tashkilotlarining vakolatxonalari faoliyat yuritishi

3.

Ariza beruvchilar toifasi:

Xorijiy tijorat tashkiloti

4.

Vakolatli organ:

O‘zbekiston Respublikasi Investitsiyalar, sanoat va savdo vazirligi

5.

Hujjatni olish uchun taqdim qilinadigan hujjatlar:

I. Akkreditatsiya guvohnomasini olish uchun:

a) ariza.

Arizada quyidagilar ko‘rsatiladi*:

xorijiy tijorat tashkiloti to‘g‘risidagi ma’lumotlar (nomi, kelib chiqish mamlakati, mulkchilik shakli, tashkiliy-huquqiy shakli, ro‘yxatdan o‘tganlik guvohnomasi raqami, ta’sischilari (ishtirokchilari), manzili, ustav jamg‘armasi, aloqa ma’lumotlari, faoliyati tarixi);

xorijiy tijorat tashkiloti faoliyati to‘g‘risidagi ma’lumotlar (xodimlarining umumiy soni, faoliyat turi, mahsulot (tovar) nomenklaturasi, so‘nggi moliya yilida tovar (ish, xizmat) ayirboshlash hajmi);

xorijiy tijorat tashkiloti rahbariyati to‘g‘risidagi ma’lumotlar (F.I.O, fuqaroligi, aloqa ma’lumotlari);

mavjud shu’ba korxonalar, vakolatxonalar, filiallar to‘g‘risidagi ma’lumotlar;

hamkorlikni rivojlantirish istiqbollari, O‘zbekiston Respublikasi korxonalari va tashkilotlari bilan amaliy va boshqa turdagi aloqalar, bajarilishiga vakolatxona ko‘maklashadigan shartnomalar va bitimlar to‘g‘risidagi ma’lumotlar (agar mavjud bo‘lsa);

vakolatxonani ochish muddati;

ariza to‘ldiruvchi shaxs to‘g‘risida ma’lumotlar (F.I.O., aloqa ma’lumotlari);

b) tegishli chet davlat qonunchilik hujjatlariga muvofiq ro‘yxatdan o‘tkazilgan xorijiy tijorat tashkilotining ta’sis hujjatlari (ustav, ta’sis shartnomasi);

v) xorijiy tijorat tashkiloti joylashgan mamlakatda uning rasmiy ravishda ro‘yxatdan o‘tkazilganligini tasdiqlovchi, tegishli davlat organi tomonidan berilgan hujjat (davlat ro‘yxatidan o‘tkazilganligi to‘g‘risidagi guvohnoma yoki savdo reyestridan ko‘chirma, savdo litsenziyasi);

g) vakolatxona boshlig‘iga xorijiy tijorat tashkiloti tomonidan berilgan pasport (identifikatsiya ID-kartasi) ma’lumotlari va unga berilayotgan vakolatlar to‘liq ko‘rsatilgan ishonchnoma;

d) xorijiy tijorat tashkiloti rahbariyati tomonidan shaxsiy imzo va tashkilot muhri (agar mavjud bo‘lsa) bilan tasdiqlangan vakolatxona to‘g‘risidagi nizom.

II. Akkreditatsiya guvohnomasi muddatini uzaytirish uchun:

a) ariza.

Arizada quyidagilar ko‘rsatiladi*:

xorijiy tijorat tashkiloti to‘g‘risidagi ma’lumotlar;

xorijiy tijorat tashkiloti rahbariyati to‘g‘risidagi ma’lumotlar;

mavjud shu’ba korxonalar, vakolatxonalar, filiallar to‘g‘risidagi ma’lumotlar;

hamkorlikni rivojlantirish istiqbollari, O‘zbekiston Respublikasi korxonalari va tashkilotlari bilan amaliy va boshqa turdagi aloqalar, bajarilishiga vakolatxona ko‘maklashadigan shartnomalar va bitimlar to‘g‘risidagi ma’lumotlar (agar mavjud bo‘lsa);

vakolatxonaning akkreditatsiya muddatini uzaytirish muddati;

ariza to‘ldiruvchi shaxs to‘g‘risida ma’lumotlar (F.I.O., aloqa ma’lumotlari).

b) xorijiy tijorat tashkiloti tomonidan vakolatxona boshlig‘iga uning pasport (identifikatsiya ID-kartasi) ma’lumotlari va unga berilayotgan vakolatlar to‘liq ko‘rsatilgan ishonchnoma (akkreditatsiya qiluvchi organga ilgari taqdim etilgan ishonchnomaning muddati o‘tgan taqdirda);

v) vakolatxonaning faoliyati to‘g‘risidagi ma’lumot (pochta manzili, aloqa ma’lumotlari, vakolatxona xodimlarining pasport (identifikatsiya ID-kartasi) ma’lumotlari, xorijiy tijorat tashkilotining O‘zbekiston Respublikasidagi asosiy tashqi iqtisodiy faoliyati natijalari, xususan, investitsiyalar oqimi, imzolangan kelishuv, shartnoma, kontraktlar bo‘yicha ma’lumotlar, mahalliy hamkorlar to‘g‘risida ma’lumotlar, xayriya-homiylik tadbirlarida ishtiroki to‘g‘risida ma’lumotlar);

g) ijara shartnomasining yoki egallab turgan binoga huquqni tasdiqlovchi boshqa fuqarolik-huquqiy shartnoma nusxasi.

6.

Arizani ko‘rib chiqish uchun to‘lanadigan yig‘im miqdori:

Yig‘im undirilmaydi

7.

Hujjat berilganligi uchun undiriladigan yig‘im:

O‘zbekiston Respublikasining “Davlat boji to‘g‘risida”gi Qonuniga muvofiq davlat boji undiriladi.

8.

Arizani ko‘rib chiqish muddati:

Besh ish kuni

9.

Ruxsat etishga oid talab va shartlar:

O‘zbekiston Respublikasining qonunchilik hujjatlari bilan belgilangan tartibda hamda O‘zbekiston Respublikasining halqaro shartnomalariga muvofiq O‘zbekiston Respublikasi hududida faoliyatini amalga oshirish

10.

Hujjatni berishda kelishiladigan organlar:

Mavjud emas

11.

Hujjatning amal qilish muddati:

1 yildan 3 yilgacha

12.

Izoh:

Ushbu Pasportning 5-bandida nazarda tutilgan hujjatlar:

notarial tasdiqlangan holda davlat tilida yoki rus tilida taqdim etilishi;

xorijiy tijorat tashkiloti ro‘yxatdan o‘tkazilgan davlatdagi O‘zbekiston Respublikasining konsullik muassasasida, u mavjud bo‘lmagan taqdirda esa xorijiy tijorat tashkiloti ro‘yxatdan o‘tkazilgan davlatning tashqi ishlar organlarida, ushbu davlatning O‘zbekiston Respublikasidagi konsullik muassasasida yoki diplomatik vakolatxonasida belgilangan tartibda legallashtirilishi, keyinchalik O‘zbekiston Respublikasi Tashqi ishlar vazirligining Konsullik-huquqiy departamentida tasdiqlanishi kerak.

Agar ushbu hujjatlarga 1961-yil 5-oktabrdagi xorijiy rasmiy hujjatlarni legallashtirish talabini bekor qiluvchi Gaaga Konvensiyasiga muvofiq apostil qo‘yilgan yoxud hujjatlar O‘zbekiston Respublikasining xalqaro shartnomalariga muvofiq tuzilgan holda taqdim etilgan bo‘lsa, legallashtirish talab etilmaydi.

Agar ushbu Pasportning 5-bandida nazarda tutilgan hujjatlarning bir qismi xorijiy tijorat tashkiloti ro‘yxatdan o‘tgan davlatning qonunchilik hujjatlarida nazarda tutilmagan bo‘lsa, xorijiy tijorat tashkiloti akkreditatsiya qiluvchi organga xorijiy tijorat tashkiloti ta’sis etilgan mamlakatning Tashqi ishlar vazirligi yoxud mazkur mamlakatning O‘zbekiston Respublikasidagi diplomatik vakolatxonasining tasdiqnomasini taqdim etadi.

Ushbu Pasportning 5-bandida nazarda tutilgan hujjatlar ular berilgan yoxud tuzilgan kundan boshlab olti oy muddatdan kechiktirmasdan, akkreditatsiya qiluvchi organga taqdim etilishi lozim.

Ariza beruvchilar akkreditatsiya qiluvchi organga yuborilgan ma’lumotlarning to‘g‘riligi uchun javobgardir.