Oʻzbekiston Respublikasining “Nogironligi boʻlgan shaxslarning huquqlari toʻgʻrisida”gi Qonuni, Oʻzbekiston Respublikasi Prezidentining 2020-yil 22-sentabrdagi PF-6065-son “Oʻzbekiston Respublikasida identifikatsiya ID-kartalarni joriy etish chora-tadbirlari toʻgʻrisida”gi Farmoni va Oʻzbekiston Respublikasi Vazirlar Mahkamasining 2021-yil 12-iyundagi 366-son “Oʻzbekiston Respublikasi Tibbiy-ijtimoiy xizmatlarni rivojlantirish agentligi toʻgʻrisidagi nizomni tasdiqlash haqida”gi qaroriga muvofiq buyuraman:

1. Oʻzbekiston Respublikasi sogʻliqni saqlash vazirining 2015-yil 20-martdagi 25-son buyrugʻi (roʻyxat raqami 2667, 2015-yil 17-aprel) (Oʻzbekiston Respublikasi qonun hujjatlari toʻplami, 2015-yil, 15-son, 194-modda) bilan tasdiqlangan Mehnatga layoqatsizlik varaqalarini berish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 5-banddagi “tibbiy-mehnat ekspertizasi” degan soʻzlar “tibbiy-ijtimoiy ekspertiza” degan soʻzlar bilan almashtirilsin.

2. 22-bandda:

birinchi xatboshi quyidagi tahrirda bayon etilsin:

“22. Quyidagi hollarda bemor tegishli tibbiy-ijtimoiy ekspert komissiyasiga (keyinchalik matnda TIEK deb yuritiladi) yuboriladi:”;

oltinchi xatboshi quyidagi tahrirda bayon etilsin:

“Nogironlik belgilari aniq koʻrinib turgan shaxslar, shuningdek noxush klinik prognozli bemorlar yuqorida koʻrsatib oʻtilgan muddatlar oʻtmasdan turib ham tibbiy-ijtimoiy ekspert komissiyasiga yuborilishi mumkin. Ushbu shaxslarni tibbiy koʻrikdan oʻtkazishga qabul qilish toʻgʻrisidagi qaror TIEK raisi tomonidan qabul qilinadi.”.

3. 24-banddagi “TMEKga”, “TMEKda”, “TMEK” va “TMEKda” degan qisqartmalar tegishlicha “TIEKga”, “TIEKda”, “TIEK” va “TIEKda” degan qisqartmalar bilan almashtirilsin.

4. 37-banddagi “Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik agentligining hududiy va tuman (shahar) epidemiologik osoyishtalik markazlari” degan soʻzlar “Oʻzbekiston Respublikasi Sanitariya-epidemiologik osoyishtalik va jamoat salomatligi xizmatining hududiy boʻlinmalari” degan soʻzlar bilan almashtirilsin.

5. 40-banddagi “Oʻzbekiston Respublikasi Sogʻliqni saqlash vazirligi huzurida Tibbiy-ijtimoiy xizmatlar agentligining” degan soʻzlar “Oʻzbekiston Respublikasi Tibbiy-ijtimoiy xizmatlarni rivojlantirish agentligining” degan soʻzlar bilan almashtirilsin.

6. 41-banddagi “urush qatnashchilari va nogironlariga” degan soʻzlar “urush qatnashchilari va urushdan nogironligi boʻlgan shaxslarga” degan soʻzlar bilan almashtirilsin.

7. 46-bandning ikkinchi xatboshisidagi “Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik agentligining hududiy va tuman (shahar) epidemiologik osoyishtalik markazlari” degan soʻzlar “Oʻzbekiston Respublikasi Sanitariya-epidemiologik osoyishtalik va jamoat salomatligi xizmatining hududiy boʻlinmalari” degan soʻzlar bilan almashtirilsin.

8. 49-banddagi “pasport yoki shaxsni tasdiqlovchi hujjat” degan soʻzlar “pasport yoki identifikatsiya ID-kartasi” degan soʻzlar bilan almashtirilsin.

9. 1 va 2-ilovalar mazkur oʻzgartirishlarning 1 va 2-ilovalariga muvofiq tahrirda bayon etilsin.

10. Mazkur oʻzgartirishlar Oʻzbekiston Respublikasi Moliya vazirligi, Bandlik va mehnat munosabatlari vazirligi hamda Tibbiy-ijtimoiy xizmatlarni rivojlantirish agentligi bilan kelishilgan.