Ўзбекистон Республикасининг «Ногиронлиги бўлган шахсларнинг ҳуқуқлари тўғрисида»ги Қонуни, Ўзбекистон Республикаси Президентининг 2020 йил 22 сентябрдаги ПФ-6065-сон «Ўзбекистон Республикасида идентификация ID-карталарни жорий этиш чора-тадбирлари тўғрисида»ги Фармони ва Ўзбекистон Республикаси Вазирлар Маҳкамасининг 2021 йил 12 июндаги 366-сон «Ўзбекистон Республикаси Тиббий-ижтимоий хизматларни ривожлантириш агентлиги тўғрисидаги низомни тасдиқлаш ҳақида»ги қарорига мувофиқ буюраман:

1. Ўзбекистон Республикаси соғлиқни сақлаш вазирининг 2015 йил 20 мартдаги 25-сон буйруғи (рўйхат рақами 2667, 2015 йил 17 апрель) (Ўзбекистон Республикаси қонун ҳужжатлари тўплами, 2015 йил, 15-сон, 194-модда) билан тасдиқланган Меҳнатга лаёқатсизлик варақаларини бериш тартиби тўғрисидаги йўриқномага иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

1. 5-банддаги «тиббий-меҳнат экспертизаси» деган сўзлар «тиббий-ижтимоий экспертиза» деган сўзлар билан алмаштирилсин.

2. 22-бандда:

биринчи хатбоши қуйидаги таҳрирда баён этилсин:

«22. Қуйидаги ҳолларда бемор тегишли тиббий-ижтимоий эксперт комиссиясига (кейинчалик матнда ТИЭК деб юритилади) юборилади:»;

олтинчи хатбоши қуйидаги таҳрирда баён этилсин:

«Ногиронлик белгилари аниқ кўриниб турган шахслар, шунингдек нохуш клиник прогнозли беморлар юқорида кўрсатиб ўтилган муддатлар ўтмасдан туриб ҳам тиббий-ижтимоий эксперт комиссиясига юборилиши мумкин. Ушбу шахсларни тиббий кўрикдан ўтказишга қабул қилиш тўғрисидаги қарор ТИЭК раиси томонидан қабул қилинади.».

3. 24-банддаги «ТМЭКга», «ТМЭКда», «ТМЭК» ва «ТМЭКда» деган қисқартмалар тегишлича «ТИЭКга», «ТИЭКда», «ТИЭК» ва «ТИЭКда» деган қисқартмалар билан алмаштирилсин.

4. 37-банддаги «Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлигининг ҳудудий ва туман (шаҳар) эпидемиологик осойишталик марказлари» деган сўзлар «Ўзбекистон Республикаси Санитария-эпидемиологик осойишталик ва жамоат саломатлиги хизматининг ҳудудий бўлинмалари» деган сўзлар билан алмаштирилсин.

5. 40-банддаги «Ўзбекистон Республикаси Соғлиқни сақлаш вазирлиги ҳузурида Тиббий-ижтимоий хизматлар агентлигининг» деган сўзлар «Ўзбекистон Республикаси Тиббий-ижтимоий хизматларни ривожлантириш агентлигининг» деган сўзлар билан алмаштирилсин.

6. 41-банддаги «уруш қатнашчилари ва ногиронларига» деган сўзлар «уруш қатнашчилари ва урушдан ногиронлиги бўлган шахсларга» деган сўзлар билан алмаштирилсин.

7. 46-банднинг иккинчи хатбошисидаги «Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлигининг ҳудудий ва туман (шаҳар) эпидемиологик осойишталик марказлари» деган сўзлар «Ўзбекистон Республикаси Санитария-эпидемиологик осойишталик ва жамоат саломатлиги хизматининг ҳудудий бўлинмалари» деган сўзлар билан алмаштирилсин.

8. 49-банддаги «паспорт ёки шахсни тасдиқловчи ҳужжат» деган сўзлар «паспорт ёки идентификация ID-картаси» деган сўзлар билан алмаштирилсин.

9. 1 ва 2-иловалар мазкур ўзгартиришларнинг 1 ва 2-иловаларига мувофиқ таҳрирда баён этилсин.

10. Мазкур ўзгартиришлар Ўзбекистон Республикаси Молия вазирлиги, Бандлик ва меҳнат муносабатлари вазирлиги ҳамда Тиббий-ижтимоий хизматларни ривожлантириш агентлиги билан келишилган.