Oʻzbekiston Respublikasi Prezidentining “Oʻzbekiston Respublikasi matbuotini qoʻllab-quvvatlovchi jamgʻarmani tashkil etish toʻgʻrisida” 1993-yil 25-avgustdagi Farmonini bajarish maqsadida Vazirlar Mahkamasi qaror qiladi:

1. Belgilab qoʻyilsinki, taʼsis konferensiyasi Matbuotni qoʻllab-quvvatlovchi respublika jamgʻarmasining yuqori organi hisoblanadi, u Jamgʻarmaning Ustavini tasdiqlaydi, uning boshqaruvini va taftish komissiyasini saylaydi, apparat tuzilmasini va xodimlari mehnatiga haq toʻlash shartlarini belgilaydi.

Boshqaruv apparati tuzilmasi va uning xodimlari soni 1-ilovaga muvofiq maʼqullansin. Maʼlumot uchun qabul qilinsinki, boshqaruv apparati jamgʻarma mablagʻlari hisobidan taʼminlanadi.

2. Bosh muharrirlar Kengashining:

respublika gazeta va jurnallarini chiqarishning har yilgi dasturlarini taʼminlash uchun Jamgʻarma hisob raqamlarida toʻplanadigan mablagʻlarni taqsimlash tartibi toʻgʻrisidagi taklifi 2-ilovaga muvofiq;

ommaviy axborot vositalarining taʼsischilari toʻgʻrisida Vaqtinchalik nizom haqidagi taklifi 4-ilovaga muvofiq maʼqullansin.

3. Vazirlar Mahkamasining ijtimoiy masalalar, fan va madaniyat majmui (oʻrtoq Qoraboyev) 15 kun muddatda Matbuotni qoʻllab-quvvatlovchi respublika jamgʻarmasining taʼsis konferensiyasini oʻtkazsin. Tashkiliy qoʻmita tarkibi 3-ilovaga* muvofiq tasdiqlansin.

4. Jamgʻarma ishlab chiqarish, tijorat va tashqi iqtisodiy faoliyatni amalga oshirish huquqiga egadir. Jamgʻarma asosiy faoliyati boʻyicha soliqlardan, bojxona bojidan va davlat budjetiga oʻtkaziladigan boshqa yigʻimlapdan ozod qilinsin.

5. Oʻzbekiston Respublikasi Adliya vazirligi Oʻzbekiston Respublikasi matbuotini qoʻllab-quvvatlovchi jamgʻapmani belgilangan tartibda roʻyxatga olsin.

6. Toshkent shahar hokimligi Oʻzbekiston Respublikasi matbuotini qoʻllab-quvvatlovchi jamgʻarmani joylashtirish uchun bir oy muddatda bino ajratsin.

7. “Oʻzshartnomasavdo” respublikaning ixtisoslashtirilgan savdo-taʼminot tashkilotlari 1993-yilning IV choragida Jamgʻarma talabnomalari boʻyicha asbob-anjomlar, mebellar va boshqa texnika vositalari ajratishni nazarda tutsinlar.

8. “Toshshaharyoʻlovchitrans” davlat uyushmasi Jamgʻarma boshqaruvini shartnoma asosida xizmat avtotransporti bilan, Oʻzbekiston Respublikasi Aloqa vazirligi esa shahar va hukumat aloqasi bilan taʼminlasin.

9. Oʻzbekiston Respublikasi vazirliklari, davlat qoʻmitalari, konsernlari, korxonalari, xoʻjaliklari va tashkilotlari Oʻzbekiston Respublikasi matbuotini qoʻllab-quvvatlovchi jamgʻarma faoliyatiga moliyaviy va moddiy-texnikaviy yordam koʻrsatsinlar.

10. “Oʻzsanoatkurilishbank” vazirliklar, idoralar, korxonalar, muassasalar va tashkilotlarning, shuningdek Oʻzbekiston Respublikasi fuqarolarining homiylik badallarini oʻtkazish uchun Matbuotni qoʻllab-quvvatlovchi jamgʻapmaning maxsus hisob raqamini ochsin.

11. Moliya vazirligi (oʻrtoq Boqiboyev) Vazirlar Mahkamasining zaxira jamgʻarmasidan Jamgʻarma hisobiga 1 mlrd soʻm miqdorida mablagʻ oʻtkazsin, shu jumladan 1993-yilning ΙV choragi boshigacha muharririyatlarga mablagʻlar ajratishni taʼminlasin.

12. Qoraqalpogʻiston Respublikasi Vazirlar Kengashi 1993-yilda Qoraqalpogʻiston Respublikasida nashr qilinadigan gazeta va jurnallarni chiqarish bilan bogʻliq masalalarni hal etsin.

13. Toshkent shahar, viloyatlar, tumanlar va shaharlar hokimliklari oʻzlarining tasarrufida boʻlgan gazeta va jurnallarning samarali faoliyat koʻrsatishini taʼminlasinlar.

14. Matbuotni qoʻllab-quvvatlovchi jamgʻarma Davlat matbuot qoʻmitasi, Jurnalistlar uyushmasi, bosh-muharrirlar Kengashi hamda manfaatdor vazirliklar va idoralar bilan birgalikda 1994-yilda va undan keyingi yillarda Oʻzbekiston Respublikasida nashr etiladigan gazeta va jurnallar tuzilmasini takomillashtirishga doir takliflarni bir oy muddatda tayyorlasin va koʻrib chiqish uchun Vazirlar Mahkamasiga kiritsin.

15. “Oʻzshartnomasavdo” uyushmasi (oʻrtoq Sharipov), Davlat matbuot qoʻmitasi (oʻrtoq R. Shogʻylomov), “Sharq” nashriyot-matbaa konserni (oʻrtoq I. Shogʻylomov) davlat budjetida hamda Jamgʻarma budjetida boʻlgan gazeta va jurnallarning tahririyatlarni shartnoma asosida qogʻoz va boshqa matbaachilik materiallari bilan taʼminlasinlar.

16. Oʻzbekiston Respublikasi Markaziy banki (oʻrtoq Mullajonov)ga Rossiyadan (Rossiya Federatsiyasi tomonidan ajratilgan texnik kreditlar hisobiga), shuningdek boshqa davlatlardan qogʻozlar va boshqa matbaachilik materiallari sotib olish uchun mablagʻlar oʻtkazish bilan bogʻliq masalalarni hal etish tavsiya qilinsin.

17. Oʻzbekiston Respublikasi Aloqa vazirligi “Oʻzbekiston havo yoʻllari” milliy aviakompaniyasi, Oʻrta Osiyo Temir yoʻl boshqarmasi, “Sharq” nashriyot-matbaa konserni, “Uzavtotrans” korporatsiyasi, “Toshshaharyoʻlovchitrans” uyushmasi, Matbuotni qoʻllab-quvvatlovchi jamgʻarma boshqaruvi, Davlat matbuot qoʻmitasi va bosh muharrirlar Kengashi bilan birgalikda 15 kun mobaynida 1993-yilda gazeta va jurnallarni tarqatish bilan bogʻliq xarajatlarni kamaytirishga doir tadbirlarni ishlab chiqsin.

18.Ushbu qarorning bajarilishini nazorat qilish Bosh vazir oʻrinbosari oʻrtoq M.Q. Qoraboyev zimmasiga yuklatilsin.

1. Oʻzbekiston Respublikasi matbuotini qoʻllab-quvvatlovchi jamgʻarma mablagʻlari Jamgʻarmaning, gazeta va jurnallarning ishlab chiqarish, tijorat va tashqi iqtisodiy faoliyati, yuridik va jismoniy shaxslarning homiylik hamda boshqa badallari, shuningdek matbuotni qoʻllab-quvvatlash uchun davlat tomonidan beriladigan subsidiyalar hisobiga shakllanadi.

2. Koʻrsatib oʻtilgan mablagʻlap Jamgʻarmaning Oʻzbekiston Respublikasi “Oʻzsanoatqurilishbank”i boʻlimlaridan birida ochiladigan maxsus hisob raqamida jamlanadi.

3. Bosh muharrirlar Kengashi Oʻzbekiston Respublikasi Davlat matbuot qoʻmitasi bilan birgalikda respublika gazeta va jurnallari taʼsischilari hamda tahririyatlarining gazeta va jurnallarni nashr etish uchun zarur boʻlgan mablagʻlar tarkibini takomillashtirish va hajmlari boʻyicha takliflarni har yili koʻrib chiqadi. Qabul qilingan qaror koʻrib chiqish uchun Oʻzbekiston Respublikasi matbuotini qoʻllab- quvvatlovchi jamgʻarma boshqaruviga kiritiladi.

4. Jamgʻarma boshqaruvi kiritilgan takliflarni koʻrib chiqadi va Jamgʻarma hisob raqamlaridagi mablagʻlarni hisobga olgan holda kalendar yilda gazeta va jurnallarni chiqarish hamda Jamgʻarma mablagʻlapini ushbu maqsadlar uchun taqsimlash dasturi toʻgʻrisida boshqaruv qarorini qabul qiladi.

Gazeta va jurnallarning tahririyatlari ajratilgan mablagʻlarni Jamgʻarma boshqaruvi qaroriga muvofiq oʻzining ishlab chiqarish faoliyatini taʼminlashga yoʻnaltiradi.

5. Zarur hollarda Jamgʻarma boshqaruvi chop etiladigan davriy nashrlarni qoʻllab-quvvatlash uchun davlat subsidiyalari ajratish toʻgʻrisidagi iltimosnoma bilan Vazirlar Mahkamasiga murojaat qiladi.

6. Oʻzbekiston Respublikasi matbuotini qoʻllab-quvvatlovchi jamgʻarma mablagʻlari boshqaruv va bosh muharrirlar Kengashi qaroriga muvofiq, faqat belgilangan maqsad boʻyicha ishlatiladi. Mablagʻlardan foydalanishni vaqti-vaqti bilan nazorat qilib borishni taʼsis yigʻilishida saylanadigan Jamgʻarma taftish komissiyasi amalga oshiradi.

Ushbu Vaqtinchalik nizom bilan Oʻzbekiston Respublikasi axborot vositalari taʼsischilarining huquq va burchlari, tahririyatlar, noshirlar hamda davlat tashkilotlari bilan oʻzaro munosabatlari belgilanadi.

1. “Oʻzbekiston Respublikasi ommaviy axborot vositalari toʻgʻrisida” Qonunning 5-moddasiga muvofiq xalq deputatlari Kengashlari va boshqa davlat organlari, roʻyxatga olingan partiyalar, jamoat birlashmalari, ommaviy harakatlar, ijodiy uyushmalar, qonunga muvofiq tashkil etilgan kooperativ, diniy, fuqarolarning boshqa birlashmalari ommaviy axborot vositalarini taʼsis etish huquqiga egadir.

2. Ommaviy axborot vositalarini tashkil etish bilan bogʻliq barcha xatti-harakatlar, ularning huquqlari, vazifalari va maqsadlari, davlat va jamoat oldidagi masʼuliyati Oʻzbekiston Respublikasi qonunlari bilan belgilangan tartibda boshqarib boriladi.

3. Taʼsischi, nashr qiluvchi va tahririyat oʻrtasidagi oʻzaro moddiy hamda moliyaviy munosabatlar ular oʻrtasida tuzilgan shartnomalar asosida, Oʻzbekiston Respublikasining amaldagi qonun hujjatlariga muvofiq boshqarib boriladi.

4. Ommaviy axborot vositalarining bir necha taʼsischisi boʻlgan taqdirda ularning oʻzaro munosabatlari ular va nashrning tahrir hayʼati oʻrtasidagi maxsus shartnoma bilan boshqarib boriladi.

5. Taʼsischi:

tahrir hayʼati bilan kelishgan holda tahririyat ustavini tasdiqlash, shuningdek unga oʻzgarishlar va qoʻshimchalar kiritish huquqiga egadir;

ommaviy axborot vositalarining dasturini (asosiy qoidalarini) tasdiqlaydi;

shtat jadvalini, bosh muharrirni va tahrir hayʼati tartibini tasdiqlaydi;

nashrni chiqarish bilan bogʻliq xarajatlarning muayyan qismini oʻz zimmasiga oladi;

tahririyatda olib boriladigan moliyaviy, statistik va boshqa hisobotlar bilan tanishish huquqiga ega;

Oʻzbekiston Respublikasi qonunlari asosida ommaviy axborot vositasini nashr etishni belgilangan tartibda toʻxtatib qoʻyish huquqiga ega.

6. Taʼsischining burchlari quyidagilardan iborat:

tuzilgan shartnomaga toʻliq rioya qilish;

obuna ishlari boshlanishidan oldin tahririyat faoliyatini iqtisodiy taʼminlashni kafolatlash;

tahririyatni moddiy-texnikaviy taʼminlashni amalga oshirish;

Oʻzbekiston Respublikasi qonun hujjatlariga muvofiq, jamiyatdagi axloqiy xulq-atvor meʼyorlarini hisobga olgan holda hamda shartnoma asosida toʻgʻri, haqqoniy va xolisona axborotlarning chop etilishini taʼminlash;

tahririyatning boshqa davlatlar ichki ishlariga aralashishiga yoʻl qoʻymaslik, boshqa davlatlar oʻrtasidagi oʻzaro munosabatlarga zarar yetkazmaslik;

ommaviy axborot vositalarining oʻz vaqtida va sifatli nashr etilishini taʼminlash.