Oʻzbekiston Respublikasi Prezidentining 2020-yil 27-oktabrdagi “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar toʻgʻrisida”gi PF-6096-son, 2021-yil 11-fevraldagi “Davlat aktivlarini xususiylashtirish jarayonlarini yanada jadallashtirish toʻgʻrisida”gi PF-6167-son va 2021-yil 13-apreldagi “Kapital bozorini yanada rivojlantirish chora-tadbirlari toʻgʻrisida”gi PF-6207-son farmonlari hamda 2021-yil 13-apreldagi “Kapital bozorini tartibga solish tizimini yanada takomillashtirish chora-tadbirlari toʻgʻrisida”gi PQ-5073-son qaroriga muvofiq:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

1. Oʻzbekiston Respublikasi Prezidentining 2010-yil 28-iyuldagi “Taʼlim muassasalarining bitiruvchilarini tadbirkorlik faoliyatiga jalb etish borasidagi qoʻshimcha chora-tadbirlar toʻgʻrisida”gi PF-4232-son Farmoni 1-bandining “b” kichik bandida:

ikkinchi xatboshi chiqarib tashlansin;

uchinchi va toʻrtinchi xatboshilar tegishincha ikkinchi va uchinchi xatboshilar deb hisoblansin.

2. Oʻzbekiston Respublikasi Prezidentining 2017-yil 17-yanvardagi “Tadbirkorlik maqsadlarida foydalanish uchun davlat mulki obyektlarini sotishni jadallashtirish va uning tartib-taomillarini yanada soddalashtirish chora-tadbirlari toʻgʻrisida”gi PF-4933-son Farmoni 1-bandining yettinchi xatboshisi quyidagi tahrirda bayon etilsin:

“Oʻzbekiston Respublikasi Qurilish vazirligi huzuridagi Qurilish sohasida nazorat inspeksiyasi xulosasiga muvofiq yaroqsiz deb topilgan davlat koʻchmas mulk obyektlarini buzish toʻgʻrisidagi qarorlar Qoraqalpogʻiston Respublikasi Vazirlar Kengashining raisi, viloyatlar va Toshkent shahri hokimlari, shuningdek, Davlat aktivlarini boshqarish agentligi huzuridagi Boʻsh turgan obyektlardan samarali foydalanishni tashkil etish markazi va uning hududiy boshqarmalari tomonidan qabul qilinadi”.

3. Oʻzbekiston Respublikasi Prezidentining 2017-yil 19-iyundagi “Biznesning qonuniy manfaatlari davlat tomonidan muhofaza qilinishi va tadbirkorlik faoliyatini yanada rivojlantirish tizimini tubdan takomillashtirishga doir chora-tadbirlar toʻgʻrisida”gi PF-5087-son Farmonida:

4-bandning toʻqqizinchi xatboshisidan “jumladan davlat mulki obyektlarini “nol”ga teng xarid qiymati boʻyicha sotish,” soʻzlari chiqarib tashlansin;

7-bandning oltinchi xatboshisidagi “ijaraga olish, davlat mulki obyektlarini “nol” qiymatida xarid qilishda” soʻzlari “ijaraga olishda” soʻzlari bilan almashtirilsin.

4. Oʻzbekiston Respublikasi Prezidentining 2017-yil 17-noyabrdagi “Hunarmandchilikni yanada rivojlantirish va hunarmandlarni har tomonlama qoʻllab-quvvatlash chora-tadbirlari toʻgʻrisida”gi PF-5242-son Farmoni 16-bandida:

toʻrtinchi va beshinchi xatboshilar chiqarib tashlansin;

oltinchi xatboshi toʻrtinchi xatboshi deb hisoblansin.

5. Oʻzbekiston Respublikasi Prezidentining 2018-yil 25-yanvardagi “Umumiy oʻrta, oʻrta maxsus va kasb-hunar taʼlimi tizimini tubdan takomillashtirish chora-tadbirlari toʻgʻrisida”gi PF-5313-son Farmoni 6-bandining “d” kichik bandida:

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin.

6. Oʻzbekiston Respublikasi Prezidentining 2018-yil 1-avgustdagi “Oʻzbekiston Respublikasida investitsiya muhitini tubdan yaxshilash chora-tadbirlari toʻgʻrisida”gi PF-5495-son Farmoni 5-bandining uchinchi xatboshisidan “foydalanilmayotgan” soʻzi chiqarib tashlansin.

7. Oʻzbekiston Respublikasi Prezidentining 2018-yil 17-avgustdagi “Toshkent shahrida boshqaruvning alohida tartibini joriy etish boʻyicha huquqiy eksperiment toʻgʻrisida”gi PF-5515-son Farmoniga 7-ilovaning 19-pozitsiyasi “Masʼul ijrochilar” ustunidan “, Qimmatli qogʻozlar bozorini muvofiqlashtirish va rivojlantirish markazi” soʻzlari chiqarib tashlansin.

8. Oʻzbekiston Respublikasi Prezidentining 2018-yil 5-sentabrdagi “Xalq taʼlimini boshqarish tizimini takomillashtirish boʻyicha qoʻshimcha chora-tadbirlar toʻgʻrisida”gi PF-5538-son Farmoni 6-bandida:

ikkinchi xatboshi chiqarib tashlansin;

uchinchi-toʻrtinchi xatboshilar tegishincha ikkinchi-uchinchi xatboshilar deb hisoblansin.

9. Oʻzbekiston Respublikasi Prezidentining 2018-yil 24-noyabrdagi “Tadbirkorlik va innovatsiyalar sohasidagi loyihalarni moliyalashtirish mexanizmlarini takomillashtirish boʻyicha qoʻshimcha chora-tadbirlar toʻgʻrisida”gi PF-5583-son Farmonida:

6-bandning ikkinchi va uchinchi xatboshilaridagi “2022” raqami “2024” raqami bilan almashtirilsin;

7-bandning uchinchi va toʻrtinchi xatboshilaridagi “2020” va “2021” raqamlari tegishincha “2023” va “2024” raqamlari bilan almashtirilsin.

10. Oʻzbekiston Respublikasi Prezidentining 2019-yil 14-yanvardagi “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida”gi PF-5630-son Farmoni 6-bandining “a” kichik bandi quyidagi tahrirda bayon etilsin:

“a) davlat mulki ijarasidan tushadigan mablagʻlar davlat mulki hisoblangan moddiy madaniy merosning koʻchmas mulk obyektlari bundan mustasno:

40 foiz — davlat mulkini balans saqlovchisiga;

25 foiz — tegishli mahalliy budjet daromadiga;

35 foiz — Davlat aktivlarini boshqarish agentligi huzuridagi Boʻsh turgan obyektlardan samarali foydalanishni tashkil etish markaziga”.

11. Oʻzbekiston Respublikasi Prezidentining 2019-yil 5-fevraldagi “Alkogol va tamaki mahsulotlarini ishlab chiqarish va ularning aylanmasini davlat tomonidan tartibga solishni takomillashtirish hamda uzumchilik va vinochilikni rivojlantirishga doir chora-tadbirlar toʻgʻrisida”gi PF-5656-son Farmoni 3-bandida:

ikkinchi xatboshi chiqarib tashlansin;

uchinchi — toʻqqizinchi xatboshilar tegishincha ikkinchi — sakkizinchi xatboshilar deb hisoblansin.

12. Oʻzbekiston Respublikasi Prezidentining 2019-yil 19-fevraldagi “Davlat mulki obyektlaridan samarali foydalanish boʻyicha qoʻshimcha chora-tadbirlar toʻgʻrisida”gi PF-5666-son Farmonida:

4-bandning beshinchi xatboshisi chiqarib tashlansin;

5-bandning beshinchi xatboshisi chiqarib tashlansin;

9-bandning toʻrtinchi xatboshisidan “toʻlov muddatlarini uzaytirish va” soʻzlari chiqarib tashlansin;

4-ilova oʻz kuchini yoʻqotgan deb hisoblansin.

13. Oʻzbekiston Respublikasi Prezidentining 2019-yil 13-avgustdagi “Xususiy mulkni himoya qilish va mulkdorlar huquqlarining kafolatlarini kuchaytirish, tadbirkorlik tashabbuslarini qoʻllab-quvvatlash borasidagi ishlarni tashkil qilish tizimini tubdan takomillashtirish boʻyicha qoʻshimcha chora-tadbirlar, shuningdek, tadbirkorlik subyektlarining moliyaviy resurslar va ishlab chiqarish infratuzilmasidan foydalanish imkoniyatlarini kengaytirish toʻgʻrisida”gi PF-5780-son Farmoni 9-bandida:

a) ikkinchi xatboshi quyidagi tahrirda bayon etilsin:

“foydalanilmayotgan aktivlarning mulkdorlari Oʻzbekiston Respublikasi Davlat aktivlarini boshqarish agentligi huzuridagi Boʻsh turgan obyektlardan samarali foydalanishni tashkil etish markazi va uning hududiy boshqarmalari hamda Davlat soliq qoʻmitasi huzuridagi Kadastr agentligi va uning hududiy boshqarmalarining tegishli soʻrovi kelib tushgan vaqtdan boshlab ikki oy muddatda balansda saqlovchining yuqori turuvchi tashkiloti (agar mavjud boʻlsa) bilan kelishilgan, foydalanilmayotgan obyektlar va boʻsh turgan yer uchastkalaridan samarali foydalanish boʻyicha “yoʻl xaritasi”ni (keyingi oʻrinlarda — “yoʻl xaritasi”) taqdim etishi shart”;

b) toʻrtinchi xatboshidagi “oʻz vakolatlari doirasida foydalanilmayotgan aktivlarni olib qoʻyish va sotish toʻgʻrisida qaror qabul qilishga haqlidir” soʻzlari “oʻz vakolatlari doirasida foydalanilmayotgan aktivlarni olib qoʻyish, jumladan sotish yoki ijaraga berish uchun boʻsh turgan davlat mulki obyektini Davlat aktivlarini boshqarish agentligi huzuridagi Boʻsh turgan obyektlardan samarali foydalanishni tashkil etish markazining tegishli hududiy boshqarmalariga berish toʻgʻrisida qaror qabul qilishga haqlidir” soʻzlari bilan almashtirilsin.

14. Oʻzbekiston Respublikasi Prezidentining 2020-yil 12-maydagi “2020 — 2025-yillarga moʻljallangan Oʻzbekiston Respublikasining bank tizimini isloh qilish strategiyasi toʻgʻrisida”gi PF-5992-son Farmoniga 2-ilovaning 5-pozitsiyasi quyidagi tahrirda bayon etilsin:

15. Oʻzbekiston Respublikasi Prezidentining 2020-yil 24-avgustdagi “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida”gi PF-6044-son Farmoniga 5-ilovaning 8-pozitsiyasida:

“Ijro muddati” ustunidagi “2020-yil 1-dekabr” soʻzlari “2022-yil 1-mart” soʻzlari bilan almashtirilsin;

“Masʼullar” ustunidagi “Kapital bozorini rivojlantirish agentligi” soʻzlari “Moliya vazirligi” soʻzlari bilan almashtirilsin.

16. Oʻzbekiston Respublikasi Prezidentining 2020-yil 27-oktabrdagi “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar toʻgʻrisida”gi PF-6096-son Farmonida:

a) 20-bandda:

uchinchi va toʻrtinchi xatboshilari quyidagi tahrirda bayon etilsin:

“2021-yil 1-dekabrga qadar “Davlat mulkini boshqarish toʻgʻrisida”gi va 2022-yil 1-martga qadar “Xususiylashtirish toʻgʻrisida”gi Oʻzbekiston Respublikasi qonunlari loyihalarini ishlab chiqsin va Oliy Majlis Qonunchilik palatasiga belgilangan tartibda kiritsin;

2022-yil 1-iyulga qadar xususiylashtirish toʻgʻrisidagi qonunchilik hujjatlarini xatlovdan oʻtkazib, unifikatsiya qilgan holda xususiylashtirish toʻgʻrisidagi yangilangan nizomlarni tasdiqlasin.”;

b) 3-ilovadan 13 va 29-pozitsiyalar chiqarib tashlansin;

v) 4-ilovadan 270-pozitsiya chiqarib tashlansin.

17. Oʻzbekiston Respublikasi Prezidentining 2021-yil 11-fevraldagi “Davlat aktivlarini xususiylashtirish jarayonlarini yanada jadallashtirish toʻgʻrisida”gi PF-6167-son Farmonida:

a) 3-band quyidagi tahrirda bayon etilsin:

“3. Belgilansinki, 2022-yil 1-fevraldan boshlab davlat aktivini samarali boshqarishni tashkil etishda (xususiylashtirish, ishonchli boshqaruvga berish, xoʻjalik jamiyatlari ustav fondiga kiritish, davlat aktivini tasarruf etish va butligini saqlash bilan bogʻliq boshqa holatlarda) baholovchi tashkilotlar xizmatlarining boshlangʻich qiymatini aniqlash, ularning takliflarini baholash va tanlash tartibi joriy etiladi.

Davlat aktivlarini boshqarish agentligi Moliya vazirligi bilan birgalikda 2022-yil 15-yanvarga qadar davlat aktivini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash, ularning takliflarini baholash va tanlash tartibini ishlab chiqib, Vazirlar Mahkamasiga tasdiqlash uchun kiritsin.”;

b) 1-ilovadan 4-pozitsiya chiqarib tashlansin.

18. Oʻzbekiston Respublikasi Prezidentining 2021-yil 13-apreldagi “Kapital bozorini yanada rivojlantirish chora-tadbirlari toʻgʻrisida”gi PF-6207-son Farmoniga 3-ilovada:

3-pozitsiyada “Amalga oshirish mexanizmi” ustunining ikkinchi qismiga tegishli “Ijro muddati” ustunidagi “2022-yil yanvar” soʻzlari “2022-yil may” soʻzlari bilan almashtirilsin;

7-pozitsiyada “Amalga oshirish shakli” ustunidagi “Normativ-huquqiy hujjat loyihasi” soʻzlari “Tashkiliy chora-tadbirlar” soʻzlari bilan almashtirilsin;

22-pozitsiyada “Amalga oshirish shakli” ustunidagi “Normativ-huquqiy hujjat loyihasi” va “Tashkiliy chora-tadbirlar” soʻzlari tegishincha “Tashkiliy chora-tadbirlar” va “Normativ-huquqiy hujjat loyihasi” soʻzlari bilan almashtirilsin;

23-pozitsiyada “Amalga oshirish mexanizmi” ustunining ikkinchi va uchinchi qismlariga tegishli “Ijro muddati” ustunidagi “2022-yil yanvar” soʻzlari “2022-yil may” soʻzlari bilan almashtirilsin.

19. Oʻzbekiston Respublikasi Prezidentining 2006-yil 21-iyuldagi PQ-423-son qarori bilan tasdiqlangan Davlat mulkini sotish boʻyicha tender savdolari oʻtkazuvchi Davlat komissiyasi toʻgʻrisidagi nizomda:

a) 4-bandda:

beshinchi xatboshidagi “Davlat raqobat qoʻmitasi” soʻzlari “Davlat aktivlarini boshqarish agentligi” soʻzlari bilan almashtirilsin;

oʻn birinchi va oʻn ikkinchi xatboshilari quyidagi tahrirda bayon etilsin:

“past rentabelli, zarar koʻrib ishlaydigan, iqtisodiy nochor davlat korxonalari va obyektlar, shu jumladan xizmat koʻrsatish va servis sohasi korxonalarini tashkil etish uchun qishloq joylarda foydalanilmayotgan binolar va xonalar roʻyxatlarini, shuningdek ularni investorlar tomonidan qabul qilingan investitsiya majburiyatlari bilan sotish shartlarini tasdiqlash toʻgʻrisida qarorlar qabul qilish;

investorlarning buyurtmanomalari boʻyicha mahalliy davlat hokimiyati organlarining balansida boʻlgan obyektlarni aniq investitsiya majburiyati ostida investor bilan toʻgʻridan-toʻgʻri shartnomalar tuzish yoʻli bilan tanlov oʻtkazmasdan sotish”;

oʻn uchinchi xatboshidan “nulinchi” xarid qiymati boʻyicha va” soʻzlari chiqarib tashlansin;

quyidagi mazmundagi oʻn sakkizinchi va oʻn toʻqqizinchi xatboshilar bilan toʻldirilsin:

“xoʻjalik jamiyatlari ustav kapitalidagi davlat aksiya paketlari boʻyicha oldi-sotdi shartnomalarini qimmatli qogʻozlar savdolari tashkilotchilarining savdo maydonchalaridan tashqarisida roʻyxatdan oʻtkazgan holda xususiylashtirishning umumoʻrnatilgan tartibidan boshqa shakl va usullari orqali sotish;

koʻchmas mulk obyektlari va kelgusida shakllanadigan davlat aksiya paketlari (ulushlari) hamda davlat korxonalarini xususiylashtirish toʻgʻrisida qaror qabul qilish, ularni sotish shartlari, savdo turi va ommaviy savdolardagi boshlangʻich narxini belgilash”;

oʻn sakkizinchi — yigirma uchinchi xatboshilar tegishincha yigirma — yigirma beshinchi xatboshilar deb hisoblansin.

b) 8-banddagi “Davlat raqobat qoʻmitasi” soʻzlari “Davlat aktivlarini boshqarish agentligi” soʻzlari bilan almashtirilsin;

v) 15-banddagi “Davlat raqobat qoʻmitasi” soʻzlari “Davlat aktivlarini boshqarish agentligi” soʻzlari bilan almashtirilsin;

g) 16-bandning “a” kichik bandi quyidagi tahrirda bayon etilsin:

“a) Komissiya tomonidan tasdiqlangan shartlarda, jumladan ixtisoslashtirilgan tashkilotlar va vositachilarni jalb etgan holda kimoshdi, tanlov, birja, tender va xususiylashtirishning umumoʻrnatilgan tartibidan boshqa shakl va usullarda savdolarni tashkil etish va oʻtkazish;”;

d) 18-banddagi “Davlat raqobat qoʻmitasi” soʻzlari “Davlat aktivlarini boshqarish agentligi” soʻzlari bilan almashtirilsin.

20. Oʻzbekiston Respublikasi Prezidentining 2011-yil 30-dekabrdagi “Ommaviy axborot vositalarini yanada rivojlantirish uchun qoʻshimcha soliq imtiyozlari va afzalliklar berish toʻgʻrisida”gi PQ-1672-son qarori 2-bandining “b” kichik bandida:

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin.

21. Oʻzbekiston Respublikasi Prezidentining 2014-yil 3-iyuldagi “Davlat mulki obyektlarini kichik biznes va xususiy tadbirkorlik subyektlariga sotish borasidagi qoʻshimcha chora-tadbirlar toʻgʻrisida”gi PQ-2200-son qaroriga 6-ilovada:

1, 2, 4 va 9-bandlar oʻz kuchini yoʻqotgan deb hisoblansin;

3-band quyidagi tahrirda bayon etilsin:

“3. Oshkora savdolarda davlat aktivlarini sotib olishga ikki oy mobaynida talabnoma tushmagan taqdirda, Davlat mulkini sotishda tender savdolarini oʻtkazish boʻyicha davlat komissiyasi tomonidan belgilanadigan mexanizmga asosan narxni qadam-baqadam pasaytirib borilishi mumkin.”.

22. Oʻzbekiston Respublikasi Prezidentining 2017-yil 18-martdagi PQ-2847-son qarori bilan tasdiqlangan Oʻzbekiston Respublikasi Moliya vazirligi toʻgʻrisidagi nizomning rus tilidagi matni 9-bandi 7-kichik bandi quyidagi mazmundagi yigirma birinchi xatboshi bilan toʻldirilsin:

“razrabativayet i utverjdayet voprosnik dlya provedeniya otsenki sistemi korporativnogo upravleniya v bankax, dolya gosudarstva v kotorix sostavlyayet 50 i boleye protsentov”.

24. Oʻzbekiston Respublikasi Prezidentining 2017-yil 10-avgustdagi “Nufuzli xalqaro sport musobaqalarida yuksak natijalarga erishgan Oʻzbekiston sportchilarini jamoat va sport ishlariga keng jalb etish hamda sportchilarni va ularning trenerlarini ragʻbatlantirish toʻgʻrisida”gi PQ-3196-son qarori 8-bandida:

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin.

25. Oʻzbekiston Respublikasi Prezidentining 2018-yil 12-yanvardagi “Respublikada ipakchilik tarmogʻini yanada rivojlantirish chora-tadbirlari toʻgʻrisida”gi PQ-3472-son qarori 3-bandi quyidagi tahrirda bayon etilsin:

“3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Davlat aktivlarini boshqarish agentligi, “Oʻzbekipaksanoat” uyushmasi bir oy muddatda “Oʻzbekipaksanoat” uyushmasining hududiy “Agropilla” MCHJlarini bepul foydalanish huquqi bilan joylashtirish uchun zarur xonalar ajratilishini taʼminlasin.”.

26. Oʻzbekiston Respublikasi Prezidentining 2018-yil 6-fevraldagi “Xorazm viloyatida tadbirkorlik subyektlariga davlat mulki obyektlarini sotish va kichik sanoat zonalarini tashkil etish chora-tadbirlari toʻgʻrisida”gi PQ-3513-son qarorida:

a) 6-bandda:

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin;

b) 2-ilova oʻz kuchini yoʻqotgan deb hisoblansin.

27. Oʻzbekiston Respublikasi Prezidentining 2018-yil 11-iyundagi “Aholining ijtimoiy zaif qatlami bandligini taʼminlashni ragʻbatlantirishning tashkiliy chora-tadbirlari toʻgʻrisida”gi PQ-3782-son qarori 1-bandida:

ikkinchi xatboshi chiqarib tashlansin;

uchinchi va toʻrtinchi xatboshilar tegishincha ikkinchi va uchinchi xatboshilar deb hisoblansin.

28. Oʻzbekiston Respublikasi Prezidentining 2018-yil 5-sentabrdagi “Xalq taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida”gi PQ-3931-son qarorining 10-bandida:

oltinchi xatboshi chiqarib tashlansin;

yettinchi — oʻn ikkinchi xatboshilar tegishincha oltinchi — oʻn birinchi xatboshilar deb hisoblansin;

oʻn birinchi xatboshi quyidagi tahrirda bayon etilsin:

“umumtaʼlim va maktabdan tashqari muassasalarning yer uchastkalari va koʻchmas mulkini Oʻzbekiston Respublikasi xalq taʼlimi vaziri bilan kelishmasdan begonalashtirish taqiqlanadi, Oʻzbekiston Respublikasi Prezidenti hujjatlarida belgilangan boshqa tartiblar bundan mustasno”.

29. Oʻzbekiston Respublikasi Prezidentining 2018-yil 30-sentabrdagi “Maktabgacha taʼlim tizimini boshqarishni takomillashtirish chora-tadbirlari toʻgʻrisida”gi PQ-3955-son Farmoni 9-bandining toʻrtinchi xatboshisi quyidagi tahrirda bayon etilsin:

“davlat maktabgacha taʼlim tashkilotlarini tashkil etish, qayta tashkil etish, tugatish, ularga tegishli yer uchastkalari va koʻchmas mulkni olib qoʻyish faqat Vazirlik bilan kelishilgan holda amalga oshiriladi, Oʻzbekiston Respublikasi Prezidenti hujjatlarida belgilangan boshqa tartiblar bundan mustasno.”.

30. Oʻzbekiston Respublikasi Prezidentining 2018-yil 7-dekabrdagi “Oʻzbekiston Respublikasi Sogʻliqni saqlash vazirligi faoliyatini tashkil etish chora-tadbirlari toʻgʻrisida”gi PQ-4055-son qarori 11-bandi quyidagi tahrirda bayon etilsin:

“11. Oʻzbekiston Respublikasi sogʻliqni saqlash vazirining roziligisiz davlat sogʻliqni saqlash muassasalarining yer uchastkalari va koʻchmas mulklari begonalashtirilishi taqiqlansin, Oʻzbekiston Respublikasi Prezidenti hujjatlarida belgilangan boshqa tartiblar bundan mustasno”.

31. Oʻzbekiston Respublikasi Prezidentining 2020-yil 1-iyuldagi “Boʻsh turgan obyektlardan samarali foydalanishni tashkil etish va axborot-kommunikatsiya texnologiyalarini keng joriy etish chora-tadbirlari toʻgʻrisida”gi PQ-4771-son qarori 1-bandi quyidagi tahrirda bayon etilsin:

“1. Oʻzbekiston Respublikasi Davlat aktivlarini boshqarish agentligining (keyingi oʻrinlarda — Agentlik) Agentlikning Qoraqalpogʻiston Respublikasi, viloyatlar va Toshkent shahar hududiy boshqarmalari huzuridagi “Davlat mulkini ijaraga berish markazi” davlat unitar korxonalari negizida Oʻzbekiston Respublikasi Davlat aktivlarini boshqarish agentligi huzuridagi Boʻsh turgan obyektlardan samarali foydalanishni tashkil etish markazini (keyingi oʻrinlarda — Markaz) hamda uning Qoraqalpogʻiston Respublikasi, viloyatlar va Toshkent shahar hududiy boshqarmalarini (keyingi oʻrinlarda — hududiy boshqarmalar) tashkil etish toʻgʻrisidagi taklifiga rozilik berilsin”.

32. Oʻzbekiston Respublikasi Prezidentining 2020-yil 7-dekabrdagi “2021-2022-yillarda Toshkent viloyatining Ohangaron tumanini kompleks ijtimoiy-iqtisodiy rivojlantirish chora-tadbirlari toʻgʻrisida”gi PQ-4916-son qarorida:

a) 1-bandning beshinchi xatboshisi quyidagi tahrirda bayon etilsin:

“Ohangaron tumanidagi baholangan qiymatda “E-auksion” elektron savdo platformasida auksion savdolariga chiqariladigan davlat mulki obyektlari roʻyxati 4-ilovaga muvofiq”;

b) 17-bandning uchinchi xatboshisi chiqarib tashlansin;

v) 4-ilovaning nomlanishi quyidagi tahrirda bayon etilsin:

33. Oʻzbekiston Respublikasi Prezidentining 2021-yil 13-apreldagi “Kapital bozorini tartibga solish tizimini yanada takomillashtirish chora-tadbirlari toʻgʻrisida”gi PQ-5073-son qarori 4-bandi quyidagi mazmundagi xatboshi bilan toʻldirilsin:

“Fond bozorining axborot-resurs markazi” DUK Moliya vazirligi tashkiliy tuzilmasiga kiradi va uni saqlash hamda rivojlantirish bilan bogʻliq xarajatlar, shu jumladan uning mavjud qarzlari 2021-yil va kelgusi yillar uchun Davlat budjeti parametrlarida nazarda tutiladi”.

34. Oʻzbekiston Respublikasi Prezidentining 2019-yil 7-yanvardagi “Mahsulotlar, xom ashyo va materiallar asosiy turlarining yiriklashtirilgan moddiy balanslarini ishlab chiqish toʻgʻrisida”gi F-5422-son farmoyishiga ilovaning 14-pozitsiyasi chiqarib tashlansin.

1. Oʻzbekiston Respublikasi Prezidentining 2007-yil 20-iyuldagi “Iqtisodiyotning strategik tarmoqlari korxonalarini xususiylashtirish jarayonlarini chuqurlashtirishga doir qoʻshimcha chora-tadbirlar toʻgʻrisida”gi PF-3897-son Farmoni.

3. Oʻzbekiston Respublikasi Prezidentining 2012-yil 10-apreldagi “Toʻgʻridan-toʻgʻri xorijiy investitsiyalar jalb etilishini ragʻbatlantirishga oid qoʻshimcha chora-tadbirlar toʻgʻrisida”gi PF-4434-son Farmoni 6-bandi.

5. Oʻzbekiston Respublikasi Prezidentining 2018-yil 11-oktabrdagi “Davlat mulki obyektlarini va yer uchastkalariga boʻlgan huquqlarni tadbirkorlik subyektlariga sotish tartibini soddalashtirish boʻyicha qoʻshimcha chora-tadbirlar toʻgʻrisida”gi PF-5552-son Farmoni 1-bandining “a” kichik bandi va 7-bandi.