LexUZ sharhi
Mazkur qaror O‘zbekiston Respublikasi Vazirlar Mahkamasining 2011-yil 30-martdagi 94-sonli “Iste’mol tovarlari bilan ulgurji va chakana savdoni tashkil etishni takomillashtirishga doir qo‘shimcha chora-tadbirlar to‘g‘risida”gi qaroriga asosan o‘z kuchini yo‘qotgan.
Savdo sohasida raqobat muhitini yaratish, qishloq savdosida mulkchilik munosabatlarini va boshqaruv tuzilmasini takomillashtirish maqsadida, shuningdek O‘zbekiston Respublikasi Prezidentining “Savdo sohasida monopoliyadan chiqarishni chuqurlashtirish to‘g‘risida” 1997-yil 19-dekabrdagi PF-1897-son Farmoniga muvofiq Vazirlar Mahkamasi qaror qiladi:
1. O‘zbekiston matlubot kooperatsiyasi aksiyadorlik va matlubot jamiyatlari Markaziy uyushmasi (O‘zbekbirlashuv Markaziy uyushmasi), “O‘zulgurjimevasabzavot” aksiyadorlik kompaniyasining va ularning xo‘jalik yurituvchi subyektlarining:
Oldingi tahrirga qarang.
(1-bandning ikkinchi va uchinchi xatboshilari O‘zbekiston Respublikasi Vazirlar Mahkamasining 2006-yil 29-maydagi 99-sonli qarori bilan chiqarilgan— O‘R QHT, 2006-y., 22-son, 195-modda)
Qoraqalpog‘iston Respublikasi va viloyatlar matlubot kooperatsiyasining mavjud aksiyadorlik jamiyatlari uyushmalari hamda “Ulgurjimevasabzavot” aksiyadorlik birlashmalari negizida “Matlubotsavdo” hududiy aksiyadorlik kompaniyalari tashkil etish to‘g‘risidagi takliflari qabul qilinsin.
Qoraqalpog‘iston Respublikasi Vazirlar Kengashi, viloyatlar va tumanlar hokimliklari O‘zbekiston Respublikasi Davlat mulki qo‘mitasi bilan birgalikda matlubot kooperatsiyasi aksiyadorlik jamiyatlari uyushmalarini va “Ulgurjimevasabzavot” hududiy aksiyadorlik birlashmalarini qayta tashkil etish va birlashtirishda “Matlubotsavdo” hududiy aksiyadorlik kompaniyalariga yordam ko‘rsatsinlar.
Oldingi tahrirga qarang.
(1-bandning oltinchi xatboshisi O‘zbekiston Respublikasi Vazirlar Mahkamasining 1998-yil 22-apreldagi 168-sonli qaroriga muvofiq o‘z kuchini yo‘qotgan)
Oldingi tahrirga qarang.
(2-band O‘zbekiston Respublikasi Vazirlar Mahkamasining 2006-yil 29-maydagi 99-sonli qaroriga muvofiq o‘z kuchini yo‘qotgan — O‘R QHT, 2006-y., 22-son, 195-modda)
3. Quyidagilar “Matlubotsavdo” hududiy aksiyadorlik kompaniyalari faoliyatining asosiy yo‘nalishlari hisoblanishi ma’lumot uchun qabul qilinsin:
qishloq aholisini xalq iste’mol tovarlari bilan ta’minlash, qishloq xo‘jaligi mahsulotlarini tayyorlash, qayta ishlash va sotish tizimini yanada rivojlantirish;
qishloq savdosi aksiyadorlik jamiyatlari, korxonalari va tashkilotlari faoliyatini muvofiqlashtirish, mulkchilik shakllaridan qat’i nazar, ularga shartnoma shartlarida marketing xizmatlari ko‘rsatish;
qishloq xo‘jaligi mahsulotlarini tayyorlashni, birinchi navbatda fermer va dehqon xo‘jaliklaridan tayyorlashni tashkil etish, ularni qayta ishlashni va sotishni ta’minlash;
savdo, tayyorlov va boshqa korxonalarga reklama, tovarlar yetkazib berish va sotish yuzasidan shartnomalar tuzish masalalarida, tovar ishlab chiqaruvchilar bilan oqilona, uzoq muddatli xo‘jalik aloqalari o‘rnatishda konsalting xizmatlari ko‘rsatish;
qishloq savdo va tayyorlov korxonalariga ularni texnika bilan qayta jihozlashda, zamonaviy savdo-texnologiya, ishlab chiqarish va tayyorlov jarayonlarini joriy etishda, xorijiy investitsiyalarni, shu jumladan qo‘shma korxonalar barpo etish yo‘li bilan jalb etishda ko‘maklashish;
tayyorlov va qayta ishlash korxonalari eksport imkoniyatlarini kengaytirish, tashqi savdo aloqalarini rivojlantirish, chet mamlakatlarda savdo uylari va vakolatxonalari ochish.
Oldingi tahrirga qarang.
(4-bandning ikkinchi xatboshi O‘zbekiston Respublikasi Vazirlar Mahkamasining 2006-yil 29-maydagi 99-sonli qarori bilan chiqarilgan — O‘R QHT, 2006-y., 22-son, 195-modda)
Oldingi tahrirga qarang.
“Matlubotsavdo” hududiy aksiyadorlik kompaniyalari boshqaruv apparatining namunaviy tuzilmasi 4 va 5-ilovalarga muvofiq ma’qullansin.
(4-bandning uchinchi xatboshi O‘zbekiston Respublikasi Vazirlar Mahkamasining 2006-yil 29-maydagi 99-sonli qarori tahririda — O‘R QHT, 2006-y., 22-son, 195-modda)
Oldingi tahrirga qarang.
“Matlubotsavdo” hududiy aksiyadorlik kompaniyalarining faoliyatini mablag‘ bilan ta’minlash, shu jumladan ularning ijro etuvchi apparati xarajatlari o‘z xo‘jalik faoliyati, xizmatlar ko‘rsatish, shuningdek amaldagi qonun hujjatlariga zid bo‘lmagan boshqa daromadlar hisobiga amalga oshiriladi.
(4-bandning to‘rtinchi xatboshi O‘zbekiston Respublikasi Vazirlar Mahkamasining 2006-yil 29-maydagi 99-sonli qarori tahririda — O‘R QHT, 2006-y., 22-son, 195-modda)
“O‘zbekbirlashuv” aksiyadorlik kompaniyasining ustav jamg‘armasi tugatilayotgan O‘zbekbirlashuv Markaziy uyushmasining, shu jumladan Savdo asbob-uskunalari zavodining, “O‘zmatlubotinformservis” ijara korxonasining mol-mulki hamda kompaniya boshqa a’zolarining ta’sis badallari hisobiga tashkil topadi;
“Matlubotsavdo” hududiy aksiyadorlik kompaniyalarining ustav jamg‘armasi qayta tashkil etilayotgan Qoraqalpog‘iston Respublikasi va viloyatlar matlubot kooperatsiyasi aksiyadorlik jamiyatlari uyushmalarining, tugatilayotgan “Ulgurjimevasabzavot” aksiyadorlik birlashmalarining mol-mulki, kompaniya qatnashchilarining ta’sis badallari hisobiga tashkil topadi;
matlubot kooperatsiyasi aksiyadorlik jamiyatlarining ilgari sobiq paychilar nomidan yuqori tashkilotlarga berilgan aksiyalar paketlari aksiyadorlik jamiyatlarining o‘zlariga qaytariladi va ular tomonidan “Matlubotsavdo” hududiy aksiyadorlik kompaniyalari ustav jamg‘armasiga qo‘shish uchun, erkin sotish uchun hamda belgilangan tartibda xorijiy investorlarga sotish uchun foydalaniladi;
yangi tashkil etilayotgan “O‘zbekbirlashuv” aksiyadorlik kompaniyasining hamda “Matlubotsavdo” hududiy aksiyadorlik kompaniyalarining aksiyalari paketlarini taqsimlash, shuningdek ushbu kompaniyalar tarkibiga kiruvchi mavjud aksiyadorlik jamiyatlarining aksiyalari paketlarini qayta taqsimlash, shu jumladan ularning mol-mulkini baholash va qayta baholash, O‘zbekiston Respublikasi Davlat mulki qo‘mitasi hamda uning hududiy bo‘linmalari mutaxassislarini, mahalliy hokimiyat organlari, shuningdek boshqa manfaatdor tomonlar vakillarini jalb etgan holda, O‘zbekiston Respublikasi Prezidentining 1997-yil 31-martdagi PF-1740-son Farmoni qoidalariga muvofiq ikki oy muddatda amalga oshiriladi;
aksiyadorlik jamiyatlari aylanma mablag‘larini to‘ldirish, qo‘shimcha, shu jumladan; xorijiy investitsiyalarni jalb etish maqsadida aksiyalarning va ikkilamchi emissiya aksiyalarining barcha sotilmagan qismi uchinchi shaxslarga, shu jumladan xorijiy investorlarga sotiladi.
Oldingi tahrirga qarang.
ulgurji bazalar hamda “Matlubotsavdo” aksiyadorlik kompaniyalari, shuningdek, mulkchilik shakllaridan qat’i nazar, infratuzilmaning boshqa savdo tashkilotlari va korxonalari o‘rtasidagi o‘zaro hamkorlik shartnoma asosida amalga oshiriladi;
(6-bandning ikkinchi xatboshi O‘zbekiston Respublikasi Vazirlar Mahkamasining 2006-yil 29-maydagi 99-sonli qarori tahririda — O‘R QHT, 2006-y., 22-son, 195-modda)
Oldingi tahrirga qarang.
(6-bandning uchinchi xatboshi O‘zbekiston Respublikasi Vazirlar Mahkamasining 2006-yil 29-maydagi 99-sonli qarori bilan chiqarilgan — O‘R QHT, 2006-y., 22-son, 195-modda)
“Matlubotsavdo” hududiy aksiyadorlik kompaniyalari tugatilayotgan matlubot kooperatsiyasi aksiyadorlik jamiyatlari hududiy uyushmalarining, “O‘zulgurjimevasabzavot” aksiyadorlik kompaniyasining va “O‘lgurjimevasabzavot” hududiy aksiyadorlik birlashmalarining shartnomalar va majburiyatlar bo‘yicha huquqiy vorisi hisoblanadilar.
Oldingi tahrirga qarang.
7. “Matlubotsavdo” hududiy aksiyadorlik kompaniyalari rahbarlari mahalliy hokimiyat organlari tavsiyasiga ko‘ra belgilangan tartibda saylanadilar hamda qishloq aholisini iste’mol tovarlari bilan uzluksiz ta’minlash uchun mahalliy boshqaruv organlari rahbarlari bilan baravar shaxsan javob beradilar.
(7-bandning birinchi xatboshi O‘zbekiston Respublikasi Vazirlar Mahkamasining 2006-yil 29-maydagi 99-sonli qarori bilan chiqarilgan — O‘R QHT, 2006-y., 22-son, 195-modda)
8. Tugatilayotgan O‘zbekbirlashuv O‘zbekiston matlubot kooperatsiyasi aksiyadorlik va matlubot jamiyatlari Markaziy uyushmasi, O‘zbekiston Respublikasi Oliy va o‘rta maxsus ta’lim vazirligi, shuningdek Samarqand kooperativ institutining uni Oliy va o‘rta maxsus ta’lim vazirligi tasarrufiga berish to‘g‘risidagi takliflariga rozilik berilsin.
Vazirlar Mahkamasining “Akademik litseylar va kasb-hunar kollejlarini tashkil etish va ularning faoliyatini boshqarish to‘g‘risida” 1998-yil 24-fevraldagi 77-son qarorining 6-bandiga muvofiq tugatilayotgan O‘zbekbirlashuv O‘zbekiston matlubot kooperatsiyasi aksiyadorlik va matlubot jamiyatlari Markaziy uyushmasi tasarrufidagi kooperativ texnikumlar va kollejlarni ikki tomonlama bo‘ysundiruvga O‘zbekiston Respublikasi Oliy va o‘rta maxsus ta’lim vazirligi hamda 6-ilovaga* muvofiq tegishli “Matlubotsavdo” hududiy aksiyadorlik kompaniyalariga berish maqsadga muvofiq deb hisoblansin.
9. O‘zbekiston Respublikasi Moliya vazirligi, Davlat soliq qo‘mitasi, tegishli tijorat banklari va tashkilotlar “O‘zbekbirlashuv” va Matlubotsavdo” aksiyadorlik kompaniyalari bilan birgalikda ikki oy muddatda xo‘jalik yurituvchi subyektlarning budjetga to‘lovlar, kreditlar va boshqa moliyaviy majburiyatlarga, shuningdek ular bo‘yicha penyalar va foizlarga oid qarzlarini belgilangan tartibda qayta rasmiylashtirsinlar.
10. Belgilansinki, O‘zbekbirlashuv Markaziy uyushmasini qayta tashkil etish va “O‘zulgurjimevasabzavot” aksiyadorlik kompaniyasini tugatish davrida ularga rahbarlik qilish funksiyasi tegishli ravishda Markaziy uyushma raisi va uning o‘rinbosarlari, “O‘zulgurjimevasabzavot” aksiyadorlik kompaniyasi bosh direktori zimmasida saqlanib qoladi. Ularga tugatish komissiyalarini tuzish hamda tugatilayotgan organlarni, uyushmalar va birlashmalarni qonunchilikda belgilangan tartibda ikki oy muddatda tugatish topshirilsin.
11. Vazirlar Mahkamasining Iste’mol bozori kompleksi (M. Usmonov) Davlat mulki qo‘mitasi, Qoraqalpog‘iston Respublikasi Vazirlar Kengashi, viloyatlar hokimliklari, boshqa manfaatdor idoralar ishtirokida bir oy muddatda ta’sis majlislarini o‘tkazsin hamda “O‘zbekbirlashuv” aksiyadorlik kompaniyasining va “Matlubotsavdo” hududiy aksiyadorlik kompaniyalari ustav jamg‘armalarining shakllantirilishini ta’minlasin.
12. “O‘zbekbirlashuv” aksiyadorlik kompaniyasi, “Matlubotsavdo” hududiy aksiyadorlik kompaniyalari, Qoraqalpog‘iston Respublikasi Vazirlar Kengashi, viloyatlar va tumanlar hokimliklari O‘zbekiston Respublikasi Vazirlar Mahkamasining “Qishloq aholisiga savdo xizmati ko‘rsatish masalalarida O‘zbekbirlashuv faoliyatini yaxshilash chora-tadbirlari to‘g‘risida” 1997-yil 23-apreldagi 208-son qarorida belgilangan vazifalar va talablarning so‘zsiz bajarilishini ta’minlasinlar.
13. Ushbu qarorni bajarish bilan bog‘liq ishlarni muvofiqlashtirib borish uchun 7-ilovaga* muvofiq tarkibda komissiya tuzilsin,
14. O‘zbekiston Respublikasi Vazirlar Mahkamasining “O‘zbekiston Respublikasida mevasabzavot mahsulotlarini ulgurji xarid qilish va sotish tizimini rivojlantirish to‘g‘risida” 1997-yil 21-fevraldagi 98-son qarori (9, 10, 11, 12, 13, 15-bandlaridan tashqari) o‘z kuchini yo‘qotgan deb hisoblansin.
15. Mazkur qarorning bajarilishini nazorat qilish Bosh vazir o‘rinbosari M.3. Usmonov zimmasiga yuklansin.
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2006-yil 29-maydagi 99-sonli qaroriga muvofiq o‘z kuchini yo‘qotgan — O‘R QHT, 2006-y., 22-son, 195-modda)
Oldingi tahrirga qarang.
(4-ilova O‘zbekiston Respublikasi Vazirlar Mahkamasining 2006-yil 29-maydagi 99-sonli qaroriga muvofiq o‘z kuchini yo‘qotgan — O‘R QHT, 2006-y., 22-son, 195-modda)