Ma’muriy-hududiy birliklar, aholi punktlari, korxonalar, muassasalar, tashkilotlar, fizik-jug‘rofiy, geologik va boshqa toponimik obyektlarning nomlarini tartibga solish, shuningdek O‘zbekiston xalqlarining tarixi va an’analari bilan bog‘liq toponimlar muhofaza qilinishini ta’minlash maqsadida, O‘zbekiston Respublikasining Konstitutsiyasiga va “O‘zbekiston Respublikasining ma’muriy-hududiy tuzilishiga doir masalalarini hal qilish tartibi to‘g‘risida”gi Qonunga muvofiq O‘zbekiston Respublikasi Oliy Kengashi qaror qiladi:

1. O‘zbekiston Respublikasidagi ma’muriy-hududiy birliklar, aholi punktlari, korxonalar, muassasalar, tashkilotlar, fizik-jug‘rofiy, geologik va boshqa toponimik obyektlarga nom berish hamda ularning nomini o‘zgartirish tartibi to‘g‘risidagi Nizom tasdiqlansin (ilova qilinadi).

2. Vazirlar Mahkamasi toponimik obyektlarga mashhur kishilarning nomini berish masalalarini muvofiqlashtiruvchi Respublika komissiyasi tuzsin hamda ushbu komissiya to‘g‘risida Nizom ishlab chiqsin.