LexUZ sharhi
Mazkur qaror O‘zbekiston Respublikasi Prezidentining 2006-yil 26-apreldagi PQ-335-sonli “O‘zbekiston Respublikasi davlat mulki qo‘mitasi faoliyatini takomillashtirishga doir chora-tadbirlar to‘g‘risida”gi qaroriga muvofiq o‘z kuchini yo‘qotgan.
Vazirlar Mahkamasi qayd etadiki, Davlat mulki qo‘mitasi markaziy apparati va uning hududiy bo‘linmalari faoliyatining samarasizligi, kadrlar bilan ishlashdagi kamchiliklar, O‘zbekiston Respublikasi Prezidentining “O‘zbekiston iqtisodiyotida xususiy sektorning ulushi va ahamiyatini tubdan oshirish chora-tadbirlari to‘g‘risida” 2003-yil 24-yanvardagi PF-3202-son Farmoni bajarilishini ta’minlashga qodir bo‘lgan mutaxassislarni tayyorlash va qayta tayyorlashda izchillikning yo‘qligi respublika iqtisodiyotida xususiylashtirish va davlat tasarrufidan chiqarish jarayonlariga to‘siq bo‘layotgan asosiy sabablardan biridir.
Oldingi tahrirga qarang.
2003-2004-yillarda korxonalarni davlat tasarrufidan chiqarish va xususiylashtirish yuzasidan belgilangan topshiriqlarni so‘zsiz bajarish, xususiy tadbirkorlikni, kichik biznesni rivojlantirishni faol qo‘llab-quvvatlashni ta’minlash maqsadida Vazirlar Mahkamasi qaror qiladi:
(muqaddima O‘zbekiston Respublikasi Vazirlar Mahkamasining 2004-yil 12-martdagi 121-sonli qarori tahririda — O‘zbekiston Respublikasi Qonun hujjatlari to‘plami, 2004-y., 11-son, 127-modda)
1. O‘zbekiston Respublikasi Davlat mulki qo‘mitasining mamlakatda xususiylashtirish, xususiylashtirilayotgan korxonalarning samarali faoliyat ko‘rsatishi va xususiylashtirishdan keyin korxonalarni hamda tadbirkorlik faoliyatini qo‘llab-quvvatlash, respublika iqtisodiyotida xususiy sektorning ulushi va ahamiyatini tubdan oshirish, xususiylashtirish jarayonlariga xorijiy investitsiyalarni jalb etish yuzasidan qabul qilingan dasturlarni amalga oshirish bo‘yicha yuklangan vazifalarni bajarishga doir ishlarining qoniqarsiz ekanligi qayd etilsin.
Zarur darajadagi ijro intizomining mavjud emasligi hamda joylarda xususiylashtirishni amalga oshirishda xizmat mavqeini suiiste’mol qilishning jiddiy hollari Davlat mulki qo‘mitasi ishlaridagi jiddiy nuqson hisoblanadi.
2. Davlat mulki qo‘mitasi boshqaruv apparati, uning hududiy bo‘linmalari va unga qarashli tuzilmalar rahbarlari va mansabdor shaxslari 2003-2004-yillarda davlat tasarrufidan chiqarish va xususiylashtirish yuzasidan tasdiqlangan dasturlarning o‘z vaqtida bajarilishi uchun shaxsan javob berishlari to‘g‘risida ogohlantirilsinlar.
3. Quyidagilar O‘zbekiston Respublikasi Davlat mulki qo‘mitasi faoliyatini takomillashtirishning eng muhim yo‘nalishlari hisoblansin:
xususiylashtirish yuzasidan qabul qilingan dasturlarni amalga oshirish, davlat aktivlarini birja va birjadan tashqari bozorlarda ustuvor ravishda xususiy mulk sifatida sotish jarayonlarini jadallashtirish;
zarar ko‘rib ishlayotgan va past rentabelli korxonalarni yangi egalari tomonidan investitsiya majburiyatlari qabul qilinishi shartlari evaziga ularni bepul berish chora-tadbirlarini tubdan faollashtirish;
kadrlar bilan ishlashni kuchaytirish, mutaxassislarni muntazam ravishda qayta tayyorlash va ularning malakasini oshirish, ularning kasb darajasi oshirilishini ta’minlash, apparatni o‘z ishini yaxshi bilmaydigan va kasb malakasini oshirmayotgan xodimlardan qat’iy xalos qilish;
xodimlar tomonidan investorlarga va tadbirkorlarga nisbatan byurokratizm, rasmiyatchilik va sansalorlik hollariga yo‘l qo‘ymaslik va ularning oldini olish;
davlat ishonchli vakillari va boshqaruvchi kompaniyalarning respublika hududida va chet ellarda davlat mulkini samarali boshqarish va saqlash bo‘yicha faoliyati natijadorligi monitoringini olib borish;
Oldingi tahrirga qarang.
(3-bandning yettinchi xatboshisi O‘zbekiston Respublikasi Vazirlar Mahkamasining 2005-yil 12-avgustdagi 196-sonli qaroriga muvofiq o‘z kuchini yo‘qotgan— O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
xususiylashtirilgan korxonalarda korporativ boshqaruvni takomillashtirishga ko‘maklashish, iqtisodiyotning barcha sektorlariga xorijiy investitsiyalarni jalb etish;
qimmatli qog‘ozlar bozorini, shu jumladan ikkilamchi bozorini rivojlantirish, zamonaviy moliyaviy usullardan foydalanish, mamlakatimiz fond bozorini xalqaro kapital bozorlariga integratsiyalashishi uchun zarur shart-sharoitlar yaratish.
O‘zbekiston Respublikasi Davlat mulki qo‘mitasi hududiy boshqarmalarining namunaviy tuzilmasi 4 va 4a-ilovalarga muvofiq;
O‘zbekiston Respublikasi Davlat mulkini boshqarish va tadbirkorlikni qo‘llab-quvvatlash davlat qo‘mitasi to‘g‘risidagi Nizom 5-ilovaga muvofiq;
Oldingi tahrirga qarang.
(4-band yettinchi xatboshisi O‘zbekiston Respublikasi Vazirlar Mahkamasining 2004-yil 25-iyundagi 295-sonli qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2004-y., 26-son, 298-modda)
5. O‘zbekiston Respublikasi Prezidenti Devonining Tashkiliy-nazorat xizmati (T.A. Xudoybergenov), Davlat mulki qo‘mitasi hamda uning hududiy bo‘linmalari va unga qarashli tuzilmalar rahbar xodimlarini attestatsiyadan o‘tkazish respublika komissiyasi (R.S. Azimov) O‘zbekiston Respublikasi Davlat mulki qo‘mitasi bilan birgalikda, o‘tkazilgan attestatsiya natijalariga muvofiq bir oy muddatda Davlat mulki qo‘mitasi markaziy apparati va bo‘linmalari kadrlar tarkibini Qo‘mita oldiga qo‘yilgan zamonaviy talablar amalga oshirilishini ta’minlashga qodir bo‘lgan yuqori malakali mutaxassislar bilan mustahkamlasinlar.
O‘zbekiston Respublikasi Davlat mulki qo‘mitasi markaziy apparati bo‘linmalari rahbarlari tanlov asosida Davlat mulki qo‘mitasi hay’ati qarori bilan tayinlanadilar;
Qoraqalpog‘iston Respublikasi Davlat mulki qo‘mitasi raisini, Davlat mulki qo‘mitasi viloyatlar va Toshkent shahar boshqarmalarining boshliqlarini tayinlash tegishli ravishda Qoraqalpog‘iston Respublikasi Vazirlar Kengashi raisining, viloyatlar va Toshkent shahar hokimlarining taqdimnomasiga ko‘ra va O‘zbekiston Respublikasi Vazirlar Mahkamasi bilan kelishilgan holda O‘zbekiston Respublikasi Davlat mulki qo‘mitasi hay’ati qarori bilan amalga oshiriladi.
O‘zbekiston Respublikasi Davlat mulki qo‘mitasi raisiga ma’muriy-boshqaruv xodimlarining belgilangan soni va mehnatga haq to‘lash fondi doirasida Qo‘mita tuzilmasiga o‘zgartirish kiritish huquqi berilsin.
O‘zbekiston Respublikasi Davlat mulki qo‘mitasi apparati bo‘linmalari rahbarlari lavozimlarini egallash uchun tanlov o‘tkazish tartibi to‘g‘risidagi Nizomni ikki hafta muddatda ishlab chiqsin va tasdiqlasin;
tegishli tanlovdan o‘tmagan yoki ilgari kasbiga oid qonun buzilishlari uchun ishdan bo‘shatilgan mutaxassislarning ishga qabul qilinishiga yo‘l qo‘ymasin;
O‘zbekiston Respublikasi Prezidenti huzuridagi Davlat va jamiyat qurilishi akademiyasining Oliy biznes maktabi qoshidagi respublika Korporativ boshqaruv markazi bilan birgalikda Davlat mulki qo‘mitasi mutaxassislarining asosiy ishdan ajralmagan holda uzluksiz qisqa muddatli o‘qishini ta’minlasin.
8. O‘zbekiston Respublikasi Hukumatining 7-ilovaga muvofiq qarorlari o‘z kuchini yo‘qotgan deb hisoblansin va ayrimlariga o‘zgartirish va qo‘shimchalar kiritilsin.
9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
(1-ilova O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
Oldingi tahrirga qarang.
(4-ilova O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
Oldingi tahrirga qarang.
T/r | Mintaqalar nomi | Shtatdagi xodimlar soni |
1. | Andijon viloyati |
|
2. | Buxoro viloyati | 20 |
3. | Jizzax viloyati | 17 |
4. | Qashqadaryo viloyati | 20 |
5. | Navoiy viloyati | 18 |
6. | Namangan viloyati | 20 |
7. | Samarqand viloyati | 21 |
8. | Surxondaryo viloyati | 19 |
9. | Sirdaryo viloyati | 16 |
10 | Toshkent viloyati | 25 |
11. | Farg‘ona viloyati | 25 |
12. | Xorazm viloyati | 19 |
13. | Toshkent shahri | 35 |
Hammasi | 275 | |
Shu jumladan budjet mablag‘lari hisobiga | 198 | |
(4a-ilova O‘zbekiston Respublikasi Vazirlar Mahkamasining2005-yil 12-avgustdagi 196-son qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
(5-ilovaning nomi O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
Oldingi tahrirga qarang.
1. Mazkur Nizom O‘zbekiston Respublikasi Davlat mulkini boshqarish davlat qo‘mitasining (keyingi o‘rinlarda matnda Davlat mulki qo‘mitasi deb yuritiladi) maqomi, asosiy vazifalari, funksiyalari, huquqlarini va faoliyatining tashkiliy asoslarini belgilaydi.
(1-band O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
2. Davlat mulki qo‘mitasi davlat boshqaruv organi hisoblanadi, iqtisodiy islohotlarni yanada chuqurlashtirish, davlat tasarrufidan chiqarish va xususiylashtirish jarayonlarini jadallashtirish uning faoliyatining asosiy yo‘nalishlari hisoblanadi.
(2-bandning birinchi xatboshisi O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
Davlat mulki qo‘mitasi o‘z faoliyatida O‘zbekiston Respublikasi Vazirlar Mahkamasiga hisobot beradi.
3. Davlat mulki qo‘mitasi o‘z faoliyatida O‘zbekiston Respublikasi Konstitutsiyasiga va qonunlariga, Oliy Majlis qarorlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga hamda mazkur Nizomga amal qiladi.
4. Davlat mulki qo‘mitasi o‘z faoliyatini bevosita, shuningdek o‘zining hududiy organlari orqali davlat organlari, fuqarolarning o‘zini o‘zi boshqarish organlari, nodavlat notijorat tashkilotlar va boshqa tashkilotlar bilan o‘zaro hamkorlikda amalga oshiradi.
5. O‘zbekiston Respublikasi Davlat mulki qo‘mitasining o‘z vakolatlari doirasida qabul qilgan qarorlari vazirliklar, idoralar, ijroiya hokimiyat mahalliy organlari, xo‘jalik yurituvchi subyektlar, mansabdor shaxslar va fuqarolar tomonidan bajarilishi majburiydir.
6. Davlat mulki qo‘mitasi yuridik shaxs hisoblanadi, O‘zbekiston Respublikasining Davlat gerbi tasviri tushirilgan va o‘z nomi davlat tilida yozilgan muhrga va blankalarga, qonun hujjatlariga muvofiq banklarda ochiladigan hisob raqamlariga ega bo‘ladi.
respublika iqtisodiyotida davlat ulushini qisqartirishga hamda xususiy sektorning roli va ahamiyatini tubdan oshirishga qaratilgan chora-tadbirlarni ro‘yobga chiqarish;
bozor mexanizmlari rivojlanishini, ishlab chiqarish va xizmatlar sohasida raqobat muhiti shakllanishini va xususiy mulkning o‘sishini rag‘batlantiruvchi davlat tasarrufidan chiqarish va xususiylashtirish dasturlarini ishlab chiqish va amalga oshirish;
davlat mulki obyektlarini xususiylashtirish jarayonlariga xorijiy investitsiyalarni jalb qilish, respublikada berilgan imtiyozlar va kafolatlar to‘g‘risida investorlar o‘rtasida keng tushuntirish ishlarini olib borish, xususiylashtirish tartib-qoidalarining yuqori darajada soddalashtirilishini va oshkoraligini ta’minlash;
xususiylashtirilgan korxonalarda korporativ boshqaruvni takomillashtirishga ko‘maklashish, korxonalarni xususiylashtirishdan keyin qo‘llab-quvvatlash;
xususiylashtirishdan keyingi davrda boshqaruvchi kompaniyalar va davlatning ishonchli vakillari faoliyatining samaradorligi, O‘zbekiston Respublikasi hududida va chet elda davlat mulki hisoblangan mol-mulkning saqlanishi va samarali boshqarilishi bo‘yicha doimiy monitoring olib borish;
Oldingi tahrirga qarang.
(7-bandning yettinchi xatboshisi O‘zbekiston Respublikasi Vazirlar Mahkamasining 2005-yil 12-avgustdagi 196-sonli qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
qimmatli qog‘ozlar bozorini, shu jumladan ikkilamchi bozorini rivojlantirish, uning infratuzilmasini mustahkamlash uchun zarur shart-sharoitlar yaratish, zamonaviy moliyaviy usullardan keng foydalanish, mamlakatimiz fond bozorini xalqaro kapital bozorlariga integratsiyalash.
Oldingi tahrirga qarang.
davlat tasarrufidan chiqarish va xususiylashtirish, davlat mulkini boshqarish bilan bog‘liq jarayonlarni tahlil qiladi hamda mulkiy munosabatlarni isloh qilish mexanizmini takomillashtirishga doir takliflarni shakllantiradi;
(8-bandning ikkinchi xatboshisi O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
manfaatdor vazirliklar, idoralar va xo‘jalik birlashmalarini jalb etgan holda davlat tasarrufidan chiqarish va xususiylashtirish davlat dasturlari loyihalarini ishlab chiqadi va tasdiqlash uchun O‘zbekiston Respublikasi Vazirlar Mahkamasiga taqdim etadi, ularning amalga oshirilishini tashkil etadi va muvofiqlashtiradi;
o‘z vakolatlari doirasida tegishli davlat dasturlariga kiritilmagan davlat mulki obyektlarini davlat tasarrufidan chiqarish va xususiylashtirish to‘g‘risida qarorlar qabul qiladi;
Oldingi tahrirga qarang.
davlat tasarrufidan chiqarish va xususiylashtirish, davlat mulkini boshqarishni tashkil etish sohalarida metodik rahbarlik qiladi;
(8-bandning beshinchi xatboshisi O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
davlat mulkini xususiylashtirish shartlari va shakllari to‘g‘risida qabul qilinadigan qarorlarning oshkoraligi va ochiqligini ta’minlaydi;
sotuvchi funksiyalarini bajargan holda davlat mulki obyektlarini sotishning boshlang‘ich narxini tasdiqlaydi va ularni tanlovlar va kimoshdi savdolariga qo‘yadi;
investorlarning qabul qilingan investitsiya majburiyatlariga muvofiq investitsiyalarning to‘liq tushishi monitoringini amalga oshiradi;
davlat korxonalarini xususiylashtirish jarayonida tashkil etiladigan xo‘jalik jamiyatlarining muassisi (qatnashchisi), shuningdek qonun hujjatlariga muvofiq davlat ishtirokida tashkil etiladigan boshqa yuridik shaxslarning O‘zbekiston Respublikasi nomidan muassisi bo‘ladi;
qonun hujjatlariga muvofiq O‘zbekiston Respublikasi nomidan aksiyalar paketi (ustav fondidagi ulush) davlat mulki bo‘lgan aksiyadorlik jamiyatlari (boshqa xo‘jalik jamiyatlari)ning aksiyadori (qatnashchisi) huquqlarini amalga oshiradi;
Oldingi tahrirga qarang.
O‘zbekiston Respublikasi Vazirlar Mahkamasining tegishli Komplekslari bilan kelishgan holda respublika iqtisodiyoti uchun strategik ahamiyatga ega bo‘lgan, ustav fondida davlat ulushi 25 foizdan ortiq bo‘lgan xo‘jalik yurituvchi jamiyatlar ro‘yxati bo‘yicha, shuningdek ushbu tashkilotlardagi davlatning ishonchli vakillari nomzodlari bo‘yicha takliflarni tayyorlaydi va ularni Aksiyadorlik birlashmalari va kompaniyalaridagi aksiyalar davlat ulushidan samarali foydalanilishi ustidan monitoring olib borish komissiyasining ko‘rib chiqishi uchun kiritadi;
(8-bandning o‘n ikkinchi xatboshisi O‘zbekiston Respublikasi Vazirlar Mahkamasining 2004-yil 5-maydagi 209-sonli qarori tahririda — O‘zbekiston Respublikasi Qonun hujjatlari to‘plami, 2004-y., 18-son, 206-modda)
o‘z vakolatlari doirasida, respublika iqtisodiyoti uchun strategik ahamiyatga ega bo‘lmagan xo‘jalik jamiyatlaridagi davlat aktivlarini boshqarish bo‘yicha davlat ishonchli vakillari, ishonchli boshqaruvchilar va professional boshqaruvchi kompaniyalarni tanlov bo‘yicha tanlab olishni amalga oshiradi va ularning tayinlanishini Davlat mulki qo‘mitasi hay’ati majlisida tasdiqlaydi;
Oldingi tahrirga qarang.
tegishli ravishda Aksiyadorlik birlashmalari va kompaniyalaridagi aksiyalar davlat ulushidan samarali foydalanilishi ustidan monitoring olib borish komissiyasi yoki Davlat mulki qo‘mitasi qarori asosida davlat ishonchli vakillari, ishonchli boshqaruvchilar va professional boshqaruvchi kompaniyalar bilan xo‘jalik jamiyatlaridagi davlat aktivlarini ishonchli boshqarish yuzasidan shartnomalar tuzadi;
(8-bandning o‘n to‘rtinchi xatboshisi O‘zbekiston Respublikasi Vazirlar Mahkamasining 2004-yil 5-maydagi 209-sonli qarori tahririda — O‘zbekiston Respublikasi Qonun hujjatlari to‘plami, 2004-y., 18-son, 206-modda)
davlat ishonchli vakillari, ishonchli boshqaruvchilar va professional boshqaruvchi kompaniyalarning faoliyati monitoringini olib boradi, ularni qonun hujjatlarida belgilangan tartibda mukofotlashni amalga oshiradi;
davlat xususiylashtirish dasturlarida nazarda tutilgan hollarda, tashkil etiladigan xolding kompaniyalarining ustav fondlariga qo‘shiladigan xo‘jalik jamiyatlari aksiyalari (ulushlari)ning O‘zbekiston Respublikasiga tegishli davlat paketlarini ushbu kompaniyalar tomonidan chiqariladigan aksiyalarga almashtiradi;
strategik ahamiyatga ega bo‘lgan xo‘jalik jamiyatlari ro‘yxatiga o‘zgartirishlar kiritish to‘g‘risidagi takliflarni tayyorlaydi va O‘zbekiston Respublikasi Vazirlar Mahkamasiga taqdim etadi;
davlat mulki bo‘lgan mol-mulkni ijaraga beradi, ushbu vakolatni amalga oshirish huquqi belgilangan tartibda davlatning boshqa organiga berilgan hollar bundan mustasno;
korxonalarni xususiylashtirishdan keyin qo‘llab-quvvatlashda, ular tomonidan tarkibiy o‘zgartirish tadbirlari ishlab chiqilishi va amalga oshirilishida qatnashadi;
qimmatli qog‘ozlar, ko‘chmas mulk va tovarlar bozorlarini shakllantirish jarayonlarini va ularning faoliyat ko‘rsatishini davlat tomonidan qo‘llab-quvvatlashni amalga oshirishda, shuningdek ularning infratuzilmalarini rivojlantirishda qatnashadi;
Oldingi tahrirga qarang.
(8-bandning yigirma birinchi va yigirma ikkinchi xatboshilari O‘zbekiston Respublikasi Vazirlar Mahkamasining 2005-yil 12-avgustdagi 196-sonli qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
Davlat mulki qo‘mitasi vakolatiga kiruvchi masalalar bo‘yicha qonunlar va boshqa normativ-huquqiy hujjatlar loyihalarini manfaatdor tashkilotlar ishtirokida birgalikda ishlab chiqadi, ularni belgilangan tartibda kelishib oladi;
Oldingi tahrirga qarang.
yuridik va jismoniy shaxslarning xususiylashtirish masalalari yuzasidan shikoyat va arizalarini belgilangan tartibda ko‘rib chiqadi;
(8-bandning yigirma to‘rtinchi xatboshisi O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
o‘z vakolatlari doirasida davlat mulki obyektlarini xususiylashtirish, boshqarish va tasarruf etish sohasidagi qonun hujjatlari buzilishlarini bartaraf etish bo‘yicha zarur xatti-harakatlarni amalga oshiradi, davlat boshqaruv organlarining noqonuniy qarorlarini bekor qilish va aybdor mansabdor shaxslarni javobgarlikka tortish to‘g‘risida sudlarga da’volar taqdim etadi, shuningdek materiallarni tegishli choralar ko‘rish uchun huquqni muhofaza qilish organlariga jo‘natadi;
Oldingi tahrirga qarang.
(8-bandning yigirma yettinchi xatboshisi O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
Davlat mulki qo‘mitasining hamda uning tasarrufidagi tuzilmalarning kadrlarini qayta tayyorlash va malakasini oshirishni, rahbarlari va mutaxassislarini attestatsiyadan o‘tkazishni amalga oshiradi.
9. Davlat mulki qo‘mitasiga o‘ziga yuklangan funksiyalarni amalga oshirishi uchun quyidagi huquqlar beriladi:
o‘z vakolatlari doirasida davlat mulkini xususiylashtirish, boshqarish va tasarruf etish masalalari bo‘yicha normativ-huquqiy hujjatlarni va metodik materiallarni tasdiqlash, ko‘rsatib o‘tilgan hujjatlarning bajarilishini nazorat qilish, shuningdek ularni qo‘llash masalalari bo‘yicha tushuntirishlar berish;
amaldagi qonun hujjatlarini buzgan holda davlat organlari tomonidan amalga oshirilgan davlat mulkiga egalik qilish huquqlarini o‘zgartirish hujjatlarini bekor qilish, shuningdek aybdor mansabdor shaxslarni javobgarlikka tortish to‘g‘risida belgilangan tartibda sudlarga da’volar berish;
davlat boshqaruv organlaridan, xo‘jalik birlashmalari, korxonalar, muassasalar va tashkilotlardan o‘z vakolatiga kiruvchi masalalarni hal etish uchun zarur bo‘lgan materiallarni belgilangan tartibda so‘rash va olish;
davlat tasarrufidan chiqarilayotgan yoki xususiylashtirilayotgan obyektning o‘zaro majburiyatlari va faoliyat ko‘rsatish shartlari to‘g‘risida muayyan davrga bitimlar tuzish;
davlat mulki obyektlarini davlat tasarrufidan chiqarish va xususiylashtirishdan, davlat tomonidan yangidan ta’sis etilayotgan davlat aksiyadorlik jamiyatlari bo‘yicha aksiyalar sotishdan tushadigan mablag‘larni Davlat mulki qo‘mitasi va uning hududiy boshqarmalari maxsus hisob raqamlarida jamlash, ularni qonun hujjatlarida belgilangan tartibga muvofiq taqsimlash;
davlatga tegishli aksiyalarni sotish, shuningdek ularni xolding kompaniyalar aksiyalariga, shu jumladan xalqaro bozorda almashtirish bo‘yicha operatsiyalarni amalga oshirish;
aksiyadorlik jamiyatlarining, boshqa xo‘jalik jamiyatlarining, shirkatlarning aksiyalari (ulushlari, paylari)ni sotib olish;
ilmiy-tadqiqot, auditorlik, konsultatsiya tashkilotlarining va boshqa tashkilotlarning mustaqil ekspertlari va mutaxassislarini ekspertizalar o‘tkazishga hamda normativ-metodik hujjatlarni ishlab chiqishga belgilangan tartibda shartnoma asosida jalb etish.
10. Davlat mulki qo‘mitasi davlat mulkini davlat tasarrufidan chiqarish va xususiylashtirish shakllari va metodlarini belgilashning asoslanganligi, O‘zbekiston Respublikasi Vazirlar Mahkamasiga taqdim etiladigan tahliliy hujjatlarning, davlat korxonalarini boshqa tashkiliy-huquqiy shakllarga aylantirish davlat dasturlari loyihalarining, shuningdek kichik va o‘rta tadbirkorlikni rivojlantirish dasturlari loyihalarining xolisligi va kompleksliligi uchun javob beradi.
Davlat mulki qo‘mitasi raisining bir nafar birinchi o‘rinbosari va uch nafar o‘rinbosari bo‘ladi, ulardan biri Davlat mulki qo‘mitasi huzuridagi Qimmatli qog‘ozlar bozori faoliyatini muvofiqlashtirish va nazorat qilish markazining bosh direktori hisoblanadi.
Davlat mulki qo‘mitasi faoliyatiga rahbarlik qiladi hamda Davlat mulki qo‘mitasiga yuklangan vazifalarning bajarilishi va uning tomonidan o‘z funksiyalarining amalga oshirilishi uchun shaxsan javob beradi;
Davlat mulki qo‘mitasi markaziy apparati va uning hududiy organlari tuzilmasiga xodimlarning shtatda belgilangan soni va ish haqi fondi doirasida o‘zgartirishlar kiritadi;
Davlat mulki qo‘mitasi markaziy apparatining tarkibiy bo‘linmalari va uning hududiy organlari to‘g‘risidagi nizomlarni tasdiqlaydi;
Davlat mulki qo‘mitasi markaziy apparatining va uning hududiy organlarining shtatlar jadvalini tasdiqlaydi;
12. Davlat mulki qo‘mitasi markaziy apparati tuzilmasi va xodimlari soni O‘zbekiston Respublikasi Vazirlar Mahkamasi tomonidan tasdiqlanadi.
O‘zbekiston Respublikasi Davlat mulki qo‘mitasi markaziy apparati bo‘linmalari rahbarlari Davlat mulki qo‘mitasi hay’atining qarori bilan tanlov asosida tayinlanadi.
13. Davlat mulki qo‘mitasi markaziy apparati va uning hududiy boshqarmalari respublika budjeti mablag‘lari hisobiga hamda Hukumat qaroriga muvofiq xususiylashtirishdan tushadigan mablag‘larning tasarruf etish va boshqarish funksiyalarini amalga oshirish bilan bog‘liq xarajatlarni qoplash uchun Davlat mulki qo‘mitasi ixtiyorida qoldiriladigan qismi hisobiga mablag‘ bilan ta’minlanadi.
14. Davlat mulki qo‘mitasida 7 kishidan iborat tarkibda hay’at tuziladi, uning tarkibi rais (hay’at raisi), rais o‘rinbosarlari (lavozimiga ko‘ra), Qoraqalpog‘iston Respublikasi Davlat mulki qo‘mitasi raisi, shuningdek boshqa rahbar xodimlardan iborat bo‘ladi. Davlat mulki qo‘mitasi hay’ati a’zolarining shaxsiy tarkibi O‘zbekiston Respublikasi Vazirlar Mahkamasi tomonidan tasdiqlanadi.
Hay’at o‘zining muntazam o‘tkaziladigan majlislarida mulkchilik munosabatlarini o‘zgartirishning, davlat mulkini boshqarish va xususiy tadbirkorlikni qo‘llab-quvvatlashni takomillashtirishning eng muhim muammolarini, shuningdek Davlat mulki qo‘mitasi va uning tasarrufidagi tuzilmalarning ishlarini tashkil etish, kadrlarni tanlash va joy-joyiga qo‘yish masalalarini ko‘rib chiqadi.
Hay’at qarorlari protokollar bilan rasmiylashtiriladi hamda, qoidaga ko‘ra, Davlat mulki qo‘mitasi raisining qarorlari va buyruqlari bilan amalga oshiriladi.
15. Davlat mulkini boshqarish bo‘yicha hududiy boshqarmalar Davlat mulki qo‘mitasining hududiy tarkibiy birliklari hisoblanadi.
(15-bandning birinchi xatboshisi O‘zbekiston Respublikasi Vazirlar Mahkamasining 2005-yil 12-avgustdagi 196-sonli qarori tahririda — O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
Qoraqalpog‘iston Respublikasi Davlat mulki qo‘mitasi, viloyatlar va Toshkent shahridagi hududiy boshqarmalar bevosita O‘zbekiston Respublikasi Davlat mulki qo‘mitasiga bo‘ysunadi hamda amaliy faoliyatda mahalliy hokimiyat va boshqaruv organlari bilan o‘zaro uzviy hamkorlik qiladi, yuridik shaxs hisoblanadi, o‘zining bankda hisob raqamlariga va Davlat gerbi tasviri tushirilgan hamda o‘z nomi yozilgan muhrga ega bo‘ladi.
Qoraqalpog‘iston Respublikasi Davlat mulki qo‘mitasi raisini, Davlat mulki qo‘mitasining viloyatlar va Toshkent shahar boshqarmalari rahbarlarini tayinlash tegishli ravishda Qoraqalpog‘iston Respublikasi Vazirlar Kengashining raisi, viloyatlar va Toshkent shahar hokimlari taqdimnomasiga binoan O‘zbekiston Respublikasi Vazirlar Mahkamasi bilan kelishgan holda Davlat mulki qo‘mitasi hay’ati qarori bilan amalga oshiriladi.
16. Davlat mulki qo‘mitasi va uning hududiy bo‘linmalari mansabdor shaxslari biron-bir tadbirkorlik faoliyati bilan shug‘ullanish va xizmat mavqeidan shaxsiy maqsadlarda foydalanish huquqiga ega emas.
17. Davlat mulki qo‘mitasi xodimlarining ish haqi lavozim maoshi, mukofotlar, ustamalar va amaldagi qonun hujjatlarida nazarda tutilgan rag‘batlantirish to‘lovlaridan iborat bo‘ladi.
Davlat mulki qo‘mitasi markaziy apparati va hududiy bo‘linmalarining xodimlariga muayyan xizmat muddati uchun quyidagi miqdorlarda bir yo‘la beriladigan har yilgi mukofot to‘lanadi (lavozim maoshiga nisbatan koeffitsiyentlarda): 3 yildan 5 yilgacha – 0,6; 5 yildan 10 yilgacha – 0,8; 10 yildan 15 yilgacha – 1,0; 15 yildan ortiq bo‘lganda – 1,5. Muayyan xizmat muddati uchun mukofotlar olish huquqini beradigan ish staji Davlat mulki qo‘mitasi raisi tomonidan tasdiqlanadigan Nizomga muvofiq, kasaba uyushmasi organi bilan kelishgan holda hisoblab chiqiladi.
Davlat budjeti mablag‘lari, shuningdek xususiylashtirishdan olingan mablag‘larning qonun hujjatlariga muvofiq Davlat mulki qo‘mitasi tasarrufida qoldiriladigan qismi ish haqi va boshqa mukofotlarni to‘lash manbalari hisoblanadi.
18. Davlat mulki qo‘mitasi xodimi xizmat faoliyatini amalga oshirish bilan bog‘liq holda halok bo‘lgan taqdirda halok bo‘lganning oilasiga respublika budjeti mablag‘laridan oylik ish haqining 50 baravari miqdorida bir yo‘la nafaqa to‘lanadi, keyinchalik ushbu summa aybdor shaxslardan undirib olinadi.
Davlat mulki qo‘mitasi xodimiga kasb faoliyati bilan shug‘ullanishni istisno qiluvchi og‘ir tan jarohatlari yetkazilgan taqdirda unga respublika budjeti mablag‘lari hisobidan oylik ish haqining 25 baravari miqdorida bir yo‘la nafaqa to‘lanadi, keyinchalik ushbu summa aybdor shaxslardan undirib olinadi.
Davlat mulki qo‘mitasi xodimiga uncha og‘ir bo‘lmagan tan jarohatlari yetkazilganda unga respublika budjeti mablag‘laridan oylik ish haqining 5 baravari miqdorida bir yo‘la nafaqa to‘lanadi, keyinchalik ushbu summa aybdor shaxslardan undirib olinadi.
19. Davlat mulki qo‘mitasi faoliyati O‘zbekiston Respublikasi qonun hujjatlarida belgilangan tartibda to‘xtatiladi.
1. Vazirlar Mahkamasining “O‘zbekiston Respublikasi Davlat mulkini boshqarish va tadbirkorlikni qo‘llab-quvvatlash davlat qo‘mitasi faoliyatini tashkil etish to‘g‘risida” 1994-yil 14-fevraldagi 72-son qarori.
2. Vazirlar Mahkamasining “O‘zbekiston Respublikasi Prezidentining “O‘zbekiston Respublikasida mulkni davlat tasarrufidan chiqarish va xususiylashtirish jarayonini yanada rivojlantirishning ustuvor yo‘nalishlari to‘g‘risida” 1994-yil 15-martdagi Farmonini bajarish chora-tadbirlari to‘g‘risida” 1994-yil 29-martdagi 171-son qarori.
3. Vazirlar Mahkamasining “O‘zbekiston Respublikasi Davlat mulkini boshqarish va tadbirkorlikni qo‘llab-quvvatlash davlat qo‘mitasi tuzilmasini takomillashtirish to‘g‘risida” 1998-yil 27-martdagi 133-son qarori.
4. Vazirlar Mahkamasining “Davlat mulkini boshqarishni takomillashtirish chora-tadbirlari to‘g‘risida” 2000-yil 5-iyuldagi 257-son qarori (O‘zbekiston Respublikasi QT, 2000-y., 7-son, 35-modda).
5. Vazirlar Mahkamasining “Davlat tasarrufidan chiqarish va xususiylashtirish dasturlari amalga oshirilishini, xorijiy investitsiyalarni jalb etish faollashtirilishini ta’minlashga doir qo‘shimcha chora-tadbirlar to‘g‘risida” 2002-yil 26-martdagi 97-son qaroriga 3-ilovaning 1 va 8-bandlari.
II. Vazirlar Mahkamasining “Davlat mulkini davlat tasarrufidan chiqarish, xususiylashtirishdan tushgan mablag‘larni hisobga olish, taqsimlash va ulardan foydalanishni nazorat qilish tartibini tasdiqlash to‘g‘risida” 1998-yil 22-avgustdagi 362-son qaroriga ilovaga kiritilayotgan o‘zgartirishlar:
“30. Davlat mulki qo‘mitasi har oyda, hisobot oyidan keyingi oyning 10-kunidan kechikmasdan davlat tasarrufidan chiqarish va xususiylashtirishdan mablag‘larning tushishi va harakati, shuningdek talab qilib olinadigan depozit hisob raqamidan amalga oshirilgan sarf-xarajatlar to‘g‘risida, mazkur Tartibning 25—28-bandlariga muvofiq xarajatlarning maqsadlarini ko‘rsatgan holda Moliya vazirligiga axborot taqdim etadi”.
31-bandda “Mazkur Tartibning 26—28-bandlariga muvofiq” so‘zlari “Davlat tasarrufidan chiqarish va xususiylashtirishdan” so‘zlari bilan almashtirilsin.