Simobli lampalarning ishlatilib bo‘lgan resurslarini to‘plash va ularni utilizatsiya qilishni tashkil etish, atrof muhitni simob bilan ifloslanishdan muhofaza qilish maqsadida Vazirlar Mahkamasi qaror qiladi:
Oldingi tahrirga qarang.
1. Simobli lampalarning ishlatilib bo‘lgan resurslarini to‘plash va ularni utilizatsiya qilishni tashkil etish to‘g‘risidagi nizom ilovaga muvofiq tasdiqlansin.
(1-band O‘zbekiston Respublikasi Vazirlar Mahkamasining 2016-yil 28-iyundagi 217-sonli qarori tahririda — O‘R QHT, 2016-y., 26-son, 318-modda)
Oldingi tahrirga qarang.
simobli chiqindilarni zararsizlantiruvchi (demerkurizatsiyalovchi) va utilizatsiya qiluvchi, ekologiya va sanitariya-gigiyena ekspertizatsiyasidan o‘tgan zarur texnologik asbob-uskunalarga ega bo‘lgan yuridik shaxslar (keyingi o‘rinlarda utilizatsiya qilish tashkilotlari deb ataladi) tomonidan;
(2-bandning ikkinchi xatboshisi O‘zbekiston Respublikasi Vazirlar Mahkamasining 2016-yil 28-iyundagi 217-sonli qarori tahririda — O‘R QHT, 2016-y., 26-son, 318-modda
energiyani tejaydigan lampalarni ishlab chiqaruvchi korxonalar tomonidan, shu jumladan energiyani tejaydigan lampalarni sotish punktlari orqali;
Oldingi tahrirga qarang.
lampalarning sinishini va ularning tarkibidagi simob mavjud bo‘lgan moddalarning havoga chiqib ketishini, suv manbalariga, tuproqqa va oziq-ovqat mahsulotlariga tushishini istisno etuvchi maxsus o‘rnatilgan konteynerlardan foydalangan holda maishiy chiqindilarni to‘plash punktlari orqali amalga oshiriladi.
(2-bandning to‘rtinchi xatboshisi O‘zbekiston Respublikasi Vazirlar Mahkamasining 2016-yil 28-iyundagi 217-sonli qarori tahririda — O‘R QHT, 2016-y., 26-son, 318-modda
To‘plangan simobli lampalarning ishlatilib bo‘lgan resurslari utilizatsiya qilish tashkilotlariga topshiriladi.
3. Belgilansinki, simobli lampalardan foydalanadigan yuridik shaxslar simobli lampalarning ishlatilib bo‘lgan va yaroqsiz resurslarini faqat utilizatsiya qilish tashkilotlariga topshiradilar.
Oldingi tahrirga qarang.
4. “O‘zeltexsanoat” uyushmasi va energiyani tejaydigan lampalarni ishlab chiqaruvchi korxonalarning:
(4-bandning birinchi xatboshisi O‘zbekiston Respublikasi Vazirlar Mahkamasining 2019-yil 29-apreldagi 367-sonli qarori tahririda — Qonun hujjatlari ma’lumotlari milliy bazasi, 30.04.2019-y., 09/19/367/3037-son)
2012-yil 1-yanvargacha bo‘lgan muddatda energiyani tejaydigan lampalarni ishlab chiqaruvchi korxonalar tarkibida simobli lampalarni utilizatsiya qilish tashkilotlarini tashkil etish to‘g‘risidagi;
Oldingi tahrirga qarang.
aholi tomonidan mamlakatimizda ishlab chiqarilgan energiyani tejaydigan lampalar sotib olishda simobli lampalarning ishlatilib bo‘lgan resursi (ishlab chiqaruvchi korxonadan qat’i nazar) qaytarilgan taqdirda ularning qiymatini 10 foizga kamaytirish tarzida taqdirlash tizimini tashkil etish to‘g‘risidagi takliflariga rozilik berilsin.
(4-bandning uchinchi xatboshisi O‘zbekiston Respublikasi Vazirlar Mahkamasining 2016-yil 28-iyundagi 217-sonli qarori tahririda — O‘R QHT, 2016-y., 26-son, 318-modda
Oldingi tahrirga qarang.
(5-band O‘zbekiston Respublikasi Vazirlar Mahkamasining 2016-yil 28-iyundagi 217-sonli qaroriga asosan o‘z kuchini yo‘qotgan — O‘R QHT, 2016-y., 26-son, 318-modda
Oldingi tahrirga qarang.
6. “O‘zeltexsanoat” uyushmasi, O‘zbekiston Respublikasi Ekologiya va atrof-muhitni muhofaza qilish davlat qo‘mitasi energiyani tejaydigan lampalarni ishlab chiqaruvchi korxonalar bilan birgalikda, zararsizlantiriladigan va utilizatsiya qilinadigan simobli lampalarning hajmlaridan kelib chiqqan holda, utilizatsiya qilish bo‘yicha yangi tashkilotlar tashkil etish yuzasidan takliflar kiritsinlar.
(6-band O‘zbekiston Respublikasi Vazirlar Mahkamasining 2019-yil 29-apreldagi 367-sonli qarori tahririda — Qonun hujjatlari ma’lumotlari milliy bazasi, 30.04.2019-y., 09/19/367/3037-son)
Oldingi tahrirga qarang.
7. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari “O‘zeltexsanoat” uyushmasi, O‘zbekiston Respublikasi Ekologiya va atrof-muhitni muhofaza qilish davlat qo‘mitasining takliflariga binoan, utilizatsiya qilish tashkilotlari tashkil etish uchun belgilangan tartibda yer uchastkalari ajratilishini ta’minlasinlar.
(7-band O‘zbekiston Respublikasi Vazirlar Mahkamasining 2019-yil 29-apreldagi 367-sonli qarori tahririda — Qonun hujjatlari ma’lumotlari milliy bazasi, 30.04.2019-y., 09/19/367/3037-son)
Oldingi tahrirga qarang.
8. O‘zbekiston Respublikasi Ekologiya va atrof-muhitni muhofaza qilish davlat qo‘mitasi va Sog‘liqni saqlash vazirligi:
(8-bandning birinchi xatboshisi O‘zbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari ma’lumotlari milliy bazasi, 15.11.2017-y., 09/17/915/0259-son)
Oldingi tahrirga qarang.
yuridik shaxslar tomonidan qonunchilikda belgilangan tartibda tegishli ruxsatnoma olmasdan simobli lampalarni mustaqil ravishda utilizatsiya qilishga yoki zararsizlantirishga yo‘l qo‘ymaslik;
(8-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
mahalliy davlat hokimiyati organlari bilan birgalikda — simobli lampalarning ishlatilib bo‘lgan resurslarini aholi tomonidan topshirilishi yuzasidan nazoratni kuchaytirsinlr.
(8-bandning uchinchi xatboshisi O‘zbekiston Respublikasi Vazirlar Mahkamasining 2020-yil 7-dekabrdagi 772-sonli qarori tahririda — Qonun hujjatlari ma’lumotlari milliy bazasi, 07.12.2020-y., 09/20/772/1605-son)
Oldingi tahrirga qarang.
9. O‘zbekiston Milliy axborot agentligi, O‘zbekiston milliy teleradiokompaniyasi, O‘zbekiston matbuot va axborot agentligi “O‘zeltexsanoat” uyushmasi bilan birgalikda simobli lampalarning ishlatilib bo‘lgan resurslarini utilizatsiya qilishning zarurligi to‘g‘risidagi ma’lumotlarning ommaviy axborot vositalarida keng yoritilishini ta’minlasinlar.
(9-band O‘zbekiston Respublikasi Vazirlar Mahkamasining 2019-yil 29-apreldagi 367-sonli qarori tahririda — Qonun hujjatlari ma’lumotlari milliy bazasi, 30.04.2019-y., 09/19/367/3037-son)
10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari U.U. Rozuqulov zimmasiga yuklansin.
1. Ushbu Nizom (keyingi o‘rinlarda Nizom deb ataladi) simobli lampalarning ishlatilib bo‘lgan resurslarini to‘plash bo‘yicha asosiy shartlar va talablarni hamda ularni utilizatsiya qilish tartibini belgilaydi.
2. Ushbu Nizom normalari simobli lampalardan foydalanuvchi yuridik va jismoniy shaxslar uchun majburiydir.
simobli lampalarning ishlatilib bo‘lgan resurslari — ishlatishdan chiqqan hamda utilizatsiya qilish lozim bo‘lgan simob to‘ldirilgan yoritish qurilmalari va elektr lampalari sifatidagi butun simobli lampalar;
simobli lampalardan foydalanuvchilar — simob to‘ldirilgan yoritish qurilmalari va elektr lampalaridan foydalanuvchi yuridik va jismoniy shaxslar;
Oldingi tahrirga qarang.
utilizatsiya qilish tashkilotlari — simobli chiqindilarni zararsizlantirishni (demerkurizatsiyalashni) va utilizatsiya qiluvchi, ekologik va sanitariya-gigiyena ekspertizasidan o‘tgan zarur texnologik asbob-uskunalarga ega bo‘lgan yuridik shaxslar;
(3-bandning to‘rtinchi xatboshisi O‘zbekiston Respublikasi Vazirlar Mahkamasining 2016-yil 28-iyundagi 217-sonli qarori tahririda — O‘R QHT, 2016-y., 26-son, 318-modda
to‘plash — simobli lampalarning ishlatilib bo‘lgan resurslarini keyinchalik utilizatsiya qilish uchun yuridik va jismoniy shaxslardan (aholidan) qabul qilib olish;
4. Simobli lampalardan foydalanuvchilar simobli lampalarning ishlatilib bo‘lgan resurslarini ushbu Nizomda nazarda tutilgan tartibda utilizatsiya qilishga topshirishi shart.
5. Simobli lampalardan yoritish uchun foydalanuvchilar (aholidan tashqari) simobli lampalarning ishlatilib bo‘lgan resurslarini boshqa chiqindilardan alohida, maxsus ajratilgan joyda to‘playdilar.
Simobli lampalarning ishlatilib bo‘lgan resurslarini to‘plash lampalarni shikastlamaydigan va ulardagi simobli moddalarning havoga chiqishiga, suv ta’minoti manbalariga, tuproqqa va oziq-ovqat mahsulotlariga tushishiga yo‘l qo‘ymaydigan maxsus idishda amalga oshiriladi. Simobli lampalarning ishlatilib bo‘lgan resurslarini yangi simobli lampalardan bo‘shagan, shikastlanmagan idishda saqlashga yo‘l qo‘yiladi.
6. Agar simobli lampalardan foydalanuvchi (aholidan tashqari) o‘z hududiga ega bo‘lmasa va maydonlarni ijara shartnomasi bo‘yicha (sanoat ishlab chiqarish obyektlaridan tashqari) faqat idora, savdo va xizmatlar ko‘rsatish sohasi obyektlari (biznes-markazlar, savdo korxonalari, bozorlar va boshqa obyektlar) uchun egallab turgan bo‘lsa, u erdagi binolardan foydalanish xizmatlari ularning egasi yoki ular tomonidan vakolat berilgan tashkilotlar tomonidan amalga oshirilsa, simobli lampalarning ishlatilib bo‘lgan resurslarini to‘plash ijaraga beruvchi tomonidan amalga oshiriladi. Simobli lampalarning ishlatilib bo‘lgan resurslarini to‘plash ijarachidan qo‘shimcha to‘lov undirmasdan ijaraga beruvchilar tomonidan amalga oshiriladi.
7. Simobli lampalardan foydalanuvchilar (aholidan tashqari) tomonidan simobli lampalarning aylanishi hisobi qayd etiladigan daftar majburiy tartibda yuritiladi. Daftarda muayyan davr mobaynida sotib olingan lampalarning soni, foydalaniladigan joyi va ularni qabul qilib olgan mas’ul shaxs (sex, uchastka boshlig‘i yoki boshqalar) majburiy tartibda ko‘rsatiladi. Simobli lampalarning ishlatilib bo‘lgan resurslarini utilizatsiya qilishga qaytarish ham daftarda tegishli ravishda qayd qilgan holda amalga oshiriladi.
Ikkitadan ko‘p ishlab chiqarish uchastkalariga yoki faoliyatni amalga oshirish joylariga ega bo‘lgan simobli lampalardan foydalanuvchilar (aholidan tashqari) simobli lampalardan foydalanilishini hisobga olish va nazorat qilish bo‘yicha mas’ul shaxsni tayinlaydilar. Mas’ul shaxs tashkilot rahbarining buyrug‘i bilan tayinlanadi.
Oldingi tahrirga qarang.
Simobli lampalarning aylanishi qayd etiladigan daftar O‘zbekiston Respublikasi Ekologiya va atrof muhitni muhofaza qilish davlat qo‘mitasi tomonidan ushbu Nizom talablariga rioya etilishini belgilangan tartibda o‘tkaziladigan tekshirishlar vaqtida ko‘rsatiladigan hujjat hisoblanadi.
(7-bandning uchinchi xatboshisi O‘zbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari ma’lumotlari milliy bazasi, 15.11.2017-y., 09/17/915/0259-son)
energiyani tejaydigan lampalarni ishlab chiqaruvchi korxonalar tomonidan, shu jumladan energiyani tejaydigan lampalarni sotish punktlari orqali;
Oldingi tahrirga qarang.
lampalarni shikastlamaydigan va ulardagi simobli moddalarning havoga chiqishiga, suv ta’minoti manbalariga, tuproqqa va oziq-ovqat mahsulotlariga tushishini istisno etuvchi maxsus o‘rnatilgan konteynerlardan foydalangan holda, maishiy chiqindilarni to‘plash punktlari orqali amalga oshiriladi.
(8-bandning to‘rtinchi xatboshisi O‘zbekiston Respublikasi Vazirlar Mahkamasining 2016-yil 28-iyundagi 217-sonli qarori tahririda — O‘R QHT, 2016-y., 26-son, 318-modda)
Oldingi tahrirga qarang.
9. Simobli lampalarni aholiga turg‘un savdo shoxobchalari orqali, savdo komplekslarida, shuningdek firma do‘konlarida va ishlab chiqaruvchi (import qiluvchi) korxonalarning vakolatxonalarida sotadigan savdo korxonalari simobli lampalarning ishlatilib bo‘lgan resurslarini, keyinchalik ularni energiyani tejaydigan lampalarning ishlab chiqaruvchi (import qiluvchi) korxonalariga topshirgan holda qabul qilib olishni majburiy tartibda amalga oshiradilar.
(9-bandning birinchi xatboshisi O‘zbekiston Respublikasi Vazirlar Mahkamasining 2016-yil 28-iyundagi 217-sonli qarori tahririda — O‘R QHT, 2016-y., 26-son, 318-modda
Oldingi tahrirga qarang.
Simobli lampalarning ishlatilib bo‘lgan resurslarini (ishlab chiqaruvchi korxonadan qat’i nazar) qaytargan holda mamlakatimizda ishlab chiqarilgan energiyani tejaydigan yangi lampani sotib olishda sotib olinayotgan lampa qiymatini 10 foizga kamaytirish tarzida taqdirlash amalga oshiriladi.
(9-bandning ikkinchi xatboshisi O‘zbekiston Respublikasi Vazirlar Mahkamasining 2016-yil 28-iyundagi 217-sonli qarori tahririda — O‘R QHT, 2016-y., 26-son, 318-modda
To‘plangan simobli lampalarning ishlatilib bo‘lgan resurslari utilizatsiya qilish tashkilotlariga shartnoma asosida beriladi.
10. Simobli lampalarning yaroqsiz yoki ishlatilib bo‘lgan resurslarini topshirganlik uchun taqdirlash pulini qoplash tartibi energiyani tejaydigan lampalarni ishlab chiqaruvchi korxonalar bilan savdo korxonalari o‘rtasidagi shartnomalarda ko‘rsatiladi.
11. Simobli lampalarning ishlatilib bo‘lgan resurslarini topshirganlik uchun taqdirlash summasini qoplash uchun simobli lampalarning ishlab chiqaruvchi korxonalariga zarur bo‘lgan mablag‘lar ishlab chiqarilayotgan mahsulot tannarxiga kiritilishi mumkin.
12. Simobli lampalardan foydalanuvchilarning simobli lampalarning ishlatilib bo‘lgan resurslarini mustaqil ravishda utilizatsiya qilishi yoki zararsizlantirishi taqiqlanadi.
13. Simobli lampalarning ishlatilib bo‘lgan resurslarini utilizatsiya qilish va qayta ishlash ularni belgilangan sanitariya-gigiyena, ekologiya talablarining va boshqa talablarning bajarilishini ta’minlaydigan metodlar bilan zararsizlantiradigan va qayta ishlaydigan utilizatsiya qilish tashkilotlari tomonidan amalga oshiriladi.
Oldingi tahrirga qarang.
14. Simobli lampalarning ishlatilib bo‘lgan resurslarini utilizatsiya qilish tashkilotlari O‘zbekiston Respublikasi Ekologiya va atrof muhitni muhofaza qilish davlat qo‘mitasi hamda Qoraqalpog‘iston Respublikasi, viloyatlar va Toshkent shahar “Davsanepidnazorat” markazlari bilan kelishgan holda joylashtiriladi.
(14-band O‘zbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari ma’lumotlari milliy bazasi, 15.11.2017-y., 09/17/915/0259-son)
15. Energiyani tejaydigan lampalarni sotish punktlari orqali qabul qilib olingan simobli lampalarning ishlatilib bo‘lgan resurslarini utilizatsiya qilish lampalarni ishlab chiqaruvchi korxonalar bilan savdo korxonalari o‘rtasidagi shartnomalar asosida bepul amalga oshiriladi.
16. Tashkilotlarda to‘plangan mamlakatimizda ishlab chiqarilgan simobli lampalarning ishlatilib bo‘lgan resurslarini utilizatsiya qilish utilizatsiya shartnomalari asosida bepul amalga oshiriladi.
Import qilingan simobli lampalarni utilizatsiya qilish simobli lampalardan foydalanuvchilar hisobiga amalga oshiriladi.
Oldingi tahrirga qarang.
17. Simobli lampalarning ishlatilib bo‘lgan resurslarini utilizatsiya qilish tashkilotlarigacha transportda yetkazib berish simobli lampalardan foydalanuvchi yuridik shaxslar tomonidan amalga oshiriladi.
Maishiy chiqindilarni to‘plash punktlarida yig‘ilgan simobli lampalarning ishlatilib bo‘lgan resurslarini utilizatsiya qilish tashkilotlarigacha transportda yetkazib berish chiqindilar bilan bog‘liq ishlarni amalga oshirish sohasida xizmat ko‘rsatishga ixtisoslashgan tashkilotlar tomonidan amalga oshiriladi.
(17-band O‘zbekiston Respublikasi Vazirlar Mahkamasining 2019-yil 6-fevraldagi 95-sonli qarori tahririda — Qonun hujjatlari ma’lumotlari milliy bazasi, 07.02.2019-y., 09/19/95/2583-son)
Oldingi tahrirga qarang.
18. Takroriy foydalanilishi mumkin bo‘lgan, utilizatsiya qilishda olinadigan barcha ikkilamchi materiallar demerkurizatsiyalash ta’minlangan taqdirda utilizatsiya qilish tashkilotlari tasarrufida qoladi va ulardan tijorat maqsadlarida foydalanilishi mumkin.
(18-band O‘zbekiston Respublikasi Vazirlar Mahkamasining 2016-yil 28-iyundagi 217-sonli qarori tahririda — O‘R QHT, 2016-y., 26-son, 318-modda)
Oldingi tahrirga qarang.
19. Utilizatsiya qilish tashkilotlarini moliyalashtirish utilizatsiya qilishda olinadigan ikkilamchi resurslar va materiallarni sotishdan, simobli lampalardan foydalanuvchilarga va boshqa tashkilotlarga utilizatsiya qilish xizmatlari ko‘rsatish bo‘yicha faoliyatdan tushadigan mablag‘lar, grantlar hamda qonunchilikda taqiqlanmagan boshqa mablag‘lar hisobiga amalga oshiriladi.
(19-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
20. O‘zbekiston Respublikasi Ekologiya va atrof muhitni muhofaza qilish davlat qo‘mitasi, Sog‘liqni saqlash vazirligining “Davsanepidnazorat” respublika markazi va ularning mahalliy hududiy bo‘linmalari simobli lampalarni to‘plash hamda utilizatsiya qilish bo‘yicha faoliyatning tashkil etilishi va yuritilishi yuzasidan doimiy nazoratni amalga oshiradilar.
(20-band O‘zbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari ma’lumotlari milliy bazasi, 15.11.2017-y., 09/17/915/0259-son)