O‘zbekiston Respublikasi Soliq kodeksi (O‘zbekiston Respublikasi qonun hujjatlari to‘plami, 2007-y., 52 (I)-son), O‘zbekiston Respublikasi “Davlat soliq xizmati to‘g‘risida”gi Qonunining (O‘zbekiston Respublikasi Oliy Majlisi Axborotnomasi, 1997-y., 9-son, 232-modda) 7-moddasi va O‘zbekiston Respublikasi Prezidentining 2010-yil 24-dekabrdagi PQ-1449-son “O‘zbekiston Respublikasining 2011-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida”gi qaroriga (O‘zbekiston Respublikasi qonun hujjatlari to‘plami, 2010-y., 52-son, 513-modda) muvofiq O‘zbekiston Respublikasi Moliya vazirligi va Davlat soliq qo‘mitasi qaror qiladilar:

1. O‘zbekiston Respublikasi Moliya vazirligi va Davlat soliq qo‘mitasining 2010-yil 22-martdagi 22, 2010-13-sonli “Yagona ijtimoiy to‘lovning bazaviy miqdori kiritilishi munosabati bilan yagona ijtimoiy to‘lovni hisoblab chiqarish va to‘lash tartibi to‘g‘risidagi nizomni tasdiqlash haqida”gi qaroriga (ro‘yxat raqami 2095, 2010-yil 13-aprel) (O‘zbekiston Respublikasi qonun hujjatlari to‘plami, 2010-y., 14-15-son, 120-modda) ilovaga muvofiq o‘zgartirishlar kiritilsin.

2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.

1. Nomida va 1-bandida “bazaviy” degan so‘zlar “eng kam” degan so‘zlar bilan almashtirilsin.

2. Nizomda:

a) nomida va butun matn bo‘yicha “bazaviy” degan so‘zlar “eng kam” degan so‘zlar bilan almashtirilsin;

b) muqaddimasi quyidagi tahrirda bayon etilsin:

“Ushbu Nizom O‘zbekiston Respublikasi Soliq kodeksi (O‘zbekiston Respublikasi qonun hujjatlari to‘plami, 2007-y., 52(I)-son), O‘zbekiston Respublikasi “Davlat soliq xizmati to‘g‘risida”gi Qonunining (O‘zbekiston Respublikasi Oliy Majlisining Axborotnomasi, 1997-y., 9-son, 232-modda) 7-moddasi va O‘zbekiston Respublikasi Prezidentining 2008-yil 29-dekabrdagi PQ-1024-son “O‘zbekiston Respublikasining 2009-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida”gi (O‘zbekiston Respublikasi qonun hujjatlari to‘plami, 2008-y., 52-son, 515-modda) va 2010-yil 24-dekabrdagi PQ-1449-son “O‘zbekiston Respublikasining 2011-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida”gi qaroriga (O‘zbekiston Respublikasi qonun hujjatlari to‘plami, 2010-y., 52-son, 513-modda) qarorlariga muvofiq yagona ijtimoiy to‘lovning (keyingi o‘rinlarda YIT deb ataladi) eng kam miqdori kiritilishi munosabati bilan xo‘jalik yurituvchi subyektlar tomonidan YITni hisoblab chiqarish va to‘lash tartibini belgilaydi.

Ushbu Nizom quyidagilarga tatbiq etilmaydi:

qonun hujjatlariga muvofiq yagona ijtimoiy to‘lovning pasaytirilgan stavkasi belgilangan yuridik shaxslarga;

notijorat tashkilotlariga, shu jumladan budjet tashkilotlariga;

xodimlar soni va Mehnatga haq to‘lash fondining eng kam me’yorlari belgilangan chakana savdo, umumiy ovqatlanish va qurilish sohasidagi tashkilotlariga”.

v) 4-bandda “BR_yait” degan belgi “MR_yait” degan belgi bilan almashtirilsin;

g) 6-bandi quyidagi tahrirda bayon etilsin:

“6. Agar O‘zbekiston Respublikasi Soliq kodeksiga muvofiq hisoblab chiqilgan YIT summasi YITning eng kam miqdoridan kam bo‘lsa, u holda yagona soliq to‘lovi YITning eng kam miqdorining O‘zbekiston Respublikasi Soliq kodeksiga muvofiq hisoblab chiqilgan YIT summasidan ortgan qismiga qo‘shimcha hisoblanadi”;

d) 9-bandi quyidagi tahrirda bayon etilsin:

“9. Yagona ijtimoiy to‘lov, fuqarolarning sug‘urta badallari va budjetdan tashqari Pensiya jamg‘armasiga majburiy ajratmalari bo‘yicha soliq hisoboti shaklida, taqdim etiladigan Ma’lumotnoma-hisob-kitobdan kelib chiqib, YIT hisob-kitobi shakliga quyidagi satrlar kiritiladi:

“051” — hisobot davri uchun YITning qo‘shimcha hisoblangan summasi. Ushbu satr faqat 3-ustuni bo‘yicha to‘ldiriladi;

“052” — hisobot davrida to‘lanishi lozim. “052”-satrda YIT hisob-kitobining “050” va “051”-satrlari yig‘indisi ko‘rsatiladi”;

e) 1 va 2-ilovalari mazkur o‘zgartirishlarga 1 va 2-ilovalariga muvofiq bayon etilsin.