LexUZ sharhi
Mazkur qaror O‘zbekiston Respublikasi Vazirlar Mahkamasining 2015-yil 2-apreldagi 79-sonli “O‘zbekiston Respublikasi Vazirlar Mahkamasi huzuridagi oliy biznes maktabining moddiy-texnika bazasini mustahkamlash chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidenti huzuridagi Davlat va jamiyat qurilishi akademiyasi qoshidagi Oliy biznes maktabining Korporativ boshqaruv markazi uchun qulay shart-sharoitlar yaratish maqsadida Vazirlar Mahkamasi qaror qiladi:
1. O‘zbekiston Respublikasi Davlat mulki qo‘mitasi, Oliy va o‘rta-maxsus ta’lim vazirligi, Toshkent shahar hokimligi hamda O‘zbekiston Respublikasi Prezidenti huzuridagi Davlat va jamiyat qurilishi akademiyasining Toshkent davlat texnika universiteti balansidagi Toshkent shahri, Shahrisabz ko‘chasi, 42-uy manzilida joylashgan binoning 6 va 7-qavatlarini O‘zbekiston Respublikasi Prezidenti huzuridagi Davlat va jamiyat qurilishi akademiyasi qoshidagi Oliy biznes maktabi balansiga tasarruf etish huquqisiz berish to‘g‘risidagi taklifiga rozilik berilsin.
2. O‘zbekiston Respublikasi Prezidenti huzuridagi Davlat va jamiyat qurilishi akademiyasi qoshidagi Oliy biznes maktabi ushbu binoning 6-7-qavatlarini Korporativ boshqaruv markazini joylashtirish uchun balansiga qabul qilib olsin hamda uni saqlash va samarali foydalanish bo‘yicha zarur chora-tadbirlar ko‘rsin.
3. Vazirlar Mahkamasining “Korporativ boshqaruv markazini tashkil etish to‘g‘risida” 2003-yil 4-iyuldagi 304-son qaroriga ilovaga muvofiq o‘zgartirishlar kiritilsin.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari N.M. Xanov zimmasiga yuklansin.
1. 7-bandda “Pushkin ko‘chasi, 59-uy” so‘zlari “Shahrisabz ko‘chasi, 42-uy” so‘zlari bilan almashtirilsin.
2. Qarorga 2-ilovaning 5-bandidagi “Pushkin ko‘chasi, 59” so‘zlari “Shahrisabz ko‘chasi, 42-uy” so‘zlari bilan almashtirilsin.