LexUZ sharhi
Mazkur qaror O‘zbekiston Respublikasi Vazirlar Mahkamasining 2012-yil 1-noyabrdagi 313-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risidagi (O‘zbekiston Respublikasi Prezidentining “Statistik, soliq va moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari to‘g‘risida” 2012-yil 16-iyuldagi PF-4453-son Farmoni)” qaroriga asosan o‘z kuchini yo‘qotgan.
“Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonuniga muvofiq Vazirlar Mahkamasi qaror qiladi:
Qimmatbaho metallar va toshlardan zargarlik buyumlari tayyorlash faoliyatini litsenziyalash to‘g‘risidagi nizom 1-ilovaga muvofiq;
Vazirlar Mahkamasining qimmatbaho metallar va toshlardan zargarlik buyumlari tayyorlash faoliyatini litsenziyalash komissiyasi tarkibi 2-ilovaga muvofiq;
Vazirlar Mahkamasining qimmatbaho metallar va toshlardan zargarlik buyumlari tayyorlash faoliyatini litsenziyalash komissiyasi to‘g‘risidagi nizom 3-ilovaga muvofiq tasdiqlansin.
2. O‘zbekiston Respublikasi Hukumatining 4-ilovaga muvofiq ayrim qarorlari o‘z kuchini yo‘qotgan deb hisoblansin.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
1. Mazkur Nizom O‘zbekiston Respublikasida qimmatbaho metallar va toshlardan zargarlik buyumlari tayyorlash faoliyatini litsenziyalash tartibini belgilaydi.
2. Litsenziya berish, litsenziyaning amal qilishini to‘xtatib turish yoki tugatish, shuningdek uni bekor qilish va qayta rasmiylashtirish to‘g‘risidagi qarorlar Vazirlar Mahkamasining Qimmatbaho metallar va toshlardan zargarlik buyumlari tayyorlash faoliyatini litsenziyalash komissiyasi (keyingi o‘rinlarda Komissiya deb ataladi) tomonidan qabul qilinadi.
(2-bandning birinchi xatboshisi O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
O‘zbekiston Respublikasi Markaziy banki huzuridagi Qimmatbaho metallar agentligi (keyingi o‘rinlarda ishchi organ deb ataladi) Komissiyaning ishchi organi funksiyasini bajaradi.
3. Ishchi organ litsenziya berish to‘g‘risidagi arizalarni tegishli hujjatlar bilan qabul qiladi, ular yuzasidan ekspert xulosasi tayyorlaydi, litsenziyalarni rasmiylashtiradi va qayta rasmiylashtiradi, litsenziya bitimlari tuzadi, litsenziyalar reyestrini yuritadi, litsenziatlar tomonidan litsenziya talablari va shartlariga rioya etilishini nazorat qiladi, litsenziyalarning amal qilishini to‘xtatib turadi va tiklaydi.
4. Qimmatbaho metallar va toshlardan zargarlik buyumlari tayyorlash faoliyati yuridik va jismoniy shaxslar tomonidan amalga oshirilishi mumkin.
5. Qimmatbaho metallar va toshlardan zargarlik buyumlari tayyorlash faoliyatini amalga oshirish huquqiga namunaviy (oddiy) litsenziyalar beriladi.
Litsenziya talabgorining arizasiga ko‘ra litsenziya umuman faoliyat turiga yoxud uning bir qismiga beriladi.
6. Qimmatbaho metallar va toshlardan zargarlik buyumlari tayyorlash faoliyatini amalga oshirishga litsenziya amal qilish muddati cheklanmagan holda beriladi.
7. Quyidagilar qimmatbaho metallar va toshlardan zargarlik buyumlari tayyorlash faoliyatini amalga oshirishda litsenziya talablari va shartlari hisoblanadi:
qimmatbaho metallar va toshlardan zargarlik buyumlari tayyorlash, qimmatbaho metallardan yasalgan buyumlarning asillik darajasini belgilash va tamg‘alash sohasidagi qonun hujjatlariga, qimmatbaho metallar va toshlarning, tarkibida qimmatbaho metallar va toshlar bo‘lgan buyumlarning muomalada bo‘lishiga oid normativ-texnik va boshqa talablarga majburiy tarzda rioya qilish;
qimmatbaho metallar va toshlardan zargarlik buyumlari tayyorlashni tartibga solishga doir normativ-texnik hujjatlarning mavjud bo‘lishi;
litsenziyalanadigan faoliyatni amalga oshirish uchun zarur va belgilangan talablarga muvofiq bo‘lgan moddiy-texnika bazasi, asbob-uskunalar va boshqa texnik vositalarning mavjud bo‘lishi;
belgilangan talablarga muvofiq xomashyo, materiallar va tayyor mahsulotlarni, qimmatbaho metallar va toshlar chiqindilari hamda parchalarini hisobga olish va saqlashning ta’minlanishi;
yuridik shaxs shtatida qimmatbaho metallar va toshlardan zargarlik buyumlari tayyorlash sohasida maxsus ma’lumotga yoki ushbu sohada kamida uch yillik ish stajiga ega bo‘lgan kamida bir nafar xodim bo‘lishi;
jismoniy shaxsning qimmatbaho metallar va toshlardan zargarlik buyumlari tayyorlash sohasida maxsus ma’lumotga yoki ushbu sohada kamida uch yillik ish stajiga ega bo‘lishi;
O‘zbekiston Respublikasi Markaziy banki huzuridagi Qimmatbaho metallar agentligi Davlat asillik darajasini belgilash palatasining qimmatbaho metallar va toshlar bilan operatsiyalarni amalga oshirishga berilgan ro‘yxatdan o‘tkazish guvohnomasining mavjud bo‘lishi.
8. Litsenziya bitimida mazkur Nizomning 7-bandida ko‘rsatib o‘tilgan litsenziya talablari va shartlaridan aniq talablar va shartlar nazarda tutilishi mumkin.
yuridik shaxs uchun — yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami;
jismoniy shaxs uchun — familiyasi, ismi, otasining ismi, fuqaroning shaxsini tasdiqlovchi hujjatga oid ma’lumotlar;
yuridik shaxs uchun — yuridik shaxsning davlat ro‘yxatidan o‘tkazilganligi to‘g‘risidagi guvohnomaning nusxasi;
(9-bandning “b” kichik bandi ikkinchi xatboshisi O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
jismoniy shaxs uchun — yakka tartibdagi tadbirkorning davlat ro‘yxatidan o‘tkazilganligi to‘g‘risidagi guvohnomaning nusxasi;
(9-bandning “b” kichik bandi uchinchi xatboshisi O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
v) ariza ko‘rib chiqilganligi uchun litsenziya talabgori tomonidan yig‘im to‘langanligini tasdiqlovchi hujjat;
g) litsenziyalanadigan faoliyatni amalga oshirish uchun zarur bo‘lgan mavjud moddiy-texnika bazasi, asbob-uskunalar va boshqa texnik vositalar to‘g‘risidagi ma’lumotlar;
d) litsenziyalanadigan faoliyat amalga oshiriladigan binolar va xonalarga mulk huquqini yoki boshqa ashyoviy huquqlarni tasdiqlovchi hujjat;
e) mavjud bino va xonalarning yong‘in xavfsizligi qoidalari talablariga, sanitariya-gigiyena va ekologiya normalariga muvofiqligi to‘g‘risida yong‘indan saqlash va sanitariya-epidemiologiya organlari, tabiatni muhofaza qilish organlarining xulosalari.
10. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yo‘l qo‘yilmaydi.
11. Hujjatlar litsenziya talabgori tomonidan ishchi organga bevosita yoxud olinganligi to‘g‘risidagi bildirishnoma bilan pochta aloqa vositasi orqali yetkazib beriladi.
Hujjatlar ishchi organning mas’ul xodimi tomonidan ro‘yxat bo‘yicha qabul qilinadi, ro‘yxatning nusxasi hujjatlar qabul qilib olingan sana to‘g‘risida belgi qo‘yilgan holda ariza beruvchiga yuboriladi (topshiriladi).
Noto‘g‘ri yoki buzilgan ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.
12. Ariza ko‘rib chiqilganligi uchun litsenziya talabgoridan qonun hujjatlarida to‘lov kunida belgilangan eng kam oylik ish haqining ikki baravari miqdorida yig‘im undiriladi. Ariza ko‘rib chiqilganligi uchun yig‘im summasi ishchi organ hisob raqamiga o‘tkaziladi.
13. Qimmatbaho metallar va toshlardan zargarlik buyumlari tayyorlash faoliyatini litsenziyalash ushbu Nizomga ilova qilinayotgan Sxemaga muvofiq amalga oshiriladi.
Litsenziya berish yoki litsenziya berishni rad etish to‘g‘risida qaror litsenziya talabgorining arizasi olingan kundan boshlab o‘ttiz kundan ortiq bo‘lmagan muddatda qabul qilinadi.
Ishchi organ ariza olingan kundan boshlab yigirma kundan ortiq bo‘lmagan muddatda hujjatlarni ko‘rib chiqadi, ular bo‘yicha ekspert xulosasi tayyorlaydi va litsenziya talabgoriga litsenziya berish yoki litsenziya berishni rad etish to‘g‘risidagi taklifni tegishli qaror protokoli loyihasi bilan tasdiqlash uchun Komissiyaga taqdim etadi.
Komissiya ishchi organ taklifi olingandan keyin o‘n kundan ortiq bo‘lmagan muddatda uni ko‘rib chiqadi hamda qabul qilingan qaror to‘g‘risidagi protokolni tasdiqlaydi. Komissiya tomonidan qabul qilingan qaror protokoli Komissiya raisi (uning o‘rinbosari) tomonidan imzolanadi. Zarur hollarda Komissiya qarorlari so‘rov yo‘li bilan qabul qilinishi mumkin.
14. Ishchi organ tegishli qaror qabul qilingandan keyin uch kun muddatda litsenziya talabgorini qabul qilingan qaror to‘g‘risida xabardor qiladi.
Litsenziya berishga qaror qilinganligi to‘g‘risidagi bildirishnoma litsenziya talabgoriga bank hisob raqami rekvizitlari, davlat boji to‘lash muddati ko‘rsatilgan holda yozma shaklda yuboriladi (topshiriladi). Litsenziya berish to‘g‘risida qabul qilingan qaror to‘g‘risidagi bildirishnoma bilan bir vaqtda litsenziya talabgoriga imzolash uchun litsenziya bitimi yuboriladi.
Litsenziyalovchi organ va litsenziatning o‘zaro huquq va majburiyatlarini belgilovchi litsenziya bitimi ishchi organ va litsenziat o‘rtasida tuziladi hamda unda quyidagilar bo‘lishi kerak:
litsenziat tomonidan litsenziya bitimi talablari va shartlari bajarilishini ishchi organ tomonidan nazorat qilish tartibi.
15. Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi. Litsenziyalar blankalari namunalari ishchi organ tomonidan ishlab chiqiladi, Komissiya tomonidan tasdiqlanadi hamda ishchi organ buyurtmanomasiga ko‘ra “Davlat belgisi” davlat-ishlab chiqarish birlashmasi tomonidan bosmaxona usulida tayyorlanadi. Litsenziyalar blankalarining hisobga olinishi, saqlanishi va maqsadli foydalanilishi uchun ishchi organ rahbari belgilangan tartibda shaxsan javob beradi.
Litsenziyalar ishchi organ tomonidan rasmiylashtiriladi va Komissiya raisi (uning o‘rinbosari) tomonidan imzolanadi.
16. Litsenziya litsenziya talabgori tomonidan davlat boji to‘langanligini tasdiqlovchi hujjat taqdim etilgandan va litsenziya bitimi imzolangandan keyin uch kun muddatda beriladi.
17. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida ishchi organga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa Komissiya litsenziyani bekor qilish to‘g‘risida qaror qabul qilishga haqlidir.
18. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida nazarda tutilgan asoslar bo‘yicha rad etilishi mumkin.
Litsenziya talabgori litsenziya berishni rad etish to‘g‘risidagi qaror, shuningdek ishchi organ mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga ega.
19. Litsenziya berishni rad etish to‘g‘risida qaror qabul qilingan taqdirda rad etish to‘g‘risidagi bildirishnoma litsenziya talabgoriga rad etishning aniq sabablari va litsenziya talabgori ko‘rsatib o‘tilgan sabablarni bartaraf etib hujjatlarni qayta ko‘rib chiqishga taqdim etishi uchun yetarli bo‘lgan muddat ko‘rsatilgan holda yozma shaklda yuboriladi (topshiriladi). Litsenziya berishni rad etish haqidagi xabarnomada ko‘rsatilgan muddat kamchiliklarni bartaraf etish uchun zarur bo‘lgan vaqtga mutanosib bo‘lishi kerak.
(19-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
20. Litsenziya talabgori tomonidan litsenziya berishning rad etilishiga asos bo‘lgan sabablar bartaraf etilgan taqdirda, hujjatlarni qayta ko‘rib chiqish litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda amalga oshiriladi.
Bunda ishchi organ hujjatlar qayta taqdim etilgandan keyin olti kundan ortiq bo‘lmagan muddatda ular bo‘yicha ekspert xulosasi tayyorlaydi, litsenziya talabgoriga litsenziya berish yoki litsenziya berishni rad etish to‘g‘risidagi taklifni tegishli qaror protokoli loyihasi bilan birga tasdiqlash uchun Komissiyaga taqdim etadi.
Komissiya ishchi organ taklifi olingandan keyin to‘rt kun muddatda uni ko‘rib chiqadi va qabul qilingan qaror to‘g‘risidagi protokolni tasdiqlaydi. Komissiya tomonidan qabul qilingan qaror protokoli Komissiya raisi (uning o‘rinbosari) tomonidan imzolanadi.
Litsenziya berish rad etilganligi to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.
21. Litsenziat — yuridik shaxs qayta tashkil etilgan, uning nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir oy muddatda ishchi organga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
Litsenziat — jismoniy shaxsning familiyasi, ismi, otasining ismi yoki yashash joyi o‘zgargan taqdirda litsenziat qayta ro‘yxatdan o‘tkazilgandan keyin bir oy muddatda ishchi organga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
(21-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
22. Litsenziat litsenziya qayta rasmiylashtirilgunga qadar unda ko‘rsatilgan faoliyatni ilgari berilgan litsenziya asosida amalga oshiradi.
23. Litsenziyani qayta rasmiylashtirishda ishchi organ litsenziyalar reyestriga tegishli o‘zgartirishlar kiritadi. Litsenziyani qayta rasmiylashtirish ishchi organ tomonidan tegishli hujjatlar ilova qilingan holda litsenziyalarni qayta rasmiylashtirish to‘g‘risida ariza olingan kundan boshlab besh kun mobaynida amalga oshiriladi.
Litsenziyani qayta rasmiylashtirishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi ishchi organning hisob raqamiga o‘tkaziladi.
24. Yo‘qolgan yoki yaroqsiz holga kelgan litsenziya o‘rniga litsenziatning arizasiga ko‘ra dublikat berilishi mumkin.
Litsenziya dublikati berishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi ishchi organning hisob raqamiga o‘tkaziladi.
25. Litsenziya talablari va shartlariga rioya etilishi ustidan nazorat qonun hujjatlarida belgilangan tartibda ishchi organ tomonidan amalga oshiriladi.
26. Litsenziya talablari va shartlariga rioya etilishi ustidan nazoratni amalga oshirishda ishchi organ o‘z vakolatlari doirasida quyidagi huquqlarga ega:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi holatlar mavjud bo‘lgan taqdirda litsenziat tomonidan litsenziya talablari va shartlariga rioya etilishini qonunda belgilangan tartibda rejadan tashqari tekshirish;
tekshirishlar natijalari asosida, litsenziat tomonidan litsenziya talablari va shartlarining aniq buzilishlarini ko‘rsatgan holda dalolatnomalar (ma’lumotnomalar) tuzish;
litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
litsenziyaning amal qilishini to‘xtatish yoxud uni bekor qilish to‘g‘risida Komissiyaga ko‘rib chiqish uchun takliflar kiritish;
xo‘jalik yurituvchi subyektlar tomonidan litsenziyalanadigan faoliyat litsenziya rasmiylashtirmasdan amalga oshirilishining aniqlangan holatlari to‘g‘risidagi materiallarni qonun hujjatlarida nazarda tutilgan choralarni ko‘rish uchun soliq organlariga belgilangan tartibda yuborish.
27. Litsenziya talablari va shartlariga rioya etilishini tekshirishda ishchi organ xodimlari tomonidan ikki nusxada dalolatnoma tuziladi, ularning bittasi litsenziatga beriladi, ikkinchi nusxasi ishchi organda qoladi.
28. Litsenziyaning amal qilishini to‘xtatib turish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22-moddasida nazarda tutilgan hollarda va tartibda ishchi organ tomonidan amalga oshiriladi.
Ishchi organning litsenziyaning amal qilishini to‘xtatib turish to‘g‘risidagi qarori yuzasidan sudga shikoyat qilish mumkin. Litsenziyaning amal qilishi to‘xtatib turilishi asossiz ekanligi sud tomonidan e’tirof etilgan taqdirda ishchi organ litsenziat oldida litsenziat ko‘rgan zarar miqdorida javob beradi.
29. Litsenziyaning amal qilishini to‘xtatish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 23-moddasida nazarda tutilgan hollarda va tartibda Komissiya qaroriga ko‘ra amalga oshiriladi.
Komissiyaning litsenziyaning amal qilishini to‘xtatish to‘g‘risidagi qarori yuzasidan sudga shikoyat qilish mumkin. Litsenziyaning amal qilishi to‘xtatilishi asossiz ekanligi sud tomonidan e’tirof etilgan taqdirda Komissiya litsenziat oldida litsenziat ko‘rgan zarar miqdorida javob beradi.
30. Litsenziyani bekor qilish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 24-moddasida nazarda tutilgan hollarda va tartibda Komissiya qaroriga ko‘ra amalga oshiriladi.
Komissiyaning litsenziyani bekor qilish to‘g‘risidagi qarori yuzasidan sudga shikoyat qilish mumkin. Litsenziyaning bekor qilinishi asossiz ekanligi sud tomonidan e’tirof etilgan taqdirda Komissiya litsenziat oldida litsenziat ko‘rgan zarar miqdorida javob beradi.
litsenziyani qayta rasmiylashtirish, uning amal qilishini to‘xtatib turish va tiklashning asoslari va sanasi;
32. Litsenziyalarning reyestrlarida mavjud bo‘lgan ma’lumotlar litsenziyalovchi organning veb-saytida joylashtiriladi va tanishish uchun ochiq bo‘ladi.
(32-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
Oldingi tahrirga qarang.
(33-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qaroriga asosan o‘z kuchini yo‘qotgan — O‘R QHT, 2012-y., 6-son, 57-modda)
34. Qimmatbaho metallar va toshlardan zargarlik buyumlari tayyorlash faoliyatini amalga oshirish huquqiga litsenziya berilganligi uchun qonun hujjatlarida to‘lov kunida belgilangan eng kam oylik ish haqining yetti baravari miqdorida davlat boji undiriladi.
Qimmatbaho metallar va toshlardan
zargarlik buyumlari tayyorlash faoliyatini
litsenziyalash to‘g‘risidagi nizomga
ILOVA
zargarlik buyumlari tayyorlash faoliyatini
litsenziyalash to‘g‘risidagi nizomga
ILOVA
Azimov R.S. | — | O‘zbekiston Respublikasi Bosh vazirining o‘rinbosari, Komissiya raisi |
Alimov F.M. | — | O‘zbekiston Respublikasi Markaziy banki huzuridagi Qimmatbaho metallar agentligi Davlat asillik darajasini belgilash palatasi boshlig‘i, Komissiya raisining o‘rinbosari |
Qobilov I.M. | — | Vazirlar Mahkamasining Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamentining yetakchi mutaxassisi, Komissiya kotibi |
Patullayev A.A. | — | O‘zbekiston Respublikasi Markaziy banki huzuridagi Qimmatbaho metallar agentligi Davlat asillik darajasini belgilash palatasi boshlig‘ining o‘rinbosari |
Usenov N.S. | —� | O‘zbekiston Respublikasi Markaziy banki huzuridagi Qimmatbaho metallar agentligi Davlat asillik darajasini belgilash palatasining nazorat-taftish bo‘limi boshlig‘i |
Abduqodirov A.A. | — | “O‘zstandart” agentligining davlat inspektori |
Yakubov A.I. | — | “Fonon” ilmiy-ishlab chiqarish birlashmasi 1-Toshkent zargarlik zavodi direktorining o‘rinbosari |
1. Ushbu Nizom Vazirlar Mahkamasining qimmatbaho metallar va toshlardan zargarlik buyumlari tayyorlash faoliyatini litsenziyalash komissiyasining (keyingi o‘rinlarda Komissiya deb ataladi) vazifalari, funksiyalari va huquqlarini, shuningdek uning faoliyatini tashkil etish tartibini belgilaydi.
2. Komissiya o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, boshqa normativ-huquqiy hujjatlarga hamda ushbu Nizomga amal qiladi.
3. O‘zbekiston Respublikasi Markaziy banki huzuridagi Qimmatbaho metallar agentligi (keyingi o‘rinlarda ishchi organ deb ataladi) Komissiyaning ishchi organi funksiyasini bajaradi.
yuridik va jismoniy shaxslarning qimmatbaho metallar va toshlardan zargarlik buyumlari tayyorlash bo‘yicha faoliyati litsenziyalanishini ta’minlash;
litsenziatlar tomonidan litsenziya talablari va shartlariga rioya etilishi ustidan nazoratni tashkil qilish;
qimmatbaho metallar va toshlardan zargarlik buyumlari tayyorlash bo‘yicha faoliyatni tartibga soluvchi qonun hujjatlarini takomillashtirishga doir takliflar tayyorlash.
ishchi organning litsenziya talabgorlariga litsenziya berish yoki berishni rad etish to‘g‘risidagi ekspert xulosalari va takliflarini ko‘rib chiqadi hamda ular bo‘yicha qarorlar qabul qiladi;
ishchi organ, davlat boshqaruvi organlari, huquqni muhofaza qilish va nazorat organlarining litsenziyalarning amal qilishini to‘xtatish yoki litsenziyalarni bekor qilish to‘g‘risidagi xulosalarini ko‘rib chiqadi va ular bo‘yicha qarorlar qabul qiladi;
ishchi organning litsenziyalar berish to‘g‘risidagi arizalarni va tegishli hujjatlarni qabul qilish, ekspert xulosalari tayyorlash, litsenziyalarni rasmiylashtirish va qayta rasmiylashtirish, litsenziya bitimlarini tuzish, litsenziyalar reyestrini yuritish, litsenziyalarning amal qilishini to‘xtatib turish va tiklash bo‘yicha faoliyati ustidan nazoratni amalga oshiradi;
ishchi organning litsenziatlar tomonidan litsenziya talablari va shartlariga rioya qilinishi to‘g‘risidagi hisobotlarini eshitadi;
ishchi organning taqdimnomasiga ko‘ra litsenziya bitimining namunaviy shaklini, shuningdek litsenziya blankalari namunasini tasdiqlaydi.
ishchi organdan, tegishli vazirliklar va idoralardan o‘zining faoliyatini ta’minlash uchun zarur bo‘lgan axborotlarni so‘rash va olish;
davlat va xo‘jalik boshqaruvi tegishli organlariga, huquqni muhofaza qilish va nazorat organlariga litsenziyalanadigan faoliyatning litsenziya olmasdan amalga oshirilishi, qimmatbaho metallar va toshlardan zargarlik buyumlari tayyorlash bo‘yicha qonun hujjatlarining buzilishi holatlari bo‘yicha takliflar kiritish;
qimmatbaho metallar va toshlardan zargarlik buyumlari tayyorlash bo‘yicha faoliyatni litsenziyalashning ayrim masalalari yuzasidan takliflar va xulosalar tayyorlash uchun vaqtinchalik ishchi va ekspert guruhlar tashkil etish;
O‘zbekiston Respublikasi Vazirlar Mahkamasiga qimmatbaho metallar va toshlardan zargarlik buyumlari tayyorlash bo‘yicha faoliyatni tartibga soluvchi qonun hujjatlarini takomillashtirishga doir takliflarni ko‘rib chiqish uchun kiritish.
7. Komissiya o‘ziga yuklangan vazifalar va funksiyalarning zarur darajada, samarali va o‘z vaqtida bajarilishi uchun javob beradi.
8. Komissiya o‘z faoliyatini jamoatchilik asosida amalga oshiradigan rais, uning o‘rinbosari, Komissiya a’zolari va uning kotibidan iborat bo‘ladi. Komissiyaning shaxsiy tarkibi O‘zbekiston Respublikasi Vazirlar Mahkamasi tomonidan tasdiqlanadi.
Komissiya a’zolariga, ishchi organga hamda davlat va xo‘jalik boshqaruvi organlariga Komissiya faoliyati bilan bog‘liq masalalar bo‘yicha topshiriqlar beradi;
Komissiya raisi bo‘lmagan hollarda, shuningdek uning topshirig‘iga ko‘ra raisning funksiyalarini uning o‘rinbosari bajaradi.
litsenziyalar berish to‘g‘risidagi arizalarni tegishli hujjatlar bilan birga qabul qiladi, ular bo‘yicha ekspert xulosasi tayyorlaydi;
litsenziatlar tomonidan litsenziya talablari va shartlariga rioya qilinishi ustidan nazoratni amalga oshiradi;
12. Litsenziya talabgoriga litsenziya berish yoki litsenziya berishni rad etish to‘g‘risidagi qaror Komissiya tomonidan litsenziya talabgorining arizasi olingan kundan boshlab o‘ttiz kundan oshmaydigan muddatda qabul qilinadi.
Ishchi organ ariza olingan kundan boshlab yigirma kundan oshmaydigan muddatda hujjatlarni ko‘rib chiqadi, ular bo‘yicha ekspert xulosasi tayyorlaydi hamda litsenziya talabgoriga litsenziya berish yoki litsenziya berishni rad etish to‘g‘risidagi taklifni qaror protokolining tegishli loyihasi bilan Komissiyaga tasdiqlash uchun taqdim etadi.
13. Komissiya o‘z majlislarini zaruriyatga ko‘ra, shuningdek ishchi organning litsenziyalar berish yoki litsenziyalar berishni rad etish, litsenziyalarni bekor qilish, ularning amal qilishini to‘xtatish to‘g‘risidagi takliflari olingandan keyin 10 kun mobaynida o‘tkazadi. Komissiya o‘z majlisida ishchi organning taklifini ko‘rib chiqadi va qaror protokolini tasdiqlaydi.
14. Komissiya majlisini tayyorlashda Komissiya kotibi majlisdan kechi bilan bir kun oldin Komissiya a’zolarini Komissiya majlisi o‘tkaziladigan sana, joy va vaqt to‘g‘risida xabardor qiladi.
15. Komissiya majlisi unda Komissiya a’zolarining kamida to‘rtdan uch qismi ishtirok etgan taqdirda qaror qabul qilish vakolatiga ega bo‘ladi. Komissiya qarorlari so‘rov yo‘li bilan qabul qilinishi mumkin.
Komissiya qarorlari ko‘pchilik ovoz bilan qabul qilinadi va protokollar bilan rasmiylashtiriladi. Ovozlar teng bo‘lgan taqdirda Komissiya raisining (u bo‘lmaganda — rais o‘rinbosarining) ovozi hal qiluvchi hisoblanadi. Komissiya majlisi protokolida litsenziya talabgorining hujjatlarini ko‘rib chiqish natijalari va ular bo‘yicha qisqacha ekspert xulosasi aks ettiriladi.
Komissiya qabul qilgan qaror protokoli Komissiya raisi (uning o‘rinbosari) tomonidan, Komissiya majlisidan keyin bir kundan oshmaydigan muddatda (takroriy ko‘rib chiqishda — Komissiya qarori protokoli loyihasi taqdim etilgandan keyin to‘rt kun mobaynida) imzolanadi.
Imzolangan protokolni Komissiyaning mas’ul kotibi ro‘yxatdan o‘tkazadi, u protokolning birinchi nusxasini saqlash uchun o‘zida qoldiradi, ikkinchi nusxasini esa ishchi organga jo‘natadi.
16. Ishchi organ litsenziya talabgorini qabul qilingan qaror to‘g‘risida Komissiyaning tegishli qarori qabul qilgandan keyin uch kun mobaynida xabardor qiladi.
Litsenziya berish yuzasidan qaror qabul qilinganligi to‘g‘risidagi bildirishnoma litsenziya talabgoriga bank hisob raqami rekvizitlari, davlat bojini to‘lash muddati ko‘rsatilgan holda yozma shaklda jo‘natiladi (topshiriladi).
17. Litsenziat tomonidan litsenziya bitimi imzolangandan va davlat boji to‘langandan keyin 2 kun muddatda ishchi organ litsenziya blankalarini rasmiylashtiradi.
Rasmiylashtirilgan litsenziya blankalari ularni Komissiya raisi (uning o‘rinbosari) imzolashi uchun ishchi organ tomonidan Komissiyaga jo‘natiladi.
18. Ishchi organ imzolangan litsenziyalarni muhr bilan tasdiqlaydi va litsenziatga beradi hamda reyestrda tegishli yozuvni qayd etadi.
1. Vazirlar Mahkamasining “Qimmatbaho metallar va toshlardan zargarlik buyumlari tayyorlash faoliyatini litsenziyalash to‘g‘risidagi nizomni tasdiqlash haqida” 2003-yil 12-noyabrdagi 503-son qarori (O‘zbekiston Respublikasi QT, 2003-y., 11-son, 115-modda).
2. Vazirlar Mahkamasining “Respublika komissiyalari va kengashlari tarkibini tasdiqlash to‘g‘risida” 2004-yil 26-iyuldagi 358-son qaroriga 33-ilova.
3. Vazirlar Mahkamasining “O‘zbekiston Respublikasi Hukumatining ayrim qarorlarini o‘z kuchini yo‘qotgan deb hisoblash hamda ba’zilariga o‘zgartirishlar kiritish to‘g‘risida” 2005-yil 22-fevraldagi 73-son qaroriga 2-ilova 36-bandining yigirma to‘qqizinchi xatboshi (O‘zbekiston Respublikasi QT, 2005-y., 2-son,13-modda).
4. Vazirlar Mahkamasining “Ayrim respublika komissiyalari va kengashlari tarkibiga o‘zgartirishlar kiritish to‘g‘risida” 2005-yil 7-noyabrdagi 244-son qaroriga 1-ilova 10-bandining o‘n yettinchi xatboshi.
5. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida (O‘zbekiston Respublikasi Prezidentining “Tadbirkorlik faoliyati yuritish uchun ruxsatnoma turlarini qisqartirish va ularni berish tartib-qoidalarini soddalashtirish to‘g‘risida” 2005-yil 21-sentabrdagi PQ–186-son qarori)” 2006-yil 22-maydagi 92-son qaroriga ilovaning 32-bandi.