54-сон 31.01.2003. Transport vositalarini majburiy texnik koʻrikdan oʻtkazish tartibi toʻgʻrisidagi nizomni tasdiqlash haqida

Hujjat kuchini yo‘qotgan " " 10.03.2021

Oʻzbekiston Respublikasi Vazirlar Mahkamasining

qarori

Transport vositalarini majburiy texnik koʻrikdan oʻtkazish tartibi toʻgʻrisidagi nizomni tasdiqlash haqida

LexUZ sharhi

Mazkur qaror Oʻzbekiston Respublikasi Vazirlar Mahkamasining 2021-yil 9-martdagi 125-sonli “Transport vositalarini majburiy texnik koʻrikdan oʻtkazish tartibini takomillashtirishga doir qoʻshimcha chora-tadbirlar toʻgʻrisida”gi qaroriga asosan oʻz kuchini yoʻqotgan.

“Yoʻl harakati xavfsizligi toʻgʻrisida”gi Oʻzbekiston Respublikasi Qonunini ijro etish yuzasidan Vazirlar Mahkamasi qaror qiladi:

(muqaddima Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

1. Transport vositalarini majburiy texnik koʻrikdan oʻtkazish tartibi toʻgʻrisidagi Nizom ilovaga muvofiq tasdiqlansin va 2003-yil 1-fevraldan boshlab amalga kiritilsin.

2. Oʻzbekiston Respublikasi Ichki ishlar vazirligi Oʻzbekiston avtomobil va daryo transporti agentligi bilan birgalikda:

transport vositalarini majburiy texnik koʻrikdan oʻtkazishda muvofiqligi tekshiriladigan standartlar roʻyxatini bir oy muddatda belgilangan tartibda tasdiqlasin;

majburiy texnik koʻrikdan oʻtkazishda ular asosida transport vositalarining texnik holati tekshiriladigan ishlab chiqarish-texnika bazasiga qoʻyiladigan talablarni hamda transport vositalarini texnik diagnostika vositalaridan foydalangan holda majburiy texnik koʻrikdan oʻtkazish ishlari texnologiyasiga qoʻyiladigan talablarni ikki oy muddatda tasdiqlasin.

3. Belgilansinki, Oʻzbekiston Respublikasi Milliy gvardiyasi, Mudofaa vazirligi, Ichki ishlar vazirligi, Davlat xavfsizlik xizmatining harbiy boʻlinmalari transport vositalari koʻrsatib oʻtilgan idoralar tomonidan belgilangan tartibda majburiy texnik koʻrikdan oʻtkaziladi.

(3-band Oʻzbekiston Respublikasi Vazirlar Mahkamasining 2018-yil 20-sentabrdagi 748-sonli qarori tahririda — Qonun hujjatlari maʼlumotlari milliy bazasi, 21.09.2018-y., 09/18/748/2024-son)

4. Oʻzbekiston Respublikasi Ichki ishlar vazirligi ommaviy axborot vositalarida transport vositalarining barcha egalariga, avtomobillarga texnika xizmati koʻrsatuvchi tashkilotlarga majburiy texnik koʻrikdan oʻtkazish tartibini yetkazishga qaratilgan keng tushuntirish ishlari oʻtkazilishini tashkil etsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov zimmasiga yuklansin.

Oʻzbekiston Respublikasining Bosh vaziri Oʻ. SULTONOV

Toshkent sh.,

2003-yil 31-yanvar,

54-son

Vazirlar Mahkamasining 2003-yil
31-yanvardagi 54-son qaroriga
ILOVA

Transport vositalarini majburiy texnik koʻrikdan oʻtkazish tartibi toʻgʻrisida

NIZOM

I. Asosiy qoidalar

1. Mazkur Nizom “Yoʻl harakati xavfsizligi toʻgʻrisida”gi Oʻzbekiston Respublikasi Qonuniga muvofiq avtomototransport vositalari va ularga tirkamalarni, shuningdek shahar elektr transportini majburiy texnik koʻrikdan oʻtkazish tartibini belgilaydi.

(1-band Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

2. Transport vositalarining majburiy texnik koʻrigi (keyingi oʻrinlarda matnda “texnik koʻrik” deb yuritiladi) Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmati organlari (keyingi oʻrinlarda matnda “DYHXX” deb yuritiladi) tomonidan mazkur Nizomga muvofiq oʻtkaziladi.

Transport vositalarining texnik holati va uskunalarining muvofiqligini baholash uchun DYHXX organlari tomonidan tashkiliy-huquqiy shakllaridan qatʼi nazar, vazirliklar va idoralarning, boshqa tashkilotlarning, shuningdek, xususiy texnik xizmat koʻrsatish stansiyalari (keyingi oʻrinlarda TXS deb ataladi) shartnoma asosida jalb etilishi mumkin.

Jismoniy shaxslarga tegishli M1 toifadagi transport vositalarining texnik reglamentlar yoki standartlar talablariga, yoʻl harakati xavfsizligi qoidalari, normalariga muvofiqligi tadbirkorlik subyektlari — yuridik shaxslar (keyingi oʻrinlarda Subyektlar deb ataladi) tomonidan ham baholanishi mumkin.

Bunda jismoniy shaxslar — M1 toifadagi transport vositalari egalari oʻz transport vositasining texnik holati va uskunalari muvofiqligini baholash uchun oʻz tanloviga koʻra, DYHXX organlari, TXS yoki Subyektlarga murojaat qilishlari mumkin.

(2-band Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qaroriga asosan ikkinchi — toʻrtinchi xatboshilar bilan toʻldirilgan — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

3. Quyidagilar texnik koʻrikdan oʻtkazishning asosiy vazifalari hisoblanadi:

transport vositalarining texnik holati, ulardan foydalanish normalari va qoidalariga rioya etilishi ustidan samarali nazoratni tashkil etish;

transport vositalarining texnik holati va uskunalari yoʻl harakati xavfsizligi texnik reglamentlari yoki standartlari, qoidalari, normalariga muvofiqligini baholash;

(3-bandning uchinchi xatboshisi Oʻzbekiston Respublikasi Vazirlar Mahkamasining 2014-yil 3-martdagi 45-sonli qarori tahririda — OʻR QHT, 2014-y., 10-son, 105-modda)

transport vositalari sonini, ularning holatini, amalda mavjudligini, tegishliligini va boshqa roʻyxatdan oʻtkazish maʼlumotlarni aniqlashtirish;

yoʻl harakati xavfsizligini taʼminlash yuzasidan profilaktika ishlarini tashkil etish;

yoʻl harakati va transport vositalaridan foydalanish sohasida huquqni buzishlar va jinoyatlarning oldini olish, aniqlash va barham berish.

4. Yuridik va jismoniy shaxslarga, shu jumladan xorijiy yuridik va jismoniy shaxslarga tegishli boʻlgan va belgilangan tartibda DYHXX organlarida roʻyxatdan oʻtkazilgan transport vositalari, shuningdek trolleybuslar va tramvaylar (keyingi oʻrinlarda matnda “transport vositalari” deb yuritiladi) majburiy texnik koʻrikdan oʻtkazilishi kerak.

(4-bandning birinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

Oʻzbekiston Respublikasi Tashqi ishlar vazirligida akkreditatsiyadan oʻtgan xorijiy davlatlarning diplomatik vakolatxonalari va konsullik muassasalariga, xalqaro (davlatlararo, hukumatlararo) tashkilotlar va ularning vakolatxonalariga, shuningdek ushbu vakolatxonalar va tashkilotlarning xodimlariga va ularning oila aʼzolariga qarashli boʻlgan avtomototransport vositalari va ularga tirkamalar ushbu Nizomga muvofiq umumiy asoslarda texnik koʻrikdan oʻtkaziladi.

(4-bandning ikkinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

5. Transport vositalari quyidagi davriylikka muvofiq texnik koʻrikdan oʻtkazilishi kerak:

a) tijorat asosida yoʻlovchilar tashish uchun foydalaniladigan yengil avtomobillar, avtobuslar, trolleybuslar, tramvaylar va oʻtiriladigan joylar soni 8 ta va undan ortiq boʻlgan (haydovchining oʻrnidan tashqari), odamlarni muntazam tashish uchun jihozlangan yuk avtomobillari, yirik gabaritli, ogʻir vaznli va xavfli yuklarni tashish uchun maxsus transport vositalari va ularga tirkamalar — bir yilda ikki marta;

b) ishlab chiqarilganligiga besh yildan koʻp boʻlmagan (ishlab chiqarilgan yili ham shu jumlaga kiradi) transport vositalari (mazkur bandning “a” kichik bandida koʻrsatilgan transport vositalaridan tashqari) — ikki yilda bir marta;

v) ishlab chiqarilgan yilini hisobga olgan holda ishlab chiqarilganligiga besh yildan ortiq boʻlgan transport vositalari, shuningdek ishlab chiqarilgan vaqti aniqlanmagan transport vositalari (mazkur bandning “a” kichik bandida koʻrsatilgan transport vositalaridan tashqari) — bir yilda bir marta;

g) tirkamalar koʻrikka transport vositasi — shatakchi uchun belgilangan muddatlarda taqdim etiladi.

Oldingi tahrirga qarang.

(5-bandning oltinchi xatboshisi Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qaroriga asosan chiqarilgan — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

d) navbatdagi texnik koʻrikdan oʻtkazishning ilgari oʻrnatilgan muddatlaridan qatʼi nazar, ularni DYHXX organlarida roʻyxatdan oʻtkazish (qayta roʻyxatdan oʻtkazish) vaqtida;

e) ular ishlab chiqarilgan yildan qatʼi nazar, DYHXX organlarida roʻyxatdan oʻtkazilgan (qayta roʻyxatdan oʻtkazilgan) kundan boshlab bir yil oʻtgach (mazkur bandning “a” kichik bandida koʻrsatilgan holatlar bundan mustasno).

(5-band Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qaroriga asosan “d” va “e” kichik bandlar bilan toʻldirilgan — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

6. Mazkur Nizomning 5-bandi “a” kichik bandida koʻrsatilgan transport vositalarining texnik koʻrigi:

birinchi marta — 1-mart — 30-iyunda;

ikkinchi marta — 1-sentabr — 31-oktabrda oʻtkaziladi.

Yuridik shaxslarga qarashli boʻlgan transport vositalarining texnik koʻrigi 1-mart — 30-iyunda oʻtkaziladi.

Jismoniy shaxslarga qarashli boʻlgan transport vositalarining texnik koʻrigi 1-yanvar — 31-avgustda oʻtkaziladi.

Transport vositasi texnik koʻrikka belgilangan muddatlardan oldin taqdim etilishi mumkin. Ushbu holda transport vositasini texnik koʻrikka taqdim etish muddatini oʻzgartirish toʻgʻrisidagi qaror transport vositasi egasi — yuridik yoki jismoniy shaxsning yozma arizasi asosida DYHXXning tegishli hududiy boʻlinmasi rahbari tomonidan qabul qilinadi.

(6-bandning oltinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

7. Transport vositalari DYHXX organlari tomonidan texnik koʻrikdan oʻtkazilganligi uchun Oʻzbekiston Respublikasi Ichki ishlar vazirligi tomonidan Moliya vazirligi bilan kelishilgan holda tasdiqlanadigan miqdorlarda yigʻim undiriladi.

Birinchi (oldingi) texnik koʻrikda nosoz deb topilgan transport vositalari takroriy texnik koʻrikdan oʻtkazilganligi uchun belgilangan miqdorlarda yigʻim undiriladi.

Texnik koʻrik oʻtkazilganligi uchun yigʻim summasi tegishli mahalliy budjetga oʻtkaziladi.

(7-band Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

II. Jismoniy shaxslarga tegishli transport vositalarining texnik holatini tekshirishni tashkil etish va oʻtkazish tartibi

8. Jismoniy shaxslarga tegishli transport vositalarining texnik holatini tekshirish:

DYHXXning diagnostika stansiyalari;

TXS;

Subyektlar (yoʻlovchilar tashish uchun moʻljallangan va haydovchi oʻrnidan tashqari oʻtirish uchun sakkiztadan koʻp boʻlmagan oʻrindiqlarga ega M1 toifadagi transport vositalari) tomonidan amalga oshirilishi mumkin.

Bunda TXS va Subyektlar koʻrsatiladigan xizmatlar uchun qatʼiy belgilangan narxlarni belgilashlari va DYHXX organlari bilan hamkorlik qilishlari zarur.

9. Jismoniy shaxslarga tegishli transport vositalarining texnik holatini tekshirish uchun DYHXXning diagnostika stansiyalari, TXS va Subyektlar Oʻzbekiston standartlashtirish, metrologiya va sertifikatlashtirish agentligi huzuridagi “Akkreditatsiya markazi” DUK tomonidan belgilangan tartibda texnik jihatdan malakaliligi maʼqullashdan oʻtkazilgan, transport vositalarining texnik holatini tekshirishni tashkil etish va oʻtkazish uchun zarur texnologik jihozlar bilan taʼminlangan ishlab chiqarish-texnik bazasiga ega boʻlishi zarur.

(9-band Oʻzbekiston Respublikasi Vazirlar Mahkamasining 2020-yil 28-iyuldagi 456-sonli qarori tahririda — Qonun hujjatlari maʼlumotlari milliy bazasi, 29.07.2020-y., 09/20/456/1119-son)

10. Jismoniy shaxslarga tegishli M1 toifadagi transport vositalarining texnik holatini tekshirish uchun Subyektlarning ishlab chiqarish-texnik bazasi:

a) quyidagilarga muvofiq boʻlishi zarur:

M1 toifadagi transport vositalarining texnik holatini tekshirish uchun — Oʻzbekiston Respublikasi Vazirlar Mahkamasi tomonidan tasdiqlanadigan avtotransport vositalari konstruksiyasining foydalanish shartlari boʻyicha xavfsizligiga qoʻyiladigan talablarga;

avtotransport vositalariga oʻrnatilgan gaz ballon uskunalari ulanmalarining germetikligi va ishonchliligini sinovdan oʻtkazish va ularning ballonlarini tekshirish uchun — Oʻzbekiston Respublikasi Vazirlar Mahkamasi tomonidan tasdiqlanadigan siqilgan i tabiiy gazda (keyingi oʻrinlarda STG deb ataladi), suyultirilgan neft gazida (keyingi oʻrinlarda SNG deb ataladi) yoki dizel va gazsimon yoqilgʻi aralashmasida ishlaydigan transport vositalarining xavfsizligiga qoʻyiladigan talablarga;

b) zarur texnik diagnostika vositalariga ega boʻlishi lozim, shu jumladan:

oʻqiga tushadigan maksimal ogʻirlik 3500 kg gacha boʻlgan transport vositalarining tormoz tizimini tekshirish uchun tormoz tizimining texnik diagnostika vositalariga;

pnevmatik va pnevmogidravlik tormoz uzatmalarida siqilgan havo bosimi va germetiklikni (bosim tushishini) nazorat qilish vositalariga;

tirkamalarni ulash moslamasining bosib turish qurilmasiga;

rul boshqaruvdagi umumiy lyuftini oʻlchash priboriga;

rul boshqaruvi va podveskasi detallaridagi lyuftlarni tekshirish testeriga;

chiroqlar yorugʻligini boshqarishni va kuchini nazorat qilish priboriga;

shinalarni texnik diagnostika qilish vositalariga;

gazanalizatori — uchqundan oʻt oldirish dvigatellariga ega transport vositalarining ishlab boʻlingan gazlarida ifloslantiruvchi moddalarning mavjudligini aniqlash pribori;

tutun oʻlchash pribori — siqilishdan oʻt oldirish dvigatellariga ega transport vositalarining ishlab boʻlingan gazlarida tutunni aniqlash pribori;

dvigatel aylanish chastotasi va moy haroratini oʻlchash priboriga;

shovqin oʻlchash priboriga;

oynalarning yorugʻlik oʻtkazishini tekshirish priboriga;

kompressorga;

qinchali manometrga;

zarur kompyuter texnikasiga.

Ayrim texnik diagnostika vositalari xavfsiz foydalanish boʻyicha talablarga muvofiq boʻlish sharti asosida universial texnik vositalar bilan almashtirilishi mumkin.

Qoʻllaniladigan barcha oʻlchov vositalari tasdiqlangan tipda boʻlishi, qonun hujjatlariga muvofiq tekshiruvdan oʻtgan boʻlishi zarur.

DYHXXning diagnostika stansiyalari va TXSning ishlab chiqarish-texnik bazasi tekshirilayotgan transport vositasining toifasiga koʻra (M1, M2, M3, №1, №2, №3) mazkur band talablariga muvofiq boʻlishi kerak.

11. Transport vositalarining texnik holatini baholash uchun moʻljallangan ishlab chiqarish-texnik baza joylashtiriladigan xona va maydonlarga doir talablar ushbu Nizomning 1-ilovasiga muvofiq belgilanadi.

Texnik diagnostika vositalarining soni va tavsiflariga, mehnat va atrof-muhitni muhofaza qilishga doir talablar qonun hujjatlariga muvofiq belgilanadi.

(11-band Oʻzbekiston Respublikasi Vazirlar Mahkamasining 2019-yil 15-fevraldagi 136-sonli qarori tahririda — Qonun hujjatlari maʼlumotlari milliy bazasi, 16.02.2019-y., 09/19/136/2623-son)

12. Transport vositalarini tekshirishga tegishli mutaxassislikka ega boʻlgan yoki diagnostika qilish texnologiyasi, diagnostika jihozlarining tuzilishi va ishlash prinsiplari, diagnostika vositalarini qoʻllagan holda texnik holatni tekshirish metodlari, mehnatni muhofaza qilish boʻyicha talablarni oʻrgangan shaxslar qoʻyilishi mumkin.

13. Subyektlar jismoniy shaxslarga tegishli M1 toifadagi transport vositalarining texnik holatini tekshirishni oʻtkazish boʻyicha faoliyatlarini boshlashdan oldin Qoraqalpogʻiston Respublikasi Ichki ishlar vazirligi, Toshkent shahar Ichki ishlar bosh boshqarmasi va viloyatlar ichki ishlar boshqarmalarining hududiy yoʻl harakati xavfsizligi boshqarmalarini (keyingi oʻrinlarda YHXB deb ataladi) yaratilgan sharoitlar mazkur Nizom talablariga muvofiqligi va koʻrsatilgan faoliyatni amalga oshirishga tayyor ekanligi haqida yozma ravishda xabardor qilishlari shart.

Subyektning xatiga quyidagi hujjatlar ilova qilinadi:

Subyekt ustavining nusxasi;

avtotransport vositalarining texnik holatini tekshirishni tashkil etish va oʻtkazish uchun tegishli texnologik jihozlar bilan taʼminlangan ishlab chiqarish-texnik baza Oʻzbekiston standartlashtirish, metrologiya va sertifikatlashtirish agentligi huzuridagi “Akkreditatsiya markazi” DUK tomonidan berilgan maʼqullash toʻgʻrisidagi guvohnoma;

(13-band Oʻzbekiston Respublikasi Vazirlar Mahkamasining 2020-yil 28-iyuldagi 456-sonli qarori tahririda — Qonun hujjatlari maʼlumotlari milliy bazasi, 29.07.2020-y., 09/20/456/1119-son)

“Sanoatgeokontexnazorat” davlat inspeksiyasining avtotransport vositalariga oʻrnatiladigan ballonlarni texnik tekshirish boʻyicha faoliyatni amalga oshirish huquqini beruvchi ruxsatnomasining nusxasi.

13¹. Hududiy YHXB Subyektning mazkur Nizomning 13-bandiga muvofiq taqdim etilgan xati qabul qilingan kundan boshlab uch ish kuni ichida uni oʻrganadi, Subyekt tomonidan taqdim etilgan hujjatlar toʻliqligini tekshiradi va ular mazkur Nizom talablariga muvofiq boʻlgan taqdirda, Subyektni jismoniy shaxslarga tegishli M1 toifadagi transport vositalarining texnik holatini tekshirish uchun zarur sharoitlarga ega tadbirkorlik subyektlari — yuridik shaxslar hisobini yuritish reyestriga kiritadi hamda bu haqida ikki ish kuni ichida Subyektni xabardor qiladi.

Oʻzbekiston Respublikasi Ichki ishlar vazirligining Yoʻl harakati xavfsizligi bosh boshqarmasi Subyekt xabardor qilingan paytdan boshlab 2 ish kuni ichida uni Oʻzbekiston Respublikasi Ichki ishlar vazirligining Yoʻl harakati xavfsizligi bosh boshqarmasining rasmiy veb-saytiga joylashtiriladigan reyestrga kiritadi.

Reyestr aholini jismoniy shaxslarga tegishli M1 toifadagi transport vositalarining texnik holatini tekshirish uchun zarur sharoitlarga ega Subyektlar haqida xabardor qilish uchun yuritiladi.

13². Subyekt tomonidan mazkur Nizomning 13-bandida koʻrsatilgan hujjatlar toʻliq taqdim etilmagan yoki taqdim etilgan hujjatlarda notoʻgʻri yoki buzib koʻrsatilgan maʼlumotlar mavjud boʻlgan taqdirda hududiy YHXB 2 ish kuni ichida Subyektga yoʻl qoʻyilgan kamchiliklarni koʻrsatgan holda xabar beradi.

Subyekt mazkur Nizomning 13-bandiga muvofiq hududiy YHXBga takroran xabarnoma yuborish yoki DYHXX mansabdor shaxslarining harakati (harakatsizligi) ustidan belgilangan tartibda shikoyat qilish huquqiga ega.

13³. Subyekt oʻzi yoki uning filiali roʻyxatga olingan hududiy YHXB xizmat koʻrsatadigan hududda roʻyxatdan oʻtkazilgan jismoniy shaxslarga tegishli M1 toifadagi transport vositalarining texnik holatini tekshiradi.

Hududiy YHXB xizmat koʻrsatadigan hududda ikki yoki undan ortiq Subyektlar mavjud boʻlgan hollarda, Subyekt transport vositalari egalarining xohishiga koʻra tanlanadi.

13⁴. Jismoniy shaxslarga tegishli M1 toifadagi roʻyxatdan oʻtgan transport vositalarining soni Subyektlar tomonidan tekshiriladigan transport vositalarining sonidan koʻp boʻlsa va buning natijasida transport vositasining texnik holati oʻz vaqtida tekshirilishini taʼminlash imkoni boʻlmaydigan hududlarda boshqa transport vositalarining texnik holatini tekshirish joylari DYHXX organi tomonidan mazkur Nizomning 28, 29 va 33-bandlariga muvofiq belgilanadi.

13⁵. M1 toifadagi transport vositalarining texnik holatini tekshirish uchun texnik koʻrikdan oldin uning egasi — jismoniy shaxs yoki u tomonidan vakil qilingan shaxs (keyingi oʻrinlarda arizachi ataladi) reyestrga kiritilgan Subyekt xodimiga (operatoriga) murojaat qiladi, transport vositasini va quyidagi hujjatlarni taqdim etadi:

texnik koʻrikdan oʻtkazish uchun taqdim etilgan transport vositaning turi uchun nazarda tutilgan, tegishli toifadagi transport vositasini boshqarish huquqini beruvchi haydovchilik guvohnomasi;

transport vositasining roʻyxatdan oʻtkazilganligi toʻgʻrisidagi guvohnoma (texnik pasport, texnik talon);

gaz yoqilgʻisida ishlashga qayta jihozlangan transport vositasiga oʻrnatilgan gaz ballonining sertifikatlashtirish organi tomonidan berilgan muvofiqlik sertifikati nusxasi.

Transport vositasi taqdim etilgan hujjatlarda koʻrsatilgan maʼlumotlarga muvofiq boʻlgan taqdirda va u identifikatsiya qilingandan keyin mazkur transport vositasining texnik holatini tekshirishga ruxsat etiladi.

13⁶. Subyektning transport vositasi texnik holatini tekshirish xizmatlari uchun mazkur xizmatni koʻrsatadigan Subyekt tomonidan tasdiqlangan, biroq Qoraqalpogʻiston Respublikasi Vazirlar Kengashi, viloyatlar va Toshkent shahri hokimlari tomonidan Qoraqalpogʻiston Respublikasi Moliya vazirligi, viloyatlar va Toshkent shahar moliya bosh boshqarmalari bilan kelishgan holda belgilanadigan cheklangan miqdorlardan oshmaydigan tariflar boʻyicha haq toʻlanadi.

13⁷. Transport vositasining texnik holati Subyekt xodimi (operatori) tomonidan mazkur Nizomning VI boʻlimida nazarda tutilgan tartibda tekshiriladi.

Avtotransport vositalariga oʻrnatilgan STG va SNG tizimlarining germetikligi hamda agregatlari va uzellari (opressovka) ulangan joylarning ishonchliligi Subyekt tomonidan Oʻzbekiston Respublikasi Vazirlar Mahkamasi tomonidan tasdiqlangan Siqilgan tabiiy gazda, suyultirilgan neft gazida yoki dizel va gazsimon yoqilgʻi aralashmasida ishlaydigan transport vositalarining xavfsizligi toʻgʻrisidagi umumiy texnik reglamentga muvofiq sinovdan oʻtkaziladi.

13⁸. Tekshiruvdan oʻtgan va texnik soz deb topilgan har bir transport vositasiga Subyekt va TXS tomonidan mazkur Nizomga 2-ilovaga muvofiq shaklda uning texnik holati haqida maʼlumotnoma rasmiylashtiriladi va beriladi.

13⁹. Transport vositasini texnik koʻrikdan oʻtkazish uchun taqdim etgan avtotransport egasi tomonidan qonun hujjatlari buzilgan (koʻrsatilgan hujjatlarni, agregatlarning identifikatsiya raqamlarini soxtalashtirish va boshq.) holatlar aniqlangan taqdirda, Subyekt vakili bu haqida darhol DYHXX organlariga xabar berishi shart.

13¹⁰. Transport vositasining texnik holatini tekshirishda huquqbuzarliklarga yoʻl qoʻygan Subyektlarga nisbatan qonun hujjatlariga muvofiq javobgarlik choralari qoʻllaniladi.

13¹¹. Subyekt qayta tashkil etilganda, uning nomi yoki joylashgan joyi (pochta manzili) oʻzgargan hollarda Subyekt yoki uning huquqiy vorisi (merosxoʻri) qayta roʻyxatdan oʻtkazilgandan soʻng yetti ish kuni ichida hududiy YHXBni koʻrsatilgan maʼlumotlarni tasdiqlovchi hujjatlarni ilova qilgan holda xabardor qilishi shart.

14. Subyekt yoki TXS tomonidan jismoniy shaxslarga tegishli M1 toifadagi transport vositasining texnik holati haqida berilgan maʼlumotnoma berilgan kundan boshlab oʻn kun ichida haqiqiy hisoblanadi va DYHXX organlarida transport vositalari texnik holatini tekshirmasdan, ularning texnik koʻrikdan oʻtkazish natijalarini rasmiylashtirish uchun asos boʻlib xizmat qiladi.

(II boʻlim Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

III. Yuridik shaxslarning transport vositalarini texnik koʻrikdan oʻtkazishni tashkil etish

15. Texnik koʻrik transport vositalari roʻyxatdan oʻtkazilgan (vaqtincha roʻyxatdan oʻtkazilgan) joyda:

zarur shart-sharoitlarga (texnik diagnostika uskunalariga, koʻtarish moslamalariga yoki qarab chiqish uchun chuqurchalarga, nazorat-oʻlchash asboblariga, asfalt yoki beton qoplangan bir tekis gorizontal maydonchaga) va malakali mutaxassislarga ega boʻlgan tashkilotlarda;

texnika xizmati koʻrsatish stansiyalarida;

DYHXXning diagnostika stansiyalarida;

(15-bandning toʻrtinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

DYHXX organlari tomonidan oʻrnatilgan texnik nazorat postlarida oʻtkaziladi.

(15-bandning beshinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

Yuridik shaxslarning transport vositalarini texnik koʻrikdan oʻtkazish joylari DYHXXning hududiy boʻlinmalari tomonidan belgilanadi.

(15-bandning oltinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

Tashkilotlarda texnik koʻrik boshlangunga qadar barcha diagnostika apparatlari tekshirilishi va ish holatiga keltirilishi zarur.

16. Texnik koʻrikni tashkil etish jadval tuzish bilan rejalashtiriladi, jadvalda texnik koʻrik oʻtkazish joyi, sanasi va vaqti, koʻrikka qoʻyilayotgan transport vositalari soni toʻgʻrisidagi maʼlumotlar boʻlishi kerak.

Jadval yuridik shaxslarning buyurtmanomalari va diagnostika stansiyalarining texnik imkoniyatlari, ob-havo-iqlim, ishlab chiqarish sharoitlari va boshqa sharoitlar hisobga olingan holda DYHXX hududiy organlari tomonidan tuziladi.

(16-bandning ikkinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

17. Bir kunda texnik koʻrikka qoʻyiladigan transport vositalari soni mavjud diagnostika va nazorat-oʻlchash uskunalarining kunlik unumdorligidan kelib chiqib belgilanadi.

18. Texnik koʻrikni oʻtkazish jadvali va uni oʻtkazish boʻyicha komissiyaning tarkibi har yili 15-fevralgacha Toshkent shahar hokimi, Qoraqalpogʻiston Respublikasi va viloyatlarning tegishli tumani (shahari) hokimlarining qarori bilan tasdiqlanadi. Bunda komissiya tarkibiga Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalari, tramvay-trolleybus parklari, boshqa davlat organlari, shuningdek nodavlat, notijorat tashkilotlarning vakillari kiritiladi.

(18-bandning birinchi xatboshisi Oʻzbekiston Respublikasi Vazirlar Mahkamasining 2020-yil 8-maydagi 271-sonli qarori tahririda — Qonun hujjatlari maʼlumotlari milliy bazasi, 08.05.2020-y., 09/20/271/0565-son)

DYHXX hududiy organining (Qoraqalpogʻiston Respublikasi Ichki ishlar vazirligi, viloyatlar ichki ishlar boshqarmalari va Toshkent shahar ichki ishlar bosh boshqarmasi, Qoraqalpogʻiston Respublikasi Ichki ishlar vazirligi va viloyatlar ichki ishlar boshqarmalari tuman (shahar) ichki ishlar boʻlimlarining yoʻl harakati xavfsizligi boʻlimi (boʻlinmasi, guruhi) vakili (keyingi oʻrinlarda matnda — DYHXX xodimi) komissiya raisi hisoblanadi.

(18-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

19. Yuridik shaxsga texnik koʻrik oʻtkaziladigan muddatlar toʻgʻrisidagi bildirishnoma yuboriladi, unga transport vositalari guruhlari (3-ilova) yoki alohida transport vositasi (4-ilova) texnik koʻrik dalolatnomasi blanklari ilova qilinadi. Texnik koʻrik dalolatnomalari blanklari talab etiladigan maʼlumotlar koʻrsatilgan holda (texnik holat toʻgʻrisidagi maʼlumotlardan tashqari) transport vositalari roʻyxatiga muvofiq toʻldiriladi. Transport vositalari guruhining texnik koʻrigi dalolatnomasida koʻrsatilgan transport vositalari toʻgʻrisidagi maʼlumotlar DYHXXning tegishli organlarida hisobga olish maʼlumotlari bilan taqqoslanadi.

(19-band Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

20. Texnik koʻrik tashkilotlarda, diagnostika stansiyalarida va texnika xizmati koʻrsatish stansiyalarida ish vaqtida, texnik nazorat postlarida ish kunlarining kunduzgi va tungi vaqtlarida yoki haftaning dam olish kunlaridan birida oʻtkaziladi.

21. Boshqa yuridik yoki jismoniy shaxslarga ijaraga berilgan transport vositalari ijaraga beruvchida yoxud ular vaqtincha turgan joyi boʻyicha roʻyxatga olingan joydagi DYHXX organlarida ijaraga beruvchi uchun belgilangan muddatlarda texnik koʻrikdan oʻtadi.

(21-band Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

22. Texnik koʻrik boshlanishidan kamida oʻn kun oldin yuridik shaxs DYHXXning hududiy organiga quyidagi hujjatlarni taqdim etadi:

(22-bandning birinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

yuridik shaxsning rahbari, bosh buxgalter (bosh buxgalter funksiyasini bajaruvchi shaxs) tomonidan imzolangan, yuridik shaxsning muhri bilan tasdiqlangan (tadbirkorlik subyektlaridan muhr bilan tasdiqlash talab qilinmaydi) texnik koʻrik dalolatnomasining bir nusxasi;

(22-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 10-avgustdagi 661-sonli qarori tahririda — Qonun hujjatlari maʼlumotlari milliy bazasi, 11.08.2019-y., 09/19/661/3571-son)

texnik koʻrikdan oʻtkazganlik uchun yigʻimning belgilangan summasi toʻlanganligini tasdiqlovchi hujjat (toʻlov topshirigʻi, kvitansiya);

mukammal taʼmirlashda, xizmat safarida boʻlgan, ijaraga berilgan yoki sotishga qoʻyilgan transport vositalari sonini tasdiqlovchi maʼlumotlar.

gaz yonilgʻisida ishlash uchun qayta jihozlangan transport vositalariga oʻrnatilgan gaz ballonlarining amaldagi davlat standartlariga mosligi haqidagi sertifikatlashtirish organi tomonidan berilgan muvofiqlik sertifikati nusxasi;

“Sanoatgeokontexnazorat” davlat inspeksiyasining gaz ballonlarini sinovdan oʻtkazish huquqini beruvchi ruxsatnomasi mavjud boʻlgan tashkilot tomonidan gaz yonilgʻisida ishlash uchun qayta jihozlangan transport vositalarining gaz ballonlari sinovdan oʻtkazilganligi toʻgʻrisidagi dalolatnoma nusxasi.

(22-band Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qaroriga asosan beshinchi va oltinchi xatboshilar bilan toʻldirilgan — OʻR QHT, 2012-y., 11-son, 115-modda)

haydovchilar malaka oshirgani toʻgʻrisida sertifikatining (sertifikatlari) nusxasi.

(22-bandning yettinchi xatboshisi Oʻzbekiston Respublikasi Vazirlar Mahkamasining 2018-yil 23-fevraldagi 139-sonli qarori tahririda — Qonun hujjatlari maʼlumotlari milliy bazasi, 26.02.2018-y., 09/18/139/0818-son)

IV. Trolleybuslar va tramvaylarni texnik koʻrikdan oʻtkazishni tashkil etish

23. Trolleybuslar va tramvaylar texnik holatining Tramvay va trolleybusdan texnik foydalanish qoidalari, normativlar va standartlarning yoʻl harakati xavfsizligi va texnika xavfsizligini taʼminlashga tegishli qismi talablariga muvofiqligi trolleybuslar va tramvaylarni davlat texnik koʻrigidan oʻtkazishning asosiy vazifasi hisoblanadi.

24. Yoʻl harakati xavfsizligi talablaridan hech boʻlmaganda bittasiga javob bermaydigan trolleybus va tramvaylar nosoz deb hisoblanadi.

25. Texnik koʻrikka qoʻyilgan, biroq texnik nosozlik tufayli koʻrikdan oʻtmagan tramvaylar va trolleybuslar foydalanish uchun qoʻyilmaydi.

26. Oʻtkazilgan texnik koʻrik natijalari boʻyicha mazkur Nizomda belgilangan tartibda hujjatlar tuziladi va rasmiylashtiriladi.

V. Jismoniy shaxslarga tegishli transport vositalarini texnik koʻrikdan oʻtkazishni tashkil etish

27. Jismoniy shaxslarga tegishli transport vositasini navbatdagi texnik koʻrikka qoʻyish sanasi joriy koʻzdan kechirish paytida DYHXX organlari xodimlari tomonidan belgilanadi.

Texnik koʻrikni bir tekis oʻtkazish maqsadida DYHXX organlari jadvallar tuzishi va 1-yanvardan 31-avgustgacha boʻlgan davrda transport vositalari egalari tomonidan transport vositalarini navbatdagi texnik koʻrikdan oʻtkazish uchun taqdim etishning aniq sanalari (oylari)ni belgilashi mumkin.

(27-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

Transport vositalari egalari transport vositalarini navbatdagi texnik koʻrikka DYHXX organlari tomonidan belgilangan muddatdan kechiktirmay taqdim etishlari shart.

(27-band Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qaroriga asosan uchinchi xatboshi bilan toʻldirilgan — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

28. Texnik koʻrik transport vositalari roʻyxatdan oʻtkazadigan (vaqtincha roʻyxatdan oʻtkazadigan) joydagi:

TXSda;

DYHXX diagnostika stansiyalarida (jismoniy shaxslarga tegishli M1 toifadagi transport vositalarining texnik holati mazkur Nizomning 13⁴-bandi talablariga rioya etilgan holda baholanishi lozim);

DYHXX organlari tomonidan belgilangan texnik nazorat postlarida;

transport vositalarining texnik holatini tekshirish uchun zarur shart-sharoitlarga ega boʻlgan jamoaviy garaj hududida, avtomobillar toʻxtash joylarida;

Subyektlar tomonidan (jismoniy shaxslarga tegishli M1 toifadagi transport vositalari) oʻtkaziladi.

(28-band Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

29. Transport vositalarining texnik koʻrigi oʻtkaziladigan joy DYHXX organlari tomonidan belgilanadi. Transport vositalarining texnik koʻrigi ish kunlarining kunduzgi va tungi vaqtlarida yoki haftaning dam olish kunlarining birida oʻtkaziladi.

(29-band Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

30. Texnik koʻrikdan oʻtkazish uchun transport vositasi egasi yoki uning vakolatli shaxsi tomonidan quyidagi hujjatlar koʻrsatiladi:

pasport yoki shaxsni tasdiqlovchi boshqa hujjat (harbiy xizmatchilar — shaxsiy guvohnoma va turar joyidan maʼlumotnoma; Oʻzbekiston Respublikasi Tashqi ishlar vazirligida yoki Adliya vazirligida belgilangan tartibda akkreditatsiya qilingan xalqaro va xorijiy tashkilotlar xodimlari – tegishli ravishda Tashqi ishlar vazirligi yoki Adliya vazirligi tomonidan akkreditatsiya qilinganligi toʻgʻrisida belgi qoʻyilgan akkreditatsiya kartochkalari va milliy pasportlari; boshqa xorijiy fuqarolar – ichki ishlar organlarida vaqtincha turgan joyi boʻyicha roʻyxatga olinganligi toʻgʻrisida belgi qoʻyilgan milliy pasportlari yoki Oʻzbekiston Respublikasida yashash ruxsatnomasi; fuqaroligi boʻlmagan shaxslar — Oʻzbekiston Respublikasida yashash ruxsatnomasi);

(30-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

texnik koʻrikdan oʻtkazishga berilgan transport vositasiga muvofiq toifadagi transport vositasini boshqarish huquqiga haydovchi guvohnomasi;

transport vositasining roʻyxatdan oʻtkazilgani toʻgʻrisida guvohnoma (texnik pasport, texnik talon);

Oldingi tahrirga qarang.

(30-bandning beshinchi xatboshisi Oʻzbekiston Respublikasi Vazirlar Mahkamasining 2017-yil 20-dekabrdagi 1001-sonli qaroriga asosan chiqarilgan — Qonun hujjatlari maʼlumotlari milliy bazasi, 23.12.2017-y., 10/17/1001/0447-son)

sertifikatlashtirish organi tomonidan berilgan gaz yonilgʻisida ishlash uchun qayta jihozlangan transport vositalariga oʻrnatilgan gaz ballonlarining muvofiqlik sertifikati nusxasi;

(30-band Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qaroriga asosan oltinchi va yettinchi xatboshilar bilan toʻldirilgan — OʻR QHT, 2012-y., 11-son, 115-modda)

quyidagi hujjatlar taqdim etiladi:

texnik koʻrikdan oʻtish uchun belgilangan yigʻim summasi toʻlanganligini tasdiqlovchi hujjat (toʻlov topshiriqnomasi, kvitansiya);

TXS va Subyektning transport vositasining texnik holati toʻgʻrisidagi maʼlumotnomasi — shunday maʼlumotnoma boʻlganda.

(30-bandning toʻqqizinchi xatboshisi Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

31. Transport vositasini texnik koʻrikdan oʻtkazish joyiga olib borish mumkin boʻlmagan taqdirda uning egasi belgilangan muddatlarda DYHXXning hududiy organiga yozma ariza va ushbu Nizomning 30-bandida koʻrsatilgan hujjatlarni taqdim etadi (haydovchi guvohnomasi, texnik koʻrikdan oʻtkazish uchun yigʻim toʻlanganligi toʻgʻrisidagi hujjat va tibbiy maʼlumotnoma bundan mustasno). Bunda DYHXXning hududiy organi xodimi texnik koʻrikdan oʻtkazilganligi toʻgʻrisidagi talonga nosozlik toʻgʻrisida “NOSOZ” yozuvini qayd qiladi va shaxsiy imzo va muhr (shtamp) bilan tasdiqlaydi.

(31-bandning birinchi xatboshisi Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

Nosozlik bartaraf etilgandan keyin transport vositasi egasi uni, ushbu Nizomning 30-bandida koʻrsatilgan hujjatlarni koʻrsatgan holda texnik koʻrikka qoʻyadi.

32. Egasining yoʻqligi yoki kasalligi oqibatida texnik koʻrikdan belgilangan muddatlarda oʻtkazilmagan transport vositalari egasi qaytib kelgandan yoki sogʻaygandan keyin 10 kun mobaynida texnik koʻrikdan oʻtkaziladi.

VI. Texnik koʻrikni oʻtkazish tartibi

33. Transport vositalari texnik koʻrikdan oʻtkazishga DYHXX organlari tomonidan koʻrsatilgan joyga qoʻyilishi lozim (Subyektlar tomonidan jismoniy shaxslarga tegishli M1 toifadagi transport vositalarining texnik holatini baholash hollari bundan mustasno).

(33-band Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

34. Har qaysi transport vositasining texnik koʻrigi roʻyxatdan oʻtkazish toʻgʻrisidagi guvohnomada (texnik pasportda, texnik talonda) koʻrsatilgan maʼlumotlarga transport vositasi turi, markasi, modeli, davlat roʻyxatidan oʻtkazish raqami belgilari, shassi (rama), kuzov va dvigatelning identifikatsiyalash raqamlarining muvofiqligini tekshirishdan boshlanadi.

(34-band Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

35. Har qaysi transport vositasining texnik holati va jihozlari texnik reglamentlar yoki standartlar talablariga, yoʻl harakati xavfsizligi qoidalari va normalariga muvofiqligi jihatidan tekshiriladi.

(35-bandning birinchi xatboshisi Oʻzbekiston Respublikasi Vazirlar Mahkamasining 2014-yil 3-martdagi 45-sonli qarori tahririda — OʻR QHT, 2014-y., 10-son, 105-modda)

Gaz yonilgʻisida ishlash uchun qayta jihozlangan transport vositalarini texnik koʻzdan kechirishda gaz ballonlarining foydalanish muddati, ishlab chiqarilgan yili, zavod raqami, gaz ballonlarini sinovdan oʻtkazish muddatlari, gaz balloni anjomlarining belgilangan talablarga muvofiqligi ham tekshiriladi.

(35-band Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qaroriga asosan ikkinchi xatboshi bilan toʻldirilgan — OʻR QHT, 2012-y., 11-son, 115-modda)

36. Tirkamalar va yarim tirkamalarning texnik holati ham avtopoyezd tarkibida, ham alohida turgan holatida tekshiriladi.

37. Texnik koʻrikdan oʻtgan transport vositalariga tegishli dalolatnoma tuziladi (3, 4 yoki 4a-ilovalar).

(37-bandning birinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

Texnik koʻrikdan oʻtgan transport vositasini texnik koʻrikdan oʻtkazilganligi toʻgʻrisidagi talonga DYHXX organining xodimi belgilangan namunada shtamp qoʻyadi, sozligi toʻgʻrisida “SOZ” soʻzini qayd etadi, imzo bilan tasdiqlaydi va texnik koʻrikdan oʻtganligi toʻgʻrisida talon beradi (5-ilova).

Texnik koʻrikdan oʻtganligi toʻgʻrisidagi talonni (yoki dublikatni) berganlik uchun yigʻim undirilmaydi.

Oldingi tahrirga qarang.

(37-bandning toʻrtinchi xatboshisi Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qaroriga asosan chiqarilgan — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

Texnik koʻrikdan oʻtgani toʻgʻrisidagi talon navbatdagi texnik koʻrik oʻtkazilgungacha saqlanadi.

38. Texnik koʻrikdan oʻtganligi toʻgʻrisidagi talon yoʻqolganda (yoki yaroqsizlanganda) yuridik yoki jismoniy shaxs — transport vositasi egasining yozma arizasiga koʻra DYHXXning roʻyxatdan (vaqtinchalik roʻyxatdan) oʻtkazilgan joydagi organi koʻrikdan oʻtkazilganlik faktini tekshiradi.

(38-bandning birinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

Koʻrikdan oʻtganligi fakti tasdiqlanganda va ushbu Nizomning 30-bandida nazarda tutilgan hujjatlar koʻrsatilganda talon dublikati rasmiylashtiriladi va beriladi. Bunda transport vositasining texnik holati tekshirilmaydi va uni navbatdagi texnik koʻrikdan oʻtkazishga qoʻyish muddati oʻzgarmaydi.

39. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining ruxsatnomasini olish talab qilinadigan radioelektron vositalar va yuqori chastotali qurilmalarga ega boʻlgan transport vositalarida tegishli ruxsatnomaning mavjudligi tekshiriladi.

(39-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)

40. Maxsus va tezkor xizmatlar transport vositalarida maxsus rangli va ovozli signallar qurilmalarining mavjudligi, sozligi va qonuniyligi, shuningdek transport vositasining rang–grafik boʻyash sxemalarining texnik reglamentlar yoki standartlar talablariga muvofiqligi tekshiriladi.

(40-band Oʻzbekiston Respublikasi Vazirlar Mahkamasining 2014-yil 3-martdagi 45-sonli qarori tahririda — OʻR QHT, 2014-y., 10-son, 105-modda)

41. Konservatsiyaga qoʻyilgan transport vositalarini texnik koʻrikdan oʻtkazishda ularning butligi tekshiriladi. Transport vositasining soz holatdaligiga shubha tugʻdiradigan sabablar mavjud boʻlganda transport vositasini gʻildiraklarini chiqarish uchun tagliklardan qoʻzgʻatmagan holda uning dvigateli va transmissiyasining ishlay olishi tekshiriladi.

42. Texnik koʻrik natijalari transport vositasining roʻyxatdan oʻtkazish kartochkasida, shuningdek Yoʻl harakati xavfsizligi bosh boshqarmasi hududiy organlarining hisobga olish hujjatlarida qayd etiladi.

43. Jismoniy shaxs tomonidan transport vositasini (nosozligi yoki boshqa uzrli sabablar tufayli) texnik koʻrikdan oʻtkazishga qoʻyish imkoniyati boʻlmagan taqdirda roʻyxatdan oʻtkazish, qayta roʻyxatdan oʻtkazish, hisobdan chiqarish uchun yoki (bitta transport vositasini koʻrikdan oʻtkazish dalolatnomasini albatta taqdim etish talab qilinadigan) boshqa holatlarda transport vositasi egasining yozma arizasiga koʻra DYHXXning hududiy organi xodimi tomonidan u joylashgan joyda, bitta transportni koʻrikdan oʻtkazish dalolatnomasi tuzilgan holda texnik koʻrikdan oʻtkazilishi mumkin. Dalolatnoma berilgan vaqtidan boshlab 30 kun mobaynida haqiqiy hisoblanadi.

(43-band Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

44. Texnik holati va jihozlari yoʻl harakati xavfsizligi talablaridan hatto bittasiga javob bermaydigan transport vositasi ham nosoz hisoblanadi va undan foydalanish taqiqlanadi.

Texnik koʻrikdan oʻtkazishda DYHXX organlari tomonidan texnik jihatdan nosoz deb topilgan transport vositasining, shuningdek texnik holati belgilangan talablarga javob bermaydigan yoki tegishli ruxsatnomasiz qayta jihozlangan transport vositasining davlat roʻyxatidan oʻtkazish raqami belgilari kamchiliklar va nosozliklar bartaraf etilgunga qadar Oʻzbekiston Respublikasi Ichki ishlar vazirligi tomonidan belgilangan tartibda yechib olinadi;

(44-band Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qaroriga asosan ikkinchi xatboshisi bilan toʻldirilgan — OʻR QHT, 2012-y., 11-son, 115-modda)

Bunday transport vositasini takroriy koʻrikdan oʻtkazish oldingi koʻrikdan oʻtkazilgan vaqtidan boshlab yigirma kundan kechikmay, ushbu Nizomda belgilangan tartibda oʻtkaziladi. Bu holda texnik holatni tekshirish faqat oldingi koʻrikdan oʻtkazishda yoʻl harakati xavfsizligi talablariga muvofiq boʻlmagan koʻrsatkichlar boʻyichagina oʻtkaziladi.

Transport vositasi oldingi koʻrikdan oʻtkazish vaqtidan boshlab 20 kundan ortiq boʻlgan muddatda takroriy koʻrikdan oʻtkazishga qoʻyilgan taqdirda texnik holatni tekshirish toʻliq hajmda oʻtkaziladi.

(44-bandning toʻrtinchi xatboshisi Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

VII. Yakuniy qoidalar

45. Texnik koʻrikdan oʻtkazilganligi toʻgʻrisidagi shtamp namunasi Oʻzbekiston Respublikasi Ichki ishlar vazirligi tomonidan tasdiqlanadi. Shtamplarni tayyorlash, shuningdek ular bilan DYHXXning hududiy organlarini taʼminlash Qoraqalpogʻiston Respublikasi Ichki ishlar vazirligi, viloyatlar ichki ishlar boshqarmalari va Toshkent shahar Ichki ishlar bosh boshqarmasi tomonidan amalga oshiriladi.

(45-band Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

46. Texnik koʻrikdan oʻtkazilganligi toʻgʻrisidagi talon qatʼiy hisobda turadigan blanka hisoblanadi, uni tayyorlash, saqlash, sarflash va hisobga olish belgilangan tartibda DYHXX organlari tomonidan amalga oshiriladi.

(46-bandning birinchi xatboshisi Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

Talon blankalarini tayyorlash xarajatlarini mablagʻ bilan taʼminlash markazlashtirilgan tartibda Oʻzbekiston Respublikasi Ichki ishlar vazirligi Yoʻl harakati xavfsizligi bosh boshqarmasi tomonidan respublika budjeti mablagʻlari hisobiga amalga oshiriladi.

Transport vositalarini majburiy texnik koʻrikdan oʻtkazish tartibi toʻgʻrisidagi Nizomga
1-ILOVA

Transport vositalarining texnik holatini baholash uchun moʻljallangan ishlab chiqarish-texnik baza joylashtiriladigan xona va maydonlarga doir talablar

1-bob. Umumiy qoidalar

1. Ushbu Talablar DYHXX diagnostika stansiyalari, vazirliklar va idoralar, boshqa tashkilotlar hamda jismoniy shaxslarga tegishli texnik xizmat koʻrsatish stansiyalari, tadbirkorlik subyektlari — yuridik shaxslar tomonidan transport vositalarining texnik holatini baholash uchun moʻljallangan ishlab chiqarish-texnik baza (laboratoriyalar) (keyingi oʻrinlarda ishlab chiqarish-texnik baza deb ataladi) joylashtiriladigan xona va maydonlarning parametrlariga doir texnik normalarni belgilaydi.

2. Ishlab chiqarish-texnik baza belgilangan tartibda texnik jihatdan malakaliligini maʼqullashdan oʻtkazilgan, transport vositalarining texnik holatini texnika jihatidan tartibga solish sohasidagi normativ hujjatlar talablariga muvofiqligini baholashni tashkil etish va oʻtkazish uchun tegishli texnologik, sinov jihozlari va oʻlchash vositalari bilan taʼminlangan boʻlishi zarur.

(2-band Oʻzbekiston Respublikasi Vazirlar Mahkamasining 2020-yil 28-iyuldagi 456-sonli qarori tahririda — Qonun hujjatlari maʼlumotlari milliy bazasi, 29.07.2020-y., 09/20/456/1119-son)

2-bob. Ishlab chiqarish-texnik bazaning hududiga doir talablar

3. Ishlab chiqarish-texnik baza hududining oʻlchamlari quyidagi majburiy elementlarning joylashtirilishi imkoniyatini nazarda tutgan boʻlishi kerak:

ishlab chiqarish xonalari;

texnik holati baholanishi kutilayotgan va tugallangan transport vositalari uchun maydon;

xona va maydonlarga kirish va oʻtish yoʻllari.

4. Ishlab chiqarish-texnik baza hududida transport vositalari harakatini tashkil etish uchun quyidagilar mavjud boʻlishi kerak:

sunʼiy yoritish chiroqlari, shu jumladan kunning qorongʻi vaqtida hamda kirish yoʻli va hududi;

qatnov qismi tekis va qattiq qoplamali (asfaltbetonli yoki sementbetonli) boʻlgan kirish yoʻli, maydon;

perimetri boʻyicha oʻrnatilgan toʻsiq.

5. Ishlab chiqarish-texnik baza hududi yoki u joylashgan tashkilotga kirish joyi oldida ishlab chiqarish-texnik bazaning ish rejimi va texnik holati, baholashdan oʻtkaziladigan transport vositalarining harakatlanish sxemasi koʻrsatilgan axborotli stend oʻrnatilgan boʻlishi kerak.

Ishlab chiqarish-texnik baza binosida kengligi 2,0 metrdan va balandligi 0,7 metrdan kam boʻlmagan oʻlchamdagi, davlat tilida “Texnik koʻrik” yozuvi boʻlgan peshlavha oʻrnatilgan boʻlishi kerak. Yozuv boshqa tillarda takrorlanishi ham mumkin.

6. Ishlab chiqarish-texnik bazaning ishlab chiqarish xonasiga kirish yoʻllari boʻylab transport vositalarining harakatini tashkil etish quyidagi talablar asosida bajariladi:

transport vositalarining bir tomonlama harakatini tashkil etish;

transport vositalarining xavfsiz harakatlanishi uchun imkoniyat yaratish;

ishlab chiqarish-texnik baza hududida transport vositalarining ruxsat etilgan harakat yoʻnalishlarini tegishli yoʻl chiziqlari bilan belgilash.

7. Ishlab chiqarish-texnik baza hududi ichimlik va ishlab chiqarish suv quvurlari bilan jihozlangan boʻlishi kerak.

8. Ishlab chiqarish-texnik baza hududi maydonining yuzasi tekis, suv quvurlari va suv oqib ketadigan ariq mavjud boʻlishi kerak.

9. Ishlab chiqarish-texnik bazaga kirish hamda uning hududi boʻylab transport vositalarining harakatlanishi, barcha mavjud inshootlar, yoʻl belgilari va chiziqlari koʻrsatilgan holdagi sxemasi hududida ishlab chiqarish-texnik baza joylashgan tashkilot rahbari tomonidan tasdiqlanadi.

Yoʻlning kengligi yengil avtomobillar uchun — 3 metrdan, yuk avtomobilari va avtobuslar uchun — 4,5 metrdan kam boʻlmasligi kerak.

10. Texnik holati baholanishi kutilayotgan va tugallangan transport vositalarini joylashtirish uchun maydonlarning oʻlchamlarini aniqlashda baholanadigan transport vositalarining gabarit oʻlchamlari va texnik koʻrik liniyasining bir soatdan kam boʻlmagan vaqtdagi ishlab chiqarish quvvatiga teng boʻlgan transport vositalarining aynan bir vaqtda maydonda boʻlishi eʼtiborga olinishi kerak.

11. Ishlab chiqarish-texnik bazaning ishlab chiqarish xonasiga kirish oldidagi maydonning kengligi ishlab chiqarish xonasi kengligi bilan teng boʻlishi, uzunligi esa — 20 metrdan kam boʻlmasligi kerak.

12. Siqilgan va suyultirilgan tabiiy gaz yoqilgʻisida ishlaydigan transport vositalarini baholashga moʻljallangan xonalarning yertoʻlada, aholi yashash uylariga va boshqa korxonalar binolariga tutashgan holda joylashtirilishiga ruxsat etilmaydi.

3-bob. Ishlab chiqarish-texnik bazaning xonalariga doir talablar

13. Ishlab chiqarish-texnik baza tarkibiga quyidagilar kiritilishi kerak:

ishlab chiqarish xonasi;

transport vositalari egalarini qabul qilish va ularga xizmat koʻrsatish uchun xona;

transport vositasining texnik holatini baholash natijalarini rasmiylashtirish uchun xona;

sanitariya-gigiyena xonalari.

14. Ishlab chiqarish-texnik bazaning ishlab chiqarish xonalari quyidagilarni inobatga olgan holda rejalashtiriladi:

transport vositasining texnik holatini baholashdan oʻtkazish dasturi;

qoʻllaniladigan oʻlchash vositalari va sinov jihozlari;

transport vositasining texnik holatini baholash va natijalarini rasmiylashtirishning texnologik jarayoni;

yongʻinga qarshi xavfsizlik va mehnatni muhofaza qilish talablari.

15. Ishlab chiqarish-texnik bazaning ishlab chiqarish xonasi oʻlchamlari mazkur Talablarning ilovasiga muvofiq texnik koʻrik liniyalarining texnologik postlari soni va baholanadigan transport vositalarining gabarit oʻlchamlaridan kelib chiqqan holda aniqlanadi.

16. Ishlab chiqarish-texnik bazaning ishlab chiqarish xonasi rejasi ishlab chiqarish bino va inshootlarini texnologik loyihalashtirish qoidalari va normalari talablariga muvofiq boʻlishi kerak.

Ishlab chiqarish korpusi xonasining boʻrtib chiqqan qurilish konstruksiyalarigacha balandligi yengil avtomobillar uchun — 4,0 metrdan, yuk avtomobillari va avtobuslar uchun — 7,0 metrdan kam boʻlmasligi kerak.

Xonalarning poli tekis, neft mahsulotlari taʼsiriga chidamli boʻlishi kerak.

17. Xonada barcha texnologik jarayonlarni mehnatning sanitariya-gigiyena sharoitlarga toʻliq muvofiq holda xavfsiz va ratsional bajarilishi taʼminlanishi kerak.

18. Ishlab chiqarish xonalaridagi shovqin va vibratsiya darajasi sanitariya-gigiyena normalarida belgilangan, ruxsat etilgan koʻrsatkichlardan oshmasligi kerak.

19. Xona va ish joylarining tabiiy va sunʼiy yoritilishi ishlarning xavsiz bajarilishi, odamlar uchun xavfsiz boʻlishi va ularning harakatlanishini taʼminlash uchun yetarli va quyidagi talablarga muvofiq boʻlishi kerak:

ish joylarida xonaning poli sathida — kamida 200 lk;

ishchi xonalarda (kabinetlarda) poldan 0,8 metr balandlikdagi sathda — kamida 200 lk;

koʻrikdan oʻtkazish xandagʻida transport vositalarining tag qismi sathida — kamida 150 lk.

Avariya (favqulodda) holatlar uchun yoritilishi ish yuzasining umumiy yoritilishi uchun belgilangan normalarning 5 foizdan kam boʻlmasligi, lekin kamida 2 lk boʻlishi kerak.

20. Transport vositalarining texnik holatini baholashdan oʻtkazish uchun moʻljallangan xonalardagi havo harorati oʻtkaziladigan sinov metodlariga doir normativ hujjatlar normalariga muvofiq boʻlishi kerak. Ishlab chiqarish-texnik bazasi binolaridagi havo harorati yilning sovuq davrida — 15 °C dan 25 °C gacha, issiq davrida — 22 °C dan 30 °C gacha oraliqda boʻlishi kerak.

21. Transport vositalarining korxona hududida harakatlanish tezligi ochiq yoʻllarda — 10 km/s dan, xona ichida — 5 km/s dan ortiq boʻlmasligi kerak.

22. Ishlab chiqarish-texnik bazaning ishlab chiqarish xonasiga kirish joyi peshlavha bilan belgilanadi va sutkaning qorongʻi paytida yoritiladi. Ishlab chiqarish xonasiga kirish (chiqish) yoʻli ishlab chiqarish xonasidan boshqariladigan yorugʻlik (masalan, svetofor) signalizatsiyasi bilan jihozlanadi.

Kirish darvozasi ustida 3.13 “Cheklangan balandlik”, 3.14 “Cheklangan kenglik” va 3.24 “Yuqori tezlik cheklangan (5 km/s)” yoʻl belgilari joylashtiriladi.

23. Ishlab chiqarish-texnik baza xonasining mijozlar uchun qulay boʻlgan joyida quyidagi maʼlumotlar aks ettirilgan axborot stendi yoki boshqa maxsus qurilma oʻrnatiladi:

ishlab chiqarish-texnik bazaning tegishliligi (kimning tasarrufidaligi), joylashgan joyi, ish tartibi va rejimi, aloqa telefonlari;

Oʻzbekiston Respublikasi IIVning Call-markazi telefoni va hududiy YHXBning ishonch telefoni raqamlari, taklif va eʼtirozlar kitobi saqlanadigan joy va uni yuritish (saqlash) uchun masʼul boʻlgan shaxsning familiyasi, ismi, otasining ismi;

transport vositalarining texnik holatini baholash uchun tekshirishdan oʻtish tartibi, tekshiriladigan (baholanadigan) parametrlar va normativlar, majburiy texnik koʻrikdan oʻtkazishning davriyligi va texnik holatni baholash natijalari toʻgʻrisidagi hujjatni berish tartibi;

transport vositasining texnik holatini baholashdan oʻtkazish uchun qonunchilikka muvofiq taqdim etilishi zarur boʻlgan hujjatlar, majburiy texnik koʻrikdan oʻtish uchun toʻlov miqdori, zarur jarayonlarni amalga oshirish muddati va boshqa maʼlumotlar.

24. Ishlab chiqarish xonasi elektr taʼminoti (yoritish) uchun elektr tarmoqlari, shuningdek, quvvat berish kabellari (diagnostika jihozlarining elektr energiyasi taʼminoti uchun) va taqsimlagich elektroshitlar bilan elektr xavfsizligi talablarini belgilovchi normativ hujjat talablariga muvofiq jihozlanadi.

25. Ishlab chiqarish-texnik bazaning ishlab chiqarish xonasining ikkitadan kam boʻlmagan evakuatsion chiqish joylari mavjud boʻlishi nazarda tutiladi. Evakuatsion chiqish joylarining eshiklari xonadan tashqari tomonga ochiladigan, oʻtish yoʻlagining kengligi 1 metrdan kam boʻlmasligi kerak.

26. Ishlab chiqarish-texnik bazaning yongʻindan himoyasi, yongʻinning oldini olish tizimi va yongʻin xavfsizligi hamda portlash xavfsizligini taʼminlash boʻyicha tashkiliy-texnik tadbirlar qonunchilikda belgilangan talablarga muvofiq boʻlishi kerak.

27. Transport vositalari egalarini (keyingi oʻrinlarda transport egalari deb ataladi) qabul qilish va ularga xizmat koʻrsatish xonasi (binosi) hamda transport vositasining texnik holatini baholash natijalari haqidagi hujjatni rasmiylashtirish uchun xona ishlab chiqarish-texnik bazaning ishlab chiqarish xonasida yoki unga bevosita yaqin joyda boʻlishi kerak. Ushbu xonalarga kirish tegishli koʻrsatgichlar bilan belgilab qoʻyiladi.

28. Transport egalarini qabul qilish va ularga xizmat koʻrsatish uchun xonalarning oʻlchamlarini aniqlashda ularda ishlab chiqarish-texnik bazaning xodimi tomonidan hujjatlarni rasmiylashtirish uchun ish joylarining hamda transport egalarining kutib turishi uchun joylar nazarda tutilishi kerak. Transport egalarining kutib turishi uchun joylar soni har bir texnik koʻrik liniyasiga beshtadan kam boʻlmasligi kerak.

29. Ishlab chiqarish-texnik baza ishlab chiqarish xonasining sanitariya-gigiyena normalari va qoidalariga muvofiqligi vakolatli sanitariya-epidemiologiya nazorat organining tegishli xulosasi bilan tasdiqlanadi.

4-bob. Ishlab chiqarish-texnik bazaning ishlab chiqarish xonasini texnologik rejalashtirishga doir talablar

30. Ishlab chiqarish-texnik bazaning diagnostika jihozlari texnologik loyihalashga doir talablar va normalarga amal qilgan holda oʻrnatilishi kerak.

31. Transport vositasining texnik holatini baholash dvigatel ishlab turgan paytda bajariladigan postlar (ishlab chiqarilgan gazlardagi tutun va zaharli gaz miqdorini, shovqin darajasini, tormozlanish samaradorligi koʻrsatkichlarini tekshirish va boshqalar) transport vositasidan gazlarni chiqarish quvuri (quvurlari)dan chiqayotgan ishlab chiqarilgan gazlarni tashqariga olib chiqish tizimi bilan jihozlanadi.

32. Transport vositalarining ishlab chiqarish-texnik baza ishlab chiqarish xonasiga kirishi (chiqishi) uchun har bir texnik koʻrik liniyasida:

universal liniyalar uchun — kengligi 3,0 metrdan va balandligi 4,3 metrdan kam boʻlmagan;

M1 va N1 toifasidagi transport vositalarini tekshirish boʻyicha liniyalar uchun — kengligi 2,5 metrdan va balandligi 2,3 metrdan kam boʻlmagan oʻlchamli kirish (chiqish) darvozalari quriladi.

33. Texnik koʻrik liniyalarida transport vositalarining texnik holatini baholash koʻrikdan oʻtkazish xandagʻidan foydalangan holda bajariladi. Bunda:

ishlab chiqarish xonasidagi koʻrikdan oʻtkazish xandaklari soni texnik koʻrikdan oʻtkazish liniyalari soniga muvofiq boʻlishi;

koʻrikdan oʻtkazish xandagʻining uzunligi mazkur liniyada tekshirilishi rejalashtirilayotgan transport vositasining maksimal uzunligini va undan chiqib ketish uchun zaxira yoʻlning mavjudligini hisobga olgan holda aniqlanishi;

koʻrikdan oʻtkazish xandagʻining kengligi 0,9 metrdan kam boʻlmasligi kerak. Maksimal kengligi mazkur liniyada tekshirilishi rejalashtirilayotgan minimal koleyali transport vositasining xandaqdan oʻtishi imkoniyatini hisobga olgan holda aniqlanishi;

koʻrikdan oʻtkazish xandaqlari tutunni tortib olish ventilatsiyasi bilan jihozlanishi kerak.

5-bob. Yakunlovchi xulosalar

34. Transport vositalarining texnik holatini baholashning texnologik jarayoni texnik koʻrik liniyasining rejalashtiriladigan yechimlarini, tekshiriladigan transport vositalarining toifasini, bajariladigan ishlarning murakkabligini, qoʻllanadigan jihozlar, oʻlchov vositalari va anjomlarni hisobga olgan holda ishlab chiqiladi.

35. Transport vositalarining texnik holatini baholash boʻyicha ishlarni bajarishda texnika xavfsizligi va mehnat muhofazasi sohasidagi normativ hujjatlar talablariga amal qilishning majburiyligi nazarda tutiladi.

36. Texnologik postlarda diagnostika parametrlari, texnika xavfsizligi qoidalari va ishlarning xavfsiz usullari boʻyicha amalda boʻlgan tavsiyalar koʻrsatilgan texnologik kartalar joylashtiriladi.

37. Ishlab chiqarish-texnik bazada texnik holati baholanadigan toifaga mansub transport vositalaridan foydalanish boʻyicha amaldagi normativ hujjatlar, texnik tartibga solish sohasidagi normativ hujjatlar, qoʻllanmalar (yoʻriqnomalar), avtomobil maʼlumotnomalari va boshqa zarur maʼlumotnomalar mavjud boʻlishi kerak.

38. Ishlab chiqarish-texnik bazada birinchi tibbiy yordam koʻrsatish uchun zarur boʻlgan tibbiyot dori vositalari va anjomlari tegishli normativ hujjatlar talablariga muvofiq jamlangan tibbiyot qutichasi boʻlishi kerak.

Transport vositalarining texnik holatini baholash uchun moʻljallangan ishlab chiqarish-texnik baza joylashtiriladigan xona va maydonlarga doir talablarga
ILOVA

Transport vositalarining texnik holatini baholash uchun texnik koʻrik liniyalarining

OʻLChAMLARI

T/r	Texnik holati baholanadigan transport vositalarining toifalari	Texnologik postlar soni
		1	2	3
		Texnik koʻrik liniyasining uzunligi, metrdan kam emas
1.	M1, M2, N1, O1	12	18	24
2.	M1, M2, M3, N1, N2, N3, O1	18	30	42
3.	M1, M2, M3, N1, N2, N3, O1, O2	21	36	51
4.	M1, M2, M3, N1, N2, N3, O1, O2, O3	24	42	60
5.	M1, M2, M3, N1, N2, N3, O1, O2, O3, O4	27	45	66

(1-ilova Oʻzbekiston Respublikasi Vazirlar Mahkamasining 2019-yil 15-fevraldagi 136-sonli qaroriga asosan kiritilgan — Qonun hujjatlari maʼlumotlari milliy bazasi, 16.02.2019-y., 09/19/136/2623-son)

Transport vositalarini majburiy
texnik koʻrikdan oʻtkazish
tartibi toʻgʻrisidagi nizomga
2-ILOVA

Jismoniy shaxsga tegishli transport
vositasining texnik holati toʻgʻrisida ‎
MAʼLUMOTNOMA

‎

‎‎TXS/Subyekttomonidan_____________________________________________________

‎(TXS/Subyekt nomi)‎‎‎

___________________________________________________________________ga tegishli

‎

‎‎(egasining F.I.O.)‎‎

‎

‎‎‎__________________________________________________________________rusumidagi, ‎‎‎‎(transport vositasining rusumi)‎‎

davlat roʻyxatidan oʻtkazish raqami ______________________________________ boʻlgan ‎

____________________________________________________________________ manzili

transport vositasi roʻyxatdan oʻtkazilgan manzil

‎boʻyicha roʻyxatdan oʻtkazilgan transport vositasining texnik holati tekshirildi va transport vositasining texnik jihatdan sozligi hamda texnik reglamentlar, standartlar talablariga, yoʻl harakati xavfsizligi qoidalari va normalariga javob berishi aniqlandi.

‎Rahbar ______________________________________________________________________

‎

‎(masʼul shaxsning imzosi, F.I.O.)‎

‎‎‎20 ____ y “_____” _________________‎‎

‎

M.Oʻ‎.

Izoh: ushbu maʼlumotnoma berilgan kundan boshlab oʻn kun mobaynida haqiqiydir va transport vositalarini texnik koʻrikdan oʻtkazish natijalarini DYHXX organlarida ularning texnik holatini tekshirmasdan rasmiylashtirish uchun asos boʻladi.

(2-ilova Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

Transport vositalarini majburiy texnik koʻrikdan oʻtkazish tartibi toʻgʻrisidagi nizomga
3-ILOVA

‎‎Transport vositalari guruhini majburiy texnik koʻrikdan oʻtkazish
‎‎DALOLATNOMASI ‎
‎‎Tuzilgan sanasi: 20____ yil “____”_______________
20____ yil “____”______________dan 20___ yil “___”____________gacha __________________
‎	‎	‎	‎			‎‎^{‎(yuridik shaxsning nomi)}
_____________________‎‎____________________ga qarashli transport vositalari guruhi texnik koʻrikdan oʻtkazildi ‎
T/r	Transport vositasining turi	Davlat roʻyxatidan oʻtkazish raqami‎‏	Markasi‎‏	Ishlab chiqarilgan yili‎‏	Agregatlar raqami			Texnik holati, nosoz transport vositasining roʻyxatdan oʻtkazish guvohnomasi olib qoʻyilganligi va davlat roʻyxatidan oʻtkazish raqami belgilari yechib olinganligi toʻgʻrisidagi belgi	Izoh. Benzin, dizel yonilgʻisi, siqilgan tabiiy gazda yoki suyultirilgan neft gazida ishlaydi
					dvigatel ‎ ‎ ‎ ‎ ‎ ‎ ‎ ‎ ‎ ‎	kuzov‎	shassi (rama)
1‎	2‎	3‎	4‎	5‎	6‎	7‎	8‎	9‎	10‎
1‎.	‎	‎	‎	‎	‎	‎	‎	‎	‎
2‎.	‎	‎	‎	‎	‎	‎	‎	‎	‎
......‎	‎	‎	‎	‎	‎	‎	‎	‎	‎
‎‎‎‎‎Yuridik shaxs hisobidagi (balansidagi) ‎transport vositalari sonini ‎‎tasdiqlaymiz: ‎ ‎					‎‎‎Roʻyxatda koʻrsatilgan transport ‎vositalari YHX REO (MREO, REP) ‎hisobga olish maʼlumotlari bilan ‎taqqoslangan ‎
‎‎‎‎Korxona rahbari ___________________________					‎‎‎‎REO (MREO, REP) xodimi __________________‎
__________________________________________‎‎					‎‎‎‎_________________________________________‎
^{‎‎‎‎(imzo, F.I.O)‎}					^{‎‎‎‎(lavozimi, DYHXX organi nomi, unvoni, F.I.O)‎}
‎‎‎Bosh buxgalter (buxgalter yoki hisobni yurituvchi shaxs)______________________________________‎					‎‎m.oʻ.‎‎
‎‎‎‎______________________________________					‎	‎	‎	‎	‎
‎‎‎______________________________________					‎	‎	‎	‎	‎
‎^{(imzo, FIO)‎}‎					‎	‎	‎	‎	‎
m.oʻ. ‎‎‎‎ ‎					‎	‎	‎	‎	‎
Tashkilot hisobida hammasi boʻlib ___ avtomobil, ___ tirkama, yarim tirkama va ___ mototransport vositalari mavjud, ulardan ___ avtomobil, ___ tirkama, ___ yarim tirkama va ____ mototransport vositalari texnik koʻrikka qoʻyilgan.
___ avtomobil, ___ mototransport vositasi, ___ tirkama, yarim tirkama mukammal taʼmirlashdaligi va ___ avtomobil, ___ mototransport vositasi, ___ tirkama va yarim tirkama xizmat safaridaligi tufayli ___ avtomobil, ___ mototransport vositalari, ___ tirkama, yarim tirkama texnik koʻrikdan oʻtmadi.
‎‎Tekshirilgan avtomobillardan ___ avtomobil, ___ mototransport vositalari, ___ tirkama, yarim tirkama texnik jihatdan nosoz deb topildi.
Shu jumladan:
‎‎__ ta transport vositasining tormoz sistemasida;
‎‎__ ta transport vositasining rul boshqaruvida;
‎‎__ ta transport vositasining tashqi yoritish priborlarida nosozlik mavjudligi;
__ ta transport vositasida foydalanish uchun yaroqsiz avtoshinalar mavjudligi;‎
__ ta transport vositasining ishlangan gazida zararli moddalar mavjudligi va ularning tutunliligi belgilangan normalardan ortiqchaligi aniqlandi.
Hisobdagi avtomobillardan ___ tasi benzin yonilgʻisi bilan, __ tasi dizel yonilgʻisi, ___ta suyultirilgan gaz, __ tasi siqilgan gaz bilan ishlaydi.
Benzinda ishlaydigan tekshirilgan __ ta avtomobildan ___tasi, dizel yonilgʻisida ishlaydigan ___tasidan ___tasi, siqilgan tabiiy gazda ishlaydigan ___si va suyultirilgan neft gazida ishlaydigan __dan __ tasi nosoz deb topildi.
‎____________________________________________________________________________________
^{‎‎(lavozimi, DYHXX organining nomi, unvoni, F.I.O. imzo)}
____________________________________________________________________________________
‎	‎‎‎Dalolatnoma nusxasini oldim:‎ ‎‎Yuridik shaxs rahbari ________________________________________________________
‎	^{‎‎(F.I.O. imzo)}

(3-ilova Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

Transport vositalarini majburiy
texnik koʻrikdan oʻtkazish
tartibi toʻgʻrisidagi nizomga
4-ILOVA

Alohida transport vositasini texnik koʻrikdan oʻtkazish ‎DALOLATNOMASI‎‎‎
‎‎‎Tuzilgan sanasi 20 ____ yil “____”‎ _______________
‎‎ Texnik koʻrik ___________________________________________________________________________________________ ^{(DYHXX organining nomi,}‎‎________________________________________________________________ tomonidan oʻtkazildi ^{‎mansabdor shaxsning lavozimi, unvoni, F.I.O.)‎}
1. Transport vositasining markasi, modeli _____‎	6. Shassi (rama) raqami _______________________‎
2. Turi ______________________________________‎	7. Dvigatel raqami __________________________‎
3. Rangi _____________________________________‎	8. Kuzov raqami ______________________________‎
4. Ishlab chiqarilgan yili ____________________‎	9. Roʻyxatdan oʻtkazish toʻgʻrisidagi guvohnomasi (texnik pasport) seriyasi, raqami ______________‎
5. Davlat roʻyxatidan oʻtkazish raqami __________‎	_____________________________________________‎
10. Transport vositasi‎‎ ______________________________________________________________________ ^{‎(yuridik shaxsning toʻliq nomi‎, ‎}___________________________________________________________________________ga qarashli ^{‎yakka tartibdagi transport vositasi egasining F.I.O.)}
11. ‎‎Joylashgan joyi (turar joyi)___________________________________________________________‎
12. Quyidagi texnik nosozliklar aniqlandi: _________________________________________________ ‎_________________________________________________________________________________________________________________________________________________________________________________________________________________________________________________________________________________‎‎
‎‎13. Avtomashinaning holati _________________________________________________________________‎
14. Radiotoʻsiqlarni yoʻqotish moslamalarining mavjudligi‎‎ __________________________________‎
15. Spidometrning holati‎‎ __________________________________________________________________
‎‎16. Texnik holati toʻgʻrisida xulosa __________________________________________________________ ^{‎(texnik jihatdan soz, nosoz)}‎
‎‎DYHXX xodimi_____________________________________________ ^{‎(imzo, F.I.O.)}
‎‎Dalolatnoma nusxasini oldim ______________________________________________________________ ^{‎(imzo F.I.O.)}

(4-ilova Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qarori tahririda — OʻR QHT, 2012-y., 11-son, 115-modda)

Transport vositalarini majburiy texnik koʻrikdan oʻtkazish tartibi toʻgʻrisidagi nizomga
4a-ILOVA

Gaz yonilgʻisida ishlash uchun qayta jihozlangan alohida transport vositasini texnik koʻrikdan oʻtkazish
DALOLATNOMASI ‎
‎Tuzilgan sanasi: 20__yil “____” ________ ‎‎‎‎
__________________________________________________________________‎
‎‎__________________________________________________________________
^{(DYHXX, ‎‎mansabdor shaxsning lavozimi, unvoni, F.I.O.)}
tomonidan texnik koʻrikdan oʻtkazildi.‎‎
1. Transport vositasining markasi, modeli __________________________‎	6. Shassi (rama) raqami ________________________________
2. Turi __________________________‎	7. Dvigatel raqami _______________‎
3. Rangi _________________________‎	8.Kuzovning raqami _______________‎
4. Ishlab chiqarilgan yili ‎_________________________________	9. Roʻyxatdan oʻtkazish toʻgʻrisidagi ‎guvohnoma (texnik pasport)ning‎ seriyasi va r�qami)________________‎
5. Davlat roʻyxatidan oʻtkazish raqami belgisi _________________________‎	9a. Gaz yonilgʻisi turi ________________________________
________________________________‎	^{(suyultirilgan gaz, siqilgan gaz)‎}
9b. Gaz balloni ishlab chiqarilgan yil _____________________________‎	9v. Gaz balloni raqami ____________
9g. Gaz ballonidan foydalanish muddati _________________________ ‎	9d. Gaz balloni sinovdan oʻtkazilgan sana ____________________________
9e. Gaz ballonini navbatdagi sinovdan oʻtkazish sanasi‎
________________________________‎‎__________________________________
‎‎10. Transport vositasining tegishliligi _____________________________‎
‎‎__________________________________________________________________
^{‎‎(yuridik shaxsning toʻliq nomi, yakka tartibda egalik qiluvchining F.I.O.)}
‎‎11. Turgan joyi (yashash joyi)_________________________________________‎
‎12. Quyidagi texnik nosozliklar aniqlandi____________________________
‎‎__________________________________________________________________
‎‎__________________________________________________________________
‎‎13. Avtoshinaning holati____________________________________________‎
‎‎14. Radiotoʻsiqni bartaraf etish uchun moslama mavjudligi _______________‎
‎‎15. Spidometrning holati___________________________________________‎
‎‎16. Texnik holati toʻgʻrisidagi xulosa _________________________________‎
‎	^{(texnik soz, texnik nosoz) ‎}
‎‎DYHXX xodimi ____________________________________________________‎
‎	^{(imzo, F.I.O.)‎}
‎‎Dalolatnoma nusxasini oldim _______________________________________‎
‎	^{(imzo, F.I.O. sana)}

(4a-ilova Oʻzbekiston Respublikasi Vazirlar Mahkamasining 2012-yil 24-fevraldagi 49-sonli qaroriga asosan kiritilgan — OʻR QHT, 2012-y., 11-son, 115-modda)

Transport vositalarini majburiy
texnik koʻrikdan oʻtkazish
tartibi toʻgʻrisidagi nizomga
5-ILOVA

Texnik koʻrikdan oʻtkazilgani toʻgʻrisidagi talon

namunasi

(5-ilova Oʻzbekiston Respublikasi Vazirlar Mahkamasining 2017-yil 22-dekabrdagi 1010-sonli qarori tahririda — Qonun hujjatlari maʼlumotlari milliy bazasi, 26.12.2017-y., 09/17/1010/0461-son)

(Oʻzbekiston Respublikasi qonun hujjatlari toʻplami, 2003-y., 1-2-son, 17-modda; 2004-y., 17-son, 199-modda; 30-son, 345-modda; 2012-y., 11-son, 115-modda, 44-son, 507-modda, 52-son, 587-modda; 2014-y., 10-son, 105-modda, 37-son, 473-modda; 2015-y., 26-son, 338-modda; 2017-y., 36-son, 958-modda; Qonun hujjatlari maʼlumotlari milliy bazasi, 23.12.2017-y., 10/17/1001/0447-son, 26.12.2017-y., 09/17/1010/0461-son, 26.02.2018-y., 09/18/139/0818-son, 01.06.2018-y., 09/18/396/1287-son, 21.09.2018-y., 09/18/748/2024-son; 16.02.2019-y., 09/19/136/2623-son, 11.08.2019-y., 09/19/661/3571-son; 08.05.2020-y., 09/20/271/0565-son, 29.07.2020-y., 09/20/456/1119-son, 29.09.2020-y., 09/20/593/1340-son)