O‘zbekiston Respublikasining “O‘zbekiston Respublikasining Markaziy banki to‘g‘risida”gi, “Banklar va bank faoliyati to‘g‘risida”gi qonunlari hamda O‘zbekiston Respublikasi Prezidentining 2017-yil 13-sentabrdagi PQ-3272-son “Pul-kredit siyosatini yanada takomillashtirish chora-tadbirlari to‘g‘risida”gi qaroriga muvofiq O‘zbekiston Respublikasi Markaziy banki Boshqaruvi qaror qiladi:
1. O‘zbekiston Respublikasi Markaziy banki obligatsiyalarining chiqarilishi va muomalada bo‘lishi tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi Markaziy banki Boshqaruvining 2018-yil 22-sentabrdagi 30/14-son qaroriga
ILOVA
ILOVA
Mazkur Nizom O‘zbekiston Respublikasining “O‘zbekiston Respublikasining Markaziy banki to‘g‘risida”gi, “Banklar va bank faoliyati to‘g‘risida”gi va “Qimmatli qog‘ozlar bozori to‘g‘risida”gi qonunlariga hamda O‘zbekiston Respublikasi Prezidentining 2017-yil 13-sentabrdagi PQ-3272-son “Pul-kredit siyosatini yanada takomillashtirish chora-tadbirlari to‘g‘risida”gi qaroriga muvofiq O‘zbekiston Respublikasi Markaziy banki (bundan buyon matnda Markaziy bank deb yuritiladi) tomonidan bank tizimi likvidligini tartibga solish hamda pul-kredit siyosati foiz instrumentlari samaradorligini oshirish maqsadida Markaziy bank obligatsiyalarini muomalaga chiqarish, joylashtirish va so‘ndirish tartibini belgilaydi.
Oldingi tahrirga qarang.
Markaziy bank obligatsiyalari (bundan buyon matnda obligatsiyalar deb yuritiladi) — obligatsiya egasiga belgilangan tartibda daromad olish huquqini beruvchi Markaziy bank tomonidan elektron shaklda chiqariladigan emissiyaviy qimmatli qog‘ozlar;
(1-bandning ikkinchi xatboshisi O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
kupon davri — obligatsiya egasiga foizli daromad to‘lab beriladigan Markaziy bank tomonidan belgilangan davr;
valyuta birjasi — chet el valyutasi, davlat qimmatli qog‘ozlari, moliyaviy hosila instrumentlari (derivativlar) oldi-sotdisi hamda ular bilan bog‘liq boshqa birja bitimlari bo‘yicha birja savdolarini, shuningdek banklararo pul bozorini hamda Markaziy bankning tijorat banklari bilan amalga oshiriladigan kredit va depozit auksionlarini tashkil etuvchi yuridik shaxs;
savdo tizimi — obligatsiyalar bo‘yicha elektron savdolarni tashkillashtirish, obligatsiyalarni saqlash va ularga bo‘lgan huquqlarni hisobga olish, tuzilgan bitimlar bo‘yicha kliring va hisob-kitoblarni amalga oshirishni ta’minlovchi valyuta birjasining avtomatlashtirilgan elektron tizimi;
Bosh bitim — Markaziy bank bilan tijorat banklari, shuningdek tijorat banklari bilan valyuta birjasi o‘rtasida tuziladigan, obligatsiyalar bo‘yicha amalga oshiriladigan operatsiyalarning umumiy shartlari va tartibini belgilovchi o‘zaro harakat;
diler — Markaziy bank hamda valyuta birjasi bilan tuzilgan Bosh bitim asosida obligatsiyalar bilan bog‘liq operatsiyalarni amalga oshiruvchi tijorat banklari;
auksion savdolari — obligatsiyalarni joylashtirish bo‘yicha Markaziy bank tomonidan tijorat banklari o‘rtasida amalga oshiriladigan kimoshdi savdolari;
Oldingi tahrirga qarang.
raqobatli buyurtma — auksion savdolarida ishtirok etish uchun tijorat banklari tomonidan narxi ko‘rsatilgan holda taqdim etiladigan buyurtma;
(1-bandning to‘qqizinchi xatboshisi O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
raqobatsiz buyurtma — auksion savdolarida ishtirok etish uchun tijorat banklari tomonidan narxi ko‘rsatilmagan holda taqdim etiladigan buyurtma;
(1-bandning o‘ninchi xatboshisi O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
chegirish narxi — auksion savdolari natijalariga ko‘ra tijorat banklarining qondiriladigan raqobatli buyurtmalarida taklif etilgan minimal narx;
(1-bandning o‘n birinchi xatboshisi O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
REPO bitimi — obligatsiyalarni belgilangan muddat va narxda ularning aynan shu chiqarilish va miqdorda qayta sotib olish majburiyati bilan sotish bo‘yicha ikki tomonlama harakat.
2. Obligatsiyalar Markaziy bank tomonidan muomalaga chiqariladi, joylashtiriladi va so‘ndiriladi, shuningdek ularning likvidligi Markaziy bank tasarrufidagi barcha aktivlar bilan ta’minlanadi.
3. Obligatsiyalar kreditlar uchun garov ta’minoti va REPO bitimlarida oldi-sotdi obyekti bo‘lib xizmat qilishi mumkin.
Oldingi tahrirga qarang.
4. Obligatsiyalar O‘zbekiston Respublikasi milliy valyutasida nominal qiymati ko‘rsatilgan holda qat’iy belgilangan kupon stavkasi bilan yoki diskont obligatsiyalar shaklida chiqariladi.
Bunda, diskont obligatsiyaning nominal qiymati hamda xarid qiymati o‘rtasidagi farq diler uchun daromad bo‘lib hisoblanadi.
(4-band O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
5. Obligatsiyalarning chiqarilishi alohida emissiya tarzida amalga oshiriladi. Har bir chiqarilgan emissiyaga identifikatsion raqam beriladi va Global sertifikat bilan rasmiylashtiriladi.
Uchinchi, to‘rtinchi va beshinchi razryadlar (X3X4X5) mazkur chiqarishning tartib raqamini ko‘rsatadi.
Oltinchi, yettinchi va sakkizinchi razryadlar (X6X7X8) — “CBU” (Central Bank of Uzbekistan) harflari emitentni anglatadi.
To‘qqizinchi razryad (X9) — “S” harfi ushbu obligatsiya davlat qimmatli qog‘ozi ekanligini bildiradi.
7. Global sertifikat Markaziy bank tomonidan ishlab chiqilib, unda emissiyaga tegishli asosiy parametrlar belgilanadi.
8. Obligatsiyalar bo‘yicha barcha operatsiyalar valyuta birjasi tomonidan ishlab chiqilgan birja savdolarini o‘tkazish qoidalariga muvofiq savdo tizimi orqali amalga oshiriladi.
Oldingi tahrirga qarang.
9. Obligatsiyalarning muomalada bo‘lish davri auksion savdolari o‘tkazilgan kundan boshlanib obligatsiyalarning so‘ndirilish kunidan avvalgi kunda tugaydi.
(9-band O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
10. Markaziy bank tomonidan chiqarilgan obligatsiyalarni tijorat banklari o‘rtasida joylashtirish valyuta birjasining savdo tizimida o‘tkaziladigan auksion savdolari orqali amalga oshiriladi.
11. Auksion savdolari Markaziy bank tomonidan joylashtiriladigan obligatsiyalarning maksimal miqdori o‘rnatilgan holda amalga oshiriladi.
Oldingi tahrirga qarang.
(12-band O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qaroriga (ro‘yxat raqami 3080-1, 24.09.2020-y.) asosan o‘z kuchini yo‘qotgan — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
13. Obligatsiyalarni joylashtirish bo‘yicha auksion savdolari shartlari to‘g‘risidagi ma’lumotlar auksion savdosi o‘tkaziladigan kundan kamida 1 ish kuni oldin Markaziy bankning rasmiy veb-saytida e’lon qilinadi.
(13-band O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
14. Valyuta birjasi Markaziy bankning e’loni asosida o‘tkaziladigan auksion savdosi haqidagi ma’lumotni o‘zining rasmiy veb-saytida e’lon qiladi.
15. Markaziy bank tomonidan obligatsiyalar hisobini yuritish va bitimlarni ro‘yxatga olish uchun har bir dilerga alohida ro‘yxatga olish kodi beriladi.
16. Dilerni ro‘yxatga olish kodi uch guruhga bo‘lingan o‘n belgili razryaddan (X0X1X2X3X4X5X6X7X8X9) iborat.
Ikkinchi guruh (X1X2X3X4) dilerning Markaziy bank bilan tuzgan Bosh bitim asosida berilgan tartib raqamini anglatadi.
17. Dilyerlar auksion savdolari o‘tkaziladigan kuni obligatsiyalarni sotib olish uchun savdo tizimiga elektron shaklda raqobatli va raqobatsiz buyurtmalar kiritadi.
18. Markaziy bank auksion savdolari bo‘yicha tijorat banklari tomonidan sotib olinadigan obligatsiyalar soniga va har bir tijorat bankidan auksion savdolariga qabul qilinadigan buyurtmalar soniga limitlar o‘rnatishi mumkin.
Oldingi tahrirga qarang.
19. Raqobatli buyurtmalarda sotib olinishi rejalashtirilgan obligatsiyalarning narxi va soni ko‘rsatiladi.
(19-bandning birinchi xatboshisi O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Raqobatsiz buyurtmalarda sotib olinishi rejalashtirilgan obligatsiyalarning umumiy soni ko‘rsatiladi.
Oldingi tahrirga qarang.
20. Raqobatsiz buyurtmalar auksion savdolari natijalari bo‘yicha aniqlangan o‘rtacha tortilgan narxda qondiriladi.
O‘rtacha tortilgan narx auksion savdolari yakunlari bo‘yicha to‘liq yoki qisman qondirilgan raqobatli buyurtmalar narxi hamda sotib olingan obligatsiyalar miqdorlaridan kelib chiqqan holda aniqlanadi.
(20-band O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
(21-bandning ikkinchi xatboshisi O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
(21-bandning uchinchi xatboshisi O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
22. Savdo tizimi tijorat banklari tomonidan kelib tushgan buyurtmalar bo‘yicha ro‘yxat shakllantiradi, ushbu ro‘yxat valyuta birjasi tomonidan Markaziy bankka taqdim etiladi.
(22-band O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
23. Markaziy bank chiqarilgan obligatsiyalarning hajmi doirasida tijorat banklarining buyurtmalarida ko‘rsatilgan narxlardan kelib chiqqan holda auksion savdolari bo‘yicha chegirish narxini belgilaydi.
(23-band O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
24. Auksion savdolari natijalarida belgilangan chegirish narxidan past narxdagi buyurtmalar qondirilmaydi.
25. Markaziy bank auksion savdolari natijalari bo‘yicha tijorat banklarining avval raqobatsiz buyurtmalarini to‘liq, shuningdek taklif etilgan narxi chegirish narxidan past bo‘lmagan raqobatli buyurtmalarni qondirish bo‘yicha valyuta birjasiga topshiriq beradi.
Raqobatli buyurtmalar ularda taklif qilingan maksimal narxlardan chegirish narxigacha bo‘lgan tartibda qondiriladi.
(24 va 25-bandlar O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
26. Auksion savdolari natijalariga ko‘ra qondirilishi lozim bo‘lgan buyurtmalarning jami miqdori Markaziy bank tomonidan chiqariladigan obligatsiyalarning umumiy hajmidan oshgan hollarda, taklif etilgan narxi chegirish narxiga teng bo‘lgan raqobatli buyurtmalar savdo tizimiga kiritilgan vaqtiga qarab qondiriladi. Bunda avval kiritilgan buyurtmalar keyin kiritilgan buyurtmalardan oldin qondiriladi.
(26-band O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
27. Auksion savdolari natijalari to‘g‘risidagi ma’lumotlar Markaziy bank va valyuta birjasi rasmiy veb-saytlarida e’lon qilinadi.
28. Obligatsiyalarning ikkilamchi bozorida auksion savdolari natijalariga ko‘ra xarid qilingan obligatsiyalar bo‘yicha dilyerlar o‘rtasida oldi-sotdi operatsiyalari amalga oshiriladi.
29. Markaziy bank ikkilamchi bozorda diler sifatida obligatsiyalar bilan oldi-sotdi operatsiyalarida ishtirok etishi mumkin.
30. Ikkilamchi bozorda obligatsiyalar bo‘yicha operatsiyalar birja savdolarini o‘tkazish qoidalariga muvofiq amalga oshiriladi.
31. Ikkilamchi savdolarda dilyerlar savdo tizimi orqali obligatsiyalar bilan quyidagi operatsiyalarni amalga oshirishlari mumkin:
32. Obligatsiyalarning ikkilamchi bozorida oldi-sotdi operatsiyalarini amalga oshirish uchun dilyerlar tomonidan sotilishi yoki sotib olinishi rejalashtirilgan obligatsiyalar bo‘yicha buyurtmalar miqdori va narxi ko‘rsatilgan holda savdo tizimga kiritiladi.
33. Obligatsiyalarning ikkilamchi bozorida oldi-sotdi shartnomalarini tuzish uchun savdo tizimi sotish yoki sotib olish uchun kiritilgan buyurtmalarga mos keladigan qarama-qarshi buyurtmalarning parametrlari bir-biriga muvofiqligini tekshiradi.
34. Savdo tizimi parametrlari bir-biriga mos kelgan buyurtmalarni avtomatik tarzda ro‘yxatdan o‘tkazadi.
35. Birja bitimi savdo tizimida ikkita qarama-qarshi buyurtmalarning ro‘yxatga olinishi bilan tuzilgan hisoblanadi.
36. Har bir birja bitimi tuzilganda savdo tizimi uni ro‘yxatga oladi, unga ro‘yxatga olish raqamini biriktiradi va savdo ishtirokchilariga o‘zaro hisob-kitoblarni amalga oshirishga asos bo‘ladigan birja guvohnomalarini taqdim etadi.
37. Ikkilamchi bozorda savdo tizimidagi buyurtmalar narxi teng bo‘lgan hollarda, ular taqdim etilgan vaqtiga qarab avval taqdim etilgan buyurtma keyin taqdim qilingan buyurtmadan oldin qondiriladi.
Buyurtmalar qisman qondirilgan holda, uning qondirilmagan qismi alohida buyurtma sifatida ko‘riladi.
38. REPO bitimlari bo‘yicha operatsiyalarini o‘tkazish va ular bo‘yicha hisob-kitoblar O‘zbekiston Respublikasining davlat qimmatli qog‘ozlari bilan REPO bitimlarini tuzish va ijro etish tartibi to‘g‘risidagi nizomga (ro‘yxat raqami 1829, 2008-yil 18-iyun) muvofiq amalga oshiriladi.
39. Obligatsiyalarni saqlash va ularga bo‘lgan huquqlarning hisobini yuritish valyuta birjasida ochilgan “depo” hisobvaraqlarida olib boriladi.
40. Obligatsiyalar bo‘yicha hisob-kitoblarni yuritish savdolar natijalariga ko‘ra shakllangan birja guvohnomalari asosida amalga oshiriladi.
41. Obligatsiyalarning sotib oluvchining “depo” hisobvarag‘iga o‘tkazilishi sotuvchining hisobvarag‘iga pul mablag‘lari kelib tushganidan so‘ng amalga oshiriladi.
42. Obligatsiyalarni sotib oluvchiga uning “depo” hisobvarag‘iga tegishli kirim yozuvi amalga oshirilgandan so‘ng egalik huquqi beriladi va “depo” hisobvarag‘idan ko‘chirma bilan tasdiqlanadi.
43. Sotib olingan obligatsiyalar hisobi dilyerlar tomonidan har bir chiqarilish bo‘yicha alohida hisobvaraqlarda yuritiladi.
Oldingi tahrirga qarang.
44. Obligatsiyalarga doir operatsiyalarning buxgalteriya hisobi amaldagi qonunchilik hujjatlariga muvofiq amalga oshiriladi.
(44-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Oldingi tahrirga qarang.
45. Kupon to‘lovi miqdori auksion savdolarida sotib olingan obligatsiyalarning kupon stavkasi, ularning nominal qiymati va kupon davridan kelib chiqqan holda quyidagi formulaga muvofiq aniqlanadi:
(45-bandning birinchi xatboshisi O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
(45-bandning oltinchi xatboshisi O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qarori (ro‘yxat raqami 3080-1, 24.09.2020-y.) tahririda — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Kupon to‘lovlari obligatsiyalarning muomalada bo‘lish davri uchun hisoblanib, har bir kupon davri yakuni bo‘yicha to‘lab boriladi.
46. Valyuta birjasi kupon davrining oxirgi kunida, joriy savdolar yakunidan so‘ng, “depo” hisobvarag‘idagi qoldiqlar yuzasidan har bir obligatsiya egasi bo‘yicha Markaziy bankka ro‘yxat taqdim qiladi.
47. Markaziy bank kupon to‘lovlarini amalga oshirish uchun tegishli mablag‘larni kupon davri tugagan kundan keyingi ish kunida valyuta birjasining Markaziy bank Toshkent shahar Bosh boshqarmasi Hisob-kitob kassa markazidagi alohida hisobvarag‘iga o‘tkazib beradi.
48. Valyuta birjasi kupon to‘lovlari bo‘yicha kelib tushgan mablag‘larni dilyerlarning shaxsiy hisobvaraqlariga o‘tkazib beradi.
49. Valyuta birjasi obligatsiya saqlovchisiga tegishli bo‘lgan kupon to‘lovlari to‘langani to‘g‘risidagi ma’lumotni ushbu to‘lovlar amalga oshirilgan kundan keyingi ish kunida Markaziy bankka taqdim etadi.
50. Markaziy bank tomonidan obligatsiyalarni so‘ndirish ularning muomala davri tugagan kundan keyingi ish kunida amalga oshiriladi.
51. Markaziy bank obligatsiyalarni so‘ndirish uchun savdo tizimiga ularning to‘liq hajmini nominal qiymatda sotib olish bo‘yicha buyurtma kiritadi.
52. Markaziy bankning so‘ndirilgan obligatsiyalari valyuta birjasi tomonidan savdo tizimi orqali Markaziy bankning “emission hisobvarag‘i”ga o‘tkazib beriladi.
53. Obligatsiyalarni so‘ndirish hamda kupon to‘lovlarini amalga oshirish kuni dam olish yoki bayram kunlariga to‘g‘ri kelgan hollarda, to‘lovlar keyingi ish kunida amalga oshiriladi.
54. Valyuta birjasida obligatsiyalar bo‘yicha amalga oshirilgan operatsiyalar to‘g‘risidagi ma’lumotlar (obligatsiya nomlanishi, soni, kotirovkasi (narxi) va bitim sanasidan tashqari) uchinchi shaxslarga oshkor qilinishiga yo‘l qo‘yilmaydi.
55. Tijorat va bank sirlaridan iborat bo‘lgan barcha ma’lumotlarni taqdim etish qonunda belgilangan tartibda amalga oshiriladi.
Oldingi tahrirga qarang.
56. Mazkur Nizom talablarining buzilishida aybdor bo‘lgan shaxslar qonunchilik hujjatlarida belgilangan tartibda javobgarlikka tortiladilar.
(56-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Oldingi tahrirga qarang.
(1-ilova O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qaroriga (ro‘yxat raqami 3080-1, 24.09.2020-y.) asosan o‘z kuchini yo‘qotgan — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)
Oldingi tahrirga qarang.
(2-ilova O‘zbekiston Respublikasi Markaziy banki boshqaruvining 2020-yil 7-sentabrdagi 18/15-sonli qaroriga (ro‘yxat raqami 3080-1, 24.09.2020-y.) asosan o‘z kuchini yo‘qotgan — Qonun hujjatlari ma’lumotlari milliy bazasi, 24.09.2020-y., 10/20/3080-1/1312-son)