Oʻzbekiston Respublikasi Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi boʻgʻin sifatida ishlashini taʼminlashga qaratilgan chora-tadbirlar toʻgʻrisida”gi 209-sonli farmoni, 2023-yil 21-dekabrdagi “Oʻzbekiston mahallalari uyushmasi faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida”gi 402-sonli qarori hamda Vazirlar Mahkamasining “Shaharlar, shaharchalar, qishloqlar va ovullarning mahallalarini tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi nizomni tasdiqlash haqida” 2014-yil 4-martdagi 48-sonli qaroriga oʻzgartirish va qoʻshimchalar kiritish toʻgʻrisida”gi 2024-yil 20-maydagi 294-sonli qarori, viloyat hokimining 2025-yil 20-martdagi 01-02/171-sonli viloyati hokimligi huzuridagi Mahallalarni tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish masalalari boʻyicha idoralararo doimiy komissiyasining bayonnomasi, Viloyat hokimligi huzuridagi Mahallalarni tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish masalalari boʻyicha idoralararo doimiy komissiyaning 2025-yil 19-iyundagi xulosasi, xalq deputatlari Navoiy viloyat Kengashining 2025-yil 9-iyuldagi VII-14-83-5-0-K/25-sonli qarori, Kadastr agentligining davlat kadastrlari palatasi Navoiy viloyati boshqarmasining 2026-yil 15-maydagi 01-20/4016-sonli xati, viloyat adliya boshqarmasining 2026-yil 13-iyuldagi 1329-sonli xulosasi, Navoiy shahar, Karmana, Navbahor va Konimex, Nurota tumanlari hokimligi xatlari, xalq deputatlari viloyat Kengashining mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasining 2026-yil 11-iyundagi DKQ 03-01/70-26-sonli qarori, boshqa tegishli hujjatlarni koʻrib chiqib, bildirilgan taklif, fikr-mulohazalarni inobatga olib, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 24-moddasiga muvofiq, xalq deputatlari viloyat Kengashi, qaror qiladi:

1. Davlat kadastrlari palatasi viloyat boshqarmasi boshligʻi oʻrinbosari J.Olimov viloyatdagi ayrim mahalla fuqarolar yigʻinlari hududining chegaralarini belgilash va o`zgartirish toʻgʻrisidagi axboroti maʼlumot uchun qabul qilinsin.

2. Viloyat hokimligi huzuridagi Mahallalarni tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish masalalari boʻyicha idoralararo doimiy komissiyasi tomonidan Navoiy shahri, Karmana, Konimex, Qiziltepa, Nurota, Navbahor tumanlaridagi jami 20 ta mahalla fuqarolar yigʻinlarining chegaralari boʻyicha kiritilgan takliflar qanoatlantirisin.

3. Quyidagilar:

Navoiy shahridagi “Zarafshon”, “Oʻzbekiston”, “Xumo” “Oltin Vodiy”, “Matonat”, “Turon”, “Mustaqillik” mahalla fuqarolar yigʻinlarining chegaralarini belgilash tavsifi va chegalarini belgilash tarxi 1-7-ilovalarga;

Karmanatumanidagi “Mirsaid Bahrom”, “Kalovot”, “Sardoba”, “Talqoq” mahalla fuqarolar yigʻinlarining chegaralarini belgilash tavsifi va chegalarini belgilash tarxi 8-11-ilovalarga;

Konimex tumanidagi “Toʻqqiztepa”, “Birlik” mahalla fuqarolar yigʻinlarining chegaralarini belgilash tavsifi va chegalarini belgilash tarxi 12-13-ilovalarga;

Nurota tumanidagi “Saydato”, “Alisher Navoiy”, “Oqmachit” mahalla fuqarolar yigʻinlarining chegaralarini belgilash tavsifi va chegalarini belgilash tarxi 14-16-ilovalarga;

Qiziltepa tumanidagi “Konsurun”, “Furqat”, “Gʻoyibon”, “Sufiyon”, “Zarmetan” mahalla fuqarolar yigʻinlarining chegaralarini belgilash tavsifi va chegalarini belgilash tarxi 17-21-ilovalarga;

Navbahor tumanidagi “Armijon”, “Xashman”, “Qalqonota” mahalla fuqarolar yigʻinlarining chegaralarini belgilash tavsifi va chegalarini belgilash tarxi 22-24-ilovalarga muvofiq tasdiqlansin.

4. Davlat kadastlari palatasining viloyat boshqarmasi (E.Zayniddinov) tegishli tuman va shahar hokimliklari bilan birgalikda mazkur qarordan kelib chiqib, chegaralari belgilanayotgan MFYlar boʻyicha tegishli hujjatlarni belgilangan tartibda rasmiylashtirish choralarini koʻrish.

5. Viloyat hokimining matbuot kotibi – axborot siyosati masalalari boʻyicha maslahatchisi (Sh.Raubayeva), viloyat teleradiokompaniyasi (A.Mukimov), “Doʻstlik bayrogʻi” va “Знамя дружбы” gazetalari tahririyati davlat korxonasi (B.Umarov)ga olib borilayotgan ishlarni doimiy ravishda ommaviy axborot vositalarida keng yoritib borish tavsiya etilsin.

6. Ushbu qaror rasmiy eʼlon qilingandan boshlab, 15 kundan soʻng kuchga kiradi.

7. Mazkur qarorning ijrosini taʼminlash viloyat hokimining oʻrinbosarlari (R.Sulaymonov, J.Xodjayev, A.Niyozov), nazorat qilish xalq deputatlari viloyat Kengashining mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (N.Isoqov) zimmalariga yuklatilsin.