LexUZ шарҳи
Мазкур қарор Ўзбекистон Республикасининг 2019 йил 6 декабрдаги ЎРҚ-588-сонли «Касаба уюшмалари тўғрисида»ги Қонунига асосан 2020 йил 8 мартдан ўз кучини йўқотади.
Ўзбекистон Республикасининг Олий Кенгаши қарор қилади:
1. «Касаба уюшмалари, уларнинг ҳуқуқлари ва фаолиятининг кафолатлари тўғрисида»ги Ўзбекистон Республикаси Қонуни эълон қилинган пайтдан бошлаб амалга киритилсин.
LexUZ шарҳи
«Касаба уюшмалари, уларнинг ҳуқуқлари ва фаолиятининг кафолатлари тўғрисида»ги Ўзбекистон Республикаси Қонуни «Халқ сўзи» газетасининг 1992 йил 29 июлдаги 145 (396)-сонида эълон қилинган.
2. Белгилаб қўйилсинки, Ўзбекистон Республикасининг қонунлари «Касаба уюшмалари, уларнинг ҳуқуқлари ва фаолиятининг кафолатлари тўғрисида»ги Ўзбекистон Республикаси Қонуни билан мувофиқлаштирилгунига қадар Ўзбекистон Республикаси амалдаги қонун ҳужжатларининг ушбу Қонунга зид бўлмаган қисмлари қўлланилаверади.
Ўзбекистон Республикасининг қонун ҳужжатларини «Касаба уюшмалари, уларнинг ҳуқуқлари ва фаолиятининг кафолатлари тўғрисида»ги Ўзбекистон Республикаси Қонунига мувофиқлаштириш ҳақида Ўзбекистон Республикаси Олий Кенгашига таклифлар киритсин;
Ўзбекистон Республикаси Ҳукумати қарорларини «Касаба уюшмалари, уларнинг ҳуқуқлари ва фаолиятининг кафолатлари тўғрисида»ги Ўзбекистон Республикаси Қонунига мувофиқлаштирсин;
Ўзбекистон Республикасининг вазирликлари, давлат қўмиталари, идоралари, концернлари ўзларининг ушбу Қонунга зид бўлган меъёрий ҳужжатларини қайта кўриб чиқишлари ва бекор қилишларини таъминласин.
4. Ўзбекистон касаба уюшмалари Федерацияси Кенгашига мазкур қарорнинг 3-моддасида Ўзбекистон Республикаси Президенти ҳузуридаги Вазирлар Маҳкамаси зиммасига юклатилган топшириқлар бажарилишида иштирок этиш тавсия қилинсин.