LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 26-noyabrdagi 957-sonli “YUNESKO ishlari bo‘yicha O‘zbekiston Respublikasi milliy komissiyasi faoliyatini takomillashtirish to‘g‘risida”gi qaroriga asosan o‘z kuchini yo‘qotgan.
Ta’lim, fan va madaniyat sohasida xalqaro hamkorlikni rivojlantirish, madaniy va ilmiy axborotlarni ommalashtirish YUNESKO doirasida O‘zbekistonning ma’naviy aloqalarini kengaytirish, shuningdek, YUNESKO Ustaviga muvofiq Vazirlar Mahkamasi qaror qiladi:
1. Vazirlar Mahkamasi huzurida YUNESKO ishlari bo‘yicha O‘zbekiston Respublikasi Milliy komissiyasi (bundan keyin Milliy komissiya deb ataladi) 1-ilovaga* muvofiq tarkibida tashkil etilsin.
Milliy komissiya kotibiyati xodimlarining cheklangan soni 4 nafardan iborat etib belgilansin, kotibiyatning shtatlar jadvali Milliy komissiya raisi tomonidan tasdiqlanishi belgilab qo‘yilsin.
4. Milliy komissiya kotibiyati Jahon iqtisodiyoti va diplomatiya universiteti binosiga joylashtirilsin: Buyuk Ipak yo‘li, 54a-uy.
5. O‘zbekiston Respublikasi Moliya vazirligi Milliy komissiya kotibiyatini mablag‘ ta’minlash uchun respublika budjetidan zarur ajratmalarni nazarda tutsin.
6. Aloqa vazirligi belgilangan tartibda, Milliy komissiya kotibiyatining buyurtmanomasiga binoan, zarur telefon va telegraf aloqa kanallarini ajratsin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari S.S. Saidqosimov zimmasiga yuklansin.
YUNESKO ishlari bo‘yicha O‘zbekiston Respublikasi Milliy komissiyasi, bundan keyin Komissiya deb ataladi, O‘zbekiston Respublikasi Vazirlar Mahkamasi huzurida tashkil etilgan hukumat tashkiloti hisoblanadi.
Komissiya o‘z ishlarini YUNESKO va AYSESKO ustav qoidalari, O‘zbekiston Respublikasining Konstitutsiyasi va amaldagi qonunchiligi asosida tashkil etadi.
(muqaddimaning ikkinchi xatboshisi O‘zbekiston Respublikasi Vazirlar Mahkamasining 2017-yil 12-oktabrdagi 821-sonli qarori tahririda — Qonun hujjatlari ma’lumotlari milliy bazasi, 13.10.2017-y., 09/17/821/0106-son)
1. Respublika vazirliklari va idoralarining O‘zbekiston Respublikasida YUNESKO va AYSESKO dasturlarini ishlab chiqish va amalga oshirish masalalari bo‘yicha faoliyatini muvofiqlashtirib borish Komissiyaning asosiy vazifasi hisoblanadi.
(1-band O‘zbekiston Respublikasi Vazirlar Mahkamasining 2017-yil 12-oktabrdagi 821-sonli qarori tahririda — Qonun hujjatlari ma’lumotlari milliy bazasi, 13.10.2017-y., 09/17/821/0106-son)
YUNESKO va AYSESKO tadbirlarida hamda loyihalarida O‘zbekiston Respublikasi vazirliklari, idoralari, tashkilotlari va mutaxassislarining qatnashishi to‘g‘risida YUNESKOning kotibiyatiga hamda mintaqaviy bo‘linmalariga, AYSESKO Bosh direksiyasiga takliflar tayyorlash va kiritish;
ta’lim, fan, madaniyat va axborot sohasida mintaqaviy, submintaqaviy va ikki tomonlama hamkorlikni rivojlantirish masalalari bo‘yicha YUNESKO, AYSESKO Bosh direksiyasining mintaqaviy byurosi va markazlari bilan muntazam konsultatsiyalar o‘tkazish;
O‘zbekiston Respublikasi hududida va uning tashqarisida YUNESKO va AYSESKO tadbirlarini tayyorlash va o‘tkazishda qatnashish;
YUNESKO va AYSESKO tomonidan chaqiriladigan Bosh konferensiya hamda boshqa hukumatlararo kengashlarni tayyorlashga va o‘tkazishga ko‘maklashish;
YUNESKO va AYSESKO dasturlarini ishlab chiqish va bajarishda O‘zbekiston Respublikasining milliy, hukumat va hukumatga qarashli bo‘lmagan tashkilotlarining ishtirokini rag‘batlashtirish;
YUNESKO, AYSESKO Bosh direksiyasi kotibiyatida va mintaqaviy bo‘linmalarida ishlash uchun respublika mutaxassislari rezervini shakllantirish.
(3-band O‘zbekiston Respublikasi Vazirlar Mahkamasining 2017-yil 12-oktabrdagi 821-sonli qarori tahririda — Qonun hujjatlari ma’lumotlari milliy bazasi, 13.10.2017-y., 09/17/821/0106-son)
4. Komissiyaning raisi, rais o‘rinbosari, mas’ul kotibi va a’zolari O‘zbekiston Respublikasi Vazirlar Mahkamasi tomonidan tasdiqlanadilar.
5. Komissiya tarkibiga vazirliklar, idoralar, tashkilotlar va muassasalar, ommaviy axborot vositalarining vakillari, shuningdek, atoqli fan, madaniyat va ta’lim arboblari kiritiladi.
6. Komissiyaning umumiy majlisi yiliga 1-marta o‘tkaziladi, bunda Komissiya raisining va mas’ul kotibining Komissiya ishchi guruhlari va kotibiyatining faoliyati to‘g‘risidagi hisobotlari tinglanadi, Komissiyaning istiqbolidagi faoliyati muhokama qilinadi hamda kotibiyatning va Komissiyaning kelgusi davrdagi ish rejalari tasdiqlanadi.
7. Komissiyaning umumiy majlislari o‘rtasidagi davrda barcha ishlarga YUNESKO ishlari bo‘yicha Milliy komissiya rayosati rahbarlik qiladi.
10. Mas’ul kotib boshqaradigan kotibiyat Komissiyaning doimiy ishlaydigan ijro etuvchi organi hisoblanadi.
YUNESKO kotibiyati va AYSESKO Bosh direksiyasi, YUNESKO huzuridagi konsultativ maqomga ega bo‘lgan komissiyalar va YUNESKO hamda AYSESKOga a’zo davlatlarning Milliy komissiyalari bilan o‘zaro hamkorlikni muvofiqlashtirib borish;
Komissiyaning, uning ishchi organlarining ish rejalarini tayyorlashni va ularning bajarilishini nazorat qilishni ta’minlash;
YUNESKO va AYSESKOning vaqtli nashrlarida respublika fuqarolari, tashkilotlari, muassasalarining fan, ta’lim va madaniyat masalalari bo‘yicha asarlari va boshqa materiallarini chop etishga ko‘maklashish;
YUNESKO va AYSESKO homiyligida o‘tkaziladigan xalqaro tadbirni tayyorlash va amalga oshirishda tashkilotlarga yordam ko‘rsatish;
respublika tashkilotlarining takliflari asosida Fan, madaniyat va ta’lim bo‘yicha dasturlarni tayyorlash va ularni Komissiyasiga ko‘rib chiqish uchun kiritish;
YUNESKO va AYSESKO tadbirlarida ishtirok etish uchun O‘zbekiston Respublikasi vakillarini tanlash bo‘yicha takliflar tayyorlash;
YUNESKO kotibiyatida va uning mintaqaviy bo‘linmalarida shuningdek AYSESKO Bosh direksiyasida ishlash uchun ekspertlar sifatida respublika mutaxassislarini tanlash bo‘yicha takliflar tayyorlash.
(11-band O‘zbekiston Respublikasi Vazirlar Mahkamasining 2017-yil 12-oktabrdagi 821-sonli qarori tahririda — Qonun hujjatlari ma’lumotlari milliy bazasi, 13.10.2017-y., 09/17/821/0106-son)
(12-bandning ikkinchi xatboshisi O‘zbekiston Respublikasi Vazirlar Mahkamasining 2017-yil 12-oktabrdagi 821-sonli qarori tahririda — Qonun hujjatlari ma’lumotlari milliy bazasi, 13.10.2017-y., 09/17/821/0106-son)
YUNESKO va AYSESKO yo‘li bilan o‘tkaziladigan tadbirlarni tashkil etish natijasida olinadigan tushumlar.
(12-bandning beshinchi xatboshisi O‘zbekiston Respublikasi Vazirlar Mahkamasining 2017-yil 12-oktabrdagi 821-sonli qarori tahririda — Qonun hujjatlari ma’lumotlari milliy bazasi, 13.10.2017-y., 09/17/821/0106-son)