Bosqichlar

Subyektlar

Tadbirlar

Bajarish muddatlari

I. Reabilitatsiya qilishning texnik vositalariga muhtoj bemor bolalar roʻyxatini shakllantirish hamda ularni taʼminlash uchun mablagʻ ajratish

1-bosqich

Tuman (shahar) “Inson” ijtimoiy xizmatlari markazi, Pediatrik tibbiy-ijtimoiy ekspert komissiyasi, tuman (shahar) tibbiyot birlashmalari

Reabilitatsiya qilishning texnik vositalariga muhtoj bemor bolalar roʻyxatini shakllantiradi va yangilab boradi.

Muntazam ravishda

2-bosqich

Tuman (shahar) “Inson” ijtimoiy xizmatlari markazlari

Tuman (shahar) boʻyicha muhtoj bemor bolalar roʻyxatini tegishlicha Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalariga elektron shaklda taqdim etadi.

Har yili 1-dekabrga qadar

3-bosqich

Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari

1. Reabilitatsiya qilishning texnik vositalari oʻrtacha narxlarini keyingi yil uchun shakllantirish.

2. Reabilitatsiya qilishning texnik vositalari oʻrtacha narxlarini Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya boshqarmalari bilan kelishadi hamda tasdiqlaydi va Agentlikka kiritadi.

Har ikki yilda bir marotaba 5-dekabrga qadar

Har ikki yilda bir marotaba 15-dekabrga qadar

4-bosqich

Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari

1. Reabilitatsiya qilishning texnik vositalariga muhtoj bemor bolalar roʻyxatini umumlashtiradi.

2. Zarur boʻladigan yillik mablagʻlarni ajratish yuzasidan Oʻzbekiston Respublikasi Iqtisodiyot va moliya vazirligiga buyurtmanoma beradi.

Har yili 30-dekabrga qadar

5-bosqich

Oʻzbekiston Respublikasi Iqtisodiyot va moliya vazirligi

Zarur boʻladigan yillik mablagʻlarni Ijtimoiy himoya milliy agentligining asoslangan hisob-kitoblariga koʻra ajratadi.

Har yili kelgusi yilning 1-apreliga qadar

II. Bemor bolalarni reabilitatsiya qilishning texnik vositalari bilan taʼminlash

6-bosqich

Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari

Reabilitatsiya qilishning texnik vositalarini “Davlat xaridlari toʻgʻrisida”gi Oʻzbekiston Respublikasining Qonuniga asosan xarid qilish choralarini koʻradi.

Belgilangan muddatlarda

7-bosqich

Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari

1. Bemor bolalarni tegishli reabilitatsiya qilishning texnik vositalari bilan taʼminlaydi.

Yetkazib beruvchi tashkilotdan qabul qilib olingandan keyin 10 kun muddatda

2. Bemor bolalarga tegishli reabilitatsiya qilishning texnik vositalarini tekin ijara asosida foydalanish uchun beradi

Zaruratga koʻra

8-bosqich

Bemor bolaning ota-onasi yoki boshqa qonuniy vakili

1. Reabilitatsiya qilishning texnik vositalaridan foydalanishga zarurat qolmaganda, ularni tegishlicha Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalariga qaytaradi.

10 kun muddatda

2. Vaqtincha tekin foydalanish uchun berilgan reabilitatsiya qilishning texnik vositalari tegishlicha Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalariga qaytaradi.

3 oydan oshmagan muddatda

3. Zaruratga koʻra tibbiy xulosa asosida vaqtincha foydalanish muddati uzaytiriladi.

2 oygacha muddatga