Oʻzbekiston Respublikasi Oliy Kengashining “Aholini ish bilan taʼminlash toʻgʻrisida”gi Oʻzbekiston Respublikasi Qonunini joriy etish tartibi toʻgʻrisida” 1992-yil 13-yanvardagi qaroriga muvofiq Vazirlar Mahkamasi qaror qiladi:

1. “Aholini ish bilan taʼminlash toʻgʻrisida” Oʻzbekiston Respublikasi Qonunini amalga oshirish bilan bogʻliq boʻlgan quyidagi ilova qilinayotgan normativ hujjatlar tasdiqlansin:

“Oʻzbekiston Respublikasi fuqarolarini chet elda ishga joylashtirish bilan bogʻliq boʻlgan vazirliklar va idoralar, shuningdek, fuqarolarni oʻqitish va ularni respublikada ishga joylashtirish boʻyicha pullik xizmatlar koʻrsatuvchi tijorat byurolari, vakilliklar va boshqa tashkilotlar faoliyatini litsenziyalash shartlari va tartibi toʻgʻrisida”gi Nizom (2-ilova);

“Ijtimoiy himoya qilinishga muhtoj boʻlgan va ishga joylashishda alohida qiyinchiliklarga duch keladigan shaxslarni ishga qabul qilishni tashkil qilish uchun ishchi oʻrinlarining eng kam miqdorini belgilash tartibi toʻgʻrisida”gi Nizom (3-ilova);

“Ishchi oʻrinlari tashkil etishda birinchi navbatda rivojlantiriladigan hududlar toʻgʻrisida”gi Nizom (4-ilova);

“Ishdan boʻshatiladigan xodimlar va ish bilan taʼminlanmagan aholini kasbga tayyorlash, malakasini oshirish va qayta tayyorlash tizimini shakllantirish tartibi toʻgʻrisida”gi Nizom (5-ilova).

2. Oʻzbekiston Respublikasi Bandlik va mehnat munosabatlari vazirligi:

davlat statistika qoʻmitasi, vazirliklar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda 1993-yildan boshlab har chorakda boʻshatilishi moʻljallanayotgan xodimlar sonini hamda ishsizlik nafaqasi toʻlash, xodimlarni qayta tayyorlash, shuningdek, ish bilan taʼminlash xizmatlarini saqlash uchun zarur boʻlgan mablagʻlarni aniqlasin;

Hukumat hal etishini talab etuvchi masalalar boʻyicha Vazirlar Mahkamasiga takliflar kiritsin;

bir oy muddat ichida 1992-yil oxirigacha boʻshatilishi kerak boʻlgan xodimlar sonini hamda ishsizlik nafaqasi toʻlash uchun zarur boʻlgan mablagʻlarni aniqlasin.

3. Oʻzbekiston Respublikasi Bandlik va mehnat munosabatlari vazirligi “Aholini ish bilan taʼminlash toʻgʻrisida”gi Oʻzbekiston Respublikasi Qonuniga muvofiq ishdan boʻshatiladigan xodimlarni oʻz vaqtida ish bilan taʼminlovchi kechiktirib boʻlmaydigan chora-tadbirlar koʻrsin. Buning uchun:

aholi bandligiga koʻmaklashish markazlarining faoliyat koʻrsatishi samaradorligini, ishdan boʻshatiladigan xodimlarni va mehnatga yaroqli aholining ish bilan taʼminlanmagan qismini qayta oʻqitish va qayta tayyorlashni tashkil etishni taʼminlasin;

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, vazirliklar, idoralar, uyushmalar va konsernlar bilan birgalikda respublika xalq xoʻjaligining har bir tarmogʻida ishdan boʻshatiladigan xodimlarni ijtimoiy himoya qilishni taʼminlovchi tashkiliy-texnik chora-tadbirlarni ishlab chiqsin va joriy etsin;

Oʻzbekiston Respublikasining Taraqqiyot istiqbolini belgilash qoʻmitasi va Oʻzbekiston Respublikasi Fanlar akademiyasi bilan birgalikda 1992-yil 1-iyulgacha ish bilan taʼminlash respublika va mintaqa dasturlarini ishlab chiqish hamda ishchi oʻrinlari birinchi navbatda rivojlantiriladigan hududlarni aniqlash metodikasini tayyorlasin;

aholini ish bilan taʼminlash mintaqa dasturlarini ishlab chiqishda joylarda amaliy yordam koʻrsatsin;

Oʻzbekiston Kasaba uyushmalari Federatsiyasi Kengashi ishtirokida 1992-yil 1-iyungacha ish bilan taʼminlashga koʻmaklashuvchi respublika muvofiqlashtirish qoʻmitasining shaxsiy tarkibi boʻyicha takliflarni Vazirlar Mahkamasiga kiritsin;

Oʻzbekiston Respublikasi Davlat statistika qoʻmitasi bilan birgalikda aholini ish bilan taʼminlash boʻyicha statistika hisobotini takomillashtirsin;

Oʻzbekiston Respublikasi Tashqi ishlar vazirligi, Oʻzbekiston Kasaba uyushmalari Federatsiyasi Kengashi va davlat boshqaruvining boshqa manfaatdor organlari bilan birgalikda “Oʻzbekiston Respublikasining chet elda oʻz kasbi boʻyicha ishlayotgan fuqarolarining huquqlari va manfaatlarini himoya qilish toʻgʻrisida”gi Oʻzbekiston Respublikasi Qonuni loyihasini ishlab chiqsin va Vazirlar Mahkamasiga kiritsin;

“Aholini ish bilan taʼminlash toʻgʻrisida”gi Oʻzbekiston Respublikasi Qonunining ayrim moddalarini qoʻllash boʻyicha yoʻriqnoma va tavsiyalarni ishlab chiqsin va tasdiqlasin.

4. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, vazirliklar, idoralar, uyushmalar, konsernlarning rahbarlariga oʻzlariga qarashli korxonalar, tashkilotlar va muassasalar tomonidan boʻsh ishchi oʻrinlari (vakansiyalar) mavjudligi va xodimlarning ishdan boʻshashi (prognoz) toʻgʻrisidagi maʼlumotlarning belgilangan muddatlarda bandlikka koʻmaklashish markazlariga taqdim etilishini taʼminlash yuklatilsin.

5. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari “Aholini ish bilan taʼminlash toʻgʻrisida”gi Oʻzbekiston Respublikasi Qonunining bajarilishini taʼminlasinlar, mehnat organlari tizimi va ishini ana shu Qonun talablariga, shuningdek, tasdiqlangan nizomlarga muvofiqlashtirsinlar.

6. Oʻzbekiston Respublikasi Bandlik va mehnat munosabatlari vazirligi, Oliy va oʻrta maxsus taʼlim vazirligi, vazirliklar, uyushmalar, konsernlar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bundan keyin oliy va oʻrta maxsus oʻquv yurtlarining bitiruvchilarini oʻz vaqtida ishga joylashtirish chora-tadbirlarini muntazam amalga oshirsinlar.

1992-yilgi bitiruvchilarni ishchi oʻrinlari bilan taʼminlash toʻgʻrisidagi masala shu yilning may-iyun oylarida hal etilsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari oʻrtoq B.S. Hamidovga yuklatilsin.

8. Oʻzbekiston Respublikasi Hukumatining quyidagi qarorlari ilova qilinayotgan roʻyxatga muvofiq oʻz kuchini yoʻqotgan deb hisoblansin.

1. Oʻzbekiston Respublikasining “Aholini ish bilan taʼminlash toʻgʻrisida”gi Qonuniga muvofiq “Ish bilan taʼminlash” mintaqa dasturlarida har yili ish oʻrinlarini tashkil etishda birinchi navbatda rivojlantirilishi kerak boʻlgan hududlar aniqlanadi.

2. Birinchi navbatda rivojlantirilishi kerak boʻlgan hududlarga ish oʻrinlariga boʻlgan aholining talab va ehtiyojlaridan doimiy orqada qolishi, korxonalarning yopilishi natijasida ishdan boʻshagan ishchi kuchlarining koʻpayib, ishlab chiqarishning pasayib ketishi va ishchilar sonining qisqarishi, tabiiy ofatlar sababli davlat va mintaqalardan koʻplab fuqarolarning yangi ish va istiqomat joylariga koʻchib oʻtishidan mehnat bozorida tang holat paydo boʻlgan respublika mintaqa (viloyat, shahar, nohiya)lari kiritilishi mumkin. Bularga yangi ish oʻrinlari tashkil qilinganligi uchun davlat tomonidan ragʻbatlantiriladigan mintaqalarni ham kiritish mumkin.

3. Mehnat bozoridagi ahvolning murakkabligiga qarab, birinchi oʻrinda rivojlantirilishi kerak boʻlgan hududlar maqomi bir yilga yoki uzoqroq muddatga beriladi.

5. Birinchi navbatda rivojlantirilishi kerak boʻlgan hududlar har yili joylardagi davlat hokimiyati organlari tomonidan belgilanadi.

Oʻzbekiston Respublikasining “Aholini ish bilan taʼminlash toʻgʻrisida”gi Qonuniga muvofiq ishdan boʻshagan xodimlarning va ishchilar hamda mutaxassislardan iborat ish bilan taʼminlanmagan aholining malakasini oshirish va qayta kasbga tayyorlash “Ish bilan taʼminlanmagan aholini kasbga tayyorlash, qayta tayyorlash, uning malakasini oshirish va kasbga yoʻnaltirish mintaqalararo markaz”larda tashkil qilinadi*.

Markazlar Aholi bandligiga koʻmaklashish markazlari yoʻllanmasiga koʻra guruhlarni shakllantiradilar, oʻqitish va qayta oʻqitishni amalga oshiradilar.

Ushbu markazlarda biror ixtisoslikka oʻqitish boʻyicha tegishli oʻquv moddiy bazasi boʻlmagan taqdirda bandlikka koʻmaklashish markazlarida ish qidirib yuruvchilar sifatida roʻyxatga olingan shaxslarni kasbga oʻrgatish (qayta oʻrgatish) yoki malakasini oshirish: taʼlim muassasalarida, korxonalarning oʻquv boʻlinmalarida, vazirlik va idoralarning mutaxassislarning malakasini oshirish tizimida tashkil qilinadi.

Aholi bandligiga koʻmaklashish markazlari joylardagi markazlarning vositachiligi orqali yoki bevosita taʼlim muassasalari, korxonalarning oʻquv boʻlinmalari, shuningdek, tijorat, xoʻjalik hisobidagi va boshqa kasbga oʻrgatishni va qayta oʻrgatishni tashkil qilishga ruxsatnomasi boʻlgan tashkilotlar bilan shartnomalar tuzadilar va oʻquv jarayonini moliyaviy taʼminlash manbalarini aniqlaydilar (korxonalarning, mahalliy budjetlar va Davlat aholini ish bilan taʼminlashga koʻmaklashish fondining mablagʻlari).

Ishdan boʻshagan va ish bilan taʼminlanmagan aholini kasbga tayyorlash, uning malakasini oshirish va qayta tayyorlashga boʻlgan talab respublikaning har qaysi mintaqasida xalq xoʻjaligi tarmoqlarini rivojlantirish istiqbollarini hisobga olgan holda, ham haqiqiy boʻsh ish oʻrinlarining mavjudligiga, ham mehnat bozorining oldindan aytib berishiga koʻra aniqlanadi.

Alohida ijtimoiy himoyaga muhtoj boʻlgan fuqarolar guruhi, koʻp bolali ayollar, yoshlar, mehnat qobiliyati cheklangan shaxslar uchun kasbga tayyorlash, malaka oshirish va qayta oʻqitishni tashkil etishda maxsus guruhlar ochish, mashgʻulotning maqbul tartibini oʻrnatish, shuningdek, oʻqish yakunlangach, ishga joylashtirish yoʻli bilan ularning kasb darajasini oshirishga sharoitlar yaratiladi.

Ishdan boʻshatiladigan xodimlarni va ish bilan taʼminlanmagan aholini kasbga tayyorlash, malakasini oshirish va qayta tayyorlash tizimi faoliyatini muvofiqlashtirish va oʻzlariga qarashli mintaqalararo markazlarni boshqarish Oʻzbekiston Respublikasi Bandlik va mehnat munosabatlari vazirligi va uning joylardagi boʻlinmalari tomonidan amalga oshiriladi.

Oʻquv-uslubiy rahbarlik qilish Oʻzbekiston Respublikasi Bandlik va mehnat munosabatlari vazirligi, Oliy va oʻrta maxsus taʼlim vazirligi, oʻquv yurtining turi va ixtisosiga qarab tarmoq vazirliklari hamda idoralarning uslubiy xizmatlariga yuklatiladi.

Ishdan boʻshatiladigan xodimlarni va ish bilan taʼminlanmagan aholini kasbga tayyorlash, malakasini oshirish va qayta tayyorlash ishlarini amalga oshiradigan oʻquv yurtlaridagi oʻqitish ishlariga bozor munosabatlari sharoitida zamonaviy ishlab chiqarish hamda iqtisodiy jarayonlar nazariyasi va amaliyoti boʻyicha chuqur bilimlarga ega boʻlgan yuqori malakali muhandis-pedagoglar va ilmiy kadrlar jalb etiladi.

Fuqarolarga oʻqitish davrida Oʻzbekiston Respublikasi qonunchiligi va joylardagi davlat hokimiyati organlarining ularning huquqi doiralaridagi qarorlari bilan belgilangan tartib va miqdorlarda stipendiyalar toʻlanadi.

1. SSSR Ministrlar Sovetining “Oʻsmirlarni ishga joylashtirishni yaxshilash toʻgʻrisida” 1963-yil 4-dekabrdagi 1186-son qarori yuzasidan Oʻzbekiston SSR Ministrlar Sovetining 1964-yil 2-yanvardagi 6-son qarori.

2. SSSR Ministrlar Sovetining “Buxgalterlik uchyotini tashkil etishdagi jiddiy kamchiliklarni bartaraf etish va xalq xoʻjaligida nazoratni amalga oshirishda uning rolini kuchaytirish choralari toʻgʻrisida” 1964-yil 6-noyabrdagi 923-son qarori yuzasidan Oʻzbekiston SSR Ministrlar Sovetining 1965-yil 26-yanvardagi 58-son qarorining 5-bandi “j” kichik bandining ikkinchi xatboshi, KPSS MK va SSSR Ministrlar Sovetining 1957-yil 28-maydagi 595-son qarorining 3-bandi “g” kichik bandining amalda boʻlishini joriy qilish qismi.

3. SSSR Ministrlar Sovetining “Ulugʻ Vatan urushi nogironlariga va Ulugʻ Vatan urushida halok boʻlgan harbiy xizmatchilarning oila aʼzolariga beriladigan imtiyozlarni kengaytirish toʻgʻrisida” 1965-yil 6-martdagi 140-son qarori yuzasidan Oʻzbekiston SSR Ministrlar Sovetining 1965-yil 12-apreldagi 201-son qarori.

4. Oʻzbekiston Kompartiyasi MK va Oʻzbekiston SSR Ministrlar Sovetining “1966-yilda umumtaʼlim maktablarini bitiradigan yoshlarni oʻqitishni kengaytirish va xalq xoʻjaligidagi ishlarga joylashtirish chora-tadbirlari toʻgʻrisida” 1966-yil 5-apreldagi 179-son qarorining 22-bandi.

5. KPSS MK va SSSR Ministrlar Sovetining “Umumiy ovqatlanishni yanada rivojlantirish va yaxshilash choralari toʻgʻrisida” 1967-yil 7-martdagi 198-son qarori yuzasidan Oʻzbekiston Kompartiyasi MK va Oʻzbekiston SSR Ministrlar Sovetining 1967-yil 3O maydagi 266-son qarori 42-bandining oʻn toʻrtinchi xat boshi.

6. KPSS MK va SSSR Ministrlar Sovetining “Ijtimoiy foydali mehnatdan boʻyin tovlovchi va jamiyat uchun zararli, tekinxoʻrlarcha kun koʻruvchi shaxslarga qarshi kurashni kuchaytirish choralari toʻgʻrisida” 1970-yil 23-fevraldagi qarori yuzasidan Oʻzbekiston Kompartiyasi MK va Oʻzbekiston SSR Ministrlar Sovetining 1970-yil 30-martdagi 155-son qarori (OʻzSSR QT, 1970-y., 4-son, 19-modda).

7. Oʻzbekiston Kompartiyasi MK va Oʻzbekiston SSR Ministrlar Sovetining “Respublikadagi yoshlarni kasb boʻyicha yoʻnaltirish ishlarini yaxshilash choralari toʻgʻrisida” 1970-yil 17-sentabrdagi 473-son qarori.

8. KPSS MK va SSSR Ministrlar Sovetining “Savdo va uning texnika jihatdan taʼminlanganligini yaxshilashning baʼzi choralari toʻgʻrisida” 1972-yil 7-yanvardagi 30-son qarori yuzasidan Oʻzbekiston Kompartiyasi MK va Oʻzbekiston SSR Ministrlar Sovetining 1972-yil 25-fevraldagi 100-son qarori II boʻlimining yigirma uchinchi xatboshi.

9. Oʻzbekiston SSR Ministrlar Sovetining “Mehnat bilan toʻla ravishda band qilish maqsadida mehnat resurslarini hisobga olish davlat respublika (“Bandlik”) dasturini ishlab chiqish toʻgʻrisida” 1989-yil 20-noyabrdagi 390-son qarori.

10. Oʻzbekiston SSR Ministrlar Sovetining “Sanoat korxonalarini va qurilish tashkilotlarini malakali ishchi kadrlar bilan taʼminlashning ahvoli va uni yaxshilash choralari toʻgʻrisida” 1974-yil 5-iyundagi 256-son qarori.

11. SSSR Ministrlar Sovetining “Oʻquvchilarga mehnat taʼlimi berish va ularning kasb tanlashlari uchun maktablararo oʻquv-ishlab chiqarish kombinatlari tashkil etish toʻgʻrisida” 1974-yil 23-avgustdagi 662-son qarori yuzasidan Oʻzbekiston SSR Ministrlar Sovetining 1974-yil 11-sentabrdagi 427-son qarori 3-bandining toʻrtinchi xat boshi (OʻzSSR QT, 1974-y., 9-son, 51-modda) malakali ishchilar va injener-texnik xodimlarning oʻquvchilarni amaliy oʻqitganliklari uchun mehnatga haq toʻlashga tegishli qismi.

12. Oʻzbekiston SSR Ministrlar Sovetining “Umumtaʼlim maktablari bitiruvchilarini ishga joylashtirish va ularning oblast korxonalari va tashkilotlarida muqim ishlab qolishlari yuzasidan Samarqand oblast ijroiya komitetining ishi toʻgʻrisida” 1974-yil 30-oktabrdagi 500-son qarori.

13. Oʻzbekiston SSR Ministrlar Sovetining “Mehnat resurslaridan foydalanishning samaradorligini taʼminlash boʻyicha Andijon oblast ijroiya komitetining ishi toʻgʻrisida” 1975-yil 29-maydagi 311-son qarori.

14. Oʻzbekiston SSR Ministrlar Sovetining “Andijon, Namangan, Samarqand, Fargʻona va Chirchiq shaharlarida mehnatkashlarni korxonalarda va tashkilotlarda qabul qilish tartibi toʻgʻrisida” 1975-yil 28-avgustdagi 414-son qarori.

15. Oʻzbekiston SSR Ministrlar Sovetining 1975-yil 22-sentabrdagi 981-son qarorining 3-bandi, SSSR Ministrlar Sovetining 1970-yil 27-fevraldagi 145-son qarorining 1-bandi ikkinchi xatboshining amalda boʻlishini joriy qilish qismi,

16. SSSR Ministrlar Sovetining “Nogironlarni kasbga oʻrgatishni va ishga joylashtirishni tashkil etishni yaxshilashga oid qoʻshimcha choralar toʻgʻrisida” 1976-yil 10-dekabrdagi 1010-son qarori yuzasidan Oʻzbekiston SSR Ministrlar Sovetining 1976-yil 27-dekabrdagi 728-son qarori 6-bandining birinchi xatboshi va 8-bandining toʻrtinchi xatboshi.

17. Oʻzbekiston SSR Ministrlar Sovetining “Aholini ishga joylashtirish va mehnat resurslaridan samarali foydalanishni tashkil etishni yanada takomillashtirish choralari toʻgʻrisida” 1977-yil 13-iyundagi 385-son qarori.

18. KPSS MK, SSSR Ministrlar Soveti va VSSPSning “Mehnat intizomini yanada mustahkamlash va xalq xoʻjaligida kadrlar qoʻnimsizligini kamaytirish toʻgʻrisida” 1979-yil 13-dekabrdagi 1117-son qarori yuzasidan Oʻzbekiston Kompartiyasi MK va Oʻzbekiston SSR Ministrlar Soveti va Uzsovprofning 1980-yil 28-yanvardagi 76-son qarori 6-bandining uchinchi xatboshi va 11-bandining uchinchi xatboshi.

19. Oʻzbekiston SSR Ministrlar Sovetining 1981-yil 2-martdagi 182-son qaroriga ilova sifatida berilgan Vatan urushi invalidlari va halok boʻlgan harbiy xizmatchilarning oila aʼzolari uchun imtiyozlar toʻgʻrisidagi Nizomning 21-bandi.

20. Oʻzbekiston SSR Ministrlar Sovetining “Oʻrta umumtaʼlim maktablari bitiruvchilarni va oʻrta maʼlumot olmagan yoshlarni Oʻzbekiston SSR territoriyasida ishga joylashtirish tartibi toʻgʻrisidagi Nizomni tasdiqlash haqida” 1982-yil 19-yanvardagi 46-son qarori (OʻzSSR QT, 1982-y, 1-son, 1-modda).

21. Oʻzbekiston Kompartiyasi MK va Oʻzbekiston SSR Ministrlar Sovetining 1982-yil 6-noyabrdagi 723-son qarorining 2, 3-bandlari (ikkinchi xatboshining oxirgi jumlasidan tashqari), 6-bandining uchinchi xatboshi.

22. SSSR Ministrlar Sovetining “Omonatga qoʻyish ishini yanada rivojlantirish va omonat kassalarini kadrlar bilan mustahkamlash choralari toʻgʻrisida” 1983-yil 2-iyundagi 490-son qarori yuzasidan Oʻzbekiston SSR Ministrlar Sovetining 1983-yil 9-iyundagi 364-son qarori 3-bandining “b” kichik bandi, ishchilarga ularni ishlab chiqarishda kasbga oʻrgatishda ishlab chiqarish taʼlimi berish uchun asosiy ish joyidan ozod qilinmasdan jalb qilingan malakali ishchilar va mutaxassislarning mehnatiga haq toʻlashga tegishli qismi (OʻzSSR QT, 1983-y., 6-son, 20-modda).

23. SSSR Ministrlar. Soveti va VSSPSning “Mehnat intizomini mustahkamlashga oid qoʻshimcha choralar toʻgʻrisida” 1983-yil 28-iyuldagi 745-son qarori yuzasidan Oʻzbekiston SSR Ministrlar Soveti va Uzsovprofning 1983-yil 19-avgustdagi 486-son qarorining 5-bandi.

24. KPSS MK va SSSR Ministrlar Sovetining “Agrosanoat kompleksi boshqaruvini yanada takomillashtirish toʻgʻrisida” 1985-yil 14-noyabrdagi 1114-son qarori yuzasidan Oʻzbekiston Kompartiyasi MK va Oʻzbekiston SSR Ministrlar Sovetining 1985-yil 11-dekabrdagi 618-son qarori 11-bandining ikkinchi xatboshi.

25. SSSR Ministrlar Sovetining “SSSR Falla mahsulotlari ministrligi masalalari” toʻgʻrisida 1986-yil 11-fevraldagi 207-son qarori yuzasidan Oʻzbekiston SSR Ministrlar Sovetining 1986-yil 24-martdagi 143-son qarori 8-bandining ikkinchi xatboshi (OʻzSSR QT, 1986-y., 3-son, 9-modda).

26. KPSS MK, SSSR Ministrlar Soveti va VSSPSning “Aktiv sotsial siyosatni amalga oshirish sohasidagi ishni kuchaytirish hamda SSSR mehnat va sotsial masalalar davlat komitetining rolini oshirish toʻgʻrisida” 1987-yil 17-iyuldagi 825-son qarori yuzasidan Oʻzbekiston SSR Ministrlar Soveti va Uzsovprofning 1987-yil 26-oktabrdagi 441-son qarorining 9-bandi, 20-bandining toʻrtinchi xatboshi (OʻzSSR QT, 1987-y., 11-son, 60-modda).

27. KPSS MK, SSSR Ministrlar Soveti va VSSPSning “Aholining ish bilan samarali band boʻlishini taʼminlash, ishga joylashtirish sistemasini takomillashtirish va mehnatkashlar uchun sotsial garantiyalarni kuchaytirish toʻgʻrisida” 1987-yil 22-dekabrdagi 1457-son qarori yuzasidan Oʻzbekiston Kompartiyasi MK, Oʻzbekiston SSR Ministrlar Soveti va Oʻzsovprofning 1988-yil 10-fevraldagi 61-son qarorining 3, 5, 10, 16, 19, 20-bandlari, 21-bandi “a” kichik bandining ikkinchi—toʻrtinchi xatboshlari, “b”, “g” kichik bandlari (oxirgi xatboshi bundan mustasno) (OʻzSSR QT, 1988-y., 2-son, 5-modda),

28. SSSR Ministrlar Sovetining “SSSR Davlat narxlar komitetining faoliyatini va tashkiliy strukturasini qayta qurish toʻgʻrisida” 1987-yil 26-dekabrdagi 1472-son qarori yuzasidan Oʻzbekiston SSR Ministrlar Sovetining 1988-yil 22-fevraldagi 66-son qarori 13-bandining oxirgi xatboshi.