Keyingi oʻrinda Tomonlar deb ataluvchi ushbu Bitim ishtirokchi-davlatlar hukumatlari,

ilmiy-texnikaviy, savdo-iqtisodiy va ijtimoiy-madaniy hamkorlikni rivojlantirishni istab,

intellektual mulkni samarali huquqiy muhofazalash, himoyalash va boshqarish bunday hamkorlikni rivojlantirishning majburiy sharti ekanligini eʼtirof etib,

ushbu Bitim ishtirokchi-davlatlari hududlarida intellektual mulkni samarali huquqiy muhofazalash va himoyalash tizimini rivojlantirish boʻyicha kelishilgan va muvofiqlashtirilgan choralar koʻrishning muhimligini anglab,

intellektual mulkni boshqarish, shu jumladan, tijoratlashtirish va intellektual mulk obyektlaridan boshqacha tarzda foydalanish mexanizmlarini takomillashtirishning muhimligini eʼtiborga olib,

ushbu Bitim ishtirokchi-davlatlarining xalqaro majburiyatlari va qonunchiligiga amal qilib,

quyidagilar toʻgʻrisida kelishib oldilar:

Davlatlararo intellektual mulkni muhofazalash va himoyalash tizimini, intellektual mulkni boshqarish mexanizmlarini takomillashtirish, intellektual mulk sohasidagi huquqbuzarliklarga qarshilik koʻrsatish boʻyicha birgalikdagi faoliyatni muvofiqlashtirish maqsadida Tomonlar quyidagi yoʻl bilan hamkorlikni amalga oshiradilar:

a) intellektual mulk sohasida aloqalarni mustahkamlash, hamkorlikda tadqiqotlar va fikr almashuvlarni oʻtkazish;

b) intellektual mulk sohasida ushbu Bitim ishtirokchi-davlatlari qonunchiligi toʻgʻrisida axborot bilan almashish;

iqtisodiyot, savdo, fan, texnika va madaniyat sohasida hamkorlikni amalga oshirishda, shuningdek tegishli xalqaro shartnomalarni tuzishga koʻmaklashishda, intellektual mulkni muhofazalash, himoyalash va boshqarish, shu jumladan tijoratlashtirish va intellektual mulk obyektlaridan boshqacha foydalanish bilan bogʻliq masalalarni muvofiqlashtirish;

g) intellektual mulk sohasidagi huquqbuzarliklarni oldini olish, aniqlash va toʻsqinlik qilish va bunday huquqbuzarliklarga qarshilik koʻrsatish boʻyicha birgalikdagi xatti-harakatlarni amalga oshirish;

d) intellektual mulk sohasida huquqbuzarliklarni oldini olish va toʻsqinlik qilish uchun samarali choralarni qabul qilish;

e) intellektual mulk sohasida vijdonsiz raqobatdan ushbu Bitim ishtirokchi-davlatlari xoʻjalik subyektlarini oʻzaro himoyalash.

Tomonlar Intellektual mulkni huquqiy muhofaza qilish va himoyalash masalalari boʻyicha Davlatlararo kengash tashkil etadilar (keyingi oʻrinda — Kengash).

Kengash oʻz faoliyatini ushbu Bitimning ajralmas qismi boʻlgan Kengash toʻgʻrisidagi Nizom asosida amalga oshiradi..

Ushbu Bitim maqsadlari uchun “intellektual mulk” Butunjahon intellektual mulk tashkilotini taʼsis etuvchi 1967-yil 14-iyuldagi Konvensiya 2-moddasida (1979-yil 2-oktabrdagi oʻzgartirishlar bilan) koʻrsatilgan maʼnoda tushuniladi.

Tomonlar ushbu Bitim ishtirokchi-davlatlari qonunchiligi va xalqaro shartnomalariga rioya qilgan holda ushbu Bitimga muvofiq vakolatli(kompetensiyali) organlar orqali hamkorlikni amalga oshiradilar.

Tomonlar oʻzlarining vakolatli(kompetensiyali) organlar roʻyxatini aniqlaydilar va ushbu Bitim kuchga kirishi uchun zarur boʻlgan ichki davlat protseduralarini bajarish toʻgʻrisidagi bildirishnomani topshirishda bu haqda depozitariyga xabar beradilar. Tomonlarning har biri vakolatli(kompetensiyali) organlar roʻyxati oʻzgarishi haqida depozitariyga bir oy mobaynida diplomatik kanallar orqali xabar beradi.

Tomonlarning vakolatli(kompetensiyali) organlari huquqbuzarliklarni oldini olish, aniqlash va toʻsqinlik qilish, fikrlar va axborot bilan ayirboshlash boʻyicha birgalikda tadqiqotlar, chora-tadbirlarni muvofiqlashtirish va oʻtkazish yoʻli bilan intellektual mulk sohasida hamkorlikni amalga oshiradilar.

Ushbu bitim har bir Tomonning, uning davlati ishtirokchi boʻlgan boshqa xalqaro shartnomalardan kelib chiqadigan huquq va majburiyatlariga daxl qilmaydi.

Ushbu Bitimga Tomonlarning oʻzaro roziligi bilan, uning ajralmas qismi boʻlgan, tegishli bayonnoma bilan rasmiylashtiriladigan va ushbu Bitim kuchga kirishi uchun koʻzda tutilgan tartibda kuchga kiradigan oʻzgartirishlar qoʻshimchalar kiritilishi mumkin.

Ushbu Bitimni qoʻllashda yoki sharhlashda Tomonlar oʻrtasida vujudga keladigan bahsli masalalar manfaatdor Tomonlarning konsultatsiyalari va muzokaralari yoʻli bilan yoki Tomonlar bilan kelishilgan boshqa protsedura vositasida hal qilinadi.

Ushbu Bitim uni imzolagan Tomonlarning Bitim kuchga kirishi uchun zarur boʻlgan ichki davlat protseduralarini bajarganligi haqidagi uchinchi bildirishnomani depozitariy olgan sanadan 30 kundan keyin kuchga kiradi.

Ichki davlat protseduralarini kechroq bajargan Tomonlar uchun ushbu Bitim depozitariy tegishli hujjatlarni olgan sanadan 30 kundan keyin kuchga kiradi.

Ushbu Bitim uning maqsad va tamoyillariga qoʻshiladigan har qanday davlatning qoʻshilish toʻgʻrisidagi hujjatni depozitariyga topshirish yoʻli bilan qoʻshilishi uchun ochiqdir.

Qoʻshilayotgan davlat uchun ushbu Bitim:

a) depozitariy qoʻshilish toʻgʻrisidagi hujjatni olish sanasidan, depozitariyga qoʻshilish toʻgʻrisidagi hujjatlar topshirish vaqtida Bitim kuchga kirganligi sharti bilan, 30 kun oʻtgandan keyin;

b) depozitariyga qoʻshilish toʻgʻrisidagi hujjatlar topshirish vaqtida Bitim kuchga kirmaganligi sharti bilan, Bitim kuchga kirgan sanadan, kuchga kiradi.

Ushbu Bitim nomuayyan muddatga tuziladi. Tomonlarning har biri depozitariyga chiqishdan 6 oy avval oʻzining bunday niyati toʻgʻrisidagi yozma bildirishnomani yuborib va ushbu Bitim amal qilish vaqtida vujudga kelgan holatlarni tartibga solib, ushbu Bitimdan chiqish huquqiga ega.

Ushbu bitim ishtirokchi-davlatlari uchun ushbu Bitim kuchga kirgan sanadan Sanoat mulkini muhofazalash boʻyicha chorlar va sanoat mulkini muhofazalash boʻyicha Davlatlararo kengash tashkil qilish toʻgʻrisidagi 1993-yil 12-martdagi Bitim va Intellektual mulk sohasida huquqbuzarliklarni oldini olish boʻyicha hamkorlik toʻgʻrisidagi 1998-yil 6-martdagi Bitim oʻz faoliyatini toʻxtatadi.

Sankt-Peterburg shahrida 2010-yil 19-noyabrda bir haqiqiy nusxada rus tilida tuzildi. Haqiqiy nusxa Mustaqil Davlatlar Hamdoʻstligi Ijroiya qoʻmitasida saqlanadi, u ushbu Bitimni imzolagan har bir davlatga uning tasdiqlangan nusxasini yuboradi.

1.1. Intellektual mulkni huquqiy muhofaza qilish va himoyalash masalalari boʻyicha Davlatlararo kengash (keyingi oʻrinda — Kengash) _______ yildagi Intellektual mulkni huquqiy muhofaza qilish va himoyalash sohasida hamkorlik qilish hamda Intellektual mulkni huquqiy muhofaza qilish va himoyalash masalalari boʻyicha Davlatlararo kengashni tashkil etish toʻgʻrisidagi Bitimga (keyingi oʻrinda — Bitim) muvofiq davlatlararo intellektual mulkni muhofazalash va himoyalash tizimini takomillashtirish, intellektual mulk sohasidagi huquqbuzarliklarga qarshilik koʻrsatish, intellektual mulkni boshqarish mexanizmlarini takomillashtirish uchun sharoitlar yaratish boʻyicha Bitim ishtirokchi davlatlarining birgalikdagi faoliyatni muvofiqlashtirish maqsadida tashkil etiladi.

Kengash oʻz faoliyatini MDH Ijroiya qoʻmitasi, shuningdek Hamdoʻstlikning boshqa tashkilotlari bilan tor doirada oʻzaro aloqada amalga oshiradi.

1.2. Kengash oʻz vakolatlari doirasida faoliyat yurituvchi va Hukumat boshliqlari kengashiga va MDH iqtisodiy kengashiga hisobdor boʻlgan, MDHning tarmoq boʻyicha hamkorlik organi boʻlib hisoblanadi.

1.3. Kengash oʻz faoliyatida MDH Ustavi, Hamkorlik doirasida qabul qilingan shartnomalar va qarorlar, MDHning tarmoq boʻyicha hamkorlik organlari toʻgʻrisidagi umumiy nizom, shuningdek ushbu Nizomga amal qiladi.

Kengash quyidagi funksiyalarni bajaradi:

2.1. Bitim ishtirokchi-davlatlarining intellektual mulkni huquqiy muhofazalash va himoyalash, intellektual mulkni boshqarish, shu jumladan, intellektual mulk obyektlarini tijoratlashtirish va boshqa tarzda foydalanish mexanizmlarini yaratish, rivojlantirish va takomillashtirish, ilmiy-texnikaviy, savdo-iqtisodiy va ijtimoiy-madaniy hamkorlikni rivojlantirish, intellektual mulk sohasidagi huquqbuzarliklarni oldini olish, aniqlash va toʻsqinlik qilish borasidagi birgalikda xatti-harakatlarni amalga oshirish boʻyicha birgalikdagi faoliyatini muvofiqlashtirish

2.2. Intellektual mulk sohasidagi qonunchilik, meʼyoriy, metodik va boshqa axborot bilan ayirboshlashga koʻmaklashish.

2.3. Tizimni yaratish boʻyicha quyidagi tavsiyalarni ishlab chiqish:

intellektual mulkni huquqiy muhofazalash, himoyalash va boshqarish samaradorligini oshirish;

intellektual mulk sohasida vijdonsiz raqobatga toʻsqinlik qilish;

kontrafakt mahsulotni ishlab chiqarish va tarqatishga toʻsqinlik qilish;

sanoat mulki, mualliflik huquqi va turdosh huquqlar obyektlarini himoyalash mexanizmlarini takomillashtirish.

2.4. MDH Hukumat boshliqlari kengashi va MDHning tarmoq boʻyicha hamkorlik organlari majlislarida koʻrib chiqish uchun intellektual mulkni huquqiy muhofazalash, himoyalash va boshqarish masalalari boʻyicha hamkorlikni rivojlantirish boʻyicha takliflar tayyorlash.

2.5. Bitim ishtirokchi-davlatlarining intellektual mulk sohasida hamkorligi boʻyicha takliflar ishlab chiqish.

2.6. Intellektual mulk sohasida tashkiliy va oʻquv-metodik taʼminotga mutaxassislar bilan koʻmaklashish.

Kengash oʻz vazifalarini bajarish uchun quyidagi huquqqa ega:

3.1. MDH Hukumat boshliqlari kengashi va Iqtisodiy kengashga oʻrnatilgan tartibda koʻrib chiqish uchun hujjatlar loyihalarini, shuningdek, Kengash vakolatiga kiruvchi masalalar boʻyicha qarorlarning bajarilishi toʻgʻrisidagi axborotni kiritish.

3.2. Bitim ishtirokchi-davlatlari va MDHning tarmoq boʻyicha hamkorlik organlaridan oʻrnatilgan tartibda uning vakolatiga kirgan masalalar boʻyicha axborot soʻrash.

3.3. Quyidagi:

a) mualliflik huquqi va turdosh huquqlar;

b) sanoat mulki;

v) intellektual mulk sohasidagi huquqbuzarliklarga toʻsqinlik qilish masalalari boʻyicha doimiy faoliyat koʻrsatuvchi ishchi komissiyalarini,

shuningdek doimiy faoliyat yurituvchi hamda ekspertlarning vaqtinchalik davlatlararo ishchi guruhlarini yaratish:

intellektual mulkni huquqiy muhofazalash, himoyalash va boshqarish, shu jumladan, intellektual mulk obyektlarini tijoratlashtirish va boshqa tarzda foydalanish mexanizmlarini amalga oshirish, intellektual mulk sohasidagi huquqbuzarliklarga va konstrafakt mahsulotni tarqatishga toʻsqinlik qilishning samarali usullarini ishlab chiqish uchun zarur boʻlgan xalqaro shartnomalar va boshqa hujjatlari ishlab chiqish uchun;

intellektual mulkni muhofazalash va himoyalash sohasida patent, meʼyoriy-uslubiy hujjat va boshqa axborot bilan ayirboshlash masalalarini koʻrib chiqish uchun;

intellektual mulkni muhofazalash va himoyalash tizimi, intellektual mulkni boshqarish, shu jumladan, intellektual mulkni tijoratlashtirish va boshqacha tarzda foydalanish mexanizmlarini takomillashtirish boʻyicha takliflar ishlab chiqish uchun.

3.4. Doimiy faoliyat yurituvchi ishchi komissiyalari, shuningdek, Kengash qoshida yaratilgan doimiy faoliyat yurituvchi hamda ekspertlarning vaqtinchalik davlatlararo ishchi guruhlari ustidan nazoratni amalga oshirish, va ularning normal faoliyatini taʼminlash uchun choralar koʻrish.

3.5. Kengash raisi hisobotlarini tinglash va Bitim ishtirokchi-davlatlari uchun tegishli takliflar tayyorlash.

3.6. Ish reglamentini ishlab chiqish va tasdiqlash, shuningdek, unga oʻzgartirishlar kiritish.

4.1. Kengash Bitim ishtirokchi-davlatlari hukumat organlarining intellektual mulkni muhofazalash va himoyalash, shuningdek intellektual mulkni tijoratlashtirish va boshqacha tarzda ishlatish masalalariga javobgar boʻlgan rahbarlaridan shakllantiriladi.

Kengash aʼzolarining oʻrnini bosuvchi shaxslar Kengash yigʻilishlariga yuborilganda, ularning vakolatlari tasdiqlanishi zarur.

Kengash tarkibiga maslahat ovozini berish huquqi bilan Kengash sekretariatining rahbari va MDH Ijroiya qoʻmitasining vakillari kirishlari mumkin.

4.2. Kengashda raislik navbatma-navbat har bir Bitim ishtirokchi-davlatlari nomlarining rus alfaviti tartibida, agar boshqa tartib Kengash qarori bilan oʻrnatilmasa, bir yil muddatga saylanadigan MDH ishtirokchi-davlatlari vakili tomonidan amalga oshiriladi.

Kengashning avvalgi va keyingi raislari uning hamraislari boʻlib hisoblanadi.

Kengash raisining vaqtincha yoʻqligida uning majburiyatlari hamraislarning biriga yuklanadi.

5.1. Kengash majlislari yiliga kamida bir marta oʻtkaziladi. Zarur boʻlganda navbatdan tashqari majlislar chaqirilishi mumkin.

Kengashning navbatdan tashqari majlisi Rais tomonidan uning tashabbusi bilan yoki kamida uchta Kengash aʼzosi taklifi boʻyicha chaqiriladi.

5.2. Kengash qarorlari, agar Kengash aʼzolarining kamida uchdan ikki qismi majlisda qatnashgan boʻlsa, qonuniy huquqqa ega deb hisoblanadi.

5.3. Yigʻilishlarni oʻtkazish joylari Kengash aʼzolarining dastlabki kelishuvi boʻyicha belgilanadi.

5.4. Kengash har yili MDH Ijroiya qoʻmitasiga oʻz faoliyati haqidagi axborotni taqdim etadi.

5.5. Kengash qaroriga koʻra uning yigʻilishlarida MDH ishtirokchisi boʻlmagan davlatlarning, va shu jumladan, xalqaro tashkilotlarning manfaatdor vakillari kuzatuvchi sifatida ishtirok etishlari mumkin.

5.6. Kengash qarorlari, oddiy, yigʻilishda ishtirok etayotgan aʼzolarining koʻpchilik ovozi bilan, agar Kengash tomonidan boshqacha qoida belgilanmagan boʻlsa, qabul qilinadi.

Qaror qabul qilishda har bir davlat bir ovozga ega.

Har bir Kengash aʼzosi maʼlum masala boʻyicha oʻzining manfaatdor emasligini eʼlon qilishi mumkin, bu qaror qabul qilishga toʻsiq sifatida qaralmasligi kerak.

Qarorga qoʻshilmagan Kengash aʼzolari yigʻilish bayonnomasiga kiritiladigan alohida fikr bildirishlari mumkin.

5.7. Kengash qarorlari Kengash Raisi va masʼul kotibi tomonidan imzolanadi.

5.8. Kengash yigʻilishlari Kengash tomonidan tasdiqlangan Reglamentga muvofiq oʻtkaziladi.

5.9. Kengashning navbatdagi yigʻilishi uchun materiallar aʼzolarga uni oʻtkazish sanasidan 30 kun oldin yuboriladi

5.10. Kengash faoliyatini tashkiliy-texnikaviy va axborot bilan taʼminlash uning kotibiyati tomonidan amalga oshiriladi.

5.11. Kengash kotibiyati vazifalarini MDH ijroiya qoʻmitasining tarkibiy boʻlinmasi bilan birgalikda Kengashga vakili raislik qiladigan Bitim ishtirokchi-davlatining tegishli davlat organi amalga oshiradi.

Kengashga raislik qilayotgan Bitim ishtirokchi-davlatining tegishli davlat organi vakili Kengash kotibiyati rahbari boʻlib, MDH Ijroiya qoʻmitasining vakili esa — kotibiyat rahbari muovini boʻlib hisoblanadi.

5.12. Bitimning ishtirokchisi boʻlgan har qanday davlat manfaatlariga bevosita daxldor boʻlgan Kengash qarorlari uning vakili ishtirokisiz qabul qilinishi mumkin emas.

5.13. Kengash raisni birinchi majlisda saylaydi.

5.14. Rais kengash ishini tashkil qiladi, uning yigʻilishlariga rahbarlik qiladi, Reglamentga rioya qilishni taʼminlaydi.

6.1. Kengash yigʻilishlarini tashkil etish bilan bogʻliq xarajatlarni Bitim ishtirokchisi qabul qiluvchi davlatning tegishli davlat organlari tomonidan amalga oshiriladi.

Kengash aʼzolari va yigʻilish qatnashchilarining safar xarajatlari yuboruvchi davlat organlari va Bitim ishtirokchi-davlatlarining tashkilotlari tomonidan qoplanadi.

6.2. Kengashning ishchi tili boʻlib rus tili hisoblanadi.

6.3. Kengashni tugatish toʻgʻrisidagi qaror Mustaqil Davlatlar Hamdoʻstligi Hukumat rahbarlari Kengashi tomonidan qabul qilinadi.