Oʻzbekiston Respublikasi Prezidentining 2010-yil 24-dekabrdagi PQ–1449-son “Oʻzbekiston Respublikasining 2011-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida”gi qarori (Oʻzbekiston Respublikasi qonun hujjatlari toʻplami, 2010-y., 52-son, 513-modda) 8-bandiga muvofiq buyuraman:

1. Oʻzbekiston Respublikasi mehnat va aholini ijtimoiy muhofaza qilish vazirining 2010-yil 3-dekabrdagi 193-Q-son buyrugʻi (roʻyxat raqami 2173, 2010-yil 28-dekabr) (Oʻzbekiston Respublikasi qonun hujjatlari toʻplami, 2010-y., 52-son, 527-modda) bilan tasdiqlangan Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. Muqaddima quyidagi mazmundagi xatboshi bilan toʻldirilsin:

“Mazkur Nizom shtat jadvallari davlat boshqaruvi organlari tomonidan qonun hujjatlarida belgilangan tartibda tasdiqlanadigan chakana savdo va umumiy ovqatlanish tashkilotlariga, shuningdek yakka buyurtmalar boʻyicha umumiy ovqatlanish sohasida banket asosida xizmat koʻrsatuvchi tashkilotlarga nisbatan tatbiq etilmaydi”.

2. Quyidagi mazmundagi 2¹-band bilan toʻldirilsin:

“2¹. Mazkur Nizomda nazarda tutilgan chakana savdo va umumiy ovqatlanish tashkilotlari asosiy xodimlari sonining, shuningdek qurilish tashkilotlarida ishlayotgan quruvchi ishchilar sonining eng kam meʼyorlarini aniqlashda hosil boʻlgan kasr sonlar yaxlitlash qoidalariga koʻra butun songa yaxlitlanadi”.

3. Quyidagi mazmundagi 16¹ va 16²-bandlar bilan toʻldirilsin:

“16¹. Qurilish tashkilotlari tomonidan bajariladigan hamda qurilish ishlarining texnologik xususiyatlari va bajarish grafigidan kelib chiqadigan oylik mehnat sarfi notekis boʻlganda, shuningdek qurilish ishlari amalga oshirilayotgan shaharsozlik normalari va qoidalari asosida tuzilgan smeta hujjatlari qonun hujjatlarida belgilangan tartibda tasdiqlanmaganda, quruvchi ishchilar sonining eng kam meʼyori mazkur Nizomning 7a-ilovasiga muvofiq har bir kalendar oy uchun alohida aniqlanadi. Bu holda qurilish tashkiloti, mustaqil ravishda, ushbu kalendar oyda amalda bajarilgan ishlar hajmidan kelib chiqib, shaharsozlik normalari va qoidalari asosida mehnat sarfini (odam/soatda) aniqlaydi.

Qonun hujjatlarida belgilangan tartibda shaharsozlik normalari va qoidalari asosida tuzilgan smeta hujjatlari tasdiqlangandan soʻng quruvchi ishchilar sonining eng kam meʼyori amalda bajarilgan ishlar hajmi boʻyicha qayta hisoblanmaydi.

16². Agar ayrim qurilish ishlari boʻyicha shaharsozlik normalari va qoidalari asosida mehnat sarfi belgilanmagan boʻlsa, qurilish tashkiloti ushbu ishlarni bajarishga ketgan amaldagi mehnat sarfidan kelib chiqib quruvchi ishchilar sonini mustaqil ravishda aniqlaydi”.

4. 18-band quyidagi tahrirda bayon etilsin:

“18. Har bir subpudrat tashkilotidagi quruvchi ishchilar sonining eng kam meʼyori mazkur Nizomning 16, 16¹ va 16²-bandlarida belgilangan mezonlar asosida shaharsozlik normalari va qoidalariga asosan tuzilgan smetaga muvofiq qurilish ishlarini bajarish uchun ketadigan mehnat sarfi meʼyoridan va subpudrat shartnomasida koʻrsatilgan bajariladigan ishning muddatidan kelib chiqib aniqlanadi”.

5. Quyidagi mazmundagi 19¹-band bilan toʻldirilsin:

“19¹. Qurilish tashkilotlarida ishlayotgan quruvchi ishchilarning mehnatiga haq toʻlash fondining eng kam meʼyorlarini hisoblashda butun tashkilot boʻyicha barcha xodimlar soni hisobga olinadi (quruvchi ishchilar sonining aniqlangan eng kam meʼyori, shuningdek boshqaruv va texnik xodimlar soni)”.

6. 1, 2 va 3-ilovalar tegishincha mazkur oʻzgartirish va qoʻshimchalarning 1, 2 va 3-ilovalariga muvofiq tahrirda bayon etilsin.

7. 4-ilovadagi “supermarketda — 4” degan soʻzlar “supermarketda — 3” degan soʻzlar bilan almashtirilsin.

8. 6-ilovaning 2-misolidagi “Minimarketda” degan soʻz “Kafeda” degan soʻz bilan almashtirilsin.

9. Mazkur oʻzgartirish va qoʻshimchalarning 4-ilovasiga muvofiq 7a-ilova bilan toʻldirilsin.

10. 9-ilovada:

birinchi va ikkinchi xatboshilar quyidagi tahrirda bayon etilsin:

“Qurilish tashkilotlarida ishlayotgan quruvchi ishchilarning mehnatiga haq toʻlash fondining eng kam meʼyori quyidagi formula asosida aniqlanadi:

toʻrtinchi xatboshi quyidagi tahrirda bayon etilsin:

“XS (BPXS) — mazkur Nizomning 19¹-bandiga muvofiq aniqlangan tashkilot xodimlari soni”.

11. 10-ilova 1-misolining oltinchi xatboshisi quyidagi tahrirda bayon etilsin:

“Belgilangan formulaga muvofiq (XSnorm = SIK / BM / IVF) quruvchi ishchilarning (XSnorm) ning oʻrtacha oylik eng kam soni meʼyori = 4 799,6 / 3 / 163,1 = 9,8 ta xodimni tashkil qiladi”.

12. Mazkur oʻzgartirish va qoʻshimchalar Oʻzbekiston Respublikasi Moliya vazirligi, Iqtisodiyot vazirligi, Davlat arxitektura va qurilish qoʻmitasi hamda Savdo-sanoat palatasi bilan kelishilgan.

sotuvchi (dorixona provizori);

sotuvchi-konsultant;

kassir;

qadoqlovchi;

qassob;

tovar taxlovchi;

boʻlim, seksiya mudiri;

yoqilgʻi quyish stansiyasi operatori;

yoqilgʻi va yoqilgʻi-moylash mahsulotlari quyuvchisi;

buyum (mebel) yigʻuvchi;

yuk ortuvchi-tushiruvchi.

direktor (mudir);

direktor (mudir) oʻrinbosari;

bosh hisobchi, hisobchi;

tovarshunos;

ekspeditor;

ombor mudiri (omborchi).

asbob-uskunalarni taʼmirlovchi va ekspluatatsiya qiluvchi xodim;

rassom-bezovchi;

farrosh;

hovli tozaligiga qarovchi xodim;

qorovul.

ofitsiant;

bosh oshpaz, oshpaz;

bufetchi, bar (mayxona) sotuvchisi;

tayyor mahsulotni tarqatishda xizmat qiladigan xodim;

oshxona ishchisi.

direktor (mudir);

direktor (mudirning) oʻrinbosari;

zal mudiri;

bosh hisobchi, hisobchi;

kassir;

ekspeditor;

ombor mudiri (omborchi).

asbob-uskunalarni taʼmirlovchi va ekspluatatsiya qiluvchi xodim;

shveysar (darbon), garderobchi;

qorovul, qoʻriqchi;

farrosh;

hovli tozaligiga qarovchi xodim;

bogʻbon.

Obyektdagi qurilish ishlarining texnologik xususiyatlari va bajarish grafigidan kelib chiqadigan oylik mehnat sarfi notekis boʻlganda, shuningdek qurilish ishlari amalga oshirilayotgan shaharsozlik normalari va qoidalari asosida tuzilgan smeta hujjatlari qonun hujjatlarida belgilangan tartibda tasdiqlanmaganda kalendar oy uchun quruvchi ishchilar sonining eng kam meʼyori quyidagi formula boʻyicha aniqlanadi:

XS_norm/oy — amalda bajarilgan ishlar hajmidan kelib chiqib aniqlangan kalendar oy uchun quruvchi ishchilar sonining eng kam meʼyori;

MS_oy — amalda bajarilgan ishlar hajmidan kelib chiqib shaharsozlik normalari va qoidalari asosida aniqlangan ushbu kalendar oyi uchun mehnat sarfi (odam/soatda);

IVF — ushbu kalendar oyida olti kunlik ish haftasida har bir quruvchi ishchiga toʻgʻri keluvchi ish vaqti fondi”.