Oʻzbekiston Respublikasining “Qimmatli qogʻozlar bozori toʻgʻrisida”gi (Oʻzbekiston Respublikasi qonun hujjatlari toʻplami, 2008-y., 29-30-son, 278-modda), “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi (Oʻzbekiston Respublikasi Oliy Majlisining Axborotnomasi, 1996-y., 5-6-son, 61-modda) qonunlari va Oʻzbekiston Respublikasi Prezidentining 2006-yil 26-apreldagi PQ-335-sonli qarori bilan tasdiqlangan “Oʻzbekiston Respublikasi Davlat mulkini boshqarish davlat qoʻmitasi toʻgʻrisida”gi nizomga muvofiq, Oʻzbekiston Respublikasi Davlat mulkini boshqarish davlat qoʻmitasi qaror qiladi:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi Davlat mulki qoʻmitasi tomonidan 1996-yil 15-avgustda tasdiqlangan “Aksiyadorlik jamiyatlari aksiyadorlarining reyestri toʻgʻrisida”gi nizom (roʻyxat raqami 274, 1996-yil 16-avgust);

Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi tomonidan 2000-yil 20-oktabrdagi 7-2000-son bilan tasdiqlangan “Aksiyadorlik jamiyatlari aksiyadorlarining reyestri toʻgʻrisida”gi nizomga 1-sonli oʻzgartirish va qoʻshimchalar (roʻyxat raqami 274-1, 2000-yil 10-noyabr).

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

3. Mazkur qaror Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bilan kelishilgan.