O‘zbekiston Respublikasi Prezidentining “Qimor o‘yinlarini tashkil etish va o‘tkazish bilan bog‘liq noqonuniy faoliyatning oldini olish chora-tadbirlari to‘g‘risida” 2007-yil 28-martdagi PQ-608-son qaroriga muvofiq, shuningdek qimor o‘yinlarini tashkil etish va o‘tkazish faoliyatini davlat tomonidan tartibga solishni takomillashtirish, noqonuniy qimor o‘yinlarini tashkil etishga hamda ularga o‘smirlar va yoshlarni jalb etishga ko‘maklashuvchi shart-sharoitlarga barham berish, qimor biznesining rivojlanishi salbiy oqibatlarining oldini olish, noqonuniy qimor o‘yinlari tashkilotchilari va qatnashchilarining javobgarligini kuchaytirish maqsadida Vazirlar Mahkamasi qaror qiladi:
O‘zbekiston Respublikasi hududida qimor o‘yinlarini va tavakkalchilikka asoslangan boshqa o‘yinlarni (shu jumladan totalizatorlar) tashkil etish va o‘tkazish (tirajli, bir lahzali va raqamli lotereyalardan tashqari);
qimor o‘yinlarini va tavakkalchilikka asoslangan boshqa o‘yinlarni tashkil etish va o‘tkazish uchun telekommunikatsiya tarmoqlarida, shu jumladan Internet butunjahon axborot tarmog‘i provayderlari tomonidan xizmatlar ko‘rsatish;
O‘zbekiston Respublikasi hududiga pul yutug‘iga ega bo‘lgan o‘yin avtomatlarini olib kirish taqiqlansin.
Oldingi tahrirga qarang.
2. O‘zbekiston Respublikasi Davlat bojxona qo‘mitasi va Davlat xavfsizlik xizmati Chegara qo‘shinlari O‘zbekiston Respublikasi hududiga pul yutug‘iga ega bo‘lgan o‘yin avtomatlarini olib kirishga yo‘l qo‘ymaslik yuzasidan zarur chora-tadbirlar ko‘rsinlar.
(2-band O‘zbekiston Respublikasi Vazirlar Mahkamasining 2018-yil 20-sentabrdagi 748-sonli qarori tahririda — Qonun hujjatlari ma’lumotlari milliy bazasi, 21.09.2018-y., 09/18/748/2024-son)
3. Belgilab qo‘yilsinki, noqonuniy tarzda qimor o‘yinlarini va tavakkalchilikka asoslangan boshqa o‘yinlarni tashkil etish va o‘tkazish holatlari aniqlangan taqdirda o‘yin anjomlari, shu jumladan o‘yin avtomatlari, o‘yinda stavka va yutuq bo‘lgan boyliklar, shuningdek bunday o‘yinlarda qatnashish natijasida olingan boshqa daromad belgilangan tartibda olib qo‘yiladi va davlat daromadiga o‘tkaziladi.
4. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, O‘zbekiston Respublikasi Ichki ishlar vazirligi, Davlat soliq qo‘mitasi, Moliya vazirligi, Bosh prokuraturasi fuqarolarning o‘zini o‘zi boshqarish organlari, nodavlat notijorat tashkilotlari bilan birgalikda respublika hududida taqiqlangan qimor o‘yinlarini va tavakkalchilikka asoslangan boshqa o‘yinlarni tashkil etish va o‘tkazishning, shuningdek ularga balog‘atga yetmaganlarni jalb qilishning oldini olish yuzasidan doimiy ish olib borsinlar.
5. O‘zbekiston Respublikasi Adliya vazirligi, Moliya vazirligi manfaatdor vazirliklar va idoralar bilan birgalikda bir oy muddatda:
qimor o‘yinlari va tavakkalchilikka asoslangan boshqa o‘yinlar tashkilotchilari va qatnashchilarining javobgarligini kuchaytirish, ularga balog‘atga yetmaganlarni jalb qilganlik, shuningdek bunday o‘yinlarni tashkil etish uchun telekommunikatsiya tarmoqlarida xizmatlar ko‘rsatganlik, dasturiy ta’minotni nashr qilganlik, ko‘paytirganlik, tarqatganlik uchun javobgarlikni belgilash;
qonun hujjatlariga ushbu qarordan kelib chiquvchi o‘zgartirish va qo‘shimchalar to‘g‘risida Vazirlar Mahkamasiga takliflar kiritsinlar.
6. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
Oldingi tahrirga qarang.
(1-band O‘zbekiston Respublikasi Vazirlar Mahkamasining 2022-yil 25-fevraldagi 88-sonli qaroriga asosan 2022-yil 1-martdan o‘z kuchini yo‘qotadi — Qonunchilik ma’lumotlari milliy bazasi, 26.02.2022-y., 09/22/88/0165-son)
2. Vazirlar Mahkamasining “Pul-buyum lotereyalari o‘tkazishni tashkil etishni takomillashtirish chora-tadbirlari to‘g‘risida” 2002-yil 15-noyabrdagi 396-son qarorida (O‘zbekiston Respublikasi QT, 2002-y., 11-son, 70-modda):
b) 3, 4 va 7-bandlardagi “va tavakkalchilikka asoslangan boshqa o‘yinlar” so‘zlari chiqarib tashlansin;
v) Lotereyalar va tavakkalchilikka asoslangan boshqa o‘yinlarni tashkil etish va o‘tkazish tartibi to‘g‘risidagi Nizomda:
Nizomning nomidagi va 1-banddagi “va tavakkalchilikka asoslangan boshqa o‘yinlarni” so‘zlari chiqarib tashlansin;
ikkinchi xatboshidagi “yoki tavakkalchilikka asoslangan boshqa o‘yin”, “stavkalar qabul qilish” so‘zlari chiqarib tashlansin;
oltinchi va sakkizinchi xatboshidagi “va tavakkalchilikka asoslangan boshqa o‘yinlarni” so‘zlari chiqarib tashlansin;
“v) passiv va aktiv lotereyalarga bo‘linadigan sonli lotereyalar. Passiv sonli lotereyada qatnashishni xohlovchi shaxs sonlar, belgilar yoki boshqa qaydlar kombinatsiyasi oldindan ko‘rsatilgan o‘yin biletini belgilangan qiymati bo‘yicha sotib oladi. Aktiv sonli lotereyada qatnashishni xohlovchi shaxs maxsus blankada yoki boshqa yo‘l bilan yo‘l qo‘yiladigan natijalar yig‘indisidan tirajning mumkin bo‘lgan natijasini tanlaydi, u o‘yin tashkilotchisi tomonidan tanlangan variantlar ro‘yxatdan o‘tkazilgandan va variantlarga muvofiq keluvchi tirajda qatnashishning qiymati tegishli variant bo‘yicha to‘langandan keyin lotereya qatnashchisiga aylanadi.
Sonli lotereyalar tiraji sonlar, belgilar, boshqa qaydlarni yoki ularning kombinatsiyalarini tasodifiy tanlash yo‘li bilan, shuningdek Shartlarda nazarda tutilgan u yoki bu voqealar natijasida amalga oshiriladi. Sonli lotereyalar tirajining televideniye orqali to‘g‘ridan to‘g‘ri efirda translatsiya qilmasdan o‘tkazilishiga yo‘l qo‘yilmaydi.
Sonli lotereyalar bo‘yicha yutuqli biletlar, shuningdek tegishli yutuqlar miqdori tiraj natijalarining o‘yin biletlarida belgilangan natijalarga to‘liq yoki qisman mos tushishiga qarab aniqlanadi”.
“j” kichik bandidagi “yoki boshqa o‘yinlar o‘tkazish, stavkalar qabul qilingan yoki garovlar tuzilgan voqealar natijalarini aniqlash” so‘zlari chiqarib tashlansin;
“sonli lotereyalar tiraji o‘tkazilishini to‘g‘ridan to‘g‘ri efirda translatsiya qilish yuzasidan televideniye bilan tuzilgan shartnomalar nusxalari”;
“Lotereyalar reklamasida balog‘atga yetmagan shaxslarning reklama qilinayotgan lotereyada qatnashishiga yo‘l qo‘ymaslik to‘g‘risidagi ogohlantirish mavjud bo‘lishi kerak”;
uchinchi xatboshidagi “(yoki qabul qilingan stavkalar, tanlangan kombinatsiyalar)” so‘zlari chiqarib tashlansin;
Lotereyalar hamda tavakkalchilikka asoslangan boshqa o‘yinlarni tashkil etish va o‘tkazish tartibi to‘g‘risidagi Nizomga 1-ilovada:
ilovaning nomidagi va I bo‘limning 4-bandidagi “va tavakkalchilikka asoslangan boshqa o‘yinlarni” so‘zlari chiqarib tashlansin;
2-bandning “a” kichik bandidagi “stavkalarni qabul qilish”, “stavkalarni qabul qilganlik” so‘zlari chiqarib tashlansin;
Lotereyalar hamda tavakkalchilikka asoslangan boshqa o‘yinlarni tashkil etish va o‘tkazish tartibi to‘g‘risidagi Nizomga 2-ilovada:
III bo‘limdagi “qabul qilingan stavkalar”, “stavkalarni qabul qiluvchi” so‘zlari chiqarib tashlansin.
3. Vazirlar Mahkamasining “Lotereyalar, totalizator va tavakkalchilikka asoslangan boshqa o‘yinlar tashkil etish faoliyatini litsenziyalash to‘g‘risidagi Nizomni tasdiqlash haqida” 2003-yil 16-iyuldagi 314-son qarorida (O‘zbekiston Respublikasi QT, 2003-y., 7-son, 62-modda):
a) Nizomning nomidagi “totalizator va tavakkalchilikka asoslangan boshqa o‘yinlar” so‘zlari chiqarib tashlansin;
b) 1 va 4-bandlardagi “totalizator va tavakkalchilikka asoslangan boshqa o‘yinlar” so‘zlari chiqarib tashlansin;
v) Lotereyalar, totalizator va tavakkalchilikka asoslangan boshqa o‘yinlar tashkil etish faoliyatini litsenziyalash to‘g‘risidagi Nizomda:
Nizomning nomidagi, 1—8, 13, 33–bandlardagi “totalizator va tavakkalchilikka asoslangan boshqa o‘yinlar” so‘zlari chiqarib tashlansin;
“b” kichik bandining uchinchi xatboshidagi “totalizatorlarda va tavakkalchilikka asoslangan boshqa o‘yinlarda qabul qilinayotgan stavkalar” so‘zlari chiqarib tashlansin;
Lotereyalar, totalizator va tavakkalchilikka asoslangan boshqa o‘yinlar tashkil etish faoliyatini litsenziyalash to‘g‘risidagi Nizomga ilovaning nomidagi va tadbirlar ustunidagi “totalizator va tavakkalchilikka asoslangan boshqa o‘yinlar” so‘zlari chiqarib tashlansin.
4. Vazirlar Mahkamasining “Lotereyalar, totalizator va tavakkalchilikka asoslangan boshqa o‘yinlar o‘tkazishni tashkil etishni takomillashtirishga doir qo‘shimcha chora-tadbirlar to‘g‘risida” 2005-yil 2-avgustdagi 182-son qarori (O‘zbekiston Respublikasi QT, 2005-y., 8-son, 39-modda) nomi va matnidagi “totalizator va tavakkalchilikka asoslangan boshqa o‘yinlar” so‘zlari chiqarib tashlansin.
5. Vazirlar Mahkamasining 2006-yil 6-maydagi 78-son qarori (O‘zbekiston Respublikasi QT, 2006-y., 5-son, 28-modda) bilan tasdiqlangan Mikrokreditlar berish va mikrolizing xizmatlari ko‘rsatish tartibi to‘g‘risida Vaqtinchalik nizomning 6-bandi to‘rtinchi xatboshidagi “totalizator va tavakkalchilikka asoslangan boshqa o‘yinlar” so‘zlari chiqarib tashlansin.