Ўзбекистон Республикаси Президентининг
қарори
Ўзбекистон Республикасида тиббий ва соғломлаштириш туризмини янада ривожлантириш бўйича қўшимча чора-тадбирлар тўғрисида
Мамлакатимизда тиббий ва соғломлаштириш туризми имкониятларидан тўлиқ ҳамда самарали фойдаланиш, тиббий туризм кластерлари ва меҳмонхона типидаги замонавий санаторийлар фаолиятини йўлга қўйиш, ушбу фаолият турлари билан шуғулланаётган тадбиркорлик субъектларини қўшимча қўллаб-қувватлаш тизимини яратиш, шунингдек, Ўзбекистон Республикаси Президентининг 2024 йил 12 январдаги «Республикага хорижий туристлар оқимини кескин ошириш ҳамда ички туризмни янада жадаллаштириш чора-тадбирлари тўғрисида»ги ПФ-9-сон Фармони ижросини таъминлаш мақсадида:
1. Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси (кейинги ўринларда — Туризм қўмитаси), Соғлиқни сақлаш вазирлиги, Иқтисодиёт ва молия вазирлиги ҳамда Ташқи ишлар вазирлигининг:
«Тиббий хизматлар меҳмондўстлиги» («Medical service hospitality») дастурини амалга ошириш;
давлат ва хусусий тиббиёт муассасалари ҳамда санаторий ва пансионатлар томонидан кўрсатилаётган хизматлар сифатини мониторинг қилиш тизимини жорий қилиш;
консалтинг — диагностика — даволаш — туроператор — транспорт — тиббий таржимон хизматларини биргаликда кўрсатадиган тиббий туризм кластерлари фаолиятини йўлга қўйиш ва уларни рағбатлантириш механизмларини жорий қилиш;
«Авиценна» номи остида Ўзбекистон Республикасининг тиббий ва соғломлаштириш туризми брендини ишлаб чиқиш ва уни доимий равишда тарғиб қилиб бориш;
тоифали (юлдузли) меҳмонхоналар типидаги санаторийлар фаолиятини йўлга қўйиш ва уларни сертификатлаштириш тизимини жорий қилиш;
тоғли, шифобахш балчиқ қатламлари бор ҳамда шифобахш сувлар қаторига киритилган ва санитария-соғломлаштириш аҳамиятига молик сув (термал сув) объектлари мавжуд бўлган ҳудудларда санаторий-курорт зоналарини ташкил қилиш;
2025 йил 1 апрелга қадар интернет тармоғи орқали яшовчиларни ҳисобга олишнинг автоматлаштирилган махсус электрон дастури (E-mehmon)га уланган хусусий тиббиёт ва соғломлаштириш муассасаларини дастлабки олти ойлик абонент тўловини тўлашдан озод қилиш тўғрисидаги таклифлари маъқуллансин.
2. Қуйидагилар:
Тиббий ва соғломлаштириш туризмини янада ривожлантириш чора-тадбирлари дастури 1-иловага мувофиқ;
Замонавий талаблар асосида санаторий-курорт зоналарини ташкил қилиш режалаштирилган туман ва шаҳарлар рўйхати 2-иловага мувофиқ;
2025-2026 йилларда Андижон, Наманган, Жиззах, Сурхондарё, Қашқадарё, Фарғона ва Тошкент вилоятларида замонавий талаблар асосида санаторий-курорт зоналарини ташкил қилиш бўйича чора-тадбирлар дастурлари 2а — 2ж-иловаларга мувофиқ;
Тиббиёт ва соғломлаштириш муассасаларининг шифокорлари томонидан бепул тиббий диагностика хизматларини ташкил қилиш билан боғлиқ харажатлари қоплаб бериладиган хорижий мамлакатлар рўйхати (кейинги ўринларда — хорижий мамлакатлар) 3-иловага мувофиқ;
2024 — 2027 йилларда тиббий ва соғломлаштириш туризмини янада ривожлантириш бўйича мақсадли кўрсаткичлар 4-иловага мувофиқ тасдиқлансин.
3. Андижон, Наманган, Жиззах, Сурхондарё, Қашқадарё, Фарғона ва Тошкент вилоятлари ҳокимликлари Туризм қўмитаси ҳамда Инвестициялар, саноат ва савдо вазирлиги билан биргаликда мазкур қарорнинг 2-иловасида белгиланган санаторий-курорт зоналарига маҳаллий ва хорижий инвестицияларни жалб қилиш чораларини кўрсин.
4. Шундай тартиб ўрнатилсинки, унга мувофиқ:
Халқаро қўшма комиссиядан (Joint Commission International) аккредитациядан ўтган дастлабки 30 та хусусий тиббиёт муассасасининг аккредитациядан ўтиш харажатларининг 50 фоизи Соғлиқни сақлаш вазирлигининг бюджетдан ташқари жамғармалари маблағлари ҳисобидан қоплаб берилади. Бунда имтиёздан фойдаланган хусусий тиббиёт муассасаси билан аффилланган шахсларга мазкур имтиёз тақдим этилмайди;
шифобахш сувлар қаторига киритилган ва санитария-соғломлаштириш аҳамиятига молик сув (термал сув) объектларидан тиббиёт муассасалари, санаторий ва пансионатлар тенг ва умумий тартибда фойдаланади.
5. Туризм қўмитасига қуйидаги қўшимча вазифалар юклатилсин:
Соғлиқни сақлаш вазирлиги билан биргаликда Ўзбекистон Республикасининг чегара божхона постлари ҳудудида ўз маблағлари ҳисобидан хорижий фуқаролар учун республикадаги тиббиёт, соғломлаштириш муассасалари имкониятлари тўғрисида тарғибот кампанияларини ташкил қилиш;
давлат тили ва хорижий тилларда тиббиёт ҳамда соғломлаштириш муассасаларининг ягона реестрини шакллантириш ва уни доимий равишда янгилаб бориш;
тоифали (юлдузли) меҳмонхоналар типидаги санаторийларни сертификатлаштирилишини ташкил қилиш;
махсус тиббий ва соғломлаштириш туризми йўналишлари (маршрутлари)ни ишлаб чиқиш.
6. Туризм қўмитаси 2025 йил 1 мартга қадар:
тиббиёт муассасалари, санаторийлар ва тиббий туризм йўналишида хизмат кўрсатувчи туроператорларнинг хизматлари сифати баҳолаб борилишини назарда тутувчи рейтингни (кейинги ўринларда — рейтинг) шакллантириш учун электрон платформа;
давлат тили ва хорижий тилларда тиббиёт ҳамда соғломлаштириш муассасаларининг ягона реестри (кейинги ўринларда — Ягона реестр) ишга туширилишини таъминласин.
7. Белгилансинки:
а) 2025 йил 1 январдан бошлаб:
2028 йил 1 январга қадар Ягона реестрга киритилган тиббиёт ва соғломлаштириш муассасаларининг халқаро туризм ярмаркалари ва кўргазмаларда ўз хизматлари ҳамда маҳсулотлари билан иштирок этиш харажатлари Соғлиқни сақлаш вазирлиги ҳузуридаги Тиббиётни ривожлантириш давлат мақсадли жамғармаси маблағлари ҳисобидан қоплаб берилади;
2027 йил 1 январга қадар тиббиёт ва соғломлаштириш муассасаларининг шифокорлари томонидан хорижий мамлакатларда бепул тиббий диагностика хизматларини ташкил қилиш билан боғлиқ транспорт ва яшаш харажатлари Соғлиқни сақлаш вазирлигининг бюджетдан ташқари жамғармалари маблағлари ва Туризмни қўллаб-қувватлаш жамғармаси маблағлари ҳисобидан тенг улушларда қоплаб берилади;
б) хорижий мамлакатларда бепул тиббий диагностика хизматларини ташкил қиладиган тиббиёт ва соғломлаштириш муассасаларининг шифокорлари рўйхати Ягона реестрга киритилган муассасалар орасидан Соғлиқни сақлаш вазирлиги ва Туризм қўмитаси билан биргаликда шакллантирилади;
в) Ягона реестрга киритилган тиббиёт ва соғломлаштириш муассасалари, рейтингда 70 ва ундан юқори балл олган тиббиёт муассасалари, санаторий ва туроператорлар хизматлари ҳамда маҳсулотларини хорижий мамлакатларда тарғиб қилиш учун босма ва видео маҳсулотларни тайёрлаш Туризмни қўллаб-қувватлаш жамғармаси маблағлари ҳисобидан амалга оширилади;
г) электрон платформа ҳамда Ягона реестр Туризм қўмитаси буюртмаси асосида ишлаб чиқилади ва Туризмни қўллаб-қувватлаш жамғармаси маблағлари ҳисобидан молиялаштирилади.
8. Туризм қўмитаси Ўзбекистон Республикасининг тиббий ва соғломлаштириш туризми имкониятларини тарғиб қилиш соҳасидаги ваколатли орган этиб белгилансин.
9. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир ой муддатда бўш турган давлат мулки объектлари ва собиқ тиббиёт муассасаларининг ишламаётган бинолари негизида тиббиёт клиникалари фаолиятини ташкил қилиш мақсадида хатлов ўтказсин ва Вазирлар Маҳкамасига таклиф киритсин.
10. Мазкур қарорнинг ижросини самарали ташкил қилишга масъул ва шахсий жавобгар этиб экология, атроф-муҳитни муҳофаза қилиш ва иқлим ўзгариши вазири А.А. Абдухакимов ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 23 сентябрь,
ПҚ-335-сон
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
1-ИЛОВА
Тиббий ва соғломлаштириш туризмини янада ривожлантириш
ЧОРА-ТАДБИРЛАР ДАСТУРИ

Т/р

Чора-тадбир номи

Амалга ошириш механизмлари

Молиялаштириш манбаси

Амалга ошириш муддати

Масъул вазирлик ва идоралар

1.

Тиббий туризм кластерлари фаолиятини йўлга қўйиш ва уларни рағбатлантириш механизмларини жорий этиш. Бунда:

тиббий туризм кластерлари тушунчаси ва унинг фаолиятининг ҳуқуқий асосларини белгилаш;

тиббий туризм кластерлари фаолиятини ташкил этиш истагида бўлган инвесторларга давлат томонидан қўллаб-қувватлаш тизимини яратиш назарда тутилади.

1. Норматив-ҳуқуқий ҳужжат лойиҳасини ишлаб чиқиш.

2. Лойиҳани белгиланган тартибда Вазирлар Маҳкамасига киритиш.

-

2025 йил март

Туризм қўмитаси,

Соғлиқни сақлаш вазирлиги,

Иқтисодиёт ва молия вазирлиги,

манфаатдор вазирлик ва идоралар

2.

Тоғли, шифобахш балчиқ қатламлари бор ҳамда шифобахш сувлар қаторига киритилган ва санитария-соғломлаштириш аҳамиятига молик сув (термал сув) объектлари мавжуд бўлган ҳудудларда санаторий-курорт зоналарини ташкил қилиш.

1. Норматив-ҳуқуқий ҳужжат лойиҳасини ишлаб чиқиш.

2. Лойиҳани белгиланган тартибда Вазирлар Маҳкамасига киритиш.

-

2025 йил февраль

Туризм қўмитаси,

Соғлиқни сақлаш вазирлиги,

Инвестициялар, саноат ва савдо вазирлиги,

Тоғ-кон саноати ва геология вазирлиги, Иқтисодиёт ва молия вазирлиги,

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

3.

«Авиценна» номи остида Ўзбекистон Республикасининг тиббий ва соғломлаштириш туризми брендини ишлаб чиқиш ва уни доимий равишда тарғиб қилиб бориш.

1. Ўзбекистон маркетинг уюшмаси ва хусусий маркетинг ташкилотлари, шу жумладан, хорижий ташкилотлар билан музокаралар олиб бориш.

Туризмни қўллаб-қувватлаш жамғармаси

2025 йил февраль

Туризм қўмитаси,

Соғлиқни сақлаш вазирлиги

2. Маркетинг ташкилотлари билан келишувга эришиш.

2025 йил март

3. Тиббий ва соғломлаштириш туризми брендини ишлаб чиқиш.

4. Маркетинг стратегиясини амалга ошириш ва ижросини таъминлаш.

2025 йил апрель

4.

Халқаро қўшма комиссия аккредитациясидан ўтган тиббиёт муассасалари аккредитациядан ўтиш харажатларининг 50 фоизини қоплаб бериш тартибини ишлаб чиқиш.

1. Норматив-ҳуқуқий ҳужжат лойиҳасини ишлаб чиқиш.

2. Лойиҳани белгиланган тартибда Вазирлар Маҳкамасига киритиш.

-

2025 йил февраль

Соғлиқни сақлаш вазирлиги,

Туризм қўмитаси

5.

Давлат тили ва хорижий тилларда тиббиёт ҳамда соғломлаштириш муассасаларининг ягона реестрига киритилган тиббиёт ва соғломлаштириш муассасаларининг халқаро туризм ярмаркалари ва кўргазмаларда ўз хизматлари ҳамда маҳсулотлари билан иштирок этиш харажатларини қоплаб бериш тартибини ишлаб чиқиш.

1. Норматив-ҳуқуқий ҳужжат лойиҳасини ишлаб чиқиш.

2. Лойиҳани белгиланган тартибда Вазирлар Маҳкамасига киритиш.

-

2024 йил декабрь

Соғлиқни сақлаш вазирлиги,

Туризм қўмитаси

6.

Тиббиёт муассасаларининг шифокорлари томонидан хорижий мамлакатларда тиббий диагностика хизматларини ташкил қилиш билан боғлиқ транспорт ва яшаш харажатларини қоплаб бериш тартибини ишлаб чиқиш.

1. Норматив-ҳуқуқий ҳужжат лойиҳасини ишлаб чиқиш.

2. Лойиҳани белгиланган тартибда Вазирлар Маҳкамасига киритиш.

-

2024 йил декабрь

Соғлиқни сақлаш вазирлиги,

Туризм қўмитаси

7.

Хорижий фуқароларни (беморларни) рўйхатга олишда қулайлик яратиш мақсадида давлат ва хусусий тиббиёт муассасаларини интернет тармоғи орқали ҳисобга олишнинг автоматлаштирилган махсус электрон дастури («E-mehmon»)га улаш чораларини кўриш.

Амалий чора-тадбирлар.

Ташаббускорлар маблағлари

2024-2025 йиллар давомида

Соғлиқни сақлаш вазирлиги,

Туризм қўмитаси

8.

Ўзбекистон Республикаси чегара божхона постлари ҳудудида хорижий фуқароларга республикадаги тиббиёт муассасалари имкониятлари тўғрисида маълумот берувчи журнал ва тарқатма материалларни жойлаштириш.

Амалий чора-тадбирлар.

Туризмни қўллаб-қувватлаш жамғармаси,

Тиббиёт муассасаларининг бюджетдан ташқари маблағларидан тенг улушда

2024 — 2026 йиллар давомида

Туризм қўмитаси,

Соғлиқни сақлаш вазирлиги,

Божхона қўмитаси

9.

Мамлакатнинг тиббий туризм салоҳияти ва республикадаги йирик давлат ва хусусий тиббиёт муассасаларининг мавжуд имкониятлари ва улар томонидан кўрсатилаётган тиббий хизматларни хорижий давлатларда кенг тарғибот қилиш чораларини кўриш.

Амалий чора-тадбирлар.

Туризмни қўллаб-қувватлаш жамғармаси

2024 — 2026 йиллар давомида

Туризм қўмитаси,

Соғлиқни сақлаш вазирлиги

10.

Республиканинг йирик тиббиёт муассасалари фаолияти ва кўрсатилаётган тиббий хизматлар билан туроператорларни яқиндан таништириш мақсадида инфотурлар ташкил қилиш.

Амалий чора-тадбирлар.

Туризмни қўллаб-қувватлаш жамғармаси

2024-2025 йиллар давомида

Туризм қўмитаси,

Соғлиқни сақлаш вазирлиги

11.

Тиббий туризм салоҳияти юқори бўлган давлатларнинг (Ҳиндистон, Туркия, Германия, Исроил) етакчи тиббиёт муассасалари филиалларини Ўзбекистонда очиш чораларини кўриш.

Амалий чора-тадбирлар.

Ташаббускорлар маблағлари

2024-2025 йиллар давомида

Инвестициялар, саноат ва савдо вазирлиги,

Соғлиқни сақлаш вазирлиги

12.

Тиббиёт соҳасидаги экспертлар ва туроператорлар иштирокида тиббий туризмни ривожлантириш ва соҳадаги камчиликларни бартараф этиш юзасидан вебинар ва учрашувлар ташкил қилиб бориш.

Амалий чора-тадбирлар.

Тиббиёт муассасаларининг бюджетдан ташқари маблағлари

2025 йил январдан бошлаб ҳар 6 ойда

Туризм қўмитаси, Соғлиқни сақлаш вазирлиги

13.

Етакчи тиббиёт муассасаларида тиббий хизматлар сифатини оширишга қаратилган курслар, семинарлар ва тренингларни (жумладан, хорижий мутахассисларни таклиф этган ҳолда) ташкил этиш ҳамда республикада фаолият юритаётган давлат ва нодавлат тиббиёт муассасаларида инглиз ва рус тиллари ўқув дастурларини жорий этиш.

1. Тиббий хизматлар сифатини оширишга қаратилган курслар, семинарлар ва тренинглар дастурини ишлаб чиқиш ва тасдиқлаш.

2. Ишлаб чиқилган дастур асосида курслар, семинарлар ва тренингларни ташкил қилиш.

3. Ҳар чоракда Вазирлар Маҳкамасига амалга оширилган ишлар тўғрисида ахборот тақдим этиш.

Тиббиёт муассасаларининг бюджетдан ташқари маблағлари

2025 йил январдан бошлаб доимий равишда

Соғлиқни сақлаш вазирлиги,

Туризм қўмитаси, Олий таълим, фан ва инновациялар вазирлиги

14.

Тиббий туризм соҳасидаги йирик халқаро тадбирларда (семинар, конференция, кўргазма, ярмарка ва бошқалар) иштирок этиш.

Амалий чора-тадбирлар.

Туризмни қўллаб-қувватлаш жамғармаси

2024 йил декабрдан бошлаб доимий равишда

Туризм қўмитаси,

Соғлиқни сақлаш вазирлиги

15.

«Ипак йўлида туризм» Тошкент халқаро туризм ярмаркасида ҳар йили тиббий туризм кўргазмали павильонини ташкил қилиш.

Амалий чора-тадбирлар.

Ташаббускор маблағлари

2024 йил декабрдан бошлаб ҳар йили

Туризм қўмитаси,

Соғлиқни сақлаш вазирлиги

16.

Ўзбекистондаги етакчи давлат ва нодавлат тиббиёт муассасаларини нуфузли халқаро ташкилотларда аккредитациядан ўтказиш чорасини кўриш.

1. Тегишли халқаро ташкилотлар билан музокаралар олиб бориш.

2. Аккредитациядан ўтиш механизм ва талабларини ўрганиб чиқиш.

3. Давлат ва нодавлат тиббиёт муассасаларини нуфузли халқаро ташкилотларда аккредитациядан ўтказиш юзасидан тренинглар ўтказиш ва уларга қўлланмалар тақдим этиш орқали аккредитациядан ўтказиш чораларини кўриш.

Тиббиёт муассасаларининг бюджетдан ташқари маблағлари

2024 йил декабрдан бошлаб доимий равишда

Соғлиқни сақлаш вазирлиги,

Туризм қўмитаси,

Ўзбекистон касаба уюшмалари федерацияси

17.

Хорижий фуқароларга (беморларга) қулайлик яратиш мақсадида хусусий тиббиёт муассасаларида шифокорлар қабулига ёзилиш (электрон навбат) тизимини жорий қилиш юзасидан тарғибот ишларини ташкил қилиш.

Амалий чора-тадбирлар.

Тадбиркорлик субъектлари маблағлари

2024 йил ноябрдан бошлаб доимий равишда

Соғлиқни сақлаш вазирлиги,

Ўзбекистон касаба уюшмалари федерацияси,

Туризм қўмитаси

18.

Тиббиёт йўналишида таҳсил олаётган талабаларнинг хориждаги нуфузли йирик тиббиёт муассасаларида амалиёт ўташ тизимини жорий этиш.

Бунда 3 ойдан 1 йилгача бўлган муддатда амалиёт ўташ дастурини ишлаб чиқиш ва хориждаги йирик нуфузли тиббиёт муассасалари билан ҳамкорлик меморандумини имзолаш ҳамда амалиёт даврида талабаларга стипендия ва грантлар ажратиш чораларини кўриш.

1. Халқаро нуфузли йирик тиббиёт муассасалари билан музокаралар олиб бориш.

2. Тиббиёт муассасалари билан ҳамкорликда 3 ойдан 1 йилгача бўлган муддатда амалиёт ўташ дастурини тасдиқлаш.

3. Амалиёт дастурида талабаларнинг яшаш жойи, уларга стипендия ва грантлар ажратиш чораларини кўриш.

4. Амалга оширилган ишлар юзасидан ҳар чоракда Вазирлар Маҳкамасига маълумот киритиб бориш.

Тиббиёт муассасаларининг бюджетдан ташқари маблағлари

2025 йил январдан бошлаб доимий равишда

Соғлиқни сақлаш вазирлиги,

Олий таълим, фан ва инновациялар вазирлиги

19.

Замонавий тиббий техника воситаларини ишлаб чиқарувчи хорижий йирик ташкилотлар билан ушбу йўналишда кадрлар малакасини ошириш бўйича ҳамкорликни йўлга қўйиш.

1. Хорижий тиббий техника воситаларини ишлаб чиқарувчи ташкилотлар билан ҳамкорлик ўрнатиш.

2. Кадрлар тайёрлаш юзасидан аниқ режа ва дастурни тасдиқлаш.

3. Амалга ошириладиган ишларни ҳамкорликда ташкил этиш.

Тиббиёт муассасаларининг бюджетдан ташқари маблағлари

2024 йил декабрдан бошлаб доимий равишда

Соғлиқни сақлаш вазирлиги

20.

Хорижий мамлакатларда Ўзбекистоннинг шифокорлари иштирокида тиббий диагностика хизматларини ташкил қилиш режа-графигини ишлаб чиқиш ва тасдиқлаш.

1. Тиббий муассасалар ва шифокорлар рўйхатини тузиш ва тасдиқлаш.

Тиббиёт муассасаларининг бюджетдан ташқари маблағлари

2024 йил декабрь

Соғлиқни сақлаш вазирлиги,

Ўзбекистон касаба уюшмалари федерацияси,

Туризм қўмитаси

2. Рўйхатдаги шифокорлар билан хорижий давлатларда режа-графикка асосан диагностика хизматларини ташкил қилиш чорасини кўриш.

2025 йил январь

3. Хорижий давлатларда ўтказиладиган диагностика натижаларидан келиб чиққан ҳолда мазкур давлатлардаги беморларни Ўзбекистонда даволаш бўйича тиббий йўлланмалар бериш.

4. Амалга оширилган ишлар тўғрисида ҳар чоракда Туризм қўмитасига ахборот киритиш.

2025 йил мартдан бошлаб доимий равишда

21.

Тиббий туризм соҳасида хизмат кўрсатувчи йирик тиббиёт муассасаларида хорижий фуқароларни қабул қилиш билан шуғулланадиган махсус бўлинмалар фаолиятини ташкиллаштириш.

Бунда кутиб олиш ва кузатиш трансфери, таржимон, VIP-шифохона, кузатувчи учун қўшимча ўрин, миллий ва/ёки диний анъаналарни инобатга олган ҳолда буюртма асосида таом, даволаниш давомида уяли алоқа, интернет, бемор ватанига қайтиб борганидан кейин даволовчи шифокор билан интерактив алоқани сақлаб туриш каби жиҳатларни қатъий инобатга олиш.

1. Йирик тиббиёт муассасаларида соҳа экспертлари иштирокида чет эл фуқароларига комплекс сервис хизмат кўрсатиш юзасидан тренинглар ўтказиш.

Ташаббускорлар маблағлари

2024 йил декабрь

Соғлиқни сақлаш вазирлиги,

Ўзбекистон касаба уюшмалари федерацияси,

Туризм қўмитаси

2. Тиббиёт муассасаларида комплекс сервис хизмат ташкил қилиш юзасидан шароитлар яратиш.

2024 йил декабрь

3. Йирик тиббиёт муассасаларида чет эл фуқароларига комплекс сервис хизматларини жорий этиш.

2025 йил январь ойидан бошлаб доимий равишда

22.

Республикадаги йирик давлат санаторийлари ва тиббиёт муассасаларида онлайн равишда хоналарни банд қилиш тизимини босқичма-босқич жорий этиш.

1. Йирик санаторийлар ва тиббиёт муассасаларининг веб саҳифаларида онлайн равишда хоналарни банд қилиш тизимини ишлаб чиқиш.

2. Босқичма-босқич мазкур тизимни ўзбек, рус ва инглиз тилларида жорий этиш.

Ташаббускорлар маблағлари

2024-2025 йиллар

Соғлиқни сақлаш вазирлиги,

Ўзбекистон касаба уюшмалари Федерацияси

23.

Санаторийларда йил давомида ташкиллаштириладиган маданий-кўнгилочар тадбирлар тақвим режасини ишлаб чиқиш.

Амалий чора-тадбирлар.

-

2024-2025 йиллар

Ўзбекистон касаба уюшмалари федерацияси,

Туризм қўмитаси

24.

Санаторийларда босқичма-босқич очиқ ва ёпиқ сузиш ҳавзалари, сауна, фитнес спорт майдонлари (баскетбол, теннис ва волейбол) ва болалар майдончаларини ташкил қилиш.

Амалий чора-тадбирлар.

Ижрочилар маблағлари

2024 — 2026 йиллар

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

25.

Санаторийларга меҳмонхоналар каби тоифа (юлдуз) бериш (сертификатлаштириш) тизимини жорий қилиш.

Бунда санаторийларда даволаш ва соғломлаштириш хизматлари билан биргаликда меҳмонхоналар томонидан тақдим этиладиган хизматлар мавжуд бўлиши назарда тутилади.

1. Хорижий ва халқаро стандартларни ўрганиб чиқиш.

2. Миллий стандартларга тегишли ўзгартириш ва қўшимчалар киритиш.

3. Стандартни белгиланган тартибда тасдиқлаш.

-

2024 йил октябрь

Ўзбекистон техник жиҳатдан тартибга солиш агентлиги,

Туризм қўмитаси
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
2-ИЛОВА
Замонавий талаблар асосида санаторий-курорт зоналарини ташкил қилиш режалаштирилган туман ва шаҳарлар
РЎЙХАТИ

Т/р

Т/р

Вилоятлар

Туман (шаҳар)лар номи

1.

1.

Андижон вилояти

Хонобод шаҳри

2.

2.

Наманган вилояти

Чортоқ тумани

3.

Косонсой тумани

4.

Тўрақўрғон тумани

3.

5.

Жиззах вилояти

Бахмал тумани

6.

Зомин тумани

7.

Сурхондарё вилояти

Бойсун тумани

8.

Олтинсой тумани

4.

9.

Қашқадарё вилояти

Қарши шаҳри

10.

Китоб тумани

11.

Шаҳрисабз тумани

5.

12.

Фарғона вилояти

Фарғона тумани

13.

Олтиариқ тумани

6.

14.

Тошкент вилояти

Зангиота тумани

15.

Тошкент тумани
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
2а-ИЛОВА
2025-2026 йилларда Андижон вилояти Хонобод шаҳрида замонавий талаблар асосида санаторий-курорт зоналарини ташкил қилиш бўйича
ЧОРА-ТАДБИРЛАР ДАСТУРИ

Т/р

Чора-тадбир номи

Амалга ошириш механизмлари

Молиялаштириш манбаи

Амалга ошириш муддати

Масъул вазирлик ва идоралар

1.

Хонобод шаҳрида замонавий талаблар асосида санаторий-курорт зоналарини (кейинги ўринларда — курорт зона) ташкил этиш бўйича ҳудудни белгилаш.

1. Шаҳар имкониятларини ўрганиш.

2. Ўрганиш натижасига асосан курорт зона ташкил этиладиган имкониятлар юқори бўлган ҳудудни белгилаш.

3. Тегишли ташкилотлар билан белгиланган ҳудудда санаторий-курорт зонасини ташкил қилиш юзасидан келишиш.

-

2024 йил декабрь

Андижон вилояти ҳокимлиги,

Хонобод шаҳри ҳокимлиги,

манфаатдор вазирлик ва идоралар

2.

Курорт зонада ташкил қилинадиган хизмат кўрсатиш объектлари лойиҳаси (мастер режаси)ни ишлаб чиқиш.

Амалий чора-тадбирлар.

Маҳаллий бюджет маблағлари

2025 йил февраль

Андижон вилояти ҳокимлиги

3.

Хорижий ва маҳаллий инвесторларни жалб қилган ҳолда замонавий соғломлаштириш масканларини ишга тушириш.

Амалий чора-тадбирлар.

Инвесторлар маблағлари

2025-2026 йиллар давомида

Андижон вилояти ҳокимлиги

4.

Хонобод шаҳрида курорт зона, соғломлаштириш марказлари ва тиббий туризм ташкилотларини ишга тушириш.

1. Хонобод шаҳрида санаторий-курорт, соғломлаштириш, тиббий туризм хизматларини ташкил қилиш мақсадида бўш турган бино-иншоот ва ер майдонларини аниқлаш.

2. Аниқланган бўш турган бино-иншоот ва ер майдонларини ўрнатилган тартибда савдога чиқариш ва инвесторларни жалб қилиш.

Ижрочи ва тадбиркорлик субъектларининг маблағлари

2024-2025 йиллар давомида

Андижон вилояти ҳокимлиги

5.

Хонобод шаҳрида Ҳиндистон, Корея Республикаси каби давлатларнинг клиника ва даволаш марказларини ташкил қилиш.

Амалий чора-тадбирлар.

Инвесторлар маблағлари

2025-2026 йиллар давомида

Андижон вилояти ҳокимлиги

6.

Курорт зона ҳудудини ободонлаштириш, муҳандислик-коммуникация тармоқлари билан таъминлаш, инфратузилмасини яхшилаш.

Инфратузилма ва коммуникация билан боғлиқ масалаларни маҳаллий ҳамда республика даражасидаги дастурларга киритиш.

Маҳаллий ва Республика бюджети маблағлари

2024-2025 йиллар давомида

Андижон вилояти ҳокимлиги

7.

Хонобод шаҳрида очиқ ва ёпиқ сузиш ҳавзалари, сауна, фитнес спорт майдонлари (баскетбол, теннис ва волейбол) ва болалар майдончалари ташкил қилиш.

Амалий чора-тадбирлар.

Ижрочилар маблағлари

2025-2026 йиллар

Андижон вилояти ҳокимлиги

8.

Қирғиз Республикаси чегара ҳудудларидаги маҳалла фаоллари/раислари ва касаба уюшмалари учун тиббий соғломлаштириш масканларига таништирув саёҳат дастурларини ташкил қилиш.

Амалий чора-тадбирлар

Ижрочилар маблағлари

2024-2026 йиллар

Андижон вилояти ҳокимлиги

9.

«Ипак йўлида туризм» Тошкент халқаро туризм ярмаркасида тиббий туризм кўргазма павильонини ташкил қилиш ҳамда вилоятдаги мавжуд санаторий-курорт зоналари, соғломлаштириш ва тиббий туризм ташкилотлари иштирокини таъминлаш.

Амалий чора-тадбирлар.

Маҳаллий бюджет маблағлари

2024 йилдан бошлаб ҳар йили ноябрь-декабрь

Андижон вилояти ҳокимлиги,

Туризм қўмитаси

10.

Андижон давлат тиббиёт институтининг Хонобод шаҳридаги амалиёт маркази қошида соғломлаштириш масканини ташкил этиш.

Амалий чора-тадбирлар

Маҳаллий бюджет маблағлари

2025 йил декабрь

Андижон вилояти ҳокимлиги
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
2б-ИЛОВА
2025-2026 йилларда Наманган вилоятининг Чортоқ, Косонсой ва Тўрақўрғон туманларида замонавий талаблар асосида санаторий-курорт зоналарини ташкил қилиш бўйича
ЧОРА-ТАДБИРЛАР ДАСТУРИ

Т/р

Чора-тадбир номи

Амалга ошириш механизмлари

Молиялаштириш манбаи

Амалга ошириш муддати

Масъул вазирлик ва идоралар

1.

Чортоқ, Косонсой ва Тўрақўрғон туманларида замонавий талаблар асосида санаторий-курорт зоналарини (кейинги ўринларда — курорт зона) ташкил этиш бўйича ҳудудни белгилаш.

1. Туманлар имкониятларини ўрганиш.

2. Ўрганиш натижасига асосан курорт зона ташкил этиладиган имкониятлар юқори бўлган ҳудудни белгилаш.

3. Тегишли ташкилотлар билан белгиланган ҳудудда санаторий-курорт зонасини ташкил қилиш юзасидан келишиш.

-

2024 йил декабрь

Наманган вилояти ҳокимлиги,

Чортоқ, Косонсой ва Тўрақўрғон туманлари ҳокимликлари,

манфаатдор вазирлик ва идоралар

2.

Чортоқ, Косонсой ва Тўрақўрғон туманлари ҳудудида мавжуд ерости минерал ва термал сувлар таркибини илмий ўрганиш.

1. Ҳудуддаги ерости минерал ва термал сувларни ўрганиш мақсадида мутахассисларни жалб қилиш.

2. Сувлар таркиби тўғрисида рус ва инглиз тилларида қўлланмалар ишлаб чиқиш.

-

2024 йил декабрь

Тоғ-кон саноати ва геология вазирлиги

3. Сувлардан санаторий-курорт зоналаридаги тиббиёт ва соғломлаштириш муассасаларининг фойдаланиши учун зарур шароитлар яратиш.

2025-2026 йиллар

Наманган вилояти ҳокимлиги

3.

Чехия, Россия, Грузия, Латвия, Туркия ва бошқа тиббий туризм ривожланган давлатларнинг тажрибаси асосида курорт зонада ташкил қилинадиган хизмат кўрсатиш объектлари лойиҳалари (мастер режалари)ни ишлаб чиқиш.

Амалий чора-тадбирлар.

Маҳаллий бюджет маблағлари ва қонунчилик ҳужжатлари билан тақиқланмаган манбалар

2025 йил январь — май

Наманган вилояти ҳокимлиги,

Қурилиш ва уй-жой коммунал хўжалиги вазирлиги

4.

Мастер режаларга асосан курорт зоналар ҳудудидаги ер майдонларини белгиланган тартибда «E-auksion» платформасига жойлаштириш.

Амалий чора-тадбирлар.

-

2025 йил январь — июль

Наманган вилояти ҳокимлиги

5.

Санаторий-курорт зоналар ташкил этиладиган ҳудудни зарур муҳандислик-коммуникация тармоқлари билан таъминлаш.

Инфратузилма ва коммуникация билан боғлиқ масалаларни маҳаллий ҳамда республика даражасидаги дастурларга киритиш.

Республика ва маҳаллий бюджет маблағлари

2024 йилдан бошлаб ҳар йили

Наманган вилояти ҳокимлиги

6.

Курортология йўналишида фаолият юритаётган хорижий ва маҳаллий йирик тиббий-курорт муассасалари, тадбиркорлик субъектлари ва инвесторлар орасида санаторий-курорт зонаси тўғрисида тарғибот ишларини олиб бориш.

Амалий чора-тадбирлар.

Маҳаллий бюджет маблағлари

Наманган вилояти ҳокимлиги,

Туризм қўмитаси

7.

Хорижий ҳамда маҳаллий мутахассисларни жалб қилган ҳолда курорт зоналар ходимлари малакасини ошириш.

Амалий чора-тадбирлар.

Маҳаллий бюджет маблағлари

2025 йил январдан доимий

Наманган вилояти ҳокимлиги

8.

Санаторий, санаторий типидаги меҳмонхоналар ва соғломлаштириш марказларида босқичма-босқич очиқ ва ёпиқ сузиш ҳавзалари, сауна, фитнес спорт майдонлари (баскетбол, теннис ва волейбол) ва болалар майдончаларини ташкил қилиш.

Амалий чора-тадбирлар.

Маҳаллий бюджет маблағлари,

инвесторлар маблағлари

2025-2026 йиллар

Наманган вилояти ҳокимлиги

9.

«Ипак йўлида туризм» Тошкент халқаро туризм ярмаркасида тиббий туризм кўргазма павильонини ташкил қилиш ҳамда вилоятдаги мавжуд санаторий-курорт зоналари, соғломлаштириш ва тиббий туризм ташкилотлари иштирокини таъминлаш.

Амалий чора-тадбирлар.

Маҳаллий бюджет маблағлари

2024 йилдан бошлаб ҳар йили ноябрь-декабрь

Наманган вилояти ҳокимлиги,

Туризм қўмитаси

10.

Тожикистон ва Қирғиз Республикаларида тарғибот ишларини олиб бориш.

Амалий чора-тадбирлар.

Маҳаллий бюджет маблағлари

Доимий

Наманган вилояти ҳокимлиги

11.

Ташкил этилган курорт зонанинг имкониятлари тўғрисида маълумот бериш учун хорижий ва маҳаллий ОАВ вакиллари ва блогерлар учун инфотурлар ташкил этиш.

Амалий чора-тадбирлар.

Маҳаллий бюджет маблағлари

Доимий

Наманган вилояти ҳокимлиги
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
2в-ИЛОВА
2025-2026 йилларда Жиззах вилояти Бахмал ва Зомин туманларида замонавий талаблар асосида санаторий-курорт зоналарини ташкил қилиш бўйича
ЧОРА-ТАДБИРЛАР ДАСТУРИ

Т/р

Чора-тадбир номи

Амалга ошириш механизмлари

Молиялаштириш манбаи

Амалга ошириш муддати

Масъул вазирлик ва идоралар

1.

Бахмал ва Зомин туманларида замонавий талаблар асосида санаторий-курорт зонаси (кейинги ўринларда — курорт зона)ни ташкил этиш бўйича ҳудудни белгилаш.

1. Бахмал ва Зомин туманлари ҳудуди имкониятларини ўрганиш.

2. Ўрганиш натижасига асосан курорт зона ташкил этиладиган имкониятлар юқори ҳудудни белгилаш.

3. Тегишли ташкилотлар билан белгиланган ҳудудда курорт зонани ташкил қилиш юзасидан келишиш.

Маҳаллий бюджет маблағлари

2025 йил февраль

Жиззах вилояти ҳокимлиги

2.

Курорт зона ташкил этиладиган ҳудуднинг заруратга кўра ер майдони тоифасини ўзгартириш.

Ер майдони тоифасини ўзгартириш бўйича ўрнатилган тартибда Ҳукумат комиссиясига таклиф киритиш.

-

2025 йил январь

Жиззах вилояти ҳокимлиги

3.

Курорт зонада ташкил қилинадиган хизмат кўрсатиш объектлари лойиҳаси (мастер режаси)ни ишлаб чиқиш ва инвесторларга тақдим қилиш.

Амалий чора-тадбирлар.

Маҳаллий бюджет маблағлари

2025 йил февраль

Жиззах вилояти ҳокимлиги

4.

Бахмал ва Зомин туманларида мастер режага асосан танлаб олинган объект ер майдонини белгиланган тартибда «E-auksion» платформасига жойлаштириш.

Амалий чора-тадбирлар.

-

2025 йил апрель-май

Жиззах вилояти ҳокимлиги

5.

Курорт зоналар ҳудудларини зарур инфратузилма ва коммуникация тармоқлари билан таъминлаш.

Инфратузилма ва коммуникация билан боғлиқ масалаларни маҳаллий ҳамда республика даражасидаги дастурларга киритиш.

Маҳаллий бюджет маблағлари

2024 йилдан доимий

Жиззах вилояти ҳокимлиги

6.

Тиббий туризм хизматларини кенгайтириш йўналишида маҳаллий ва хорижий инвесторларни жалб қилиш.

Амалий чора-тадбирлар.

Маҳаллий бюджет маблағлари

2025-2026 йиллар давомида

Жиззах вилояти ҳокимлиги

7.

Бахмал ва Зомин туманларида мастер режага асосан танлаб олинган объект ташаббускорларига қўшимча имтиёзлар тақдим қилиш.

Норматив-ҳуқуқий ҳужжат лойиҳаси.

-

2024 йил декабрь

Жиззах вилояти ҳокимлиги

8.

Санаторий, санаторий типидаги меҳмонхоналар ва соғломлаштириш марказларида босқичма-босқич очиқ ва ёпиқ сузиш ҳавзалари, сауна, фитнес спорт майдонлари (баскетбол, теннис ва волейбол) ва болалар майдончалари ташкил қилиш.

Амалий чора-тадбирлар.

Маҳаллий бюджет маблағлари,

Инвестор маблағлари

2025-2026 йиллар давомида

Жиззах вилояти ҳокимлиги

9.

«Ипак йўлида туризм» Тошкент халқаро туризм ярмаркасида тиббий туризм кўргазма павильонини ташкил қилиш ҳамда вилоятдаги мавжуд курорт зоналар, соғломлаштириш ва тиббий туризм ташкилотлари иштирокини таъминлаш.

Амалий чора-тадбирлар.

Маҳаллий бюджет маблағлари

2024 йилдан бошлаб, ҳар йили ноябрь-декабрь

Жиззах вилояти ҳокимлиги

10.

Тожикистон ва Қозоғистон давлатларида тарғибот ишларини олиб бориш.

Амалий чора-тадбирлар.

Маҳаллий бюджет маблағлари

2024 йилдан бошлаб доимий

Жиззах вилояти ҳокимлиги

11.

Ташкил этилган санаторий-курорт зонасида хорижий ва маҳаллий ОАВ вакиллари ва блогерлар учун инфотурлар ташкил этиш.

Амалий чора-тадбирлар.

Маҳаллий бюджет маблағлари

2024 йилдан бошлаб доимий

Жиззах вилояти ҳокимлиги

12.

Қўшимча хизмат кўрсатишга қаратилган курорт зоналарида фаолият юритаётган шифокор ҳамда ҳамширалар тажрибасини хорижий мамлакатларда ошириб бориш.

Амалий чора-тадбирлар.

Маҳаллий бюджет маблағлари

2024 йилдан бошлаб доимий

Жиззах вилояти ҳокимлиги
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
2г-ИЛОВА
2025-2026 йилларда Сурхондарё вилояти Бойсун ва Олтинсой туманларида замонавий талаблар асосида санаторий-курорт зоналарини ташкил қилиш бўйича
ЧОРА-ТАДБИРЛАР ДАСТУРИ

Т/р

Чора-тадбир номи

Амалга ошириш механизмлари

Молиялаштириш манбаи

Амалга ошириш муддати

Масъул вазирлик ва идоралар

1.

Бойсун ва Олтинсой туманларда туманларида замонавий талаблар асосида санаторий-курорт зоналарини (кейинги ўринларда — курорт зона) ташкил этиш бўйича ҳудудни белгилаш.

1. Вилояти даражасида тегишли ташкилотлардан иборат ишчи гуруҳ ташкил қилиш.

2. Ишчи гуруҳ томонидан туманлардаги ҳудудлар имкониятларини ўрганиш.

3. Ўрганиш натижасига асосан курорт зона ташкил этиладиган имкониятлар юқори ҳудудни белгилаш.

4. Тегишли ташкилотлар билан белгиланган ҳудудда курорт зонани ташкил қилиш юзасидан келишиш.

Маҳаллий бюджет маблағлари

2025 йил февраль

Сурхондарё вилояти ҳокимлиги,

Бойсун ва Олтинсой туманлари ҳокимликлари,

манфаатдор вазирлик ва идоралар

2.

Курорт зона ташкил этиладиган ҳудуднинг заруратга кўра ер майдони тоифасини ўзгартириш.

Ер майдони тоифасини ўзгартириш бўйича ўрнатилган тартибда Ҳукумат комиссиясига таклиф киритиш.

Маҳаллий бюджет маблағлари

2025 йил январь

Сурхондарё вилояти ҳокимлиги

3.

Курорт зоналарда ташкил қилинадиган хизмат кўрсатиш объектлари лойиҳаси (мастер режаси)ни ишлаб чиқиш.

Амалий чора тадбирлар.

Маҳаллий бюджет маблағлари

2025 йил февраль

Сурхондарё вилояти ҳокимлиги

4.

Бойсун ва Олтинсой туманларида санаторий-курорт зонаси ҳудудида қўшимча хизмат турлари объектларини ташкил этиш.

Амалий чора тадбирлар.

Маҳаллий бюджет маблағлари

2025 йилдан бошлаб доимий

Сурхондарё вилояти ҳокимлиги

5.

Бойсун ва Олтинсой туманларида мастер режага асосан танлаб олинган объект ер майдонини белгиланган тартибда «E-auksion» платформасига жойлаштириш.

Амалий чора тадбирлар.

Маҳаллий бюджет маблағлари

2025 йил май

Сурхондарё вилояти ҳокимлиги

6.

Курорт зоналар ташкил этиладиган ҳудудни зарур инфратузилма ва коммуникация билан таъминлаш.

Амалий чора тадбирлар.

Маҳаллий бюджет маблағлари

2024 йилдан бошлаб доимий

Сурхондарё вилояти ҳокимлиги

8.

Хорижий ҳамда маҳаллий мутахассисларни жалб қилган ҳолда курорт зоналар ходимлари малакасини ошириш.

Амалий чора тадбирлар.

Маҳаллий бюджет маблағлари

2025 йилдан бошлаб доимий

Сурхондарё вилояти ҳокимлиги

9.

Санаторий, санаторий типидаги меҳмонхоналар ва соғломлаштириш марказларида босқичма-босқич очиқ ва ёпиқ сузиш ҳавзалари, сауна, фитнес спорт майдонлари (баскетбол, теннис ва волейбол) ва болалар майдончалари ташкил қилиш.

Амалий чора тадбирлар.

Маҳаллий бюджет маблағлари

2025 йил декабрь

Сурхондарё вилояти ҳокимлиги

10.

«Ипак йўлида туризм» Тошкент халқаро туризм ярмаркасида тиббий туризм кўргазма павильонини ташкил қилиш ҳамда вилоятдаги мавжуд курорт зоналар, соғломлаштириш ва тиббий туризм ташкилотлари иштирокини таъминлаш.

Амалий чора тадбирлар.

Маҳаллий бюджет маблағлари

2024 йилдан бошлаб ҳар йили ноябрь-декабрь

Сурхондарё вилояти ҳокимлиги

11.

Тожикистон ва Туркманистон Республикаларида тарғибот ишларини олиб бориш.

Амалий чора тадбирлар.

Маҳаллий бюджет маблағлари

2025 йил январдан доимий

Сурхондарё вилояти ҳокимлиги

12.

Ташкил этилган санаторий-курорт зонасида хорижий ва маҳаллий ОАВ вакиллари ва блогерлар учун инфотурлар ташкил этиш.

Амалий чора-тадбир.

Маҳаллий бюджет маблағлари

2025 йил январдан доимий

Сурхондарё вилояти ҳокимлиги

13.

Вилоятда тиббиёт форумини ўтказиш.

1. Форум иштирокчилари рўйхатини шакллантириб, дастурни тасдиқлаш.

2. Ушбу форумларни вилоятнинг энг машҳур табиий шифо масканларида ташкил этиш.

3. Маҳаллий оммавий ахборот воситаларида ёритиш.

Маҳаллий бюджет маблағлари

2025 йил апрель

Сурхондарё вилояти ҳокимлиги
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
2д-ИЛОВА
2025-2026 йилларда Қашқадарё вилоятининг Қарши шаҳри, Китоб ва Шаҳрисабз туманларида замонавий талаблар асосида санаторий-курорт зоналарини ташкил қилиш бўйича
ЧОРА-ТАДБИРЛАР ДАСТУРИ

Т/р

Чора-тадбир номи

Амалга ошириш механизмлари

Молиялаштириш манбаи

Амалга ошириш муддати

Масъул вазирлик ва идоралар

1.

Қарши шаҳри, Китоб ва Шаҳрисабз туманларида замонавий талаблар асосида санаторий-курорт зоналарини (кейинги ўринларда — курорт зона) ташкил этиш бўйича ҳудудни белгилаш.

1. Шаҳар ва туманлар имкониятларини ўрганиш.

2. Ўрганиш натижасига асосан курорт зона ташкил этиладиган имкониятлар юқори бўлган ҳудудни белгилаш.

3. Тегишли ташкилотлар билан белгиланган ҳудудда санаторий-курорт зонасини ташкил қилиш юзасидан келишиш.

-

2024 йил декабрь

Қашқадарё вилояти ҳокимлиги,

Қарши шаҳри ҳокимлиги,

Китоб ва Шаҳрисабз туманлари ҳокимликлари,

манфаатдор вазирлик ва идоралар

2.

Курорт зона ташкил этиладиган ҳудуднинг заруратдан келиб чиқиб, ер майдони тоифасини ўзгартириш.

Ер майдони тоифасини ўзгартириш бўйича ўрнатилган тартибда Ҳукумат комиссиясига таклиф киритиш.

-

2025 йил январь

Қашқадарё вилояти ҳокимлиги,

Қарши шаҳри ҳокимлиги,

Китоб ва Шаҳрисабз туманлари ҳокимликлари

3.

Курорт зоналар ҳудудида ташкил қилинадиган хизмат кўрсатиш объектлари лойиҳаси (мастер режаси)ни ишлаб чиқиш.

Амалий чора-тадбирлар.

Маҳаллий бюджет маблағлари ва қонунчилик ҳужжатлари билан тақиқланмаган манбалар

2025 йил январь — май

Қашқадарё вилояти ҳокимлиги,

Қурилиш ва уй-жой коммунал хўжалиги вазирлиги

4.

Қарши шаҳри, Китоб ва Шаҳрисабз туманларида мастер режага асосан танлаб олинган объект ер майдонини белгиланган тартибда «E-auksion» платформасига жойлаштириш.

Амалий чора-тадбирлар.

-

2025 йил апрель

Қашқадарё вилояти ҳокимлиги

5.

Курорт зоналар имкониятлари тўғрисида «роуд-шоу»ларни ташкил қилиш.

Амалий чора-тадбирлар.

Маҳаллий бюджет маблағлари ва қонунчилик ҳужжатлари билан тақиқланмаган манбалар

2025 йил давомида

Қашқадарё вилояти ҳокимлиги,

Туризм қўмитаси,

Инвестициялар, саноат ва савдо вазирлиги

6.

Шаҳрисабз тумани «Шаҳрисабз» туристик маркази ҳудудига хорижий инвесторларни жалб қилган ҳолда замонавий соғломлаштириш масканларини ишга тушириш.

Амалий чора-тадбирлар.

Инвесторлар маблағлари

2025-2026 йиллар давомида

Қашқадарё вилояти ҳокимлиги,

Инвестициялар, саноат ва савдо вазирлиги

7.

Китоб тумани «Қайнар» МФЙ ҳудудида соғломлаштириш ва гиёҳлар билан даволовчи тиббиёт туризми комплекс хизматларини ташкил этиш.

Амалий чора-тадбирлар.

Маҳаллий бюджет ва тадбиркорлик субъектлари маблағлари

2025-2026 йиллар давомида

Қашқадарё вилояти ҳокимлиги

8.

Курорт зоналар ташкил этиладиган ҳудудни зарур муҳандислик-коммуникация тармоқлари билан таъминлаш.

Инфратузилма ва коммуникация билан боғлиқ масалаларни маҳаллий ҳамда республика даражасидаги дастурларга киритиш.

Республика ва маҳаллий бюджет маблағлари

2024 йилдан бошлаб ҳар йили

Қашқадарё вилояти ҳокимлиги,

Иқтисодиёт ва молия вазирлиги

9.

Санаторий, санаторий типидаги меҳмонхоналар ва соғломлаштириш марказларида босқичма-босқич очиқ ва ёпиқ сузиш ҳавзалари, сауна, фитнес спорт майдонлари (баскетбол, теннис ва волейбол) ва болалар майдончаларини ташкил қилиш.

Амалий чора-тадбирлар.

Маҳаллий бюджет ва инвесторлар маблағлари

2025-2026 йиллар давомида

Қашқадарё вилояти ҳокимлиги,

манфаатдор вазирлик ва идоралар

10.

Хорижий ҳамда маҳаллий мутахассисларни жалб қилган ҳолда курорт зоналардаги санаторийлар ходимлари малакасини ошириш.

Амалий чора тадбирлар.

Маҳаллий бюджет маблағлари

2025-2026 йиллар давомида

Қашқадарё вилояти ҳокимлиги

11.

Тиббий туризм йўналишида Туркманистон ва Тожикистон Республикаларида тарғибот ишларини олиб бориш.

Амалий чора тадбирлар.

Маҳаллий бюджет маблағлари

2024 йилдан бошлаб доимий

Қашқадарё вилояти ҳокимлиги,

Туризм қўмитаси

12.

«Ипак йўлида туризм» Тошкент халқаро туризм ярмаркасида тиббий туризм кўргазма павильонини ташкил қилиш ҳамда вилоятдаги мавжуд курорт зоналар, соғломлаштириш ва тиббий туризм ташкилотлари иштирокини таъминлаш.

Амалий чора-тадбирлар.

Маҳаллий бюджет маблағлари

2024 йилдан бошлаб ҳар йили ноябрь-декабрь

Қашқадарё вилояти ҳокимлиги,

Туризм қўмитаси

13.

Ташкил этилган санаторий-курорт зонасида хорижий ва маҳаллий ОАВ вакиллари ва блогерлар учун инфотурлар ташкил этиш.

Амалий чора-тадбирлар.

Маҳаллий бюджет маблағлари

2024 йилдан бошлаб доимий

Қашқадарё вилояти ҳокимлиги
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
2е-ИЛОВА
2025-2026 йилларда Фарғона вилояти Олтиариқ ва Фарғона туманларида замонавий талаблар асосида санаторий-курорт зоналарини ташкил қилиш бўйича
ЧОРА-ТАДБИРЛАР ДАСТУРИ

Т/р

Чора-тадбир номи

Амалга ошириш механизмлари

Молиялаштириш манбаи

Амалга ошириш муддати

Масъул вазирлик ва идоралар

1.

Фарғона ва Олтиариқ туманларида замонавий талаблар асосида санаторий-курорт зоналарини (кейинги ўринларда — курорт зона) ташкил этиш бўйича ҳудудни белгилаш.

1. Туманлар имкониятларини ўрганиш.

2. Ўрганиш натижасига асосан курорт зона ташкил этиладиган имкониятлар юқори бўлган ҳудудни белгилаш.

3. Тегишли ташкилотлар билан белгиланган ҳудудда санаторий-курорт зонасини ташкил қилиш юзасидан келишиш.

-

2024 йил декабрь

Фарғона вилоят ҳокимлиги,

Олтиариқ ва Фарғона туманлари ҳокимликлари,

манфаатдор вазирлик ва идоралар

2.

Курорт зоналар ҳудудида ташкил қилинадиган хизмат кўрсатиш объектлари лойиҳаси (мастер режаси)ни ишлаб чиқиш.

Амалий чора-тадбирлар.

Маҳаллий бюджет маблағлари ва қонунчилик ҳужжатлари билан тақиқланмаган манбалар

2025 йил январь — май

Фарғона вилоят ҳокимлиги,

Қурилиш ва уй-жой коммунал хўжалиги вазирлиги

3.

Фарғона ва Олтиариқ туманларидаги курорт зоналарга олиб борадиган ички йўлларни таъмирлаш.

Инфратузилма ва коммуникация билан боғлиқ масалаларни маҳаллий ҳамда республика даражасидаги дастурларга киритиш.

Республика ва маҳаллий бюджет маблағлари

2024 йилдан бошлаб доимий (талаб ва зарурат асосида)

Фарғона вилоят ҳокимлиги

4.

Фарғона ва Олтиариқ туманларида қўшимча санаторийлар ташкил этиш.

1. Имкониятлар юқори ҳудудларни аниқлаш.

2. Ер майдони тоифасини ўзгартириш бўйича ўрнатилган тартибда Ҳукумат комиссиясига таклиф киритиш.

3. Ер майдонларини «E-auksion» платформасига жойлаштириш.

-

2025 йил январь

Фарғона вилоят ҳокимлиги

5.

Вилоятдаги имконияти чекланган аҳоли вакиллари учун санаторий-курорт ва сиҳатгоҳларида бепул тиббий кўрик ташкил этиш.

Амалий-чора тадбирлар.

Ташаббускор маблағлари

2024 йил октябрдан бошлаб ҳар чоракда

Фарғона вилояти ҳокимлиги

6.

Фарғона туманидаги Чимён санаториясида хизмат кўрсатиш қувватини ошириш.

Санаторияда ҳудудида қурилиши давом этаётган бино қурилиши якунига етказиш ҳамда мавжуд объектларни мукаммал таъмирлаш.

Касаба уюшмаси маблағи ҳисобидан

2025-2026 йиллар

Фарғона вилояти ҳокимлиги

7.

Фарғона туманида мавжуд курорт зоналари мутахассислари иштирокида ўрганиш олиб бориш.

1. Санаторийлар раҳбар ва бошқарувчилари билан учрашув ташкил этиш.

2. Тегишли масалаларни мутасадди ташкилотлар билан ҳал қилиш.

-

2024 йил октябрдан бошлаб ҳар чоракда

Фарғона вилояти ҳокимлиги

8.

Фарғона ва Олтиариқ туманларидаги курорт зоналар ва сиҳатгоҳлар салоҳиятини хорижий давлатларда ва республика ҳудудларида тарғиботини олиб бориш.

1. Вилоятдаги санаторийлар ва сиҳатгоҳлар ҳақида тарғибот материалларини тайёрлаш.

2. Қирғиз Республикаси Боткен ҳамда Тожикистон Республикаси Сўғд вилоятлари ҳокимликлари билан тиббиёт туризмини ривожлантириш бўйича қўшма лойиҳалар ишлаб чиқиш.

3. Санаторийлар фаолияти ва кўрсатилаётган хизматларни кенг тарғиб қилиш учун қўшни республикаларнинг ОАВ ва блогерларини жалб қилиш.

Маҳаллий бюджет маблағлари

2024 йил октябрдан бошлаб доимий

Фарғона вилояти ҳокимлиги,

Туризм қўмитаси

9.

Намунали хизмат кўрсатаётган сиҳатгоҳларни тақдирлаб бориш.

Амалий-чора тадбирлар.

-

2024 йил октябрдан бошлаб доимий

Фарғона вилояти ҳокимлиги

10.

«Ипак йўлида туризм» Тошкент халқаро туризм ярмаркасида тиббий туризм кўргазма павильонини ташкил қилиш ҳамда вилоятдаги мавжуд санаторий-курорт зоналари, соғломлаштириш ва тиббий туризм ташкилотлари иштирокини таъминлаш.

Амалий чора-тадбирлар.

Маҳаллий бюджет маблағлари

2024 йилдан бошлаб ҳар йили ноябрь-декабрь

Фарғона вилояти ҳокимлиги,

Туризм қўмитаси

11.

Санаторий, санаторий типидаги меҳмонхоналар ва соғломлаштириш марказларида босқичма-босқич очиқ ва ёпиқ сузиш ҳавзалари, сауна, фитнес спорт майдонлари (баскетбол, теннис ва волейбол) ва болалар майдончаларини ташкил қилиш.

Амалий чора-тадбирлар.

Маҳаллий бюджет ва инвесторлар маблағлари

2025-2026 йиллар давомида

Фарғона вилояти ҳокимлиги,

манфаатдор вазирлик ва идоралар

12.

Хорижий ҳамда маҳаллий мутахассисларни жалб қилган ҳолда курорт зоналардаги санаторийлар ходимлари малакасини ошириш.

Амалий чора тадбирлар.

Маҳаллий бюджет маблағлари

2025-2026 йиллар давомида

Фарғона вилояти ҳокимлиги
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
2ж-ИЛОВА
2025-2026 йилларда Тошкент вилоятининг Зангиота ва Тошкент туманларида замонавий талаблар асосида санаторий-курорт зоналарини ташкил қилиш бўйича
ЧОРА-ТАДБИРЛАР ДАСТУРИ

Т/р

Чора-тадбир номи

Амалга ошириш механизмлари

Молиялаштириш манбаи

Амалга ошириш муддати

Масъул вазирлик ва идоралар

1.

Зангиота ва Тошкент туманларида замонавий талаблар асосида санаторий-курорт зоналарини (кейинги ўринларда — курорт зона) ташкил этиш бўйича ҳудудни белгилаш.

1. Туманлар имкониятларини ўрганиш.

2. Ўрганиш натижасига асосан курорт зона ташкил этиладиган имкониятлар юқори бўлган ҳудудни белгилаш.

3. Тегишли ташкилотлар билан белгиланган ҳудудда санаторий-курорт зонасини ташкил қилиш юзасидан келишиш.

-

2024 йил декабрь

Тошкент вилояти ҳокимлиги,

Зангиота ва Тошкент туманлари ҳокимликлари,

манфаатдор вазирлик ва идоралар

2.

Курорт зона ташкил этиладиган ҳудуднинг заруратга кўра ер майдони тоифасини ўзгартириш.

Ер майдони тоифасини ўзгартириш бўйича ўрнатилган тартибда Ҳукумат комиссиясига таклиф киритиш.

-

2025 йил январь

Тошкент вилояти ҳокимлиги,

Зангиота ва Тошкент туманлари ҳокимликлари

3.

Курорт зоналар ҳудудида ташкил қилинадиган хизмат кўрсатиш объектлари лойиҳаси (мастер режаси)ни ишлаб чиқиш.

Амалий чора-тадбирлар.

Маҳаллий бюджет маблағлари ва қонунчилик ҳужжатлари билан тақиқланмаган манбалар

2025 йил январь — май

Тошкент вилояти ҳокимлиги,

Қурилиш ва уй-жой коммунал хўжалиги вазирлиги

4.

Курорт зоналар имкониятлари тўғрисида «роуд-шоу»ларни ташкил қилиш.

Амалий чора-тадбирлар.

Маҳаллий бюджет маблағлари ва қонунчилик ҳужжатлари билан тақиқланмаган манбалар

2025 йил давомида

Тошкент вилояти ҳокимлиги,

Туризм қўмитаси,

Инвестициялар, саноат ва савдо вазирлиги

5.

Зангиота ва Тошкент туманларида курорт зоналарни ташкил этиш.

1. Курорт зоналар ташкил этиладиган имкониятлар юқори ҳудудларни белгилаш.

2. Тегишли ташкилотлар билан белгиланган ҳудудда курорт зоналарни ташкил қилиш юзасидан келишиш.

Маҳаллий бюджет маблағлари

2025 йил давомида

Тошкент вилояти ҳокимлиги

6.

Курорт зонада ташкил қилинадиган хизмат кўрсатиш объектлари лойиҳасини ишлаб чиқиш ва инвесторларга тақдим қилиш.

Амалий чора тадбирлар.

Маҳаллий бюджет маблағлари

2025 йил давомида

Тошкент вилояти ҳокимлиги

7.

Зангиота ва Тошкент туманларида мастер режага асосан танлаб олинган объект ер майдонини белгиланган тартибда «E-auksion» платформасига жойлаштириш.

Амалий чора тадбирлар.

-

2025 йил январь — август

Тошкент вилояти ҳокимлиги

8.

Санаторий-курорт зоналар ташкил этиладиган ҳудудни зарур инфратузилма ва коммуникация тармоқлари билан таъминлаш.

Инфратузилма ва коммуникация билан боғлиқ масалаларни маҳаллий ҳамда республика даражасидаги дастурларга киритиш.

Маҳаллий бюджет маблағлари

2024 йилдан доимий

Тошкент вилояти ҳокимлиги

9.

Зангиота ва Тошкент туманларидаги санаторий, санаторий типидаги меҳмонхоналар ва соғломлаштириш марказларида босқичма-босқич очиқ ва ёпиқ сузиш ҳавзалари, сауна, фитнес спорт майдонлари (баскетбол, теннис ва волейбол) ва болалар майдончаларини ташкил қилиш.

Амалий чора-тадбирлар.

Маҳаллий бюджет ва инвесторлар маблағлари

2025-2026 йил давомида

Тошкент вилояти ҳокимлиги

10.

Қозоғистон ва Тожикистон Республикаларида тарғибот ишларини олиб бориш.

Амалий чора-тадбирлар.

Маҳаллий бюджет маблағлари

Доимий

Тошкент вилояти ҳокимлиги

11.

Ташкил этилган курорт зоналар имкониятларини кенг тарғиб қилиш учун хорижий ва маҳаллий ОАВ вакиллари ва блогерлар учун инфотурлар ташкил этиш.

Амалий чора-тадбирлар.

Маҳаллий бюджет маблағлари

Доимий

Тошкент вилояти ҳокимлиги
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
3-ИЛОВА
Тиббиёт ва соғломлаштириш муассасаларининг шифокорлари томонидан бепул тиббий диагностика хизматларини ташкил қилиш билан боғлиқ харажатлари қоплаб бериладиган хорижий мамлакатлар
РЎЙХАТИ

Т/р

Мамлакат номи

Туман (шаҳар) номи

1.

Қозоғистон Республикаси

Остона шаҳри

Туркистон шаҳри

Олмаота шаҳри

Чимкент шаҳри

Қарағанда шаҳри

2.

Қирғиз Республикаси

Бишкек шаҳри

Ўш шаҳри

Жалолобод шаҳри

3.

Тожикистон Республикаси

Душанбе шаҳри

Панжикент тумани

Хўжанд шаҳри

Бохтар шаҳри

4.

Туркманистон Республикаси

Ашхобод шаҳри

Аннау шаҳри

Болқонобод шаҳри

Туркманобод шаҳри
Ўзбекистон Республикаси Президентининг 2024 йил 23 сентябрдаги ПҚ-335-сон қарорига
4-ИЛОВА
2024 — 2027 йилларда тиббиёт ва соғломлаштириш туризмини янада ривожлантириш бўйича
МАҚСАДЛИ КЎРСАТКИЧЛАР

Кўрсаткичлар

2024 йил

2025 йил

2026 йил

2027 йил

Даволаниш мақсадида ташриф буюрувчилар сони (нафар)

120 000

230 000

350 000

480 000

Тиббий туризм экспорти сони (млн АҚШ долларида)

130,9

220,5

360,4

495,0
(Қонунчилик маълумотлари миллий базаси, 25.09.2024 й., 07/24/335/0746-сон)