«Ўзбекистон Республикасида мулкни давлат тасарруфидан чиқариш ва хусусийлаштириш жараёнини янада ривожлантиришнинг устувор йўналишлари тўғрисида» 1994 йил 15 мартдаги ПФ-789-сон Фармонга мувофиқ ташкил этилган Республика кўчмас мулк биржасининг самарали фаолият кўрсатишини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Давлат мулки қўмитаси манфаатдор вазирликлар, идоралар билан биргаликда:

тугалланмаган қурилиш объектларини ҳам ўз ичига олувчи республика ва минтақавий кўчмас мулк бозорларини шакллантириш тартибини белгиланган тартибда бир ой муддатда ишлаб чиқсин ва тасдиқласин;

давлат тасарруфидан чиқариш ва хусусийлаштиришнинг давлат, тармоқ ва минтақавий дастурларидан келиб чиққан ҳолда кўчмас мулк объектларининг сотувга қўйилишини таъминласин;

кўчмас мулк бозори мутахассисларини тайёрлаш ва уларнинг малакасини оширишни ташкил этсин;

биржа савдолари, танловлар, кимошди савдолари орқали хусусийлаштиришнинг ва давлат тасарруфидан чиқаришнинг боришини оммавий ахборот воситаларида мунтазам ёритиб борсин;

кўчмас мулк бозорини шакллантиришга ва унинг фаолиятига доир илмий, услубий, ўқув ва оммабоп адабиётларни таржима чоп этиш ва тарқатиш ишларини ташкил қилсин.

2. Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари жойларда Республика кўчмас мулк биржаси брокерлик ва идораларининг бўлимларини ташкил этишда ҳамда жойлаштиришда амалий ёрдам кўрсатсинлар.

3. Давлат мулки қўмитасининг иловага мувофиқ кимошди савдосида ва танловларда сотиладиган давлат мулкига ҳақ тўлаш, уларни тақсимлаш ва улардан фойдаланиш тартиби тўғрисидаги Вақтинчалик низомни тасдиқлаш ҳақидаги таклифи қабул қилинсин.

5. Ўзбекистон Республикаси Марказий банкига бир ой муддатда кўчмас мулк операциялари бўйича юридик ва жисмоний шахслар ўртасида нақд пул билан ва нақд пулсиз шаклдаги ҳисоб-китобларнинг қоидасини ишлаб чиқиш ва белгилаш тавсия этилсин.

6. Республика кўчмас мулк биржаси Тошкент шаҳар, Навоий кўчасидаги 7-уйга жойлаштирилсин.

«Ўзулгуржибиржасавдо» уюшмаси (Шаронов) Республика кўчмас мулк биржасининг фаолият кўрсатиши учун зарур шарт-шароитлар яратсин, унинг талабномаларига биноан зарур жиҳозлар ва асбоб-ускуналар ажратсин.

7. Ўзбекистон Республикаси Адлия вазирлиги Республика кўчмас мулк биржаси ва унинг бўлимлари ҳузурида нотариуслар ишини ташкил этсин.

8. Ўзбекистон Республикаси Алоқа вазирлиги Республика кўчмас мулк биржаси ва унинг бўлимлари талабномаларига биноан уларни зарур, шу жумладан ихтисослаштирилган алоқа воситалари билан таъминласин.

9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари В.А. Чжен зиммасига юклатилсин.

1. Мазкур Низом кимошди савдосида, танловлар (кейинги ўринларда –– кимошди савдосида сотиладиган давлат мулкига ҳақ тўлаш, уларни тақсимлаш ва улардан фойдаланиш тартибини белгилайди.

2. Хусусийлаштириш объектларини кимошди савдосида сотишдан олинган маблағлар кимошди садоси қатнашчиларининг хусусийлаштириш объектлари билан олдиндан танишганликлари учун улардан тушадиган пул маблағлари, кимошди савдосида чипталар сотиш, ғолиб объектни сотиб олишни рад этган тақдирда белгиланган тартибда қайтарилмаган гаров суммаси ҳамда бевосита объектларни сотиш ҳисобига шаклланади.

3. Кимошди савдоси натижалари тўғрисидаги якуний баённома имзолангандан кейин кечи билан 10 кун муддатда сотувчи билан харидор ўртасида амалдаги қонун ҳужжатларига мувофиқ олди-сотди шартномаси имзоланиши керак.

4. Кимошди савдоси якунлари бўйича тузиладиган олди-сотди шартномасида қуйидагилар кўрсатилади:

сотилган объектнинг номи;

объектнинг нархи;

объектни мулкнинг янги эгасига бериш тартиби;

харидорнинг ҳисоб-китоб қилиш шакли ва муддатлари;

бошқа маълумотлар.

5. Сотиб олинадиган объект учун сумманинг ҳаммаси илова қилинаётган тартибга (1-илова) мувофиқ харидор томонидан Давлат мулки қўмитасининг махсус счётига ўтказилади.

6. Объектнинг тўлиқ қиймати тўлаб бўлингандан хамда Давлат мулки қўмитаси, унинг ҳудудий бошқармаси томонидан Давлат ордери берилгандан кейин харидор объектнинг мулк эгаси ҳуқуқига эга бўлади.

Объект қийматини бўлиб-бўлиб тўлаш шарти билан сотилган тақдирда эгалик қилувчи биринчи бадални тўлагандан кейин Давлат мулки қўмитаси унга объектни бошқариш ва ундан фойдаланиш ҳуқуқини берувчи вақтинчалик гувоҳнома беради.

11. Биржа юридик шахс ҳисобланади, мустақил балансга, ҳисоб-китоб, валюта ва бошқа счётларга, рўйхатдан ўтказилган фирма белгисига, ўз номи ёзилган думалоқ муҳрга ва босма иш қоғозларига эга бўлади.

12. Биржанинг даромадлари биржа йиғимлари, аъзолик бадаллари, кимошди савдосини ўтказишдан олинган даромадлар ҳамда кўрсатиладиган хизматлар учун бошқа тушумлар ҳисобига шаклланади.

13. Биржанинг даромадлари биржа ходимларига меҳнат ҳақи тўлаш ва уларни моддий рағбатлантириш, биржанинг моддий техника негизини кенгайтириш ва унинг фаолиятини такомиллаштириш билан боғлиқ харажатларни қоплашга сарфланади.

14. Кимошди савдосида объектларни сотувчилар ва харидорларнинг жавобгарлиги амалдаги қонун ҳужжатларига мувофиқ улар ўртасида тузилган олди-сотди шартномасида назарда тутилади.

Давлат мулки қўмитаси томонидан ўтказиладиган, кимошди савдоларида жисмоний ёки юридик шахслар томонидан сотиб олинадиган объектлар учун тўловлар қуйидаги тартибда амалга оширилади:

1. Объектни дастлабки баҳолаш қийматининг 10 фоизи миқдоридаги маблағ кимошди савдосини ўтказишга қадар гаров пули сифатида тўланади.

6. Сотиб олиш суммаси ўз вақтида тўланмаган тақдирда харидор гаровдан ташқари тўланган сумманинг ярмини тўлаган ҳолда объектга эгалик қилиш ҳуқуқидан маҳрум этилади

7. Тўлашга қодир эмаслик туфайли харидор томонидан сотиб олинмаган объект кимошди савдосига такроран қўйилади ёки Давлат мулк қўмитасининг қарорига биноан олдинги мулкдорга қайтарилади.

8. Кимошди савдоларида сотиладиган мулкчиликнинг давлатга тегишли бўлмаган шаклидаги объектларни сотиб олиш шартлари ва муддатларини мулкдор томонидан объектни сотиш талабномаси берилганда белгиланади.

9. Кимошди савдоларида объектларни эркин алмаштириладиган валютага сотиш тартиби белгиланган тартибда тасдиқланган махсус низом билан тартибга солинади.