[
ОКОЗ:1.13.00.00.00 Таълим. Фан. Маданият / 13.03.00.00 Маданият / 13.03.13.00 Кинематография]
[
ТСЗ:1.Ижтимоий-маданий масалалар / Маданият]
Ўзбекистон Республикаси Вазирлар Маҳкамасининг
Ўзбекистон Республикаси ҳудудида ўз фильмларини яратишда хорижий кинокомпанияларга харажатларининг бир қисмини қайтариш («rebate») тартиби тўғрисидаги низомни тасдиқлаш ҳақида
Ўзбекистон Республикаси Президентининг «Ўзбекистон Республикасида туризм соҳасини янада ривожлантириш чора-тадбирлари тўғрисида» 2019 йил 13 августдаги ПФ-5781-сон
Фармони ижросини таъминлаш ҳамда хорижий кинокомпаниялар, киностудиялар ва бошқа кино ташкилотларининг мамлакат ҳудудида ўз фильмларини яратишлари учун қулай шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси ҳудудида ўз фильмларини яратишда хорижий кинокомпанияларга харажатларининг бир қисмини қайтариш («rebate») тартиби тўғрисидаги Низом
иловага мувофиқ тасдиқлансин.
2. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Туризмни ривожлантириш давлат қўмитаси раиси А.А. Абдуҳакимов ва «Ўзбеккино» Миллий агентлиги бош директори Ф.Ф. Абдухаликов зиммасига юклансин.
Ўзбекистон Республикасининг Бош вазири А. АРИПОВ
Вазирлар Маҳкамасининг 2020 йил 19 сентябрдаги 568-сон
қарорига ИЛОВА
Ўзбекистон Республикаси ҳудудида ўз фильмларини яратишда хорижий кинокомпанияларга харажатларининг бир қисмини қайтариш («rebate») тартиби тўғрисидаги
1. Мазкур Низом Ўзбекистон Республикаси ҳудудида ўз фильмларини яратишда хорижий кинокомпанияларга харажатларининг бир қисмини қайтариш («Rebate») тартибини белгилайди.
2. Хорижий кинокомпанияларга харажатларининг бир қисми Ўзбекистон Республикаси Давлат бюджети маблағлари ҳисобидан республика ҳудудида амалга оширилган ҳаражатларнинг 20 фоизи миқдорида қайтарилади.
Бироқ хорижий кинокомпания томонидан ҳар бир фильмни ишлаб чиқариш учун сарфланган ҳаражатларнинг қайтариладиган қисми 300 минг АҚШ долларидан ортиқ бўлмайди.
3. «Ўзбеккино» Миллий агентлиги хорижий кинокомпанияларга ҳаражатлар қисмини қайтаришни мувофиқлаштирувчи масъул давлат органи ҳисобланади.
4. Ўзбекистон Республикаси Молия вазирлиги хорижий кинокомпанияларга ҳаражатлар қисмини қайтариш тўғрисида қарор қабул қилувчи ҳамда қайтарилишини таъминловчи масъул давлат органи ҳисобланади.
5. Хорижий кинокомпанияларга ҳаражатлар қисмини қайтариш ушбу Низомга
иловага мувофиқ схема бўйича амалга оширилади.
6. Мазкур Низомда қуйидаги асосий тушунчалардан фойдаланилади:
фильм — бадиий тўлиқ метражли, бадиий қисқа метражли, ҳужжатли ва хроникал, илмий-оммабоп, бадиий-публицистик, мультипликацион аудиовизуал маҳсулот, ижтимоий видеороликлар, кино, теле ва видеофильм, клип, мультфильм, анимелар.
хорижий кинокомпания — ўз маблағлари ва/ёки Ўзбекистон Республикасидаги манбалар билан боғлиқ бўлмаган молиявий маблағлар ҳисобидан республика ҳудудида фильмларни ишлаб чиқарувчи хорижий кинокомпания, киностудия ва бошқа кино ташкилоти.
7. Хорижий кинокомпания Ўзбекистон Республикаси ҳудудида фильмларни суратга олиш учун Вазирлар Маҳкамасининг 2012 йил 12 июндаги «Хорижий кинокомпаниялар томонидан Ўзбекистон Республикаси ҳудудида фильмларни кино ва видео тасвирга олиш тартиби тўғрисида»ги 169-сон
қарори талаблари асосида «Ўзбеккино» Миллий агентлигидан рухсатнома олади.
8. «Ўзбеккино» Миллий агентлиги Хорижий кинокомпания билан Ўзбекистон Республикаси ҳудудида фильмларни суратга олишда ҳамкорлик қилиш, кўмаклашиш ва шарт-шароитлар яратиш бўйича томонлар манфаатларини инобатга олган ҳолда ўзаро келишув асосида Меморандум имзолайди.
9. Ўзбекистон Республикасидаги тижорат банклари хорижий кинокомпания сўровига ҳамда «Ўзбеккино» Миллий агентлиги томонидан берилган рухсатномага асосан беш кун ичида махсус ҳисоб рақами очади.
Бунда хорижий кинокомпания сўровни хат кўринишида «Ўзбеккино» Миллий агентлиги томонидан берилган рухсатнома нусҳасини илова қилган ҳолда кинокомпания ҳақидаги маълумотларни (компания номи, фильм номи, суратга олиш даври ва сарф этиш режалаштирилган пул маблағнинг тахминий ҳажми) акс эттириб юборади.
Махсус ҳисоб рақам хорижий кинокомпаниянинг Ўзбекистон Республикаси ҳудудидаги ҳисоб рақами ҳисобланиб, ўз фильмларини суратга олиш учун зарур бўладиган пул маблағларини ушбу ҳисоб рақамга жойлаштиради.
Хорижий кинокомпания Ўзбекистон Республикаси ҳудудида ўз фильмларини суратга олишни тижорат банкларида очилган махсус ҳисоб рақамидаги пул маблағларидан фойдаланган ҳолда амалга оширади.
Хорижий кинокомпания махсус ҳисоб рақамидаги пул маблағларидан фақатгина Ўзбекистон Республикаси ҳудудида маҳаллий юридик ва жисмоний шахслар хизматлари учун ҳақ тўлашда фойдаланиши ва сарф этиши мумкин.
10. «Ўзбеккино» Миллий агентлиги хорижий кинокомпания томонидан Ўзбекистон Республикаси ҳудудида фильмни суратга олиш ишларида барча қулай шарт-шароитларни яратади ва кўмаклашади.
«Ўзбеккино» Миллий агентлиги давлат ва нодавлат ташкилотлар билан биргаликда республика ҳудудида ижарага бериладиган давлат мулки объектлари, кўрсатиладиган давлат хизматлари, хизмат кўрсатувчи маҳаллий корхона ва ташкилотлар, тадбиркорлик субъектлари, кинематография соҳасида фаолият кўрсатаётган мутахассислар рўйҳатларини шакллантиради, мурожаатлар бўлганда рўйҳатни доимий равишда кенгайтириб, тўлдириб боради ҳамда электрон маълумотлар базасини яратади.
Электрон маълумотлар базаси очиқ ҳолда Интернет тармоғига жойлаштирилади ҳамда хорижий кинокомпаниялар учун ўз фильмларини Ўзбекистон Республикаси ҳудудида суратга олиш ишларини юқори савияда ташкил қилишда қўшимча маълумот сифатида хизмат қилади.
11. «Ўзбеккино» Миллий агентлиги томонидан республика ҳудудида фильмларни суратга олиш учун хорижий кинокомпанияга берилган рухсатнома муддати якунланганидан сўнг (рухсатнома муддати узайтирилмаган тақдирда) фильмни суратга олиш ишлари якунланган ҳисобланади.
12. «Ўзбеккино» Миллий агентлиги суратга олиш ишлари якунланганидан сўнг бу ҳақда хорижий кинокомпаниянинг махсус ҳисоб рақами очилган тижорат банкига хабар беради.
13. Тижорат банки суратга олиш ишлари якунланганлиги ҳақидаги хабарни олгандан сўнг уч кун муддатда махсус ҳисоб рақамда фильмни суратга олиш даврида амалга оширилган молиявий операциялар ҳақидаги маълумотларни Хорижий кинокомпанияга тақдим этади.
14. Хорижий кинокомпания молиявий операциялар ҳақидаги маълумотларни ҳаражатлар қисмини қайтариш ҳақидаги хатга илова қилган ҳолда «Ўзбеккино» Миллий агентлигига тақдим этади.
Бунда хатда фильмни суратга олишда сарф этилган ҳаражатлар ҳақида умумий маълумотлар (сарф этилган жами маблағ, шундан товар ва хизматлар сотиб олиш учун сарфланган, республиканинг ҳудудлари кесимида сарфланган маблағлар, нақд пулсиз сарфланган маблағлар ҳақида молиявий ҳужжатлар, келишувлар ва бошқалар) акс эттирилади.
15. «Ўзбеккино» Миллий агентлиги уч кун муддатда махсус ҳисоб рақамда амалга оширилган молиявий операциялар ҳақидаги маълумотларни Молия вазирлигига ҳаражатлар қисмини қайтариш учун тақдим этади.
16. Молия вазирлиги ҳаражатлар қисмини қайтариш учун тақдим этилган ҳужжатларни ўрганган ҳолда ўн кун ичида қуйидаги қарорларни қабул қилишга ҳақли:
а) ҳаражатларнинг 20% миқдорини қайтариш;
б) ҳаражатларни қайтармаслик.
Бунда, Молия вазирлиги қабул қилинган қарорга изоҳ (шарҳ) келтиради ҳамда «Ўзбеккино» Миллий агентлиги ва Хорижий кинокомпанияни таништиради.
Ҳаражатлар қисмини қайтариш учун тақдим этилган ҳужжатларни ўрганишда Хорижий кинокомпания томонидан фильмни суратга олиш ишлари учун сарфланган пул маблағларидан мақсадли ва самарали фойдаланилганлиги, хизмат кўрсатган маҳаллий ташкилотлар амалдаги қонунчилик ҳужжатлари талабларига мувофиқ тарзда фаолият кўрсатганлиги ва бошқа шу каби молиявий масалалар таҳлил қилинади.
(16-банд «б» кичик бандининг учинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли
қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
17. Молия вазирлиги ҳаражатлар қисмини қайтариш ҳақида қарор қабул қилган тақдирда қайтариладиган пул маблағлари қарор қабул қилинган кундан сўнг ўн кун ичида махсус ҳисоб рақамга ўтказиб берилади.
18. Тижорат банки беш кун ичида махсус ҳисоб рақамдаги барча (қолдиқ ва қайтарилган маблағ) пул маблағларини Хорижий кинокомпаниянинг сўровига асосан тегишли ҳисоб рақамга ўтказиб беради.
19. «Ўзбеккино» Миллий агентлиги кинематография соҳасидаги давлат органи сифатида Хорижий кинокомпаниянинг Ўзбекистон Республикаси ҳудудида ўз фильмларини суратга олишида маҳаллий давлат ва нодавлат ташкилотлар билан ҳамкорлигини мувофиқлаштиради ҳамда кўмаклашади.
20. «Ўзбеккино» Миллий агентлиги Хорижий кинокомпаниялар билан ҳамкорлик қилишда ҳамда уларга қулай шарт-шароитлар яратишда Ўзбекистон Республикаси манфаатлари нуқтаи назаридан фаолият олиб боради.
21. Ўзбекистон Республикаси ҳудудида ўз фильмларини яратиши учун Давлат бюджетидан маблағ ажратилган хорижий кинокомпаниялар рўйхати (реестри) «Ўзбеккино» Миллий агентлигининг веб-сайтига жойлаштирилади.
22. Давлат бюджетидан ажратилган маблағлар тўғрисидаги маълумот ҳар ой якуни бўйича янгиланиб борилади ҳамда йиллар ва давлатлар кесимида акс эттирилади.
23. Ўзбекистон Республикаси ҳудудида ўз фильмларини яратиши учун молиялаштириш мақсадида хорижий кинокомпаниялар томонидан тақдим этилган маълумотлар ва ҳужжатларнинг тўғрилигига тегишли хорижий кинокомпаниялар масъул ҳисобланади.
24. «Ўзбеккино» Миллий агентлиги Ўзбекистон Республикаси ҳудудида ўз фильмларини яратиши учун молиялаштириш ишларини ташкил этиш, Давлат бюджетидан ажратилган маблағларнинг хорижий кинокомпанияларга етказилишини мувофиқлаштириш ва мониторинг қилиш юзасидан масъул ҳисобланади.
25. Ўзбекистон Республикаси Давлат бюджетидан маблағларнинг ажратилиши ва хорижий кинокомпанияларга етказилишини Давлат молиявий назорати инспекцияси назорат қилади.
(25-банд Ўзбекистон Республикаси Вазирлар Маҳкамасининг 2025 йил 1 мартдаги 135-сонли
қарори таҳририда — Қонунчилик маълумотлари миллий базаси, 03.03.2025 й., 09/25/135/0208-сон)
26. Мазкур Низом талабларига риоя этиш устидан назорат «Ўзбеккино» Миллий агентлиги ҳамда тегишли вазирликлар ва идоралар томонидан олиб борилади.
27. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.
(27-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли
қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
28. Мазкур Низом талаблари бузилишида айбдор бўлган юридик ва жисмоний шахслар Ўзбекистон Республикаси қонунчилик ҳужжатларига мувофиқ жавоб берадилар.
(28-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли
қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Ўзбекистон Республикаси ҳудудида ўз фильмларини яратишда хорижий кинокомпанияларга харажатларининг бир қисмини қайтариш («rebate») тартиби тўғрисидаги
низомгаИЛОВА
Ўзбекистон Республикаси ҳудудида фильмларни яратишда хорижий кинокомпанияларга ҳаражатларининг бир қисмини қайтариш («Rebate»)
|
Субъект |
Чора-тадбир |
Бажариш муддати |
|
|
|
|
|
Хорижий кинокомпания |
Вазирлар Маҳкамасининг 2012 йил 12 июндаги 169-сон қарори талаблари асосида «Ўзбеккино» Миллий агентлигидан рухсатнома олади |
Қарорда белгиланган муддатларда |
|
|
|
|
|
«Ўзбеккино» Миллий агентлиги |
Хорижий кинокомпания билан Ўзбекистон Республикаси ҳудудида фильмларни суратга олишда ҳамкорлик қилиш, кўмаклашиш ва шарт-шароитлар яратиш бўйича Меморандум имзолайди |
Рухсатнома олинган кундан бошлаб 3 кун ичида |
|
|
|
|
|
Хорижий кинокомпания |
«Ўзбеккино» Миллий агентлигидан олинган рухсатнома нусҳасини тижорат банкига махсус ҳисоб рақам очиш учун тақдим этади |
Ихтиёрий равишда |
|
|
|
|
|
Тижорат банки |
Хорижий кинокомпанияга пул маблағларини Ўзбекистон Республикаси ҳудудига олиб кириши учун ҳисоб-рақами очади |
5 кун ичида |
|
|
|
|
|
«Ўзбеккино» Миллий агентлиги |
Республикадаги хизмат кўрсатувчи давлат ва нодавлат юридик ва жисмоний шахслар рўйҳатини хорижий кинокомпанияга тақдим этади |
3 кун ичида |
|
|
|
|
|
«Ўзбеккино» Миллий агентлиги |
Суратга олиш ишлари (рухсатнома муддати узайтирилмаган тақдирда) якунлангани ҳақида тижорат банкига хабар беради |
Рухсатнома муддатига асосан |
|
|
|
|
|
Тижорат банки |
Тижорат банки хабарни олгандан сўнг махсус ҳисоб рақамда фильмни суратга олиш даврида амалга оширилган молиявий операциялар ҳақидаги маълумотларни Хорижий кинокомпанияга тақдим этади. |
3 кун ичида |
|
|
|
|
|
Хорижий кинокомпания |
Хорижий кинокомпания амалга оширилган ҳаражатлар ҳақидаги маълумотларни «Ўзбеккино» Миллий агентлигига тақдим этади. |
1 кун ичида |
|
|
|
|
|
«Ўзбеккино» Миллий агентлиги |
Махсус ҳисоб рақамда амалга оширилган молиявий операциялар ҳақидаги маълумотларни Молия вазирлигига ҳаражатлар қисмини қайтариш учун тақдим этади. |
3 кун ичида |
|
|
|
|
|
Молия вазирлиги |
«Ўзбеккино» Миллий агентлиги томонидан юборилган молиявий ҳужжатларни ўрганиб чиқади ҳамда ҳаражатларнинг бир қисмини қайтариш (ёки қайтармаслик) ҳақида қарор қабул қилади |
10 кун ичида |
|
|
|
|
|
Молия вазирлиги |
Ҳаражатлар қисмини қайтариш ҳақида қарор қабул қилган тақдирда қайтариладиган пул маблағларини махсус ҳисоб рақамга ўтказиб берилади |
10 кун ичида |
|
|
|
|
|
Тижорат банки |
Махсус ҳисоб рақамдаги барча (қолдиқ ва қайтарилган маблағ) пул маблағларини Хорижий кинокомпаниянинг сўровига асосан тегишли ҳисоб рақамга ўтказиб беради. |
5 кун ичида |
(Қонун ҳужжатлари маълумотлари миллий базаси, 19.09.2020 й., 09/20/568/1303-сон; Қонунчилик маълумотлари миллий базаси, 05.04.2022 й., 09/22/153/0266-сон; 06.08.2022 й., 09/22/431/0716-сон; 03.03.2025 й., 09/25/135/0208-сон)
