Ўзбекистон Республикаси Президентининг «Ўзбекистон Республикасида нақд хорижий валюта муомаласини тартибга солишга доир қўшимча чора-тадбирлар тўғрисида» 2002 йил 27 июндаги ПФ-3099-сон Фармонини бажариш юзасидан Вазирлар Маҳкамаси қарор қилади:

1. Ўзбекистон Республикаси Ҳукуматининг қарорларига 1-иловага мувофиқ ўзгартиришлар киритилсин.

3. Ўзбекистон Республикаси Адлия вазирлиги манфаатдор вазирликлар ва идоралар билан биргаликда бир ой муддатда идоравий норматив ҳужжатларни белгиланган тартибда мазкур қарорга мувофиқлаштирсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С.Азимов ва Ўзбекистон Республикаси Марказий банки раиси Ф.М.Муллажонов зиммасига юклансин.

1. Ўзбекистон Республикаси Вазирлар Маҳкамасининг «ЎзДЭУавто» АЖ маҳсулотини экспорт қилишни рағбатлантириш чора-тадбирлари тўғрисида» 1997 йил 17 июндаги 302-сон қарорининг 3-банди чиқариб ташлансин.

2. Ўзбекистон Республикаси Вазирлар Маҳкамасининг «Халқаро савдо-кўргазма комплексининг Бизнес-маркази биносидан фойдаланиш масалалари тўғрисида» 2000 йил 20 апрелдаги 156-сон қарорининг 5-банди чиқариб ташлансин.

3. Ўзбекистон Республикаси Вазирлар Маҳкамасининг «Валюта бозорини янада эркинлаштириш чора-тадбирлари тўғрисида» 2001 йил 22 июндаги 263-сон қарорининг (Ўзбекистон Республикаси ҚТ, 2001 й., 6-сон, 30-модда) 13-банди иккинчи хатбоши чиқариб ташлансин.

4. Ўзбекистон Республикаси Вазирлар Маҳкамасининг «Афғонистон ҳудудига тижорат юкларини ташишни ташкил этиш чора-тадбирлари тўғрисида» 2002 йил 31 январдаги 41-сон қарорининг (Ўзбекистон Республикаси ҚТ, 2002 й., 1-сон, 6-модда) 5-банди чиқариб ташлансин.