Норасмий таржима
Ўзбекистон Республикаси Вазирлар Маҳкамасининг
қарори
Давлат мулкидан самарали фойдаланиш бўйича қўшимча чора-тадбирлар тўғрисида
Давлат органларининг моддий-техник базасини мустаҳкамлаш, шунингдек давлат мулкидан самарали фойдаланишни таъминлаш мақсадида Вазирлар Маҳкамаси қарор қилади:
1. Ўзбекистон Республикаси Давлат рақобат қўмитаси, Молия вазирлиги, Иқтисодиёт вазирлигининг қуйидаги таклифларига розилик берилсин:
1-иловага мувофиқ рўйхатдаги объектларни оператив бошқарув ҳуқуқи асосида давлат органларига беғараз ўтказиш;
2-иловага мувофиқ рўйхатдаги объектларни баҳолаш ташкилоти томонидан белгиланадиган қиймат бўйича очиқ савдода сотиш.
2. Давлат рақобат қўмитаси бир ой муддатда:
мазкур қарорга 1-иловада кўрсатилган объектларни баҳолаш ташкилоти томонидан аниқланган қиймат бўйича тегишли давлат органларига топшириш, давлат органлари томонидан уларни қабул қилиш ва уларнинг келажакда сақланиши ҳамда самарали фойдаланилишини таъминласин.
ушбу қарорнинг 2-иловасида, шунингдек, Вазирлар Маҳкамасининг «Давлат мулкини самарали бошқариш чора-тадбирлари тўғрисида»ги 2014 йил 28 мартдаги 75-сон қарорининг 2-иловасида кўрсатилган объектларни белгиланган тартибда баҳолаш ва баҳоловчи ташкилот томонидан белгиланган нархда очиқ савдога қўйилишини таъминласин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2014 йил 2 май,
111-сон
Вазирлар Маҳкамасининг 2014 йил 2 майдаги 111-сон қарорига
1-ИЛОВА
Давлат органларига оператив бошқарув ҳуқуқи асосида беғараз бериладиган объектлар
РЎЙХАТИ

Т/р

Номи

Объектнинг жойлашган жойи


Бино ва иншоотларнинг майдони 1

Объектни қабул қилувчи давлат органининг номи

1.

2 қаватли маиший бино

Тошкент шаҳар,

Ҳамза тумани,

Боткина кўчаси, 110/11-уй

1 764 кв. м

Соғлиқни сақлаш вазирлиги

2.

Собиқ 273-сонли болалар боғчаси бино ва иншоотлари

Тошкент шаҳар,

Ҳамза тумани, Боткин кўчаси,

110-уй

2 606 кв. м

3.

Бир қаватли бино

Тошкент шаҳар,

Ҳамза тумани,  Боткин кўчаси,

110/А- уй

141 кв. м

4.

Эндокринология илмий-тадқиқот институтининг собиқ патологик-анатомик биноси

Тошкент шаҳар,

М. Улуғбек тумани, М. Улуғбек кўчаси,  56-уй

318 кв. м

6.

Қурилиши тугалланмаган 12 қаватли турар-жой биноси 2

Тошкент шаҳар,

Учтепа тумани, Чиланзор-30, 25-уй

6 091 кв. м

Тошкент шаҳар ҳокимлиги

7.

Қурилиши тугалланмаган турар-жой биноси 2

Тошкент шаҳар,

Миробод тумани,  Истикбол кўчаси,

18-уй

-

8.

«Манзарали боғдорчилик ва гулчилик» МЧЖнинг 100 фоиз давлат улуши

1) Аниқланиши лозим.
2) Қурилишнинг якунланиши, муҳандислик тармоқларига ва коммуникацияларга уланиши, маҳаллий бюджет маблағлари ва қонун ҳужжатларида тақиқланмаган бошқа манбалар ҳисобидан умумий фойдаланиш жойлари ва унга туташ ҳудудларни ободонлаштириш шарти билан.
Вазирлар Маҳкамасининг 2014 йил 2 майдаги 111-сон қарорига
2-ИЛОВА
Очиқ савдода сотилаётган объектлар
РЎЙХАТИ 1

Т/р

Объект номи

Объектнинг жойлашган жойи

Бино ва иншоотларнинг майдони  2

2.

Собиқ савдо дўкони биноси

Тошкент шаҳар,

Юнусобод тумани,

А. Темур кўчаси, 92-уй

603 кв. м

4.

Пойтахт бизнес-комплекси биносининг бир қисми

Тошкент шаҳар,

М. Улуғбек тумани,

Х. Алимжон майдони

(ғарбий томон)

244 кв. м

6.

2 қаватли бино

Тошкент шаҳар,

Яккасарой тумани,

Миробод кўчаси, 9А-уй

1 270 кв. м

7.

Собиқ «Зумрад» дўкони

Тошкент шаҳар,

Миробод тумани,

Т. Шевченко кўчаси, 31-уй

422 кв. м

8.

2-сон давлат мева-сабзавот харид савдо корхонасининг собиқ мулк комплекси 3

Тошкент шаҳар, Сергели тумани, Олтин Водий кўчаси, 2-берк кўча, 59-уй

48 254 кв. м

1) Сотилгунга қадар объектлар давлат мулки учун белгиланган ставкаларда, шу жумладан, илгари 2014 йил учун тегишли ижара шартномаларига эга бўлган ташкилотларга — фойдаланилмаётган давлат мулкини ижарага бериш ҳақида эълонларни даврий нашрларда, шунингдек, Давлат рақобат қўмитаси ва Савдо-саноат палатаси веб-саҳифаларида мажбурий эълон қилишсиз ижарага берилиши мумкин.
2) Аниқланиши лозим.
3) Объектлар функционал мақсадига қараб қисмларга бўлиб сотилиши мумкин.