Ўзбекистон Республикаси Вазирлар Маҳкамасининг
қарори
«Ангрен» эркин иқтисодий зонаси фаолиятини ташкил этиш чора-тадбирлари тўғрисида
(қарор номи Ўзбекистон Республикаси Вазирлар Маҳкамасининг 2017 йил 25 мартдаги 155-сонли қарори таҳририда — ЎР ҚҲТ, 2017 й., 13-сон, 207-модда)
Ўзбекистон Республикаси Президентининг «Ангрен» эркин иқтисодий зонасини барпо этиш тўғрисида» 2012 йил 13 апрелдаги ПФ-4436-сон Фармонини бажариш юзасидан Вазирлар Маҳкамаси қарор қилади:
(муқаддима Ўзбекистон Республикаси Вазирлар Маҳкамасининг 2017 йил 25 мартдаги 155-сонли қарори таҳририда — ЎР ҚҲТ, 2017 й., 13-сон, 207-модда)
(1-банд Ўзбекистон Республикаси Вазирлар Маҳкамасининг 2017 йил 10 апрелдаги 196-сонли қарорига асосан ўз кучини йўқотган — ЎР ҚҲТ, 2017 й., 15-сон, 252-модда)
2. Бошқарув ходимлари сони 8 нафар ва 3-иловага мувофиқ тузилмага эга бўлган «Ангрен» эркин иқтисодий зонаси дирекцияси (кейинги ўринларда «Ангрен» ЭИЗ дирекцияси деб аталади)» давлат унитар корхонаси ташкил этилсин.
(2-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 25 мартдаги 155-сонли қарори таҳририда — ЎР ҚҲТ, 2017 й., 13-сон, 207-модда)
Эркин иқтисодий зоналар ва кичик саноат зоналари фаолиятини мувофиқлаштирувчи Республика кенгашига «Ангрен» ЭИЗ ҳудудида амалга ошириладиган лойиҳалар сони кўпайишига қараб «Ангрен» ЭИЗ дирекцияси тузилмасига ва ходимлари сонига ўзгартиришлар киритиш ҳуқуқи берилсин.
(2-банднинг иккинчи хатбошиси Ўзбекистон Республикаси Вазирлар Маҳкамасининг 2018 йил 16 январдаги 29-сонли қарори таҳририда — Қонун ҳужжатлари маълумотлари миллий базаси, 18.01.2018 й., 09/18/29/0587-сон)
3. Белгилансинки, «Ангрен» ЭИЗ дирекцияси:
(3-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 25 мартдаги 155-сонли қарори таҳририда — ЎР ҚҲТ, 2017 й., 13-сон, 207-модда)
Ўзбекистон Республикаси Вазирлар Маҳкамаси томонидан таъсис этилади;
«Ангрен» ЭИЗ бюджети маблағлари ҳисобига таъминланади;
(3-банднинг учинчи хатбошиси Ўзбекистон Республикаси Вазирлар Маҳкамасининг 2017 йил 25 мартдаги 155-сонли қарори таҳририда — ЎР ҚҲТ, 2017 й., 13-сон, 207-модда)
Тошкент вилоятининг махсус иқтисодий зоналари ва кичик саноат зоналари Маъмурий кенгаши (кейинги ўринларда Маъмурий кенгаш деб аталади) томонидан қабул қилинган қарорларга мувофиқ «Ангрен» ЭИЗ қатнашчиларини рўйхатдан ўтказади;
(3-банднинг тўртинчи хатбошиси Ўзбекистон Республикаси Вазирлар Маҳкамасининг 2021 йил 29 декабрдаги 786-сонли қарори таҳририда — Қонунчилик маълумотлари миллий базаси, 29.12.2021 й., 09/21/786/1216-сон)
инвесторлар билан «Ангрен» ЭИЗ ҳудудида инвестициялаш тўғрисида битимлар, давлат эгалигидаги мол-мулкни нолга тенг харид қиймати бўйича сотиш тўғрисида Маъмурий кенгашининг қарорларига мувофиқ «Ангрен» ЭИЗ қатнашчиларини билан шартномалар тузади;
(2-банднинг бешинчи хатбошиси Ўзбекистон Республикаси Вазирлар Маҳкамасининг 2018 йил 16 январдаги 29-сонли қарори таҳририда — Қонун ҳужжатлари маълумотлари миллий базаси, 18.01.2018 й., 09/18/29/0587-сон)
ўз зиммасига қабул қилинган мажбуриятларнинг инвесторлар томонидан зарур тарзда бажарилишини назорат қилади, кейинчалик унинг натижаларини Маъмурий кенгашига тақдим этади;
(2-банднинг олтинчи хатбошиси Ўзбекистон Республикаси Вазирлар Маҳкамасининг 2018 йил 16 январдаги 29-сонли қарори таҳририда — Қонун ҳужжатлари маълумотлари миллий базаси, 18.01.2018 й., 09/18/29/0587-сон)
«Ангрен» ЭИЗ фаолиятини тезкор бошқариш бўйича бошқа функцияларни амалга оширади.
(3-банднинг еттинчи хатбошиси Ўзбекистон Республикаси Вазирлар Маҳкамасининг 2017 йил 25 мартдаги 155-сонли қарори таҳририда — ЎР ҚҲТ, 2017 й., 13-сон, 207-модда)
4. Ўзбекистон Республикаси Молия вазирлиги 2012-2013 йиллар даврида «Ангрен» ЭИЗ дирекцияси таъминоти учун, кейинги йилларда унинг ўзини ўзи молиялаштиришга ўтиши шарти билан, асосланган ҳисоб-китоблар бўйича Вазирлар Маҳкамасининг захира жамғармасидан маблағлар ажратсин.
(4-банд Ўзбекистон Республикаси Вазирлар Маҳкамасининг 2021 йил 29 декабрдаги 786-сонли қарори таҳририда — Қонунчилик маълумотлари миллий базаси, 29.12.2021 й., 09/21/786/1216-сон)
5. «Ангрен» МИЗ Маъмурий кенгаши бир ой муддатда «Ангрен» МИЗ дирекцияси уставини тасдиқлаш учун Вазирлар Маҳкамасига киритсин.
6. «Ангрен» ЭИЗ дирекцияси қуйидаги манзил бўйича Ангрен шаҳар ҳокимлиги биносида жойлаштирилсин: Тошкент вилояти, Ангрен шаҳри, Амир Темур кўчаси, 7-уй.
Тошкент вилояти ҳокимлиги «Ангрен» ЭИЗ дирекциясини кўрсатилган манзил бўйича хизмат хоналари билан бепул таъминласин.
(6-банд Ўзбекистон Республикаси Вазирлар Маҳкамасининг 2021 йил 29 декабрдаги 786-сонли қарори таҳририда — Қонунчилик маълумотлари миллий базаси, 29.12.2021 й., 09/21/786/1216-сон)
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С.Азимов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2012 йил 29 май,
146-сон
(1-илова Ўзбекистон Республикаси Вазирлар Маҳкамасининг 2017 йил 10 апрелдаги 196-сонли қарорига асосан ўз кучини йўқотган — ЎР ҚҲТ, 2017 й., 15-сон, 252-модда)
(2-илова Ўзбекистон Республикаси Вазирлар Маҳкамасининг 2016 йил 29 декабрдаги 418-сонли қарорига асосан ўз кучини йўқотган — ЎР ҚҲТ, 2017 й., 1-сон, 12-модда)
Вазирлар Маҳкамасининг 2012 йил 29 майдаги 146-сон қарорига
3-ИЛОВА
«Ангрен» эркин иқтисодий зонаси дирекциясининг
(3-илованинг номи Ўзбекистон Республикаси Вазирлар Маҳкамасининг 2017 йил 25 мартдаги 155-сонли қарори таҳририда — ЎР ҚҲТ, 2017 й., 13-сон, 207-модда)
ТУЗИЛМАСИ
Бошқарув ходимлари сони — 8 нафар.
(3-илова Ўзбекистон Республикаси Вазирлар Маҳкамасининг 2017 йил 25 мартдаги 155-сонли қарори таҳририда — ЎР ҚҲТ, 2017 й., 13-сон, 207-модда)
(Ўзбекистон Республикаси қонун ҳужжатлари тўплами, 2012 й., 22-сон, 243-модда; 2013 й., 35-сон, 469-модда; 2017 й., 1-сон, 12-модда; 13-сон, 207-модда; 15-сон, 252-модда, 18.01.2018 й., 09/18/29/0587-сон; Қонунчилик маълумотлари миллий базаси, 29.12.2021 й., 09/21/786/1216-сон)