Республика корхоналари ва ташкилотлари ўртасида бозор муносабатларини ривожлантириш ҳамда 1995 йилда озиқ-овқат ва ноозиқ-овқат халқ истеъмол товарлари харид қилиш бўйича шартнома алоқалари ўрнатилиши жараёнини тартибга солиш мақсадида Вазирлар Маҳкамаси қарор қилади:

1. Давлат баланслари ишлаб чиқиладиган ва тасдиқланадиган озиқ-овқат ва ноозиқ-овқат халқ истеъмол товарлари рўйхати 1-иловага мувофиқ тасдиқлансин.

2. «Ўзистиқболстат» давлат қўмитаси жорий йилнинг 10 ноябригача муддатда қуйидагиларни тасдиқлаш учун Вазирлар Маҳкамаси киритсин:

1995 йилга асосий озиқ-овқат ва ноозиқ-овқат товарлари баланслари;

номенклатура бўйича махсус олувчилар учун асосий озиқ-овқат ва ноозиқ-овқат товарларига бўлган эҳтиёж ҳисоб-китоби 2-иловага мувофиқ.

3. Ушбу қарорга 1 ва 2-иловаларда кўрсатилган озиқ-овқат ва ноозиқ-овқат товарларини ишлаб чиқариш ёки марказлаштирилган тартибда харид қилиш учун масъул бўлган вазирликлар, идоралар, корпорациялар, концернлар ва уюшмалар махсус олувчилар билан аниқ ишлаб чиқарувчилар ўртасида шартнома алоқалари ўрнатилишини, кўрсатиб ўтилган иловаларга кирмаган озиқ-овқат ва ноозиқ-овқат товарлари бўйича эса махсус олувчиларнинг буюртномалари бўйича етказиб берилишини таъминласинлар.

4. «Ўзбексавдо» уюшмаси (Файзиев), Ўзбекбирлашув» (Абдуғаниев) «Ўзулгуржибиржасавдо» уюшмаси (Шаронов)нинг 1994 йил 19 ноябрдан бошлаб озиқ-овқат ва ноозиқ-овқат товарлари харид қилиш ярмарка мавсуми очиш тўғрисидаги таклифлари қабул қилинсин.

Биринчи ярмаркалар товарлар гуруҳи бўйича 3-иловада мўлжалланган муддатларда ўтказилсин.

5. Вазирликлар ва идоралар, корпорациялар, концернлар ва уюшмалар:

корхоналар ва ташкилотларнинг, мулкчилик шаклларидан қатъи назар, ярмарка савдосида қатнашишларини таъминласинлар;

икки ҳафта муддатда ярмарка савдосига қўйиладиган товарлар рўйхатини, ҳажмларини кўрсатган ҳолда, маълумотнома-ахборот фонди тузиш ва каталоглари нашр этиш учун «Ўзулгуржибиржасавдо» уюшмасига тақдим этсинлар,

6. «Ўзбексавдо» давлат уюшмаси, Ўзбекбирлашув, «Ўзулгуржибиржасавдо» уюшмасига, савдо тармоғига эга бўлган вазирликлар ва идораларга республика аҳолисига сотиш учун озиқ-овқат ва ноозиқ-овқат товарларини улгуржи ярмаркадан харид қилиш тавсия қилинсин.

7. «Ўзулгуржибиржасавдо» уюшмаси ярмарка мавсумини муваффақиятли ўтказиш учун тайёргарлик ишлари мажмуини, шу жумладан, кенг реклама қилишни амалга оширсин.

«Ўздавтелерадио» компанияси (Яҳеев), ЎзА (Ҳазратқулов) биржа савдолари ўтказилишини оммавий ахборот воситаларида ёритишни таъминласинлар.

8. Ярмарка қўмитасининг таркиби 4-иловага мувофиқ тасдиқлансин.

9. Тошкент шаҳар ҳокимлиги (Тўлаганов) ярмаркага бошқа шаҳарлардан келган қатнашчиларни меҳмонхоналарда жойлар билан таъминласин.

10. Вазирлар Маҳкамасининг халқ истеъмол товарлари, савдо ва пулли хизмат кўрсатиш мажмуига бундан буён озиқ-овқат ва ноозиқ-овқат халқ истеъмол товарлари сотиш бўйича ярмаркаларнинг навбатдаги босқичларини ўтказиш муддатлари тўғрисида қарор қабул қилиш топширилсин.

11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари М.З.Усмонов зиммасига юклансин.