Ўзбекистон Республикаси Вазирлар Маҳкамасининг 2006 йил 18 июлдаги «Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисида»ги низомга ўзгартириш ва қўшимчалар киритиш» ҳақидаги 139-сонли қарорига асосан Ўзбекистон Республикаси Бош прокуратураси, Олий суди, Миллий хавфсизлик хизмати, Ички ишлар вазирлиги, Адлия вазирлиги, Мудофаа вазирлиги, Давлат божхона қўмитаси қарор қилади:

1. Тергов, суриштириш ва суд давомида жиноий ишлар ва материаллар бўйича ашёвий далиллар ва моддий бойликларни олиб қўйиш, ҳисобга олиш, сақлаш, бериш, сотиш, қайтариш, йўқ қилиб ташлаш тартиби тўғрисидаги йўриқнома* тасдиқлансин.

2. Мазкур қарор кучга кирган кундан бошлаб Ўзбекистон Республикаси Бош прокуратураси, Адлия вазирлиги, Ички ишлар вазирлиги, Олий суди, Миллий хавфсизлик хизмати, Мудофаа вазирлиги томонидан 1995 йил 23 мартда 14/1-3-сон билан тасдиқланган «Жиноят ишлари бўйича олинган ашёвий далиллар, ўқ отар қуроллар, моддий бойликлар ва бошқа мулкларни олиб қўйиш, ҳисобга олиш, сақлаш, бериш, йўқ қилиб ташлаш тартиби тўғрисида»ги йўриқнома ўз кучини йўқотган деб ҳисоблансин.

3. Ушбу қарор Ўзбекистон Республикаси Адлия вазирлигида давлат рўйхатидан ўтган кундан бошлаб ўн кундан сўнг кучга киради.