“Oʻzbekiston Respublikasida Kichik va oʻrta tadbirkorlikni rivojlantirishga koʻmaklashuvchi jamgʻapmani tashkil etish toʻgʻrisida”gi Farmonni ijro etish yuzasidan hamda iqtisodiy islohotlarni chuqurlashtirish, tadbirkorlik harakatini faollashtirish, isteʼmol bozorini toʻldirishdagi uning imkoniyatlaridan toʻlaroq foydalanish maqsadida Vazirlar Mahkamasi qaror qiladi:

1. Kichik va oʻrta tadbirkorlikni rivojlantirishga koʻmaklashuvchi jamgʻarma toʻgʻrisidagi Nizom 1-ilovaga, Jamgʻarma tashkiliy qoʻmitasi tarkibi 2-ilovaga* muvofiq tasdiqlansin.

2. Tashkiliy qoʻmita 10 kun muddatda:

taʼsis shartnomasi tuzishni;

Jamgʻarma Ustavini ishlab chiqishni va uni taʼsischilar va Jamgʻarma qatnashchilari konferensiyasida qabul qilinishini;

Jamgʻarma boshqaruvi va direksiyasini shakllantirishni taʼminlasin.

3. Oʻzbekiston Respublikasi Moliya vazirligi bir hafta muddatda Kichik va oʻrta tadbirkorlikni rivojlantirishga koʻmaklashuvchi jamgʻarma ustavida koʻrsatilgan vazifalarni amalga oshirish uchun uning tegishli bankdagi hisob schyotiga Vazirlar Mahkamasining zaxira fondidan 0,5 mlrd soʻm oʻtkazsin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi vazirliklari, davlat qoʻmitalari, konsernlari, korxonalari, tashkilotlari va xoʻjaliklari Jamgʻarmaning kichik va oʻrta tadbirkorlikni rivojlantirish, bozor infrastrukturasini shakllantirish boʻyicha faoliyatiga amaliy yordam koʻrsatsinlar.

4. Belgilab qoʻyilsinki, Jamgʻarma oʻzining ustavidagi maqsadlar va vazifalariga qatʼiy mos keladigan faoliyat yoʻnalishlari boʻyicha:

tashqi iqtisodiy faoliyatni amalga oshirishga haqlidir;

uch yil muddatga soliqlardan, davlat bojidan, bojxona bojidan va davlat budjetiga oʻtkaziladigan boshqa toʻlovlardan ozod qilinadi.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda:

kichik va oʻrta tadbirkorlikni qoʻllab-quvvatlashning aniq dasturlarini ishlab chiqsinlar

Jamgʻarma mintaqaviy filiallarining normal faoliyat koʻrsatishini taʼminlash uchun shart-sharoitlar yaratsinlar.

6. Toshkent shahar hokimligi bir oy muddatda Jamgʻapma boshqaruvini va direksiyasini joylashtirish uchun bino ajratsin.

7. “Oʻzshartnomasavdo” davlat uyushmasi va respublikaning boshqa ixtisoslashtirilgan savdo-taʼminot tashkilotlari Jamgʻarmaga zarur boʻlgan jihozlar va mebellar ajratish masalalarini belgilangan tartibda koʻrib chiqsinlar.

8. Oʻzbekiston Respublikasi Aloqa vazirligi Jamgʻapmaning boshqaruvini va direksiyasini shahar va hukumat telefon aloqasi bilan, “Toshshahartranskorxona” uyushmasi esa Jamgʻarma buyurtmanomasiga binoan shartnoma asosida xizmat avtomobili bilan taʼminlansin.

9. Ommaviy axborot vositalari Oʻzbekiston Respublikasining Kichik va oʻrta tadbirkorlikni rivojlantirishga koʻmaklashuvchi jamgʻarmasi faoliyatini keng yoritsinlar, Jamgʻara va uning filiallarining ijobiy ish tajribalarini targʻib qilsinlar.

10. Mazkur qarorning bajarilishini nazorat qilish Bosh vazirning oʻrinbosari oʻrtoq T. M. Miryoqubov zimmasiga yuklatilsin.

1. Oʻzbekiston Respublikasining Kichik va oʻrta tadbirkorlikni rivojlantirishga koʻmaklashuvchi jamgʻarmasi, bundan buyon jamgʻapma deb ataladi, tadbirkorlik harakatini faollashtirish, kichik va oʻrta tadbirkorlikni qoʻllab-quvvatlash, Oʻzbekistonning bozor infrastrukturasini takomillashtirish maqsadida tuziladi.

2. Jamgʻapma mustaqil yuridik shaxs hisoblanadi, alohida balansga, bank muassasalarida hisob-kitob va boshqa schyotlariga ega boʻladi.

3. Jamgʻapma faoliyatidan tushgan daromadlar va tushumlar oʻzining ixtiyorida qoladi va ushbu Nizomda nazarda tutilgan maqsadlar va vazifalarini amalga oshirish uchun yoʻnaltiriladi.

4. Jamgʻarmaning manzili: Toshkent shahri.

5. Jamgʻarmaning asosiy maqsadlari:

kichik va oʻrta tadbirkorlikni qoʻllab-quvvatlash yoʻli bilan bozor munosabatlarini bosqichma-bosqich rivojlantirish, bozor infrastrukturasini shakllantirish sohasida davlat siyosatini oʻtkazishga koʻmaklashish;

xalqaro moliya tashkilotlari, shuningdek, MDH mamlakatlaridagi Jamgʻarmaga oʻxshash tashkilotlar bilan kichik va oʻrta tadbirkorlikni rivojlantirish va qoʻllab-quvvatlash uchun mablagʻ ajratish masalalarida oʻzaro hamkorlik qilishdan iboratdir.

6. Jamgʻarmaning maqsadlariga muvofiq quyidagilar uning asosiy vazifalari hisoblanadi:

imtiyozli shartlarda kreditlar berish, shuningdek, respublika bozorlarini tovarlar bilan toʻldirish, chetdan keltiriladigan mahsulot oʻrnini qoplash va eksportni kengaytirish chora-tadbirlarini amalga oshirish, yangi ish joylarini yaratish uchun kichik va oʻrta tadbirkorlik tuzilmalariga moliyaviy yordam koʻrsatish;

kichik va oʻrta tadbirkorlik tuzilmalarining innovatsiya faoliyatini qoʻllab-quvvatlash, raqobatbardoshli tayyor mahsulotning yangi turlarini ishlab chiqarishni yoʻlga qoʻyishini ragʻbatlantirish;

raqobat muhitini yaratish, bozor infrastrukturasini rivojlantirish boʻyicha loyihalarini amalga oshirish uchun respublikamiz va chet el sarmoyalarini jalb etish;

tadbirkor kadrlar, menejment, marketing, tashqi iqtisodiy, bank-moliya faoliyati sohasida mutaxassislar tayyorlashni va oʻqitishni taʼminlaydigan, tadbirkorlikni rivojlantirish muammolari boʻyicha ilmiy-tadqiqot ishlarini, nashriyotchilik faoliyatini amalga oshirayotgan firmalar va tashkilotlarni moliyaviy qoʻllab-quvvatlash;

respublikada tadbirkorlikni va bozor infrastrukturasini rivojlantirish sohasida prognoz-tahliliy faoliyatni amalga oshirish;

maʼlumotlar bankini yaratish, Oʻzbekiston Respublikasida va chet ellarda tadbirkorlikni tashkil etish boʻyicha axborot-huquqiy xizmatlar koʻrsatish;

Jamgʻarma mablagʻlaridan faol foydalanishga va uning oborotini tezlashtirishga yordam beruvchi kredit berishning lizing operatsiyalari, ijaraning turli shakllarini amalga oshirishni taʼminlash;

taqchil xalq isteʼmol mollarini ishlab chiqarishga va xizmat koʻrsatishni kengaytirishga yoʻnaltirilgan kichik va oʻrta tadbirkorlikning dasturlari uchun mablagʻ ajratish;

kichik va oʻrta tadbirkorlikning dasturlarini tanlab olish va ularni amalga oshirish uchun mablagʻ ajratish masalasini xalqaro moliya tashkilotlari bilan oʻrganib chiqish;

Jamgʻarmadan ajratilgan mablagʻlarning tadbirkorlik tuzilmalari tomonidan samarali foydalanilishini nazorat qilish mexanizmini ishlab chiqish;

Oʻzbekiston Respublikasi Davlat mulki qoʻmitasi bilan birgalikda korxonalar va tashkilotlari xususiylashtirish va davlat tasarrufidan chiqarish jarayonlarida faol ishtirok etish.

7. Koʻrsatib oʻtilgan maqsadlarga erishish va vazifalarni bajarish uchun Jamgʻarma Oʻzbekiston Respublikasi qonun hujjatlarida belgilangan tartibda quyidagilarga haqlidir:

oʻz vakolati doirasida yuridik va jismoniy shaxslar bilan mustaqil ravishda yuridik aktlarni amalga oshirish;

xoʻjalik yurituvchi subyektlarga Jamgʻapma tomonidan ajratiladigan yoki ular Jamgʻarma koʻmagida oladigan mablagʻlardan maqsadli foydalanilishini, agar belgilangan maqsadlarda foydalanilmagan boʻlsa, mablagʻ ajratishni toʻxtatib qoʻyish sharti bilan nazorat qilish;

kichik va oʻrta tadbirkorlik, bozor infrastrukturasi, tadbirkorlik va raqobatni qoʻllab-quvvatlashning axborot tizimlarini rivojlantirishni taʼminlaydigan xoʻjalik yurituvchi subyektlarni tashkil etishda va ularning faoliyatida ulush qoʻshib qatnashish;

qiymatli qogʻozlar bilan operatsiyalarni amalga oshirish;

kichik va oʻrta tadbirkorlikni rivojlantirishga yoʻnaltirilgan xalqaro dasturlarda va bitimlarda qatnashish, tashqi iqtisodiy faoliyatni amalga oshirish;

Jamgʻarmaning boʻlimlarini, filiallarini va vakilliklarini ochish;

Jamgʻarma maqsadlariga javob beradigan va amaldagi qonunlar bilan taqiqlanmagan boshqa faoliyatni amalga oshirish.

8. Jamgʻarmaning taʼsischilari va qatnashchilari boʻlib “Rustambank” universal tijorat banki, “Agroxizmat” aksionerlik jamiyati, “YuNITEX Interneyshnl” qoʻshma korxonasi, Oʻzbekiston Respublikasi “Tadbirkor” aksionerlik-tijorat banki, Oʻzbekiston Respublikasi tadbirkorlar uyushmasi, “Ipak yoʻli” uyushmasi, Innovatsiya va menejment markazi, korxonalar, tashkilotlar, banklar, birjalar, uyushmalar, xoʻjalik jamiyatlari va shirkatlari, fuqarolar, xorijiy yuridik va jismoniy shaxslar, jamoat tashkilotlari va jamgʻarmalar hisoblanadilar.

9. Jamgʻarma boshqaruvining yuqori organi taʼsischilar va qatnashchilarning konferensiyasi hisoblanadi, u Jamgʻarma faoliyatining asosiy yoʻnalishlarini belgilaydi, 1—2-ilovalarga* muvofiq boshqaruvni, boshqaruv raisini va uning oʻrinbosarlarini, taftish komissiyasini saylaydi, ijro etuvchi organ (direksiya)ning bosh direktorini tasdiqlaydi.

10. Jamgʻarma boshqaruvi:

asosiy yoʻnalishlar boʻyicha Jamgʻarma faoliyatini muvofiqlashtirishni;

Jamgʻarma direksiyasi, filiallari vakilliklari faoliyatiga umumiy rahbarlikni;

kichik va oʻrta tadbirkorlikni qoʻllab-quvvatlashning aniq dasturlari ishlab chiqilishi va amalga oshirilishini tashkil etishni, bozor infrastrukturasini shakllantirishni;

turli tashkilotlarda, shu jumladan, chet ellarda jamgʻarma manfaatlarini ifodalashni amalga oshiradi.

11. Taftish komissiyasi Jamgʻarmaning va oʻziga qarashli korxonalar va tashkilotlarning moliyaviy va xoʻjalik faoliyati ustidan nazoratni amalga oshiradi.

12. Jamgʻarmaning bosh direktori umumiy rahbarlikni amalga oshiradi va Jamgʻarmaning joriy faoliyati uchun javob beradi, Jamgʻarma nomidan vakolatnomasiz ish koʻradi, boshqa yuridik shaxslar bilan munosabatlarda uning nomidan vakillik qiladi, oʻz vakolatlari doirasida buyruqlar chiqaradi, mehnat qonunlariga muvofiq xodimlarni ishga qabul qiladi va ishdan boʻshatadi, belgilangan tartibda Jamgʻapma mablagʻlariga egalik qiladi, yuridik va jismoniy shaxslar bilan shartnomalar tuzadi.

13. Jamgʻarmaga berilgan yoki uning xoʻjalik faoliyati natijasida olingan asosiy va aylanma mablagʻlar Jamgʻapmaning mol-mulki hisoblanadi.

14. Quyidagilar Jamgʻarma faoliyatining manbalari hisoblanadi:

Jamgʻarma taʼsischilari va qatnashchilarining badallari;

Jamgʻapma faoliyatidan olingan daromadlar va boshqa tushumlar;

qonun bilan belgilangan tartibda Jamgʻapmaning qiymatli qogʻozlarni ishlab chiqarish va tarqatish yoʻli bilan jalb etilgan mablagʻlar;

Oʻzbekiston Respublikasi budjetidan ajratilgan mablagʻlap;

ixtiyoriy badallar, xayr-ehsonlar va amaldagi qonunlar bilan taqiqlanmagan boshqa manbalar.

15. Jamgʻarma uch yil muddatga soliqlardan, davlat bojidan, bojxona bojidan va davlat budjetiga undiriladigan boshqa toʻlovlardan ozod qilinadi. Jamgʻarmaning korxonalari va tashkilotlari, shuningdek, boshqa korxona va tashkilotlar daromadining Jamgʻarmaga beriladigan qismi amaldagi qonunlarga muvofiq budjetga toʻlanadigan soliqlardan ozod qilinadilar.

16. Jamgʻarma oʻz majburiyatlari boʻyicha oʻziga tegishli barcha mol-mulk bilan javob beradi.

Davlat Jamgʻarma majburiyatlari boʻyicha javob bermaydi, Jamgʻarma esa davlat majburiyatlari boʻyicha javob bermaydi.

17. Jamgʻapmaning xoʻjalik faoliyatidan olingan daromadning, qiymatli qogʻozlar boʻyicha daromadlarning, majburiy toʻlovlar toʻlangandan soʻng, 40 foizi taʼsischilarga, 60 foizi Jamgʻapma toʻldirishga taqsimlanadi. Ajratilgan mablagʻdan boshqalarni mablagʻ bilan taʼminlashdagi imtiyozlar taʼsischilar va qatnashchilar konferensiyasi tomonidan belgilandi.

18. Jamgʻarmaning faoliyati taʼsischilar va qatnashchilar konferensiyasi qaroriga muvofiq yoki qonun bilan belgilangan boshqa hollarda tugatiladi.

19. Tugatilgan Jamgʻapmaning mol-mulki xodimlarning mehnatiga haq toʻlangandan va kreditorlar bilan hisob-kitob qilingandan soʻng, ularning qoʻshgan ulushiga mutanosib ravishda taʼsischilar va qatnashchilar ixtiyoriga beriladi.