Oʻzbekiston Respublikasi Prezidentining “Oʻzbekiston Respublikasida sogʻliqni saqlash tizimini isloh qilish davlat dasturi toʻgʻrisida” 1998-yil 10-noyabrdagi PF-2107-son Farmoniga va Oʻzbekiston Respublikasi Vazirlar Mahkamasining “Fargʻona viloyatida sogʻliqni saqlashning boshlangʻich boʻgʻinini isloh qilish loyihasini amalga oshirish toʻgʻrisida” 1999-yil 5-martdagi 100-son qaroriga muvofiq “Salomatlik-1” loyihasini amalga oshirish doirasida Xalqaro tiklanish va taraqqiyot banki ishtirokida Fargʻona, Sirdaryo, Navoiy viloyatlarida hamda Qoraqalpogʻiston Respublikasi va Xorazm viloyatining uch tumanida qishloq vrachlik punktlarini, qishloq vrachlik ambulatoriyalari va feldsher-akusherlik punktlari komplekslarini (keyingi oʻrinlarda matnda “boshlangʻich tibbiy-sanitariya yordami-BTSYo qishloq muassasalari” deb yuritiladi) bir kishi hisobiga xarajatlar normatividan kelib chiqib moliyalashtirish mexanizmi joriy etilgan.

Sogʻliqni saqlash sohasida islohotlarni yanada chuqurlashtirish, boshlangʻich tibbiy-sanitariya yordami barcha qishloq muassasalarida moliyalashtirishning yangi mexanizmini yoyish va uni BTSYo ayrim shahar muassasalarida eksperiment sifatida joriy etish, shuningdek “Salomatlik-2” va “Ayollar va bolalar sogʻligini mustahkamlash” dasturlari doirasida boshlangʻich tibbiy-sanitariya yordami muassasalarini boshqarishni takomillashtirish maqsadida Vazirlar Mahkamasi qaror qiladi:

1. BTSYo qishloq muassasalarini:

Qoraqalpogʻiston Respublikasi va Xorazm viloyatida — 2005-yil 1-oktabrdan boshlab;

Andijon, Buxoro, Namangan va Surxondaryo viloyatlarida — 2006-yil 1-yanvardan boshlab;

Jizzax, Qashqadaryo, Samarqand va Toshkent viloyatlarida — 2007-yil 1-yanvardan boshlab bir kishi hisobiga xarajatlar normatividan kelib chiqib moliyalashtirish sharoitlariga bosqichma-bosqich oʻtkazish nazarda tutilsin.

2. 2006-yil 1-yanvardan boshlab 1-ilovaga muvofiq Samarqand, Sirdaryo, Fargʻona viloyatlari shaharlari va Toshkent shahrida BTSYo muassasalarini bir kishi hisobiga xarajatlar normatividan kelib chiqib moliyalashtirish boʻyicha eksperiment oʻtkazilsin.

Samarqand, Sirdaryo, Fargʻona viloyatlari va Toshkent shahri hokimliklari koʻrsatib oʻtilgan eksperiment oʻtkazilishi uchun zarur shart-sharoitlarni taʼminlasin..

3. Belgilansinki, Qoraqalpogʻiston Respublikasi, viloyatlar va Toshkent shahri sogʻliqni saqlashiga xarajatlar tarkibida moliyalashtirishning yangi shartlariga oʻtayotgan BTSYo muassasalari xarajatlari ulushi belgilangan tartibda amalga oshiriladigan indeksatsiya hisobga olingan holda keyinchalik koʻpaytirib borilgan holda oldingi yildan past boʻlmagan darajada saqlanib qoladi.

4. Quyidagilar:

Boshlangʻich tibbiy-sanitariya yordami (BTSYo) qishloq muassasalarini moliyalashtirish tartibi toʻgʻrisidagi nizom 2-ilovaga muvofiq;

Boshlangʻich tibbiy-sanitariya yordami (BTSYo) shahar eksperimental muassasalarini moliyalashtirish tartibi toʻgʻrisidagi vaqtinchalik nizom 3-ilovaga muvofiq tasdiqlansin.

5. Oʻzbekiston Respublikasi Sogʻliqni saqlash vazirligi:

boshlangʻich tibbiy-sanitariya yordami eksperimental shahar muassasasining namunaviy ustavini bir oy muddatda ishlab chiqsin va tasdiqlasin;

“Salomatlik-2” (XTU) va “Ayollar va bolalar sogʻligini mustahkamlash” (OTB) loyihalarini amalga oshirish boʻyicha qoʻshma byuro bilan birgalikda moliyalashtirishning yangi tartibi sharoitlarida qishloq va eksperimental shahar muassasalari tibbiyot xodimlari va maʼmuriy-boshqaruv xodimlarini, shuningdek davolash va moliya-xoʻjalik faoliyatini tashkil etish boʻyicha barcha darajalardagi sogʻliqni saqlash boshqaruv organlari rahbarlarini tayyorlashni taʼminlasin;

Oʻzbekiston Respublikasi Moliya vazirligi bilan birgalikda, 2006-yil 1-martgacha, “Ayollar va bolalar sogʻligini mustahkamlash” loyihasi boʻyicha Oʻzbekiston Respublikasi bilan OTB oʻrtasidagi qarz bitimiga muvofiq, tuman (shahar) sogʻliqni saqlash turgʻun muassasalarini bir toʻliq davolangan holat hisobidan kelib chiqib moliyalashtirishga oʻtkazishga doir takliflarni ishlab chiqsin va belgilangan tartibda Vazirlar Mahkamasiga kiritsin;

eksperiment tariqasida Qoraqalpogʻiston Respublikasining Beruniy, Qonlikoʻl va Nukus tumanlarida hamda Xorazm viloyatining Bogʻot, Yangiariq va Xonqa tumanlarida markazlashtirilgan buxgalteriya tashkil etish yoʻli bilan boshlangʻich tibbiy-sanitariya yordami qishloq muassasalarini moliyalashtirish modelini takomillashtirish boʻyicha chora-tadbirlarni amalga oshirsin;

2007-yil 1-yanvargacha bir kishi hisobiga xarajatlar normatividan kelib chiqib boshlangʻich tibbiy-sanitariya yordami shahar muassasalarini moliyalashtirish boʻyicha eksperiment natijalarini umumlashtirsin va moliyalashtirishning ushbu modelini respublika boshlangʻich tibbiy-sanitariya yordami boshqa shahar muassasalariga joriy etishga doir takliflarni Vazirlar Mahkamasiga kiritsin.

6. Oʻzbekiston Respublikasi Vazirlar Mahkamasining “Fargʻona viloyatida sogʻliqni saqlashning boshlangʻich boʻgʻinini isloh qilish loyihasini amalga oshirish toʻgʻrisida” 1999-yil 5-martdagi 100-son qarori oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.

3-poliklinika

6-poliklinika

8-poliklinika

12-poliklinika

1-markaziy poliklinika

2-poliklinika

3-poliklinika

4-poliklinika (bolalar uchun)

1-poliklinika (katta yoshdagilar uchun)

2-poliklinika (katta yoshdagilar uchun)

3-poliklinika

1-poliklinika (bolalar uchun)

2-poliklinika (bolalar uchun)

6 -poliklinika

“Ipakchi” hududiy poliklinikasi

“Yangi Margʻilon” hududiy poliklinikasi

1. Uchtepa tumani

6-poliklinika

8-poliklinika

56-poliklinika

10-poliklinika

30-poliklinika

Markaziy poliklinika

2. Yunusobod tumani

31-oilaviy poliklinika

Markaziy poliklinika

3. Yakkasaroy tumani

17-oilaviy poliklinika

19-oilaviy poliklinika

23-oilaviy poliklinika

45-oilaviy poliklinika

Markaziy poliklinika

Mazkur Nizom boshlangʻich tibbiy-sanitariya yordami qishloq muassasalarining bir kishi hisobiga xarajatlar normatividan va ularni moliyalashtirish shartlaridan kelib chiqib moliyalashtirishga oʻtishi tartib-qoidasini belgilaydi.

1. BTSYo qishloq muassasalarining bir kishi hisobiga xarajatlar normatividan kelib chiqib moliyalashtirishga oʻtishi uchun Qoraqalpogʻiston Respublikasi Vazirlar Kengashi, viloyatlar va tumanlar hokimliklari ularni moliyalashtirishni Qoraqalpogʻiston Respublikasi Sogʻliqni saqlash vazirligiga va viloyat hokimliklari sogʻliqni saqlash boshqarmalariga beradi.

2. Mahalliy sogʻliqni saqlash organlari ular hududida qishloq vrachlik punktlariga aylantirilmagan qishloq vrachlik ambulatoriyalari (QVA) qishloq uchastka kasalxonalari (QUK) va feldsher-akusherlik punktlari (FAP) mavjud boʻlgan taqdirda, ularning negizida QVP-FAP, QVA-FAP-komplekslari tashkil etadilar.

QVP, QVP-FAP va QVA-FAP-komplekslari yuridik shaxs shaklida tashkil etiladi va boshlangʻich tibbiy-sanitariya yordami (BTSYo)ning muassasalari hisoblanadi.

3. Qayta oʻzgartirish yoʻli bilan BTSYo qishloq muassasalarini tashkil etishda ilgari QVA, FAP va QUKga tegishli boʻlgan barcha mol-mulk, shu jumladan binolar belgilangan tartibda ularning balansiga beriladi.

4. Qayta oʻzgartirilgan BTSYo qishloq muassasalari shtatlarini shakllantirish Oʻzbekiston Respublikasi Moliya vazirligi bilan kelishuv boʻyicha Sogʻliqni saqlash vazirligi tomonidan tasdiqlangan shtat normativlariga muvofiq amalga oshiriladi.

5. Aholini BTSYo qishloq muassasalariga biriktirish mazkur Nizomga ilovaga muvofiq shakl boʻyicha rejalashtirilayotgan davr boshida mavjud boʻlgan uchastkalar asosida tegishli tuman markaziy kasalxonasining bosh vrachi buyrugʻiga binoan amalga oshiriladi.

BTSYo muassasalariga biriktirilgan aholining soni va tarkibi toʻgʻrisidagi axborot tuman markaziy kasalxonasi bosh vrachi tomonidan tuziladi, aholining umumiy soni esa tuman statistika organining rahbari tomonidan tasdiqlanadi.

Bunda har qanday fuqaro tuman markaziy kasalxonasi bosh vrachini yozma ravishda xabardor qilib, tibbiy yordam olish uchun boshqa BTSYo muassasasini oʻz xohishicha tanlashga haqlidir.

6. BTSYo qishloq muassasalari budjetini rejalashtirish bir kishi hisobiga xarajatlarning bazaviy normativi asosida amalga oshiriladi.

7. Bir kishi hisobiga xarajatlarning bazaviy normativi har yili belgilanadi va Qoraqalpogʻiston Respublikasi yoki viloyatlar hududiy doirasida yagona hisoblanadi hamda quyidagi formula boʻyicha aniqlanadi:

XBNs =VSBx OʻUs/ASs, bunda:

XBNs — rejalashtirilayotgan yilga bir kishi hisobiga xarajatlarning bazaviy normativi;

VSB — sanitariya-epidemiologiya nazorati xizmati, kapital qoʻyilmalar va markazlashtirilgan tadbirlar xarajatlaridan tashqari rejalashtirilayotgan yilga Qoraqalpogʻiston Respublikasi yoki viloyatlar sogʻliqni saqlashining umumiy budjeti;

OʻUs — rejalashtirilayotgan yilning 1-yanvariga BTSYo qishloq muassasalariga biriktirilgan viloyat aholisi soni;

ASs — hisobot davrida viloyat sogʻliqni saqlash budjetida viloyat qishloq BTSYo budjetining oʻrtacha ulushi (koeffitsiyentlarda). BTSYo qishloq muassasalari budjetini hisobot davridagi sanitariya-epidemiologiya nazorati xizmati xarajatlari, kapital qoʻyilmalar va markazlashtirilgan tadbirlar xarajatlarini istisno etgan holda viloyat sogʻliqni saqlash umumiy budjetiga boʻlish yoʻli bilan aniqlanadi.

Bunda qishloq BTSYo budjetining oʻrtacha ulushi Qoraqalpogʻiston Respublikasi va viloyatlar sogʻliqni saqlash muassasalarini qayta tashkil etish hisobiga koʻpaytirilishi kerak.

8. Alohida olingan BTSYo muassasasini moliyalashtirishning yillik hajmi tuzatish koeffitsiyentlaridan (jins-yosh tarkibi va aholi zichligi) foydalanilgan holda bir kishi hisobiga xarajatlarning bazaviy normativi va BTSYo muassasasiga biriktirilgan aholi soni hisobidan kelib chiqib belgilanadi.

9. Har bir keyingi rejalashtiriladigan yilga bir kishiga xarajatlarning bazaviy normativi belgilangan tartibda aniqlanadigan indeksatsiya koefitsiyentlari hisobga olingan holda hisoblab chiqiladi.

10. Qoraqalpogʻiston Respublikasi Moliya vazirligi va Sogʻliqni saqlash vazirligi, viloyat hokimliklari moliya boshqarmalari va sogʻliqni saqlash boshqarmalari BTSYo qishloq muassasalari budjetlarini hisoblab chiqadi va ularni belgilangan tartibda tumanlar moliya organlariga va BTSYo muassasalariga yetkazadi.

11. BTSYo qishloq muassasalari belgilangan tartibda moliya organlarida roʻyxatdan oʻtkaziladigan xarajatlar smetasi, shtat jadvalini ajratilgan budjet doirasida mustaqil ishlab chiqadi va tasdiqlaydi.

12. BTSYo muassasalarining hisoblangan budjeti joriy faoliyat boʻyicha ularning xarajatlarini qoplashi lozim.

BTSYo qishloq muassasalarining imtiyozli retseptlar boʻyicha beriladigan dori-darmonlar uchun xarajatlari tuman markaziy kasalxonasi budjetida nazarda tutiladi. BTSYo muassasalari uchun kapital qurilish va qimmat turadigan uskunalarni sotib olish xarajatlari bir kishi hisobiga xarajatlar normativi boʻyicha moliyalashtirish tizimi doirasidan tashqarida nazarda tutiladi.

13. BTSYo qishloq muassasalari xarajatlarini moliyalashtirish (ularni toʻlash) tasdiqlangan xarajatlar smetasiga muvofiq belgilangan tartibda amalga oshiriladi.

Hisobot yilining oxirida BTSYo muassasalari hisob raqamlarida qolgan mablagʻlar olib qoʻyilmaydi va ularni rivojlantirish uchun foydalaniladi.

14. BTSYo muassasasi tibbiy, iqtisodiy va maʼmuriy faoliyatiga umumiy rahbarlik qilish mudir tomonidan amalga oshiriladi.

15. Mudir shtat jadvalini mustaqil shakllantiradi, shtat normativlari va ajratilgan mablagʻ bilan taʼminlash miqdoriga muvofiq uni mutaxassislar bilan toʻldiradi.

16. Mudir lavozimga Qoraqalpogʻiston Respublikasi Sogʻliqni saqlash vazirligi yoki tegishli viloyat hokimligi sogʻliqni saqlash boshqarmasi bilan kelishilgan holda tuman markaziy kasalxonasi bosh vrachi tomonidan tayinlanadi.

17. BTSYo qishloq muassasalarining moliya-xoʻjalik faoliyatini tuman markaziy kasalxonasi bosh vrachi bilan kelishuv boʻyicha BTSYo muassasasi mudiri tomonidan lavozimga tayinlanadigan moliyaviy menejerlar yuritadi. Agar eksperement tartibida bir nechta BTSYo muassasalariga xizmat koʻrsatish uchun bitta moliyaviy menejer belgilangan taqdirda (Qoraqalpogʻiston Respublikasining Beruniy, Qonlikoʻl va Nukus tumanlari, Xorazm viloyatining Bogʻot, Yangiariq va Xonqa tumanlari), u Qoraqalpogʻiston Respublikasi Sogʻliqni saqlash vazirligi yoki Xorazm viloyati hokimligi sogʻliqni saqlash boshqarmasi bilan kelishuv boʻyicha tuman markaziy kasalxonasi bosh vrachi tomonidan lavozimga tayinlanadi.

18. BTSYo muassasalarining moliya-buxgalteriya hisobotlarini yuqori turadigan instansiyalarga oʻz vaqtida taqdim etish ishlarini muvofiqlashtirish tuman markaziy kasalxonasiga yuklanadi.

19. Biriktirilgan hududdagi aholiga boshlangʻich tibbiy-sanitariya yordami koʻrsatish vazifasini bevosita hal etish uchun javobgarlik tuman markaziy kasalxonasiga yuklanadi.

Ushbu Nizom Margʻilon, Samarqand, Guliston shaharlarida va Toshkent shahrining Yakkasaroy, Uchtepa, Yunusobod tumanlaridagi boshlangʻich tibbiy-sanitariya yordami shahar muassasalarining (keyingi oʻrinlarda matnda “BTSYo ShE muassasalari” deb yuritiladi) eksperiment tartibida bir kishi hisobiga xarajatlar normativi boʻyicha moliyalashtirishga va ularning faoliyat koʻrsatish sharoitlariga oʻtishi tartib-qoidasini belgilaydi.

1. BTSYo ShE muassasalarining bir kishi hisobiga xarajatlar normatividan kelib chiqib moliyalashtirishga oʻtishi uchun Samarqand, Sirdaryo, Fargʻona viloyatlari va Toshkent shahri hokimliklari ularni moliyalashtirishni ushbu viloyatlar va Toshkent shahar hokimliklari sogʻliqni saqlash boshqarmalariga beradilar.

2. Yuridik shaxslar boʻlmagan boshlangʻich tibbiy-sanitariya yordami muassasalari oʻzlari kirgan yuridik shaxslar tarkibidan boshlangʻich tibbiy-sanitariya yordami muassasalari tarzida mustaqil yuridik shaxslar sifatida ajralib chiqadilar.

3. BTSYo ShE muassasalari shtatlarini shakllantirish Oʻzbekiston Respublikasi Moliya vazirligi bilan kelishuv boʻyicha Sogʻliqni saqlash vazirligi tomonidan tasdiqlangan shtat normativlariga muvofiq amalga oshiriladi.

4. BTSYo ShE muassasalariga aholini biriktirish:

Margʻilon, Samarqand, Guliston shaharlarida — shahar markaziy kasalxonasi bosh vrachi buyrugʻi boʻyicha;

Toshkent shahrida — tegishli tuman sogʻliqni saqlash organi rahbarining buyrugʻi boʻyicha amalga oshiriladi.

Biriktirish rejalashtiriladigan davr boshiga BTSYo ShE muassasalariga xizmat koʻrsatadigan uchastkalar asosida ushbu Nizomga ilovaga asosan shakl boʻyicha amalga oshiriladi.

BTSYo ShE muassasalariga biriktirilgan aholi soni va tarkibi boʻyicha axborotlar Margʻilon, Samarqand, Guliston shaharlari shahar markaziy kasalxonasi bosh vrachi, Toshkent shahrining tegishli tuman sogʻliqni saqlash organi rahbari tomonidan tayyorlanadi, aholining umumiy soni esa hududiy (tuman/shahar) statistika organi rahbari tomonidan tasdiqlanadi.

Bunda har bir fuqaro tegishli ravishda Margʻilon, Samarqand, Guliston shaharlarining shahar markaziy kasalxonasi bosh vrachini yoki Toshkent shahrining tegishli tuman sogʻliqni saqlash organini yozma ravishda xabardor qilgan holda tibbiy yordam olish uchun boshqa eksperimental BTSYo ShE muassasasini tanlash huquqiga egadir.

5. BTSYo ShE muassasalari budjetini rejalashtirish bir kishi hisobiga xarajatlarning bazaviy normativi asosida amalga oshiriladi.

6. Bir kishi hisobiga xarajatlarning bazaviy normativi har yili eksperimentda ishtirok etuvchi viloyatlarning har bir tumani (Toshkent shahar tumani) uchun alohida belgilanadi.

Xarajatlarning bazaviy normativi quyidagi formula boʻyicha aniqlanadi:

XBNy = VSBy x OʻUy / ASy, bunda:

XBNy — rejalashtirilayotgan yil uchun bir kishi hisobiga xarajatlarning normativ bazasi;

VSBy — sanitariya-epidemiologiya shoxobchalari, kapital qoʻyilmalar va rejalashtirilayotgan yil uchun markazlashtirilgan tadbirlar xarajatlaridan tashqari, viloyatlar, Toshkent shahar sogʻliqni saqlash umumiy budjeti;

ASy — rejalashtirilayotgan yilning 1-yanvardagi holatiga koʻra BTSYo ShE muassasalariga biriktirilgan viloyat shaharlari/Toshkent shahri aholisi soni;

OʻUy — hisobot davrida tegishli viloyat/Toshkent shahar sogʻliqni saqlash budjetida BTSYo ShE muassasalari budjetining oʻrtacha ulushi (koeffitsentlarda). BTSYo ShE muassasalari budjetini hisobot davridagi sanitariya-epidemiologiya nazorati xizmatlari, kapital qoʻyilmalar va markazlashtirilgan tadbirlar xarajatlarini istisno etgan holda viloyatlar/Toshkent shahar sogʻliqni saqlash umumiy budjetiga boʻlish yoʻli bilan aniqlanadi.

Bunda BTSYo ShE muassasalari budjeti oʻrtacha ulushi viloyatlar va Toshkent shahar sogʻliqni saqlash muassasalarini qayta tashkil etish hisobiga koʻpaytirilishi kerak.

7. BTSYo ShE muassasalari alohida olingan yillik mablagʻ bilan taʼminlash miqdori bir kishiga bazaviy xarajatlar normativi hisobidan hamda BTSYo ShE muassasalariga biriktirilgan aholi sonidan kelib chiqib, tuzatish koeffitsiyentlaridan (jins-yosh tarkibi va aholi zichligi) foydalangan holda aniqlanadi.

8. Har bir keyingi rejalashtirilayotgan yil uchun bir kishiga xarajatlarning bazaviy normativi belgilangan tartibda aniqlanadigan indeksatsiya koeffitsiyentlarini hisobga olgan holda hisoblab chiqiladi.

9. Fargʻona, Samarqand, Sirdaryo viloyatlari hokimliklari moliya va sogʻliqni saqlash boshqarmalari hamda Toshkent shahar Sogʻliqni saqlash bosh boshqarmasi BTSYo ShE muassasalari budjetlarini hisoblab chiqadi va belgilangan tartibda tumanlar (shaharlar) moliya organlariga yetkazadi.

10. BTSYo ShE muassasalari ajratilgan budjet doirasida moliya organlarida belgilangan tartibda roʻyxatdan oʻtkaziladigan xarajatlar smetasi, shtat jadvalini mustaqil ravishda ishlab chiqadi va tasdiqlaydi.

11. BTSYo ShE muassasalarining hisoblab chiqilgan budjeti ularning joriy faoliyati boʻyicha xarajatlarini qoplashi kerak.

Imtiyozli retseptlar boʻyicha dori-darmonlar bilan taʼminlash xarajatlari tegishli ravishda Margʻilon, Guliston, Samarqand shaharlarining shahar markaziy kasalxonalari hamda Toshkent shahar tegishli tumani sogʻliqni saqlash organi budjetlarida nazarda tutiladi.

BTSYo ShE muassasalari uchun kapital qurilish va qimmat turadigan uskunalarni sotib olish xarajatlari bir kishi hisobiga xarajatlar normativi boʻyicha mablagʻ bilan taʼminlash tizimi doirasidan tashqarida nazarda tutiladi.

12. BTSYo ShE muassasalarini moliyalashtirish Fargʻona, Samarqand, Sirdaryo viloyatlari tegishli tumanlari (shaharlari) hamda Toshkent shahar moliya organlari tomonidan tasdiqlangan xarajatlar smetalariga muvofiq har oyda bitta summada (xarajatlar guruhlariga boʻlmasdan) amalga oshiriladi. Sogʻliqni saqlash budjetini ajratishda mahalliy moliya organlari birinchi navbatda BTSYo muassasalari uchun moliyaviy mablagʻlar ajratilishini taʼminlashi lozim.

13. BTSYo ShE muassasalari xarajatlarini moliyalashtirish (ularni toʻlash) tasdiqlangan xarajatlar smetasiga muvofiq belgilangan tartibda amalga oshiriladi.

14. Hisobot yilining oxirida muassasalar hisob raqamlarida qoladigan mablagʻlar olib qoʻyilmaydi va ularni rivojlantirish uchun foydalaniladi.

15. Boshlangʻich tibbiy-sanitariya yordami muassasalarining davolash, iqtisodiy va maʼmuriy faoliyatiga umumiy rahbarlik qilish BTSYo ShE muassasasi bosh vrachi tomonidan amalga oshiriladi.

Bosh vrach shtat jadvalini mustaqil shakllantiradi, shtat normativlari va ajratilgan moliyalashtirish miqdoriga muvofiq uni mutaxassislar bilan toʻldiradi.

BTSYo ShE muassasasi bosh vrachi:

Margʻilon, Samarqand, Guliston shaharlarida — viloyat hokimligi sogʻliqni saqlash boshqarmasi bilan kelishuv boʻyicha shahar markaziy kasalxonasi bosh vrachi tomonidan;

Toshkent shahrida — Toshkent shahar Sogʻliqni saqlash bosh boshqarmasi bilan kelishuv boʻyicha tuman sogʻliqni saqlash boshqarmasi organi tomonidan lavozimga tayinlanadi.

16. BTSYo ShE muassasalarining moliya-xoʻjalik faoliyatini BTSYo ShE muassasasi bosh vrachi tomonidan lavozimga tayinlanadigan moliyaviy menejerlar yuritadi.

Agar bir nechta BTSYo ShE muassasasiga xizmat koʻrsatish uchun bitta moliyaviy menejer belgilangan boʻlsa, u tegishli viloyat hokimligi sogʻliqni saqlash boshqarmasi yoki Toshkent shahar Sogʻliqni saqlash bosh boshqarmasi tomonidan lavozimga tayinlanadi.

17. BTSYo ShE muassasalarining moliyaviy-buxgalteriya hisobotlarini yuqori turadigan instansiyalarga oʻz vaqtida taqdim etish yuzasidan ishlarni muvofiqlashtirish:

Margʻilon, Samarqand, Guliston shaharlarida — shahar markaziy kasalxonalariga;

Toshkent shahrida — tegishli tuman sogʻliqni saqlash organlariga yuklanadi.

18. BTSYo ShE muassasalariga biriktirilgan hududdagi aholiga boshlangʻich tibbiy-sanitariya yordami koʻrsatish vazifasini bevosita hal etish uchun javobgarlik Margʻilon, Samarqand va Guliston shaharlarining shahar markaziy kasalxonalari, shuningdek Toshkent shahrining tegishli tumanlari sogʻliqni saqlash organlariga yuklanadi.