Oʻzbekiston Respublikasi Prezidentining “Xususiy tadbirkorlik va kichik biznesni qoʻllab-quvvatlash Fondi (Biznes-fondi)ni tashkil etish haqida”gi Farmoniga muvofiq hamda iqtisodiyotning nodavlat sektorida ishlab chiqarishni jadal kuchaytirish uchun shart-sharoitlarni taʼminlash maqsadida Vazirlar Mahkamasi qaror qiladi:

1. Quyidagilarga:

Biznes-fondning hududiy-tashkiliy tuzilmasiga 1-ilovaga muvofiq;

Biznes-fond markaziy apparatining xodimlarning chegaralangan soni 46 nafar boʻlgan tashkiliy tuzilmasiga 2-ilovaga muvofiq;

Biznes-fond hududiy boʻlimining namunaviy tuzilmasi 3-ilovaga muvofiq;

Biznes-fond tomonidan xususiy tadbirkorlik va kichik biznesga kreditlar berilishining asosiy shartlariga 4-ilovaga muvofiq;

2. Belgilab qoʻyilsinki, Biznes-fond tomonidan jalb etiladigan mablagʻlardan qaytarib berish asosida quyidagi asosiy vazifalarni hal etish uchun foydalaniladi:.

loyihani imtiyozli kredit bilan taʼminlash orqali xususiy tadbirkorlikka va kichik biznesga moliyaviy koʻmak berish;

respublika mintaqalarida xususiy tadbirkorlik va kichik biznesning keng infrastrukturasini rivojlantirishga koʻmaklashish;

xususiy tadbirkorlar va kichik biznesning turli kredit muassasalaridan qarzga mablagʻ jalb etishni taqozo etadigan investitsiya loyihalariga kafolatlar berish, majburiyatlar olish va kafil boʻlish;

loyihalarning xalqaro andozalarga mos texnikaviy-iqtisodiy asoslarini ishlab chiqish va ularni amalga oshirish bilan bogʻliq sugʻurta polisini qoplash uchun grantlar (davlatning moliyaviy yordamini) taʼsis etish va berish;

xorijiy uskunalar lizingini tashkil etish asosida xususiy tadbirkorlik va kichik biznesni texnologik jihatdan qoʻllab-quvvatlash;

kichik va oʻrta biznes korxonalari ustav sarmoyasida qatnashish.

3. Oʻzbekiston Respublikasi Davlat mulki qoʻmitasi, Mehnat vazirligi, Moliya vazirligi, Markaziy bank ikki hafta muddatda Biznes-fondning ustav faoliyatini amalga oshirish uchun unga ajratiladigan davlat mablagʻlarini “Oʻztadbirkorbank” orqali oʻtkazish va qaytarish tartibini tasdiqlasinlar.

4. Oʻzbekiston Respublikasi Adliya vazirligi ikki hafta muddatda Biznes-fondni qayta tashkil etilayotgan Kichik va oʻrta tadbirkorlikni rivojlantirishga koʻmaklashuvchi jamgʻarmaning huquqiy vorisi sifatida belgilangan tartibda qayta roʻyxatdan oʻtkazsin.

5. Oʻzbekiston Respublikasi Qishloq xoʻjaligi vazirligi Biznes-fondni Toshkent shahar, Xalqlar Doʻstligi koʻchasi, 8-uydagi binoga joylashtirsin.

6. Oʻzbekiston Respublikasi Vazirlar Mahkamasining “Oʻzbekiston Respublikasida kichik va oʻrta tadbirkorlikni rivojlantirishga koʻmaklashuvchi jamgʻarma faoliyatini tashkil etish toʻgʻrisida” 1993-yil 30-iyuldagi 380-son qarori oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Bosh vazir oʻrinbosarlari B.S. Hamidov va V.A. Chjen zimmasiga yuklansin. Ularga 10 kun muddatda Biznes-fondning taʼsis yigʻilishini oʻtkazish va uni tashkil etishga oid aniq chora-tadbirlarni amalga oshirish vazifasi topshirilsin.

1. Biznes-fond tomonidan davlat manbalaridan mablagʻ jalb etish qaytarib berish asosida Moliya vazirligi, Davlat mulki qoʻmitasi, Mehnat va aholini ijtimoiy muhofaza qilish vazirligi va boshqa idoralar bilan tuzilgan shartnomalar boʻyicha muddati belgilangan holda amalga oshiriladi.

2. Koʻrsatib oʻtilgan mablagʻlar Biznes-fondning “Oʻztadbirkorbank”dagi hisob-kitob schyotida jamlanadi. Shu hisob-kitob schyotiga ustav fondining mablagʻlari ham oʻtkaziladi.

3. Biznes-fond jalb etilgan davlat mablagʻlaridan foydalanish va ajratilgan qarz mablagʻlari qaytarilishining ahvoli toʻgʻrisidagi moliyaviy hisobotni har chorakda bir marta Oʻzbekiston Respublikasi Moliya vazirligiga, Davlat mulki qoʻmitasi va Mehnat va aholini ijtimoiy muhofaza qilish vazirligiga taqdim etadi.

4. Davlat mablagʻlari bilan bir qatorda Oʻzbekiston Respublikasi yuridik shaxslarining, xorijiy yuridik shaxslar va xalqaro moliya tashkilotlarining mablagʻlari ham Biznes-fond resurslarining manbalari hisoblanadi.

2. Imtiyozli kredit berish jalb etilgan va Biznes-fondning oʻz mablagʻlari hisobiga iqtisodiyotning quyidagi tarmoqlaridagi kichik va oʻrta biznes subyektlari investitsiya loyihalarini mablagʻ bilan taʼminlash uchun Biznes-fond tomonidan ochiladigan kredit yoʻnalishlarini banklar tomonidan oʻzlashtirish yoʻli bilan amalga oshiriladi:

qishloq xoʻjaligi mahsulotlarini qayta ishlash;

fermer xoʻjaliklarini rivojlantirish;

turizm;

qurilish, binokorlik materiallari sanoati;

mahalliy sanoat;

xizmat koʻrsatish sohasini rivojlantirish.

3. Imtiyozli kreditlarni toʻlash muddati loyihaning oʻzini oʻzi qoplash muddatiga qarab, imtiyozli davri 2 yildan 5 yilgacha, 10 yilgacha belgilanadi. Imtiyozli kreditlar boʻyicha foiz stavkasi qatʼiy ravishda belgilab qoʻyilmaydi va Biznes-fond tomonidan Moliya vazirligi bilan kelishgan holda belgilanadi.

4. Mablagʻ bilan taʼminlanadigan investitsiya loyihalarini tanlab olishda qarz oluvchining moliyaviy ishtirok etish ulushi yuqori boʻlgan loyihalarga afzallik beriladi.

2. Biznes-fond bergan kreditlarning oʻz vaqtida qaytarilishini nazorat qilish uchun:

Biznes-fond va kredit liniyasiga xizmat koʻrsatuvchi banklar kredit shartnomasi hamda qarzni uzish jadvali asosida kreditdan maqsadga muvofiq, foydalanish hamda kreditlar va ular yuzasidan foizlarning oʻz vaqtida qaytarilishi ustidan muntazam nazoratni amalga oshiradilar.

Biznes-fond “Madad” sugʻurta agentligi va “kredit liniyasiga xizmat koʻrsatuvchi banklar bilan birgalikda har chorakda qarzdorlar tomonidan kreditlar va ular yuzasidan foizlarning qaytarilishi boʻyicha hisob-kitoblarning ahvolini oʻzaro tekshirishdan oʻtkazadi.

3. Qarzdorning hisob-kitob schyotida mablagʻ mavjud boʻlgan hamda kreditni va u boʻyicha foizlarni toʻlash muddati kelganda kredit liniyasiga xizmat koʻrsatuvchi banklar qarzdorning topshiriqnomasi asosida ushbu mablagʻlarni Biznes-fondning hisob-kitob schyotiga oʻtkazadi.

4. Tijorat banklari aybi bilan mablagʻlar qarzdorning schyotidan Biznes-fond hisob-kitob schyotiga oʻz vaqtida oʻtkazilmagan taqdirda Biznes-fond taqdimnomasiga koʻra Markaziy bank tijorat banklariga nisbatan belgilangan tartibda jarima sanksiyalari qoʻllaydi.

5. Qarzdor kreditni toʻlamagan taqdirda Biznes-fondning “Madad” sugʻurta agentligi bilan oʻzaro munosabati sxemasi ilova qilinmoqda.

1. Biznes-fond tomonidan berilgan kafolat va toʻlov majburiyatlari, shuningdek, toʻlov kafilliklarining eng koʻp jami hajmi Biznes-fondning oʻz mablagʻlari miqdoridan sakkiz baravaridan oshib ketmasligi kerak.

2. Oʻz mablagʻlari va jalb etilgan nodavlat mablagʻlari hajmida kredit berilgan hollarda Biznes-fond tavakkalchiliklarini qoplash boʻyicha talablar Fond tomonidan mustaqil ravishda belgilanadi.

3. Biznes fondning oʻz operatsiyalari boʻyicha ehtimol tutilgan ziyonni qoplashga moʻljallangan oʻz mablagʻlari eng oz tavakkalchilik qilinadigan aktivlar shaklida joylashtiriladi.

1. Qarz oluvchining kredit xizmati koʻrsatish va kreditni qaytarish boʻyicha majburiyatlarni bajarmaganligi.

2. Sugʻurta agentligining bankka topshiriqnomasi.

3. Shartnoma boʻyicha tovon toʻlash.

4. Qarzdorga nisbatan regressiv daʼvo qoʻzgʻash.

5. Kompensatsiya toʻlovlari.