Республика балиқчилик табиий сув ҳавзаларидан оқилона фойдаланиш мақсадида Вазирлар Маҳкамаси қарор қилади:

1. Ўзбекистон Республикаси Давлат табиатни муҳофаза қилиш қўмитаси томонидан ишлаб чиқилган ва Ўзбекистон Республикаси Адлия вазирлиги ҳамда «Ўзбалиқ» акциядорлик компанияси билан келишилган республика балиқчилик табиий сув ҳавзаларини бириктириб қўйиш ва улардан фойдаланиш тартиби тасдиқлансин (илова қилинади).

2. Белгилаб қўйилсинки:

балиқ овлаш учун сув ҳавзаларини ёки уларнинг участкаларини бириктириб қўйиш жойлардаги давлат ҳокимияти органлари билан келишилган ҳолда, Давлат табиатни муҳофаза қилиш қўмитаси ҳузуридаги Ҳайвонот ва ўсимлик дунёсини муҳофаза қилиш ва ундан оқилона фойдаланиш республика давлат инспекцияси («Давлатбионазорат» инспекцияси) билан балиқ овловчи ташкилотлар ёки жисмоний шахс (фойдаланувчи) ўртасида тузилган шартнома асосида, бепул амалга оширилади;

балиқ хўжалиги иншоотлари ва бошқа иморатлар қуриш учун ер участкалари қонун билан белгиланган тартибда ажратилади.

юридик ва жисмоний шахслар томонидан балиқ ва бошқа сув ҳайвонларини овлаш учун балиқ хўжалиги сув ҳавзаларидан фойдаланишга ҳар йили мажбурий равишда майда балиқлар билан тўлдириш ишлари олиб борилган, балиқ овлаш қоидаларига риоя қилинган ва муҳофаза қилиш тадбирлари амалга оширилган тақдирдагина йўл қўйилади.

балиқ овловчи жисмоний ва юридик шахслар ҳар ойда жойлардаги табиатни муҳофаза қилиш органларига ва «Давлатбионазорат» инспекциясига тутилган балиқ ва бошқа сув ҳайвонларининг миқдори ва тури тўғрисида ҳисобот ва тасдиқланган шакллар бўйича балиқларни кўпайтириш ва муҳофаза қилиш тадбирлари ўтказилганлиги тўғрисида бир йилда икки марта (ярим йиллик ва йиллик) статистика ҳисоботи тақдим этадилар;

юридик ва жисмоний шахслар томонидан балиқ, балиқ маҳсулотлари, бошқа сув ҳайвонлари билан савдо қилиш фақат овлаш ва маҳсулот харид қилишнинг қонунийлигини тасдиқловчи ҳужжатлар ва маҳсулотга сифат сертификати мавжуд бўлган тақдирда амалга оширилиши мумкин.

3. Мазкур қарорнинг бажарилишини назорат қилиш Вазирлар Маҳкамасининг Агросаноат комплекси котибиятига юклансин.

1. Балиқ ва бошқа сув ҳайвонларини овлаш ёки уларни кўпайтириш учун фойдаланиладиган ёки фойдаланилиши мумкин бўлган барча сув ҳавзалари (денгизлар, дарёлар, сув омборлари, кўллар ва уларнинг қўшимча сув ҳавзалари, сунъий кўл хўжаликлари ва балиқ кўпайтириладиган жойлардан ташқари) балиқ хўжаликлари ҳисобланади. Балиқ овланадиган ёки овланиши мумкин бўлган балиқ хўжалиги сув ҳавзалари балиқ овлаш жойлари ҳисобланади. Балиқ хўжалиги сув ҳавзаларидан спорт-ҳаваскорлик балиқчилиги учун ҳам фойдаланилиши мумкин.

2. Барча балиқ хўжалиги сув ҳавзалари уч тоифага бўлинади:

I тоифа — майдони 25 минг гектардан ортиқ бўлган йирик сув ҳавзалари;

II тоифа — майдони 5 минг гектардан 25 минг гектаргача бўлган ўртача сув ҳавзалари;

III тоифа — майдони 5 минг гектардан кам бўлган кичик сув ҳавзалари.

3. I тоифа сув ҳавзалари асосан «Ўзбалиқ» акциядорлик компанияси корхоналари ва ташкилотларига бириктириб қўйилади, II ва III тоифа сув ҳавзалари бошқа юридик, шунингдек, жисмоний шахсларга ҳам бириктириб қўйилиши мумкин.

4. Балиқ овлаш учун сув ҳавзалари ёки уларнинг участкаларини бириктириб қўйиш жойлардаги давлат ҳокимияти органлари билан келишилган ҳолда, Давлат табиатни муҳофаза қилиш қўмитаси ҳузуридаги) ҳайвонот ва ўсимлик дунёсини муҳофаза қилиш ва ундан оқилона фойдаланиш республика давлат инспекцияси («Давлатбионазорат» инспекцияси) билан балиқ овловчи ташкилотлар ёки жисмоний шахслар (фойдаланувчи) ўртасида тузилган шартнома асосида (1-илова), бепул амалга оширилади.

Шартномага «Давлатбионазорат» инспекцияси томонидан бириктириб қўйиладиган сув ҳавзаси ёки унинг участкасининг тўлов асосида бериладиган паспорти илова қилинади (2-илова).

5. Балиқ хўжалиги сув ҳавзалари ёки уларнинг участкаларини спорт-балиқ овлаш хўжаликлари ташкил этиш учун овчилар ва балиқ овловчилар жамиятларига бириктириб қўйиш 4-бандда белгиланган тартибда амалга оширилади.

Жамиятларга айрим ҳолларда шу мақсад учун бириктириб қўйилган ҳавзаларда белгиланган тартибда балиқ овлашга рухсат этилиши мумкин.

6. Сув ҳавзалари шартномада белгиланган муддатга бириктириб қўйилади. Агар фойдаланувчига бириктириб қўйилган сув ҳавзасидан шартнома имзоланган кундан бошлаб икки йил давомида фойдаланилмаган ёхуд шартнома шартлари мунтазам ёки қўпол равишда бўзилган ҳолларда у белгиланган тартибда «Давлатбионазорат»нинг талабига биноан бекор қилиниши мумкин.

7. Юридик ва жисмоний шахслар томонидан балиқ ва бошқа сув ҳайвонларини овлаш учун балиқ хўжалиги сув ҳавзаларидан фойдаланишга ҳар йили мажбурий равишда майда балиқлар билан тўлдириш, балиқчилик мелиорацияси, сув келмай қолган кичик ҳавзаларда ов қилинадиган майда балиқларни сақлаб қолиш ишлари олиб борилган, балиқ овлаш қоидаларига риоя қилинган ва муҳофаза қилиш тадбирлари амалга оширилган тақдирдагина йўл қўйилади.

8. Балиқ овлаш участкаларини, ҳисобга олиш, рўйхатдан ўтказиш ва балиқ ва бошқа сув ҳайвонларини овлаш учун «Ўзбалиқ» акциядорлик компанияси таркибига кирувчи ташкилотларга ов билетларини корпорация, қолган фойдаланувчиларга — «Давлатбионазорат» инспекцияси беради.

9. Балиқ овлаш учун рухсатномага эга бўлган юридик ва жисмоний шахслар ўзларига бириктирилган сув ҳавзаларида балиқ тутиш ҳуқуқини бошқа шахсларга бера олмайдилар.

10. «Ўзбалиқ» акциядорлик компанияси балиқ овлаш ҳуқуқи берилган бошқа юридик ва жисмоний шахслар ҳар йили декабрь ойида ўзларига бириктирилган сув ҳавзаларидаги балиқ захираларининг аҳволи тўғрисида «Давлатбионазорат» инспекциясига ахборот берадилар.

11. «Давлатбионазорат» инспекцияси олинган маълумотлар ва Фанлар академиясининг хулосаси асосида январь ойида жорий йилга балиқ овлаш квотасини белгилайди ва фойдаланувчиларнинг таклифларини ҳисобга олган ҳолда уларга бириктирилган сув ҳавзалари бўйича тақсимлайди. Квота тўлов асосида берилади. Тўлов миқдори ҳайвонларни овлашга берилган рухсатномалар қиймати индексларидан келиб чиққан ҳолда белгиланади.

Квота олиш учун тўлов, амалда овланган балиқ миқдоридан қатъи назар, квотада белгиланган балиқ ва бошқа сув ҳайвонларининг умумий сони учун ундирилади, бунда тўлов миқдори фойдаланувчи томонидан бириктирилган сув ҳавзаларида балиқ ресурсларини кўпайтириш тадбирларини ва бунга кўмаклашувчи бошқа ишларни бажариш учун сарфланган харажатлар суммасига камайтирилади.

12. Балиқ бошқа сув ҳайвонларини овлаш фақат улар учун квота белгиланган сув ҳавзаларида амалга оширилиши мумкин. Балиқ ва бошқа сув ҳайвонларини тасдиқланган квотасиз овлаш ёки квотада кўрсатилган миқдордан ортиқ овлаш белгиланган тартибда маъмурий, мулкий ва бошқа жавобгарликка олиб келади.

13. Балиқ овловчи жисмоний ва юридик шахслар ҳар ойда жойлардаги табиатни муҳофаза қилиш органларига ва «Давлатбионазорат» инспекциясига тутилган балиқ ва бошқа сув ҳайвонлари миқдори ва турлари тўғрисида ҳисобот ва тасдиқланган шакллар бўйича балиқларни кўпайтириш ва муҳофаза қилиш тадбирлари ўтказилганлиги тўғрисида бир йилда икки марта (ярим йиллик ва йиллик) статистика ҳисоботи тақдим этадилар.

14. Юридик ва жисмоний шахслар томонидан балиқ, балиқ маҳсулотлари, бошқа сув ҳайвонлари билан савдо қилиш фақат овлаш ёки маҳсулот харид қилишнинг қонунийлигини тасдиқловчи ҳужжатлар ва маҳсулотга сифат сертификати мавжуд бўлган тақдирда белгиланган тартибда шаҳарлар ва туманлар ҳокимликлари томонидан белгиланган жойларда амалга оширилиши мумкин.

— ўзига берилган балиқ хўжалиги сув ҳавзасини «Давлатбионазорат» инспекцияси билан келишмасдан бошқа ташкилотларга бермаслик;

— табиатни муҳофаза қилиш қонун ҳужжатларининг бузилишига йўл қўймаслик

— хўжалик чегараларини белгилаш;

— табиатни муҳофаза қилиш давлат инспекторларига уларнинг талабларига биноан, балиқ овлаш учун рухсатномани, овлашни қайд қилиш дафтарини ва балиқ овлашга тааллуқли бошқа ҳужжатларни кўрсатиш, ов анжомларини текшириш ва овланган балиқларни, шунингдек балиқ овлашни тавсифловчи тезкор маълумотлар қайд қилинган овчилик дафтарларини кўздан кечириш учун ишлаб чиқариш биноларини, сузиш воситаларини, қабул пунктларини белгиланган тартибда текшириб чиқишга тўсқинлик қилмаслик;

— фойдаланувчини белгилайдиган ов анжомларини маркалаш;

— балиқ овлаш ҳавзасидан ёки участкасидан тўлиқ ва рухсатномада ёзилган ов анжомлари билан фойдаланиш;

— бириктирилган қирғоқ участкалари ва сув ҳавзаларини тегишли санитария ҳолатида сақлаш;

— балиқ овлаш сув ҳавзаларида ёки участкаларида «Давлатбионазорат» инспекцияси органлари рухсатисиз сув ҳавзалари табиий шароитларини ўзгартирувчи ишларни амалга оширмаслик;

— «Давлатбионазорат» инспекцияси билан келишган ҳолда ўз маблағлари ҳисобидан балиқ овлаш ва мелиорация ишларини ўз кучлари билан амалга ошириш;

— балиқ тутиш учун берилган квотадан ошмаслик;

— овчилар ва балиқчилар жамиятига бириктирилган сув ҳавзаларида балиқ овламаслик, овлаш шартнома бўйича ёки жамиятнинг розилиги билан амалга ошириладиган ҳоллар бундан мустасно;

— табиатни муҳофаза қилиш органлари ходимларига улар ўз хизмат вазифаларини бажараётган вақтда тунаш учун хоналар, овлашни текшириш учун транспорт воситаси бериш ва йўловчи транспорт воситаларидан фойдаланиш имкониятини яратиш.

Ҳар бир балиқчи овлаш чоғида балиқ овловчи ташкилотга тегишли эканлигини тасдиқловчи ҳужжатга эга бўлиши керак.

3. Шартнома мажбуриятлари бузилган тақдирда шартнома белгиланган тартибда бекор қилиниши мумкин.

4. Томонларнинг юридик манзиллари:

Имзолар ва муҳрлар.

Сув ҳавзаси (сув ҳавзаси участкаси) жойлашган манзил:

1. __________________________________ вилояти __________________________ тумани

2. Сув ҳавзасини (денгиз, дарё, кўл, сув омбори ва ҳоказо)нинг номи_____________________________________

3. Сув ҳавзаси (сув ҳавзаси участкаси)нинг ердан фойдаланувчилар, йўллар, иморатлар чегаралари кўрсатилган харита-чизма бўйича чегараси

4. Ўлчамлари:

а) қирғоғи бўйича узунлиги___________________________________________

б) эни_________________________________________________________

в) майдони ____________________________________________

г) энг юқори чуқурлиги ____________________________________________________

5. Ушбу сув ҳавзаси (сув ҳавзаси участкаси)да сўнгги беш йил мобайнида овланган балиқлар тури ва захираси

_________________________________________________________________________

6. Овлашнинг бошқа объектлари (овлаш турлари ва ҳажми)

_________________________________________________________________________

7. Сув ҳавзасида қўлланадиган ов анжомлари

_________________________________________________________________________

8. Умумий тусдаги бошқа маълумотлар

_________________________________________________________________________