Ўзбекистон Республикаси Президентининг 2023 йил 14 июндаги ПФ-94-сон «Маъмурий ислоҳотлар доирасида транспорт соҳасида давлат бошқарувини самарали ташкил қилиш чора-тадбирлари тўғрисида»ги Фармонига мувофиқ буюраман:

1. Ўзбекистон Республикаси Транспорт вазирлиги ҳузуридаги Фуқаро авиацияси агентлиги директорининг 2025 йил 7 январдаги 1-Н-сон буйруғи (рўйхат рақами 3609, 2025 йил 24 февраль) (Қонунчилик маълумотлари миллий базаси, 24.02.2025 й., 10/25/3609/0174-сон) билан тасдиқланган «Фуқаро авиациясининг авиация ходими гувоҳномасини бериш» Ўзбекистон Республикасининг авиация қоидаларига (ЎЗР АҚ-61) иловага мувофиқ қўшимча ва ўзгартиришлар киритилсин.

2. Мазкур буйруқ Ўзбекистон Республикаси Транспорт вазирлиги ва Камбағалликни қисқартириш ва бандлик вазирлиги билан келишилган.

3. Ушбу буйруқ расмий эълон қилинган кундан эътиборан кучга киради.

1. 1-бандда:

қуйидаги мазмундаги тўққизинчи хатбоши билан тўлдирилсин:

«ташқи учувчи — масофадан бошқариладиган ҳаво кемасининг парвозини амалга ошириш бўйича зарур вазифаларни бажариш учун ҳаво кемаси эгаси (эксплуатант) томонидан тайинланган ҳамда парвоз давомида учишни бошқариш мосламаларини бошқарадиган шахс;»;

тўққизинчи хатбоши ўнинчи хатбоши деб ҳисоблансин.

2. 5-бандда:

ўн тўртинчи хатбошидаги «ТА» серияси.» деган сўзлар «ТА» серияси;» деган сўзлар билан алмаштирилсин;

қуйидаги мазмундаги хатбоши билан тўлдирилсин:

«ташқи учувчи гувоҳномаси — ушбу Қоидаларнинг 19¹-иловасига мувофиқ «ТА» серияси.».

3. 7-бандда:

1) «а» кичик банднинг тўртинчи ва бешинчи хатбошилари қуйидаги таҳрирда баён этилсин:

«мутахассислик бўйича ишга яроқлилик тўғрисидаги амалдаги ижобий тиббий хулоса (бундан ҳаво кемаларига техник хизмат кўрсатиш бўйича мутахассислар мустасно);

учувчи, штурман, борталоқачилар, ҲҲБ диспетчерлари учун ИКАОнинг тил билиш шкаласи бўйича инглиз тилини билиш даражаси тўғрисидаги ҳужжатнинг (сертификатнинг) нусхаси (камида 4-даража);»;

2) «б» кичик банднинг тўртинчи хатбошиси қуйидаги таҳрирда баён этилсин:

«мутахассислик бўйича ишга яроқлилик тўғрисидаги амалдаги ижобий тиббий хулоса;»;

3) «в» кичик бандда:

биринчи хатбоши «планер учувчилар» деган сўзлардан кейин «ва ташқи учувчилар» деган сўзлар билан тўлдирилсин;

иккинчи хатбоши қуйидаги таҳрирда баён этилсин:

«фуқаро авиациясининг сертификатланган ўқув муассасасида тегишли ҳаво кемаси тури бўйича учувчиларни тайёрлаш курсларини тўлиқ тамомлаганлик тўғрисидаги ҳужжат нусхаси;»;

қуйидаги мазмундаги хатбошилар билан тўлдирилсин:

«Ўзавиация» агентлигида тест синовларидан ўтиш ёки имтиҳон топшириш учун икки нусхада ушбу Қоидаларнинг 22-иловасига мувофиқ шаклдаги тақдимнома;

мутахассислик бўйича ишга яроқлилик тўғрисидаги амалдаги ижобий тиббий хулоса;»;

4) қуйидаги мазмундаги «г» кичик банд билан тўлдирилсин:

«г) фуқаро авиацияси учувчиси гувоҳномасини олишда ҳарбий учувчилар учун:

«Ўзавиация» агентлигида тест синовларидан ўтиш ёки имтиҳон топшириш учун икки нусхада ушбу Қоидаларнинг 22-иловасига мувофиқ шаклдаги тақдимнома;

ҳарбий таълим муассасасининг транспорт авиацияси учувчиси мутахассислиги бўйича диплом нусхаси;

мутахассислик бўйича ишга яроқлилик тўғрисидаги амалдаги ижобий тиббий хулоса;

ИКАОнинг тил билиш шкаласи бўйича инглиз тилини билиш даражаси тўғрисидаги ҳужжатнинг (сертификатнинг) нусхаси (камида 4-даража);

фуқаро авиациясининг сертификатланган ўқув муассасасида тегишли ҳаво кемаси тури бўйича қайта ўқитиш курсларини тўлиқ тамомлаганлик тўғрисидаги ҳужжат нусхаси;

ҳарбий-транспорт авиациясида (турлари ва лавозимлари бўйича) учиш соатларини тасдиқловчи ҳужжат нусхаси.

Бунда, ҳарбий учувчилар томонидан фуқаро авиацияси учувчиси гувоҳномасини олишда номзоднинг парвоз фаолиятидаги танаффуси беш йилдан ошмаган бўлиши лозим.».

4. 23-банд қуйидаги таҳрирда баён этилсин:

«23. Хорижий давлат томонидан берилган авиация ходими (учувчилар, штурманлар, бортмуҳандислар, бортмеханиклар, борталоқачилар, бортоператорлар, ҲҲБ диспетчери, ҳаво кемаларига техник хизмат кўрсатиш бўйича мутахассис ва кабина экипажи аъзолари) гувоҳномасини тан олиш учун фуқаро авиацияси ташкилоти «Ўзавиация» агентлигига мазкур Қоидаларнинг 21-иловасига мувофиқ шаклда ариза билан ёзма ёки электрон шаклда мурожаат қилади.

Бунда, ушбу аризага қуйидаги ҳужжатлар илова қилинади:

хорижий давлат томонидан берилган фуқаро авиацияси мутахассиси гувоҳномасининг нусхаси (барча малака белгилари билан бирга);

тижорат авиацияси учиш таркиби учун авария-қутқарув тайёргарлиги (қуруқлик, сув) ва хавфли юкларни ташиш бўйича ўқув курслари сертификатлари нусхалари;

мутахассислик бўйича ишга яроқлилик тўғрисидаги амалдаги ижобий тиббий хулоса (бундан ҳаво кемаларига техник хизмат кўрсатиш бўйича мутахассислар мустасно);

учувчи, штурман, борталоқачилар, ҲҲБ диспетчерлари учун ИКАОнинг тил билиш шкаласи бўйича инглиз тилини билиш даражаси тўғрисидаги ҳужжатнинг (сертификатнинг) нусхаси (камида 4-даража);

учиш таркиби учун таълим ташкилотида назарий курс, тренажёр ва учиш (амалий) тайёргарликдан ўтилганлигини тасдиқловчи ҳужжатларнинг нусхалари (ҳаво кемасида учиш текшируви ва тренажёрда ўтказилган охирги машғулот (текширув) саналари кўрсатилган ҳолда).».

5. 24-банддаги «ўн иш куни» деган сўзлар «ўттиз кун» деган сўзлар билан алмаштирилсин.

6. 26-банддаги «имтиҳонга» деган сўз «суҳбатга» деган сўз билан алмаштирилсин.

7. 27-банд қуйидаги таҳрирда баён этилсин:

«27. Суҳбат номзодга Ўзбекистон Республикасининг ҳаво ҳудудида парвозларни амалга оширишнинг ўзига хос хусусиятлари ва қонунчилиги бўйича маълумот бериш мақсадида ўтказилади.».

8. 28-банд қуйидаги таҳрирда баён этилсин:

«28. «Ўзавиация» агентлиги томонидан хорижий давлат томонидан берилган авиация ходими гувоҳномасини ИКАО стандартлари ва тавсия қилинган амалиётларини инобатга олган ҳолда тан олишда ушбу авиация ходимига мазкур Қоидаларнинг 26-иловасига мувофиқ шаклда сертификат тақдим қилинади.».

9. Қуйидаги мазмундаги 28¹-банд билан тўлдирилсин:

«28¹. Хорижий давлат томонидан берилган авиация гувоҳномаси эгасининг малакасини ошириш, касбий билим ва амалий тажрибасини лозим даражада ушлаб туриш ИКАО стандартлари ва тавсия қилинган амалиётларига мувофиқ амалга оширилади.».

10. 29-банднинг тўртинчи хатбошиси қуйидаги таҳрирда баён этилсин:

«мутахассислик бўйича ишга яроқлилик тўғрисидаги амалдаги ижобий тиббий хулоса (бундан ҳаво кемаларига техник хизмат кўрсатиш бўйича мутахассислар мустасно)».

11. 30-банд «Учувчилар таркиби,» деган сўзлардан кейин «кабина экипажи аъзолари,» деган сўзлар билан тўлдирилсин.

12. 36-банднинг иккинчи хатбошисидаги «планер учувчиларига» деган сўзлардан кейин «, ташқи учувчиларга,» деган сўзлар билан тўлдирилсин.

13. 3-иловада:

1) 1-бандда:

қуйидаги мазмундаги ўнинчи ва ўн биринчи хатбошилар билан тўлдирилсин:

«планер учувчиси;

ташқи учувчи;»;

ўнинчи — ўн тўртинчи хатбошилар тегишли равишда ўн иккинчи — ўн олтинчи хатбошилар деб ҳисоблансин;

2) 5-бандда:

биринчи хатбоши куйидаги таҳрирда баён этилсин:

«5. Гувоҳнома қуйидаги ёшдан кичик бўлмаган шахсларга берилади:»;

учинчи хатбошидаги «учиш аппарати учувчиларига» деган сўзлар «учиш аппарати учувчилари ва ташқи учувчиларга» деган сўзлар билан алмаштирилсин.

14. 4-илованинг 10-банди «планер учувчиси,» деган сўзлардан кейин «ташқи учувчи,» деган сўзлар билан тўлдирилсин.

15. Мазкур қўшимча ва ўзгартиришларнинг иловасига мувофиқ таҳрирдаги 19¹-илова билан тўлдирилсин.

16. 22-илованинг «Баҳолар варақаси» бўлими изоҳ қисмида:

қуйидаги мазмундаги ўн тўртинчи хатбоши билан тўлдирилсин:

«ташқи учувчилар: 1 — 10, 13-кичик бандлар»;

ўн тўртинчи хатбоши ўн бешинчи хатбоши деб ҳисоблансин.