«Маҳаллий давлат ҳокимияти тўғрисида»ги (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда) Ўзбекистон Республикаси Қонунига, Ўзбекистон Республикаси Бюджет кодексининг (Ўзбекистон Республикаси қонун ҳужжатлари тўплами, 2013 й., 52-I-сон) 99-моддаси, Ўзбекистон Республикаси Президентининг 2018 йил 26 декабрдаги «Ўзбекистон Республикасининг 2019 йилги асосий макроиқтисодий кўрсаткичлари прогнози ва Давлат бюджети параметрлари ҳамда 2020-2021 йилларга бюджет мўлжаллари тўғрисида»ги ПҚ-4086-сон ва Халқ депутатлари Хоразм вилояти Кенгашининг 2018 йил 26 декабрдаги «Хоразм вилояти маҳаллий бюджетининг 2019 йилдаги асосий параметрлари тўғрисида»ги 40-176-сон қарорларининг ижросини таъминлаш мақсадида қарор қиламан:
1. Ўзбекистон Республикаси Президентининг 2018 йил 26 декабрдаги «Ўзбекистон Республикасининг 2019 йилги асосий макроиқтисодий кўрсаткичлари прогнози ва Давлат бюджети параметрлари ҳамда 2020-2021 йилларга бюджет мўлжаллари тўғрисида»ги ПҚ-4086-сон ва Халқ депутатлари Хоразм вилояти Кенгашининг 2018 йил 26 декабрдаги «Хоразм вилояти маҳаллий бюджетининг 2019 йилдаги асосий параметрлари тўғрисида»ги 40-176-сон қарорлари раҳбарлик ва ижро учун қабул қилинсин.
вилоятни ижтимоий-иқтисодий ривожлантиришнинг асосий макроиқтисодий кўрсаткичлари прогнози 1-иловага* мувофиқ;
вилоят бюджети, шаҳарлар ва туманлар маҳаллий бюджетларининг даромадлари ва харажатлари ҳажмлари, вилоят маҳаллий бюджетига республика бюджетидан ижтимоий соҳа учун трансфертлар миқдорлари 3-иловага* мувофиқ;
шаҳарлар ва туманлар маҳаллий бюджетларига умумдавлат солиқлари тушумларидан ажратмалар нормативлари 4-иловага* мувофиқ;
шаҳарлар ва туманлар маҳаллий бюджетларининг нақд пул касса айланмасининг йўл қўйиладиган энг кам миқдорлари 5-иловага* мувофиқ;
3. Вилоят молия бош бошқармасига (Т. Бабаджанов) даромадлар ва харажатлар ўртасидаги вақтинчалик касса тафовутларини қоплаш учун тегишли маҳаллий бюджетларга бюджетдан трансфертлар ва ссудалар ажратишда уларнинг миқдорларини ҳудудлар бўйича барча солиқлар ва тўловларнинг тўлиқ тушишидан, шунингдек, иш ҳақи (ягона ижтимоий тўлов билан бирга), нафақалар ва уларга тенглаштирилган тўловлар бўйича маҳаллий бюджетларнинг харажатларини молиялаштириш зарурлигидан келиб чиққан ҳолда аниқлаштириш топширилсин.
4. Вилоят молия бош бошқармасининг 2018 йилги вилоят маҳаллий бюджети даромадларини 1 081,5 млрд.сўм ва харажатларини 1 823,1 млрд.сўм миқдорида аниқлаштириш тўғрисида таклифи қабул қилинсин.
5. Хоразм вилоятининг 2019 йилги маҳаллий бюджети параметрлари Халқ депутатлари вилоят Кенгашининг 2018 йил 26 декабрдаги 40-176-сон қарори билан маъқулланганлиги маълумот учун қабул қилинсин.
6. Мазкур қарор Хоразм вилояти ҳокимлигининг расмий нашри ҳисобланган «Хоразм ҳақиқати» ва «Хорезмская правда» газеталарида эълон қилинган кундан кучга киради.
7. Вилоят ҳокимлиги ҳузуридаги «Вилоят компьютерлаштириш маркази» ДУК (М. Мавлонов) мазкур қарорнинг вилоят ҳокимлигининг расмий веб-сайтида жойлаштирилишини таъминласин.