Ўзбекистон Республикаси Президенти ҳузуридаги Вазирлар Маҳкамасининг «Тошкентда ишбилармонлар учрашувини ўтказиш якунлари тўғрисида» 1991 йил 10 октябрдаги 254-сон қарорига, Ўзбекистон Республикаси Президентининг «Тошкент шаҳрида чет эл дипломатик ваколатхоналари учун бинолар қуриш ва ажратиш, уларнинг фаолиятини зарур шароитлар билан таъминлаш тўғрисида» 1992 йил 11 январдаги Р-122-сон фармойишига мувофиқ Вазирлар Маҳкамаси қарор қилади:

1. Вазирликлар, идоралар, муассасалар ва ташкилотлар чет эл дипломатик ваколатхоналарини жойлаштириш учун маъмурий биноларни шаҳар ҳокимлиги билан 1-иловага* мувофиқ келишилган муддатларда Тошкент шаҳар ҳокимлиги ихтиёрига берсинлар.

2. Кўчирилаётган ташкилотлар, вазирликлар, идораларнинг аппаратларини жойлаштириш учун 2-иловага* мувофиқ ётоқхоналар биноси, В.И. Ленин номидаги ТошДУнинг фалсафа, тарих факультетлари ва малака ошириш институтининг биноси Амир Темур кўчаси, 60-а уйдаги ётоқхона билан бирга, шунингдек, Рус тили ва адабиёти институтининг Фурқат кўчасида қурилаётган биноси Тошкент шаҳар ҳокимлиги балансига берилсин.

3. Ўзбекистон Республикаси Энергетика ва электрлаштириш вазирлиги, «Тошкентбошқурилиш», Мелиорация ва сув хўжалиги вазирлиги 1-иловада кўрсатилган ташкилотларни уларни зичлаштириш ҳисобига жойлаштирсинлар.

4. Ўзбекистон Республикаси Давлат ўрмон қўмитаси, Давлат жисмоний тарбия ва спорт қўмитаси, Соғлиқни сақлаш вазирлиги, Ўрта Осиё Тиббиёт фанлари академиясининг аппаратлари Рус тили ва адабиёти институтининг Фурқат кўчасида қурилаётган биносига жойлаштирилсин.

5. ТошДУ фалсафа, тарих факультетлари ва малака ошириш институти контингенти билан Олий ўқув юртлари шаҳарчасида Шарқшунослик институти биноларида жойлаштирилсин, Амир Темур кўчаси, 60-а уйдаги шу муносабат билан бўшаб қолган жойларга Ўзбекистон Республикаси хўжалик ҳисобидаги «Сайёҳ-Интур» бирлашмаси ва «Ватанпарвар» МКТ Марказий Кенгашининг аппаратлари жойлаштирилсин.

Ўзбекистон Республикаси Халқ таълими вазирлиги республика услубият марказининг Лоҳутий кўчасида қурилаётган биносига Тошкент давлат шарқшунослик институти жойлаштирилсин.

7. Чкалов номидаги Тошкент авиация ишлаб чиқариш бирлашмаси (ўртоқ Журавлев) «Минерал» илмий-тадқиқот институтининг 60 кишилик ходимларини жойлаштириш учун шаҳар ҳокимлиги билан келишилган муддатларда, хоналар ажратсин.

8. Буюртмачилар: Ўзбекистон Республикаси Халқ таълими вазирлиги, «Ўзрадиоэлектротехасбоб» концерни Ўзбекистон ҳисоблаш техникаси ва информатика ишлаб чиқариш бирлашмаси, бош пудратчи ташкилот – «Тошкентбошқурилиш» Рус тили ва адабиёт институти, Ўзбекистон Республикаси Халқ таълими вазирлигининг услубият маркази, Ўзбекистон ҳисоблаш техникаси ва информатика ишлаб чиқариш бирлашмасининг техник хизмат кўрсатиш маркази бинолари қурилишини 1992 йил июнь ойида тугаллашни таъминласинлар.

Ўзбекистон Республикаси Молия вазирлиги қайд қилинган иншоотлар қурилишини тугаллаш учун республика бюджетидан Ўзбекистон Республикаси Халқ таълими вазирлигига қўшимча равишда 26,0 млн. сўм ва Ўзбекистон ҳисоблаш техникаси ва информатика ишлаб чиқариш бирлашмасига 3,5 млн. сўм ажратсин».

9. Тошкент шаҳар ҳокимлиги:

1-иловада санаб ўтилган барча корхоналар ва ташкилотларнинг бошқарув аппаратларини (3, 4, 5, 6 ва 7-бандларда назарда тутилганлардан ташқари) 2-иловага мувофиқ Тошкент шаҳар ҳокимлигига берилаётган ётоқхоналар биносига жойлаштирсин;

келишилган муддатларда республика қурилиш ташкилотларининг кучлари билан бўшаётган биноларни қайта қуриш, капитал таъмирлаш ва ободонлаштиришга доир ишларнинг бажарилишини ва уларни 3-иловага* мувофиқ чет эл ваколатхоналарини жойлаштириш учун беришни таъминласин;

кўчиб ўтилгандан кейин бир ой муддат ичида вазирликлар, идоралар, ташкилотлар ва муассасалар билан шартномалар тузсин, биноларни ижарага олиш учун тегишли ордерлар берсин ва маъмурий бинолардан фойдаланиш тартибини тасдиқласин.

10. Мазкур қарорнинг бажарилишини назорат қилиш Вазирлар Маҳкамасининг тармоқ комплексларига ва Ўзбекистон Республикаси Президенти аппарати Ишлар Бошқармасига юклатилсин.