«Ўзбекистон ҳаво йўллари» миллий авиакомпаниясининг халқаро авиаташувлар бозоридаги фаолиятини тезкор ва самарали таъминлаш учун зарур шарт-шароитлар яратиш мақсадида Вазирлар Маҳкамаси қарор қилади:

1. «Ўзбекистон ҳаво йўллари» Миллий авиакомпаниясига Ўзбекистон Республикаси Марказий банкининг рухсати билан чет элдаги ваколатхоналарининг банк ҳисоб рақамларига эга бўлишига рухсат берилсин.

2. «Ўзбекистон ҳаво йўллари» Миллий авиакомпанияси ваколатхоналарининг ҳисобрақамлари фаолият юритиш тартиби иловага мувофиқ тасдиқлансин.

3. Белгилансинки:

«Ўзбекистон ҳаво йўллари» миллий авиакомпаниясининг валюта маблағларидан мақсадли фойдаланилиши устидан назоратни Ўзбекистон Республикаси Молия вазирлиги ва Ташқи иқтисодий фаолият миллий банки амалга оширади;

«Ўзбекистон ҳаво йўллари» миллий авиакомпанияси ҳар ойда ҳисобот давридан кейинги ойнинг 25-санасигача Ўзбекистон Республикасининг Молия вазирлиги ва Ташқи иқтисодий фаолият миллий банкига хорижий ҳисобварақлар бўйича маблағлар ҳаракати ва қолдиқлари тўғрисидаги маълумотни тақдим этиб боради.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Б.С. Ҳамидов ва Л.Л. Ахметовга юклатилсин.

Шу билан «Ўзбекистон ҳаво йўллари» Миллий авиакомпаниясининг чет элдаги ваколатхоналари ҳисобварақларининг қуйидаги амал қилиш тартиби ўрнатилади. Мазкур тартиб мавжуд ва янги очилаётган ҳисобварақларга улар очилган вақтдан бошлаб татбиқ этилади.

1. Ҳисоб-китоблар хорижий давлатларнинг миллий валюталарида ҳамда эркин айирбошланадиган валютада амалга оширилиши мумкин.

2. Ваколатхоналарнинг ҳисобварақларига қуйидаги маблағлар киритилиши мумкин:

авиаташувларни сотишдан тушган маблағлар;

«Ўзбекистон ҳаво йўллари» Миллий авиакомпаниясининг ҳаво кемаларини ижарага беришдан олинган маблағлар;

хизмат кўрсатувчи банкларнинг фоизлари;

«Ўзбекистон ҳаво йўллари» миллий авиакомпанияси томонидан Ўзбекистон Республикаси ҳудудидаги аэропортларда кўрсатиладиган хизматлар учун хорижий компаниялардан тушадиган маблағлар;

«Ўзбекистон ҳаво йўллари» миллий авиакомпаниясининг Ўзбекистон Республикаси Ташқи иқтисодий фаолият миллий банкидаги ҳисоб рақамидан ўтказилган маблағлар;

«Ўзбекистон ҳаво йўллари» миллий авиакомпанияси кўрсатмасига кўра, ваколатхонанинг фаолиятини молиялаштириш учун бошқа ваколатхонадан келадиган маблағлар;

Товарлар, ишлар ва хизматлар етказиб берилганлиги учун илгари тўланган маблағларни, шу жумладан суғурта товонларини, қайтариш сифатида хорижий компаниялардан келадиган маблағлар;

илгари тўланган солиқларнинг қайтарилиши шаклида келадиган;

«Ўзбекистон ҳаво йўллари» МАК балансидан асосий воситаларни (шу жумладан, ҳаво кемалари ва авиация двигателларини) ҳисобдан чиқариш масалаларини кўриб чиқиш ва хулосалар тайёрлаш бўйича Идоралараро комиссиянинг қарорига мувофиқ ваколатхона мол-мулкини сотишдан келадиган маблағлар.

«Ўзбекистон ҳаво йўллари» Миллий авиакомпаниясининг чет элдаги ваколатхоналари ҳисоб рақамларига келиб тушган чет эл валютасидаги маблағлар, қонун ҳужжатларида белгиланган тартибда мажбурий сотувни ҳисоблаш ва амалга ошириш мақсадида, «Ўзбекистон ҳаво йўллари» Миллий авиакомпаниясининг умумий валюта тушуми ҳажмида ҳисобга олинади.

3. Ваколатхоналарнинг ҳисобварақларидаги маблағлар қуйидагилар учун ишлатилиши мумкин:

«Ўзбекистон ҳаво йўллари» Миллий авиакомпанияси самолётларига ёнилғи қуйиш ва махсус суюқликлар харид қилиш, брон қилиш ва СИТА тизимларидан фойдаланиш, самолётларга, йўловчиларга, юкларга, почта ва багажга (воситачилик фаолиятидан ташқари) ерда хизмат кўрсатиш ва тижорат хизмати кўрсатиш ҳамда «Ўзбекистон ҳаво йўллари» Миллий авиакомпанияси самолётларига техник хизмат кўрсатиш, шу жумладан эҳтиёт қисмларни алмаштириш, аэропортларда «Ўзбекистон ҳаво йўллари» Миллий авиакомпанияси ҳаво кемаларининг қисмлари, агрегатлари ва деталларини таъмирлаш, чет давлатлар ҳудудлари устидан учиш, бортда овқатланиш, экипажларни таъминлаш ва ҳаво кемаларини ижарага олиш билан боғлиқ харажатларни қоплаш учун тўловлар;

«Ўзбекистон ҳаво йўллари» миллий авиакомпаниясининг авиация техник мулкига тўлов;

Тасдиқланган сметалар доирасида иш ҳақи ва унга тенглаштирилган тўловларни, шу жумладан ваколатхоналар ходимларига хизмат сафари харажатлари учун маблағларни (белгиланган меъёрларга мувофиқ), ҳамда «Ўзбекистон ҳаво йўллари» миллий авиакомпаниясининг ташишларни сотиш бўйича агентлари ва йўловчилари билан ҳисоб-китобларни тўлаш;

Ваколатхонанинг штатдаги ходимларига (шу жумладан штатдаги ва маҳаллий ходимларнинг тиббий суғуртаси бўйича) ҳамда «Ўзбекистон ҳаво йўллари» миллий авиакомпаниясининг эстафета (транзит) экипажларига тиббий харажатларни қоплаш;

«Ўзбекистон ҳаво йўллари» Миллий авиакомпаниясининг хизмат сафарига юборилган ходимларига сафар харажатларини, шу жумладан уларнинг малака ошириш курсларида таълим олиши ва семинарларда иштирок этиши билан боғлиқ харажатларни, шунингдек бошқа кўзда тутилмаган харажатларни қоплаш;

«Ўзбекистон ҳаво йўллари» миллий авиакомпанияси ҳаво кемаларига техник хизмат кўрсатиш ва уларни суғурталаш учун тўловлар;

«Ўзбекистон ҳаво йўллари» миллий авиакомпанияси ваколатхоналарининг тасдиқланган сметалар бўйича канцелярия ва хўжалик харажатларини тўлаш (шу жумладан, турар жой ва нотурар жой биноларини ижарага олиш ва сақлаш учун тўловлар, ваколатхонанинг штатдаги ходимлари учун квартираларни танлаш бўйича риэлторлик хизматлари, инвентар ва жиҳозларни сотиб олиш, ижарага олиш, уларга хизмат кўрсатиш ва таъмирлаш харажатлари, ваколатхоналар ходимларининг 18 ёшгача бўлган фарзандларини ваколатхона жойлашган мамлакатдаги умумий ўрта таълим муассасасида ўқитиш харажатлари, аудиторлик, бухгалтерия ва маслаҳат хизматлари кўрсатиш билан боғлиқ харажатлар, ваколатхона жойлашган мамлакат ҳудудида даъво-талабнома ишларини юритиш харажатлари, транспорт харажатлари, шу жумладан ваколатхона автотранспортини ижарага олиш ва сақлаш харажатлари, реклама ва реклама-эсдалик маҳсулотларини сотиб олиш харажатлари, даврий нашрларни харид қилиш харажатлари, алоқа харажатлари, шу жумладан интернет, почта-телеграф харажатлари, ваколатхоналар, ваколатхоналарнинг штатдаги ходимлари ва уларнинг оила аъзолари фаолиятини қонунийлаштириш харажатлари, ахборот хизматлари учун тўловлар, шу жумладан маълумотномалар, техник ҳужжатлар, ҳуқуқий адабиётлар харид қилиш, вакиллик харажатларини тўлаш, ваколатхона ходимларининг ваколатхона жойлашган мамлакат қонунчилигида кўзда тутилган курсларда ўқиши учун харажатларни тўлаш, ваколатхона ходимларини ваколатхона жойлашган мамлакат қонунчилигига мувофиқ суғурталаш харажатлари);

хизмат кўрсатувчи банкларнинг воситачилик ҳақини тўлаш;

ҳукуматлараро битимларда қайд этилмаган солиқлар ва йиғимларни тўлаш;

Ўзбекистон Республикаси Ташқи иқтисодий фаолият миллий банкидаги «Ўзбекистон ҳаво йўллари» Миллий авиакомпанияси ҳисобварақларига пул ўтказмалари;

«Ўзбекистон ҳаво йўллари» Миллий авиакомпаниясининг келаётган ва кетаётган йўловчиларга хизмат кўрсатиш ҳамда фавқулодда вазиятларда юклар, почта ва багажни қайта ишлаш харажатларини қоплаш;

Ваколатхона жойлашган мамлакатдан йўловчиларни депортация қилиш билан боғлиқ харажатларни тўлаш;

«Ўзбекистон ҳаво йўллари» миллий авиакомпанияси йўловчиларига етказилган зарарни қоплаш тўловлари;

«Ўзбекистон ҳаво йўллари» миллий авиакомпанияси кўрсатмасига мувофиқ, бошқа ваколатхона фаолиятини молиялаштириш мақсадида унинг ҳисоб рақамига маблағларни ўтказиш;

ваколатхонанинг ҳисоб рақамларидаги пул маблағларини конвертация қилиш;

«Ўзбекистон ҳаво йўллари» Миллий авиакомпаниясининг учувчи-техник таркиби ва авиация ўқув юртлари талабалари учун ўқув харажатлари, тренажёр тайёргарлиги бўйича сарфланадиган маблағлар;

«Ўзбекистон ҳаво йўллари» миллий авиакомпаниясининг халқаро кўргазмалар ва ярмаркаларда иштирок этиши билан боғлиқ харажатларни қоплаш;

Халқаро ташкилотларга, шу жумладан Ўзбекистон Республикаси номидан, аъзолик бадаллари, йиғимлар ва бошқа тўловларни амалга ошириш;

Халқаро ваколатли агентликлар ва ташкилотлар томонидан сертификатлаштириш ўтказилиши учун тўловлар, шунингдек, авиаташувларни таъминлаш мақсадида маълумотномалар ва ахборот маълумотлар базаларини сотиб олиш харажатлари;

Ўзбекистон Республикаси Ҳукуматининг кўрсатмаларига биноан ёки Ўзбекистон Республикаси вазирликлари ва идоралари билан тузилган ёзма келишувларга мувофиқ бошқа харажатларни қоплаш.

4. «Ўзбекистон ҳаво йўллари» миллий авиакомпаниясининг импорт шартномалари бўйича ваколатхоналар ҳисоб рақамларидан тўловлар амалга оширилишига ва «Ўзбекистон ҳаво йўллари» миллий авиакомпаниясининг экспорт шартномалари бўйича валюта тушумини ушбу ҳисоб рақамларига ўтказилишига фақат мазкур Тартибнинг 2 ва 3-бандларида кўрсатилган операциялар доирасида рухсат берилади.

5. «Ўзбекистон ҳаво йўллари» миллий авиакомпанияси ой охирида ваколатхоналарнинг ҳисоб рақамлари ва кассаларида хорижий валюта қолдиқлари лимитларини белгилайди. Бу лимитлар ушбу Тартибнинг 3-бандида кўрсатилган ўртача ойлик харажатлардан келиб чиққан ҳолда ва «Ўзбекистон ҳаво йўллари» миллий авиакомпанияси учун белгиланган валюта тушумининг бир қисмини мажбурий сотиш топшириғини ҳисобга олган ҳолда ўрнатилади.

Бунда белгиланган лимитлардан ошган суммалар эркин айирбошланадиган валютага конвертация қилиниб, кейинчалик «Ўзбекистон ҳаво йўллари» миллий авиакомпаниясининг Ўзбекистон Республикаси Ташқи иқтисодий фаолият миллий банкидаги ҳисобварағига ўтказилади.

6. «Ўзбекистон ҳаво йўллари» миллий авиакомпанияси қонун ҳужжатларида белгиланган тартибга мувофиқ Ўзбекистон Республикаси Марказий банкининг рухсати билан чет элда банк ҳисобварақларини очиш ҳуқуқига эга.

7. «Ўзбекистон ҳаво йўллари» миллий авиакомпанияси чет элдаги банкларда очилган ўз ҳисоб рақамларидаги маблағлар ҳаракати тўғрисидаги маълумотни Ўзбекистон Республикаси Ташқи иқтисодий фаолият миллий банкига қонун ҳужжатларида белгиланган тартибда тақдим этади.

8. «Ўзбекистон ҳаво йўллари» миллий авиакомпанияси ўз ваколатхоналарини молиявий-хўжалик фаолиятини тўғри юритиш, чет эл валютаси қолдиқлари учун белгиланган лимитларга риоя қилиш, шунингдек, валюта тушумининг бир қисмини мажбурий сотиш мақсадида маблағларни Ўзбекистон Республикаси Ташқи иқтисодий фаолият миллий банкидаги компания ҳисобрақамига ўз вақтида ва тўлиқ ўтказиш бўйича текширувдан ўтказади.

9. «Ўзбекистон ҳаво йўллари» миллий авиакомпанияси ҳар ойнинг 25-санасигача бўлган муддатда Ўзбекистон Республикаси Молия вазирлигига ва Ташқи иқтисодий фаолият миллий банкига хорижий ҳисобварақлар бўйича маблағларнинг ҳаракати ва қолдиқлари тўғрисидаги маълумотни тақдим этиши шарт. Бу маълумот ўтган ойга тегишли бўлиши керак.

10. Чет эл банкларидаги ҳисобварақлар бўйича ваколатхоналар томонидан амалга ошириладиган операцияларнинг тўғри бажарилиши учун жавобгарлик «Ўзбекистон ҳаво йўллари» миллий авиакомпанияси зиммасига юклатилади.