“Atmosfera havosini muhofaza qilish to‘g‘risida”gi O‘zbekiston Respublikasi Qonuniga muvofiq buyuraman:
1. O‘zbekiston Respublikasi korxonalari uchun atmosfera havosini ifloslantirish manbalarini inventarizatsiyadan o‘tkazish va unga chiqarib tashlanadigan ifloslantiruvchi moddalarni me’yorlash bo‘yicha taklif etilgan yo‘riqnoma* tasdiqlansin.
* Yo‘riqnoma rus tilidagi matnda berilgan.
2. Mazkur buyruq O‘zbekiston Respublikasi Adliya vazirligida uning davlat ro‘yxatiga olingandan boshlab o‘n kun o‘tgach kuchga kiritilsin.
3. Ushbu buyruqning kuchga kirishi bilan O‘zbekiston Respublikasi Tabiatni muhofaza qilish davlat qo‘mitasining 11.07.1994-yil 14-TK-sonli qarori bilan tasdiqlangan “Tabiat muhofazasi. Atmosfera. Atmosfera havosini ifloslantirish manbalari inventarizatsiyasini tashkil qilish va uni o‘tkazish tartibi. Yo‘riqnoma.” nomli 118.0027714.35-94-sonli rahbariy hujjat hamda O‘zbekiston Respublikasi Tabiatni muhofaza qilish davlat qo‘mitasining 05.11.1992-yil 5-TK-sonli qarori bilan tasdiqlangan “Tabiat muhofazasi. Atmosfera. Ifloslantiruvchi moddalarni atmosfera havosiga chiqarib tashlashning yo‘l qo‘yilishi mumkin bo‘lgan chegaraviy me’yorlari loyihalarining tarkibini belgilash uchun korxonaning toifasini aniqlash bo‘yicha uslubiy ko‘rsatmalar” nomli 118.0027714.17-92-sonli rahbariy hujjatlar o‘z kuchini yo‘qotgan deb hisoblansin.