Keyingi yillarda mamlakatimizda zamonaviy raqamli texnologiyalarni keng joriy etish, elektron tijorat sohasini rivojlantirish borasida tizimli ishlar olib borilmoqda.

Shu bilan birga bugungi kunda raqamli texnologiyalarning jadal rivojlanishi elektron tijorat ishtirokchilari uchun zamonaviy logistika infratuzilmasiga ega milliy elektron tijorat makoni yaratilishini hamda elektron tijorat ishtirokchilarining huquq va manfaatlarini himoya qilishning huquqiy asoslari yanada takomillashtirilishini taqozo etmoqda.

Mazkur Qonun bilan Oʻzbekiston Respublikasining Soliq kodeksiga elektron shakldagi xizmatlarni koʻrsatuvchi yoki elektron savdo platformalari orqali tovarlarni realizatsiya qiluvchi chet el yuridik shaxslariga soliq solinishini, ularning hisobga qoʻyilishini va hisobdan chiqarilishini, soliq hisoblab chiqarilishini, ular tomonidan soliq hisobotlari taqdim etilishini hamda soliq toʻlanishini belgilashga qaratilgan qoʻshimcha va oʻzgartirishlar kiritilmoqda.

Shuningdek “Elektron tijorat toʻgʻrisida”gi Oʻzbekiston Respublikasi Qonuniga elektron tijorat, elektron savdo platformasi, elektron tijorat ishtirokchilari va operatorlarining (elektron savdo platformasi operatorlarining, buyurtmalar agregatori operatorlarining, raqamli striming xizmati operatorlarining) huquq va majburiyatlari, elektron tijorat sohasida toʻlovlarni, transchegaraviy elektron tijoratni amalga oshirishning, raqamli mahsulotlar eksporti va importining oʻziga xos xususiyatlari belgilanishini nazarda tutuvchi oʻzgartirish va qoʻshimchalar kiritilmoqda.

Ushbu Qonun raqamli iqtisodiyotni va elektron tijorat platformalarini (servislarini) yanada rivojlantirishga, elektron tijoratning shaffof va ochiq ekotizimini yaratishga hamda raqamli mahsulotlar (xizmatlar) xaridorlarining huquqlarini himoya qilishga xizmat qiladi.

1-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda; 2023-yil, № 6, 444, 446-moddalar, № 7, 540-modda, № 12, 1011-modda; 2024-yil, № 2, 106, 110, 111-moddalar, № 4, 346-modda, № 5, 458, 459-moddalar, № 8, 822, 831-moddalar, № 9, 958-modda, № 10, 1076-modda, № 11, 1190-modda, № 12, 1283, 1284, 1296, 1297-moddalar; 2025-yil, № 2, 188, 194-moddalar, № 4, 519, 520, 521, 522-moddalar, № 5, 644, 645-moddalar, № 6, 729, 731-moddalar, № 8, 971, № 10, 1153-modda, № 12, 1322, 1324, 1328, 1329-moddalar) quyidagi qoʻshimcha va oʻzgartirishlar kiritilsin:

1) 19-modda quyidagi mazmundagi sakkizinchi qism bilan toʻldirilsin:

“Realizatsiya qilish joyi Oʻzbekiston Respublikasi deb eʼtirof etiladigan elektron shakldagi xizmatlarni koʻrsatuvchi yoki elektron savdo platformalari orqali tovarlarni realizatsiya qiluvchi chet el yuridik shaxslariga hujjatlar qogʻozda yoki telekommunikatsiya kanallari orqali elektron shaklda joʻnatilganidan soʻng oʻttiz kundan keyin olingan deb hisoblanadi”;

2) 129-moddaning:

oʻn ikkinchi qismidagi “xizmatlar koʻrsatuvchi va” degan soʻzlar “xizmatlar koʻrsatuvchi yoki elektron savdo platformalari orqali tovarlarni realizatsiya qiluvchi hamda” degan soʻzlar bilan almashtirilsin;

oʻn uchinchi qismidagi “oʻn uchinchi” degan soʻzlar “oʻn ikkinchi” degan soʻzlar bilan almashtirilsin;

oʻn toʻrtinchi qismidagi “oʻn uchinchi” degan soʻzlar “oʻn ikkinchi” degan soʻzlar bilan almashtirilsin;

oʻn beshinchi qismidagi “oʻn uchinchi” degan soʻzlar “oʻn ikkinchi” degan soʻzlar bilan almashtirilsin;

oʻn oltinchi qismidagi “oʻn uchinchi — oʻn oltinchi” degan soʻzlar “oʻn ikkinchi — oʻn beshinchi” degan soʻzlar bilan almashtirilsin;

3) 39-bobning nomi quyidagi tahrirda bayon etilsin:

4) 278-moddaning matni quyidagi tahrirda bayon etilsin:

“Realizatsiya qilish joyi Oʻzbekiston Respublikasi boʻlgan elektron shakldagi xizmatlarni koʻrsatuvchi yoki elektron savdo platformalari orqali tovarlarni realizatsiya qiluvchi chet el yuridik shaxslari jismoniy shaxslarga bunday xizmatlarni koʻrsatishga va tovarlarni realizatsiya qilishga oid qism boʻyicha soliq toʻlovchilar deb eʼtirof etiladi.

Elektron savdo platformalari orqali jismoniy shaxslarga tovarlar realizatsiya qilinganda, xaridorning yashash joyi va tovarlarni yetkazib berish joyi Oʻzbekiston Respublikasi boʻlsa, tovarlarni realizatsiya qilish joyi Oʻzbekiston Respublikasi deb eʼtirof etiladi.

Agar chet el yuridik shaxslari jismoniy shaxslarga ushbu Kodeksning 282-moddasida belgilangan xizmatlarni elektron shaklda koʻrsatsa yoki elektron savdo platformalari orqali tovarlarni realizatsiya qilsa hamda ularni realizatsiya qilish joyi Oʻzbekiston Respublikasi boʻlsa, bunday xizmatlarni koʻrsatuvchi va (yoki) tovarlarni realizatsiya qiluvchi chet el yuridik shaxslari bilan topshiriq, vositachilik, agentlik shartnomalari yoki boshqa shunga oʻxshash shartnomalar asosida bevosita jismoniy shaxslar bilan hisob-kitoblarda ishtirok etadigan vositachilar boʻlgan chet el yuridik shaxslari yoki Oʻzbekiston Respublikasining yuridik shaxslari bunday xizmatlarni realizatsiya qilishga doir operatsiyalarga nisbatan soliq agentlari deb eʼtirof etiladi.

Agar bunday xizmatlar va (yoki) tovarlar vositachilar boʻlgan bir nechta yuridik shaxsning hisob-kitoblarida izchil ketma-ketlikda ishtirok etgan holda koʻrsatilsa va (yoki) realizatsiya qilinsa, bevosita jismoniy shaxslar hamda xizmatlar koʻrsatuvchi va (yoki) tovarlarni realizatsiya qiluvchi chet el yuridik shaxslari bilan hisob-kitoblarda ishtirok etayotgan vositachi boʻlgan chet el yuridik shaxslari yoki Oʻzbekiston Respublikasining yuridik shaxslari, ularda ushbu xizmatlarni koʻrsatuvchi va (yoki) tovarlarni realizatsiya qiluvchi chet el yuridik shaxsi bilan shartnoma mavjudligidan qatʼi nazar, soliq agentlari deb eʼtirof etiladi.

Agar chet el yuridik shaxslari Oʻzbekiston Respublikasining elektron savdo platformalari orqali xizmatlar koʻrsatsa va (yoki) tovarlarni realizatsiya qilsa hamda ularni realizatsiya qilish joyi Oʻzbekiston Respublikasi boʻlsa, ushbu xizmatlarni koʻrsatuvchi va (yoki) tovarlarni realizatsiya qiluvchi chet el yuridik shaxslarining foydasiga hisob-kitoblarni amalga oshiruvchi mazkur elektron savdo platformalari operatorlari bunday operatsiyalarga nisbatan soliq agentlari deb eʼtirof etiladi.

Agar bunday xizmatlar Oʻzbekiston Respublikasining yuridik shaxslariga va Oʻzbekiston Respublikasida faoliyatni doimiy muassasalar orqali amalga oshiruvchi Oʻzbekiston Respublikasi norezidentlari boʻlgan yuridik shaxslarga koʻrsatiladigan boʻlsa, bunday xizmatlarning xaridorlari boʻlgan mazkur shaxslar soliq agentlari deb eʼtirof etiladi”;

5) 279-modda quyidagi tahrirda bayon etilsin:

Agar chet el yuridik shaxsi jismoniy shaxslarga ushbu Kodeksning 282-moddasida koʻrsatilgan, realizatsiya qilish joyi Oʻzbekiston Respublikasi deb eʼtirof etiladigan elektron shakldagi xizmatlar koʻrsatadigan boʻlsa yoki elektron savdo platformalari orqali tovarlarni realizatsiya qilsa va, agar bu yuridik shaxsning oʻzi vositachilarsiz tovarlarni (xizmatlarni) oluvchi boʻlgan jismoniy shaxslar bilan hisob-kitoblarni amalga oshirsa, chet el yuridik shaxsini soliq organida hisobga qoʻyish (hisobdan chiqarish) hisobga qoʻyish (hisobdan chiqarish) toʻgʻrisidagi ariza va Oʻzbekiston Respublikasi Soliq qoʻmitasi tomonidan roʻyxati tasdiqlanadigan boshqa hujjatlar asosida amalga oshiriladi. Shunday xizmatlarda va (yoki) shunday tovarlarni realizatsiya qilishda soliq agenti deb eʼtirof etiladigan vositachi boʻlgan chet el yuridik shaxsini soliq organida hisobga qoʻyish (hisobdan chiqarish) xuddi shunday tartibda amalga oshiriladi.

Hisobga qoʻyish (hisobdan chiqarish) toʻgʻrisidagi ariza chet el yuridik shaxslari tomonidan soliq organiga elektron shaklda xizmatlar koʻrsatish yoki elektron savdo platformalari orqali tovarlarni realizatsiya qilish boshlangan (tugatilgan) kundan eʼtiboran oʻttiz kalendar kundan kechiktirmay beriladi”;

6) 280-modda:

birinchi qismidagi “xizmatlarni” degan soʻz “xizmatlarni koʻrsatish yoki elektron savdo platformasi orqali tovarlarni” degan soʻzlar bilan almashtirilsin;

quyidagi mazmundagi uchinchi qism bilan toʻldirilsin:

“Chet el yuridik shaxslari elektron savdo platformalari orqali jismoniy shaxslarga Oʻzbekiston Respublikasi realizatsiya qilish joyi deb eʼtirof etiladigan tovarlarni realizatsiya qilganda, soliq bazasi mazkur tovarlarning ularni realizatsiya qilishning haqiqiy narxlaridan kelib chiqib hisoblab chiqariladigan soliq summasi hisobga olingan holdagi qiymati sifatida aniqlanadi”;

uchinchi — oltinchi qismlari tegishincha toʻrtinchi — yettinchi qismlar deb hisoblansin;

7) 281-moddaning:

nomidagi “koʻrsatishda” degan soʻz “koʻrsatuvchi yoki elektron savdo platformalari orqali tovarlarni realizatsiya qiluvchi” degan soʻzlar bilan almashtirilsin;

birinchi qismi quyidagi tahrirda bayon etilsin:

“Ushbu Kodeksning 282-moddasida belgilangan elektron shakldagi xizmatlarni koʻrsatuvchi yoki elektron savdo platformalari orqali tovarlarni realizatsiya qiluvchi chet el yuridik shaxslari soliq organiga soliq hisobotini soliq toʻlovchining shaxsiy kabineti orqali, belgilangan format boʻyicha elektron shaklda taqdim etadi”.

2-modda. Oʻzbekiston Respublikasining 2022-yil 29-sentabrda qabul qilingan “Elektron tijorat toʻgʻrisida”gi OʻRQ-792-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2022-yil, № 9, 896-modda; 2025-yil, № 4, 519-modda) quyidagi oʻzgartirish va qoʻshimchalar kiritilsin:

1) 3-moddaning matni quyidagi tahrirda bayon etilsin:

“buyurtmalar agregatori — Internet jahon axborot tarmogʻidan va telekommunikatsiya tarmogʻidan foydalangan holda elektron tijorat ishtirokchilariga xizmatlarni (ishlarni) taqdim etishga doir shartnomalar tuzish hamda toʻlovlarni amalga oshirish uchun texnik, tashkiliy va axborot infratuzilmasi bilan taʼminlovchi apparat-dasturiy majmua yoki axborot-kommunikatsiya tizimi;

buyurtmalar agregatori operatori — buyurtmalar agregatoriga egalik qiluvchi va (yoki) uni boshqaruvchi yuridik shaxs;

raqamli mahsulotlar — intellektual mulk obyektlarining elektron koʻchirma nusxalari (raqamli tovarlar), shuningdek elektron axborot muhitida moddiy natijaga ega boʻlmagan muayyan harakatlarni yoki muayyan faoliyatni amalga oshirish, shu jumladan “bulutli texnologiyalar”ni (raqamli xizmatlarni) olishga hamda ularga obuna boʻlishga doir xizmatlar;

raqamli striming xizmati — Internet jahon axborot tarmogʻidan va telekommunikatsiya tarmogʻidan foydalangan holda elektron tijorat ishtirokchilariga raqamli mahsulotlardan real vaqt rejimida (onlayn) foydalanish imkoniyatini beruvchi, shuningdek shartnomalar tuzish hamda toʻlovlarni amalga oshirish uchun texnik, tashkiliy va axborot infratuzilmasi bilan taʼminlovchi apparat-dasturiy majmua yoki axborot-kommunikatsiya tizimi;

raqamli striming xizmati operatori — raqamli striming xizmatiga egalik qiluvchi va (yoki) uni boshqaruvchi yuridik shaxs;

elektron savdo platformasi — Internet jahon axborot tarmogʻidan va telekommunikatsiya tarmogʻidan foydalangan holda elektron tijorat ishtirokchilari oʻrtasida tovarlar (ishlar, xizmatlar) oldi-sotdisini amalga oshirishga doir shartnomalar tuzish hamda toʻlovlarni amalga oshirish uchun texnik, tashkiliy va axborot infratuzilmasi bilan taʼminlovchi apparat-dasturiy majmua yoki axborot-kommunikatsiya tizimi;

elektron savdo platformasi operatori — elektron savdo platformasiga egalik qiluvchi va (yoki) uni boshqaruvchi yuridik shaxs;

elektron tijorat — axborot-kommunikatsiya texnologiyalaridan foydalangan holda tadbirkorlik faoliyati doirasida tovarlarni sotishga, ishlarni bajarishga va xizmatlarni koʻrsatishga doir jismoniy va (yoki) yuridik shaxslar oʻrtasida shartnomalar tuzish jarayoniga oid munosabatlar”;

2) 4-moddaning beshinchi xatboshisidagi “subyektlarining” degan soʻz “ishtirokchilari hamda operatorlarining” degan soʻzlar bilan almashtirilsin;

3) 5-moddaning beshinchi xatboshisidagi “subyektlarining” degan soʻz “ishtirokchilari hamda operatorlarining” degan soʻzlar bilan almashtirilsin;

4) 7-modda ikkinchi qismining:

oltinchi xatboshisidagi “subyektlarining” degan soʻz “ishtirokchilari hamda operatorlarining” degan soʻzlar bilan almashtirilsin;

oʻninchi xatboshisidagi “subyektlariga” degan soʻz “ishtirokchilari hamda operatorlariga” degan soʻzlar bilan almashtirilsin;

5) 3-bobning nomi quyidagi tahrirda bayon etilsin:

6) 8-modda ikkinchi qismining:

ikkinchi xatboshisidagi “maydonchasida” degan soʻz “platformasida” degan soʻz bilan almashtirilsin;

uchinchi xatboshisidagi “maydonchasida” degan soʻz “platformasida” degan soʻz bilan almashtirilsin;

7) 9-modda birinchi qismining uchinchi xatboshisidagi “maydonchasini” degan soʻz “platformasini” degan soʻz bilan almashtirilsin;

8) quyidagi mazmundagi 10¹-modda bilan toʻldirilsin:

Elektron tijorat ishtirokchilari hamda operatorlari turli davlatlar hududida joylashgan va ulardan biri Oʻzbekiston Respublikasi hududida joylashgan holda amalga oshiriladigan elektron tijorat turi transchegaraviy elektron tijorat hisoblanadi.

Transchegaraviy elektron tijorat tartib-taomillari Oʻzbekiston Respublikasi Vazirlar Mahkamasi tomonidan belgilanadi”;

9) 11-moddaning birinchi qismi quyidagi tahrirda bayon etilsin:

“Elektron tijorat operatorlari jumlasiga quyidagilar kiradi:

elektron savdo platformasi operatorlari;

buyurtmalar agregatori operatorlari;

raqamli striming xizmati operatorlari”;

10) 12-modda:

birinchi qismining uchinchi xatboshisidagi “subyektlariga” degan soʻz “ishtirokchilariga” degan soʻz bilan almashtirilsin;

ikkinchi qismining:

beshinchi xatboshisidagi “subyektlariga” degan soʻz “ishtirokchilariga” degan soʻz bilan almashtirilsin;

oltinchi xatboshisidagi “subyektlari” degan soʻz “ishtirokchilari” degan soʻz bilan almashtirilsin;

toʻrtinchi qismidagi “subyektlarining” degan soʻz “ishtirokchilarining” degan soʻz bilan almashtirilsin;

quyidagi mazmundagi beshinchi va oltinchi qismlar bilan toʻldirilsin:

“Elektron tijorat ishtirokchilari oʻrtasida elektron tijorat operatorining axborot tizimlari orqali tuzilgan shartnoma yuzasidan oʻzining faoliyati boʻyicha majburiyatlarining ijro etilishi, shuningdek xaridorga sifatsiz tovar (ish, xizmat) yetkazib berilishi yoki nomaqbul sifatli nooziq-ovqat tovari almashtirilishi natijasida kelib chiqadigan nizolar boʻyicha sotuvchi asosiy javobgar hisoblanadi.

Sotuvchi tomonidan xaridorning qonuniy talablarini qanoatlantirish imkoniyati boʻlmagan taqdirda, basharti shartnoma shartlarida yoki qonunchilikda boshqacha tartib nazarda tutilmagan boʻlsa, elektron tijorat operatori xaridor oldida subsidiar javobgar boʻladi”;

beshinchi qismi yettinchi qism deb hisoblansin;

11) 13-modda quyidagi tahrirda bayon etilsin:

Elektron savdo platformasi operatori ushbu Qonun 12-moddasining birinchi qismida koʻrsatilgan elektron tijorat operatori huquqlaridan tashqari oʻz elektron savdo platformasida tovarlarni (ishlarni, xizmatlarni) bevosita, mustaqil ravishda sotish huquqiga ham ega.

Elektron savdo platformasi operatori ushbu Qonun 12-moddasining ikkinchi qismida koʻrsatilgan elektron tijorat operatori majburiyatlaridan tashqari:

faoliyatning litsenziyalanadigan turlarini amalga oshirayotgan yoki faoliyatni (harakatlarni) ruxsat etish xususiyatiga ega hujjatlar asosida yoxud xabardor qilish tartibida amalga oshirayotgan sotuvchilarning tegishli litsenziyalarini yoki ruxsat etish xususiyatiga ega hujjatlarini yoxud xabarnomalarini tekshirishi;

qonunchilikka muvofiq muomaladan olib qoʻyilgan yoki muomalasi cheklangan tovarlarning (ishlarning, xizmatlarning) realizatsiya qilinishiga barham berilishi boʻyicha choralar koʻrishi;

elektron savdo platformasidan foydalanuvchilarning shaxsga doir maʼlumotlari konfidensialligini taʼminlashi, shaxsga doir maʼlumotlar toʻgʻrisidagi qonunchilik talablariga rioya etishi;

elektron savdo platformasida toʻlovlarni amalga oshirishda axborot xavfsizligi va kiberxavfsizlik talablariga rioya etilishini taʼminlashi;

elektron savdo platformasi faoliyati bilan bogʻliq murojaatlarni qonunchilikda belgilangan tartibda koʻrib chiqishi;

vakolatli davlat organiga tegishli axborotni qonunchilik hujjatlarida nazarda tutilgan hollarda va tartibda taqdim etishi;

tovarlarni (ishlarni, xizmatlarni) taklif qilish va tartiblashtirish algoritmlari shaffofligini taʼminlashi;

xaridor tomonidan sharhlar qoldirilishi imkoniyatini yaratishi, ularni oʻzgartirmasligi va ularning saqlanishini taʼminlashi (bundan qonunchilikda nazarda tutilgan hollar mustasno);

elektron savdo platformasidan foydalanish qoidalarini, shartnoma (ommaviy oferta) shartlarini, shuningdek qonunchilik hujjatlariga muvofiq oshkor etilishi majburiy boʻlgan boshqa maʼlumotlarni elektron savdo platformasida joylashtirishi shart.

Agar elektron savdo platformasi operatori elektron tijorat sohasidagi oʻz faoliyatini toʻxtatib turmoqchi boʻlsa yoki xizmat koʻrsatish qoidalariga oʻzgartirishlar kiritmoqchi boʻlsa, bu haqda kamida oʻttiz kun oldin tegishli elektron savdo platformasida eʼlon berishi kerak (bundan qonunchilikda nazarda tutilgan hollar mustasno)”;

12) 3-bob quyidagi mazmundagi 13¹ va 13²-moddalar bilan toʻldirilsin:

Buyurtmalar agregatori operatori ushbu Qonun 12-moddasining birinchi qismida koʻrsatilgan elektron tijorat operatorining huquqlaridan tashqari talablar, takliflar va boshqa omillardan kelib chiqqan holda xaridor uchun koʻrsatiladigan xizmatlarning (ishlarning) yakuniy qiymatini mustaqil shakllantirish va belgilash huquqiga ega.

Buyurtmalar agregatori operatori ushbu Qonun 12-moddasining ikkinchi qismida koʻrsatilgan elektron tijorat operatorining majburiyatlaridan tashqari:

faoliyatning litsenziyalanadigan turlarini amalga oshirayotgan yoki faoliyatni (harakatlarni) ruxsat etish xususiyatiga ega hujjatlar asosida yoxud xabardor qilish tartibida amalga oshirayotgan sotuvchilarning tegishli litsenziyalarini yoki ruxsat etish xususiyatiga ega hujjatlarini yoxud xabarnomalarini tekshirishi;

qonunchilikka muvofiq muomaladan olib qoʻyilgan yoki muomalasi cheklangan xizmatlarning (ishlarning) realizatsiya qilinishiga barham berilishi boʻyicha choralar koʻrishi;

buyurtmalar agregatoridan foydalanuvchilarning shaxsga doir maʼlumotlari konfidensialligini taʼminlashi, shaxsga doir maʼlumotlar toʻgʻrisidagi qonunchilik talablariga rioya etishi;

buyurtmalar agregatorida toʻlovlarni amalga oshirishda axborot xavfsizligi va kiberxavfsizlik talablariga rioya etilishini taʼminlashi;

buyurtmalar agregatorining faoliyati bilan bogʻliq murojaatlarni qonunchilikda belgilangan tartibda koʻrib chiqishi;

vakolatli davlat organiga tegishli axborotni qonunchilik hujjatlarida nazarda tutilgan hollarda va tartibda taqdim etishi;

xizmatlarni (ishlarni) taklif qilish va tartiblashtirish algoritmlari shaffofligini taʼminlashi;

xaridor tomonidan sharhlar qoldirilishi imkoniyatini yaratishi, ularni oʻzgartirmasligi va ularning saqlanishini taʼminlashi (bundan qonunchilikda nazarda tutilgan hollar mustasno);

buyurtmalar agregatoridan foydalanish qoidalarini, shartnoma (ommaviy oferta) shartlarini, shuningdek qonunchilik hujjatlariga muvofiq oshkor etilishi majburiy boʻlgan boshqa maʼlumotlarni buyurtmalar agregatorida joylashtirishi shart.

Agar buyurtmalar agregatori operatori elektron tijorat sohasidagi oʻz faoliyatini toʻxtatib turmoqchi boʻlsa yoki xizmat koʻrsatish qoidalariga oʻzgartirishlar kiritmoqchi boʻlsa, bu haqda kamida oʻttiz kun oldin tegishli buyurtmalar agregatorida eʼlon berishi kerak (bundan qonunchilikda nazarda tutilgan hollar mustasno).

Raqamli striming xizmati operatori ushbu Qonun 12-moddasining birinchi qismida koʻrsatilgan elektron tijorat operatori huquqlaridan tashqari oʻz raqamli striming xizmatida raqamli mahsulotlardan foydalanish qoidalarini mustaqil belgilash, shuningdek qonunchilik hujjatlariga muvofiq kontentni (axborot resursi mazmunini) moderatsiya qilish huquqiga ega.

Raqamli striming xizmati operatori ushbu Qonun 12-moddasining ikkinchi qismida koʻrsatilgan elektron tijorat operatorining majburiyatlaridan tashqari:

raqamli striming xizmatida joylashtirilgan raqamli mahsulotlarga nisbatan mualliflik huquqiga va turdosh huquqlarga rioya etilishini taʼminlashi, intellektual mulk obyektlaridan noqonuniy foydalanish holatlarini monitoring qilishi va ularning oldini olish choralarini koʻrishi;

qonunchilik hujjatlariga muvofiq muomalasi cheklangan yoki taqiqlangan raqamli mahsulotlarning tarqatilishiga barham berilishi boʻyicha choralar koʻrishi;

foydalanuvchilarga taqdim etilayotgan raqamli mahsulotlar va striming xizmatlari sifatining belgilangan talablarga muvofiqligini taʼminlashi;

raqamli striming xizmatidan foydalanuvchilarning shaxsga doir maʼlumotlari konfidensialligini taʼminlashi, shaxsga doir maʼlumotlar toʻgʻrisidagi qonunchilik talablariga rioya etishi;

raqamli striming xizmatida toʻlovlarni amalga oshirishda axborot xavfsizligi va kiberxavfsizlik talablariga rioya etilishini taʼminlashi;

raqamli striming xizmati faoliyati bilan bogʻliq murojaatlarni qonunchilikda belgilangan tartibda koʻrib chiqishi;

vakolatli davlat organiga tegishli axborotni qonunchilik hujjatlarida nazarda tutilgan hollarda va tartibda taqdim etishi;

raqamli mahsulotlarni taklif qilish va tartiblashtirish algoritmlari shaffofligini taʼminlashi;

xaridor tomonidan sharhlar qoldirilishi imkoniyatini yaratishi, ularni oʻzgartirmasligi va ularning saqlanishini taʼminlashi (bundan qonunchilikda nazarda tutilgan xollar mustasno);

raqamli striming xizmatidan foydalanish qoidalarini, shartnoma (ommaviy oferta) shartlarini, shuningdek qonunchilik hujjatlariga muvofiq oshkor etilishi majburiy boʻlgan boshqa maʼlumotlarni raqamli striming xizmatida joylashtirishi shart.

Agar raqamli striming xizmati operatori elektron tijorat sohasidagi oʻz faoliyatini toʻxtatib turmoqchi boʻlsa yoki xizmat koʻrsatish qoidalariga oʻzgartirishlar kiritmoqchi boʻlsa, bu haqda kamida oʻttiz kun oldin tegishli raqamli striming xizmatida eʼlon berishi kerak (bundan qonunchilikda nazarda tutilgan hollar mustasno)”;

13) 16-moddaning uchinchi qismi:

ikkinchi xatboshisidagi “(oʻzini oʻzi band qilgan shaxslarning familiyasini, ismini, otasining ismini)” degan soʻzlar chiqarib tashlansin;

quyidagi mazmundagi sakkizinchi xatboshi bilan toʻldirilsin:

“tovarlarni (ishlarni, xizmatlarni) qaytarish va (yoki) toʻlangan mablagʻlarni xaridorga qaytarib berish tartibi va shartlarini”;

sakkizinchi xatboshisi toʻqqizinchi xatboshi deb hisoblansin;

14) 23-modda:

toʻrtinchi qismidagi “belgilangan tartibda keyinchalik inkassatsiya qilish sharti bilan” degan soʻzlar chiqarib tashlansin;

quyidagi mazmundagi beshinchi, oltinchi va yettinchi qismlar bilan toʻldirilsin:

“Elektron tijorat operatorlari, elektron tijoratda sotuvchi boʻlgan yuridik shaxslar, yakka tartibdagi tadbirkorlar, shuningdek elektron tijoratda sotuvchi yoki buyurtma asosida tovarlarni (ishlarni, xizmatlarni) yetkazib beruvchi yoxud yoʻlovchilarni yengil avtotransport vositalarida tashish faoliyatini amalga oshiruvchi oʻzini oʻzi band qilgan shaxslar (bundan buyon matnda oʻzini oʻzi band qilgan shaxslar deb yuritiladi) elektron tijorat doirasidagi hisob-kitoblarni faqat alohida bank hisobvaraqlaridan (yakka tartibdagi tadbirkorlar hamda oʻzini oʻzi band qilgan shaxslar — elektron hamyonlaridan ham) foydalangan holda amalga oshiradi.

Oʻzini oʻzi band qilgan shaxslarning elektron tijorat doirasidagi faoliyati natijasida mablagʻlar tarzida olingan daromadlari oʻzini oʻzi band qilgan shaxslarning bank kartasiga biriktirilgan alohida bank hisobvaragʻida va (yoki) elektron hamyonida hisobga olinadi.

Oʻzini oʻzi band qilgan shaxslar quyidagi huquqlarga ega:

uchinchi shaxslar (sotuvchilar) uchun toʻlovni qabul qilish;

tovarlarni (ishlarni, xizmatlarni) yetkazib beruvchining yoki elektron tijorat operatorining hisobvaragʻidagi mablagʻlarni keyinchalik inkassatsiya qilish uchun hisobdan chiqarish maqsadida oʻzini oʻzi band qilgan shaxsning alohida bank hisobvaragʻiga va (yoki) elektron hamyoniga mablagʻlarni oldindan joylashtirish;

yetkazib berilgan tovarlar (ishlar, xizmatlar) uchun toʻlov sifatida naqd pul qabul qilishga, bunda alohida bank hisobvaragʻidan va (yoki) elektron hamyondan tovarlarni (ishlarni, xizmatlarni) yetkazib beruvchiga oʻtkazilgan mablagʻlarga teng boʻlgan miqdorda naqd pulni inkassatsiya qilmasdan oʻz ixtiyorida qoldirish”;

15) 24-moddaning ikkinchi qismidagi “Savdo maydonchalarining” degan soʻzlar “Elektron savdo platformalarining va buyurtma agregatorlarining” degan soʻzlar bilan almashtirilsin;

16) 27-modda quyidagi mazmundagi toʻrtinchi qism bilan toʻldirilsin:

“Agar elektron tijorat operatori tomonidan “eskrou” xizmati koʻrsatilayotgan boʻlsa, sotuvchi xaridorga mablagʻlarni qaytarishni rad etgan taqdirda, elektron tijorat operatori sotuvchi bilan tuzilgan shartnomada belgilangan tartibda mablagʻlarni xaridorga mustaqil ravishda qaytarish huquqiga ega”;

17) 6-bob quyidagi mazmundagi 27¹-modda bilan toʻldirilsin:

Oʻzbekiston Respublikasining bojxona chegarasi orqali moddiy tashuvchilarda olib oʻtiladigan raqamli mahsulotlarning bojxona rasmiylashtiruvi (deklaratsiyalash) Oʻzbekiston Respublikasi qonunchiligida belgilangan tartibda amalga oshiriladi.

Raqamli distributsiya usullari bilan eksport yoki import qilinayotgan raqamli mahsulotlarga bojxona rasmiylashtiruvi amalga oshirilmaydi.

Internet jahon axborot tarmogʻidagi xorijiy elektron savdo platformalari orqali raqamli mahsulotlar raqamli distributsiya qilish yoʻli bilan eksport qilinganda:

raqamli mahsulot uchun xorijiy valyutadagi tushum raqamli mahsulotning sotilganligi boʻyicha eksport qiluvchining hisobiga xorijiy elektron savdo platformasi xizmatlari qiymati chegirib tashlangan holda kelib tushadi;

mazkur tushumning kelib tushish muddati xorijiy elektron savdo platformasining qoidalariga muvofiq belgilanadi”.

3-modda. Oʻzbekiston Respublikasi Istiqbolli loyihalar milliy agentligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

4-modda. Oʻzbekiston Respublikasi Vazirlar Mahkamasi:

ushbu Qonun 2-moddasi 8-bandining toʻrtinchi xatboshisida nazarda tutilgan transchegaraviy elektron tijorat tartib-taomillarini ushbu Qonun rasmiy eʼlon qilingan kundan eʼtiboran uch oy ichida belgilasin;

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

5-modda. Ushbu Qonun rasmiy eʼlon qilingan kundan eʼtiboran uch oy oʻtgach kuchga kiradi.