Diplomatik va ularga tenglashtirilgan chet el vakolatxonalariga, xorijiy yuridik va jismoniy shaxslarga, chet el investitsiyalari ishtirokidagi korxonalarga, xalqaro birlashmalar va tashkilotlarga Toshkent shahrida yer uchastkalarini ijaraga berishni tartibga solish maqsadida Vazirlar Mahkamasi qaror qiladi:
1. Xorijiy yuridik va jismoniy shaxslarga, chet el investitsiyalari ishtirokidagi korxonalarga, xalqaro birlashmalar va tashkilotlarga Toshkent shahrida yer uchastkalarini ijaraga berishning Vaqtinchalik tartibi tasdiqlansin (ilova qilinmoqda).
ijara to‘lovining bozor stavkalarini aniqlash maqsadida O‘zbekiston Respublikasi Davlat mulki qo‘mitasi bilan birgalikda xorijiy yuridik va jismoniy shaxslarga yer uchastkalarini ijaraga berish bo‘yicha kimoshdi savdolari va tanlovlar o‘tkazsin;
O‘zbekiston Respublikasi Davlat mulki qo‘mitasi, Moliya vazirligi, Tashqi ishlar vazirligi bilan birgalikda o‘tkazilgan kimoshdi savdolari, tanlovlarning natijalarini hisobga olgan holda mazkur Tartibni tasdiqlash uchun 1994-yil 1-sentabrgacha Vazirlar Mahkamasiga kiritsin.
2. Mazkur qarorning bajarilishini nazorat qilish Vazirlar Mahkamasining Kapital qurilish, transport va aloqa bo‘limiga yuklansin.
1. Ushbu Vaqtinchalik tartib “Ijara to‘g‘risida”, “Yer to‘g‘risida” O‘zbekiston Respublikasi qonunlariga muvofiq ishlab chiqilgan hamda diplomatik va ularga tenglashtirilgan chet el vakolatxonalariga, xorijiy yuridik va jismoniy shaxslarga, qo‘shma korxonalarga, xalqaro birlashmalar va tashkilotlarga, chet el investitsiyalari ishtirokidagi korxonalarga yer uchastkalarini ijaraga berish masalalarini tartibga soladi.
2. Yer uchastkalari deganda yerning imoratlar joylashgan va qurilish uchun ajratiladigan uchastkalari tushuniladi.
xorijiy yuridik shaxslar, shu jumladan, diplomatik va ularga tenglashtirilgan xorijiy vakolatxonalar;
erda alohida turgan imoratlari bo‘lgan yoki qurilish uchun ijaraga yer olishni xohlovchi chel el investitsiyalari ishtirokidagi korxonalar, xalqaro birlashmalar va tashkilotlar, ularning sho‘ba korxonalari va filiallari.
4. Yer uchastkalari cheklanmagan muddatga ijaraga beriladi. Ijaraning aniq muddatlari shartnoma bilan belgilanadi.
5. Yer uchastkasini ijaraga olishni xohlovchi xorijiy yuridik va jismoniy shaxslar Toshkent shahar hokimligiga buyurtmanoma bilan murojaat qiladilar, diplomatik va ularga tenglashtirilgan xorijiy vakolatxonalar esa qo‘shimcha ravishda O‘zbekiston Respublikasi Tashqi ishlar vazirligining iltimosnomasini taqdim etadilar.
6. Toshkent shahar hokimligi ijaraga yer uchastkasi berish to‘g‘risidagi buyurtmanomani bir oy muddatda ko‘rib chiqadi va tegishli qaror qabul qiladi.
8. Xorijiy yuridik va jismoniy shaxslar yer uchastkalarining ijara haqini belgilangan stavkalarga muvofiq erkin almashtiriladigan valyutada to‘laydilar.
agar ularning xo‘jalik faoliyati erkin almashtiriladigan valyutada amalga oshiriladigan hamda valyuta tushumi mavjud bo‘lsa—erkin almashtiriladigan valyutada;
agar operatsiyalar mutlaqo mahalliy valyutada amalga oshirilsa va valyuta tushumi mavjud bo‘lmasa — Markaziy bankning ijara haqi to‘lanayotgan vaqtdagi kursi bo‘yicha ijara to‘g‘risidagi shartnomaga muvofiq O‘zbekiston Respublikasining milliy valyutasida;
agar ularning xo‘jalik faoliyati ham erkin almashtiriladigan valyutada, ham O‘zbekiston Respublikasi valyutasida amalga oshirilsa—tegishli nisbatan erkin almashtiriladigan valyutada va O‘zbekiston Respublikasining milliy valyutasida amalga oshiradilar.
9. Beriladigan yer uchastkasi bo‘yicha ijara shartnomasi Toshkent shahar hokimligining shu ishga vakolat berilgan vakili hamda ijaraga oluvchining vakili imzolagandan keyin kuchga kiradi.
Hududiy zonalar | Bir kv. metr yer uchun ijara to‘lovlarining AQSh dollaridagi stavkalari | |
xorijiy yuridik va jismoniy shaxslar | diplomatik va ularga teglashtirilgan xorijiy vakolatxonalar | |
1 | 2,50 | 0,50 |
2 | 2,75 | 0,75 |
3 | 4,25 | 1,25 |
4 | 6,25 | 1,75 |
5 | 7,50 | 2,25 |
6 | 7,75 | 2,50 |
7 | 12,25 | 3,75 |
8 | 14,50 | 4,50 |
9 | 16,50 | 5,00 |
10 | 18,75 | 5,75 |
11 | 20,50 | 6,25 |
12 | 22,50 | 6,75 |
13 | 24,50 | 7,50 |
14 | 26,25 | 8,00 |