“Suv va suvdan foydalanish to‘g‘risida”gi O‘zbekiston Respublikasi Qonuniga muvofiq hamda O‘zbekiston Respublikasi Davlat kadastrlari yagona tizimining tashkil etilishini va amal qilishini ta’minlash maqsadida Vazirlar Mahkamasi qaror qiladi:
1. O‘zbekiston Respublikasining Davlat suv kadastrini ishlab chiqish va yuritish tartibi to‘g‘risidagi ilova qilinayotgan Nizom tasdiqlansin.
2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari I.H. Jo‘rabekov zimmasiga yuklansin.
Oldingi tahrirga qarang.
1. Davlat suv kadastri (keyingi o‘rinlarda — Davlat suv kadastri) “Suv va suvdan foydalanish to‘g‘risida”gi O‘zbekiston Respublikasi Qonuniga muvofiq suv resurslaridan oqilona foydalanishni tashkil etish, suv xo‘jaligi munosabatlarini tartibga solish, xo‘jalik faoliyatini, ekologik vaziyatni baholash maqsadida ishlab chiqiladi va yuritiladi hamda O‘zbekiston Respublikasi Davlat kadastrlari yagona tizimining tarkibiy qismi hisoblanadi.
2. Davlat suv kadastri yagona davlat suv fondini tashkil etuvchi suv obyektlari, suv resurslari, suv rejimi, sifati va undan foydalanish haqidagi, shuningdek, suvdan foydalanuvchilar, suv iste’molchilari va suv xo‘jaligi obyektlari, suvni muhofaza qilish zonalari, sohil bo‘yi mintaqalari va sanitariya muhofazasi zonasi, ichimlik va oqova suvlar to‘g‘risidagi tartibga solingan, doimiy to‘ldirib boriladigan va zarurat bo‘lganda aniqlashtiriladigan ma’lumotlar to‘plamini ifodalaydi.
3. Yer usti va yer osti suv obyektlari va ularning resurslari Davlat suv kadastrining obyektlari hisoblanadi.
4. Tabiiy suv resurslarini, ulardan miqdor va sifat ko‘rsatkichlari bo‘yicha foydalanishni har tomonlama o‘rganish va baholash, suvdan foydalanish huquqini va suvdan xo‘jalik maqsadlarida foydalanishni ro‘yxatdan o‘tkazish Davlat suv kadastrining predmeti hisoblanadi.
Suv resurslarini baholash deganda ham yil mobaynida, ham ko‘p yillar mobaynida standart gidrometrik asboblar bilan o‘lchash orqali ularni miqdor va sifat ko‘rsatkichlari bo‘yicha muntazam hisobga olish, olingan ma’lumotlarning ishonchliligi tahlili, ularni standart usullar bilan qayta ishlash va turli hududiy va vaqt birliklari bo‘yicha umumlashtirish tushuniladi.
5. Davlat suv kadastri davlat hokimiyati organlarini, yuridik va jismoniy shaxslarni suv va suv xo‘jaligi obyektlari, suv resurslari, suv rejimi, sifati va undan foydalanish, shuningdek, suvdan foydalanuvchilar va suv iste’molchilari to‘g‘risidagi zarur ma’lumotlar bilan ta’minlash uchun mo‘ljallangan.
6. Eng kam chiqimlar bilan zamonaviy darajada axborotlarni to‘plash, umumlashtirish, saqlash va taqdim etish texnologiyasini doimiy ravishda takomillashtirib borish yo‘li bilan suv resurslari va suv obyektlari haqida ishonchli axborotni olish va saqlash Davlat suv kadastrining asosiy vazifasi hisoblanadi.
7. Suv obyektlari, suvdan foydalanuvchilar, suv iste’molchilari va suv xo‘jaligi obyektlarini ro‘yxatdan o‘tkazish, suv miqdori va sifatini hisobga olish, suv resurslarini va ulardan foydalanishni baholash Davlat suv kadastrining tarkibiy qismlari hisoblanadi.
9. Davlat suv kadastri respublika suv obyektlari to‘g‘risidagi axborotni qayta tiklashning to‘liq turkumini tashkil etuvchi asosiy va joriy turlarni o‘z ichiga oladi.
10. Davlat suv kadastri Davlat kadastrlari yagona tizimining asosiy tarkibiy qismlaridan biri hisoblanadi.
11. Belgilangan tartibda qabul qilingan suv-kadastr axboroti suv va suv xo‘jaligi munosabatlarini tartibga solishda, suvdan foydalanish va suv iste’moli bilan bog‘liq ijtimoiy, iqtisodiy va ekologik vazifalarni hal etishda majburiy yuridik kuchga egadir.
O‘zbekiston Respublikasi Gidrometeorologiya xizmati markazi (keyingi o‘rinlarda — O‘zgidromet) — yer usti suvlari bo‘limi bo‘yicha;
O‘zbekiston Respublikasi Geologiya va mineral resurslar davlat qo‘mitasi (keyingi o‘rinlarda — Davlat geologiya qo‘mitasi) — yer osti suvlari bo‘limi bo‘yicha;
O‘zbekiston Respublikasi Suv xo‘jaligi vazirligi (keyingi o‘rinlarda — Suv xo‘jaligi vazirligi) — suvdan foydalanish bo‘limi bo‘yicha;
O‘zbekiston Respublikasi Uy-joy kommunal xizmat ko‘rsatish vazirligi — ichimlik va oqova suvlar bo‘yicha.
13. Respublika hududida suv obyektlarini ro‘yxatdan o‘tkazish, suv resurslari, ularning rejimi, foydalanish, shuningdek, suvdan foydalanuvchilar, suv iste’molchilari va suv xo‘jaligi obyektlari to‘g‘risidagi miqdor va sifat baho ko‘rsatkichlari haqida ishonchli, zamonaviy va tejamli axborotlarni olish, tartibga solish, saqlash va ularni foydalanuvchilarga berishning texnologik jarayoni Davlat suv kadastrining mazmuni hisoblanadi.
suvdan foydalanishni joriy va istiqbolli rejalashtirish hamda suvni muhofaza qilish tadbirlarini amalga oshirish;
suvdan kompleks foydalanish va uni muhofaza qilish sxemalarini hamda suv xo‘jaligi balanslarini tuzish;
suvdan foydalanish va suv iste’moli bilan bog‘liq bo‘lgan suv xo‘jaligi, transport, sanoat korxonalari hamda boshqa korxonalar va inshootlarni loyihalashtirish;
davlat suv kadastrini yuritishning avtomatlashtirilgan geoaxborot tizimida ma’lumotlar bazasini yaratish va yuritish;
gidrologik va gidrogeologik sharoitlar, daryolarda suv hajmi va suv sifati o‘zgarishlarini prognozlashtirish;
suvni iste’mol qilish va chiqarib yuborishni, shuningdek, suv sifati ko‘rsatkichlarini normalashtirish;
suvdan oqilona foydalanish va uni muhofaza qilish tadbirlari o‘tkazilishi ustidan davlat nazoratini amalga oshirish;
suvdan foydalanuvchilar o‘rtasidagi, shuningdek, suvdan foydalanuvchilar bilan boshqa manfaatdor yuridik va jismoniy shaxslar o‘rtasidagi o‘zaro munosabatlarni tartibga solish;
15. Davlat suv kadastri suv va suv xo‘jaligi obyektlarining quyidagi turlari to‘g‘risidagi ma’lumotlarni o‘z ichiga oladi:
turli suv tizimlarini birlashtiruvchi, oqar suvni hududiy qayta taqsimlashga yoki sug‘orishga xizmat qiluvchi kanallar;
suv obyektlaridan suv olishga mo‘ljallangan inshootlar (kanallar, nasos qurilmalari, foydalanish quduqlari va boshqalar);
foydalanilgan va shaxta suvlarini suv obyektlariga tashlash inshootlari (kollektorlar, drenaj va suv to‘planadigan kanallar, quvursimon suv chiqargichlar va boshqalar);
ichimlik suvni yetkazib berish hamda oqova suvlarni yig‘ish va oqova suvlarni tozalash inshootlariga yetkazib berishga mo‘ljallangan O‘zbekiston Respublikasi hududidagi mavjud va qurilayotgan ichimlik va oqova suv quvurlari va ularga xizmat ko‘rsatish obyektlari;
belgilangan zulfin yoki yong‘in o‘chirish moslamasi, havo chiqaruvchi qurilma bilan birgalikda ichimlik suv quvurlari va oqova suv quvurlarining liniyali qismi, elektrokimyoviy himoya vositalari, nasos stansiyalari, suv taqsimlash inshootlari, bosimli suv minoralari, suv ta’minoti tashkilotlari balansida bo‘lgan, katta diametrlardagi quvurlar va yuqori xavfsizlikni ta’minlash zarurati bilan qo‘riqlash zonasiga ega bo‘lgan boshqa inshootlar.
Ichimlik va oqova suv inshootlari, nasos stansiyalari va suv taqsimlash inshootlari hududi ichidagi texnologik inshoot va jihozlar ichimlik va oqova suvlar obyektlari hisoblanmaydi.
e’lon qilinadigan materiallar (suv va suv xo‘jaligi obyektlari kataloglari, har yilgi va ko‘p yillik ma’lumotlar va boshqalar).
17. Davlat suv kadastriga doir axborot davlat hokimiyati organlariga bepul, boshqa yuridik va jismoniy shaxslarga esa belgilangan tartibda haq evaziga taqdim etiladi.
18. Suv obyektlari turlariga hamda suvni va undan foydalanishni o‘rganish bo‘yicha vazifalar taqsimotiga muvofiq Davlat suv kadastri quyidagi bo‘limlarga bo‘linadi:
19. Suv obyektlari sonini va holatini hisobga olish obyektlarning hajmi, holati, o‘rganilganlik darajasi va muhimligiga qarab, geoaxborot texnologiyalardan foydalangan holda kartografiya, gidrogeologiya va geodeziya usullari bilan amalga oshiriladi.
20. Suv obyektlari rejimini o‘rganish tegishli idoralar tomonidan tasdiqlangan hamda O‘zgidromet bilan kelishilgan standart usullar bo‘yicha standart asboblar vositasida olib boriladi.
21. Davlat suv kadastriga tegishli tematik qatlamlar davlat kadastrlarining har bir turi bo‘yicha bazaviy kartografik asosdan foydalanib, obyekt turlari va axborot turlari (ro‘yxatdan o‘tkazishga oid, hisobga olishga oid, baholashga oid) bo‘yicha shakllantiriladi.
22. Davlat suv kadastriga tegishli tematik qatlamlar davlat kadastrlarining xususiyatidan va obyektlarning joylashuvini aniqlash usulidan kelib chiqib, 1:5 000, 1:10 000, 1:25 000 masshtablarda shakllantiriladi hamda obyektlarning fazoviy joylashuvidagi xatolik mazkur masshtab talablarida belgilangan me’yorlardan oshmagan bo‘lishi vakolatli organlar tomonidan ta’minlanadi.
23. Davlat suv kadastriga tegishli tematik qatlamlarning matematik asosi bazaviy kartografik asosning matematik asosiga muvofiq bo‘lishi lozim hamda taqdim etilayotgan ma’lumotlar 1984-yilgi koordinatalar butunjahon geodeziya tizimida (WGS-84) bo‘lishi zarur.
24. Davlat suv kadastriga tegishli tematik qatlamlarni shakllantirishda vektorli obyektlarning (nuqtali, chiziqli va maydonli) o‘zaro bog‘liqligi va yondoshligi ularning fazoviy joylashuvini inobatga olgan holda tasvirlanadi.
25. Davlat suv kadastriga tegishli tematik qatlamlarning atributiv ma’lumotlari hamda metama’lumotlari davlat tilida lotin alifbosida shakllantiriladi.
26. Davlat suv kadastriga bazaviy kartografik asosining tematik qatlamlari hamda davlat kadastrlarining tegishli geografik axborot tizimlarini yuritish uchun zarur kartografik asoslar davlat kadastrlarini yuritish sohasidagi maxsus vakolatli organ tomonidan shakllantiriladi hamda vakolatli organlarga geoaxborot tizimi orqali integratsiya qilish yo‘li bilan real vaqt rejimida taqdim etiladi.
27. Davlat suv kadastri ma’lumotlari respublika, viloyatlar, Qoraqalpog‘iston Respublikasi hududlari, daryo havzalari, havza irrigatsiya tizimlari bo‘yicha, yer osti suvlari bo‘limi bo‘yicha esa gidrogeologiya mintaqalari bo‘yicha ham tizimlashtiriladi va davlat suv kadastrining avtomatlashtirilgan geoaxborot tizimiga kiritiladi.
28. Yer usti suv resurslari, ularning sifati va xo‘jalik faoliyati ta’siridagi o‘zgarishlar to‘g‘risidagi ma’lumotlar suv obyektlari va ularning maydonlari, davlat va davlatlararo ahamiyatga ega bo‘lgan daryo havzalari, havza irrigatsiya tizimlari, viloyatlar va umuman respublika bo‘yicha davlat suv kadastrining avtomatlashtirilgan geoaxborot tizimida umumlashtiriladi.
29. Yer osti suv resurslari, ularning sifati va xo‘jalik faoliyati ta’siridagi o‘zgarishlar to‘g‘risidagi ma’lumotlar konlar, daryo havzalari va ularning maydonlari, suvli gorizontlar va yer osti suvlari havzalari, viloyatlar hamda umuman respublika bo‘yicha davlat suv kadastrining avtomatlashtirilgan geoaxborot tizimida umumlashtiriladi.
30. Yer osti suvlari resurslarini baholash ularning yer usti suvlari bilan o‘zaro bog‘liqligini hisobga olgan holda amalga oshiriladi.
31. Suvdan foydalanish to‘g‘risidagi ma’lumotlar davlat ahamiyatiga ega bo‘lgan daryo havzalari, havza irrigatsiya tizimlari, alohida muhim suv xo‘jaligi obyektlari, viloyatlar va umuman respublika bo‘yicha, shuningdek, suvdan foydalanish turlari va iqtisodiyot tarmoqlari bo‘yicha umumlashtiriladi.
32. Ichimlik va oqova suvlar obyektlar va ularning maydonlari tumanlar (shaharlar), viloyatlar va respublika bo‘yicha, shuningdek, foydalanish turlari va iqtisodiyot tarmoqlari bo‘yicha umumlashtiriladi.
33. Suvdan foydalanuvchilarni suv resurslari va ulardan foydalanish to‘g‘risidagi zarur ma’lumotlar bilan ta’minlashda tezkorlikni oshirish, shuningdek, iste’molchilarning talablarini hisobga olgan holda ma’lumotlarni qayta ishlash va umumlashtirish darajasini oshirish uchun O‘zgidromet, Davlat geologiya qo‘mitasi hamda Suv xo‘jaligi vazirligi tomonidan davlat suv kadastrining avtomatlashtirilgan geoaxborot tizimi tashkil etiladi.
34. Davlat suv kadastrining avtomatlashtirilgan axborot tizimi O‘zgidromet, Davlat geologiya qo‘mitasi hamda Suv xo‘jaligi vazirligi tomonidan tasdiqlanadigan yagona texnik topshiriq asosida O‘zgidromet, Davlat geologiya qo‘mitasi hamda Suv xo‘jaligi vazirligining tarmoq axborot tizimlari negizida loyihalashtiriladi va tashkil etiladi.
Davlat suv kadastrining avtomatlashtirilgan geoaxborot tizimi o‘zaro ma’lumotlar almashinuvini ta’minlaydi va Davlat kadastrlari yagona tizimiga ma’lumotlarni taqdim qilib boradi.
35. Davlat suv kadastrini yuritish uchun yer usti suvlari, yer osti suvlari va suvdan foydalanish bo‘limlari bo‘yicha Davlat suv kadastrining idoralararo bosh markazi, Davlat suv kadastri idoralarga qarashli bosh markazlari tashkil etiladi.
36. Davlat suv kadastri idoralararo bosh markazi funksiyasini O‘zgidrometning gidrometeorologiya ilmiy-tadqiqot instituti bajaradi.
37. Davlat suv kadastrining idoralararo bosh markazlarining, Davlat suv kadastrining hududiy markazlari va mahalliy organlarining funksiyasi (“Yer usti suvlari”, “Yer osti suvlari”, “Suvdan foydalanish” va “Ichimlik va oqova suvlar” bo‘limlari bo‘yicha) tegishli normativ-huquqiy hujjatlar bilan belgilanadi.
a) Davlat geologiya qo‘mitasi hamda Suv xo‘jaligi vazirligi bilan birgalikda Davlat suv kadastrining umumiy prinsiplarini va ilmiy-metodik asoslarini, Davlat suv kadastrini yuritish, Davlat suv kadastrining avtomatlashtirilgan geoaxborot tizimini loyihalash va tashkil etish tartibini ishlab chiqadi;
b) Davlat suv kadastrini tashkil etish va yuritishga oid barcha ishlarni muvofiqlashtiradi, yo‘naltiradi va birlashtiradi;
v) Davlat geologiya qo‘mitasi hamda Suv xo‘jaligi vazirligi bilan birgalikda Davlat suv kadastrining idoralararo normativ-texnik hujjatlarini (shu jumladan, Davlat suv kadastrining avtomatlashtirilgan geoaxborot tizimi uchun idoralararo loyiha hujjatlarini) ishlab chiqadi;
g) Davlat geologiya qo‘mitasi hamda Suv xo‘jaligi vazirligi tomonidan ishlab chiqiladigan Suv kadastrini yuritishga oid metodik ko‘rsatmalarni, DSK avtomatlashtirilgan geoaxborot tizimi orqali ma’lumot va xizmatlarni taqdim etish va DSKga oid boshqa normativ-texnik hujjatlarni, shuningdek, DSKning avtomatlashtirilgan geoaxborot tizimi uchun loyiha hujjatlarini kelishib oladi;
d) Davlat geologiya qo‘mitasi hamda Suv xo‘jaligi vazirligi mutaxassislarini jalb qilgan holda yer usti suvlari va yer osti suvlari hamda ulardan foydalanish to‘g‘risidagi ma’lumotlarni yig‘ma tahlil qilishni, bog‘lashni va avtomatlashtirilgan geoaxborot tizimi orqali umumlashtirishni bajaradi hamda ma’lumot va xizmatlarni taqdim qiladi;
e) Davlat geologiya qo‘mitasi hamda Suv xo‘jaligi vazirligi bilan birgalikda Davlat suv kadastri axborotnomasini nashr etishga tayyorlaydi;
j) “Yer usti suvlari” bo‘limi bo‘yicha Davlat suv kadastrini ishlab chiqadi va yuritadi, shu jumladan:
bo‘lim bo‘yicha Davlat suv kadastrini (jumladan, Davlat suv kadastrining avtomatlashtirilgan geoaxborot tizimini) yuritish tizimini ishlab chiqadi va takomillashtiradi;
er usti suvlari to‘g‘risidagi axborotlarni to‘plash, nazorat qilish, qayta ishlash va umumlashtirishga oid usullarni, algoritmlarni va mashinalashtirilgan dasturlarni ishlab chiqishni ta’minlaydi;
bo‘lim bo‘yicha Davlat suv kadastrining avtomatlashtirilgan geoaxborot tizimi funksional va idoraviy kichik tizimlarni loyihalash, sinash, joriy etish va takomillashtirishni ta’minlaydi;
Suv kadastri hududiy markazlari va mahalliy organlari uchun Davlat suv kadastrini yuritishga oid metodik ko‘rsatmalarni, bo‘lim bo‘yicha avtomatlashtirilgan geoaxborot tizimi orqali ma’lumot va xizmatlarni taqdim etadi va boshqa normativ-texnik hujjatlarni ishlab chiqadi;
er usti suvlari to‘g‘risidagi ma’lumotlarni yig‘ish, nazorat qilish, qayta ishlash, saqlash va ularni foydalanuvchilar so‘roviga ko‘ra berishni tashkil etadi;
er usti suvlari resurslarini joriy va istiqbol uchun hamda ularning xo‘jalik faoliyati ta’siridagi o‘zgarishlarini baholaydi;
Davlat suv kadastri avtomatlashtirilgan geoaxborot tizimi orqali ma’lumot va xizmatlarni taqdim etadi;
o‘ziga qarashli muassasalar hamda tashkilotlar tomonidan bajariladigan Davlat suv kadastrini ishlab chiqish va yuritishga oid ishlarga rahbarlik qilish, rejalashtirish va ularning bajarilishini nazorat qilishni amalga oshiradi.
39. “Yer osti suvlari” va “Suvdan foydalanish” bo‘limlari bo‘yicha Davlat suv kadastrini yuritish uchun zarur bo‘lgan yer usti suvlari to‘g‘risidagi ma’lumotlar Davlat geologiya qo‘mitasiga hamda Suv xo‘jaligi vazirligiga davlat suv kadastrining avtomatlashtirilgan geoaxborot tizimi orqali taqdim qilinishini ta’minlaydi.
40. Davlat geologiya qo‘mitasi “Yer osti suvlari” bo‘limi bo‘yicha Davlat kadastrini ishlab chiqadi va uni yuritadi, shu jumladan:
bo‘lim bo‘yicha Davlat suv kadastrini (jumladan, Davlat suv kadastrining avtomatlashtirilgan geoaxborot tizimini) yuritish tizimini ishlab chiqadi va takomillashtiradi;
yer osti suvlari to‘g‘risidagi axborotlarni to‘plash, nazorat qilish, qayta ishlash va umumlashtirishga oid usullarni, algoritmlarni va avtomatlashtirilgan dasturlarni ishlab chiqadi;
bo‘lim bo‘yicha Davlat suv kadastrining avtomatlashtirilgan geoaxborot tizimi funksional kichik tizimlarini loyihalash, sinash, joriy etish va takomillashtirishni ta’minlaydi;
Suv kadastri hududiy markazlari va mahalliy organlari uchun Davlat suv kadastrini yuritishga oid metodik ko‘rsatmalarni, bo‘lim bo‘yicha Suv kadastri avtomatlashtirilgan geoaxborot tizimi orqali ma’lumot va xizmatlarni taqdim etadi va boshqa normativ-texnik hujjatlarni ishlab chiqadi;
yer osti suvlari to‘g‘risidagi ma’lumotlarni yig‘ish, nazorat qilish, qayta ishlash, saqlash va ularni foydalanuvchilar so‘roviga ko‘ra berishni amalga oshiradi;
yer osti suvlari resurslarini joriy va istiqbol uchun hamda ularning xo‘jalik faoliyati ta’siridagi o‘zgarishlarini baholaydi;
“Yer osti suvlari” bo‘limi bo‘yicha Davlat suv kadastri avtomatlashtirilgan geoaxborot tizimi orqali ma’lumot va xizmatlarni taqdim etadi;
“Suvdan foydalanish” bo‘limi bo‘yicha Davlat suv kadastrini yuritish uchun zarur bo‘lgan ma’lumotlarni Suv xo‘jaligi vazirligiga taqdim etadi;
o‘ziga qarashli muassasalar hamda tashkilotlar tomonidan bajariladigan Davlat suv kadastrini ishlab chiqish va yuritishga oid ishlarga rahbarlik qilish, rejalashtirish va ularning bajarilishini nazorat qilishni amalga oshiradi;
doimiy ravishda suvdan foydalanuvchilar va suv iste’molchilari tomonidan taqdim etilgan ma’lumotlar va hisobotlar asosida kadastr ma’lumotlarini yillik umumlashtirish, shuningdek, ekspluatatsion quduqlar va buloqlarni kamida uch yilda bir marta gidrogeologik tadqiqotlar natijalari, monitoring tadqiqotlari natijalari bilan yangilab boradi.
41. Davlat suv kadastrini yuritish bo‘yicha metodik ko‘rsatmalar loyihalarini, Davlat suv kadastri nashrlari maketlarini va Davlat suv kadastrining boshqa normativ-texnik hujjatlarini, shuningdek, “Yer osti suvlari” bo‘limi bo‘yicha Davlat suv kadastrining avtomatlashtirilgan geoaxborot tizimiga loyiha hujjatlarini kelishib olish uchun O‘zgidrometga taqdim etadi.
42. “Yer usti suvlari” bo‘limi bo‘yicha Davlat suv kadastrining idoralararo qo‘shma ma’lumotlarni taqdim qilish va Davlat suv kadastrini yuritish uchun zarur bo‘lgan yer osti suvlariga oid materiallarning O‘zgidrometga berilishini ta’minlaydi.
43. “Suvdan foydalanish” bo‘limi bo‘yicha Davlat suv kadastrini yuritish uchun zarur bo‘lgan ma’lumotlarning Suv xo‘jaligi vazirligiga berilishini ta’minlaydi.
44. Suv xo‘jaligi vazirligi “Suvdan foydalanish” bo‘limi bo‘yicha Davlat suv kadastrini ishlab chiqadi va uni yuritadi, shu jumladan:
Davlat suv kadastrini (jumladan, Davlat suv kadastrining avtomatlashtirilgan geoaxborot tizimini) yuritish tizimini ishlab chiqadi va takomillashtiradi;
suvdan foydalanish to‘g‘risidagi axborotlarni nazorat qilish, qayta ishlash va umumlashtirishga oid usullar, algoritmlarni hamda avtomatlashtirilgan dasturlarni ishlab chiqishni ta’minlaydi;
Davlat suv kadastrining avtomatlashtirilgan geoaxborot tizimining funksional kichik tizimlarini loyihalashni, sinashni, joriy etishni va takomillashtirishni ta’minlaydi;
irrigatsiya tizimlarining havza boshqarmalari, magistral kanallar (tizimlar) boshqarmalari va irrigatsiya tizimlari boshqarmalari uchun Davlat suv kadastrini yuritish bo‘yicha metodik ko‘rsatmalarni, Davlat suv kadastri avtomatlashtirilgan geoaxborot tizimi orqali ma’lumot va xizmatlarni taqdim etish va Davlat suv kadastrining boshqa normativ-texnik hujjatlarini ishlab chiqadi;
suvdan foydalanuvchilar va suv iste’molchilari, yer usti va yer osti suvlaridan foydalanish to‘g‘risidagi ma’lumotlarni yig‘ish, nazorat qilish, qayta ishlash, saqlash va berishni tashkil etadi;
suvdan foydalanishni joriy va istiqbol uchun baholaydi hamda suv xo‘jaligi hisobot balanslarini tuzadi;
“Suvdan foydalanish” bo‘limi bo‘yicha Davlat suv kadastri nashrlarini chiqarishga va e’lon qilishga tayyorlaydi;
o‘ziga qarashli muassasa hamda tashkilotlar tomonidan bajariladigan Davlat suv kadastrini ishlab chiqish va yuritishga oid ishlarga rahbarlik qiladi, rejalashtiradi va ularning bajarilishini nazorat qiladi;
Suvdan foydalanish bo‘yicha suv xo‘jaligi obyektlarini geoaxborot tizimi bazasida kadastr ma’lumotlarini yaratish va atribut ma’lumotlarini yangilash, umumlashtirish va tahlil qilishni amalga oshiradi.
45. Davlat suv kadastrini yuritish bo‘yicha metodik ko‘rsatmalar loyihalarini, Davlat suv kadastrining avtomatlashtirilgan geoaxborot tizimi orqali ma’lumot va xizmatlarni taqdim etish va Davlat suv kadastrining boshqa normativ-texnik hujjatlarini, shuningdek, “Suvdan foydalanish” bo‘limi bo‘yicha Davlat suv kadastrining avtomatlashtirilgan geoaxborot tizimiga oid loyiha hujjatlarini kelishib olish uchun O‘zgidrometga taqdim etadi.
46. “Yer usti suvlari” bo‘limi bo‘yicha Davlat suv kadastrining avtomatlashtirilgan geoaxborot tizimi orqali Davlat suv kadastrini yuritish uchun zarur bo‘lgan suvdan foydalanishga oid materiallarning O‘zgidrometga berilishini ta’minlaydi.
47. “Yer osti suvlari” bo‘limi bo‘yicha Davlat suv kadastrini yuritish uchun zarur bo‘lgan ma’lumotlar Davlat suv kadastrining avtomatlashtirilgan geoaxborot tizimi orqali Davlat geologiya qo‘mitasiga berilishini ta’minlaydi.
48. O‘zbekiston Respublikasi Uy-joy kommunal xizmat ko‘rsatish vazirligi “Ichimlik va oqova suvlar” bo‘limi bo‘yicha Davlat suv kadastrini ishlab chiqadi va uni yuritadi, shu jumladan:
Davlat suv kadastrini (jumladan, Davlat suv kadastrining avtomatlashtirilgan geoaxborot tizimini) yuritish tizimini ishlab chiqadi va takomillashtiradi;
ichimlik va oqova suvlar to‘g‘risidagi axborotlarni nazorat qilish, qayta ishlash va umumlashtirishga oid usullar, algoritmlarni hamda avtomatlashtirilgan dasturlarni ishlab chiqishni ta’minlaydi;
Davlat suv kadastrining avtomatlashtirilgan geoaxborot tizimining funksional kichik tizimlarini loyihalashni, sinashni, joriy etishni va takomillashtirishni ta’minlaydi;
tizim tashkilotlari uchun Davlat suv kadastrini yuritish bo‘yicha metodik ko‘rsatmalarni va Davlat suv kadastrining boshqa normativ-texnik hujjatlarini ishlab chiqadi;
Davlat suv kadastrini yuritishda “Ichimlik va oqova suvlar” bo‘limi ma’lumotlari yagona metodika asosida yaratilishi va yuritilishini ta’minlaydi;
“Ichimlik va oqova suvlari” bo‘limi ma’lumotlarini yig‘ish, nazorat qilish, qayta ishlash, saqlash va berishni tashkil etadi;
o‘ziga qarashli muassasa hamda tashkilotlar tomonidan bajariladigan Davlat suv kadastrini ishlab chiqish va yuritishga oid ishlarga rahbarlik qilish, rejalashtirish va ularning bajarilishini nazorat qilishni amalga oshiradi.
49. Davlat suv kadastrini yuritish bo‘yicha metodik ko‘rsatmalar loyihalarini, Davlat suv kadastrining avtomatlashtirilgan geoaxborot tizimi orqali ma’lumot va xizmatlarni taqdim etish va Davlat suv kadastrining boshqa normativ-texnik hujjatlarini, shuningdek, “Ichimlik va oqova suvlar” bo‘limi bo‘yicha Davlat suv kadastrining avtomatlashtirilgan geoaxborot tizimiga oid loyiha hujjatlarini kelishib olish uchun O‘zgidrometga taqdim etadi.
50. Davlat suv kadastri yaxlitligini ta’minlash bo‘yicha Davlat suv kadastrini yurituvchi vakolatli organlar bilan o‘zaro hamkorlikni ta’minlaydi.
Davlat suv kadastrini umumlashtiruvchi vakolatli organga “Ichimlik va oqova suvlar” bo‘limi ma’lumotlarini taqdim qiladi.
51. Davlat suv kadastrining DKYaTga taqdim etilgan ma’lumotlarning ishonchliligi uchun vakolatli organlar qonunchilik hujjatlarida belgilangan tartibda javob beradilar.
52. Mazkur Nizom talablari buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.
(ilova O‘zbekiston Respublikasi Vazirlar Mahkamasining 2022-yil 18-oktabrdagi 610-sonli qarori tahririda — Qonunchilik ma’lumotlari milliy bazasi, 19.10.2022-y., 09/22/610/0938-son)