Elektrotexnika tarmogʻini boshqarish tizimini yanada takomillashtirish, elektrotexnika sanoatini barqaror rivojlantirish va diversifikatsiya qilishni taʼminlash, ichki va tashqi bozorlarda raqobatbardosh elektrotexnika mahsulotlari ishlab chiqarish boʻyicha respublikada yangi ishlab chiqarishlarni tashkil etish va ishlab turganlarini modernizatsiya qilishga xorijiy investitsiyalar va taniqli xorijiy texnologik sheriklarni keng jalb etish maqsadida:

4. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, “Oʻzeltexsanoat” AK tomonidan ishlab chiqilgan 2017 — 2021-yillarda elektrotexnika sanoatini yanada rivojlantirish va diversifikatsiya qilish chora-tadbirlari dasturi (keyingi oʻrinlarda Dastur deb ataladi) maʼqullansin, Dastur quyidagilarni oʻz ichiga oladi:

2017 — 2021-yillarda yuqori qoʻshilgan qiymatli elektrotexnika mahsulotlari ishlab chiqarish boʻyicha topshiriq 3-ilovaga* muvofiq;

2017 — 2021-yillarda elektrotexnika sanoatida yangi ishlab chiqarishlarni tashkil etish, ishlab turganlarini texnik va texnologik jihatdan yangilash boʻyicha investitsiya loyihalarining manzilli roʻyxati 4-ilovaga* muvofiq;

2017 — 2021-yillarda elektrotexnika sanoatida import oʻrnini bosuvchi va eksportga yoʻnaltirilgan zamonaviy ishlab chiqarishlarni tashkil etish boʻyicha istiqbolli ustuvor investitsiya loyihalari roʻyxati 5-ilovaga* muvofiq;

elektrotexnika sanoatida mahalliy ishlab chiquvchilarning innovatsion loyihalari roʻyxati 6-ilovaga* muvofiq;

Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha idoralararo kengashga, zarur hollarda, 4*, 5* va 6-ilovalarga* Dasturga kiritilgan yangi investitsiya loyihalarini chiqarib tashlash va kiritish, shuningdek, investitsiya loyihalarining asosiy parametrlarini aniqlashtirish yuzasidan tuzatishlar kiritish huquqi berilsin.

5. “Oʻzeltexsanoat” AK, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi hamda boshqa manfaatdor vazirliklar, idoralar bilan birgalikda bir oy muddatda:

ushbu qarorga 4-ilovada* koʻrsatilgan investitsiya loyihalarini amalga oshirishning tarmoq jadvallarini tasdiqlash uchun Oʻzbekiston Respublikasi Vazirlar Mahkamasiga kiritsin, ularda zamonaviy texnologik talablarga javob beradigan loyiha yechimlarini tanlagan holda loyiha hujjatlarini ishlab chiqish va ekspertizadan oʻtkazishning aniq muddatlarini nazarda tutsin;

strategik xorijiy investorlar bilan, shu jumladan xorijiy mamlakatlarda muzokaralar oʻtkazish jadvalini ishlab chiqsin.

6. Oʻzbekiston Respublikasi Moliya vazirligi, Iqtisodiyot vazirligi, Markaziy banki, Tiklanish va taraqqiyot jamgʻarmasi, “Oʻzeltexsanoat” AK bir oy muddatda Vazirlar Mahkamasiga:

Elektrotexnika sanoatini rivojlantirish maxsus jamgʻarmasini tashkil etish, uning mablagʻlarini “Oʻzeltexsanoat” AKning ulushli ishtirokida amalga oshiriladigan investitsiya loyihalarini moliyalashtirishga maqsadli yoʻnaltirish;

strategik xorijiy investorlarni jalb etgan holda elektrotexnika tarmogʻidagi investitsiya loyihalarini birgalikda moliyalashtirish uchun kredit liniyalari, shu jumladan xorijiy valyutada kredit liniyalari ochish manbalari, shartlari va mexanizmi toʻgʻrisida;

8. Belgilab qoʻyilsinki, mahalliy resurslar hisobiga xorijiy valyutadagi koʻrsatib oʻtilgan kredit liniyalari doirasidagi kreditlar faqat:

ikki yillik imtiyozli davr bilan va qayta moliyalashtiruvchi bankning yillik 0,5 foizdan koʻp boʻlmagan marjasi bilan 7 yildan kam boʻlmagan muddatga zamonaviy asbob-uskunalar va texnologiyalar bilan jihozlash;

respublikada ishlab chiqarilmaydigan materiallar va butlovchi buyumlarni 12 oydan ortiq boʻlmagan davrda, keyinchalik ularni mahsulot eksportidan valyuta tushumlari hisobiga xarid qilishni taʼminlashni nazarda tutgan holda.

9. Shunday tartib oʻrnatilsinki, unga muvofiq kredit liniyalari doirasida moliyalashtirish nazarda tutilayotgan elektrotexnika sanoatidagi investitsiya loyihalari tarmoq Ilmiy-texnik kengashida, ularni amalga oshirish doirasida tuziladigan zamonaviy import asbob-uskunalari va texnologiyalarini xarid qilish boʻyicha import shartnomalari esa Oʻzbekiston Respublikasi Investitsiyalar boʻyicha davlat qoʻmitasida majburiy ekspertizadan oʻtkaziladi.

11. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ushbu Dastur doirasida foydalanilmayotgan davlat mulki, ishlab chiqarish binolari va obyektlari orasidan raqobatbardosh elektrotexnika mahsulotlari ishlab chiqarish boʻyicha zamonaviy yuqori texnologiyali ishlab chiqarishlarni aniqlash va “Oʻzeltexsanoat” uyushmasiga, shu jumladan “nol” xarid qiymati boʻyicha sotish uchun berishda koʻmaklashsinlar.

12. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi har yili Investitsiya dasturini shakllantirishda belgilangan tartibda unga mazkur qarorga muvofiq amalga oshirilishi nazarda tutilgan investitsiya loyihalarini moliyalashtirish hajmlari va manbalarini aniqlashtirgan holda kiritsinlar.

13. 2017 — 2021-yillarda elektrotexnika sanoatini yanada rivojlantirish va diversifikatsiya qilish chora-tadbirlari dasturiga kiritilgan loyihalarni amalga oshirish doirasida belgilangan tartibda tasdiqlanadigan roʻyxatlar boʻyicha olib kelinadigan, respublikada ishlab chiqarilmaydigan asbob-uskunalar, materiallar va butlovchi buyumlar 2022-yil 1-yanvarga qadar bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod etilsin.

14. Oʻzbekiston Respublikasi Prezidentining 2005-yil 11-apreldagi “Toʻgʻridan-toʻgʻri xususiy xorijiy investitsiyalarni jalb etishni ragʻbatlantirish borasidagi qoʻshimcha chora-tadbirlar toʻgʻrisida”gi PF-3594-son Farmoni 1-bandining birinchi xatboshisida nazarda tutilgan imtiyozlar 2022-yil 1-yanvarga qadar, joylashgan joyidan qatʼi nazar, barcha yangi tashkil etiladigan elektrotexnika sanoati korxonalariga tatbiq etilsin.

15. Belgilab qoʻyilsinki, 2017-yil 1-apreldan boshlab:

elektrotexnika sanoati korxonalarining majburiy sotilishi lozim boʻlgan chet el valyutasidagi tushumi asosiy qarzni va valyuta kreditlari boʻyicha foizlarni toʻlash, shuningdek elektrotexnika mahsulotlari ishlab chiqarish uchun zarur boʻlgan butlovchi buyumlar, xomashyo va materiallar sotib olish boʻyicha valyuta xarajatlari summasiga kamaytiriladi;

asosiy faoliyat turi boʻyicha xodimlarining oʻrtacha yillik soni toʻrt yuz kishidan oshmaydigan (shu jumladan kasb-hunar kollejlari, akademik litseylar va Oʻzbekiston Respublikasi oliy taʼlim muassasalari bitiruvchilarini ishga qabul qilishda xodimlarning oʻrtacha yillik sonining belgilangan meʼyordan oshishi) elektrotexnika mahsulotlari ishlab chiqarishni amalga oshiruvchi kichik korxonalar kichik tadbirkorlik subyektlari toifasiga kiradi.

16. “Oʻzeltexsanoat” AK va Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasining:

tugatilayotgan “Motor zavodi” AJ mulkiy kompleksining bir qismini investorlar tomonidan Oʻzbekiston Respublikasi Prezidentining 2014-yil 6-fevraldagi PQ-2123-son qarorida nazarda tutilgan investitsiya majburiyatlari qabul qilingan holda sotish;

tushgan mablagʻlarni tugatilayotgan “Motor zavodi” AJ kreditorlarining talablarini qanoatlantirishga, elektrotexnika tarmogʻining yangi quvvatlarini tashkil etish, mavjud quvvatlarini modernizatsiya qilish va kengaytirish boʻyicha investitsiya loyihalarini amalga oshirishga yoʻnaltirish.

Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi Oʻzbekiston Respublikasi Moliya vazirligi, Iqtisodiyot vazirligi, “Oʻzeltexsanoat” AK va Tashqi iqtisodiy faoliyat milliy banki bilan birgalikda bir oy muddatda tugatilayotgan “Motor zavodi” AJ mulkiy kompleksining bir qismini sotish toʻgʻrisidagi Hukumat qarori loyihasini Oʻzbekiston Respublikasi Vazirlar Mahkamasiga kiritsin.

18. Oʻzbekiston Respublikasi Adliya vazirligi “Oʻzeltexsanoat” AK, boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

19. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozukulov zimmasiga yuklansin.