O‘zbekiston Respublikasi Prezidentining “Jamiyatda ijtimoiy-ma’naviy muhitni sog‘lomlashtirish, mahalla institutini yanada qo‘llab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari to‘g‘risida” 2020-yil 18-fevraldagi PF-5938-son Farmoni ijrosini ta’minlash maqsadida Vazirlar Mahkamasi qaror qiladi:
1. Qoraqalpog‘iston Respublikasi, viloyatlar, Toshkent shahar hamda tuman va shaharlarda nuroniylar jamoatchilik kengashlari (keyingi o‘rinlarda — Nuroniylar kengashi) tashkil etilsin.
Oldingi tahrirga qarang.
keksalarni qo‘llab-quvvatlash sohasiga oid qonunchilik hujjatlarining ijrosini ta’minlashga ko‘maklashish;
(2-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
nuroniylarning huquqlari va qonuniy manfaatlariga taalluqli eng muhim masalalar yuzasidan O‘zbekiston Respublikasi Mahalla va nuroniylarni qo‘llab-quvvatlash vazirligining (keyingi o‘rinlarda — vazirlik) hududiy bo‘linmalari faoliyati haqida jamoatchilikning, shu jumladan keksalar fikrini tizimli monitoring va har tomonlama tahlil qilish;
(2-bandning uchinchi xatboshisi O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
yolg‘iz keksalar, pensionerlar, nogironligi bo‘lgan nuroniylarning muammolarini kompleks o‘rganish va bu borada takliflar ishlab chiqish;
qabul qilinayotgan qarorlarda, shuningdek, tarmoq va hududiy rivojlantirish dasturlarida keksalar manfaatlari va jamoatchilik fikri hisobga olinishi, vazirlik hududiy bo‘linmalarining nuroniylar manfaatlariga daxldor vazifalarini bajarish bilan bog‘liq faoliyati yuzasidan jamoatchilik nazoratini amalga oshirish;
mahallalarda nuroniylarning bilim va boy hayotiy tajribasidan yoshlar ma’naviyatini yuksaltirish, ularda vatanparvarlik ruhini mustahkamlash masalalarida samarali foydalanish tizimini yo‘lga qo‘yishga ko‘maklashish.
3. O‘zbekiston Respublikasi Prezidentining “Jamiyatda ijtimoiy-ma’naviy muhitni sog‘lomlashtirish, mahalla institutini yanada qo‘llab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari to‘g‘risida” 2020-yil 18-fevraldagi PF-5938-son Farmonining 11-bandiga muvofiq vazirlik hududiy bo‘linmalari boshliqlarining tegishli o‘rinbosarlari — nuroniylar kengashlari raislari etib belgilanganligi ma’lumot uchun qabul qilinsin.
Nuroniylar kengashi o‘z ishini jamoatchilik asosida olib boradigan, doimiy faoliyat yurituvchi maslahat-kengash organi hisoblanadi;
vazirlikning hududiy bo‘linmalari boshliqlarining keksalar va faxriylar ishlari bo‘yicha o‘rinbosarlari nuroniylar kengashlarining faoliyatini samarali tashkil etishga shaxsan javobgar hisoblanadi.
ushbu qaror bilan tasdiqlangan Namunaviy nizom asosida nuroniylar kengashlari to‘g‘risidagi nizomlarning;
nuroniylar kengashlariga yuklangan asosiy vazifalardan kelib chiqib, ularning choraklik ish rejalarining tasdiqlanishini ta’minlasin.
Qoraqalpog‘iston Respublikasi Vazirlar Kengashi, viloyatlar, Toshkent shahar hamda tuman va shaharlar hokimliklari nuroniylar kengashlari faoliyatini tashkil etish bilan bog‘liq masalalarning tezkor va sifatli hal etilishini ta’minlasin.
6. O‘zbekiston Milliy teleradiokompaniyasi va O‘zbekiston Milliy axborot agentligiga ushbu qarorda belgilangan vazifalarning amalga oshirilishini ommaviy axborot vositalarida keng yoritib borish tavsiya etilsin.
7. O‘zbekiston Respublikasi Mahalla va oilani qo‘llab-quvvatlash vazirligi boshqa manfaatdor vazirlik va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
Oldingi tahrirga qarang.
8. Ushbu qarorning bajarilishini nazorat qilish O‘zbekiston Respublikasi Mahalla va nuroniylarni qo‘llab-quvvatlash vazirining birinchi o‘rinbosari S. Turdiyev zimmasiga yuklansin.
(8-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
1. Mazkur Namunaviy nizom (keyingi o‘rinlarda — Nizom) Qoraqalpog‘iston Respublikasi, viloyatlar, Toshkent shahar hamda tuman va shaharlardagi nuroniylar jamoatchilik kengashlarining (keyingi o‘rinlarda — Nuroniylar kengashi) asosiy vazifalari, funksiyalari, huquqlari va majburiyatlari hamda faoliyatini tashkil etish tartibini belgilaydi.
2. Nuroniylar kengashi o‘z ishini jamoatchilik asosida amalga oshiradigan, doimiy faoliyat yurituvchi maslahat-kengash organi hisoblanadi.
Oldingi tahrirga qarang.
3. Nuroniylar kengashi o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, O‘zbekiston Respublikasi Mahalla va nuroniylarni qo‘llab-quvvatlash vazirligining hujjatlariga, mazkur Nizomga va boshqa qonunchilik hujjatlariga amal qiladi.
(3-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
5. Nuroniylar kengashi to‘g‘risidagi nizom mazkur Nizom asosida vazirlikning tegishli hududiy bo‘linmalari boshliqlarining qarorlari bilan tasdiqlanadi.
Oldingi tahrirga qarang.
6. Nuroniylar kengashlarining tarkibi tegishlicha Qoraqalpog‘iston Respublikasi Mahalla va nuroniylarni qo‘llab-quvvatlash vazirligi, viloyatlar va Toshkent shahar mahalla va nuroniylarni qo‘llab-quvvatlash boshqarmalari, tuman (shahar) mahalla va nuroniylarni qo‘llab-quvvatlash bo‘limlari (keyingi o‘rinlarda — vazirlik hududiy bo‘linmalari) boshliqlarining qarorlari bilan tasdiqlanadi.
(6-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
7. Nuroniylar kengashi qonuniylik, kollegiallik, oshkoralik, o‘zaro hurmat, teng huquqlilik, ixtiyoriylik va jamoatchilik fikrini hisobga olish tamoyillari asosida faoliyat yuritadi.
Oldingi tahrirga qarang.
keksalarni qo‘llab-quvvatlash sohasiga oid qonunchilik hujjatlarining ijrosini ta’minlashga ko‘maklashish;
(8-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
nuroniylarning huquqlari va qonuniy manfaatlariga taalluqli eng muhim masalalar yuzasidan O‘zbekiston Respublikasi Mahalla va nuroniylarni qo‘llab-quvvatlash vazirligining (keyingi o‘rinlarda — vazirlik) hududiy bo‘linmalari faoliyati haqida jamoatchilikning, shu jumladan keksalar fikrini tizimli monitoring va har tomonlama tahlil qilish;
(8-bandning uchinchi xatboshisi O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
yolg‘iz keksalar, pensionerlar, nogironligi bo‘lgan nuroniylarning muammolarini kompleks o‘rganish va bu borada takliflar ishlab chiqish;
qabul qilinayotgan qarorlarda, shuningdek, tarmoq va hududiy rivojlantirish dasturlarida keksalar manfaatlari va jamoatchilik fikri hisobga olinishi, vazirlik hududiy bo‘linmalarining nuroniylar manfaatlariga daxldor vazifalarini bajarish bilan bog‘liq faoliyati ustidan jamoatchilik nazoratini amalga oshirish;
mahallalarda nuroniylarning bilim va boy hayotiy tajribasidan yoshlar ma’naviyatini yuksaltirish, ularda vatanparvarlik ruhini mustahkamlash masalalarida samarali foydalanish tizimini yo‘lga qo‘yishga ko‘maklashish.
Oldingi tahrirga qarang.
a) keksalarni qo‘llab-quvvatlash sohasiga oid qonunchilik hujjatlarining ijrosini ta’minlashga ko‘maklashish sohasida:
(9-band “a” kichik bandining birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
keksalar uchun qonunchilikda nazarda tutilgan pensiyalar va imtiyozlar bo‘yicha qonun hujjatlarining ijrosi yuzasidan jamoatchilik nazoratini amalga oshiradi, ushbu sohada vazirlik hududiy bo‘linmalariga ko‘maklashadi;
qariyalar, nogironligi bo‘lgan nuroniylar va yolg‘iz keksalarni davolash, tizimli sog‘lomlashtirishni tashkil etish, profilaktika tadbirlari bilan qamrab olish darajasini o‘rganadi hamda natijasi bo‘yicha takliflar tayyorlaydi;
yordamga muhtoj keksalar va nogironligi bo‘lgan nuroniylarni sifatli yordamchi va texnik reabilitatsiya vositalari bilan ta’minlash darajasini oshirish, ularni tibbiy-ijtimoiy reabilitatsiya qilish choralarini ko‘rish bo‘yicha tavsiyalar ishlab chiqadi;
b) nuroniylarning huquqlari va qonuniy manfaatlariga taalluqli eng muhim masalalar yuzasidan vazirlikning hududiy bo‘linmalari faoliyati haqida jamoatchilikning, shu jumladan keksalar fikrini tizimli monitoring va har tomonlama tahlil qilish sohasida:
sohaga aloqador bo‘lgan islohotlarning mazmun-mohiyatini keksalarga doimiy ravishda tushuntirib boradi;
vazirlikning hududiy bo‘linmalari va boshqa tegishli tashkilotlar bilan keksalarning huquqiy madaniyatini oshirish choralarini ko‘radi;
mahalliy ijro etuvchi hokimiyat organlari rahbarlarining keksalar, shu jumladan yolg‘iz keksalar, pensionerlar, nogironligi bo‘lgan nuroniylar bilan uchrashuvlarini, shuningdek, ularning murojaatlarini ko‘rib chiqish bilan bog‘liq ishlarni, shu jumladan joylarga borib tashkil etishda qatnashadi va ularning amalga oshirilishini monitoring qiladi;
mehnat faxriylarining mahallalarda hamda oilalarda tinchlik va osoyishtalikni ta’minlash, yoshlar o‘rtasida huquqbuzarliklarning oldini olish, ijtimoiy-ma’naviy muhitni sog‘lomlashtirishdagi ishtirokini kengaytirish ishlariga yordamlashadi;
v) yolg‘iz keksalar, pensionerlar, nogironligi bo‘lgan nuroniylarning muammolarini kompleks o‘rganish va bu borada takliflar ishlab chiqish sohasida:
yolg‘iz keksalar, pensionerlar, nogironligi bo‘lgan nuroniylarning uy-joy, ijtimoiy-maishiy shart-sharoitlarini, ularga malakali tibbiy yordam ko‘rsatish sharoitlarini yaxshilashda ko‘maklashadi;
ijtimoiy himoyaga muhtoj va kam ta’minlangan oilalarda tadbirkorlik ruhini uyg‘otish hamda oilaviy salohiyatni ro‘yobga chiqarishda hayotiy tajribadan kelib chiqib, yo‘l-yo‘riq ko‘rsatadi hamda oila a’zolarining bandligini ta’minlashga ko‘maklashadi;
mahallalarda aholi, shu jumladan yolg‘iz keksalar, pensionerlar, nogironligi bo‘lgan nuroniylarning muammolarini aniqlash va hal etish bo‘yicha “mahalla — sektor — Xalq qabulxonasi — mahalla” tamoyili asosida hamkorlik tizimini samarali tashkil etishda fuqarolar yig‘inlaridagi “keksalar maslahati” guruhlari va boshqa jamoatchilik tuzilmalari a’zolarini, ijtimoiy faol mehnat faxriylarini keng jalb etadi;
“Hech kim mehr va e’tibordan chetda qolmasin” shiori ostida keksalar, shu jumladan kam ta’minlangan va ijtimoiy himoyaga muhtoj nuroniylarni mamlakatimizdagi tarixiy joylar bilan tanishtirish uchun sayyohlik safarlarini, ziyorat turizmlarini tashkil etish bo‘yicha takliflar kiritadi;
g) qabul qilinayotgan qarorlarda, shuningdek, tarmoq va hududiy rivojlantirish dasturlarida keksalar manfaatlari va jamoatchilik fikri hisobga olinishi, vazirlik hududiy bo‘linmalarining nuroniylar manfaatlariga daxldor vazifalarini bajarish bilan bog‘liq faoliyati ustidan jamoatchilik nazoratini amalga oshirish sohasida:
tarmoq va hududiy rivojlantirish dasturlari, chora-tadbirlar rejalarini, shu jumladan keksalarni qo‘llab-quvvatlashga oid boshqa hujjatlarni ishlab chiqish yuzasidan takliflar tayyorlaydi;
nuroniylarning oilalarni mustahkamlash, ajrimlarning oldini olish, oilaviy qadriyatlarni, shu jumladan “Oila — muqaddas” degan ezgu g‘oya targ‘ibotidagi rolini oshirishga qaratilgan chora-tadbirlarni tashkil etishda qatnashadi;
mahallalarda va oilalarda sog‘lom turmush tarzini yo‘lga qo‘yish, ommaviy sportni rivojlantirish ishlarini “umummilliy harakat”ga aylantirishda nuroniylarning tashabbuskor bo‘lishlarini targ‘ib qiladi;
mahallalarda to‘ylar va boshqa marosimlarning ixcham, keng aholi manfaatlarining hisobga olgan holda o‘tkazilishini ta’minlashda nuroniylarning faol ishtirok etishlarini ta’minlab boradi;
Oldingi tahrirga qarang.
fuqarolar yig‘inlari raislari saylovini tashkil etish va o‘tkazishda oshkoralik, muqobillik hamda teng saylov huquqi prinsiplariga rioya etilishini ta’minlashda ishtirok etadi;
(9-band “g” kichik bandining oltinchi xatboshisi O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
d) mahallalarda nuroniylarning bilim va boy hayotiy tajribasidan yoshlar ma’naviyatini yuksaltirish, ularda vatanparvarlik ruhini mustahkamlash masalalarida samarali foydalanish tizimini yo‘lga qo‘yishga ko‘maklashish sohasida:
o‘sib kelayotgan yosh avlodni harbiy-vatanparvarlik ruhida tarbiyalash, milliy va umuminsoniy qadriyatlarni ularning ongiga singdirish hamda ularning yuksak ma’naviyatli va sadoqatli bo‘lib voyaga yetishlarida keksalarning ijtimoiy faolligini oshiradi, bu borada harbiy okruglar bilan hamkorlikni mustahkamlash choralarini ko‘radi;
nuroniylarning yoshlar o‘rtasida Vatanga muhabbat, yoshi katta insonlarni hurmat qilish, mardlik, halollik, odillik va rahmdillik kabi ezgu tuyg‘ularni shakllantirishga qaratilgan targ‘ibot tadbirlarini tashkil etadi;
yoshlarni to‘g‘ri yo‘lga boshlash, ular o‘rtasida loqaydlik va boqimandalikning oldini olish, huquqiy madaniyatni oshirish va nojo‘ya xatti-harakatlardan qaytarish kabi tadbirlarda nuroniylarning faolligini oshiradi;
aholi o‘rtasida oilaviy qadriyatlarni targ‘ib qilish, oilalarda farzandlarni ma’naviy-ahloqiy tarbiyalash va jamiyat oldidagi mas’uliyat hissini oshirishda nuroniy otaxon va onaxonlarning hayotiy tajribalaridan keng foydalanishga qaratilgan targ‘ibot tadbirlarini uyushtirishga ko‘maklashadi;
mahallalar, ko‘chalar, qabristonlar va xonadonlar tozaligi hamda obodligini ta’minlashning ahamiyatini yoshlarga o‘rgatish, ularni ushbu ishlarga safarbar qilishda keksalarni tashabbuskorlikka chorlaydi;
keksalar va faxriylarning ijtimoiy faolligini oshirish maqsadida “Nuroniylar maskanlari”da va mahallalarda turli madaniy-ma’rifiy tadbirlar, ko‘rik-tanlovlar va sport musobaqalarini o‘tkazish yuzasidan takliflar ishlab chiqadi;
keksalar o‘rtasida to‘rt bosqichli “Yoshlar murabbiysi” ko‘rik-tanlovining mahallalararo (saralash), tuman (shahar) va hududiy bosqichlarini tashkil etish va o‘tkazishda mas’ullar hamda ishtirokchilar tomonidan qonuniylik, shaffoflik, oshkoralik, adolatlilik, tenglik kabi prinsiplarga rioya etilishi ustidan jamoatchilik nazoratini amalga oshiradi.
vazirlik hududiy bo‘linmalari yig‘ilishlari va boshqa ommaviy tadbirlar to‘g‘risidagi axborotni so‘rab olish hamda mazkur tadbirlarda ishtirok etish;
yosh avlodni Vatanga muhabbat va milliy istiqlol g‘oyalariga sadoqat ruhida tarbiyalashga munosib hissa qo‘shib kelayotgan faol, tashabbuskor keksalarni “Mahalla iftixori” va “Mehnat faxriysi” ko‘krak nishonlari bilan taqdirlash yuzasidan vazirlik hududiy bo‘linmalariga takliflar kiritish;
o‘ziga yuklangan vazifalar ijrosini ta’minlash bilan bog‘liq masalalar yuzasidan vazirlik hududiy bo‘linmalari boshliqlari tomonidan har chorakda tegishli xalq deputatlari kengashlariga taqdim etiladigan axborotlarga takliflar kiritish;
vazirlikning hududiy bo‘linmalari faoliyati samaradorligini oshirish bo‘yicha takliflar va tavsiyalarni ishlab chiqish hamda amalga oshirish uchun zarur bo‘lgan axborotlar, statistika va boshqa materiallarni belgilangan tartibda olish;
vazirlikning hududiy bo‘linmalari tomonidan ishlab chiqilgan dastur va rejalar loyihalarining jamoatchilik va mutaxassislar muhokamasini ta’minlashda ishtirok etish;
keksalarning murojaatlariga vazirlik hududiy bo‘linmalari tomonidan berilgan javoblarning sifatini tahlil qilish;
fuqarolar yig‘inlari raislarining keksalar va faxriylar ishlari bo‘yicha maslahatchilari, “keksalar maslahati” guruhlari va mahallalardagi boshqa jamoatchilik tuzilmalari faoliyatini samarali tashkil etish bo‘yicha tavsiyalar berish;
yolg‘iz keksalar, pensionerlar, nogironligi bo‘lgan nuroniylar, ijtimoiy himoyaga muhtoj va kam ta’minlangan oilalarning roziligi bilan ularning uy-joy va ijtimoiy-maishiy shart-sharoitlari bilan tanishish;
Nuroniylar kengashi majlislarida muhokama qilinadigan masalalarni yoritish bo‘yicha ommaviy axborot vositalari bilan hamkorlik qilish;
yuklangan vazifalarni bajarish uchun seminarlar, davra suhbatlari va boshqa tadbirlarni tashkil etish, zarur hollarda ularga davlat organlari va jamoat tashkilotlarining mas’ul xodimlarini hamda mahalla faollarini taklif etish huquqiga ega.
Oldingi tahrirga qarang.
(10-bandning o‘n ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
(11-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
vazirlikning hududiy bo‘linmalari, fuqarolarning o‘zini o‘zi boshqarish organlari faoliyati bilan bog‘liq qonunchilik hujjatlarida belgilangan qoidalarga amal qilishi;
(11-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
davlat organlari va mansabdor shaxslarning o‘z vakolatlari doirasida amalga oshiradigan faoliyatiga aralashmasligi;
Oldingi tahrirga qarang.
(11-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Vazirlik hududiy bo‘linmalarining boshliqlarining keksalar va faxriylar ishlari bo‘yicha o‘rinbosarlari bir vaqtning o‘zida tegishli nuroniylar kengashlariga ham raislik qiladi.
Vazirlik hududiy bo‘linmalari keksalar va faxriylarni qo‘llab-quvvatlash va ijtimoiy faolligini oshirish bo‘yicha mutaxassislari bir vaqtning o‘zida tegishli nuroniylar kengashlarining kotiblari hisoblanadi.
Nuroniylar kengashi raisining o‘rinbosarlari Nuroniylar kengashi a’zolari orasidan yig‘ilish ishtirokchilarining uchdan ikki qismi ovozi bilan saylanadi.
a) davlat organlari va muassasalarida, nodavlat notijorat tashkilotlarida, fuqarolarning o‘zini o‘zi boshqarish organlarida namunali xizmat ko‘rsatgan mehnat faxriylari;
v) jamoatchilik faoliyati sohasida katta amaliy tajribaga ega bo‘lgan obro‘-e’tiborli va tashabbuskor ziyolilar;
g) nodavlat notijorat tashkilotlari, ommaviy axborot vositalari va fuqarolik jamiyatining boshqa institutlarining nuroniy xodimlari;
d) namunali fuqarolar yig‘inlari raislarining keksalar va faxriylar ishlari bo‘yicha maslahatchilaridan shakllantiriladi.
Nuroniylar kengashi a’zoligiga davlat organlari xodimlari va mansabdor shaxslarining kiritilishi taqiqlanadi.
14. Nuroniylar kengashining tarkibi vazirlik hududiy bo‘linmasi boshlig‘ining qarori bilan har 3 yilda tasdiqlanadi.
15. Quyidagi holatlarda Nuroniylar kengashi raisining o‘rinbosarlari va a’zolari uning tarkibidan chiqarilishi mumkin:
Nuroniylar kengashining majlislarida muntazam ravishda ishtirok etmaganda, mazkur Nizomning 11-bandida nazarda tutilgan majburiyatlarni bajarmaganda;
vafot etganda, shuningdek, sud qaroriga ko‘ra ular muomalaga layoqatsiz, bedarak yo‘qolgan yoki vafot etgan deb topilganda.
16. Nuroniylar kengashining tarkibi to‘g‘risidagi ma’lumot va kiritilgan o‘zgartirishlar tasdiqlangan kunda vazirlik hududiy bo‘linmalarining Internet jahon axborot tarmog‘idagi rasmiy veb-saytlarida e’lon qilinadi.
Vazirlik hududiy bo‘linmalarining rasmiy veb-saytlarida va boshqa resurslarda joylashtiriladigan Nuroniylar kengashining faoliyati to‘g‘risidagi ma’lumotlar tarkibi bo‘yicha takliflar kiritadi va uni vazirlikning hududiy bo‘linmalari boshliqlari bilan kelishadi;
Nuroniylar kengashining qarorlarini bajarish masalalari yuzasidan davlat organlarining hududiy bo‘linmalari, fuqarolarning o‘zini o‘zi boshqarish organlari va nodavlat notijorat tashkilotlari bilan hamkorlik qiladi;
fuqarolarni va yuridik shaxslarning vakillarini qabul qiladi, shuningdek, Nuroniylar kengashi faoliyatiga taalluqli murojaatlarni ko‘rib chiqish ishlarini tashkil etadi;
Nuroniylar kengashining faoliyatini uslubiy, tashkiliy-huquqiy va tashkiliy-texnik jihatdan ta’minlash masalalarini hal qiladi;
Nuroniylar kengashining navbatdagi majlisiga barcha zarur materiallar o‘z vaqtida tayyorlanishini ta’minlaydi, vazirlik hududiy bo‘linmalari xodimlaridan zarur hujjatlar va ma’lumotlarni so‘rab oladi;
Nuroniylar kengashi majlislari o‘tkaziladigan sana, joy va ularga taklif etiladigan shaxslar ro‘yxatini Nuroniylar kengashining raisi bilan kelishadi;
Nuroniylar kengashining a’zolarini va taklif etilgan shaxslarni Nuroniylar kengashi majlislari o‘tkaziladigan joy, sana va vaqt haqida xabardor qiladi;
Nuroniylar kengashi qarorlari bajarilishining monitoringini olib boradi va uning natijalarini Nuroniylar kengashlari majlisida ko‘rib chiqish bo‘yicha takliflar kiritadi;
Nuroniylar kengashi majlisining bayonnomasini rasmiylashtiradi va tasdiqlangan bayonnomaning Nuroniylar kengashi a’zolari hamda boshqa manfaatdor shaxslarga yuborilishini ta’minlaydi;
Nuroniylar kengashining samarali ishlashini ta’minlash bo‘yicha boshqa vakolatlarni amalga oshiradi.
21. Nuroniylar kengashining a’zolari o‘z majlislarida ko‘rib chiqiladigan masalalarni muhokama qilish va hal qilishda o‘z vakolatini boshqalarga o‘tkazish huquqiga ega emas.
Nuroniylar kengashining majlisida ishtirok etish imkoni bo‘lmagan holatlarda, Kengash a’zolari majlis kun tartibidagi masalalar bo‘yicha o‘z fikrini yozma shaklda yuborishi mumkin. Bunda uning fikri majlisda ko‘rib chiqiladi va ovoz berishda hisobga olinadi.
o‘z zimmasiga yuklangan vazifalarni bajarish uchun vazirlikning hududiy bo‘linmalarida, fuqarolar yig‘inlarida tashkil etiladigan majlislarda va boshqa ommaviy tadbirlarda ishtirok etadi;
Nuroniylar kengashi ish rejalarining loyihalarini tayyorlaydi, ularni Nuroniylar kengashida ko‘rib chiqish uchun kiritadi va tasdiqlangan ish rejalari bajarilishini ta’minlaydi;
vazirlik hududiy bo‘linmalari hamda fuqarolar yig‘inlari faoliyatining samaradorligini oshirish bo‘yicha takliflar va tavsiyalarni ishlab chiqishda hamda amalga oshirishda qatnashadi;
yolg‘iz keksalar, pensionerlar, nogironligi bo‘lgan nuroniylar, ijtimoiy himoyaga muhtoj va kam ta’minlangan oilalar bilan uchrashuvlar o‘tkazadi va ularning huquqlari hamda qonuniy manfaatlarini ta’minlash bo‘yicha takliflarni Nuroniylar kengashiga kiritadi;
Nuroniylar kengashining kun tartibiga kiritilgan masalalar yuzasidan tahliliy materiallar tayyorlaydi;
Nuroniylar kengashining vakolatiga kiradigan masalalar bilan bog‘liq murojaatlarni ko‘rib chiqadi va natijalari bo‘yicha tegishli hujjatlarni tayyorlaydi;
Nuroniylar kengashiga yuklangan vazifalar va funksiyalarga muvofiq boshqa vakolatlarni amalga oshiradi.
22. Nuroniylar kengashi faoliyatining asosiy masalalari uning majlislarida ko‘rib chiqiladi. Nuroniylar kengashining majlisi ish rejalari asosida har chorakda kamida bir marotaba chaqiriladi.
Nuroniylar kengashi raisining tashabbusi, shuningdek, Nuroniylar kengashi a’zolari uchdan bir qismining yozma murojaati asosida uning navbatdan tashqari majlisi chaqirilishi mumkin.
23. Nuroniylar kengashining majlislariga davlat organlari, xo‘jalik birlashmalari va nodavlat notijorat tashkilotlari hamda fuqarolik jamiyatining boshqa institutlarining vakillari, mahalla faollari taklif etilishi mumkin.
24. Nuroniylar kengashi majlisi kun tartibining loyihasi kotib tomonidan Nuroniylar kengashi a’zolarining takliflari va Nuroniylar kengashi raisining topshirig‘i asosida shakllantiriladi.
Nuroniylar kengashining majlisida vazirlikning hududiy bo‘linmalari boshliqlari, ularning o‘rinbosarlari va boshqa xodimlari ishtirok etishi mumkin.
26. Nuroniylar kengashining majlisi, agar unda Nuroniylar kengashi a’zolarining kamida uchdan ikki qismi (kvorum) ishtirok etgan taqdirda, vakolatli hisoblanadi.
Majlisni o‘tkazish uchun kvorum shakllanmagan taqdirda, Nuroniylar kengashining yangi majlisi o‘tkaziladigan sana e’lon qilinadi.
28. Nuroniylar kengashining har bir a’zosi qabul qilinayotgan qarorlar bo‘yicha o‘zining fikrini yozma va og‘zaki shaklda ifodalashga haqli. Uning fikri Nuroniylar kengashi majlisining bayonnomasiga majburiy tartibda qo‘shib qo‘yiladi.
Nuroniylar kengashi majlisining bayonnomasi kotib tomonidan imzolanadi, majlisga raislik qiluvchi tomonidan tasdiqlanadi va uch kun muddatda vazirlik hududiy bo‘linmalariga, fuqarolar yig‘inlariga, Nuroniylar kengashi a’zolariga va manfaatdor shaxslarga yuboriladi.
30. Nuroniylar kengashining qarorini tezlik bilan qabul qilish zarurati tug‘ilganda, qaror kengash raisining tashabbusi bilan Nuroniylar kengashining a’zolari bilan kelishilgan holda so‘rov yo‘li bilan ham qabul qilinishi mumkin.
Vazirlikning hududiy bo‘linmalari Nuroniylar kengashining qabul qilgan qaroriga qo‘shilmagan hollarda, Nuroniylar kengashining qarorini olgan kundan boshlab o‘n kun muddatdan kechikmay unga asoslantirilgan e’tirozini yozma shaklda yuboradi.
31. Nuroniylar kengashining kotibi kengash a’zolari ko‘magida Nuroniylar kengashining topshiriq va qarorlari ijrosining holatini o‘rganadi va ko‘rib chiqadi, zarur bo‘lgan hollarda, Nuroniylar kengashining raisiga tegishli takliflar kiritadi.
32. Vazirlik hududiy bo‘linmalarining keksalar va faxriylar ishlari bo‘yicha o‘rinbosariga biriktirilgan tarkibiy bo‘linma Nuroniylar kengashiga doimiy ravishda uslubiy va amaliy yordam ko‘rsatadi.
Oldingi tahrirga qarang.
33. Nuroniylar kengashining faoliyatini moddiy-texnik jihatdan vazirlik hududiy bo‘linmasi tomonidan, shuningdek, qonunchilik hujjatlarida taqiqlanmagan boshqa manbalar hisobidan ta’minlanadi.
(33-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
34. Nuroniylar kengashining faoliyati uning nizomiga va qonunchilik hujjatlariga muvofiq ekanligi vazirlik hududiy bo‘linmasi rahbari tomonidan nazorat qilinadi.
(34-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)