Qayd etib oʻtilsinki, maktabgacha taʼlim tizimini tubdan isloh qilish va takomillashtirish, maktabgacha taʼlim tashkilotlarini davlat tomonidan boshqarishning samarali tizimini yaratish hamda uning moddiy-texnika bazasini mustahkamlash maqsadida soʻnggi yilda qabul qilingan qatʼiy chora-tadbirlar natijasida Maktabgacha taʼlim vazirligi va uning joylardagi hududiy boʻlinmalari tashkil qilindi.

2017 — 2021-yillarda Maktabgacha taʼlim tizimini yanada takomillashtirish boʻyicha dastur tasdiqlandi, uning doirasida maktabgacha taʼlim tashkilotlari faoliyatini tizimli tashkillashtirish, qurish, rekonstruksiya qilish va mukammal taʼmirlash borasidagi ishlar boshlab yuborildi.

Shu bilan birga oʻtkazilgan tahlillar shuni koʻrsatadiki, maktabgacha taʼlim tashkilotlarini qurish-taʼmirlash ishlarini tashkil etish, moddiy-texnika bazasini mustahkamlash, hududlarni obodonlashtirish, sanitariya-gigiyena talablariga rioya etilishini taʼminlash borasidagi vakolatli davlat organlarining faoliyati ayniqsa joylarda hamon past darajada qolmoqda.

Bundan tashqari, davlat maktabgacha taʼlim tashkilotlari infratuzilmasi va moddiy-texnika bazasining holati zamon talablariga toʻliq darajada mos kelmaydi va mamlakat aholisining oʻsib borishini eʼtiborga olganda bolalarning maktabgacha taʼlim bilan zarur darajada qamrab olinishini taʼminlash imkonini bermaydi.

Maktabgacha taʼlim tizimini, shu jumladan maktabgacha taʼlim xizmatlari nodavlat sektorini yanada rivojlantirish, maktabgacha taʼlim tashkilotlari tarmogʻini kengaytirish va moddiy-texnika bazasini mustahkamlash, bolalarning maktabgacha taʼlim tizimiga yanada kengroq qamrab olinishini taʼminlash hamda maktabgacha taʼlim sohasidagi davlat-xususiy sherikchiligi uchun qulay shart-sharoitlar yaratish maqsadida:

1. Oʻzbekiston Respublikasi Maktabgacha taʼlim vazirligi, Moliya vazirligi, Davlat aktivlarini boshqarish agentligi, Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining maktabgacha taʼlim sohasida davlat-xususiy sheriklikning quyidagi shakllarini joriy etish toʻgʻrisidagi takliflariga rozilik berilsin:

jamoat ehtiyojlari uchun doimiy foydalanishga berilgan yer uchastkalarini, shu jumladan faoliyat yuritayotgan davlat maktabgacha taʼlim tashkilotlarining boʻsh turgan yer uchastkalarini nodavlat maktabgacha taʼlim tashkilotlarining binolarini qurish uchun bepul asosda ijaraga berish;

mavjud davlat maktabgacha taʼlim tashkilotlarini rekonstruksiya qilish va jihozlash, keyinchalik esa ularni otaliqqa olish sharti bilan nodavlat maktabgacha taʼlim tashkilotlari obyektlarini qurish uchun doimiy foydalanishdagi yer uchastkalarini bepul asosda ijaraga berish;

konsessiya asosida rekonstruksiya qilish va jihozlash uchun bino ajratish;

boʻsh yotgan davlat mulki obyektlarini, shu jumladan faoliyat koʻrsatmayotgan davlat maktabgacha taʼlim tashkilotlarining binolarini “nol” xarid qiymatida sotish;

toʻliq butlanmay qolgan davlat maktabgacha taʼlim tashkilotlarining foydalanilmayotgan xonalari yoki korpuslarini uzoq muddatli bepul maqsadli foydalanish uchun xususiy sheriklarga topshirish;

xususiy sherikning mol-mulki negizida tashkil qilingan nodavlat maktabgacha taʼlim tashkilotlarini moddiy-texnik va moliyaviy taʼminlash;

oilaviy nodavlat maktabgacha taʼlim tashkilotlarini moddiy-texnik va metodik taʼminlash;

otaliq shaklidagi xayriya faoliyatini olib borish.

Belgilansinki, maktabgacha taʼlim sohasida davlat-xususiy sheriklik Oʻzbekiston Respublikasi Vazirlar Mahkamasi tomonidan oʻrnatiladigan boshqa shakllarda ham amalga oshirilishi mumkin.

2. Davlat-xususiy sherikchiligi shakliga qarab xususiy sherik zimmasiga investitsiya majburiyatlarining quyidagi turlari yuklanishi mumkinligi belgilab qoʻyilsin:

ijtimoiy koʻmakka muhtoj oilalar va maxsus kontingentdan muayyan miqdordagi tarbiyalanuvchilarni oʻqitish, ular uchun ota-onalar toʻlovining imtiyozli miqdorlarini (mazkur joydagi davlat maktabgacha taʼlim tashkilotlari uchun belgilanganidan oshmaydigan miqdorlarda) belgilab qoʻyish. Bunda ijtimoiy koʻmakka muhtoj oilalar farzandlari ustuvor ravishda oʻqishga qabul qilinadi;

xususiy sherikka biriktirilgan davlat maktabgacha taʼlim tashkilotlarini qurish, rekonstruksiya qilish, mukammal taʼmirlash va jihozlash borasidagi ishlarni amalga oshirish;

davlat-xususiy sherikchiligi toʻgʻrisidagi bitimda nazarda tutiladigan boshqa majburiyatlarni bajarish.

3. Maktabgacha taʼlim sohasida davlat-xususiy sherikchiligi toʻgʻrisidagi Nizom 1-ilovaga muvofiq tasdiqlansin.

4. Belgilansinki:

davlat-xususiy sheriklik toʻgʻrisidagi bitim Maktabgacha va maktab taʼlimi vazirligi tomonidan oʻtkaziladigan tanlov natijalari boʻyicha tuziladi. Mazkur qaror 1-bandining sakkizinchi — oʻninchi xatboshilarida nazarda tutilgan hollarda tanlov oʻtkazilmaydi;

Maktabgacha va maktab taʼlimi vazirligi 2023-yil 1-oktabrdan boshlab davlat-xususiy sheriklik asosidagi nodavlat maktabgacha taʼlim tashkilotlarini tashkil etishda davlat sherigi sifatida xususiy sherik bilan bitim tuzadi (2023-yil 1-oktabrga qadar tuzilgan bitimlar uchun davlat sherigi etib Maktabgacha taʼlim agentligi belgilanadi) hamda bitim shartlari xususiy sherik tomonidan lozim darajada bajarilishini monitoring qiladi;

Maktabgacha va maktab taʼlimi vazirligi 2024-yil 1-oktabrdan boshlab oilaviy nodavlat maktabgacha taʼlim tashkilotlarini tashkil etishda davlat sherigi sifatida xususiy sherik bilan bitim tuzadi hamda bitim shartlari xususiy sherik tomonidan lozim darajada bajarilishini monitoring qiladi;

Qoraqalpogʻiston Respublikasi hududida Qoraqalpogʻiston Respublikasi Maktabgacha va maktab taʼlimi vazirligi davlat-xususiy sheriklik asosidagi nodavlat maktabgacha taʼlim tashkilotlarini hamda oilaviy nodavlat maktabgacha taʼlim tashkilotlarini tashkil etishda davlat sherigi sifatida xususiy sherik bilan bitim tuzadi hamda bitim shartlari xususiy sherik tomonidan lozim darajada bajarilishini monitoring qiladi.

5. Oʻzbekiston Respublikasi Maktabgacha taʼlim vazirligi, Moliya vazirligi, Iqtisodiyot vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Oʻzbekiston Respublikasi Tiklanish va taraqqiyot jamgʻarmasining:

nodavlat maktabgacha taʼlim tashkilotlarining rivojlantirish va davlat-xususiy sheriklikni ragʻbatlantirish tadbirlarini moliyalashtirishga yoʻnaltiriladigan mablagʻlarni Oʻzbekiston Respublikasi Moliya vazirligining alohida ochiladigan hisobvaraq (keyingi oʻrinlarda — maxsus hisobvaraq)da jamlash toʻgʻrisidagi;

2021-yil 1-iyuldan boshlab davlat-xususiy sheriklik asosidagi nodavlat maktabgacha taʼlim tashkilotlariga (oilaviy nodavlat maktabgacha taʼlim tashkilotlaridan tashqari) foydalangan elektr energiyasi va tabiiy gaz xizmatlari uchun qonunchilikda belgilangan tartibda Davlat budjeti mablagʻlari hisobidan oylik kompensatsiyalar toʻlash;

2021-yil 1-iyuldan boshlab olis va chekka hududlarda joylashgan davlat-xususiy sheriklik asosidagi nodavlat maktabgacha taʼlim tashkilotlariga (oilaviy nodavlat maktabgacha taʼlim tashkilotlaridan tashqari) har bir tarbiyalanuvchi bola uchun Davlat budjeti mablagʻlari hisobidan davlat maktabgacha taʼlim tashkilotining bir nafar tarbiyalanuvchisi uchun sarflanadigan xarajatlar summasining 75 foizi miqdorida subsidiya toʻlash;

olis va chekka hududlardan tashqari boshqa hududlarda joylashgan davlat-xususiy sheriklik asosidagi nodavlat maktabgacha taʼlim tashkilotlariga (oilaviy nodavlat maktabgacha taʼlim tashkilotlaridan tashqari) har bir tarbiyalanuvchi bola uchun Davlat budjeti mablagʻlari hisobidan davlat maktabgacha taʼlim tashkilotining bir nafar tarbiyalanuvchisi uchun sarflanadigan xarajatlar summasining 50 foizi miqdorida subsidiya toʻlash tartibini joriy etish toʻgʻrisidagi takliflari qabul qilinsin.

6. Quyidagilar maxsus hisobvaraqni shakllantirish manbalari etib belgilansin:

Oʻzbekiston Respublikasi Tiklanish va taraqqiyot jamgʻarmasining ekvivalenti 100,0 million AQSH dollari miqdoridagi bosqichma-bosqich ajratiladigan mablagʻlari;

Oʻzbekiston Respublikasiga budjetni qoʻllab-quvvatlash uchun Jahon banki va Osiyo taraqqiyot banki tomonidan ajratiladigan 100,0 million AQSH dollari miqdoridagi kreditlari;

xalqaro moliya institutlari, xorijiy hukumat tashkilotlari va boshqa donorlarning xayriya ionalari, kreditlari (qarzlari) va grantlari;

maxsus hisobvaraqning vaqtincha boʻsh mablagʻlarini joylashtirishdan olinadigan daromadlar;

qonun hujjatlarida taqiqlanmagan boshqa manbalar.

7. Quyidagilar belgilansin:

maxsus hisobvaraqdagi mablagʻlar nodavlat maktabgacha taʼlim tashkilotlarini tashkil etish, davlat-xususiy sherikligi toʻgʻrisidagi bitim obyektlarini qurish, rekonstruksiya qilish, taʼmirlash va jihozlashga imtiyozli kreditlarni berish uchun tijorat banklariga taqdim etiladi;

maxsus hisobvaraqdagi mablagʻlardan kreditlar tijorat banklari tomonidan maktabgacha taʼlim faoliyati bilan shugʻullanuvchi tadbirkorlik subyektlariga qonun hujjatlarida belgilangan muddat va shartlar asosida ajratib beriladi.

8. Davlat-xususiy sheriklik toʻgʻrisidagi bitimlar amal qilishining quyidagi muddatlari belgilansin:

nodavlat maktabgacha taʼlim tashkilotlarining binolarini qurish uchun bepul asosda ijaraga yer maydonlari taqdim etish bitimi — kamida 30 yil;

boʻsh yotgan davlat mulki obyektlarini, shu jumladan faoliyat koʻrsatmayotgan davlat maktabgacha taʼlim tashkilotlarining binolarini “nol” xarid qiymatida sotish bitimi — kamida 30 yil;

toʻliq butlanmay qolgan davlat maktabgacha taʼlim tashkilotlarining foydalanilmayotgan xonalari yoki korpuslarini uzoq muddatli bepul maqsadli foydalanish uchun xususiy sheriklarga topshirish bitimi — kamida 30 yil;

nodavlat maktabgacha taʼlim tashkilotlari binolarini qurish uchun faoliyat yuritayotgan davlat maktabgacha taʼlim tashkilotlarining hududida bepul asosda ijaraga yer maydonlari taqdim etish bitimi — kamida 30 yil;

mavjud davlat maktabgacha taʼlim tashkilotlarini rekonstruksiya qilish va jihozlash, keyinchalik esa ularni otaliqqa olish sharti bilan nodavlat maktabgacha taʼlim tashkilotlari obyektlarini qurish uchun bepul asosda ijaraga yer maydonlarini taqdim etish bitimi — kamida 30 yil;

konsessiya asosida qurilish uchun yer maydoni yoki rekonstruksiya qilish va jihozlash uchun bino ajratish bitimi — 15 yilgacha;

xususiy sherikning mol-mulki negizida tashkil qilingan nodavlat maktabgacha taʼlim tashkilotlarini moddiy jihatdan taʼminlash bitimi — kamida 10 yil;

oilaviy nodavlat maktabgacha taʼlim tashkilotlarini moddiy-texnik va metodik taʼminlash bitimi — kamida 3 yil;

otaliq shaklidagi xayriya faoliyatini olib borish bitimi — kamida 1 yil.

Oʻz faoliyatini olingan imtiyozli kredit asosida yoki davlat-xususiy sheriklik shartlarida tadbirkorlik subyektlariga topshirilgan obyektlarda boshlagan nodavlat maktabgacha taʼlim tashkilotining faoliyatini u tashkil etilgan kundan boshlab 30 yil mobaynida qayta ixtisoslashtirish taqiqlanadi.

9. Davlat-xususiy sherikchiligi shartlarida tashkil etilgan nodavlat maktabgacha taʼlim tashkilotlari:

tashkil qilinayotgan nodavlat maktabgacha taʼlim tashkilotlarining ehtiyojlari uchun oʻrnatilgan tartibda tasdiqlangan roʻyxatlar boʻyicha olib kelinadigan uskunalar, asbob-anjomlar, oʻquv qurollari va oʻyingohlar davlat-xususiy sherikchiligi toʻgʻrisidagi bitim tuzilgan kundan boshlab 2 yil muddatga bojxona toʻlovlari (bojxonada rasmiylashtirish uchun yigʻimlardan tashqari) toʻlashdan;

nodavlat maktabgacha taʼlim tashkiloti oʻz faoliyatini amalga oshira boshlagandan keyin oʻn yil mobaynida barcha turdagi soliqlar va davlat maqsadli jamgʻarmalariga majburiy ajratmalar toʻlashdan ozod qilinsin.

Belgilansinki:

ushbu bandda koʻrsatilgan soliq va bojxona imtiyozlari maktabgacha taʼlim sohasida koʻrsatilayotgan xizmatlaridan oladigan sof tushum ulushi umumiy realizatsiya hajmida hisobot (soliq) davri yakunlariga koʻra kamida 80 foizni tashkil etadigan nodavlat maktabgacha taʼlim tashkilotlariga nisbatan qoʻllaniladi;

ushbu bandning uchinchi xatboshida koʻrsatilgan imtiyozlarning amal qilish muddati tugaydigan sana imtiyozlar amal qilishi muddati nihoyasiga yetadigan oyning oxirgi kuni hisoblanadi.

10. Quyidagilar:

2023-yilning 1-yanvariga qadar muddatda nodavlat maktabgacha taʼlim tashkilotlari uchun yagona ijtimoiy toʻlov stavkasi mehnatga haq toʻlash tarzida daromadlarning 10 foizi miqdorida, davlat-xususiy sherikchiligi asosida tashkil qilingan nodavlat maktabgacha taʼlim tashkilotlari uchun esa — davlat-xususiy sherikchiligi toʻgʻrisidagi bitim imzolangan oydan boshlab oʻn yil muddatga 5 foiz miqdorida belgilanadi;

2018-yilning 15-aprelidan boshlab maktabgacha taʼlim tashkilotlarini kichik tadbirkorlik subyektlari jumlasiga kiritish uchun ularning oʻrtacha yillik xodimlari cheklangan soni 100 kishiga yetkaziladi;

mazkur qarorning 9-bandida koʻrsatilgan imtiyozlarning amal qilish muddati tugagandan soʻng davlat-xususiy sherikchiligi shartlari asosida tashkil qilingan nodavlat maktabgacha taʼlim tashkilotlariga ushbu qaror bilan tasdiqlangan davlat-xususiy sherikchiligi toʻgʻrisidagi nizomda maktabgacha taʼlim sohasida belgilangan kvotalar boʻyicha ota-onalar toʻlovining imtiyozli miqdorlariga asosan qabul qilingan tarbiyalanuvchilarga taʼlim xizmatlari koʻrsatishdan olingan foyda (sof tushum) davlat-xususiy sherikchiligi toʻgʻrisidagi bitimning amal qilish muddati mobaynida yuridik shaxslarning foyda soligʻi boʻyicha soliqqa tortiladigan bazadan yoki yagona soliq toʻlovi boʻyicha soliqqa tortiladigan bazadan chiqarib tashlanadi;

2021-yil 1-iyuldan boshlab oilaviy nodavlat maktabgacha taʼlim tashkilotlariga mavjud quvvatiga qarab 50 nafargacha bolalarni tarbiyalashga hamda tarbiyalanuvchilar sonidan kelib chiqib 4 nafargacha tarbiyachi va yordamchilarni yollashga ruxsat beriladi;

2021-yil 1-iyuldan boshlab oilaviy nodavlat maktabgacha taʼlim tashkilotlari hududiy maktabgacha taʼlim boshqarmalari orqali oʻquv materiallar bilan bepul taʼminlanadi;

2021-yil 1-iyuldan boshlab oilaviy nodavlat maktabgacha taʼlim tashkilotlarining rahbarlari va xodimlarining malakasini oshirish davlat maktabgacha taʼlim tashkilotlari uchun belgilangan tartibda amalga oshiriladi.

11. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Oʻzbekiston Respublikasi Maktabgacha taʼlim vazirligi bilan hamkorlikda 2018-yilning 1-sentabriga qadar muddatda boʻsh yotgan davlat mulki obyektlari, shuningdek, rekonstruksiya qilinishi va mukammal taʼmirlanishi lozim boʻlgan davlat maktabgacha taʼlim muassasalarining ishlatilmayotgan (korpuslarini) xatlovdan oʻtkazib, ularning roʻyxatini tuzsinlar;

har yili 1-fevralga qadar davlat-xususiy sheriklik shartlarida nodavlat maktabgacha taʼlim tashkilotlarining binolarini qurish uchun bepul asosda ijaraga ajratib berilishi lozim boʻlgan yer maydonlarini aniqlab, ana shu yer maydonlarining tasdiqlangan roʻyxatlarini Maktabgacha va maktab taʼlimi vazirligiga taqdim etsinlar va yer uchastkalarini davlat sherigiga doimiy foydalanish uchun ajratib berilishini taʼminlasinlar;

mahalliy budjetlarning mablagʻlari hisobiga qurilayotgan va barpo etilgan nodavlat maktabgacha taʼlim tashkilotlarini barcha zarur tashqi muhandislik-kommunikatsiya infratuzilmasi (elektr energiyasi, gaz taʼminoti, suv taʼminoti, kanalizatsiya, avtomobil yoʻllari va boshqalar bilan) taʼminlasinlar;

Oʻzbekiston Respublikasi Qurilish vazirligi bilan birgalikda qurilish uchun yer maydonlarini tanlash va ajratish hamda turar-joy massivlari (komplekslari) qurilishini loyihalashtirish bosqichida nodavlat maktabgacha taʼlim tashkilotlari qurilishi uchun joylarni nazarda tutsinlar.

12. Oʻzbekiston Respublikasi Moliya vazirligi Oʻzbekiston Respublikasi Maktabgacha taʼlim vazirligi va Investitsiyalar boʻyicha davlat qoʻmitasi bilan birgalikda bir oy muddatda hukumat qarori loyihasini Oʻzbekiston Respublikasi Vazirlar Mahkamasiga kiritsin, unda quyidagilar nazarda tutilsin:

maxsus hisobvaraq mablagʻlaridan foydalanish tartibi;

davlat-xususiy sherikchiligi shartlari asosida faoliyat yuritadigan maktabgacha taʼlim tashkilotlariga Oʻzbekiston Respublikasi Davlat budjeti mablagʻlaridan subsidiyalar ajratish tartibi.

13. Quyidagilar:

a) Maktabgacha taʼlim agentligi tuzilmasida:

davlat-xususiy sherikchiligi asosidagi maktabgacha taʼlim tashkilotlari faoliyatini tashkil etish boshqarmasi;

davlat-xususiy sherikchiligi loyihalari monitoringi boʻlimi tuzilsin;

b) Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalari tuzilmasida xodimlarining cheklangan soni 2 nafargacha boʻlgan davlat-xususiy sherikchiligi asosidagi maktabgacha taʼlim tashkilotlari faoliyatini tashkil etish boʻlimi tuzilsin.

14. Oʻzbekiston Respublikasi Prezidentining baʼzi qarorlari 5-ilovaga muvofiq oʻz kuchini yoʻqotgan deb hisoblansin.

15. Oʻzbekiston Respublikasi Maktabgacha taʼlim vazirligi manfaatdor vazirliklar va idoralar bilan birgalikda:

bir oy muddatda Oilaviy maktabgacha taʼlim nodavlat muassasalari toʻgʻrisidagi nizomni;

ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.

16. Vazirlik va idoralar oʻzlari ilgari qabul qilgan meʼyoriy-huquqiy hujjatlarni ushbu qarorga muvofiqlashtirsinlar.

17. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi R.S. Qosimov, Oʻzbekiston Respublikasi Bosh vazirining oʻrinbosari Q.V. Akmalov va Oʻzbekiston Respublikasi maktabgacha taʼlim vaziri A.V. Shin zimmasiga yuklansin.

1. Ushbu Nizom maktabgacha taʼlim sohasidagi davlat-xususiy sheriklikni amalga oshirish tartibini belgilab beradi.

2. Ushbu Nizomda quyidagi tushunchalardan foydalaniladi:

davlat-xususiy sheriklik — xususiy investitsiyalarni jalb qilish, resurslarni birlashtirish va xavf-xatarlarni taqsimlash maqsadida davlat sherigi va xususiy sherikning aniq muddatga yuridik rasmiylashtirilgan maktabgacha taʼlim sohasidagi oʻzaro samarali hamkorligi;

davlat-xususiy sheriklik toʻgʻrisida bitim (keyingi oʻrinlarda matnda bitim deb yuritiladi) — tomonlarning huquqlari, majburiyatlari va javobgarligini, shuningdek davlat-xususiy sheriklik loyihasini ijro etishning boshqa shartlarini belgilab beradigan davlat sherigi va xususiy sherik oʻrtasida tuzilgan yozma shartnoma;

davlat-xususiy sheriklik toʻgʻrisidagi bitim tomonlari (keyingi oʻrinlarda matnda tomonlar deb yuritiladi) — davlat sherigi va xususiy sherik;

davlat sherigi — Maktabgacha va maktab taʼlimi vazirligi (Qoraqalpogʻiston Respublikasi hududida — Qoraqalpogʻiston Respublikasi Maktabgacha va maktab taʼlimi vazirligi);

xususiy sherik — bitim tuzgan yoki bitim tuzish istagini bildirgan yuridik yoxud jismoniy shaxs. Davlat tashkilotlari xususiy sheriklar boʻla olmaydi, shuningdek xususiy sheriklar tarafida ishtirok eta olmaydi;

davlat-xususiy sheriklik toʻgʻrisidagi bitim obyekti (keyingi oʻrinlarda matnda obyekt deb yuritiladi) — bitim boʻyicha maktabgacha taʼlim tashkilotlarini tashkil etish maqsadida foydalanilishi mumkin boʻlgan yer uchastkalari, boʻsh turgan binolar, shu jumladan ishlamaydigan va but qilinmagan davlat maktabgacha taʼlim tashkilotlari hamda boshqa obyektlar;

but qilinmagan davlat maktabgacha taʼlim tashkilotlari — rejadagi quvvatining 50 foizi ham but qilinmagan davlat maktabgacha taʼlim tashkilotlari;

davlat-xususiy sheriklik loyihasi — muhim davlat, ijtimoiy, iqtisodiy va ilmiy-texnik ahamiyatga ega boʻlgan maktabgacha taʼlim sohasidagi investitsiyaviy, innovatsion, infratuzilmaviy va boshqa tadbirlar majmui;

filantropik faoliyat — jismoniy va yuridik shaxslarning fuqarolarga yoki yuridik shaxslarga mol-mulkni, shu jumladan pul mablagʻlarini begʻaraz (bepul) oʻtkazish, bepul tarzda ishlarni bajarish, xizmatlar koʻrsatish, boshqacha koʻmak berish boʻyicha ixtiyoriy faoliyati;

ijtimoiy koʻmakka muhtoj oilalar — Ijtimoiy reyestrga kiritilgan oilalar, aʼzolari nogironligi boʻlgan shaxslardan iborat boʻlgan oilalar, boquvchisini yoʻqotgan oilalar, bolaning ota-onasi kvotalar boʻyicha mintaqalarga taqsimlangan ijtimoiy soha xodimlari boʻlgan oilalar, toʻrt yoki undan koʻp bolalari boʻlgan oilalar.

maxsus kontingent — harbiy xizmatchilarning va huquqni muhofaza qiluvchi organlar xodimlarining bolalari, maktabgacha taʼlim tizimi xodimlari va davlat umumtaʼlim maktablari pedagog xodimlarining bolalari;

konsessiya (konsession bitim) — muayyan muddatga tuzilgan bitim, unga koʻra davlat konsessionerga qurilish ishlarini amalga oshirish uchun yer uchastkalariga, shuningdek maktabgacha taʼlim tashkilotini qayta qurish va jihozlash uchun binolarga egalik qilish (tasarruf etish huquqisiz) va ulardan foydalanish huquqini beradi, konsession faoliyat natijasida konsessioner ega boʻlgan mahsulot va daromadlar konsession bitimda belgilangan hajmda va shartlarda uning mulki hisoblanadi;

otaliq — otaliqqa olingan maktabgacha taʼlim tashkilotiga jismoniy yoki yuridik shaxs (otaliq) tomonidan iqtisodiy, moliyaviy, madaniy, taʼlim yoki boshqa begʻaraz tizimli yordam koʻrsatish boʻyicha faoliyat.

3. Davlat-xususiy sheriklikning asosiy prinsiplari quyidagilardan iborat:

davlat sherigining va xususiy sherikning qonun oldida tengligi;

davlat-xususiy sheriklikni amalga oshirishdagi qoidalar va tartib-taomillarning shaffofligi;

xususiy sherikni tanlashdagi bahslashuv va xolislik;

kamsitishga yoʻl qoʻymaslik;

korrupsiyaga yoʻl qoʻymaslik.

4. Davlat-xususiy sheriklik quyidagi shakllarda amalga oshiriladi:

nodavlat maktabgacha taʼlim tashkilotlari binolarini qurish uchun doimiy foydalanishdagi yer uchastkalarini bepul asosda ijaraga berish;

davlat mulki boʻlgan boʻsh turgan obyektlarni, shu jumladan ishlamaydigan davlat maktabgacha taʼlim tashkilotlarining binolarini “nol” xarid qiymati boʻyicha realizatsiya qilish;

but qilinmagan davlat maktabgacha taʼlim tashkilotlarining foydalanilmaydigan binolari yoki korpuslarini uzoq muddat bepul foydalanish uchun xususiy sheriklarga oʻtkazish;

ishlab turgan davlat maktabgacha taʼlim tashkilotlari hududidagi yer uchastkalarini nodavlat maktabgacha taʼlim tashkilotlari binolarini qurish uchun ijaraga bepul berish;

mavjud davlat maktabgacha taʼlim tashkilotlarini qayta qurish va jihozlash hamda keyinchalik otaliqqa olish sharti bilan nodavlat maktabgacha taʼlim tashkilotlari obyektlarini qurish uchun yer uchastkalarini ijaraga bepul taqdim etish;

konsessiya asosida qurish, qayta qurish va jihozlash uchun ijaraga yer uchastkasi yoki bino ajratish;

xususiy sherik mulki negizida tashkil etilgan nodavlat maktabgacha taʼlim tashkilotlarini moddiy-texnik va moliyaviy jihatdan taʼminlash;

oilaviy nodavlat maktabgacha taʼlim tashkilotlarini moddiy-texnik va uslubiy jihatdan taʼminlash;

otaliq shaklidagi filantropik faoliyat.

Davlat-xususiy sheriklik tanlov asosida amalga oshiriladi, bundan ushbu bandning sakkizinchi — oʻninchi xatboshilarida nazarda tutilgan hollar mustasno.

5. Xususiy sherikni tanlab olish Oʻzbekiston Respublikasining “Davlat-xususiy sheriklik toʻgʻrisida” gi Qonuni talablari asosida amalga oshiriladi.

6. Komissiya tomonidan xususiy sherikning arizasi koʻrib chiqilishi uchun Oʻzbekiston Respublikasi qonun hujjatlarida belgilangan bitta bazaviy hisoblash miqdorida davlat sherigining maxsus hisobvaragʻiga oʻtkazib beriladigan yigʻim undiriladi.

7. Davlat-xususiy sheriklik loyihasini davlat sherigi yoki xususiy sherik tomonidan taklif etilishi maktabgacha taʼlim sohasida bitim uchun asos hisoblanadi.

8. Ushbu Nizomga muvofiq nodavlat maktabgacha taʼlim tashkilotlarini tashkil etish uchun xususiy sheriklarga yer uchastkalarini taqdim etishda ularga Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlarida belgilangan yuridik va jismoniy shaxslarga yer uchastkalarini taqdim etish tartibi tatbiq etilmaydi.

9. Davlat-xususiy sheriklik shartlari asosida nodavlat maktabgacha taʼlim xizmatini koʻrsatish istagini bildirgan xususiy sherik davlat sherigiga tegishli ariza beradi.

10. Arizada quyidagilar koʻrsatilgan boʻlishi kerak:

yuridik shaxslar uchun — xususiy sherikning nomi va joylashgan yeri, jismoniy shaxslar uchun — shaxsiy maʼlumotlar va yashash manzili;

loyihani amalga oshirish maqsadi;

bitimning taxmin qilingan obyekti yoki yer uchastkasi toʻgʻrisidagi maʼlumotlar.

11. Davlat-xususiy sheriklik loyihasini amalga oshirish toʻgʻrisida kelib tushgan ariza u kelib tushgan kundan boshlab oʻn kun ichida davlat sherigi tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda Davlat aktivlarini boshqarish agentligi bilan birgalikda koʻrib chiqiladi.

12. Kelib tushgan ariza koʻrib chiqilgach hamda Qoraqalpogʻiston Respublikasi Vazirlar Kengashining, viloyatlar va Toshkent shahar hokimliklarining hamda Davlat aktivlarini boshqarish agentligining ijobiy xulosalari olingach, davlat sherigi tanlovni eʼlon qiladi.

Tanlov ushbu Nizomning 3-bobida nazarda tutilgan tartibda oʻtkaziladi.

13. Ariza ushbu Nizomda nazarda tutilgan talablar buzilgan holda berilgan boʻlsa, hujjatlar ariza beruvchiga bir ish kuni mobaynida qaytariladi.

Taqdim etilgan arizada talablar buzilganligi haqidagi xabar yozma shaklda, shu jumladan elektron axborot tizimi orqali xususiy sherikka topshiriladi (joʻnatiladi). Xabarda qanday talablar buzilganligi, qonun hujjatlarining aniq normalari va xususiy sherik koʻrsatilgan talablar buzilishini bartaraf etib, hujjatlarni davlat sherigiga takroran koʻrib chiqish uchun taqdim etishi mumkin boʻlgan muddat koʻrsatiladi.

Xususiy sherik talablar buzilishini bartaraf etishga va hujjatlarni takroran koʻrib chiqish uchun taqdim etishga haqli boʻlgan muddat yozma yoki elektron xabar olingan kundan boshlab oʻn ish kunidan kam boʻlishi mumkin emas.

Takroran yuborilgan hujjatlar ular takroran yuborilgan kun qabul qilingan hisoblanadi. Arizani takroran koʻrib chiqish uchun yigʻim undirilmaydi.

14. Davlat sherigi mintaqa aholisining ehtiyojlaridan kelib chiqib, shu jumladan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda Davlat aktivlarini boshqarish agentligi, fuqarolarning oʻzini oʻzi boshqarish organlari, shuningdek jismoniy va yuridik shaxslardan kelib tushgan takliflarni oʻrganish natijalari boʻyicha ushbu Nizomning ilovasidagi sxemaga muvofiq tanlovni eʼlon qilish orqali davlat-xususiy sheriklikning loyihasini amalga oshirishni taklif qilishi mumkin.

15. Davlat sherigi tanlov boshlanishidan 30 kun avval tanlov savdolari oʻtkazilishi haqidagi eʼlonni davlat sherigi rasmiy saytining maxsus boʻlimiga, boshqa ommaviy axborot vositalariga, shu jumladan Qoraqalpogʻiston Respublikasi Vazirlar Kengashining, viloyatlar va Toshkent shahri hokimliklarining hamda Davlat aktivlarini boshqarish agentligi hududiy organlarining davriy bosma nashrlariga va “Maktabgacha taʼlim metodikasi” jurnaliga, ijtimoiy tarmoqlarga majburiy tartibda joylashtiradi, shuningdek ushbu axborotni Kambagʻallikni qisqartirish va bandlik vazirligi va boshqa manbalar orqali tarqatadi.

16. Tanlov haqidagi eʼlonda quyidagi maʼlumotlar boʻlishi kerak:

davlat sherigining nomi va pochta manzili, uning telefon raqami va elektron pochta manzili;

obyekt nomi, joylashgan yeri, soni, tavsifi;

davlat-xususiy sheriklik loyihasini amalga oshirish shartlari;

davlat-xususiy sheriklikni amalga oshirish shakllariga qarab talab etiladigan investitsiya va ijtimoiy majburiyatlarning eng kichik hajmi;

tanlov oʻtkaziladigan sana, vaqt va joy;

tanlov takliflari qabul qilinadigan oxirgi muddat (kuni va soati koʻrsatilgan holda).

17. Tanlovda ishtirok etish uchun xususiy sherik davlat sherigiga quyidagi hujjatlarni ilova qilgan holda ariza beradi:

yuridik shaxs roʻyxatdan oʻtkazilganligi toʻgʻrisida guvohnoma yoki pasportning koʻchirma nusxasi (agar ariza jismoniy shaxs tomonidan berilgan boʻlsa);

tanlovda ishtirok etish uchun ariza taqdim etiladigan kundan kamida bir oy oldin soliqlar, yigʻimlar, boshqa majburiy toʻlovlar boʻyicha qarzdorlik hamda boshqa moliyaviy sanksiyalar yoʻqligi toʻgʻrisida ariza;

xususiy sherikning sof aktivlari toʻgʻrisida axborot, davlat-xususiy sheriklik loyihasini realizatsiya qilishning moliyaviy imkoniyatini tasdiqlovchi oʻz ulushi miqdoridagi mablagʻning bank depozitlarida mavjudligi va ushbu mablagʻ faqat nodavlat maktabgacha taʼlim tashkiloti qurilishi uchun yoʻnaltirilishini kafolatlovchi hujjat;

maktabgacha taʼlim tashkiloti binosini qurish (qayta qurish) uchun eskiz loyihaviy taklif;

maktabgacha taʼlim tashkiloti binosini qurish uchun dastlabki texnik-iqtisodiy koʻrsatkichlar;

xususiy sherik tomonidan uning arizasi Komissiya tomonidan koʻrib chiqilishi uchun davlat sherigining budjetdan tashqari maxsus hisobvaragʻiga yigʻim kiritilganligini tasdiqlovchi hujjat.

Qayta tashkil etilayotgan, tugatilayotgan yoki toʻlovga qobiliyatsizligi toʻgʻrisida ish qoʻzgʻatilgan, mol-mulki xatlangan daʼvogarlarning tanlovda ishtirok etishiga yoʻl qoʻyilmaydi.

18. Tanlov boʻyicha taklifi davlat-xususiy sheriklik loyihasini realizatsiya qilish uchun eng maqbul deb topilgan ishtirokchi tanlov gʻolibi deb eʼtirof etiladi.

Shuningdek tanlov yakunlari boʻyicha takliflarining parametrlari tanlov shartlariga mos keladigan, biroq tanlov hujjatlariga muvofiq gʻolib tomonidan taklif etilgan parametrlar darajasidan pastroq boʻlgan zaxiradagi gʻolib aniqlab olinadi.

Tanlov gʻolibi davlat-xususiy sheriklik toʻgʻrisidagi bitimni ushbu Nizomning 22-bandida nazarda tutilgan muddatlarda imzolashni rad etsa yoki imzolashdan boʻyin tovlasa, zaxiradagi gʻolib bilan tegishli bitim tuzishga ruxsat beriladi. Tanlovning zaxiradagi gʻolibi bilan bitim tanlov gʻolibi bilan bitim tuzish tartibiga oʻxshash tartibda tuziladi.

19. Faqat bir ishtirokchidan ariza kelib tushgan taqdirda, tanlov oʻtkazilmaydi, qaror esa ishtirokchi arizasini va arizaga ilova qilinadigan hujjatlarni tanlov eʼlon qilingan vaqtdan boshlab oʻttiz kunlik muddat tugagandan keyin 5 ish kuni ichida oʻrganish yakunlari boʻyicha Komissiya tomonidan qabul qilinadi. Komissiya xususiy sherikning takliflari tanlov talablariga muvofiqligidan kelib chiqib, ijobiy yoki salbiy qaror qabul qiladi.

20. Davlat sherigi Komissiyaning tanlov yakunlari boʻyicha qarori qabul qilingan kunda oʻz rasmiy veb-saytiga axborot joylashtirish orqali tanlov natijalari haqida tanlov ishtirokchilarini xabardor qilishi shart.

21.Tanlov ishtirokchisi qabul qilingan qarorga rozi boʻlmasa, u qaror ustidan sudda shikoyat qilish huquqiga ega.

22. Komissiyaning ijobiy qarori asosida u qabul qilingan kundan boshlab 10 kun ichida davlat sherigi va xususiy sherik qonun hujjatlari va ushbu Nizom talablariga rioya qilgan holda bitim tuzadi.

23. Bitimda uni amalga oshirish shakliga qarab quyidagilar keltirilgan boʻlishi kerak:

xususiy investitsiyalar obyekti va hajmi;

bitimning amal qilish muddati va shartlari;

maktabgacha taʼlim tashkiloti foydalanishga topshiriladigan va faoliyati boshlanadigan muddatlar;

bitim tomonlarining huquqlari va majburiyatlari;

loyiha-smeta hujjatlarini tayyorlash, pudrat ishlari uchun shartnomalar tuzish muddatlari, loyihani moliyalashtirish manbalari, amalga oshirish jadvallari, loyiha bajarilishining borishi ustidan texnik nazorat qilish tartibi toʻgʻrisida axborot;

davlat-xususiy sheriklik loyihasi bajarilishi ustidan monitoring oʻtkazish tartibi va u qay darajada bajarilganligiga berilgan baho;

infratuzilmaviy obyektlar, davlat-xususiy sheriklik loyihasini amalga oshirish jarayonida ishlab chiqariladigan va (yoki) koʻrsatiladigan xizmatlar sifatiga qoʻyiladigan talablar;

xususiy sherik tomonidan oʻz majburiyatlarini bajarish jarayoni toʻgʻrisida hisobotlar taqdim etish tartibi va muddatlari;

davlat subsidiyalarini ajratish zarur boʻlsa, maktabgacha taʼlim tashkilotiga haqiqatda qatnaydigan bolalar soni toʻgʻrisidagi hisobotlarni va toʻlov hujjatlarini xususiy sherik tomonidan taqdim etish tartibi;

davlat sherigi va xususiy sherik oʻrtasida bitim tuzish bilan bogʻliq xavf-xatarlarni taqsimlash tartibi va shartlari;

davlat sherigi tomonidan xususiy sherikka davlat-xususiy sheriklik loyihasini amalga oshirish uchun oʻtkazib beriladigan infratuzilma obyektiga egalik qilish va undan foydalanish tartibi;

maktabgacha taʼlim tashkilotidan foydalanish, unga texnik xizmat koʻrsatish, uni loyihalashtirish, qurish, qayta qurish, taʼmirlash, modernizatsiyalash tartibi;

bitimning amal qilish muddati tugagandan keyin bitimni ijro etish jarayonida yaratilgan obyektga va boshqa mulkka doir huquqlarni taqsimlash tartibi;

bitim shartlariga rioya qilmaganligi uchun tomonlarning javobgarligi;

bitimga oʻzgartish va qoʻshimchalar kiritish tartibi;

bitimni bekor qilish tartibi, shuningdek bitimni muddatidan oldin bekor qilish natijasida yetkazilgan zararlarning oʻrnini toʻldirish yoki qoplash tartibi;

xususiy sherik tomonidan majburiyatlar bajarilmasligi yoki tegishlicha bajarilmasligi uchun sanksiyalar;

bitimni amalga oshirishda yuzaga keladigan munozaralarni hal qilish tartibi.

Bitimda qonun hujjatlariga zid boʻlmagan boshqa shartlar ham keltirilishi mumkin.

24. Bitimni imzolashga tayyorlash uchun davlat sherigi xususiy sherikka bitim loyihasining matnini taqdim etadi.

25. Agar zarur boʻlsa, bitim qoidalarini davlat sherigi va xususiy sherik oʻrtasida kelishib olish maqsadida muzokaralar oʻtkaziladi.

26. Bitim davlat sherigi va xususiy sherik oʻrtasida ikki nusxada, tomonlarning har biri uchun bittadan nusxada imzolanadi.

27. Davlat-xususiy sheriklik loyihasining konsepsiyasi tasdiqlangandan hamda bitim imzolangandan keyin uch kalendar kuni mobaynida davlat sherigi rasmiy tartibda uch nusxadan iborat loyiha konsepsiyasi, loyihani baholash hujjatlari va bitimni elektron axborot almashinuvi tizimi orqali Oʻzbekiston Respublikasi Iqtisodiyot va moliya vazirligiga DXSH loyihalarining reyestriga kiritish uchun taqdim qiladi.

28. Bitim tomonlar tarafidan imzolangan vaqtdan boshlab kuchga kiradi va bitim muddati tugashigacha yoki bekor qilinishigacha amal qiladi.

29. Bitim tuzilgandan keyin xususiy sherik qonun hujjatlarida belgilangan tartibda nodavlat taʼlim tashkilotlari faoliyatini amalga oshirish uchun litsenziya oladi, bundan oilaviy nodavlat maktabgacha taʼlim tashkilotlarini moddiy-texnik va uslubiy jihatdan taʼminlash shakllari mustasno.

30. Bitimga oʻzgartish va qoʻshimchalar quyidagi hollarda kiritilishi mumkin:

tomonlarning oʻzaro roziligi bilan;

davlat sherigining talabi boʻyicha — davlat sherigi va xususiy sherikning shartnoma asosidagi munosabatlariga doir maktabgacha taʼlimni tartibga solish toʻgʻrisidagi qonun hujjatlari oʻzgarishi munosabati bilan;

sudning hal qiluv qarori boʻyicha.

31. Bitim quyidagi hollarda bekor qilinadi:

tomonlarning oʻzaro roziligi bilan;

xususiy sherik bankrot boʻlsa va tugatilsa;

davlat sherigining talabi boʻyicha — xususiy sherik oʻz majburiyatlarini bajarmagan taqdirda;

xususiy sherikning talabi boʻyicha — davlat sherigi oʻz majburiyatlarini bajarmagan taqdirda.

Ushbu bandning toʻrtinchi va beshinchi xatboshilarida nazarda tutilgan hollarda bitim sud orqali bekor qilinadi.

32. Bitim amal qilish muddati tugagandan keyin toʻxtatiladi.

Bitimning amal qilish muddati toʻxtatilishi tomonlarni uni buzganlik uchun javobgarlikdan ozod qilmaydi.

33. Xususiy sherik:

davlat sherigidan davlat-xususiy sheriklik loyihasini amalga oshirish uchun zarur boʻlgan va erkin foydalaniladigan axborotni olishga;

davlat-xususiy sheriklik loyihasini taklif qilish toʻgʻrisidagi taklifni koʻrib chiqish uchun davlat sherigiga taqdim etishga;

yer uchastkalarini, boʻsh turgan binolarni, shu jumladan ishlamayotgan davlat maktabgacha taʼlim tashkilotlarini, shuningdek but qilinmagan davlat maktabgacha taʼlim tashkilotlarining foydalanilmayotgan binolari yoki korpuslarini bitim amal qiladigan muddatga bepul asosda olishga hamda ulardan foydalanishga;

davlat-xususiy sheriklik loyihasi oilaviy nodavlat maktabgacha taʼlim tashkiloti shaklida amalga oshirilgan taqdirda, moddiy-texnik va uslubiy taʼminlanishga;

nodavlat maktabgacha taʼlim tashkilotlarining bino va inshootlarini qurish, rekonstruksiya qilish, taʼmirlash va jihozlash uchun imtiyozli kredit olishga;

bitim shartlari davlat sherigi tomonidan buzilgan taqdirda, uni sud tartibida bekor qilishni talab qilishga haqli.

Xususiy sherik qonun hujjatlariga muvofiq boshqa huquqlarga ham ega boʻlishi mumkin.

34. Xususiy sherik:

bitim va Oʻzbekiston Respublikasi qonun hujjatlari talablariga, shu jumladan davlat taʼlim talablariga qatʼiy rioya qilishi;

bitim amal qiladigan butun muddat davomida obyekt faoliyatining ixtisosligini saqlashi;

nodavlat maktabgacha taʼlim tashkilotida sanitariya qoidalari, normalari va gigiyena normalariga rioya qilishi;

nodavlat maktabgacha taʼlim tashkilotini yuqori malakali pedagogika kadrlari va boshqa kadrlar bilan toʻldirish, oʻquv-tarbiya jarayonini qonun hujjatlariga qatʼiy muvofiq holda oʻtkazish uchun zarur shart-sharoitlar yaratish choralarini koʻrishi;

tarbiyalash va oʻqitishning yuqori sifatini taʼminlovchi qulay shart-sharoitlar yaratishi, shu jumladan isteʼdodli bolalarni aniqlashi va qoʻllab-quvvatlashi;

ilgʻor xalqaro tajribani hisobga olgan holda oʻqitishning innovatsion pedagogik shakllari, usullari va zamonaviy texnologiyalaridan foydalanish asosida maktabgacha taʼlim sohasidagi taʼlim jarayonining samaradorligini va natijadorligini oshirish choralarini koʻrishi;

ijtimoiy koʻmakka muhtoj oilalar tarbiyalanuvchilarini maxsus kontingentni va maktabgacha taʼlim tuman (shahar) boʻlimi tomonidan yuboriladigan muayyan miqdordagi tarbiyalanuvchilarni oʻqitishi, ular uchun ota-onalar toʻlovini imtiyozli shartlarda (ushbu joydagi davlat maktabgacha taʼlim tashkilotlari uchun belgilangan miqdordan ortiq boʻlmagan hajmda) oʻrnatishi;

oʻqitish muddatlari va shartlari, haq toʻlash miqdorlari, tomonlar huquqlari va majburiyatlari hamda boshqa shartlar belgilangan shartnomaga muvofiq tahsil oluvchilarning ota-onalari yoki boshqa qonuniy vakillari bilan oʻzaro munosabatlarni yoʻlga qoʻyishi;

obyektning toʻliq yoki qisman moliyalashtirilishini, undan foydalanilishini, unga texnik xizmat koʻrsatilishini, shuningdek loyihalashtirilishi, qurilishi, qayta qurilishi, taʼmirlanishi, modernizatsiyalanishini taʼminlashi shart.

Xususiy sherik zimmasida ushbu Nizomda va qonun hujjatlarida nazarda tutilgan boshqa majburiyatlar ham boʻlishi mumkin.

Bitim amal qilish muddati davomida xususiy sherik tomonidan unga tegishli boʻlgan mulkni tasarruf etish, shu jumladan boshqa majburiyatlar boʻyicha garovga qoʻyish man etiladi (ushbu nizomning 12-13-boblarida koʻrsatilgan shakllardan tashqari), bundan xususiy sherik Oʻzbekiston Respublikasi qonun hujjatlariga muvofiq almashtirilishi mustasno.

Davlat-xususiy sheriklik doirasida ijaraga berilgan yer uchastkasida nodavlat maktabgacha taʼlim tashkiloti binosini qurgan xususiy sherikka ushbu binoni bank kreditlari boʻyicha garovga qoʻyishga ruxsat etiladi.

35. Davlat-xususiy sheriklikka asoslangan nodavlat maktabgacha taʼlim tashkilotlari tashkilot, uning xodimlari va tarbiyalanuvchilari toʻgʻrisidagi maʼlumotlarni oʻzgargan vaqtdan boshlab bir ish kuni ichida Maktabgacha va maktab taʼlimi vazirligining axborot tizimiga (keyingi oʻrinlarda — axborot tizimi) kiritib borilishini taʼminlaydilar.

Nodavlat maktabgacha taʼlim tashkilotlarida boʻsh joylarning elektron hisobini yuritish, ijtimoiy koʻmakka muhtoj oilalar va maxsus kontingent uchun ajratilgan kvotalar boʻyicha yoʻllanmalarni (keyingi oʻrinlarda — yoʻllanma) shakllantirish va bu yoʻllanmalar asosida bolalarni tashkilotlarga qabul qilish boʻyicha elektron navbatni shakllantirish axborot tizimi tomonidan avtomatik ravishda amalga oshiriladi.

Nodavlat maktabgacha taʼlim tashkiloti imtiyozli shartlarda taʼlim oladigan bolalarni yoʻllanma asosida qabul qiladi.

Nodavlat maktabgacha taʼlim tashkilotiga imtiyozsiz qabul qilinadigan bolalar uchun yoʻllanma olinmaydi, ushbu bolalar haqida maʼlumot axborot tizimiga xususiy sheriklar tomonidan kiritib boriladi.

36. Davlat sherigi:

davlat-xususiy sheriklik loyihalarini tayyorlash uchun maslahatchilarni jalb qilishga;

xususiy sherikdan har chorakda Oʻzbekiston Respublikasi Iqtisodiyot va moliya vazirligi bilan birgalikda bitim shartlarini bajarish jarayoni toʻgʻrisida hisobot olishga;

bitim shartlarini bajarish jarayoni ustidan monitoring oʻtkazishga va davlat-xususiy sheriklik loyihalari amalga oshishini baholashga;

Oʻzbekiston Respublikasi qonun hujjatlariga va bitim shartlariga rioya etilishi ustidan monitoring oʻtkazish doirasida aniqlangan qonunbuzarliklar bartaraf etilishini talab qilishga;

xususiy sherik aybi bilan yuzaga kelgan obyekt boʻyicha zararlar qoplanishini talab qilishga;

bitim shartlari xususiy sherik tomonidan buzilgan taqdirda, bitimning sud tartibida bekor qilinishini talab qilishga;

davlat-xususiy sheriklik loyihasining amalga oshishini moliyalashtirishda ishtirok etishga haqli.

Davlat sherigi qonun hujjatlariga muvofiq boshqa huquqlarga ham ega boʻlishi mumkin.

37. Davlat sherigi:

xususiy sherikka obyektni bitimni belgilangan muddatlarda, tartibda va shartlarda bepul asosda taqdim etishi;

xususiy sheriklarga soliq imtiyozlari va qonun hujjatlarida nazarda tutilgan boshqa preferensiyalar taqdim etilishida koʻmaklashishi;

nodavlat maktabgacha taʼlim tashkilotlarini tashkil etish, qurish, rekonstruksiya qilish, taʼmirlash, jihozlash hamda zamonaviy oʻquv uskunalari va oʻqitish vositalarini xarid qilish uchun xususiy sherik imtiyozli kreditlar olishida koʻmaklashishi;

xususiy sherikning xoʻjalik faoliyatini olib borishiga aralashmasligi shart.

Davlat sherigi zimmasida ushbu Nizomda va qonun hujjatlarida nazarda tutilgan boshqa majburiyatlar ham boʻlishi mumkin.

38. Nodavlat maktabgacha taʼlim tashkilotlarini tashkil etish uchun aholi punktlari tarkibiga kiradigan yer uchastkalari ajratiladi.

39. Davlat sherigi 30 yillik muddatga bitim tuzilgan kundan boshlab bir kun ichida xususiy sherikning — tanlov gʻolibining arizasini yer uchastkasini bitimda koʻrsatilgan shartlarda taqdim etish yuzasidan qaror qabul qilish uchun Qoraqalpogʻiston Respublikasi Vazirlar Kengashiga, viloyat va Toshkent shahar hokimiyatiga yoki tuman (shahar) hokimiyatiga yuboradi.

40. Qoraqalpogʻiston Respublikasi Vazirlar Kengashi, viloyat va Toshkent shahar hokimiyati yoki tuman (shahar) hokimiyati xususiy sherik arizasini va Komissiya qarorini obyekt qurilishi uchun yer uchastkasi taqdim etish boʻyicha materiallar tayyorlash uchun Oʻzbekiston Respublikasi Qurilish vazirligining hududiy boʻlinmasiga yuboradi.

41. Qoraqalpogʻiston Respublikasi Qurilish vazirligi, viloyatlar va Toshkent shahar bosh boshqarmalari (keyingi oʻrinlarda matnda hududiy organ deb yuritiladi) yigirma ish kuni ichida yer uchastkasini taqdim etishga doir materiallarni tayyorlaydi va vakolatli organlar (tashkilotlar) bilan kelishib oladi hamda yer uchastkasini tanlash va taqdim etishga doir materiallarni Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga yoki tuman (shahar) hokimiyatiga yuboradi.

42. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari yoki tuman (shahar) hokimiyati uch kun ichida:

nodavlat maktabgacha taʼlim tashkilotlarini tashkil etish maqsadida yer uchastkasini davlat sherigiga doimiy foydalanish uchun taqdim etish toʻgʻrisida qaror qabul qiladi;

42¹. Davlat sherigi unga yer uchastkasi ajratilgan kundan boshlab bir kun ichida yer uchastkasini davlat-xususiy sheriklik bitimi doirasida xususiy sherikka ijaraga berish boʻyicha ijara shartnomasi imzolanishini taʼminlaydi.

44. Yer uchastkasini taqdim etishga doir materiallarni tayyorlash va kelishish bilan bogʻliq xarajatlar xususiy sherik bilan bitim tuzilgandan keyin u tomonidan qoplanadi.

45. Davlat sherigi loyihani amalga oshirishda:

moliyaviy mablagʻlar yetarli boʻlmasa, imtiyozli kreditlar olishda koʻmaklashishi;

barcha zarur tashqi muhandislik-kommunikatsiya infratuzilmasi (elektr energiya, gaz taʼminoti, suv taʼminoti, kanalizatsiya, avtomobil yoʻllari va hokazolar) bilan taʼminlashda koʻmaklashishi;

zarur boʻlsa, maktabgacha taʼlim sohasida uslubiy va konsultativ yordam berishi shart.

46. Loyihani amalga oshirishda xususiy sherik:

maktabgacha yoshdagi bolalar uchun toʻgaraklar va boshqa taʼlim xizmatlari tashkil etish;

davlat maktabgacha taʼlim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (Oʻzbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida Oʻzbekiston Respublikasi Davlat budjetidan subsidiyalar olish;

foyda olish huquqiga ega.

47. Loyihani amalga oshirishda xususiy sherik zimmasiga qoʻshimcha ravishda quyidagilar yuklatiladi:

tutash hududni qurish, jihozlash, obod qilish va maktabgacha taʼlim tashkilotini bitimda koʻrsatilgan muddatlarda foydalanishga topshirish boʻyicha choralar koʻrish;

mulk xususiy sherik ixtiyorida qoldirilsa (bekor qilish huquqi bilan), tarbiyalanuvchilar umumiy sonining 20 foizi miqdorida va mulk bitimning amal qilish muddati tugagandan keyin davlat sherigi ixtiyorida qoldirilsa, tarbiyalanuvchilar umumiy sonining 15 foizi miqdorida ijtimoiy koʻmakka muhtoj oilalar farzandlarini va maxsus kontingentni oʻqitish, ular uchun ota-onalar toʻlovining imtiyozli hajmlarini (shu joydagi davlat maktabgacha taʼlim tashkilotlari uchun belgilangan miqdordan oshmaydigan hajmda) oʻrnatish. Bunda ijtimoiy koʻmakka muhtoj oilalar farzandlari ustuvor ravishda oʻqishga qabul qilinadi.

Bitim mulkni bitimning amal qilish muddati tugagandan keyin davlat sherigida qoldirish sharti bilan tuzilgan taqdirda, xususiy sherik bitimni uzaytirish borasida ustuvor huquqqa ega boʻladi.

48. Davlat sherigi davlat mulki boʻlgan boʻsh turgan obyektlarni, shu jumladan ishlamaydigan davlat maktabgacha taʼlim tashkilotlarining binolarini “nol” xarid qiymati boʻyicha oʻtkazish jarayonini tashkil etish uchun Davlat aktivlarini boshqarish agentligiga bitim tuzilgan vaqtdan boshlab bir kun ichida tanlov gʻolibi haqidagi axborotni va bitimning koʻchirma nusxasini yuboradi.

49. Davlat aktivlarini boshqarish agentligining topshirigʻiga binoan uning hududiy organi axborot olgan vaqtdan boshlab uch kun ichida davlat mulki boʻlgan boʻsh turgan obyektni, shu jumladan ishlamaydigan davlat maktabgacha taʼlim tashkilotlarining binolarini balansda saqlovchiga (keyingi oʻrinlarda matnda balansda saqlovchi deb yuritiladi) mulkni Buxgalteriya hisobi milliy standartlariga muvofiq inventarizatsiyadan oʻtkazish toʻgʻrisidagi yozma talabni yuboradi.

50. Balansda saqlovchi oʻn ish kunidan ortiq boʻlmagan muddatda inventarizatsiya oʻtkazadi va Davlat aktivlarini boshqarish agentligining hududiy organiga:

inventarizatsiya komissiyasini tashkil etish toʻgʻrisidagi buyruqning koʻchirma nusxasini;

inventarizatsiya komissiyasi majlislarining bayonnomalarini;

inventarizatsiya komissiyasi aʼzolari va rahbari tomonidan imzolangan mulkni inventarizatsiya qilish hujjatlarini;

kadastr hujjatlari, shu jumladan kadastr xaritasi (rejasi) va huquqni oʻrnatuvchi boshqa hujjatlarni (agar ular bor boʻlsa);

yer uchastkasiga, yerosti boyliklariga va boshqa tabiiy resurslarga boʻlgan huquqni tasdiqlovchi hujjatlarni;

balansda saqlovchining jamiyat roʻyxatdan oʻtkazilgan joy boʻyicha soliq organi tomonidan tasdiqlangan balansini;

Davlat aktivlarini boshqarish agentligi tomonidan tasdiqlangan shakl boʻyicha davlat mulki boʻlgan obyektlarning pasportini fotosuratlarni (kamida toʻrtta) ilova qilgan holda taqdim etadi.

51. Inventarizatsiya balansda saqlovchi tomonidan oraliq balans tuzilgan sanada oʻtkaziladi, bunda balansning har bir qatori tegishli inventar roʻyxatlari bilan tasdiqlangan boʻlishi kerak.

52. Xarid qiluvchi Vazirlar Mahkamasining 2014-yil 6-oktabrdagi 279-sonli qarori bilan tasdiqlangan shartlarda investitsiya va ijtimoiy majburiyatlarni qabul qilishi sharti bilan inventarizatsiya hujjatlari Davlat mulki boʻlgan obyektlarni “nol” xarid qiymati boʻyicha realizatsiya qilish tartibi toʻgʻrisidagi nizomda nazarda tutilgan shakllar boʻyicha tuziladi, inventarizatsiya komissiyasi raisi va aʼzolari tomonidan imzolanadi.

53. Balansda saqlovchi va xususiy sherik oʻrtasida inventarizatsiya hujjati tuzilgach, obyektni qabul qilish-oʻtkazish hujjati uning balansi qiymati koʻrsatilgan holda imzolanadi.

54. Obyektni qabul qilish-oʻtkazish hujjati imzolangach va xususiy sherik tomonidan davlat boji toʻlanganligini tasdiqlovchi hujjat taqdim etilgach, besh ish kuni ichida Davlat aktivlarini boshqarish agentligining hududiy organi xususiy sherikka “tasarruf etish huquqisiz” belgisi bilan egalik qilish huquqi uchun davlat orderini beradi.

55. Bitimning amal qilish muddati tugashi bilan xususiy sherik oʻz majburiyatlarini va bitim shartlarini bajargan taqdirda, davlat sherigi tomonidan taqdim etilgan axborot boʻyicha Davlat aktivlarini boshqarish agentligining hududiy organi xususiy sherik tomonidan egalik qilish huquqi uchun davlat orderining asl nusxasi taqdim etilgan kundan boshlab besh ish kunidan oshmaydigan muddatda qabul qiluvchi komissiyaning hujjati, shuningdek audit xulosasi asosida “tasarruf etish huquqi bilan” belgisini qoʻyadi.

56. Davlat sherigi loyihani amalga oshirishda:

moliyaviy mablagʻlar yetarli boʻlmasa, xususiy sherik imtiyozli kreditlar olishiga koʻmaklashishi;

barcha zarur tashqi muhandislik-kommunikatsiya infratuzilmasi (elektr energiya, gaz taʼminoti, suv taʼminoti, kanalizatsiya, avtomobil yoʻllari va hokazolar) bilan taʼminlashda koʻmaklashishi;

zarur boʻlsa, maktabgacha taʼlim sohasida uslubiy va konsultativ yordam berishi shart.

57. Xususiy sherik loyihani amalga oshirishda:

maktabgacha yoshdagi bolalar uchun toʻgaraklar va boshqa taʼlim xizmatlari tashkil etish;

davlat maktabgacha taʼlim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (Oʻzbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida Oʻzbekiston Respublikasi Davlat budjetidan subsidiyalar olish;

foyda olish huquqiga ega.

58. Loyihani amalga oshirishda xususiy sherik zimmasiga qoʻshimcha ravishda quyidagilar yuklatiladi:

tutash hududni qayta qurish va jihozlash, obod qilish hamda maktabgacha taʼlim tashkilotlarini bitimda koʻrsatilgan muddatlarda foydalanishga topshirish boʻyicha choralar koʻrish;

mulk xususiy sherik ixtiyorida qoldirilsa (bekor qilish huquqi bilan), tarbiyalanuvchilar umumiy sonining 20 foizi miqdorida va mulk bitimning amal qilish muddati tugagandan keyin davlat sherigi ixtiyorida qoldirilsa, tarbiyalanuvchilar umumiy sonining 15 foizi miqdorida ijtimoiy koʻmakka muhtoj oilalar farzandlarini va maxsus kontingentni oʻqitish, ular uchun ota-onalar toʻlovining imtiyozli hajmlarini (shu joydagi davlat maktabgacha taʼlim tashkilotlari uchun belgilangan miqdordan oshmaydigan hajmda) oʻrnatish. Bunda ijtimoiy koʻmakka muhtoj oilalar farzandlari ustuvor ravishda oʻqishga qabul qilinadi.

59. Davlat sherigi 30 yillik muddatga bitim tuzilgan vaqtdan boshlab bir ish kuni ichida bitimni roʻyxatdan oʻtkazadi va obyektni balansida saqlovchiga yuboradi.

60. Tuzilgan bitim shartlariga muvofiq balansda saqlovchi oʻn kunlik muddat ichida xususiy sherikka obyektni taqdim etadi, xususiy sherik esa bitimning amal qilish muddati tugashi bilan yoki bitim muddatidan oldin bekor qilinsa, balansda saqlovchiga obyektni bitim shartlariga mos holda qaytarishi shart.

61. Obyekt xususiy sherikka beriladi va u tomonidan obyektning barcha buyumlari va unga taalluqli boʻlgan texnik hujjatlar bilan birga qaytariladi.

62. Obyekt tomonlarning vakolatli vakillari hozirligida ikki tomonlama oʻtkazish toʻgʻrisida hujjat tuzilgan holda oʻtkaziladi va qaytariladi. Mazkur hujjatda quyidagilar koʻrsatiladi:

hujjat tuzilgan joy va sana;

bitim rekvizitlari (tuzilgan sana, raqam);

davlat mulkining texnik holati.

Oʻtkazish toʻgʻrisidagi hujjat tomonlarning vakolatli vakillari tomonidan imzolanadi va tomonlarning muhrlari bilan tasdiqlanadi.

63. Balansda saqlovchi va xususiy sherik oʻrtasida oʻtkazish toʻgʻrisidagi hujjat imzolangach, bir haftalik muddatda kommunal va ekspluatatsiya xizmatlarini yetkazib beruvchilar tomonidan belgilangan tariflarni hisobga olgan holda kommunal va ekspluatatsiya xizmatlari boʻyicha toʻlovlar miqdorini, ularni kiritish tartibi va muddatlarini tartibga soluvchi bitim tuziladi. Elektr energiyani, suv va gazni hisobga oluvchi zarur uskunalar balansda saqlovchi yoki xususiy sherik tomonidan bitim shartlariga muvofiq oʻrnatiladi.

64. Davlat sherigi loyihani amalga oshirishda:

moliyaviy mablagʻlar yetarli boʻlmasa, xususiy sherik imtiyozli kreditlar olishiga koʻmaklashishi;

barcha zarur tashqi muhandislik-kommunikatsiya infratuzilmasi (elektr energiya, gaz taʼminoti, suv taʼminoti, kanalizatsiya, avtomobil yoʻllari va hokazolar) bilan taʼminlashda koʻmaklashishi;

zarur boʻlsa, maktabgacha taʼlim sohasida uslubiy va konsultativ yordam berishi shart.

65. Xususiy sherik loyihani amalga oshirishda:

maktabgacha yoshdagi bolalar uchun toʻgaraklar va boshqa taʼlim xizmatlari tashkil etish;

davlat maktabgacha taʼlim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (Oʻzbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida Oʻzbekiston Respublikasi Davlat budjetidan subsidiyalar olish;

foyda olish huquqiga ega.

66. Loyihani amalga oshirishda xususiy sherik zimmasiga qoʻshimcha ravishda quyidagilar yuklatiladi:

but qilinmagan davlat maktabgacha taʼlim tashkilotlarining foydalanilmaydigan binolarini (korpuslarini) qayta qurish, hududni obod qilish, but qilinmagan davlat maktabgacha taʼlim tashkilotining binosini joriy taʼmirlash va muhandislik kommunikatsiyalarini tegishli holatda saqlash yuzasidan choralar koʻrish, shuningdek maktabgacha taʼlim xizmatlarini koʻrsatish uchun foydalanilmaydigan binolarni (korpuslarni) bitimda koʻrsatilgan muddatlarda foydalanishga topshirish;

tarbiyalanuvchilar umumiy sonining 15 foizi miqdorida ijtimoiy koʻmakka muhtoj oilalar farzandlarini va maxsus kontingentni oʻqitish, ular uchun 30 yil mobaynida ota-onalar toʻlovining imtiyozli hajmlarini (shu joydagi davlat maktabgacha taʼlim tashkilotlari uchun belgilangan miqdordan oshmaydigan hajmda) obyektni oʻz mulki qilib olish huquqisiz oʻrnatish. Bunda ijtimoiy koʻmakka muhtoj oilalar farzandlari ustuvor ravishda oʻqishga qabul qilinadi.

67. Nodavlat maktabgacha taʼlim tashkilotlari tashkil etish uchun nodavlat maktabgacha taʼlim tashkilotlari binolarini qurish uchun yetarli hajmda ortiqcha maydonga ega boʻlgan ishlab turgan davlat maktabgacha taʼlim tashkilotlari hududidagi yer uchastkalari davlat sherigi, xususiy sherik va davlat maktabgacha taʼlim tashkiloti oʻrtasida tuziladigan ijara shartnomasi asosida taqdim etiladi.

Yer uchastkasini ijaraga olish huquqi belgilangan tartibda davlat roʻyxatidan oʻtkaziladi.

74. Davlat sherigi loyihani amalga oshirishda:

moliyaviy mablagʻlar yetarli boʻlmasa, xususiy sherik imtiyozli kreditlar olishiga koʻmaklashishi;

barcha zarur tashqi muhandislik-kommunikatsiya infratuzilmasi (elektr energiya, gaz taʼminoti, suv taʼminoti, kanalizatsiya, avtomobil yoʻllari va hokazolar) bilan taʼminlashda koʻmaklashishi;

zarur boʻlsa, maktabgacha taʼlim sohasida uslubiy va konsultativ yordam berishi shart.

75. Xususiy sherik loyihani amalga oshirishda:

maktabgacha yoshdagi bolalar uchun toʻgaraklar va boshqa taʼlim xizmatlari tashkil etish;

davlat maktabgacha taʼlim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (Oʻzbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida Oʻzbekiston Respublikasi Davlat budjetidan subsidiyalar olish;

foyda olish huquqiga ega.

76. Loyihani amalga oshirishda xususiy sherik zimmasiga qoʻshimcha ravishda quyidagilar yuklatiladi:

nodavlat maktabgacha taʼlim tashkilotlarini qurish va jihozlash, tutash hududni obod qilish, ishlab turgan davlat maktabgacha taʼlim tashkiloti va nodavlat maktabgacha taʼlim tashkiloti oʻrtasida toʻsiq qurish, nodavlat maktabgacha taʼlim tashkilotini bitimda koʻrsatilgan muddatlarda foydalanishga topshirish;

mulk bitimning amal qilish muddati tugagandan keyin davlat sherigi ixtiyorida qolsa, tarbiyalanuvchilar umumiy sonining 15 foizi miqdorida ijtimoiy koʻmakka muhtoj oilalar farzandlarini va maxsus kontingentni oʻqitish, ular uchun ota-onalar toʻlovining imtiyozli hajmlarini (shu joydagi davlat maktabgacha taʼlim tashkilotlari uchun belgilangan miqdordan oshmaydigan hajmda) oʻrnatish. Bunda ijtimoiy koʻmakka muhtoj oilalar farzandlari ustuvor ravishda oʻqishga qabul qilinadi.

77. Xususiy sherik bilan aholi punktidagi yer uchastkasini taqdim etish hamda mazkur yer uchastkasida nodavlat maktabgacha taʼlim tashkilotini qurish, qayta qurishga muhtoj boʻlgan biriktirilgan davlat maktabgacha taʼlim tashkilotini qayta qurish va jihozlash, shuningdek uni keyinchalik otaliqqa olish sharti nazarda tutilgan bitim tuziladi.

78. Xususiy sherikka 20 yil va undan ortiq davr mobaynida qayta qurish va kapital taʼmirlash boʻyicha kompleks ishlar olib borilmagan va kapital taʼmirga muhtoj boʻlgan hamda yer uchastkasi ajratilayotgan tumanda joylashgan davlat maktabgacha taʼlim tashkiloti biriktiriladi.

79. Bitim tuzilgach, davlat sherigi bir kunlik muddatda xususiy sherik-tanlov gʻolibi arizasini yer uchastkasini davlat sherigiga taqdim etish yuzasidan qaror qabul qilish uchun Qoraqalpogʻiston Respublikasi Vazirlar Kengashiga, viloyat va Toshkent shahar hokimliklariga yoki tuman (shahar) hokimligiga yuboradi.

80. Qoraqalpogʻiston Respublikasi Vazirlar Kengashi, viloyat va Toshkent shahar hokimliklari yoki tuman (shahar) hokimligi xususiy sherikning arizasini va Komissiyaning qarorini obyekt qurilishi uchun yer uchastkasini taqdim etishga doir materiallarni tayyorlash uchun Oʻzbekiston Respublikasi Qurilish vazirligining hududiy boʻlinmasiga yuboradi.

81. Oʻzbekiston Respublikasi Qurilish vazirligining hududiy boʻlinmasi yigirma kun ichida yer uchastkasini taqdim etishga doir materiallarni tayyorlaydi va vakolatli organlar (tashkilotlar) bilan kelishib oladi hamda xulosani Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga yoki tuman (shahar) hokimiyatiga yuboradi.

82. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari yoki tuman (shahar) hokimiyati uch kun ichida:

nodavlat maktabgacha taʼlim tashkilotlarini tashkil etish maqsadida yer uchastkasini davlat sherigiga doimiy foydalanish uchun taqdim etish toʻgʻrisida qaror qabul qiladi;

82¹. Davlat sherigi unga yer uchastkasi ajratilgan kundan boshlab bir kun ichida yer uchastkasini davlat-xususiy sheriklik bitimi doirasida xususiy sherikka ijaraga berish boʻyicha ijara shartnomasi imzolanishini taʼminlaydi.

84. Yer uchastkasini taqdim etishga doir materiallarni tayyorlash va kelishish bilan bogʻliq xarajatlar xususiy sherik bilan bitim tuzilgandan keyin u tomonidan qoplanadi.

85. Davlat sherigi loyihani amalga oshirishda:

moliyaviy mablagʻlar yetarli boʻlmasa, xususiy sherik imtiyozli kreditlar olishiga koʻmaklashishi;

barcha zarur tashqi muhandislik-kommunikatsiya infratuzilmasi (elektr energiya, gaz taʼminoti, suv taʼminoti, kanalizatsiya, avtomobil yoʻllari va hokazolar) bilan taʼminlashda koʻmaklashishi;

zarur boʻlsa, maktabgacha taʼlim sohasida uslubiy va konsultativ yordam berishi shart.

86. Loyihani amalga oshirishda xususiy sherik zimmasiga qoʻshimcha ravishda quyidagilar yuklatiladi:

tutash hududni qayta qurish va jihozlash, obod qilish hamda biriktirilgan davlat maktabgacha taʼlim tashkilotini bitimda koʻrsatilgan muddatlarda foydalanishga topshirish boʻyicha choralar koʻrish;

oʻziga ajratilgan yer uchastkasida nodavlat maktabgacha taʼlim tashkiloti qurilishini va bitimda koʻrsatilgan muddatlarda foydalanishga topshirilishini taʼminlash;

biriktirilgan maktabgacha taʼlim tashkilotini otaliqqa olish, jumladan uni bitim amal qiladigan muddatda, biroq 30 yildan kam boʻlmagan davrda jihozlar, ashyo va anjomlar, oʻyinchoqlar va oʻquv qoʻllanmalari bilan taʼminlash.

87. Ajratilgan yer uchastkasida tashkil etilgan nodavlat maktabgacha taʼlim tashkilotiga davlat-xususiy sheriklikning boshqa shakllari asosida tashkil etilgan maktabgacha taʼlim tashkilotlari uchun belgilangan imtiyozlar tatbiq etilmaydi.

88. Maktabgacha taʼlim tashkilotlarini qurish, qayta qurish va jihozlash uchun davlat sherigi va xususiy sherik oʻrtasida konsessiya asosida bitim tuzilishi mumkin.

Konsessiya asosidagi bitim oʻn besh yil muddatga tuziladi.

Maktabgacha taʼlim tashkilotini qurish uchun davlat sherigiga yer uchastkasi aholi punktlari yerlari tarkibiga kiradigan boʻsh turgan yerlardan keyinchalik xususiy sherikka ijaraga berish uchun doimiy foydalanishga beriladi.

Maktabgacha taʼlim tashkilotini qayta qurish va jihozlash uchun xususiy sherikka boʻsh turgan, shu jumladan foydalanilmayotgan, davlat maktabgacha taʼlim tashkilotlari hududida joylashgan binolar ajratiladi.

Yer uchastkasi yoki bino bepul asosda taqdim etiladi.

Xususiy sherik taqdim etilgan yer uchastkasiga va binolarga tasarruf etish huquqisiz egalik qiladi va ulardan foydalanadi.

Maktabgacha taʼlim tashkilotini qurish, qayta qurish, jihozlash va undan foydalanish natijasida xususiy sherik tomonidan olingan daromadlar konsessiya bitimida belgilab beriladigan miqdorlarda uning mulki hisoblanadi.

Xususiy sherikning maktabgacha taʼlim tashkilotini qurish, qayta qurish va jihozlash bilan bogʻliq xarajatlari davlat sherigining talabnomalari boʻyicha 15 yil davomida bitimda belgilangan tartibda qoplanadi.

89. Davlat sherigi loyihani amalga oshirishda:

barcha zarur tashqi muhandislik-kommunikatsiya infratuzilmasi (elektr energiya, gaz taʼminoti, suv taʼminoti, kanalizatsiya, avtomobil yoʻllari va hokazolar) bilan taʼminlashda koʻmaklashishi;

zarur boʻlsa, maktabgacha taʼlim sohasida uslubiy va konsultativ yordam berishi shart.

90. Loyihani amalga oshirishda xususiy sherik:

maktabgacha yoshdagi bolalar uchun toʻgaraklar va boshqa taʼlim xizmatlari tashkil etish;

davlat maktabgacha taʼlim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (Oʻzbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida Oʻzbekiston Respublikasi Davlat budjetidan subsidiyalar olish;

asosiy faoliyatdan, shuningdek boshqa qoʻshimcha faoliyatdan foyda olish huquqiga ega. Qoʻshimcha faoliyatni amalga oshirish davlat sherigi bilan oldindan kelishib olinadi va bunday faoliyatni amalga oshirishda taqdim etilgan yer uchastkasining koʻpi bilan 30 foizidan foydalaniladi.

91. Davlat-xususiy sheriklik konsessiya asosida amalga oshirilsa, xususiy sherik quyidagi majburiyatlarni oʻz zimmasiga oladi:

tutash hududni qurish, jihozlash, obod qilish va maktabgacha taʼlim tashkilotini bitimda koʻrsatilgan muddatlarda konsessiya asosida foydalanishga topshirish boʻyicha choralar koʻrish;

tarbiyalanuvchilar umumiy sonining 20 foizi miqdorida ijtimoiy koʻmakka muhtoj oilalar farzandlarini va maxsus kontingentni oʻqitish, ular uchun 15 yil davomida ota-onalar toʻlovining imtiyozli hajmlarini (shu joydagi davlat maktabgacha taʼlim tashkilotlari uchun belgilangan miqdorda) oʻrnatish. Bunda ijtimoiy koʻmakka muhtoj oilalar farzandlari ustuvor ravishda oʻqishga qabul qilinadi.

92. Konsessiya asosidagi bitimning amal qilish muddati tugashi bilan maktabgacha taʼlim tashkiloti davlat sherigi mulkiga oʻtkaziladi.

93. Xususiy sherik mulki negizida tashkil etilgan nodavlat maktabgacha taʼlim tashkilotlarini moddiy taʼminlash shaklidagi davlat-xususiy sheriklik loyihasi xususiy sherik tashabbusi bilan tanlov oʻtkazilmay va taqdim etilgan hujjatlarni oʻrganish asosida u bilan toʻgʻridan-toʻgʻri muzokaralar oʻtkazish orqali amalga oshiriladi.

Davlat-xususiy sheriklik asosidagi maktabgacha taʼlim tashkilotlarining faoliyati, shu jumladan, koʻp kvartirali uy-joylarning noturar qavatlarida va/yoki yuridik yoki jismoniy shaxslarga qarashli noturar binolarni ijaraga olish orqali ham amalga oshirilishi mumkin.

Bunda:

noturar koʻchmas mulk ijara shartnomasi soliq organlarining avtomatlashtirilgan axborot tizimida hisobga qoʻyilgan;

ijaraga olinayotgan obyekt davlat maktabgacha taʼlim tashkilotlari va umumiy oʻrta taʼlim maktabiga tegishli yer maydoni va bino-inshootlarida tashkil etilmagan boʻlishi lozim.

Bitim amal qilish davrida ijara shartnomasi bekor boʻlgan yoki ijara muddati tugagan taqdirda, Davlat budjeti mablagʻlari hisobidan ajratiladigan subsidiya vaqtincha toʻxtatiladi.

Davlat-xususiy sheriklikning mazkur shakli 75 nafardan kam boʻlmagan bola oʻrnini yaratishni nazarda tutuvchi davlat-xususiy sheriklik shartlari asosida amalga oshiriladi.

94. Davlat-xususiy sheriklikni mazkur shaklda amalga oshirish uchun xususiy sherik davlat sherigiga quyidagi hujjatlar ilova qilingan arizani taqdim etadi:

yuridik shaxs roʻyxatdan oʻtkazilganligi haqida guvohnoma;

yer uchastkasiga boʻlgan huquq davlat roʻyxatidan oʻtkazilganligi haqida guvohnoma;

binolarga boʻlgan huquq davlat roʻyxatidan oʻtkazilganligi haqida guvohnoma;

yongʻin nazorati organlarining mavjud binolar va xonalarning yongʻin xavfsizligi talablariga mosligi haqidagi xulosasi;

sanitariya-epidemiologiya nazoratining mavjud binolar va xonalarning gigiyena qoidalari, normalari va normativlariga mosligi haqidagi xulosasi;

xususiy sherik pedagogika xodimlarining oliy yoki oʻrta maxsus pedagogik maʼlumoti borligini tasdiqlovchi hujjatlar.

95. Xususiy sherikning loyihani amalga oshirish toʻgʻrisidagi arizasi davlat sherigi tomonidan ariza kelib tushgan kundan boshlab 15 kun ichida koʻrib chiqiladi.

Loyihani amalga oshirish maqsadga muvofiqligi toʻgʻrisida qaror qabul qilingan taqdirda, davlat sherigi va xususiy sherik oʻrtasida yetti kun ichida bitim tuziladi.

96. Bitim tomonlar tarafidan imzolangan vaqtdan boshlab kuchga kiradi.

97. Davlat sherigi loyihani amalga oshirishda:

moliyaviy mablagʻlar yetarli boʻlmasa, xususiy sherik imtiyozli kreditlar olishiga koʻmaklashishi;

barcha zarur tashqi muhandislik-kommunikatsiya infratuzilmasi (elektr energiya, gaz taʼminoti, suv taʼminoti, kanalizatsiya, avtomobil yoʻllari va hokazolar) bilan taʼminlashda koʻmaklashishi;

zarur boʻlsa, maktabgacha taʼlim sohasida uslubiy va konsultativ yordam berishi shart;

Loyihani amalga oshirishda xususiy sherik:

maktabgacha yoshdagi bolalar uchun toʻgaraklar va boshqa taʼlim xizmatlari tashkil etish;

foyda olish;

davlat maktabgacha taʼlim tashkilotining bir nafar tarbiyalanuvchisi uchun sarflanadigan xarajatlar summasining 50 foizi (Oʻzbekiston Respublikasi Prezidentining 2021-yil 10-iyundagi PQ-5144-son qarori bilan tasdiqlangan olis va chekka hududlarda 75 foizi) miqdorida Oʻzbekiston Respublikasi Davlat budjetidan subsidiyalar olish;

maktabgacha taʼlim tashkilotining direktorlari, direktor oʻrinbosarlari, tarbiyachilari, defektologlari, psixologlari, musiqa xodimlari ish haqiga sarflanadigan xarajatlarni qoplash uchun davlat maktabgacha taʼlim muassasalari uchun belgilangan shartlarda qoʻshimcha budjet subsidiyalarini olish huquqiga ega. Ushbu imtiyoz faqat shu bobga tegishli boʻlib, boshqa maktabgacha taʼlim sohasidagi davlat-xususiy sheriklik shakllariga tatbiq etilmaydi.

98. Loyihani amalga oshirishda xususiy sherik zimmasiga qoʻshimcha ravishda tarbiyalanuvchilar umumiy sonining 25 foizi miqdorida ijtimoiy koʻmakka muhtoj oilalar farzandlarini va maxsus kontingentni oʻqitish, ular uchun kamida 30 yil davomida ota-onalar toʻlovining imtiyozli hajmlarini (shu joydagi davlat maktabgacha taʼlim tashkilotlari uchun belgilangan hajmlardan oshmaydigan miqdorlarda) oʻrnatish yuklatiladi. Bunda ijtimoiy koʻmakka muhtoj oilalar farzandlari ustuvor ravishda oʻqishga qabul qilinadi.

99. 50 nafargacha bolani tarbiyalashni nazarda tutuvchi oilaviy nodavlat maktabgacha taʼlim tashkilotlarini moddiy-texnik va uslubiy jihatdan taʼminlash shaklidagi davlat-xususiy sheriklik loyihasi bitimi xususiy sherikning tashabbusi bilan tanlov oʻtkazilmay axborot tizimi orqali elektron shaklda tuziladi va taraflarning elektron raqamli imzosi bilan tasdiqlanadi.

100. Oilaviy nodavlat maktabgacha taʼlim tashkiloti shaklidagi davlat-xususiy sheriklik loyihasini amalga oshirish uchun xususiy sherik axborot tizimi orqali elektron shaklda ariza bilan murojaat qiladi.

Ariza toʻldirilishida axborot tizimi tomonidan soʻralgan maʼlumotlar kiritiladi. Xususiy sherik axborot tizimiga kiritiladigan maʼlumotlarning ishonchliligi uchun shaxsan javobgar boʻladi.

Ariza qonunchilikda belgilangan tartibda masʼul idoralar tomonidan koʻrib chiqiladi.

Ariza axborot tizimi orqali shakllantirilgandan soʻng:

xususiy sherikning arizada koʻrsatilgan elektron pochta manzili yoki mobil telefon raqamiga, arizaning ID-raqami va ariza qabul qilingan sana va vaqti koʻrsatilgan holda maʼlumot joʻnatiladi;

oilaviy nodavlat maktabgacha taʼlim tashkilotining joylashuvi boʻyicha tegishli tuman (shahar) Sanitariya-epidemiologiya xizmati hamda Davlat yongʻin nazorati organiga axborot tizimi orqali elektron soʻrovlar joʻnatilib, 3 (uch) ish kuni ichida tegishli xulosalar olinadi.

Ijobiy xulosalar olingan taqdirda davlat sherigi 10 ish kuni mobaynida rejalashtirilayotgan hududda 3 — 7 yoshdagi bolalar soni, oʻsha hududda mavjud davlat va nodavlat maktabgacha taʼlim tashkilotlari, qamralgan va qamralmagan bolalar soni boʻyicha maʼlumotlardan kelib chiqib hamda oilaviy nodavlat maktabgacha taʼlim tashkilotlariga subsidiyalar ajratish uchun tegishli moliya yilida Davlat budjetida nazarda tutilgan mablagʻlar hajmini hisobga olgan holda oilaviy nodavlat maktabgacha taʼlim tashkilotlari tashkil etilishi maqsadga muvofiqligi yoki muvofiq emasligi boʻyicha maʼlumotni axborot tizimiga kiritadi.

Oilaviy nodavlat maktabgacha taʼlim tashkilotini tashkil etish toʻgʻrisidagi ariza rad etilganida, bu haqda rad etish sabablari aniq koʻrsatilgan holda, arizada koʻrsatilgan elektron pochta manzili yoki mobil telefon raqamiga SMS-xabar yuborish orqali xususiy sherikka maʼlum qilinadi.

101. Oilaviy nodavlat maktabgacha taʼlim tashkiloti tashkil etilishi rad etilmasa, xususiy sherik axborot tizimi orqali bitimga elektron imzo qoʻyadi hamda bitim elektron imzo qoʻyish uchun davlat sherigiga avtomatik ravishda yuboriladi.

Oilaviy nodavlat maktabgacha taʼlim tashkiloti oʻz faoliyatini davlat-xususiy sheriklik toʻgʻrisidagi bitim davlat sherigi tomonidan imzolanganidan keyin boshlashga haqli.

102. Bitim imzolangan kundan boshlab qonun hujjatlarida belgilangan tartibda kuchga kiradi.

Oilaviy nodavlat maktabgacha taʼlim tashkiloti faoliyatini boshlash yoki tugatish Davlat xizmatlari markaziga xabarnoma berish orqali amalga oshiriladi.

103. Davlat sherigi zimmasiga loyihani amalga oshirishda qoʻshimcha ravishda quyidagilarni taʼminlash yuklatiladi:

a) 2024-yil 1-avgustdan boshlab Toshkent shahrida faoliyat yuritayotgan oilaviy nodavlat maktabgacha taʼlim tashkilotlari tomonidan yollangan tarbiyachi va tarbiyachi yordamchilariga 9 soatlik davlat maktabgacha taʼlim tashkilotlarida ushbu xodimlar uchun belgilangan miqdorlarda ish haqi toʻlash;

b) 2024-yil 1-avgustdan boshlab Qoraqalpogʻiston Respublikasi va viloyatlarning 1 va 2-toifadagi tuman (shahar)larida faoliyat yuritayotgan oilaviy nodavlat maktabgacha taʼlim tashkilotlarga:

ular tomonidan yollangan tarbiyachi va tarbiyachi yordamchilariga 9 soatlik davlat maktabgacha taʼlim tashkilotlarida ushbu xodimlar uchun belgilangan ish haqining 75 foizi miqdorida haq toʻlash;

ularda taʼlim olayotgan har bir bolani davlat maktabgacha taʼlim tashkilotlari uchun belgilangan normativlar boʻyicha ovqatlantirish, yumshoq jihozlar (matraslar, yostiqlar, koʻrpalar, choyshablar, koʻrpa va yostiq jildlari, yopingʻichlar, qop-koʻrpa) hamda dori-darmonlar bilan taʼminlash xarajatlarining 75 foizini qoplash;

v) 2024-yil 1-avgustdan 2025-yil 1-yanvarga qadar 3-toifadagi tuman (shahar)larda faoliyat yuritayotgan oilaviy nodavlat maktabgacha taʼlim tashkilotlarga:

ular tomonidan yollangan tarbiyachi va tarbiyachi yordamchilariga 9 soatlik davlat maktabgacha taʼlim tashkilotlarida ushbu xodimlar uchun belgilangan ish haqining 90 foizi miqdorida haq toʻlash;

ularda taʼlim olayotgan har bir bolani davlat maktabgacha taʼlim tashkilotlari uchun belgilangan normativlar boʻyicha ovqatlantirish, yumshoq jihozlar (matraslar, yostiqlar, koʻrpalar, choyshablar, koʻrpa va yostiq jildlari, yopingʻichlar, qop-koʻrpa) hamda dori-darmonlar bilan taʼminlash xarajatlarining 90 foizini qoplash;

g) 2025-yil 1-yanvardan boshlab 3-toifadagi tuman (shahar)larda faoliyat yuritayotgan oilaviy nodavlat maktabgacha taʼlim tashkilotlarga:

ular tomonidan yollangan tarbiyachi va tarbiyachi yordamchilariga 9 soatlik davlat maktabgacha taʼlim tashkilotlarida ushbu xodimlar uchun belgilangan ish haqining 85 foizi miqdorida haq toʻlash;

ularda taʼlim olayotgan har bir bolani davlat maktabgacha taʼlim tashkilotlari uchun belgilangan normativlar boʻyicha ovqatlantirish, yumshoq jihozlar (matraslar, yostiqlar, koʻrpalar, choyshablar, koʻrpa va yostiq jildlari, yopingʻichlar, qop-koʻrpa) hamda dori-darmonlar bilan taʼminlash xarajatlarining 85 foizini qoplash;

d) 4 va 5-toifadagi tuman (shahar)larda faoliyat yuritayotgan oilaviy nodavlat maktabgacha taʼlim tashkilotlarga:

ular tomonidan yollangan tarbiyachi va tarbiyachi yordamchilariga 9 soatlik davlat maktabgacha taʼlim tashkilotlarida ushbu xodimlar uchun belgilangan miqdorlarda ish haqini toʻlash;

ularda taʼlim olayotgan har bir bolani davlat maktabgacha taʼlim tashkilotlari uchun belgilangan normativlar boʻyicha ovqatlantirish, yumshoq jihozlar (matraslar, yostiqlar, koʻrpalar, choyshablar, koʻrpa va yostiq jildlari, yopingʻichlar, qop-koʻrpa) hamda dori-darmonlar bilan taʼminlash xarajatlarini qoplash;

e) 2021-yil 1-maydan boshlab boquvchisini yoʻqotgan ayollar farzandlarining ota-onalar badali toʻlovlarini tegishli hududdagi 9 soatlik davlat maktabgacha taʼlim tashkilotlari uchun belgilangan miqdorlarda qoplash;

j) maktabgacha taʼlim tuman boʻlimi tomonidan uslubiy yordam koʻrsatish;

z) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tuman (shahar) hokimliklari bilan birgalikda taʼlim tashkilotini maktabgacha taʼlim tashkilotlari uchun moʻljallangan mebel, ashyo va anjomlar bilan jihozlashga koʻmaklashish;

i) jihozlar, asbob-uskunalar va oʻquv materiallarini foydalanishga berish;

k) tegishli qishloq vrachlik punktidan yoki qishloq oilaviy poliklinikasidan tibbiyot xodimini biriktirish;

l) oilaviy nodavlat maktabgacha taʼlim tashkilotlarini hududiy maktabgacha taʼlim boshqarmalari orqali oʻquv materiallari bilan bepul taʼminlash.

104. Loyihani amalga oshirishda xususiy sherik zimmasiga qoʻshimcha ravishda quyidagilar yuklatiladi:

boquvchisini yoʻqotgan ayollar farzandlarini bepul oʻqitish;

tarbiyalanuvchilar umumiy sonining 35 foizi miqdorida ijtimoiy koʻmakka muhtoj oilalar farzandlarini va maxsus kontingentni oʻqitish, ular uchun kamida 3 yil davomida ota-onalar toʻlovining imtiyozli hajmlarini (shu joydagi davlat maktabgacha taʼlim tashkilotlari uchun belgilangan hajmlardan oshmaydigan miqdorlarda) oʻrnatish. Bunda ijtimoiy koʻmakka muhtoj oilalar farzandlari ustuvor ravishda oʻqishga qabul qilinadi;

agar boshqa normativ hujjatlarda boshqa muddat nazarda tutilmagan boʻlsa, bitimning amal qilish muddati tugashidan kamida 2 oy oldin bitimning amal qilish muddatini uzaytirish istagi yoʻqligi haqida xabardor qilish;

bolalarning tegishli tarzda parvarish qilinishini va ularni davlat talablariga muvofiq taʼminlash uchun maqbul sharoitlar yaratilishini kafolatlash;

maktabgacha taʼlim tuman boʻlimi tomonidan yuborilgan bolani qabul qilishni jiddiy asoslarsiz rad etmaslik;

tegishli bilim va koʻnikmalarga ega boʻlish va bunday bilim va koʻnikmalarni orttirish, shuningdek malakani oshirish;

Oʻzbekiston Respublikasining Davlat budjetidan ajratiladigan mablagʻlardan maqsadli foydalanilishini taʼminlash.

105. Xususiy sherik loyihani amalga oshirishda qoʻshimcha tarzda:

ota-onalar bilan kelishuv boʻyicha qoʻshimcha xizmatlar koʻrsatish (shu jumladan oʻqituvchilar, murabbiylar, tibbiyot xodimlarini taklif qilish);

xizmatlar koʻrsatishdan tushgan mablagʻlar hisobiga tarbiyachi va uning yordamchisi ishini qoʻshimcha ravishda ragʻbatlantirish;

foyda olish huquqiga ega.

106. Otaliq shaklidagi filantropik faoliyat tarzida davlat-xususiy sheriklik loyihasi xususiy sherikning tashabbusi bilan tanlov oʻtkazilmay va taqdim etilgan hujjatlarni oʻrganish asosida ular bilan toʻgʻridan-toʻgʻri muzokaralar oʻtkazish orqali amalga oshiriladi.

107. Otaliq shaklidagi filantropik faoliyat tarzida davlat-xususiy sheriklik loyihasi yuridik va jismoniy shaxslarning ixtiyoriy begʻaraz yordami (faoliyati) orqali amalga oshiriladi. Bu ishlar bajarish, xizmatlar koʻrsatish va xayriya maqsadida boshqacha koʻmak berish uchun mol-mulkni, shu jumladan pul mablagʻlarini davlat maktabgacha taʼlim tashkilotlariga bepul yoki imtiyozli shartlarda oʻtkazishda ifodalanadi.

108. Otaliq shaklidagi filantropik faoliyat tarzida davlat-xususiy sheriklik loyihasini amalga oshirish uchun xususiy sherik davlat sherigiga quyidagi hujjatlar ilova qilingan arizani taqdim etadi:

yuridik shaxs davlat roʻyxatidan oʻtkazilganligi haqidagi guvohnomaning koʻchirma nusxasi (agar ariza jismoniy shaxs tomonidan berilgan boʻlsa);

oʻtkazib berilayotgan mulk va pul mablagʻlari toʻgʻrisida maʼlumotlar;

ishlar va xizmatlarni imtiyozli asosda taqdim etish shartlari;

xususiy sherikning moliyaviy resurslari toʻgʻrisida maʼlumotlar.

109. Xususiy sherikning loyihani amalga oshirish toʻgʻrisidagi arizasi davlat sherigi tomonidan ariza kelib tushgan kundan boshlab 10 kun ichida koʻrib chiqiladi va mintaqa aholisining ehtiyojlaridan kelib chiqib, loyihani amalga oshirish toʻgʻrisida 1 yillik muddatga bitim tuzish toʻgʻrisida qaror qabul qilinadi.

110. Xususiy sherik loyihani amalga oshirishda:

oʻz xodimlarining farzandlarini otaligʻi ostidagi davlat maktabgacha taʼlim tashkilotiga yuborishda ustuvorlikka ega boʻlish;

otaligʻi ostidagi davlat maktabgacha taʼlim tashkiloti ish rejimi oʻzgarishini kelishish;

oʻz xayr-ehsonlaridan foydalanish maqsadi va tartibini belgilab olish;

taqdim etilayotgan mablagʻlar va mol-mulkdan maqsadli foydalanish toʻgʻrisida hisobot talab qilish huquqiga ega.

Bunda qonun hujjatlariga muvofiq xususiy sherikning soliq solish bazasi biriktirilgan davlat maktabgacha taʼlim tashkilotiga homiylik va xayriya yordami tarzida yuboriladigan mablagʻlar summasiga kamayadi.

111. Xususiy sherik loyihani amalga oshirishda:

bitimda belgilangan hajmlarda va muddatlarda homiylik yordamini koʻrsatishi;

otaligʻi ostidagi davlat maktabgacha taʼlim tashkilotiga taʼlim jarayonini rivojlantirish va uning sifatini oshirishdan boshqa maqsadlarda yordam yubormasligi shart.

112. Davlat sherigi loyihani amalga oshirishda:

olingan mablagʻlardan maqsadli foydalanilishini taʼminlashi;

olingan xayr-ehsonlar hisobini yuritishi;

xayr-ehsonlar olingan kundan boshlab oʻn kun ichida ular toʻgʻrisida ommaviy axborot vositalarida, shuningdek agar oʻz rasmiy veb-saytlari mavjud boʻlsa, mazkur veb-saytlarda axborot berishi;

qonun hujjatlarida nazarda tutilgan imtiyozlardan foydalanish uchun xususiy sherikka tasdiqlovchi hujjatlar taqdim etishi shart.

113. Davlat sherigi nodavlat maktabgacha taʼlim tashkilotining moliyalashtirish hajmlari toʻgʻrisidagi barcha zarur hisob-kitoblarni oʻz ichiga olgan davlat subsidiyalari ajratilishi toʻgʻrisidagi murojaatini koʻrib chiqib, Komissiya ijobiy qaror qabul qilgan boʻlsa, xususiy sherik bilan 3 yildan ortiq boʻlmagan muddatga bitim tuzadi.

114. Davlat sherigi har oyda Oʻzbekiston Respublikasi Iqtisodiyot va moliya vazirligiga bitimlar roʻyxatini Oʻzbekiston Respublikasi Davlat budjeti mablagʻlari hisobidan amalga oshiriladigan qoʻshimcha xarajatlarni koʻrsatgan holda taqdim etib boradi.

116. Xususiy sherik xodimlari va tarbiyalanuvchilarining davomati boʻyicha qayd etilgan elektron maʼlumotlar axborot tizimida avtomatik ravishda shakllanadi.

117. Mahalliy moliya organlari hisobot oyidan keyingi har oyning 10 sanasiga qadar Oʻzbekiston Respublikasi Vazirlar Mahkamasi tomonidan tasdiqlanadigan tartibga muvofiq nodavlat maktabgacha taʼlim tashkilotiga subsidiya ajratadi.