Xorijiy davlatlar hududida sodir bo‘lgan favqulodda vaziyatlar oqibatida jabrlangan O‘zbekiston Respublikasi fuqarolariga tezkor yordam ko‘rsatishni tashkil etish maqsadida Vazirlar Mahkamasi qaror qiladi:
1. Xorijiy davlatlar hududida favqulodda vaziyatlar oqibatida jabrlangan O‘zbekiston Respublikasi fuqarolariga yordam ko‘rsatish tartibi to‘g‘risidagi nizom ilovaga muvofiq tasdiqlansin.
2. Belgilab qo‘yilsinki, xorijiy davlatlar hududida favqulodda vaziyatlar oqibatida jabrlangan O‘zbekiston Respublikasi fuqarolariga yordam ko‘rsatish ishlarini moliyalashtirish O‘zbekiston Respublikasi Vazirlar Mahkamasining zaxira jamg‘armasi mablag‘lari hisobidan, belgilangan tartibda amalga oshiriladi.
3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J. Ramatov va O‘zbekiston Respublikasi Favqulodda vaziyatlar vazirining birinchi o‘rinbosari K.M. Aripov zimmasiga yuklansin.
1. Ushbu Nizom xorijiy davlatlar hududida sodir bo‘lgan favqulodda vaziyatlar oqibatida jabrlangan O‘zbekiston Respublikasi fuqarolariga yordam ko‘rsatish hamda ularni va halok bo‘lganlarni evakuatsiya qilish chora-tadbirlarini (keyingi o‘rinlarda maxsus tadbirlar deb ataladi) amalga oshirish tartibini, shuningdek, ushbu jarayonga jalb etilgan vazirliklar, idoralar va mahalliy ijro etuvchi hokimiyat organlarining asosiy vazifalari va funksiyalarini belgilaydi.
2. Ushbu Nizomning amal qilishi xorijiy davlatlar hududida boshqa holatlarda jabrlangan O‘zbekiston Respublikasi fuqarolariga tatbiq etilmaydi.
Oldingi tahrirga qarang.
3. Vazirliklar, idoralar va mahalliy ijro etuvchi hokimiyat organlari maxsus tadbirlarni amalga oshirishda O‘zbekiston Respublikasining qonunchiligiga, O‘zbekiston Respublikasining ushbu sohadagi xalqaro shartnomalariga, shuningdek, mazkur Nizom talablariga amal qiladilar.
(3-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
favqulodda vaziyat — odamlar qurbon bo‘lishiga, ularning sog‘lig‘iga zarar yetishiga hamda hayot faoliyati sharoiti izdan chiqishiga olib kelishi mumkin bo‘lgan yoki olib kelgan avariya, halokat, xavfli tabiiy hodisa, tabiiy yoki boshqa ofat natijasida muayyan hududda yuzaga kelgan holat;
favqulodda vaziyatlarda jabrlanuvchi — favqulodda vaziyat sodir bo‘lishi oqibatida shikastlangan yoki moddiy zarar ko‘rgan shaxs;
favqulodda vaziyat hududi — favqulodda vaziyat manbalarining paydo bo‘lishi yoki uning oqibatlari boshqa joylardan tarqalishi natijasida favqulodda vaziyat yuzaga kelgan hudud yoki akvatoriya.
5. Maxsus tadbirlarni tashkillashtirish va amalga oshirishga umumiy rahbarlik qilish O‘zbekiston Respublikasi Prezidentining “Favqulodda vaziyatlarning oldini olish va ularni bartaraf etish tizimi samaradorligini tubdan oshirish chora-tadbirlari to‘g‘risida” 2017-yil 1-iyundagi PF-5066-son Farmoniga asosan tashkil etilgan Favqulodda vaziyatlarning oldini olish va ularni bartaraf etish bo‘yicha Hukumat komissiyasi hamda tegishli hududiy komissiyalarga yuklanadi.
Alohida holatlarda O‘zbekiston Respublikasi Prezidentining topshirig‘iga asosan maxsus Hukumat komissiyasi shakllantirilishi mumkin.
6. Maxsus tadbirlarni amalga oshirishni ta’minlash maqsadida O‘zbekiston Respublikasi Favqulodda vaziyatlar vazirligi (keyingi o‘rinlarda FVV deb ataladi), Tashqi ishlar vazirligi, Ichki ishlar vazirligi, Mudofaa vazirligi, Sog‘liqni saqlash vazirligi, shuningdek, favqulodda vaziyatning xususiyatiga ko‘ra boshqa vazirlik va idoralarning mas’ul vakillaridan iborat maxsus guruh tashkil etiladi.
7. Xorijiy davlatlar hududida sodir bo‘lgan favqulodda vaziyatlar oqibatida jabrlangan O‘zbekiston Respublikasi fuqarolariga yordam ko‘rsatish hamda ularni va halok bo‘lganlarni evakuatsiya qilish tadbirlari ushbu Nizomga ilova qilingan sxemadagi tartibda amalga oshiriladi.
Favqulodda vaziyatlar oqibatida jabrlanganlarni evakuatsiya qilish, fuqarolarning xorijiy davlatlarda bo‘lishi sharoitlarini (mehnat faoliyati, o‘qish va boshqalarni) hamda ularning xohishini hisobga olib belgilangan tartibda amalga oshiriladi.
8. Quyidagilar davlat organlari va boshqa tashkilotlarning maxsus tadbirlarni o‘tkazishdagi asosiy vazifalari hisoblanadi:
jabrlanganlarga yordam ko‘rsatishga jalb etiladigan kuch va vositalarning doimiy tayyorligini ta’minlash;
xorijiy davlatlarning davlat organlari bilan o‘z faoliyati yo‘nalishi bo‘yicha hamkorlikni tashkil etish va amalga oshirish, tezkor ma’lumotlar bilan almashish;
O‘zbekiston Respublikasi fuqarolari ishtirokida xorijiy davlatlar hududida favqulodda vaziyatlar yuzaga kelishi xavfi yoki sodir bo‘lganligi to‘g‘risida ma’lumot kelib tushganda, manfaatdor vazirliklar, idoralar va mahalliy ijroiya hokimiyati organlariga tezkor ma’lumot almashinuvini amalga oshirish;
favqulodda vaziyatlar (xavfi) yuzaga kelgan xorijiy davlatlarga jo‘nab ketish maqsadida, biriktirilgan kuch va vositalarning yig‘ilish joyiga tezkor kelishini ta’minlash;
favqulodda vaziyat hududida jabrlanganlarga yordam ko‘rsatish bo‘yicha yuklangan vazifalarni o‘z vaqtida va sifatli bajarish;
jabrlangan fuqarolarni va halok bo‘lganlarni O‘zbekiston Respublikasiga evakuatsiya qilish (tashish) bo‘yicha tadbirlarni tashkil qilish va o‘tkazish;
halok bo‘lganlarni oila a’zolarining yashash joylariga yetkazish, ularni dafn etishda yordam berish, oila a’zolariga tibbiy va ijtimoiy yordam ko‘rsatish bo‘yicha kompleks chora-tadbirlarni amalga oshirish;
jabrlanganlarni ijtimoiy-iqtisodiy va huquqiy muhofaza qilish, shuningdek, tibbiy reabilitatsiya masalalarini hal etish;
jabrlanganlarga, ularning hamda halok bo‘lgan fuqarolarning oila a’zolariga tushuntirish ishlarini va psixologik yordam ko‘rsatishni, shuningdek jamoat tartibini saqlashni ta’minlash.
9. Davlat organlari va boshqa tashkilotlar maxsus tadbirlarni o‘tkazish bo‘yicha asosiy vazifalarga muvofiq quyidagi funksiyalarni amalga oshiradi:
xorijiy davlatlar hududida sodir bo‘lgan favqulodda vaziyat oqibatida jabrlangan (vafot etgan) O‘zbekiston Respublikasi fuqarolari to‘g‘risida tegishli vazirliklar va idoralarga tezda xabar va ma’lumot beradi;
favqulodda vaziyat xususiyati va darajasi, jabrlanganlar va halok bo‘lganlar to‘g‘risida ma’lumotlarni yig‘adi, umumlashtiradi, tahlil qiladi va tezkor ma’lumot almashadi;
Oldingi tahrirga qarang.
maxsus guruh tarkibi, kuch va vositalarni favqulodda vaziyat hududiga yetkazish (tegishli vazirlik va idoralarning havo yo‘llari, temir yo‘llari va avtomobil transportlarini jalb qilish)hamda evakuatsiya tadbirlarini amalga oshirish tartibi bo‘yicha takliflar tayyorlaydi va O‘zbekiston Respublikasi Prezident Administratsiyasiga kelishish uchun taqdim qiladi;
(9-bandning 1-kichik bandi to‘rtinchi xatboshisi O‘zbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari ma’lumotlari milliy bazasi, 14.05.2019-y., 09/19/397/3123-son)
uchish (jo‘nab ketish) uchun buyurtma beradi, havo kemasining (temir yo‘l/avtomobil transportining) parvoz etish (harakatlanish) yo‘nalishiga aniqlik kiritadi va kelishadi, parvozning (harakatlanishning) vaqti va davomiyligini aniqlaydi;
maxsus guruhni jo‘nab ketish joyiga o‘z vaqtida yig‘ish va yetkazishni hamda zarur mol-mulklarni (dorilar, quruq ovqatlar, issiq kiyim va boshqalarni) olib ketish uchun tayyorlashni tashkil qiladi;
xorijiy davlatlarning qutqaruv bo‘linmalari bilan hamkorlikda, zaruratga ko‘ra, qutqaruv va boshqa kechiktirib bo‘lmaydigan ishlarni, shuningdek, jabrlangan fuqarolarni va halok bo‘lganlarni O‘zbekiston Respublikasiga evakuatsiya qilish tadbirlarini amalga oshiradi;
O‘zbekiston Respublikasining vakolatli organlarini xorijiy davlatda sodir bo‘lgan favqulodda vaziyat hududidagi O‘zbekiston Respublikasi fuqarolari, shuningdek, ushbu hududdagi vaziyatning rivoji to‘g‘risida xabardor qiladi;
xorijiy davlatlar hududida favqulodda vaziyatlar xavfi yuzaga kelganda yoki sodir bo‘lganda O‘zbekiston Respublikasining vakolatli organlari bilan birgalikda O‘zbekiston Respublikasi fuqarolarining xavfsizligini ta’minlash choralarini ko‘radi;
favqulodda vaziyat sodir bo‘lgan xorijiy davlatlarning davlat organlari bilan birgalikda jabrlanganlarga tibbiy va boshqa ijtimoiy yordam ko‘rsatilishini ta’minlaydi;
O‘zbekiston Respublikasining vakolatli organlari bilan birgalikda O‘zbekiston Respublikasi fuqarolarini xavfsiz joylarga evakuatsiya qilishda va O‘zbekiston Respublikasi hududiga qaytib kelishlarini tashkil etish ishlarini muvofiqlashtiradi;
Oldingi tahrirga qarang.
Konsullik ustaviga, ushbu sohadagi qonunchilikka hamda O‘zbekiston Respublikasi xalqaro shartnomalarga muvofiq boshqa vazifalar va funksiyalarni amalga oshiradi;
(9-band 2-kichik bandining oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
O‘zbekiston Respublikasi Mudofaa vazirligining jalb etiladigan tuzilmalarini favqulodda vaziyat to‘g‘risida xabardor qiladi, shuningdek, tegishli vazirliklar va idoralar bilan hamkorlikni amalga oshiradi;
FVVning talabnomasiga asosan, maxsus guruh kuch va vositalarini (maxsus texnika va mulklarini) yuboriladigan mamlakatga yetkazish va qaytarib olib kelish, shuningdek, jabrlanganlar va halok bo‘lganlarni O‘zbekiston Respublikasi hududiga evakuatsiya qilish uchun havo transportini tayyorlaydi va ajratilishini ta’minlaydi;
FVVga havo transportining jo‘nab ketish sanasi, joyi, tayyorgarlik muddati, vaqti, shuningdek, harakatlanish yo‘nalishi to‘g‘risida oldindan ma’lumot beradi;
zarur holatlarda, FVVning talabnomasiga asosan, halok bo‘lganlarni ular oila a’zolarining yashash manzillariga yetkazib berishni ta’minlaydi;
idoraviy mansub bo‘linmalarini sodir bo‘lgan voqea to‘g‘risida xabardor qiladi va ma’lumotlar to‘plashni amalga oshiradi;
xorijiy davlatlarning tergov organlariga zarur tezkor-qidiruv va tergov tadbirlarini o‘tkazishda ko‘maklashadi;
favqulodda vaziyatning yuzaga kelishi holatini aniqlash, halok bo‘lganlarning shaxsini aniqlash, jabrlanganlar va halok bo‘lganlarning yaqinlari va qarindoshlarini respublika hududida qidirish bo‘yicha zarur tezkor-tergov tadbirlarini olib boradi;
zarur holatlarda maxsus guruh a’zolari uchun chetga chiqish hujjatlarining darhol rasmiylashtirilishini ta’minlaydi;
jamoat tartibini saqlash hamda jabrlanganlarni va halok bo‘lganlarni belgilangan joylarga yetkazib borishda transport vositalarini kuzatib borishni tashkillashtiradi va ta’minlaydi;
tegishli tibbiyot xizmatlari va muassasalarini favqulodda vaziyat sodir bo‘lganligi to‘g‘risida ogohlantirishni amalga oshiradi;
jabrlanganlarga shoshilinch tibbiy yordam ko‘rsatish hamda xorijiy hamkasblariga konsultativ ko‘maklashish uchun malakali mutaxassislar guruhini tayyorlaydi;
xorijiy davlatlarning tegishli tibbiyot muassasalari bilan birgalikda, hodisa sodir bo‘lgan joyda jabrlanganlarga zarur tibbiy yordam ko‘rsatishda ishtirok etadi;
jabrlanganlarni O‘zbekiston Respublikasi hududiga evakuatsiya qilish tadbirlarining tibbiy ta’minotini amalga oshiradi;
tashish mumkin bo‘lmagan jabrlanganlarga chet elda tibbiy yordam tadbirlarini amalga oshirishda xorijiy davlatning tegishli tibbiyot muassasalariga ko‘maklashadi;
jabrlanganlarga malakali va ixtisoslashgan tibbiy yordam ko‘rsatishni, shuningdek, ularning tibbiy reabilitatsiyasini ta’minlaydi;
6) O‘zbekiston Respublikasi Axborot texnologiyalari va kommunikatsiyalarini rivojlantirish vazirligi:
maxsus tadbirlarni o‘tkazish davrida maxsus guruhni uzluksiz aloqa (mobil aloqa, ma’lumotlarni uzatish) bilan ta’minlash ishlarini tashkil etadi va amalga oshiradi;
maxsus tadbirlarni o‘tkazayotgan maxsus guruhni umumiy foydalanishdagi telekommunikatsiya vositalari va idoraviy telekommunikatsiya tarmoqlari bilan ustuvor tartibda ta’minlaydi;
FVVning talabnomasiga asosan evakuatsiya tadbirlarini o‘tkazish davrida “O‘zbektelekom” AK telekommunikatsiya tarmoqlari orqali “Tezkor aloqa”ni tashkil etish va faoliyatini ta’minlashda ko‘maklashadi;
O‘zbekiston Respublikasi Vazirlar Mahkamasining topshiriqlari asosida, xorijiy davlatlar hududida sodir bo‘lgan favqulodda vaziyatlar oqibatida jabrlangan O‘zbekiston Respublikasi fuqarolariga yordam ko‘rsatish hamda ularni va halok bo‘lganlarni evakuatsiya qilish tadbirlarini, mutaxassislarni xorijiy davlatga voqea joyiga yetib borishini va O‘zbekiston Respublikasiga qaytib kelishini moliyalashtiradi;
idoraviy mansub bo‘linmalarini sodir bo‘lgan voqea to‘g‘risida xabardor qiladi, shuningdek, tegishli vazirlik va idoralar bilan hamkorlikni amalga oshiradi;
O‘zbekiston Respublikasi fuqarolari ishtirokida favqulodda vaziyat sodir bo‘lgan xorijiy davlatning bojxona organlari bilan ushbu davlatga maxsus guruhni jo‘natishda (qaytib kelishida), shuningdek, jabrlanganlarni va halok bo‘lganlarni O‘zbekiston Respublikasi hududiga evakuatsiya qilishda tegishli bojxona nazorati tadbirlarini soddalashtirilgan tartibda o‘tkazish bo‘yicha hamkorlik qiladi;
idoraviy mansub tegishli bo‘linmalarini xabardor qiladi, shuningdek, tegishli vazirlik va idoralar bilan hamkorlikni amalga oshiradi;
chetga chiquvchilar chegara nazoratidan o‘z vaqtida o‘tkazilishini, shuningdek, jabrlangan fuqarolar yetib kelganda (olib kelinganda) tegishli chegara nazorati tadbirlarining soddalashtirilgan tartibda amalga oshirilishini ta’minlaydi;
idoraviy mansub tegishli bo‘linmalarini xabardor qiladi, shuningdek, tegishli vazirlik va idoralar bilan hamkorlikni amalga oshiradi;
FVVning talabnomasiga asosan, maxsus guruh kuch va vositalarini (maxsus texnika va mulklarini) yuboriladigan mamlakatga yetkazish va qaytarib olib kelish, shuningdek, jabrlanganlar va halok bo‘lganlarni O‘zbekiston Respublikasi hududiga evakuatsiya qilish uchun havo transportini tayyorlaydi va ajratilishini ta’minlaydi;
FVVga havo transportining jo‘nab ketish sanasi, joyi, tayyorgarlik muddati, vaqti, shuningdek, harakatlanish yo‘nalishi to‘g‘risida oldindan ma’lumot beradi;
zarur holatlarda, FVVning talabnomasiga asosan, halok bo‘lganlarni ular oila a’zolarining yashash manzillariga yetkazib berishni ta’minlaydi;
idoraviy mansub tegishli bo‘linmalarini xabardor qiladi, shuningdek, tegishli vazirlik va idoralar bilan hamkorlikni amalga oshiradi;
FVVning talabnomasiga asosan, maxsus guruh kuch va vositalarini (maxsus texnika va mulklarini) yuboriladigan mamlakatga yetkazish va qaytarib olib kelish, shuningdek, jabrlanganlar va halok bo‘lganlarni O‘zbekiston Respublikasi hududiga evakuatsiya qilish uchun temir yo‘l transportini tayyorlaydi va ajratilishini ta’minlaydi;
zarur holatlarda, FVVning talabnomasiga asosan, halok bo‘lganlarni ular oila a’zolarining yashash manzillariga, shuningdek, jabrlanganlarni doimiy yashash joylariga yetkazishni ta’minlaydi;
Oldingi tahrirga qarang.
(9-band 12-kichik bandining birinchi xatboshisi O‘zbekiston Respublikasi Vazirlar Mahkamasining 2020-yil 8-maydagi 271-sonli qarori tahririda — Qonun hujjatlari ma’lumotlari milliy bazasi, 08.05.2020-y., 09/20/271/0565-son)
idoraviy mansub tegishli bo‘linmalarini xabardor qiladi, shuningdek, tegishli vazirlik va idoralar bilan hamkorlikni amalga oshiradi;
FVVning talabnomasiga asosan, jabrlanganlarni va halok bo‘lganlarni hamda ularning kuzatuvchilarini tegishli manzillarga yetkazishni ustuvor ravishda belgilangan tartibda ta’minlaydi;
FVV talabnomasiga asosan, favqulodda vaziyat sodir bo‘lgan hududga ketayotgan mutaxassislar, shuningdek, jabrlangan shaxslar uchun oziq-ovqat mahsulotlari va birinchi navbatdagi moddiy boyliklar bilan ta’minlashni tashkil etadi va ta’minlaydi;
tegishli vazirliklar va idoralar bilan birgalikda, jabrlanganlarni va halok bo‘lganlarni O‘zbekiston Respublikasi hududiga olib kelingan joydan ularning oilalari istiqomat qilayotgan joylargacha yetkazish uchun yetarli miqdorda transport vositalari jalb etilishini ta’minlaydilar;
o‘zini o‘zi boshqarish organlarini jalb etgan holda halok bo‘lganlarning oila a’zolariga dafn marosimlarini o‘tkazishda yordam beradilar;
nodavlat notijorat tashkilotlarini jalb etgan holda jabrlanganlarga va halok bo‘lganlarning oila a’zolariga belgilangan tartibda ijtimoiy yordam ko‘rsatadilar;
favqulodda vaziyatlarning oldini olish choralari va ular sodir bo‘lganda harakat qilish bo‘yicha aholi o‘rtasida tushuntirish ishlari doimiy ravishda olib borilishini tashkil etadilar;
manfaatdor vazirliklar va idoralar bilan birgalikda televideniye, radiokanallari va internet orqali aholi o‘rtasida favqulodda vaziyatlarda birinchi navbatda bajariladigan ishlar to‘g‘risida tushuntirishlar olib borilishini ta’minlaydilar.
Oldingi tahrirga qarang.
10. Ushbu Nizom talablari buzilishida aybdor bo‘lgan shaxslar qonunchilikda belgilangan tartibda javob beradilar.
(10-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Xorijiy davlatlar hududida favqulodda vaziyatlar oqibatida jabrlangan O‘zbekiston Respublikasi fuqarolariga yordam ko‘rsatish tartibi to‘g‘risidagi Nizomga
ILOVA
ILOVA
Oldingi tahrirga qarang.
(ilova O‘zbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari ma’lumotlari milliy bazasi, 14.05.2019-y., 09/19/397/3123-son)