LexUZ sharhi
Mazkur qaror O‘zbekiston Respublikasi Vazirlar Mahkamasining 2019-yil 21-avgustdagi 700-sonli “Respublikaning tumanlari, shaharlari va boshqa aholi punktlarida, o‘ta muhim davlat ahamiyatiga molik yoki yong‘in va portlash xavfi yuqori bo‘lgan obyektlarda O‘zbekiston Respublikasi Favqulodda vaziyatlar vazirligining yong‘in-qutqaruv bo‘linmalarini tashkil etish tartibi to‘g‘risidagi nizomni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi Ichki ishlar organlari yong‘in xavfsizligi bo‘linmalari faoliyatini tubdan takomillashtirish to‘g‘risida” 2017-yil 23-maydagi PQ-2992-son qarorini bajarish hamda Davlat yong‘in xavfsizligi xizmati bo‘linmalari faoliyatini tashkil qilishning sifat jihatidan yangi tartibini o‘rnatish, yong‘in xavfsizligi mustahkamligini ta’minlash, yong‘inlarning oldini olish va ularni o‘z vaqtida bartaraf etish samaradorligini oshirish maqsadida Vazirlar Mahkamasi qaror qiladi:
O‘zbekiston Respublikasi Ichki ishlar vazirligining Davlat yong‘in xavfsizligi xizmati to‘g‘risidagi nizom 1-ilovaga muvofiq;
O‘zbekiston Respublikasi Ichki ishlar vazirligining Yong‘in xavfsizligi bosh boshqarmasi to‘g‘risidagi nizom 2-ilovaga muvofiq tasdiqlansin.
yuqorida ko‘rsatib o‘tilgan nizomlarda nazarda tutilgan vazifalar va funksiyalarning so‘zsiz bajarilishini ta’minlasin;
3. O‘zbekiston Respublikasi Hukumatining 3-ilovaga muvofiq ayrim qarorlari o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish O‘zbekiston Respublikasi ichki ishlar vaziri A.A. Azizov zimmasiga yuklansin.
1. Ushbu Nizom “Yong‘in xavfsizligi to‘g‘risida”gi O‘zbekiston Respublikasi Qonuniga va O‘zbekiston Respublikasi Prezidentining “O‘zbekiston Respublikasi Ichki ishlar organlari yong‘in xavfsizligi bo‘linmalari faoliyatini tubdan takomillashtirish to‘g‘risida” 2017-yil 23-maydagi PQ-2992-son qaroriga muvofiq O‘zbekiston Respublikasi Ichki ishlar vazirligi Davlat yong‘in xavfsizligi xizmatining tizimini, asosiy vazifalarini, funksiyalarini, huquqlari va mas’uliyatini, shuningdek O‘zbekiston Respublikasi Ichki ishlar vazirligining Davlat yong‘in xizmati bo‘linmalarini tashkil etish va moliyaviy ta’minlash tartibini belgilaydi.
2. O‘zbekiston Respublikasi Ichki ishlar vazirligining Davlat yong‘in xavfsizligi xizmati (keyingi o‘rinlarda yong‘in xavfsizligi xizmati deb ataladi) odamlarning hayoti va sog‘lig‘ini, yuridik va jismoniy shaxslarning mol-mulkini, atrof tabiiy muhitni yong‘inlardan himoya qilish, aholi punktlarida, boshqa hududlar va obyektlarda yong‘in xavfsizligini talab darajasida saqlash, shuningdek O‘zbekiston Respublikasida davlat yong‘in nazoratini tashkil etish va amalga oshirish maqsadida belgilangan tartibda tashkil etilgan boshqaruv organlari, kuch va vositalari majmuidir.
3. Yong‘in xavfsizligi xizmatining faoliyati qonuniylik, birdamlik, fuqarolarning huquq, erkinlik va qonuniy manfaatlariga rioya etish, hurmat va himoya qilish, ochiqlik va shaffoflik, yakkaboshchilik, yong‘inlarga qarshi tezkor va o‘z vaqtida chora ko‘rish tamoyillariga muvofiq amalga oshiriladi.
4. Yong‘in xavfsizligi xizmati o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, O‘zbekiston Respublikasi Ichki ishlar vazirining buyruqlari va farmoyishlariga, shuningdek ushbu Nizomga amal qiladi.
O‘zbekiston Respublikasi Ichki ishlar vazirligining Yong‘in xavfsizligi bosh boshqarmasi (keyingi o‘rinlarda Yong‘in xavfsizligi bosh boshqarmasi deb ataladi);
Yong‘in xavfsizligi xizmatining tezkor-xizmat faoliyatini ta’minlovchi, bevosita Yong‘in xavfsizligi bosh boshqarmasiga bo‘ysunuvchi bo‘linmalar (yong‘inni o‘chirish kuch va vositalarni boshqarish va muvofiqlashtirish, axborot- kommunikatsiya texnologiyalarini va aloqa, yong‘in xavfsizligini ilmiy-texnik ta’minlash, boshlang‘ich tayyorgarlik va malaka oshirish markazlari, murakkab yong‘inlarni o‘chirish bo‘yicha respublika ixtisoslashtirilgan otryadi, Navoiy KMK yong‘in xavfsizligi boshqarmasi, xo‘jalik ta’minoti bo‘limi);
Qoraqalpog‘iston Respublikasi Ichki ishlar vazirligi, Toshkent shahar Ichki ishlar bosh boshqarmasi, viloyatlar ichki ishlar boshqarmalari (keyingi o‘rinlarda hududiy yong‘in xavfsizligi boshqarmalari deb ataladi) va alohida muhim obyektlardagi (keyingi o‘rinlarda obyektlardagi yong‘in xavfsizligi boshqarmalari);
hududiy bo‘linmalarning tezkor-xizmat faoliyatini ta’minlovchi bevosita hududiy Yong‘in xavfsizligi boshqarmalariga bo‘ysunuvchi bo‘linmalar (yong‘inni o‘chirish kuch va vositalarini boshqarish va muvofiqlashtirish, axborot-kommunikatsiya texnologiyalari va aloqa, yong‘in xavfsizligi targ‘ibot markazlari, yong‘in-texnik laboratoriyalari, texnik-xizmat otryad (qism)lari);
tuman (shahar) yong‘in xavfsizligi bo‘lim (bo‘linma)lari (keyingi o‘rinlarda hududiy yong‘in xavfsizligi bo‘lim (bo‘linma)lari deb ataladi) va alohida muhim obyektlaridagi yong‘in xavfsizligi bo‘lim (bo‘linma)lar (keyingi o‘rinlarda obyektdagi yong‘in xavfsizligi bo‘lim (bo‘linma)lari deb ataladi), ushbu bo‘lim (bo‘linma)lar tarkibiga quyidagilar:
tuman (shahar), aholi yashash punktlarida va alohida muhim obyektlarda yong‘inni o‘chirishni ta’minlovchi harbiylashtirilgan va professional qismlar kiradi.
6. Yong‘in xavfsizligi xizmati O‘zbekiston Respublikasi Ichki ishlar vaziri tomonidan tasdiqlanadigan yong‘in xavfsizligi xizmati faoliyati hususiyatini aks ettiruvchi ramziy belgiga ega bo‘lishi mumkin.
yong‘in xavfsizligi talablariga rioya etilishini nazorat qilish hamda aholi yashash punktlarida va boshqa hudud va obyektlarda yong‘in xavfsizligini talab darajasida saqlash;
yong‘inlarni o‘chirishni tashkil etish, yong‘in zonasida qolgan odamlarni hamda yuridik va jismoniy shaxslarning mol-mulkini qutqarish, shuningdek atrof tabiiy muhitni yong‘inlardan himoya qilish;
yong‘in xavfsizligi xizmati bulinmalari xodimlari malakasini oshirish, ularni tayyorlash va qayta tayyorlashning samarali tizimini yaratish, kadrlarni tanlash va joy-joyiga qo‘yish tartibini takomillashtirish.
8. Yong‘in xavfsizligi xizmati o‘ziga yuklangan vazifalarga muvofiq quyidagi funksiyalarni amalga oshiradi:
yong‘in xavfsizligi sohasidagi davlat dasturlarini ishlab chiqadi va ularning amalga oshirilishini tashkil etadi;
yong‘in xavfsizligi sohasidagi normativ-huquqiy hujjatlarning loyihalari ishlab chiqilishida ishtirok etadi;
texnik reglamentlar, standartlar, normalar, qoida va boshqa yong‘in xavfsizligi talablarini o‘z ichiga olgan normativ hujjatlarning ishlab chiqilishida ishtirok etadi;
yong‘in xavfsizligi sohasida yong‘inga qarshi targ‘ibotni, o‘qitishni va axborot bilan ta’minlashni amalga oshiradi;
belgilangan tartibda yong‘in xavfsizligi sohasida litsenziyalashni amalga oshiradi va sertifikatlashtirishda ishtirok etadi;
modda, materiallar, buyum va asbob-uskunalarning yong‘in xavfsizligini hamda yong‘in-texnik mahsulotlarni tadqiq qilish va sinash ishlarini tashkil etadi va o‘tkazadi;
b) yong‘in xavfsizligi talablariga rioya qilinishi yuzasidan nazoratni amalga oshirish hamda aholi yashash punktlarida, boshqa hudud va obyektlarda yong‘in xavfsizligini talab darajasida saqlash sohasida:
yong‘in xavfsizligi talablaridan asosli ravishda chetga chiqilgan yoki bunday talablar mavjud bo‘lmagan taqdirda binolar, inshootlarni va boshqa obyektlarni qurish, mukammal ta’mirlash, rekonstruksiya qilish, kengaytirish va texnik jihatdan qayta jihozlashga doir loyiha hujjatlarining yong‘in xavfsizligi talablariga rioya qilinishiga taalluqli qismini ko‘rib chiqadi;
qurilish uchun maydonlar (trassalar) tanlash (ajratish) komissiyasining, shuningdek qurilishi (rekonstruksiyasi) tugallangan obyektlarni foydalanishga qabul qilib olish komissiyalari ishida ishtirok etadi;
obyektlarning qo‘riqlanishini, shu jumladan alohida muhim davlat ahamiyatiga molik yoki yong‘in va portlash xavfi yuqori bo‘lgan obyektlarda (keyingi o‘rinlarda alohida muhim obyektlar deb ataladi) belgilangan tartibda ta’minlaydi;
v) yong‘inlarni o‘chirishni tashkil etish, yong‘in zonasida qolgan odamlarni hamda yuridik va jismoniy shaxslarning mol-mulkini qutqarish, shuningdek atrof tabiiy muhitni yong‘inlardan himoya qilish sohasida:
yong‘indan saqlash xizmati bo‘linmalarini yong‘inni o‘chirish texnikasi va boshqa texnika vositalari bilan jihozlash sohasida yagona texnik siyosatni amalga oshiradi;
yong‘inni o‘chirishni tashkil etish, yong‘in xavfsizligi garnizon va smena xizmatini olib borish me’yoriy hujjatlarini hamda yong‘inni o‘chirish bulinmalari faoliyatini belgilovchi hujjatlarni ishlab chiqadi;
yong‘inni o‘chirish kuch va vositalarini jalb etishning tezkor va boshqa rejalari ishlab chiqilishini va tasdiqlanishini ta’minlaydi;
texnogen xavf, portlash va yong‘in xavfi yuqori bo‘lgan zonalar (obyektlar) bo‘yicha davlat kadastri yuritilishini amalga oshiradi;
barcha turdagi yong‘indan saqlash xizmati bo‘linmalarining yong‘inlarni o‘chirishga shayligi holati va yong‘inlar profilaktikasiga doir ishlarning bajarilishi yuzasidan davlat nazoratini amalga oshiradi;
boshqa turdagi yong‘indan saqlash xizmatlari, vakolatli organlar, avariya-ta’mirlash va boshqa shoshilinch xizmatlar bilan yong‘inlarning o‘chirilishini tashkil etishni ta’minlash bo‘yicha hamkorlikni amalga oshiradi;
yong‘in xavfsizligi xizmatining fuqaro muhofazasi, yong‘indan saqlash xizmatining fuqaro muhofazasi maxsus tuzilmalarining jangovar va safarbarlik tayyorgarligi tadbirlarini tashkil etadi, shuningdek favqulodda vaziyatlarda ularning oldini olish va harakat qilish tizimida yong‘in xavfsizligini ta’minlash bo‘yicha funksiyalarni bajaradi;
g) yong‘in xavfsizligi xizmati bo‘linmalari xodimlarining malakasini oshirish, ularni tayyorlash va qayta tayyorlashning samarali tizimini yaratish, kadrlarni tanlash va joy-joyiga qo‘yish tartibini takomillashtirish sohasida:
yong‘in xavfsizligi xizmatining boshqaruv organlari va bo‘linmalari tizimida kadrlarni tanlash, joy-joyiga qo‘yishni amalga oshiradi;
yong‘in xavfsizligi va yong‘indan saqlash xizmati boshqa turlarining shaxsiy tarkibining dastlabki kasbiy, psixologik, jismoniy tayyorgarligi va malakasi oshirilishini hamda yong‘in amaliy sporti rivojlantirilishini ta’minlaydi;
O‘zbekiston Respublikasi Ichki ishlar vazirligining Xalqaro hamkorlik boshqarmasi vositachiligida yong‘in xavfsizligi sohasi bo‘yicha, shu jumladan yong‘in xavfsizligi xizmatining ofitsyerlar tarkibini tayyorlash va ularning malakasini oshirish masalasi bo‘yicha xorijiy davlatlarning oliy yong‘in-texnik ta’lim muassasalari bilan xalqaro hamkorlikni amalga oshiradi.
9. Yong‘in xavfsizligi xizmati o‘z zimmasiga yuklangan vazifalar va funksiyalarni amalga oshirish uchun quyidagi huquqlarga ega:
davlat va xo‘jalik boshqaruvi, mahalliy davlat boshqaruvi organlari, o‘zini o‘zi boshqarish organlari, tashkilotlar, ularning mansabdor shaxslari, shuningdek fuqarolar tomonidan yong‘in xavfsizligi talablariga rioya qilinishini davlat yong‘in nazorati qonun hujjatlarida belgilangan tartibda amalga oshirish;
qonun hujjatlariga muvofiq tegishli mahalliy davlat hokimiyati organlariga muayyan hududlarda yong‘inga qarshi alohida rejim o‘rnatish haqida takliflar kiritish;
aholi yashash punktlari, hududlar, binolar, inshootlar uchun yong‘in xavfsizligining umumiy talablarini belgilash;
yong‘in xavfsizligi talablari mavjud bo‘lgan texnik reglamentlar, standartlar, normalar, qoidalar va boshqa normativ hujjatlarni kelishish;
barcha turdagi yong‘indan saqlash bo‘linmalari tomonidan yong‘inlarning o‘chirilishini tashkil etish tartibini belgilash;
yong‘inni o‘chirishda yong‘inlar tarqalgan (tarqalish ehtimoli bo‘lgan) va xavf keltirib chiqaradigan joylarga qarshiliksiz kirib borish, yong‘in kuchayishining (tarqalishining) hamda yong‘in bilan bog‘liq bo‘lgan, odamlarga, yuridik va jismoniy shaxslarning mol-mulkiga, atrof tabiiy muhitga tahdid soluvchi xavfli omillarning oldini olish maqsadida zarur holatlarda eshik, deraza, to‘siq va qurilmalarni ochish, shuningdek yong‘inni bartaraf etishni ta’minlaydigan sharoitlar yaratish;
tashkilotlar va fuqarolarda mavjud bo‘lgan aloqa, transport vositalaridan, asbob-uskunalardan, yong‘inni o‘chirish vositalari va olovni o‘chirish moddalaridan keyinchalik o‘rni belgilangan tartibda qoplanishi sharti bilan foydalanish;
yong‘in joylarida transport va odamlar harakatlanishini cheklash yoki taqiqlash hamda yong‘inlar o‘chirilayotgan joylarni qo‘riqlash uchun tegishli xizmatlarni jalb etish;
yong‘inni o‘chirish harakatlari amalga oshirilayotgan hudud chegaralarini, mazkur harakatlarni bajarishning tartibini va o‘ziga xos jihatlarini belgilash, shuningdek yong‘in chog‘ida odamlarni, yuridik va jismoniy shaxslarning mol-mulkini qutqarish bo‘yicha qarorlar qabul qilish;
o‘z vakolati doirasida barcha tashkilotlar va fuqarolarning ijro etishi uchun majburiy bo‘lgan, shu jumladan, yong‘inni o‘chirish harakatlari amalga oshirilayotgan hududdagi yuridik va jismoniy shaxslarning huquqlarini cheklaydigan qarorlar qabul qilish;
faoliyati O‘zbekiston Respublikasi Davlat budjeti mablag‘lari hisobidan to‘liq yoki qisman moliyalashtiriladigan ommaviy axborot vositalaridan yong‘in haqida aholini tezkorlik bilan xabardor qilish maqsadida bepul foydalanish;
yong‘inlarni o‘chirish, yong‘inlar va avariyalarning kelib chiqishi hamda kuchayishining (tarqalishining) oldini olish bilan bog‘liq zarur ishlarni amalga oshirishda yong‘inni o‘chirish maqsadi uchun tabiiy va sun’iy suv manbalaridan bepul foydalanish.
yong‘inni bartaraf etish va yong‘in xavfsizligi talablari buzilishlarining oldini olish, aniqlash va chora ko‘rish bo‘yicha qonun hujjatlariga muvofiq berilgan vakolatlarni o‘z vaqtida va to‘liq amalga oshirish;
yong‘in kelib chiqqanligi to‘g‘risidagi xabarni olgach, yong‘in joyiga darhol majburiy ravishda jo‘nab ketish;
yong‘in xavfsizligi xizmatining davlat yong‘in nazorati, profilaktika, yong‘inni o‘chirish, xizmatni o‘tashni tashkil etish, moliyaviy, iqtisodiy va moddiy-texnika ta’minoti bo‘yicha faoliyatni amalga oshirish ishlarini takomillashtirish.
Yong‘in xavfsizligi xizmati qonun hujjatlariga muvofiq boshqa majburiyatlarni ham amalga oshirishi mumkin.
11. Yong‘in xavfsizligi xizmati o‘ziga yuklangan vazifalar va funksiyalarning samarali bajarilishi uchun javob beradi.
Yong‘in xavfsizligi xizmatining mansabdor shaxslari o‘z majburiyatlari bajarilmaganligi yoki talab darajasida bajarilmaganligi uchun qonun hujjatlarida belgilangan tartibda javob beradilar.
12. Tuman (shahar)lar yong‘in xavfsizligi bo‘lim (bo‘linma)lari bevosita hududiy yong‘in xavfsizligi boshqarmalariga bo‘ysunadi.
Alohida muhim obyektlardagi yong‘in xavfsizligi bo‘lim (bo‘linma)lari bevosita hududiy yoki obyektdagi yong‘in xavfsizligi boshqarmalariga bo‘ysunadi.
13. Shtatidagi lavozim safdor, serjant va ofitsyerlar tarkibidan iborat bo‘lgan shaxslar (xodimlar) bilan to‘ldiriladigan bo‘linmalar yong‘in xavfsizligining harbiylashtirilgan qismlari hisoblanadi.
14. Shtatidagi lavozimlar maxsus unvonlarga ega bo‘lmagan shaxslar (xizmatchilar) bilan to‘ldiriladigan bo‘linmalar yong‘in xavfsizligining professional qismlari hisoblanadi.
Qayd etilgan boshqaruv organlari yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga, shuningdek belgilangan tartibda shaxsiy g‘aznachilik hisob raqamlariga ega bo‘ladi.
16. Yong‘in xavfsizligi xizmati boshqaruv organlari bir vaqtning o‘zida davlat yong‘in nazorati organlari hisoblanadi.
17. Boshlang‘ich tayyorgarlik va malaka oshirish markazi yong‘in xavfsizligi xizmatining shaxsiy tarkibini va boshqa turdagi yong‘indan saqlash xizmatining shaxsiy tarkibi boshlang‘ich tayyorgarligini va malakasi oshirilishini amalga oshiruvchi yong‘in xavfsizligi xizmatining o‘quv bo‘limi hisoblanadi. Boshlang‘ich tayyorgarlik va malaka oshirish markazi yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga hamda shaxsiy g‘aznachilik hisob raqamiga ega bo‘ladi.
18. Yong‘in xavfsizligini ilmiy-texnik ta’minlash markazi mustaqil, ilmiy-texnik, tezkor va tadqiqot bo‘limi hisoblanadi, yong‘in xavfsizligi sohasida ilmiy-texnik jihatdan ta’minlashni muvofiqlashtirish funksiyasini amalga oshiradi.
19. Yong‘inni o‘chirish kuch va vositalarini boshqarish va muvofiqlashtirish markazlari yong‘in to‘g‘risidagi ma’lumotlarni qabul qilishni, qayta ishlashni, yong‘in xavfsizligi, shoshilinch va boshqa turdagi yong‘indan saqlash xizmatlarining, shuningdek yong‘inni bartaraf etishga jalb qilinadigan vakolatli organlarning yong‘inni o‘chirish kuch va vositalari harakatini boshqarishni va muvofiqlashtirishni amalga oshiruvchi tezkor bo‘linmalar hisoblanadi.
20. Axborot-kommunikatsiya texnologiyalari va aloqa markazlari yong‘in xavfsizligi xizmati faoliyatiga zamonaviy axborot-kommunikatsiya texnologiyalarini va avtomatlashtirilgan axborot tizimlarini joriy etuvchi bo‘linmalar hisoblanadi.
21. Murakkab yong‘inlarni o‘chirish bo‘yicha respublika ixtisoslashtirilgan otryadi respublika hududida murakkab va katta yong‘inlarni o‘chirishga mo‘ljallangan tarkibiy bo‘linma hisoblanadi.
22. Hududiy yong‘in xavfsizligi boshqarmalariga boshliqlar rahbarlik qiladi va ular Qoraqalpog‘iston Respublikasi Ichki ishlar vaziri, Toshkent shahar Ichki ishlar bosh boshqarmasi va viloyatlar Ichki ishlar boshqarmalari boshliqlarining tavsiyasiga asosan, Yong‘in xavfsizligi bosh boshqarmasi boshlig‘i bilan kelishilgan holda O‘zbekiston Respublikasi Ichki ishlar vaziri tomonidan lavozimga tayinlanadi va lavozimdan ozod qilinadi.
Hududiy yong‘in xavfsizligi bo‘lim (bo‘linma)lariga boshliqlar rahbarlik qiladi va ular hududiy yong‘in xavfsizligi boshqarmasi boshlig‘ining tavsiyasiga asosan Qoraqalpog‘iston Respublikasi Ichki ishlar vaziri, Toshkent shahar Ichki ishlar bosh boshqarmasi va viloyatlar ichki ishlar boshqarmalari boshliqlari tomonidan lavozimga tayinlanadi va lavozimdan ozod qilinadi.
Hududiy yong‘in xavfsizligi boshqarmalariga bo‘ysunuvchi obyektdagi yong‘in xavfsizligi bo‘lim (bo‘linma)lariga boshliqlar rahbarlik qiladi va ular hududiy yong‘in xavfsizligi boshqarmasi boshlig‘ining tavsiyasiga asosan Qoraqalpog‘iston Respublikasi Ichki ishlar vaziri, Toshkent shahar Ichki ishlar bosh boshqarmasi va viloyatlar ichki ishlar boshqarmalari boshliqlari tomonidan lavozimga tayinlanadi va lavozimdan ozod qilinadi.
23. Yong‘in xavfsizligi xizmatining boshqaruv organlari va bo‘linmalari to‘g‘risidagi nizomlar O‘zbekiston Respublikasi Ichki ishlar vaziri tomonidan tasdiqlanadi.
24. Yong‘in xavfsizligi xizmati bo‘linmalari shaharsozlik normalari va qoidalariga muvofiq O‘zbekiston Respublikasi Prezidentining qarori bilan tasdiqlangan namunaviy tuzilmalar asosida ushbu Nizomga va boshqa qonun hujjatlariga muvofiq tashkil etiladi.
25. Tuman va shaharlarda (aholi yashash punktlarida) yong‘in xavfsizligi bo‘lim (bo‘linma)lari aholining umumiy sonidan kelib chiqqan holda tashkil etiladi.
Yong‘in xavfsizligi bo‘limlari tuman va shaharlarda (aholi yashash punktlarida) aholining umumiy soni 100 ming va undan ko‘p bo‘lgan holatlarda tashkil etiladi.
Yong‘in xavfsizligi bo‘linmalari tuman va shaharlarda (aholi punktlarida) aholining umumiy soni 100 mingdan kam bo‘lgan holatlarda tashkil etiladi.
26. Harbiylashtirilgan yong‘in xavfsizligi qismlari aholi yashash punktlarida aholining umumiy soni 50 ming va undan ko‘p bo‘lgan holatlarda tashkil etiladi va yong‘in xavfsizligi professional qismlari bilan mustahkamlanishi mumkin.
Yong‘in xavfsizligi professional qismlari aholi punktlaridagi aholining umumiy soni 50 mingdan kam bo‘lgan holatlarda tashkil etiladi.
27. Yong‘in xavfsizligi bo‘lim (bo‘linma)lari hamda harbiylashtirilgan va professional qismlari tashkil etilishi lozim bo‘lgan shaharlar va tumanlar ro‘yxati hamda ularning shtatlari soni O‘zbekiston Respublikasi Ichki ishlar vazirligi tomonidan aniqlanadi va O‘zbekiston Respublikasi Prezidenti tomonidan tasdiqlanadi.
28. Alohida muhim obyektlarda yong‘in xavfsizligi xizmati bo‘linmalari O‘zbekiston Respublikasi Ichki ishlar vazirligining shtatlar sonini belgilaydigan idoraviy normativ-huquqiy hujjatlarini hisobga olgan holda, manfaatdor vazirliklar, idoralar, tashkilotlar, Yong‘in xavfsizligi bosh boshqarmasi, hududiy va obyektdagi yong‘in xavfsizligi boshqarmalari vakillaridan iborat tarkibdagi idoralararo komissiyalarning dalolatnomalari hamda tashkilotlar rahbarlari tomonidan yong‘in xavfsizligi xizmati bilan tuziladigan shartnomalar asosida tashkil etiladi.
Asoslangan holatlarda ayrim alohida muhim obyektlarda obyektdagi yong‘in xavfsizligi boshqarmalari tashkil etilishi mumkin.
29. Alohida muhim obyektlarda yong‘in xavfsizligi bo‘limlari obyektda ikkita va undan ziyod qism va/yoki yong‘in nazorati va profilaktika bo‘linmalari mavjud bo‘lgan holatlarda tashkil etiladi.
Yong‘in xavfsizligi bo‘linmalari obyektda bitta yong‘in xavfsizligi qismi va/yoki yong‘in nazorati va profilaktika guruhi mavjud bo‘lgan holatlarda tashkil etiladi.
30. Harbiylashtirilgan va professional yong‘in xavfsizligi qismlarida xizmat ekipaj tarkibidagi navbatchi smenalar tomonidan olib boriladi va ular mustaqil ravishda odamlarni qutqarish va yong‘inni o‘chirish masalalarni hal etuvchi asosiy taktik bo‘linmalar hisoblanadi.
31. Yong‘in xavfsizligi xizmati xodimlari va xizmatchilarining xizmatni o‘tash tartibi va shartlari O‘zbekiston Respublikasi Ichki ishlar vaziri tomonidan tasdiqlanadigan tegishli nizomlar bilan belgilanadi.
yong‘in xavfsizligi xizmati bo‘linmalarining tuzilmasiga, tasdiqlangan shtatlar soni hamda ularni saqlash uchun ajratiladigan mablag‘lar doirasida o‘zgartirishlar kiritadi;
shartnoma asosida ko‘rsatilayotgan xizmatlar uchun tushayotgan mablag‘lar hisobiga O‘zbekiston Respublikasi Moliya vazirligi bilan kelishilgan holda ichki ishlar organlari yong‘in xavfsizligi bo‘linmalari xodimlarining qo‘shimcha shtat birliklarini kiritadi;
(32-bandning uchinchi xatboshisi O‘zbekiston Respublikasi Vazirlar Mahkamasining 2018-yil 3-maydagi 321-sonli qarori tahririda — Qonun hujjatlari ma’lumotlari milliy bazasi, 04.05.2018 g., № 09/18/321/1154)
shartnoma asosida ko‘rsatilayotgan xizmatlar uchun tushayotgan mablag‘lar hisobiga saqlanib turiladigan yong‘in xavfsizligi bo‘linmalarining shtatlar soniga va tuzilmasiga o‘zgartirish kiritadi.
33. Yong‘in xavfsizligi xizmatining boshqaruv organlari hamda bo‘linmalarining moliyaviy va moddiy-texnika ta’minoti, tashkilotlar bilan tuziladigan shartnomalar asosida tashkil etiladigan bo‘linmalari bundan mustasno, O‘zbekiston Respublikasi Davlat budjeti mablag‘lari va qonun hujjatlarida taqiqlanmagan boshqa manbalar hisobidan amalga oshiriladi.
Yong‘in xavfsizligi xizmatining tashkilotlar bilan tuzilgan shartnomalar asosida tashkil etilgan bo‘linmalarining ta’minoti mazkur tashkilotlar mablag‘lari hisobidan amalga oshiriladi.
Yong‘in xavfsizligi xizmatining bo‘linmalari faoliyatini moliyalashtirish, tashkilotlar bilan tuziladigan shartnomalar asosida tashkil etiladigan bo‘linmalar bundan mustasno, O‘zbekiston Respublikasi Moliya vazirligi tomonidan qonun hujjatlarida belgilangan tartibda yong‘in xavfsizligi xizmatining xarajatlar smetalari asosida amalga oshiriladi.
34. O‘zbekiston Respublikasi Davlat budjeti mablag‘lari hisobidan ta’minlanadigan yong‘in xavfsizligi xizmatining shaxsiy tarkibi soni O‘zbekiston Respublikasi Ichki ishlar vazirligining taqdimnomasiga binoan O‘zbekiston Respublikasi Prezidenti tomonidan tasdiqlanadi.
35. Yong‘in xavfsizligi xizmatining bo‘linmalari uchun binolar va inshootlarni qurish va rekonstruksiya qilish xarajatlari, tashkilotlar bilan tuziladigan shartnomalar asosida tashkil etiladigan bo‘linmalar bundan mustasno, tegishli yilga O‘zbekiston Respublikasi Investitsiya va boshqa dasturlarida nazarda tutilgan markazlashtirilgan kapital mablag‘lar limitlari va qonun hujjatlarida taqiqlanmagan boshqa manbalar hisobidan mahalliy davlat hokimiyati organlari tomonidan amalga oshiriladi.
Tashkilotlar bilan tuzilgan shartnomalar asosida tashkil etilgan yong‘in xavfsizligi xizmatining bo‘linmalari uchun bino va inshootlarni qurish, rekonstruksiya qilish va ta’mirlash ishlari ushbu tashkilotlarning mablag‘lari hisobiga amalga oshiriladi.
36. Yong‘in xavfsizligi xizmatining boshqarmalari va bo‘lim (bo‘linma)larining tasdiqlangan shtatlariga davlat yong‘in nazoratini amalga oshirish hamda harbiylashtirilgan va professional qismlariga rahbarlik qilish uchun qo‘shimcha lavozimlarni kiritish tegishli ravishda, harbiylashtirilgan va professional yong‘in xavfsizligi qismlarining belgilangan shtatlar soni va mehnatga haq to‘lash fondi doirasida, biroq ushbu bo‘linmalar shtatlarining tasdiqlangan umumiy sonining to‘rt foizidan ortiq bo‘lmagan miqdorda amalga oshiriladi.
37. Yong‘in xavfsizligi xizmatining boshqaruv organlarini va bo‘linmalarini qayta tashkil etish va tugatish qonun hujjatlariga muvofiq amalga oshiriladi.
38. Obyektlardagi yong‘in xavfsizligi xizmati bo‘linmalarini, yong‘indan saqlash xizmati tashkil etilishi zarur bo‘lgan obyektlarda, idoraviylarga almashtirilmasdan tugatilishi taqiqlanadi.
O‘zbekiston Respublikasi Ichki ishlar vazirligining Yong‘in xavfsizligi bosh boshqarmasi to‘g‘risida
1. Ushbu Nizom O‘zbekiston Respublikasi Ichki ishlar vazirligi Yong‘in xavfsizligi bosh boshqarmasining (keyingi o‘rinlarda Bosh boshqarma deb ataladi) asosiy vazifalarini, funksiyalarini, huquq va majburiyatlarini hamda faoliyatining tashkil etilishini belgilaydi.
2. Bosh boshqarma O‘zbekiston Respublikasi Ichki ishlar vazirligi markaziy apparatining mustaqil tarkibiy bo‘linmasi hisoblanadi va O‘zbekiston Respublikasi Ichki ishlar vazirligi Davlat yong‘in xavfsizligi xizmati (keyingi o‘rinlarda yong‘in xavfsizligi xizmati deb ataladi) tizimini boshqaradi.
3. Bosh boshqarma o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, O‘zbekiston Respublikasi Ichki ishlar vazirining buyruqlari va farmoyishlariga, shuningdek ushbu Nizomga amal qiladi.
4. Bosh boshqarma faoliyati qonuniylik, odillik tamoyillariga muvofiq amalga oshiriladi va rejalashtirish asosida, xizmat faoliyati masalalarini hal etishda yakkaboshchilik va ularni muhokama qilishda kollegiallik, o‘z vazifalarini bajarishda xodimning shaxsiy mas’ulligiga asoslangan holda tashkil etiladi.
5. Bosh boshqarma yuridik shaxs hisoblanadi, banklarda shaxsiy g‘aznachilik va boshqa hisob raqamlariga, mustaqil balansga hamda O‘zbekiston Respublikasi Davlat gerbi tasviri tushirilgan va o‘z nomi yozilgan muhrga ega bo‘ladi.
6. Yong‘in xavfsizligi masalalarini, yong‘in xavfsizligi xizmati faoliyatini muhokama qilish uchun Bosh boshqarmada komissiya, kengash, ishchi guruhlar va boshqa kollegial organlar tashkil etilishi mumkin.
7. Bosh boshqarma mahalliy davlat hokimiyati organlari huzuridagi yong‘in xavfsizligi bo‘yicha komissiyalar faoliyati yuzasidan axborot-tahlil va boshqa materiallarni tayyorlash, umumlashtirish va O‘zbekiston Respublikasi Vazirlar Mahkamasiga kiritish uchun mas’ul ishchi organ hisoblanadi.
8. Bosh boshqarma belgilangan tartibda o‘ziga yuklangan vazifalar va funksiyalarni amalga oshirish bilan bog‘liq xo‘jalik faoliyati masalalarini hal etish va eksport-import operatsiyalarini bajarish huquqiga ega.
9. Bosh boshqarmada ish yuritish va maxfiylik rejimini ta’minlash tadbirlari qonun hujjatlarida belgilangan tartibda amalga oshiriladi.
yong‘inlarni o‘chirish, yong‘in o‘chirish bo‘linmalari faoliyatini muvofiqlashtirish hamda yong‘inlarni o‘chirishda shoshilinch xizmatlar va vakolatli organlar bilan o‘zaro samarali hamkorlikni tashkil etish;
alohida muhim davlat ahamiyatiga molik yoki yong‘in va portlash xavfi yuqori bo‘lgan obyektlarda yong‘in xavfsizligini ta’minlash;
yong‘in xavfsizligi sohasida normativ jihatdan tartibga solish va davlat chora-tadbirlarini ishlab chiqish va takomillashtirish;
yong‘in xavfsizligi xizmati bo‘linmalari faoliyatida zamonaviy ilmiy-texnika yutuqlarini, axborot-kommunikatsiya texnologiyalari va avtomatlashtirilgan axborot tizimlarini tatbiq etish;
yong‘in xavfsizligi bo‘linmalari shaxsiy tarkibini tayyorlash, qayta tayyorlash, ularning malakasini oshirishning samarali tizimini tashkil etish, kadrlarni tanlash, joylashtirish va tarbiyalash tartibini takomillashtirish;
xizmat bo‘linmalarini moddiy-texnik ta’minlash va yong‘in-texnik mahsulotlariga davlat buyurtmalari ishlab chiqilishini nazorat qilish.
yong‘in xavfsizligi xizmati bo‘linmalariga tashkiliy-metodik rahbarlik qilishni amalga oshiradi, uni takomillashtirish bo‘yicha choralar ko‘radi;
yong‘in xavfsizligi xizmati bo‘linmalari faoliyatini yo‘nalishlar bo‘yicha tekshirishni amalga oshiradi, aniqlangan kamchiliklarni bartaraf etish yuzasidan tadbirlarning bajarilishini nazorat qiladi, tezkor-xizmat faoliyatining samarali tashkil etilishida amaliy yordam ko‘rsatadi;
yong‘in xavfsizligi xizmatining fuqaro muhofazasi ishini hamda yong‘indan saqlash fuqaro muhofazasi maxsus tuzilmalarining jangovar va safarbarlik tayyorligini tashkillashtiradi;
favqulodda vaziyatlarda ularning oldini olish va harakat qilish tizimida yong‘in xavfsizligini ta’minlash bo‘yicha funksiyalarni bajaradi;
O‘zbekiston Respublikasi yong‘in xavfsizligi xizmati fuqaro muhofazasi tezkor shtabini belgilangan tartibda tashkil etadi va uning ishini tashkillashtiradi;
yong‘in xavfsizligi masalalarini hal etish va yong‘in xavfsizligi xizmati faoliyatida huquqiy va axborot jihatidan ta’minlashni amalga oshiradi;
yong‘in xavfsizligi xizmati faoliyatining asosiy yo‘nalishlari bo‘yicha ishlarning holatini tahlil qiladi va o‘rganadi, ularni takomillashtirish bo‘yicha choralar ko‘radi;
yong‘inlarni va ularning oqibatlarini hisobga olishni tashkillashtiradi, shuningdek yong‘inlarga doir axborotlarni to‘plash hamda o‘zaro almashish ishlarini ta’minlaydi;
yong‘in xavfsizligi sohasida ilg‘or tajribalarni tatbiq etish, umumlashtirish va o‘rganishni amalga oshiradi hamda ushbu ishlarni yong‘in xavfsizligi xizmati boshqarmalari organlarida muvofiqlashtiradi;
muayyan mavzuga bag‘ishlangan kengashlar, seminarlar, konferensiyalar tashkil etadi va o‘tkazadi, ushbu tadbirlar natijalari bo‘yicha materiallarni umumlashtiradi va nashr qiladi;
yong‘in xavfsizligi xizmati xodimlarining malaka talablari va kasb layoqatini baholash reytingi tizimini belgilaydi;
yong‘in xavfsizligi xizmati bo‘linmalari va boshqaruv organlari faoliyatini baholash mezonlari ishlab chiqilishini ta’minlaydi;
favqulodda vaziyatlarda harakat qilish va ularning oldini olish tizimida yong‘in xavfsizligi xizmati kuchlari va vositalariga yuklangan funksiyalar bajarilishiga tayyorligini nazorat qiladi;
aholi punktlari va obyektlarda yong‘indan saqlash xizmati bo‘linmalarini tashkil etish masalalari yuzasidan belgilangan tartibda hujjatlar tayyorlaydi;
jismoniy va yuridik shaxslarning murojaatlarini ko‘rib chiqadi va aniqlangan kamchiliklarni bartaraf etish bo‘yicha choralar ko‘radi;
o‘z vakolatlari doirasida tasdiqlangan xarajatlar smetasiga asosan yong‘in xavfsizligi xizmati bo‘linmalari va boshqaruv organlarining markazlashtirilgan holda resurslar bilan ta’minlanishini va ehtiyojlarini aniqlaydi;
O‘zbekiston Respublikasi Davlat budjetidan tushayotgan moliyaviy mablag‘larning taqsimlanishini hamda bo‘ysunuvchi bo‘linmalarning moliya-xo‘jalik faoliyatini nazorat qilishni amalga oshiradi;
yong‘in xavfsizligi talablarini o‘z ichiga olgan standartlar, normalar va qoidalarning ishlab chiqilishida ishtirok etadi va kelishadi;
moddiy resurslar va pul mablag‘larining saqlanishi, ulardan maqsadli foydalanilishi bo‘yicha o‘z vaqtida tegishli chorlar ko‘radi hamda buxgalteriya hisobini yuritish va moliyaviy rejalashtirish uslublari takomillashtirilishini ta’minlaydi;
b) davlat yong‘in nazorati va yong‘inlar profilaktikasini amalga oshirishni tashkillashtirish sohasida:
davlat yong‘in nazoratini amalga oshirish bo‘yicha yong‘in xavfsizligi xizmati organi ishlarini uslubiy boshqarishni amalga oshiradi;
davlat va xo‘jalik boshqaruvi organlari, mahalliy davlat hokimiyati organlari, fuqarolarning o‘zini o‘zi boshqarish organlari, tashkilotlar, ularning mansabdor shaxslari, shuningdek fuqarolar tomonidan yong‘in xavfsizligi talablariga rioya qilinishini tashkil etadi va davlat yong‘in nazoratini amalga oshiradi;
davlat yong‘in nazorati mansabdor shaxsi tomonidan yong‘in xavfsizligi qoidalari buzilganligi uchun ma’muriy jazoning to‘g‘ri qo‘llanilganligini nazorat qiladi;
aholi va tashkilot ishchilari o‘rtasida yong‘in xavfsizligi choralari bo‘yicha targ‘ibot, obyektlarning yong‘inga qarshi holatini ta’minlashga mansabdor shaxslarning mas’uliyatini oshirish ishlarining maqsadli yo‘naltirilishini amalga oshiradi;
O‘zbekiston Respublikasida akkreditatsiya qilingan diplomatik va boshqa chet el vakolatxonalarining so‘roviga binoan ular tomonidan egallab turilgan hudud, bino va inshootlarni belgilangan tartibda tekshiradi;
yong‘inlar yuzasidan tergovga kadar tekshiruv o‘tkazishda va dastlabki tergov ishlarida ko‘maklashadi, shuningdek yong‘in xavfsizligi qoidalari buzilishi bo‘yicha ma’muriy ishlarni ko‘rib chiqadi va kerakli ma’muriy jazoni qo‘llaydi;
(11-band “b” kichik bandining yettinchi xatboshisi O‘zbekiston Respublikasi Vazirlar Mahkamasining 2017-yil 1-dekabrdagi 960-sonli qarori tahririda — Qonun hujjatlari ma’lumotlari milliy bazasi, 04.12.2017-y., 09/17/960/0355-son)
mahalliy davlat hokimiyati organlarini, davlat va xo‘jalik boshqaruvi organlarini, shuningdek tashkilot rahbarlarini idoraviy mansub obyektlarning yong‘in xavfsizligi holati haqida yong‘in kelib chiqishga olib keluvchi sharoit va sabablarni o‘z vaqtida bartaraf etish maqsadida belgilangan tartibda axborot beradi;
qurilish, mukammal ta’mirlash, qayta qurish, kengaytirish hamda bino, inshoot va boshqa obyektlarni texnik jihatdan qayta jihozlashda yong‘in xavfsizligi talablaridan asoslangan holda chekinishlarda yoki belgilangan talablarning yo‘qligida loyihaviy hujjatlarni yong‘in xavfsizligi talablariga rioya etish bo‘yicha ko‘rib chiqadi;
komissiyaning qurilish uchun maydon (trassa) tanlash (ajratish) bo‘yicha ishlarida, shuningdek qurilishi (qayta qurilishi) tugallangan obyektlarni foydalanishga qabul qilish komissiyasi ishlarida ishtirok etadi va mazkur yo‘nalishda quyi bo‘linmalar ishlarini nazorat qiladi;
boshqa maxsus vakil organlarining litsenziat tomonidan litsenziyaviy faoliyatida litsenziyaviy xizmatlar va yong‘in xavfsizligi talablariga rioya etishida belgilangan tartibda ishtirok etadi;
davlat yong‘in nazorati organlari vakolatiga kiruvchi nizoli masalalarni ko‘rib chiqadi va hal etishda qaror qabul qiladi;
v) yong‘inlarning o‘chirilishini, yong‘in o‘chirish bo‘linmalari faoliyatini muvofiqlashtirish hamda yong‘inlarning o‘chirilishida favqulodda xizmatlar va vakolatli organlar bilan o‘zaro hamkorlikni tashkil etish sohasida;
yong‘in xavfsizligi qismlarida smenali va garnizon xizmati olib borilishini hamda yong‘inlarni o‘chirish tartibini va tashkillashtirilishini ishlab chiqadi;
katta va murakkab yong‘inlarni bartaraf etishda yong‘in xavfsizligi xizmati kuch va vositalarini muvofiqlashtirish va boshqarishni ta’minlaydi;
texnogen xavf yuqori bo‘lgan zonalardagi portlash va yong‘in xavfi yuqori bo‘lgan zonalar (obyektlar) bo‘yicha davlat kadastrini yuritadi;
katta yong‘inlarni o‘rganadi, ularning muvaffaqiyatli bartaraf etilishi uchun sharoitlar yaratishga, yong‘in xavfsizligi xizmatining tegishli texnika va yong‘in o‘chirish vositalari bilan ta’minlanishiga doir chora-tadbirlarni ishlab chiqadi;
yong‘in xavfsizligi xizmatining yong‘in o‘chirish bo‘linmalarining kuch va vositalarini va yong‘inlarni o‘chirishga jalb qilinayotgan yong‘indan saqlash xizmatining boshqa turlari, shoshilinch xizmatlar va vakolatli organlar bilan hamkorlik tartibini belgilaydi;
yong‘in-saf tayyorgarligi bo‘yicha me’yorlarni ishlab chiqadi, yong‘in xavfsizligi xizmati shaxsiy tarkibini jismonan takomillashtirishda ko‘maklashadi;
yong‘in xavfsizligi xizmati bo‘linmalarida mehnatni muhofaza qilish va texnika xavfsizligi borasida bajarilishi lozim bo‘lgan chora-tadbirlarni ishlab chiqadi;
g) alohida muhim davlat ahamiyatiga molik yoki yong‘in va portlash xavfi yuqori bo‘lgan obyektlarda yong‘in xavfsizligini ta’minlash sohasida:
alohida muhim obyektlarda yong‘in xavfsizligi xizmati bo‘linmalarini tashkil etish tartibini ishlab chiqadi;
alohida muhim obyektlarda davlat yong‘in nazoratini rejalashtiradi va amalga oshiradi hamda davlat yong‘in nazorati organi mansabdor shaxslari ishlarini boshqaradi va nazorat qiladi;
yong‘in xavfsizligi xizmati quyi tizimi bo‘linmalarining kasbiy tayyorgarligi va yong‘in o‘chirish hamda yong‘inlar profilaktikasi doirasidagi faoliyatini muvofiqlashtirishni va uslubiy boshqarishni amalga oshiradi;
alohida muhim obyektlarda yong‘in xavfsizligi xizmati bo‘linmalarini tashkil etish masalasida idoralararo komissiya tarkibida ishtirok etadi;
alohida muhim obyektlarda yong‘inlarni o‘chirish bo‘yicha yong‘in xavfsizligi xizmatining kuch va vositalari shayligini nazorat qiladi;
garnizon kuch va vositalarining yong‘inlarni o‘chirishga jalb qilinishini hamda yong‘inlarni o‘chirishga rahbarlik qilishni tashkillashtiradi;
obyektlarning rahbarlari, muhandis-texniklari tarkiblarini va ishchi-xodimlarini yong‘inlarni o‘chirish va profilaktikasi masalalari bo‘yicha o‘qitish ishlarini tashkillashtiradi;
alohida muhim obyektlarning yong‘in xavfsizligi holati bo‘yicha axborot-tahlil materiallarini, tezkor-xizmat va boshqa ma’lumotlarni tayyorlaydi;
d) yong‘in xavfsizligini normativ tartibga solish va davlat choralarini ishlab chiqish va takomillashtirish sohasida:
aholi yashash punktlarida, obyektlarda yong‘in xavfsizligi holatini tahlil qiladi hamda davlat va xo‘jalik boshqaruvi organlariga, mahalliy davlat hokimiyati organlari va tashkilotlarga yong‘in xavfsizligini ta’minlash bo‘yicha belgilangan tartibda takliflar kiritadi;
mustaqil ravishda yoki davlat va xo‘jalik boshqaruvi organlari bilan hamkorlikda yong‘in xavfsizligi doirasida normativ-huquqiy hujjatlarni, shu jumladan yong‘in-texnik mahsulotlarini ishlab chiqish, tayyorlash va ulardan foydalanish bo‘yicha texnik reglament loyihalari ishlab chiqilishini tashkil etadi;
davlat hokimiyati organlari huzurida tashkil etilgan yong‘in xavfsizligi komissiyasi faoliyati bo‘yicha axborot-tahlil va boshqa materiallar tayyorlanishini, umumlashtirilishini va O‘zbekiston Respublikasi Vazirlar Mahkamasiga kiritilishini ta’minlaydi;
yong‘inga qarshi targ‘ibotni, yong‘in xavfsizligi doirasida axborotlar bilan ta’minlashni amalga oshiradi va tashkil etadi hamda ommaviy axborot vositalari bilan belgilangan tartibda hamkorlik qiladi;
yong‘in xavfsizligi xizmati boshqaruv organlari va bo‘linmalarini tashkil etish, qayta tashkil etish va tarqatish tartibini ishlab chiqadi;
aholi yashash punktlari va tashkilotlarini yong‘indan himoya qilish maqsadida ko‘ngilli yong‘in o‘chirish tuzilmalarini rivojlantirishda va mustahkamlashda ko‘maklashadi;
vakolatli organlar tomonidan tasdiqlanadigan normativ-huquqiy va boshqa turdagi yong‘in xavfsizligi talablaridan iborat hujjatlar loyihasini kelishadi;
yong‘in xavfsizligi doirasida litsenziya va sertifikatlashtirish masalalari bo‘yicha normativ-huquqiy hujjatlar ishlab chiqilishida ishtirok etadi;
yong‘in-texnik mahsulotlarini sertifikatlashtirish va sinovdan o‘tkazish hamda moddalar, materiallar, mahsulotlar va uskunalarni yong‘inga xavfliligini tadqiq etish ishlarini olib boradi;
yong‘in xavfsizligi xizmati bo‘linmalari uchun yong‘in xavfsizligini ta’minlashga mo‘ljallangan ilmiy-texnik mahsulotlarga ehtiyojlarni hamda ilmiy-tadqiqot ishlari va ishlanmalarning asosiy yo‘nalishlarini aniqlaydi;
yong‘in xavfsizligi doirasida ilmiy-texnik mahsulotlarga davlat buyurtmachisi funksiyasini bajaradi va ushbu sohada ilmiy tadqiqotlarni muvofiqlashtiradi;
yong‘in xavfsizligi muammolari bo‘yicha davlat, maqsadli va ilmiy-texnik dasturlarni tatbiq etishda ishtirok etadi;
z) yong‘in xavfsizligi xizmati bo‘linmalarining faoliyatida ilmiy-texnik yutuqlarni, axborot-kommunikatsiya texnologiyalari va avtomatlashtirilgan ma’lumotlar tizimini tatbiq etish sohasida:
yong‘in xavfsizligi xizmati bo‘linmalarini axborot-kommunikatsiya texnologiyalari masalalari bo‘yicha normativ, texnologik va axborot-tahlil materiallari bilan ta’minlaydi;
idoraviy axborot resurslarini va axborot tizimini himoyalash bo‘yicha texnik infratuzilmani tatbiq etadi, rivojlantiradi va takomillashtiradi;
zamonaviy axborot texnologiyalarini, dasturiy mahsulotlarni, ma’muriy ish tartibini, ma’lumotlarga ishlov berishning apparat vositalarini, aloqa va ma’lumotlarni uzatish vositalarini qo‘llash va rivojlantirish bo‘yicha takliflar ishlab chiqadi;
kompyuter xatarlarining oldini olish masalalari bo‘yicha vazirliklar, idoralar va O‘zbekiston Respublikasi Ichki ishlar vazirligining tegishli bo‘linmalari bilan hamkorlikda ish olib boradi;
yong‘in xavfsizligi xizmatining axborot, avtomatlashtirilgan, telekommunikatsiya tizimlari, aloqa vositalari, axborotni himoya qilishning maxsus texnika va texnik vositalar bilan ta’minlanganlik holati monitoringini yuritadi;
i) shaxsiy tarkibni tanlash tartibini takomillashtirish, kadrlarni tarbiyalash va joylashtirish, malakasini oshirish, tayyorlash va qayta tayyorlashning samarali tizimini tashkil etish sohasida:
O‘zbekiston Respublikasi Ichki ishlar vazirligining Kadrlar bosh boshqarmasi bilan hamkorlikda yong‘in xavfsizligi xizmatining boshqaruv organlari tizimi va bo‘linmalarida kadrlarni tanlash va joylashtirish tartibini belgilaydi;
boshlang‘ich, kasbiy va psixologik tayyorgarlik o‘tkazishni, shuningdek yong‘in xavfsizligi xizmati va yong‘indan saqlash xizmatining boshqa turlari shaxsiy tarkibining malakasini oshirishni tashkil etadi;
yong‘in xavfsizligi xizmati bo‘linmalari shaxsiy tarkibining xizmat va ijro intizomiga rioya etishini nazorat qiladi;
O‘zbekiston Respublikasi Ichki ishlar vazirligi sohasida o‘quv muassasalariga ehtiyojni aniqlaydi va nomzodlar tanlashni nazorat qiladi;
dasturiy-uslubiy ta’minotni amalga oshiradi, shuningdek yong‘in xavfsizligi xizmati shaxsiy tarkibining kasbiy tayyorgarligi rejasini va dasturini ishlab chiqadi;
yong‘in-texnik mutaxassisligiga ixtisoslashtirilgan bilim yurtlarining o‘quv jarayonida dasturiy-uslubiy ta’minotga ko‘maklashadi;
o‘zining faoliyatida yong‘in xavfsizligi sohasini amalga oshirayotgan xorijiy davlatlarning maxsus organlari faoliyati to‘g‘risidagi ma’lumotlarni tahlil qiladi, umumlashtiradi va ularning ijobiy tajribalarini tatbiq etish bo‘yicha takliflar kiritadi;
yong‘in xavfsizligi sohasida xalqaro tajribalar va mutaxassislar almashinuvi, shuningdek yong‘inga qarshi zamonaviy tizim va vositalarni tatbiq etish borasidagi ilg‘or tajribalarni o‘rganish bo‘yicha faoliyatni belgilangan tartibda amalga oshiradi;
yong‘inni o‘chirish amaliy sporti yo‘nalishi bo‘yicha xalqaro hamkorlikni amalga oshiradi, xalqaro musobaqa va chempionatlarda ishtirok etadi;
l) yong‘in xavfsizligi bo‘linmalarini moddiy-texnik ta’minlash va yong‘in-texnik mahsulotlariga davlat buyurtmalarini bajarish sohasida:
yong‘inni o‘chirish texnikasi va yong‘in o‘chirish vositalarini yaratish, ishlab chiqarish va ulardan foydalanish doirasida yagona texnik siyosatni amalga oshiradi;
yong‘in xavfsizligi xizmati uchun zarur bo‘lgan asosiy, maxsus, yordamchi va boshqa texnikalar, maxsus kiyimlar, yong‘in-texnik mahsulot va asbob-uskunalar, tashkiliy texnika va boshqa tovar-moddiy boyliklar, bino va inshootlarning hisobini olib boradi va holatini tahlil qiladi;
o‘z vakolati doirasida yong‘in xavfsizligi xizmati bazasini moddiy-texnik jihozlash va mustahkamlash bo‘yicha dasturlar bajarilishini ta’minlaydi;
yong‘in xavfsizligi xizmati bo‘linmalarining yong‘inni o‘chirish texnikasi, yong‘in-texnik asbob-uskunalari, aloqa vositalari, bino va inshootlaridan foydalanish, ularga texnik xizmat ko‘rsatish va ularni ta’mirlash ishlarini rejalashtirishni amalga oshiradi;
tovar-moddiy boyliklarni xarid qilish, hisobini yuritish va hisobdan chiqarish tartibini belgilaydi;
yong‘in xavfsizligi xizmati bo‘linmalari va boshqaruv organlariga texnikalar va boshqa tovar-moddiy boyliklarning amalda va manzilli kelib tushishi nazoratini amalga oshiradi;
yong‘in o‘chirish texnikasidan foydalanish, uni ta’mirlash va ishlatish bilan bog‘liq texnik va tashkiliy masalalar bo‘yicha vazirliklar, idoralar va tashkilotlarga ko‘maklashadi;
davlat buyurtmasi asosida ishlab chiqarilayotgan yong‘in-texnik mahsulotlari sifatini nazorat qilishni amalga oshirish bo‘yicha qabul qilish komissiyalari ishlarini tashkillashtiradi hamda ularning o‘z vaqtida yetkazib berilishini amalga oshiradi;
yong‘in xavfsizligi xizmatini vositalar bilan markazlashtirilgan tarzda texnik ta’minlashning o‘zlashtirilishini ta’minlaydi.
13. Bosh boshqarmaga murakkab yong‘inlarni o‘chirish bo‘yicha ixtisoslashtirilgan otryad, Navoiy KMK Yong‘in xavfsizligi boshqarmasi, Xo‘jalik ta’minoti bo‘limi, shuningdek maqomiga ko‘ra boshqarmaga tenglashtirilgan markazlar (Yong‘inni o‘chirish kuch va vositalarini boshqarish va muvofiqlashtirish markazi, Yong‘in xavfsizligini ilmiy-texnik ta’minlash markazi, Axborot-kommunikatsiya texnologiyalari va aloqa markazi, Dastlabki tayyorlash va malaka oshirish markazi) bevosita bo‘ysunadi.
14. Bosh boshqarmaga boshliq rahbarlik qiladi, uni lavozimga tayinlash va lavozimdan ozod qilish O‘zbekiston Respublikasi Prezidenti bilan kelishilgan holda O‘zbekiston Respublikasi Ichki ishlar vaziri tomonidan amalga oshiriladi.
Bosh boshqarma boshlig‘ining belgilangan tartibda O‘zbekiston Respublikasi Ichki ishlar vaziri tomonidan lavozimga tayinlanadigan va lavozimdan ozod qilinadigan birinchi o‘rinbosari va o‘rinbosarlari bo‘ladi.
Bosh boshqarma boshlig‘i bir vaqtning o‘zida lavozimi bo‘yicha davlat yong‘in nazoratini tashkil etish va amalga oshirish tartibini belgilaydigan O‘zbekiston Respublikasi yong‘in nazorati bo‘yicha Bosh davlat inspektori hisoblanadi.
Bosh boshqarma boshlig‘ining o‘rinbosarlari lavozimiga ko‘ra O‘zbekiston Respublikasi yong‘in nazorati bo‘yicha Bosh davlat inspektorining o‘rinbosarlari hisoblanadi.
15. Bosh boshqarma o‘ziga yuklangan vazifalar va funksiyalarni bajarish doirasida quyidagi huquqlarga ega:
qonun hujjatlariga muvofiq davlat va xo‘jalik boshqaruvi organlari, mahalliy davlat hokimiyati organlari, fuqarolarning o‘zini o‘zi boshqarish organlari, tashkilotlar, ularning mansabdor shaxslari hamda fuqarolar tomonidan yong‘in xavfsizligi talablariga rioya qilinishi bo‘yicha nazoratni amalga oshirish;
qonun hujjatlariga muvofiq tegishli hududlarda yong‘inga qarshi alohida rejim o‘rnatilishi to‘g‘risida mahalliy davlat hokimiyati organlariga takliflar kiritish;
aholi yashash punktlari, hududlar, bino va inshootlar uchun yong‘in xavfsizligining umumiy talablarini belgilash;
yong‘in xavfsizligi talablarini o‘z ichiga olgan texnik reglamentlar, standartlar, normalar, qoidalar va boshqa normativ hujjatlarni kelishish;
barcha turdagi yong‘indan saqlash bo‘linmalari tomonidan yong‘inlarni o‘chirishni tashkillashtirish tartibini belgilash;
yong‘inlar to‘g‘risida aholini tezkor xabardor qilish maqsadida, faoliyati O‘zbekiston Respublikasi Davlat budjeti mablag‘lari hisobidan to‘liq yoki qisman moliyalashtiriladigan ommaviy axborot vositalaridan bepul foydalanish.
16. Bosh boshqarma o‘ziga yuklangan vazifalar va funksiyalarning samarali bajarilishi uchun javob beradi.
Bosh boshqarma va bevosita o‘ziga bo‘ysunuvchi boshqarma va bo‘linmalar organlarining faoliyatini boshqaradi, o‘rinbosarlari o‘rtasida vazifalarni taqsimlaydi, Bosh boshqarmaga yuklangan masala va funksiyalarning bajarilishi uchun shaxsan javob beradi;
davlat yong‘in nazoratini tashkil etish va amalga oshirish tartibini qonunchilikka muvofiq belgilaydi;
davlat yong‘in nazorati organi vakolatiga taalluqli masalalar bo‘yicha vakolatli organlar bilan hamkorlikni tashkillashtiradi;
o‘z vakolati doirasida buyruqlar va boshqa normativ hujjatlar chiqaradi, ularning bajarilishini nazorat qiladi;
yong‘in xavfsizligi talablari, standartlari, normalari va qoidalari buzilishini bartaraf etish uchun barcha tashkilotlarga bajarilishi majburiy bo‘lgan yozma ko‘rsatmalar beradi, davlat yong‘in nazorati organi vakolatiga taalluqli bo‘lgan boshqa masalalarni hal etish bo‘yicha mustaqil qarorlar qabul qiladi;
Bosh boshqarmaga, uning huzurida tashkil etilgan boshqaruv organi va bo‘linmalariga kadrlarni tanlash va joylashtirishni, ularning kasbiy tayyorgarligini, ular tomonidan qonunchilikka va xizmat intizomiga rioya etilishini ta’minlaydi;
O‘zbekiston Respublikasi Ichki ishlar vazirligi rahbariyatiga Bosh boshqarmaning shtati va tuzilmalarini takomillashtirish bo‘yicha takliflar kiritadi;
Bosh boshqarma, shuningdek uning huzurida tashkil etilgan boshqaruv organlari va bo‘linmalari shaxsiy tarkibini (Bosh boshqarma o‘rinbosarigacha) ishga qabul qiladi, lavozimga tayinlaydi, boshqa ishga o‘tkazadi, egallab turgan lavozimidan chetlatadi, belgilangan tartibda ishdan bo‘shatadi;
bosh boshqarma va uning tarkibida tashkil etilgan boshqaruv organlari va bo‘linmalari shaxsiy tarkibiga mehnat ta’tili beradi;
bosh boshqarma bo‘linmalari va uning tarkibida tashkil etilgan boshqaruv organlari va bo‘linmalari tuzilmalari to‘g‘risidagi nizomlarni O‘zbekiston Respublikasi Ichki ishlar vaziriga tasdiqlash uchun kiritadi;
bosh boshqarma va uning tarkibida tashkil etilgan boshqaruv organlari va bo‘linmalari shaxsiy tarkibini attestatsiyadan o‘tkazadi;
bosh boshqarma va unga bevosita bo‘ysunuvchi boshqaruv organlari va bo‘linmalar shaxsiy tarkibiga navbatdagi maxsus unvon berish bo‘yicha O‘zbekiston Respublikasi Ichki ishlar vazirligi rahbariyatiga takliflar kiritadi;
rag‘batlantirish masalasini, shu jumladan davlat va idoraviy mukofotlarga taqdim etishni, Bosh boshqarma, bevosita bo‘ysunuvchi boshqaruv organi va bo‘linmalari xodimlariga intizomiy jazo berishni ko‘rib chiqadi, shuningdek mazkur masalalar bo‘yicha O‘zbekiston Respublikasi Ichki ishlar vazirligi rahbariyatiga takliflar kiritadi;
yong‘in xavfsizligi xizmatiga ajratilgan moliyaviy (shu jumlada valyuta) mablag‘lar va moddiy zaxiralarni belgilangan tartibda tasarruf etadi, fuqarolik-huquqiy, mehnat va boshqa shartnomalarni tuzadi;
yong‘in xavfsizligi xizmati boshqaruv organi va bo‘linmalarining ishi yuzasidan nazoratni tashkil etadi, nazorat, tekshirish va xizmatga oid boshqa masalalarni hal etish maqsadida Bosh boshqarma xodimlari va xizmatchilarini xizmat safariga yuboradi;
hududiy va obyektdagi yong‘in xavfsizligi boshliqlari va ularning o‘rinbosarlarining lavozimga tayinlanishi va lavozimdan ozod etilishini kelishadi;
respublika vakolatli organlarda va boshqa tashkilotlarda, shuningdek xalqaro tashkilotlarda yong‘in xavfsizligi va xizmat faoliyati masalalari bo‘yicha yong‘in xavfsizligi xizmati nomidan vakillik qiladi.
18. Bosh boshqarma xodimlarining shtat jadvali, lavozimlari va ularga tegishli maxsus unvonlar ro‘yxati O‘zbekiston Respublikasi Ichki ishlar vaziri tomonidan tasdiqlanadi.
19. Bosh boshqarmani qayta tashkil etish va tugatish qonun hujjatlarida belgilangan tartibda amalga oshiriladi.
1. Vazirlar Mahkamasining “Tumanlar, shaharlar va boshqa aholi punktlarida, o‘ta muhim davlat ahamiyatiga molik yoki yong‘in va portlash xavfi yuqori bo‘lgan obyektlarda O‘zbekiston Respublikasi Ichki ishlar vazirligining Davlat yong‘in xavfsizligi xizmati bo‘linmalarini tashkil etish tartibi to‘g‘risidagi nizomni tasdiqlash haqida” 2016-yil 10-iyundagi 200-son qarori (O‘zbekiston Respublikasi QT, 2016-y., 6-son, 53-modda).