LexUZ sharhi
Mazkur qaror O‘zbekiston Respublikasi Prezidentining 2018-yil 5-iyuldagi PQ-3838-sonli “Immunologiya va inson genomikasi sohasida fundamental va amaliy tadqiqotlar hamda innovatsion ishlarni rivojlantirish bo‘yicha qo‘shimcha chora-tadbirlar to‘g‘risida”gi qaroriga asosan o‘z kuchini yo‘qotgan.
Immunologiya sohasidagi ilmiy tadqiqotlar samaradorligini oshirish, ilmiy-tadqiqot faoliyatining o‘quv jarayoni bilan o‘zaro bog‘liqligini kuchaytirish, tibbiyot oliy ta’lim muassasalarining professor-o‘qituvchilarini, katta ilmiy xodim-izlanuvchilarini va talabalarini immunologiya sohasidagi fundamental va amaliy tadqiqotlarni olib borishga keng ko‘lamda jalb etish maqsadida:
LexUZ sharhi
muqaddimaga O‘zbekiston Respublikasi Prezidentining 2017-yil 21-avgustdagi PF-5159-sonli Farmoniga asosan o‘zgartirish kiritilgan. Rus tili matniga qarang.
1. O‘zbekiston Respublikasi Fanlar akademiyasi, Sog‘liqni saqlash vazirligi, Iqtisodiyot vazirligi va Moliya vazirligining O‘zbekiston Respublikasi Fanlar akademiyasi Immunologiya institutini O‘zbekiston Respublikasi Sog‘liqni saqlash vazirligining Respublika immunologiya ilmiy markazi etib qayta tashkil qilish to‘g‘risidagi taklifiga rozilik berilsin.
2. Quyidagilar Respublika immunologiya ilmiy markazi faoliyatining asosiy vazifalari va yo‘nalishlari etib belgilansin:
inson organizmining immunologik va genetik asoslari, immun tanqisligi va immun qaramligi kasalliklari rivojining umumjahon va mintaqaviy biomeditsina yutuqlari bilan chambarchas bog‘liq holdagi fundamental tadqiqotlarini olib borish;
immun tizimining qayta qurilishini baholashga yondashuvlarni takomillashtirish hamda kasalliklarning kechishi qay darajada og‘irligini aniqlash va allergik, autoimmun va immun tanqisligi kasalliklari bilan og‘rigan bemorlarda, shu jumladan bemor bolalarda immun modullashtirish terapiyasini o‘tkazish uchun prognostika mezonlarini ishlab chiqish;
insonning genetik xilma-xilligi masalalarini har tomonlama va chuqur tadqiq etish, funksional va qiyosiy genomika, gen-muhandislik va hujayra texnologiyalari sohasida tadqiqotlar olib borish, tibbiyotda genom-hujayra texnologiyalarini qo‘llanishning nazariy va metodologik jihatlarini ishlab chiqish;
farmokologiya sohasida yangi yo‘nalishlarni rivojlantirishga qaratilgan ilmiy-tadqiqot ishlarini amalga oshirish, mahalliy xomashyo va mamlakatimiz immunogenomikasi yutuqlari asosida yangi samarali mahalliy farmatsevtika texnologiyalari hamda immunotrop dori-darmon vositalarini ishlab chiqish va yaratish, vatanimizning samarali dori-darmon vositalarini aprobatsiya qilish va sog‘liqni saqlash amaliyoti tizimiga joriy etish;
fundamental va amaliy tadqiqotlar bosqichidan boshlab to mamlakatimiz sog‘liqni saqlash tizimi amaliyotiga joriy etishga qadar immunogenom texnologiyalari sohasida idoralararo kompleks dasturlarni ishlab chiqish;
innovatsion tibbiy xizmatlar va texnologiyalarni topshirish tizimini rivojlantirish, immun qaramligiga chalingan ijtimoiy ahamiyatga molik kasalliklar hamda immunopatologik holatlar diagnostikasi va davolanishi samaradorligini oshirishga yo‘naltirilgan ilmiy tadqiqotlar va ishlanmalar natijalarini tatbiq qilish;
qo‘shma ilmiy loyihalarni amalga oshirish, immunogenomika sohasiga grantlar va investitsiyalarni jalb etish, tajriba almashish maqsadida chet ellardagi yetakchi ilmiy markazlar va universitetlar bilan hamkorlik aloqalarini rivojlantirish, shuningdek immunologiya va genom-hujayra texnologiyalarini rivojlantirish masalalariga bag‘ishlangan konferensiyalar, anjumanlar va seminarlar o‘tkazish;
biomeditsina texnologiyalari va ular bilan bog‘liq yo‘nalishlar sohasida yuqori malakali yosh mutaxassislar va oliy malakali ilmiy-pedagog kadrlar tayyorlash maqsadida ilm-fanni ta’lim bilan uyg‘unlashtirish shakllarini takomillashtirish, innovatsion ilmiy tadqiqotlarni rivojlantiruvchi yangi dasturlar va metodlarni ishlab chiqish, o‘quv jarayonini uslubiy jihatdan to‘ldirish, shuningdek Markaz ilmiy xodimlarining ixtisoslashgan oliy ta’lim muassasalari o‘quv jarayonida faol ishtirok etishlarini ta’minlash.
3. O‘zbekiston Respublikasi Sog‘liqni saqlash vazirligining Respublika immunologiya ilmiy markazi xodimlarining cheklangan soni 48 nafardan iborat bo‘lgan tuzilmasi 1-ilovaga* muvofiq tasdiqlansin.
O‘zbekiston Respublikasi sog‘liqni saqlash vaziriga, zarur hollarda, Markazning tuzilmasiga xodimlarning tasdiqlangan umumiy soni doirasida o‘zgartishlar kiritish huquqi berilsin.
davlat muassasasi shaklidagi yuridik shaxs bo‘lib, O‘zbekiston Respublikasining Davlat gerbi tasviri tushirilgan muhrga va O‘zbekiston Respublikasi Moliya vazirligining G‘aznachiligida shaxsiy g‘aznachilik hisobvaraqlariga ega;
O‘zbekiston Respublikasi Fanlar akademiyasining tugatilayotgan Immunologiya institutining amaldagi shartnomalari bo‘yicha huquq va majburiyatlari yuzasidan huquqiy vorisi hisoblanadi, mehnat shartnomalari bundan mustasno.
O‘zbekiston Respublikasi Innovatsion rivojlanish vazirligi hamda O‘zbekiston Respublikasi Sog‘liqni saqlash vazirligi tomonidan o‘tkaziladigan ilmiy loyihalar tanlovlarining natijalari bo‘yicha ajratiladigan grantlar, shuningdek xo‘jalik faoliyatidan tushadigan mablag‘lar, xalqaro moliya institutlari va boshqa institutlarning, xorijiy tashkilotlarning grantlari hamda qonun hujjatlarida taqiqlanmagan boshqa manbalar Respublika immunologiya ilmiy markazi faoliyatini moliyalashtirish manbalari hisoblanadi;
(5-bandining ikkinchi xatboshisi O‘zbekiston Respublikasi Prezidentining 2018-yil 5-apreldagi PF-5399-sonli Farmoni tahririda — Qonun hujjatlari ma’lumotlari milliy bazasi, 06.04.2018-y., 06/18/5399/1018-son)
O‘zbekiston Respublikasi Fanlar akademiyasi ilmiy-tadqiqot muassasalarining tegishli lavozimlari uchun nazarda tutilgan mehnatga haq to‘lash va moddiy rag‘batlantirish shartlari Markaz xodimlariga joriy etiladi.
6. O‘zbekiston Respublikasi Fanlar akademiyasining tugatilayotgan Immunologiya instituti xodimlarini, shu jumladan ilmiy xodimlarini attestatsiyadan o‘tkazish bo‘yicha 2-ilovaga* muvofiq tarkibda attestatsiya komissiyasi tuzilsin, malakali mutaxassislar O‘zbekiston Respublikasi Sog‘liqni saqlash vazirligining Respublika immunologiya markaziga ishga qabul qilinsin.
* 1-2-ilovalar rus tilidagi matnda berilgan.
Respublika immunologiya ilmiy markazi ustavini belgilangan tartibda tasdiqlasin va uning davlat ro‘yxatidan o‘tkazilishini ta’minlasin;
O‘zbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda qonun hujjatlariga mazkur qarordan kelib chiqadigan o‘zgartish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
8. O‘zbekiston Respublikasi Fanlar akademiyasining Toshkent shahar, Mirobod tumani, Yahyo G‘ulomov ko‘chasi, 74-uyda joylashgan Immunologiya instituti binosi unda Respublika immunologiya ilmiy markazini joylashtirish uchun O‘zbekiston Respublikasi Sog‘liqni saqlash vazirligiga operativ boshqarish huquqi bilan topshirilsin.
9. O‘zbekiston Respublikasi Moliya vazirligi ushbu qarorning qoidalaridan kelib chiqqan holda 2016-yilgi O‘zbekiston Respublikasi Davlat budjetining xarajatlar parametrlariga zarur o‘zgartirishlar kiritsin.
10. Mazkur qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari, moliya vaziri R. Azimov va O‘zbekiston Respublikasi Bosh vazirining o‘rinbosari A. Ikramov zimmasiga yuklansin.