Qimmatli qog‘ozlar ikkilamchi bozorini yanada rivojlantirish, bozor infratuzilmasini takomillashtirish va respublika fond bozoriga xorijiy investitsiyalarni jalb etish maqsadida Vazirlar Mahkamasi qaror qiladi:
Oldingi tahrirga qarang.
1. Belgilab qo‘yilsinki, aksiyadorlik jamiyatlari aksiyalarining oldi-sotdisi bo‘yicha ikkilamchi bozordagi bitimlar faqat qimmatli qog‘ozlarning birja bozorida va uyushgan birjadan tashqari bozorda tuziladi, aksiyadorlarning talabiga ko‘ra aksiyadorlik jamiyati tomonidan o‘z aksiyalarini sotib olishga, shuningdek ustav fondida (ustav kapitalida) davlat ulushi 50 foizdan ortiq bo‘lgan zarar ko‘rib ishlayotgan, past rentabelli va quvvatlardan past darajada foydalanayotgan sanoat va qurilish sohasidagi korxonalarning aksiyalari davlat paketlarini “nol” xarid qiymati bo‘yicha sotishga oid bitimlar bundan mustasno.
Aksiyadorlik jamiyatlari aksiyalarining oldi-sotdisi bo‘yicha fond birjalari va tegishli litsenziyalarga ega bo‘lgan qimmatli qog‘ozlar bilan birjadan tashqari savdo qilish tashkilotchilarining savdo tizimlaridan tashqarida ikkilamchi bozorda tuzilgan bitimlar haqiqiy emas deb hisoblanadi, aksiyadorlik jamiyati tomonidan o‘z aksiyalarini sotib olishga, shuningdek ustav fondida (ustav kapitalida) davlat ulushi 50 foizdan ortiq bo‘lgan zarar ko‘rib ishlayotgan, past rentabelli va quvvatlardan past darajada foydalanayotgan sanoat va qurilish sohasidagi korxonalarning aksiyalari davlat paketlarini “nol” xarid qiymati bo‘yicha sotishga oid bitimlar bundan mustasno.
(1-band O‘zbekiston Respublikasi Vazirlar Mahkamasining 2015-yil 27-maydagi 137-sonli qarori tahririda — O‘R QHT, 2015-y., 21-son, 270-modda)
Oldingi tahrirga qarang.
(2-band O‘zbekiston Respublikasi Vazirlar Mahkamasining 2003-yil 25-dekabrdagi 567-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2003-y., 24-son, 241-modda)
3. “Toshkent” respublika fond birjasi istisno tariqasida uch yil muddatga qo‘shilgan qiymat solig‘i to‘lashdan ozod qilinsin, bo‘shab qoladigan mablag‘lar uning savdo va axborot tizimlarini rivojlantirishga va asbob-uskunalar xarid qilishga maqsadli yo‘naltiriladi.
O‘zbekiston Respublikasi depozitariy tizimida deponentlarning yagona bazasi tizimi to‘g‘risidagi Nizom 2-ilovaga muvofiq tasdiqlansin.
5. O‘zbekiston Respublikasi Davlat mulki qo‘mitasi huzuridagi qimmatli qog‘ozlar bozori faoliyatini muvofiqlashtirish va nazorat qilish markazi “Toshkent” respublika fond birjasi bilan birgalikda potensial investorlarga aksiyadorlik jamiyatlarining moliya-xo‘jalik faoliyati, ularning aksiyalari narxlari va to‘langan dividendlar to‘g‘risidagi asosiy ma’lumotlarni taqdim etish bo‘yicha axborot tizimini bir oy muddatda ishlab chiqsin va joriy etsin.
6. O‘zbekiston Respublikasi Adliya vazirligi, Davlat mulki qo‘mitasi, qimmatli qog‘ozlar bozori faoliyatini muvofiqlashtirish va nazorat qilish markazi manfaatdor vazirliklar va idoralar bilan birgalikda bir oy muddatda Vazirlar Mahkamasiga O‘zbekiston Respublikasi qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida takliflar kiritsinlar.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
Oldingi tahrirga qarang.
1. Mazkur Nizom “Qimmatli qog‘ozlar bozori to‘g‘risida” va “Birjalar va birja faoliyati to‘g‘risida”gi O‘zbekiston Respublikasi qonunlariga, shuningdek boshqa qonunchilik hujjatlariga muvofiq ishlab chiqilgan hamda korporativ qimmatli qog‘ozlar bozorida hisob-kitob-kliring palatalari faoliyatiga qo‘yiladigan umumiy talablarni belgilab beradi.
(1-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
hisob-kitob-kliring palatalari — qimmatli qog‘ozlar bilan bitishuvlar bo‘yicha hisob-kitob-kliring operatsiyalarini amalga oshiruvchi savdolar tashkilotchisining tarkibiy bo‘linmasi;
(2-bandning ikkinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
Oldingi tahrirga qarang.
savdolarning tashkilotchisi — qimmatli qog‘ozlarning birja yoki birjadan tashqari savdosini tashkil etish bo‘yicha faoliyatni belgilangan tartibda amalga oshiruvchi, yuridik shaxs;
(2-bandning uchinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
hisob-kitob-kliring palatasi a’zosi — qimmatli qog‘ozlar bozorining qimmatli qog‘ozlar bozorida o‘zi tomonidan sodir etilgan bitishuvlar bo‘yicha hisob-kitob-kliring operatsiyalarini o‘tkazish to‘g‘risida hisob-kitob-kliring palatasi bilan tuzilgan shartnomani imzolagan professional qatnashchisi;
savdolarning qatnashchilari — hisob-kitob-kliring palatasi a’zolari yoki o‘z nomidan va o‘z hisobidan yoki o‘z mijozlari uchun qimmatli qog‘ozlar bilan bitishuvlarni tuzish uchun tashkil etilgan savdolarda ishtirok etuvchi mijozlar;
Oldingi tahrirga qarang.
savdo hisob raqami — Qimmatli qog‘ozlar markaziy depozitariysi (keyingi o‘rinlarda Markaziy depozitariy deb yuritiladi) hisobga olish ro‘yxatlaridagi deponentning qimmatli qog‘ozlarini saqlashga va tashkil etilgan savdolarga qo‘yiladigan qimmatli qog‘ozlarga bo‘lgan huquqlarni hisobga olishga mo‘ljallangan yozuvlar jami;
(2-bandning oltinchi xatboshi O‘zbekiston Respublikasi Vazirlar Mahkamasining 2008-yil 2-oktabrdagi 221-sonli qarori tahririda — O‘R QHT, 2008-y., 40-41-son, 412-modda)
hisob-kitob-kliring palatasidagi shaxsiy hisob raqami — hisob-kitob-kliring palatasining hisobga olish ro‘yxatlaridagi mijozning yoki hisob-kitob-kliring palatasi a’zosining, shuningdek savdolar tashkilotchilari va Markaziy depozitariyning pul mablag‘larini hisobga olishga mo‘ljallangan yozuvlarning jami;
to‘lovga qarab yetkazib berish — qimmatli qog‘ozlar bilan bitishuvlarni bajarish tartibi, bunda qimmatli qog‘ozlar va pul mablag‘lari faqat hisob-kitob-kliring operatsiyalari qatnashchilarining hisob raqamlarida sodir etilgan bitishuvlarni bajarishga mo‘ljallangan zarur miqdordagi qimmatli qog‘ozlar va pul mablag‘lari borligi tekshirilgandan va tasdiqlangandan keyin o‘tkaziladi;
Oldingi tahrirga qarang.
vakolatli bank — hisob-kitob-kliring palatasining o‘zi tomonidan xo‘jalik faoliyati yuritilishiga mo‘ljallangan hisob-kitob-kliring palatasining talab qilib olinadigan depozit hisob raqamiga va (yoki) hisob-kitob-kliring palatasi a’zolari va mijozlarining pul mablag‘larini hisobga olish va saqlashga mo‘ljallangan talab qilib olinadigan ikkilamchi depozit hisob raqamiga xizmat ko‘rsatish bo‘yicha hisob-kitob-kliring palatasiga xizmatlar ko‘rsatuvchi O‘zbekiston Respublikasi Tashqi iqtisodiy faoliyat milliy banki.
(2-bandning to‘qqizinchi xatboshisi O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
Oldingi tahrirga qarang.
nyetting — mijozning barcha pul talablarini uning barcha pul majburiyatlariga nisbatan hisobga olish orqali amalga oshiriladigan kliring usuli.
(2-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qaroriga asosan xatboshi bilan to‘ldirilgan — O‘R QHT, 2015-y., 39-son, 507-modda)
Oldingi tahrirga qarang.
3. Hisob-kitob-kliring palatasi faoliyati Hisob-kitob-kliring operatsiyalarini o‘tkazish qoidalariga va investitsiya vositachilari, savdoning boshqa qatnashchilari va hisob-kitob-kliring palatasi a’zolari bilan tuzilgan shartnomalarga muvofiq amalga oshiriladi.
(3-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
fond bozorida qimmatli qog‘ozlar bilan bitishuvlar bo‘yicha o‘zaro hisob-kitoblar o‘z vaqtida va to‘liq o‘tishini ta’minlash;
sodir etiladigan bitishuvlar natijalarini operativ umumlashtirish va qimmatli qog‘ozlar bozori qatnashchilarini bozor konyunkturasining joriy holatidan xabardor qilish.
bitishuv bo‘yicha axborot to‘plash, solishtirish, unga tuzatish kiritish bo‘yicha operatsiyalar amalga oshirilishini nazarda tutuvchi o‘zaro majburiyatlarni belgilash, aniqlash hisobga olish;
bitishuv yakunlari bo‘yicha pul mablag‘larini o‘tkazish va qimmatli qog‘ozlarni yetkazib berish uchun asos hisoblanuvchi hujjatlarni tuzish va bajarish uchun yuborish;
pul mablag‘lari va qimmatli qog‘ozlar bo‘yicha majburiyatlar bir vaqtda bajarilishi, ya’ni “to‘lovga qarab yetkazib berish” prinsipiga rioya qilinishi ustidan nazorat qilish, shu jumladan tuzilgan va bajarish uchun yuborilgan hisob-kitob hujjatlari o‘tishi ustidan nazorat qilish;
qimmatli qog‘ozlar oldi-sotdisini amalga oshirish uchun savdo qatnashchilarining pul mablag‘lari va qimmatli qog‘ozlarini deponentga qabul qilish;
Oldingi tahrirga qarang.
(5-bandning yettinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan chiqarilgan — O‘R QHT, 2014-y., 31-son, 380-modda)
Oldingi tahrirga qarang.
(5-bandning yettinchi xatboshisi O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
qimmatli qog‘ozlar bilan sodir etilgan bitishuvlar bo‘yicha hisob-kitob-kliring operatsiyalarini amalga oshirish;
tahliliy hisobga olish ro‘yxatlarini yuritish vositasida hisob-kitob-kliring palatasi har bir a’zosi va mijoz majburiyatlarining alohida hisobi yuritilishini ta’minlash;
Oldingi tahrirga qarang.
investitsiya vositachilarining va (yoki) Markaziy depozitariyning elektron topshiriqlari yoxud hisob-kitob-kliring palatasining boshqa a’zolari tomonidan taqdim etilgan hujjatlar asosida “to‘lovga qarab yetkazib berish” tamoyili bo‘yicha bitishuvlar natijalariga ko‘ra majburiyatlarning bajarilishini ta’minlash;
(6-bandning to‘rtinchi xatboshisi O‘zbekiston Respublikasi Vazirlar Mahkamasining 2016-yil 10-fevraldagi 33-sonli qarori tahririda — O‘R QHT, 2016-y., 6-son, 56-modda)
hisob-kitob-kliring operatsiyalari mavzusi hisoblangan bitishuvlar to‘g‘risidagi axborot sodir etilgan sanasidan boshlab kamida uch yil saqlanishini ta’minlash;
Oldingi tahrirga qarang.
bitishuvlari yakunlari bo‘yicha operatsiyalar o‘tkazishga topshiriqlar va (yoki) boshqa hujjatlar tuzish hamda Markaziy depozitariyga va vakolatli bankka berish;
(6-bandning oltinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
amalga oshirilgan barcha hisob-kitob-kliring operatsiyalarining solnomaviy elektron protokoli yuritilishini ta’minlash;
savdo qatnashchilarining majburiyatlari bo‘yicha operatsiyalarning Markaziy depozitariy va vakolatli bank tomonidan bajarilishi tizimini tashkil etish va nazorat qilish.
Oldingi tahrirga qarang.
hisob-kitob-kliring operatsiyalarini amalga oshirish uchun Markaziy depozitariy, investitsiya vositachilari va tijorat banklari bilan shartnomalar tuzish;
investitsiya vositachilaridan hisob-kitob-kliring operatsiyalarini amalga oshirish uchun zarur bo‘lgan axborotni olish;
hisob-kitob-kliring palatasi a’zosi fond birjasi, Markaziy depozitariy va savdolarning boshqa qatnashchilaridan qarzdor bo‘lgan taqdirda unga xizmat ko‘rsatishni to‘xtatish;
hisob-kitob-kliring palatasi a’zolaridan, Markaziy depozitariy va (yoki) vakolatli bankdan savdo yakunlari bo‘yicha operatsiyalar o‘tkazishga topshiriq va (yoki) boshqa hujjatlarni qabul qilish;
har xil turdagi solishtirish tizimlarini va kliring usullarini, shu jumladan nyettingni o‘z xohishiga ko‘ra qo‘llash.
(7-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
Oldingi tahrirga qarang.
71. Uchinchi shaxslarning, shu jumladan sudlarning va boshqa davlat organlarining qimmatli qog‘ozlar savdolari tashkilotchisi majburiyatlari bo‘yicha talablari hisob-kitob-kliring palatasining talab qilib olinguncha ikkilamchi depozit hisob raqamidagi savdolar qatnashchilarining pul mablag‘lari hisobiga qondirilishi mumkin emas.
72. Qimmatli qog‘ozlar bilan bitimlar natijalari bo‘yicha hisob-kitob-kliring palatasining talab qilib olinguncha ikkilamchi depozit hisob raqamiga pul mablag‘larini qabul qilishda va o‘tkazishda vakolatli bank tomonidan vositachilik xizmatlari haqi undirilmaydi.
(71 va 72 bandlar O‘zbekiston Respublikasi Vazirlar Mahkamasining 2016-yil 10-fevraldagi 33-sonli qaroriga asosan kiritilgan — O‘R QHT, 2016-y., 6-son, 56-modda)
8. Hisob-kitob-kliring palatasining o‘z a’zolari bilan o‘zaro munosabati hisob-kitob-kliring xizmati to‘g‘risidagi shartnomaga va Hisob-kitob-kliring operatsiyalarini o‘tkazish qoidalariga muvofiq amalga oshiriladi.
9. Hisob-kitob-kliring palatasi Hisob-kitob-kliring operatsiyalarini o‘tkazish qoidalarini ishlab chiqadi va tasdiqlaydi. Qoidalar quyidagilarni o‘z ichiga olishi kerak:
umumiy qoidalar, asosiy tushunchalar ta’rifi va hisob-kitob-kliring operatsiyalarini amalga oshirish tartibi;
Oldingi tahrirga qarang.
investitsiya vositachilari va vakolatli banklar tomonidan unga nisbatan kliring amalga oshiriladigan bitishuvlar yakunlari bo‘yicha hisob-kitob-kliring palatasi topshiriqlari bajarilishi tartibiga qo‘yiladigan talablar;
(9-bandning uchinchi xatboshisi O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
Oldingi tahrirga qarang.
hisob-kitob-kliring palatasi a’zolarining savdo tashkilotchilari, Markaziy depozitariy, investitsiya vositachilari va vakolatli bank, shuningdek hisob-kitob-kliring palatasi bilan o‘zaro munosabatlari tartibi;
(9-bandning to‘rtinchi xatboshisi O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
hisob-kitob-kliring palatasi a’zolari, savdo tashkilotchilari, depozitariylar va bitishuv boshqa qatnashchilarining vositachilik xizmatlari bo‘yicha o‘zaro hisob-kitoblarni amalga oshirish tartibi;
qimmatli qog‘ozlarning hisob-kitob-kliring palatasi a’zolari savdo hisob raqamlariga o‘tkazish to‘g‘risida Markaziy depozitariydan olingan axborotni qabul qilish va uni qayta ishlash tartibi;
qoldiqlar miqdori va (yoki) pul mablag‘larini hisob-kitob-kliring palatasi a’zolarining shaxsiy hisob raqamlariga o‘tkazish to‘g‘risida vakolatli bankdan olingan ma’lumotlarni qabul qilish va qayta ishlash tartibi;
Oldingi tahrirga qarang.
(9-bandning to‘qqizinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan chiqarilgan — O‘R QHT, 2014-y., 31-son, 380-modda)
hisob-kitob-kliring operatsiyalarini amalga oshirish uchun sodir etilgan bitishuvlar bo‘yicha hisob-kitob-kliring palatasi a’zolaridan topshiriqlar va (yoki) boshqa hujjatlarni olish tartibi va muddatlari;
topshiriqlarni solishtirish, shuningdek bitishuvlarni bajarish uchun zarur miqdorda qimmatli qog‘ozlar va pul mablag‘lari mavjudligini tekshirish tartibi;
qimmatli qog‘ozlar bilan bitishuvlar bo‘yicha axborotni solishtirishda, unga tuzatish kiritishda aniqlangan ma’lumotlarda tafovut bo‘lgan yoki bitishuvlar bo‘yicha majburiyatlarni bajarish uchun qimmatli qog‘ozlar va (yoki) pul mablag‘lari yetishmasligi hollarida hisob-kitob-kliring palatasi, hisob-kitob-kliring palatasi a’zosi, savdo tashkilotchisi va Markaziy depozitariyning xatti-harakati tartibi;
sodir etilgan bitishuvlar yakunlari bo‘yicha hisob-kitob-kliring palatasi a’zolarining bajarilishi shart bo‘lgan majburiyatlarini aniqlash tartibi;
hisob-kitob-kliring palatasi tomonidan Markaziy depozitariyga va vakolatli bankka savdolar yakunlari bo‘yicha topshiriqlarni berish tartibi va muddatlari, shuningdek ushbu topshiriqlarni bajarish muddatlari;
bitishuv qatnashchilari tomonidan hisob-kitob-kliring palatasiga hisob-kitob-kliring operatsiyalari yakunlari bo‘yicha hisobotlar taqdim etish tartibi va muddatlari;
qimmatli qog‘ozlar bilan bitishuvlar bo‘yicha hisob-kitob-kliring palatasi a’zolarining majburiyatlari bajarilishini ta’minlash tartibi va usullari, shuningdek sodir etilgan bitishuvlar yakunlari bo‘yicha hisob-kitob qilinmagan taqdirda zararlarni taqsimlash va (yoki) qaytarish tartibi;
Oldingi tahrirga qarang.
(9-bandning o‘n yettinchi xatboshisi O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qaroriga asosan chiqarilgan — O‘R QHT, 2015-y., 39-son, 507-modda)
hisob-kitob-kliring operatsiyalarini amalga oshirish jarayonida axborotni olish va qayta ishlashning barcha bosqichlarida ma’lumotlarning ishonchliligi nazorat qilinishini ta’minlash tartibi;
Oldingi tahrirga qarang.
(10-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qaroriga asosan o‘z kuchini yo‘qotgan — O‘R QHT, 2015-y., 39-son, 507-modda)
Oldingi tahrirga qarang.
11. Investitsiya vositachisi tomonidan investorga yetkazilgan zararning o‘rnini qoplash uchun hisob-kitob-kliring palatasi investitsiya vositachisiga (keyingi o‘rinlarda — kafolat fondi qatnashchisi deb ataladi) tegadigan vositachilik haqining chegirib qolinadigan qismi hisobidan kafolat fondini shakllantiradi, bunda vositachilik haqining chegirib qolinadigan qismi bunday haqning 5 foizini tashkil etadi.
12. Hisob-kitob-kliring palatasi kafolatli fond qatnashchilarining mablag‘larini hisobga olish va saqlash uchun ularga zaxira hisob raqamlari ochadi.
13. Kafolat fondi qatnashchisi mablag‘larning kafolatli fondga tushishini ta’minlashi lozim. Bunda kafolat fondi qatnashchisi o‘zi tasdiqlagan xizmat ko‘rsatish yagona tariflarini ular tasdiqlangan kundan boshlab ikki ish kuni mobaynida hisob-kitob-kliring palatasiga taqdim etadi.
14. Hisob-kitob-kliring palatasi kafolat fondi qatnashchisining topshirig‘isiz kafolat fondi qatnashchilarining qimmatli qog‘ozlari bilan amalga oshmay qolgan bitishuvlar bajarilishini ta’minlash uchun ularning zaxira hisob raqamlaridan ushbu hisob raqamlarining miqdoriga mutanosib mablag‘larni mustaqil ravishda olishi mumkin.
Kafolat fondi qatnashchisi aybi bilan investorga yetkazilgan boshqa zararlarning kafolat fondidan qoplanishi tomonlarning o‘zaro kelishuvi yoki sud qaroriga asosan amalga oshirilishi mumkin.
15. Kafolat fondi qatnashchisi hisob-kitob-kliring palatasi bilan tuzilgan shartnomada belgilangan muddatda hisob-kitob-kliring palatasining harakatlari yuzasidan sud tartibida shikoyat qilishga haqli.
16. Kafolat fondining mablag‘lari uning qatnashchilariga tegishli bo‘lib, har bir qatnashchi bo‘yicha alohida shakllantiriladi va hisobi yuritiladi.
17. Savdo tashkilotchilari va kafolat fondi qatnashchilari o‘zlarining rasmiy veb-saytlarida kafolat fondida to‘plangan pul mablag‘larining miqdori to‘g‘risidagi ma’lumotni har kuni yangilagan holda ko‘rsatishlari shart.
18. Kafolat fondi qatnashchisi zaxira hisob raqamida hisob-kitob-kliring palatasi tomonidan ushlab qolinadigan summadan ko‘proq summani saqlashga haqlidir.
19. Kafolat fondining mablag‘laridan mazkur Nizomda belgilanmagan boshqa maqsadlarda foydalanilishi mumkin emas. Kafolat fondida qolgan mablag‘lar kafolat fondi qatnashchisiga u investitsiya vositachi sifatidagi faoliyatini tugatgan taqdirda qaytarilishi kerak.
(V bo‘lim O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
20. Hisob-kitob kliring palatasi a’zolarining ularga nisbatan hisob-kitob kliring operatsiyalari amalga oshirilayotgan qimmatli qog‘ozlar bilan bitishuvlar bo‘yicha majburiyatlari kliring ro‘yxatlarida hisobga olinadi.
21. Hisob-kitob kliring palatasi o‘z faoliyatini amalga oshirishda hisob-kitob-kliring palatasi a’zolarining kliring ro‘yxatlarini va boshqa hisobga olinadigan ro‘yxatlarni yuritadi, shuningdek kliring hisobining zarur hujjatlari va boshqa axborotini saqlaydi.
Oldingi tahrirga qarang.
hisob-kitob-kliring palatasi a’zolari tomonidan sodir etilgan bitishuvlarni tasdiqlovchi, hujjatlar (shartnomalar, o‘tkazilgan savdolarning protokollari, sodir etilgan bitishuvlarning reyestrlari, boshqa hujjatlar);
(22-bandning ikkinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
hisob-kitob-kliring palatasi a’zolaridan olingan hujjatlar (shartnomalar, topshiriqlar, boshqa hujjatlar);
Markaziy depozitariydan olingan qimmatli qog‘ozlar yetkazib berilishi bo‘yicha hisob-kitob-kliring palatasi topshiriqlari bajarilishini tasdiqlovchi hujjatlar;
ularga nisbatan hisob-kitob-kliring operatsiyalari amalga oshiriladigan qimmatli qog‘ozlar bilan bitishuvlarni bajarish uchun Markaziy depozitariyga yoki vakolatli bankka hisob-kitob-kliring palatasi tomonidan yuborilgan topshiriqlar;
hisob-kitob-kliring palatasi hisobotlari va hisob-kitob-kliring operatsiyalari yakunlari to‘g‘risidagi axborot mavjud bo‘lgan boshqa hujjatlar.
23. Hisob-kitob-kliring palatasi hisob-kitob-kliring palatasi har bir a’zosi, ularning mijozlari va bitishuv qatnashchilarining majburiyatlari kliring ro‘yxatlarida alohida hisobga olinishini ta’minlashi kerak.
24. Hisob-kitob-kliring palatasi har bir a’zo bo‘yicha qimmatli qog‘ozlarni yetkazib berish bo‘yicha majburiyatlarni va ularga nisbatan hisob-kitob-kliring operatsiyalari amalga oshiriladigan bitishuvlar bo‘yicha hisob-kitoblarni alohida hisobga olishi kerak.
Oldingi tahrirga qarang.
25. Kliring hisobi hujjatlari qonunchilikda belgilangan talablarga muvofiq hisob-kitob-kliring palatasida saqlanishi kerak.
(25-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
26. Hisob-kitob-kliring operatsiyalari ustidan qimmatli qog‘ozlar bozorini tartibga solish bo‘yicha vakolatli davlat organi nazorat qiladi.
27. Hisob-kitob-kliring palatasi tomonidan o‘z majburiyatlari bajarilishini ta’minlash bo‘yicha ichki nazorat tartibi Hisob-kitob-kliring palatasi qoidalarida belgilanadi.
Oldingi tahrirga qarang.
(28-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
Oldingi tahrirga qarang.
(2-ilova nomi O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
Oldingi tahrirga qarang.
1. Ushbu Nizom “Qimmatli qog‘ozlar bozori to‘g‘risida”gi O‘zbekiston Respublikasi Qonuniga muvofiq ishlab chiqilgan va O‘zbekiston Respublikasi depozitar tizimida deponentlarning yagona bazasiga talablarni belgilaydi. Bunda depozitar tizimi deganda O‘zbekiston Respublikasi hududida qimmatli qog‘ozlarni saqlash, ularga bo‘lgan huquqlarni hisobga olish va o‘tish tizimi tushuniladi.
(1-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
Oldingi tahrirga qarang.
investitsiya vositachilarining elektron hujjatlar aylanishi tizimini Qimmatli qog‘ozlar markaziy depozitariysi (keyingi o‘rinlarda Markaziy depozitariy deb yuritiladi) va qimmatli qog‘ozlar bozorining boshqa qatnashchilari bilan birxillashtirishni ta’minlashga yo‘naltirilgan.
(2-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
3. Markaziy depozitariy deponentlarni kodlashtirishni amalga oshiradi va ularning yagona bazasi shakllantirilishini ta’minlaydi.
4. Deponent kodi noyob kod hisoblanadi, u deponentning anketa ma’lumotlari asosida “Depo” hisob raqamini ochishda bir marta beriladi va o‘zgartirilmaydi.
Deponent anketasini to‘ldirish tartibi va undagi ma’lumotlar ro‘yxati qimmatli qog‘ozlar bozorini tartibga solish bo‘yicha vakolatli davlat organi tomonidan belgilanadi.
Oldingi tahrirga qarang.
(5-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
6. Yagona baza tizimida mavjud deponentlarni kodlashtirish qimmatli qog‘ozlar bozorini tartibga solish bo‘yicha vakolatli davlat organi bilan kelishilgan holda Markaziy depozitariy tomonidan belgilangan tartibda va muddatlarda amalga oshiriladi.
(6-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
Oldingi tahrirga qarang.
7. “Depo” hisob raqamini ochishda investitsiya vositachisi Markaziy depozitariy uchun deponentni deponent anketasi ma’lumotlari asosida yagona baza tizimida ro‘yxatga olishga elektron topshiriqnomani shakllantiradi.
(7-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
Oldingi tahrirga qarang.
8. Markaziy depozitariy topshiriqnoma asosida bir ish kuni mobaynida yagona baza tizimida deponentni ro‘yxatdan o‘tkazadi va unga kod beradi.
Deponent kodining tarkibi va uni shakllantirish tartibi qimmatli qog‘ozlar bozorini tartibga solish bo‘yicha vakolatli davlat organi bilan kelishilgan holda Markaziy depozitariy tomonidan belgilanadi.
(8-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
9. Deponentlarning yagona bazasi tizimida deponentni ro‘yxatdan o‘tkazishdan oldin Markaziy depozitariy deponentning ko‘rsatilgan rekvizitlar bilan yagona baza tizimida ro‘yxatdan o‘tkazilmaganligini tekshiradi.
Oldingi tahrirga qarang.
10. Markaziy investitsiya vositachisi yagona baza tizimida deponentni ro‘yxatdan o‘tkazishga investitsiya vositachisi topshiriqnomasining bajarilishi to‘g‘risidagi hisobotni belgilangan shakl bo‘yicha shakllantiradi. Deponent ro‘yxatdan muvaffaqiyatli o‘tkazilgan taqdirda hisobotda yagona baza tizimida unga berilgan deponent kodi ko‘rsatiladi. Aks holda Markaziy investitsiya vositachisi hisobotda topshiriqnomaning bajarilmaganligi sababini ko‘rsatadi.
(10-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
Oldingi tahrirga qarang.
11. Investitsiya vositachisi deponentni ro‘yxatdan o‘tkazish to‘g‘risidagi hisobot olingandan keyin kodni deponent anketasiga va depozitariyda foydalaniladigan “Depo” hisob raqami kartochkasiga kiritishi kerak.
(11-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
12. Deponent kodi deponent tomonidan o‘zining “Depo” hisob raqamlari yopilgandan keyin boshqa shaxsga berilishi mumkin emas.
Oldingi tahrirga qarang.
13. Deponent rekvizitlari o‘zgarganligi to‘g‘risidagi tasdiqlovchi hujjatlarni Markaziy depozitariyga va (yoki) investitsiya vositachisiga quyidagi hollarda taqdim etadi:
jismoniy shaxs uchun — uning familiyasi, ismi, otasining ismi, soliq to‘lovchining identifikatsiya tartib raqami, jismoniy shaxsning shaxsini tasdiqlovchi hujjatning tartib raqami va seriyasi, shuningdek uning bog‘lanish va bank rekvizitlari o‘zgargan taqdirda;
yuridik shaxslar uchun — uning nomi, soliq to‘lovchining identifikatsiya tartib raqami, davlat ro‘yxatidan o‘tkazilish tartib raqami va sanasi, shuningdek uning bog‘lanish va bank rekvizitlari o‘zgargan taqdirda.
Deponent rekvizitlari o‘zgarganda investitsiya vositachisi deponentning yangi anketasi ma’lumotlari asosida deponent rekvizitlarini o‘zgartirishga elektron topshiriqnoma tayyorlaydi va ularni deponentning o‘zgargan rekvizitlari olingan kundan e’tiboran ikki ish kuni mobaynida Markaziy depozitariyga jo‘natadi.
(13-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
14. Deponentlarning rekvizitlariga va depozitariy operatsiyalari tartibiga o‘zgartirishlar kiritish qimmatli qog‘ozlar bozorini tartibga solish bo‘yicha vakolatli organ tomonidan belgilanadi.
15. Jismoniy shaxsning deponent kodi deponentlarning yagona bazasida mazkur shaxsning vafot etganligini tasdiqlovchi hujjatlar asosida yopiladi.
16. Yuridik shaxsning deponent kodi yuridik shaxsning tugatilganligi va uning soliq organlarida hisobdan chiqarilganligi to‘g‘risidagi hujjat asosida yopiladi.
Oldingi tahrirga qarang.
17. Markaziy depozitariy yagona baza tizimida deponent kodini yopishga investitsiya vositachisining elektron topshiriqnomasi asosida deponent kodini “noaktiv” holatga o‘tkazadi. Deponentning mazkur kodi boshqa shaxsga berilishi mumkin emas. Deponentlarning yopilgan kodlari deponentlarning yagona bazasi arxivida saqlanadi.
(17-band O‘zbekiston Respublikasi Vazirlar Mahkamasining 2015-yil 23-sentabrdagi 274-sonli qarori tahririda — O‘R QHT, 2015-y., 39-son, 507-modda)
Oldingi tahrirga qarang.
18. Investitsiya vositachisi o‘z deponentlarining yagona baza tizimida to‘liq va o‘z vaqtida ro‘yxatdan o‘tkazilishi hamda depozitariy operatsiyalarini o‘tkazishda deponentlar kodlaridan zarur darajada foydalanilishi uchun qonunchilikda belgilangan tartibda javob beradi.
(18-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
19. Markaziy depozitariy deponentlarning yagona bazasida ma’lumotlarning shakllantirilishi va ularning to‘liqligi uchun qonunchilikda belgilangan tartibda javob beradi
(19-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)